ವಿನಾಯಕರಾಮ್ ಕಲಗಾರು
ಮಾತುಗಾರ, ಮೋಡಿಗಾರ, ಸೊಗಸುಗಾರ ಈ ಒಳ್ಳೆ ಹುಡುಗ !
ಬಿಗ್ ಬಾಸ್ ಅನ್ನುವ ರಿಯಾಲಿಟಿ ಶೋ ಮೂಲಕ ಕನ್ನಡಿಗರಿಗೆ ಪರಿಚಯ ವಾದ ಮಾತಿನ ಮಲ್ಲ, ಮೋಡಿಗಾರ, ಸೊಗಸುಗಾರನ ಹೆಸರು-ಪ್ರಥಮ. ಒಳ್ಳೇ ಹುಡುಗ ಪ್ರಥಮ, ಬಿಗ್ ಬಾಸ್ ಪ್ರಥಮ, ನಟ ಭಯಂಕರ ಪ್ರಥಮ, ಹೀಗೆ ನಾನಾ ನಾಮದೇಯದ ಮೂಲಕ ಹೆಸರು ಮಾಡುವ ಪ್ರಥಮ್‌ಗೆ ಮಾತೇ ಬಂಡವಾಳ. ಮಾತೇ ಜೀವಾಳ. ಮಾತೇ ಅಂತರಾಳ. ಮಾತೇ ಮನದಾಳ. ಪ್ರಥಮ್ ಅಭಿನಯದ ನಟ ಭಯಂಕರ ಚಿತ್ರದ ಅಭಿನಯ ಮತ್ತು ಯಶಸ್ವೀ ನಿರ್ದೇಶನಕ್ಕೆ ಈ ಬಾರಿಯ ವಿಶ್ವವಾಣಿ ಗ್ಲೋಬಲ್ ಅಚೀವರ್ಸ್ ಅವಾರ್ಡ್ ದೊರೆತಿದೆ.
‘ಮೈ ಲಾರ್ಡ್ ನಾನಿದನ್ನು ಖಂಡಿಸ್ತೀನಿ, ಖಂಡಿಸ್ತೀನಿ, ಖಂಡಿಸ್ತೀನಿ!’ ಒಂದು ಕಾಲದಲ್ಲಿ ಪ್ರಥಮ್‌ನ ಈ ಡೈಲಾಗು ಕೇಳಿ ಹೆಚ್ಚಿನ ವರು ಲಾಗಾ ಹೊಡೆದು ನಗುತ್ತಿದ್ದರು. ಈ ಪುಣ್ಯಾತ್ಮ ಅದು ಹೇಗೆ ಇಷ್ಟೆ ಮಾತನಾಡ್ತಾನಪ್ಪಾ ಅಂತ ಮೂಗಿನ ಮೇಲೆ ಬೆರಳಿಟ್ಟು ಅಚ್ಚರಿ ಪಡುತ್ತಿದ್ದರು. ನಿನ್ನೆವರೆಗೂ ಎಲ್ಲಿದ್ನಪ್ಪಾ ಈ ಮಾತಿನ ಮಾಂತ್ರಿಕ ಎಂದು ನಿಬ್ಬೆರಗಾಗುತ್ತಿದ್ದರು.
ಪ್ರಥಮ್ ಬಿಗ್ ಬಾಸ್ ಕಾರ್ಯಕ್ರಮದಲ್ಲಿ ಎಂಟ್ರಿ ಕೊಟ್ಟಿದ್ದು ಒಂದು ಕಡೆಯಾದರೆ, ಆ ಶೋವನ್ನು ಬರೀ ಮಾತಿನ ಛಾತಿ ಯಿಂದಲೇ ಗೆದ್ದಿದ್ದು ಇನ್ನೊಂದು ಅಚ್ಚರಿ ಪಡುವ ಸಂಗತಿ. ಬಿಗ್ ಬಾಸ್ ಅಷ್ಟು ಸುಲಭಕ್ಕೆ ಯಾರನ್ನೂ ಗೆಲುವಿನ ದಾರಿಯೆಡೆಗೆ ಕಳಿಸಿಕೊಡುವುದೇ ಇಲ್ಲ. ಅಂಥದ್ದರಲ್ಲಿ ಪ್ರಥಮ್ ಎನ್ನುವ ಟಾಕಿಂಗ್ ಟ್ಯಾಲೆಂಟ್ ಆ ಶೋವನ್ನು ಗೆದ್ದೇ ಬಿಡುತ್ತಾರೆ. ಮಾತಿನ ಮೂಲಕವೇ ಮನೆ ಮಾತಾಗುತ್ತಾರೆ. ಮಾತಿನ ಮೂಲಕವೇ ಮನೆಮನಗಳ ಓಟ್ ಪಡೆದು ಬಿಗ್ ಬಾಸ್ ವಿನ್ನರ್ ಎನಿಸಿಕೊಳ್ಳು
ತ್ತಾರೆ!
