ಮಧ್ಯರಾತ್ರಿಯಿಂದ ಬೆಳಗಿನವರೆಗೂ ಡ್ರಗ್ಸ್ ಮಾರಾಟ: ಯುವತಿ ಬಂಧನ

ಬ್ಲೆಸ್ಸಿ ವಾಸವಿರುವ ಬಾಡಿಗೆ ಫ್ಲ್ಯಾಟ್​ನಲ್ಲಿ 2.5 ಗ್ರಾಂ ಎಂಡಿಎಂಎ ಡ್ರಗ್ಸ್​ ಅನ್ನು ವಶಪಡಿಸಿಕೊಳ್ಳಲಾಗಿದೆ. ಬ್ಲೆಸ್ಸಿ ಓರ್ವ ಮೀನು ಗಾರನ ಮಗಳು. ವಾಯುಯಾನ ಕೋರ್ಸ್​ ಮಾಡಲೆಂದು ಕೊಚ್ಚಿಗೆ ಬಂದ ಬ್ಲೆಸ್ಸಿ, ತರಗತಿಗೆ ಹೋಗದೆ ಸ್ಪಾನಲ್ಲಿ ಕೆಲಸಕ್ಕೆ ಸೇರಿಕೊಂಡಳು. ಕೆಲಸ ಕಳೆದುಕೊಂಡಾಗ ಆಕೆ ಡ್ರಗ್ಸ್​ ವ್ಯವಹಾರಕ್ಕೆ ಇಳಿದಳು.ಇನ್ನಷ್ಟು ಮಂದಿ ಈ ಅವ್ಯವಹಾರದಲ್ಲಿ ಭಾಗಿಯಾಗಿರುವ ಶಂಕೆ ವ್ಯಕ್ತವಾಗಿದೆ.

ಪ್ರತಿದಿನ ತಡರಾತ್ರಿ 2.30ಕ್ಕೆ ಡ್ರಗ್ಸ್​ ವ್ಯವಹಾರ ಶುರು ಮಾಡಿ ಬೆಳಗ್ಗೆ 7 ಗಂಟೆಗೆ ಮುಗಿಸುತ್ತಿದ್ದಳು. ಕನಿಷ್ಠ 7 ಸ್ಥಳಗಳಿಗೆ ಪ್ರತಿದಿನ ಡ್ರಗ್ಸ್​ ಪೂರೈಸುತ್ತಿದ್ದಳು. ದಿನಕ್ಕೆ 7 ಸಾವಿರ ರೂ. ಸಂಪಾದನೆ ಮಾಡುತ್ತಿದ್ದಳು.

ಕಲೂರಿನಲ್ಲಿ ಎಂಡಿಎಂಎ ಸಮೇತ ಸಿಕ್ಕಿಬಿದ್ದ ಯುವಕನಿಂದ ದೊರೆತ ಮಾಹಿತಿ ಆಧಾರದ ಮೇಲೆ ತನಿಖೆ ನಡೆಸಿದಾಗ ಬ್ಲೆಸ್ಸಿ ಸಿಕ್ಕಿಬಿದ್ದಿದ್ದಾಳೆ. ಪೊಲೀಸರಿಗೆ ಸಿಕ್ಕಿಬೀಳಬಾರದೆಂಬ ಕಾರಣಕ್ಕೆ ಹೆಚ್ಚಾಗಿ ಸಿಮ್​ ಬಳಸದೇ ಹಾಟ್​ಸ್ಪಾಟ್​ ಮೂಲಕ ನೆಟ್​ ಬಳಸುತ್ತಿದ್ದಳು.