ಕತಾರ್‌: ಮೊರಾಕ್ಕೊ ತಂಡದ ವಿರುದ್ಧ ಹಾಲಿ ಚಾಂಪಿಯನ್ ಫ್ರಾನ್ಸ್ ತಂಡ 2-0 ಗೋಲುಗಳಿಂದ ಜಯಭೇರಿ ಬಾರಿಸುವ ಮೂಲಕ ಫಿಫಾ ವಿಶ್ವಕಪ್ ಫುಟ್ಬಾಲ್ ಟೂರ್ನಿ ಯಲ್ಲಿ ಫೈನಲ್ ಪ್ರವೇಶಿಸಿದೆ.
ಅಲ್ ಬೈಯತ್ ಮೈದಾನದಲ್ಲಿ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಫ್ರಾನ್ಸ್ ಪರ ಥಿಯೊ ಹೆರ್ನಾಂಡೀಸ್ (5ನೇ ನಿಮಿಷ) ಮತ್ತು ಬದಲಿ ಆಟಗಾರ ರಂಡಲ್ ಕೊಲೊ ಮೌನಿ (79ನೇ ನಿಮಿಷ) ತಲಾ ಒಂದು ಗೋಲು ಸಿಡಿಸಿದರು.
ಪಂದ್ಯದ ಆರಂಭದಲ್ಲೇ ಫ್ರಾನ್ಸ್ ಗೋಲು ಬಾರಿಸಿ ಕೊನೆಯವರೆಗೂ ಮುನ್ನಡೆ ಕಾಪಾಡಿ ಕೊಳ್ಳುವಲ್ಲಿ ಯಶಸ್ವಿಯಾದರೂ ಮೊರಾ ಕ್ಕೊ ಆಟಗಾರರು ಎರಡನೇ ಅವಧಿಯಲ್ಲಿ ಸತತ ದಾಳಿ ನಡೆಸಿ ಫ್ರಾನ್ಸ್ ತಂಡವನ್ನು ಕೊನೆಯವರೂ ಒತ್ತಡದಲ್ಲಿ ಇರುವಂತೆ ಮಾಡಿತು.
ಪಂದ್ಯದ ಕೊನೆಯ ಹಂತದಲ್ಲಿ ಬದಲಿ ಆಟಗಾರನಾಗಿ ಕಣಕ್ಕಿಳಿದ ರಂಡಲ್ ಕೊಲೊ ಮೌನಿ 2ನೇ ಗೋಲು ಬಾರಿಸಿ ತಂಡದ ಗೆಲುವನ್ನು ಖಚಿತಪಡಿಸಿದರು. ಫ್ರಾನ್ಸ್ ಫೈನಲ್ ನಲ್ಲಿ ಲಿಯೊನೆಲ್ ಮೆಸ್ಸಿ ನೇತೃತ್ವದ ಅರ್ಜೆಂಟೀನಾ ತಂಡವನ್ನು ಎದುರಿಸಲಿದೆ.
