ಬೆಂಗಳೂರು: ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ ತನ್ನ 3ನೇ ತ್ರೈಮಾಸಿಕ ಫಲಿತಾಂಶವನ್ನು ಪ್ರಕಟಿಸಿದ್ದು, 293 ಕೋಟಿ ರೂ. ನಿವ್ವಳ ಲಾಭ ಪಡೆದುಕೊಳ್ಳುವ ಮೂಲಕ ಶೇ.33 ರಷ್ಟು ಲಾಭ ಗಳಿಸಿದೆ.
ಕಳೆದ ತ್ರೈಮಾಸಿಕ ಫಲಿತಾಂಶಕ್ಕೆ ಹೋಲಿಸಿದರೆ ಈ ಬಾರಿ ಶೇ.5ರಷ್ಟು ಲಾಭಗಳಿಸಲಾಗಿದೆ. ಪ್ರತಿ ತ್ರೈಮಾಸಿಕ ಫಲಿತಾಂಶದಲ್ಲಿ ಶೇ.5ರಷ್ಟು ಲಾಭಧತ್ತ ಉಜ್ಜೀವನ್ ಸಾಗಿದೆ ಎಂದು ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್‌ನ ಎಂಡಿ ಇಟ್ಟಿರ ಡೇವಿಸ್ ತಿಳಿಸಿದ್ದಾರೆ.
ಪ್ರಸ್ತುತ ನಿವ್ವಳ ಸಾಲದ ಮೊತ್ತ 21, 895 ಕೋಟಿ ರೂಗೆ ತಲುಪಿದ್ದು, ಈ 9 ತಿಂಗಳ ಅವಧಿಯಲ್ಲಿ ಶೇ.33 ರಷ್ಟು ಲಾಭ ಗಳಿಸ ಲಾಗಿದೆ. ಅಷ್ಟೇ ಅಲ್ಲದೆ, ವಿತರಣೆ ಸಾಲ 4 ಸಾವಿರ ಕೋಟಿ ರೂ.ಗೆ ತಲುಪಿದೆ.
ಈ ತ್ರೈಮಾಸಿಕದಲ್ಲಿ ಒಟ್ಟು 8 ಹೊಸದಾಗಿ ಸೇರ್ಪಡೆ ಮಾಡಲಾಗಿದೆ. ಇದಷ್ಟೇ ಅಲ್ಲದೆ, ತೆಲಂಗಾಣ ರಾಜ್ಯದಲ್ಲಿಯೂ ಹೊಸ ಶಾಖೆಯನ್ನು ತೆರೆಯಲಾಗಿದೆ. 2024ರೊಳಗಾಗಿ 50 ರಿಂದ 70 ಹೊಸ ಶಾಖೆ ತೆರೆಯುವ ಉದ್ದೇಶ ಹೊಂದಲಾಗಿದೆ ಎಂದರು.
ಇನ್ನು, ದೇಶ ಡಿಜಿಟಲೈಸ್ ಆಗುತ್ತಿರುವ ಹಿನ್ನೆಲೆಯಲ್ಲಿ ಮುಂದಿನ ದಿನಗಳಲ್ಲಿ ನಮ್ಮ ಪೈನಾನ್ಸ್ನನ್ನೂ ಡಿಜಲಟೀಕರಣ ಮಾಡುವ ಗುರಿ ಹೊಂದಿದ್ದು, ಹಂತ ಹಂತವಾಗಿ ಮಾಡಲಾಗುವುದು. ಈಗಾಗಲೇ “ಹೆಲೋ ಉಜ್ಜೀವನ್” ಎಂಬ ಅಪ್ಲಿಕೇಷನ್‌ನನ್ನು ಹೊರತರಲಾಗಿದ್ದು, ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ನಮ್ಮ ಎಲ್ಲಾ ಗ್ರಾಹಕರನ್ನು ಈ ಅಪ್ಲಿಕೇಷನ್ ಅಡಿಯಲ್ಲಿಯೂ ತರಲಾಗುವುದು. ಪ್ರಸ್ತುತ ಉಜ್ಜೀವನ್ ಸ್ಮಾಲ್ ಫೈನಾನ್ಸ್ ಬ್ಯಾಂಕ್ 73 ಲಕ್ಷ ಗ್ರಾಹಕರನ್ನು ಹೊಂದಿದೆ ಎಂದು ವಿವರಿಸಿದರು.
ಇನ್ನು, ಕಾರ್ಯಾಚರಣೆ ವೆಚ್ಚಗಳು ಸರಾಸರಿ ಸಂಪತ್ತುಗಳ ಶೇ.6.2ರಷ್ಟಿದೆ, ವೆಚ್ಚದಿಂದ ಆದಾಯದ ಅನುಪಾತ 2023ರ 3ನೇ ತ್ರೈಮಾಸಿಕದಲ್ಲಿ ಶೇ.53.5 ಇದ್ದು 2022ರ ಹಣಕಾಸು ವರ್ಷದ 3ನೇ ತ್ರೈಮಾಸಿಕದಲ್ಲಿ ಶೇ.72ರಷ್ಟಿತ್ತು.
ಪಿಪಿಒಪಿ 389 ಕೋಟಿ ಇದ್ದು, 2022ರ ಹಣಕಾಸು ವರ್ಷದ 3ನೇ ತ್ರೈಮಾಸಿಕದಲ್ಲಿ 154 ಕೋಟಿ ಇತ್ತು, ಪಿಎಟಿ 293 ಕೋಟಿ ಇದ್ದು ವರ್ಷದಿಂದ ವರ್ಷಕ್ಕೆ ₹(34) ಕೋಟಿ ಇದೆ. ಬಂಡವಾಳ ಸಮರ್ಪಕತೆ ಅನುಪಾತ ಶೇ.26.02 ಇದ್ದು ಟೈಯರ್-1 ಬಂಡವಾಳ ಶೇ.22.84; ಪ್ರಾವಿಷನಲ್ ಎಲ್‌ಸಿಆರ್ ಡಿಸೆಂಬರ್ 2022ರಲ್ಲಿ ಶೇ.198ರಷ್ಟಿದೆ.