ಸ್ಟಾರ್‌ಗಳಿಗೆ ಪ್ರಥಮ್ ಕುಚ್ಚಿಕೂ!
ರಾಜಕೀಯ ನಾಯಕರಾದ ಸಿದ್ದರಾಮಯ್ಯ, ಯಡಿಯೂರಪ್ಪ, ಶೋಭಾ ಕರಂದ್ಲಾಜೆ, ಈಶ್ವರಪ್ಪ ಸೇರಿದಂತೇ ಹೆಚ್ಚಿನ ನಾಯಕ ರಿಗೆ ಪ್ರಥಮ್ ಫೇವರೇಟ್. ಒಂದು ಸಿನೆಮಾ ಪೋಸ್ಟರ್ ಅನ್ನು ಅಮಿತ್ ಶಾ ಕೈಯಲ್ಲಿ ಬಿಡುಗಡೆ ಮಾಡಿಸಿದ ಕೀರ್ತಿ ಪ್ರಥಮ್ ಅವರಿಗೆ ಸಲ್ಲುತ್ತದೆ. ಇನ್ನು ಸಿನೆಮಾ ಕಲಾವಿದರಾದ ಶಿವರಾಜ್ ಕುಮಾರ್, ದರ್ಶನ್, ಧ್ರುವಾ ಸರ್ಜಾ, ಉಪೇಂದ್ರ, ಅಶ್ವಿನಿ ಪುನೀತ್ ರಾಜ ಕುಮಾರ್ ಸೇರಿದಂತೆ ಸೇರಿದಂತೆ ಹೆಚ್ಚಿನ ನಟ ನಟಿಯರಿಗೆ ಪ್ರಥಮ್ ಎಂದರೆ ವಿಶೇಷ ಒಲವು. ಪ್ರಥಮ್ ಕೂಡ ಎಲ್ಲರ ಜತೆಗೂ ನಿಕಟ ಸಂಪರ್ಕ ಹೊಂದಿ ದ್ದಾರೆ.
ಕೈಯಲ್ಲಿ ಸಾಲುಸಾಲು ಚಿತ್ರಗಳಿವೆ!
ಫಸ್ಟ್ ನೈಟ್ ವಿತ್ ದೆವ್ವ, ಕರ್ನಾಟಕದ ಅಳಿಯ, ತೊಂಬತ್ತೊಂಬತ್ತು ಲಕ್ಷಕ್ಕೊಬ್ಬ ಸೇರಿದಂತೇ ಸಾಕಷ್ಟು ಚಿತ್ರಗಳು ಪ್ರಥಮ್ ಕೈಯಲ್ಲಿವೆ. ಸದ್ಯದ ಕೊಕೇನ್ ಎನ್ನುವ ಸಿನೆಮಾ ಸೆಟ್ಟೇರಲಿದ್ದು, ಆ ಚಿತ್ರದಲ್ಲಿ ಸಹ ಪೂರ್ಣ ಪ್ರಮಾಣದ ನಾಯಕನಾಗಿ ನಟಿಸು ತ್ತಿದ್ದಾರೆ.
ಖಾಸಗಿ ಸುದ್ದಿವಾಹಿನಿಯೊಂದಕ್ಕೆ ಪ್ರಥಮ್ ನಿರೂಪಕರಾಗಿಯೂ ಕೆಲಸ ಮಾಡುತ್ತಿದ್ದು, ರಾಜಕೀಯ ಸಂಬಂಧಿ ಜನಾಭಿಪ್ರಾಯ 
ಪಡೆಯುವ ಕಾರ್ಯಕ್ರಮವನ್ನು ನಡೆಸಿಕೊಡುತ್ತಿದ್ದಾರೆ. ಈ ಎಲ್ಲದರ ನಡುವೆ ಒಂದಷ್ಟು ಸಭೆ-ಸಮಾರಂಭ ಗಳಲ್ಲಿ ಭಾಗಿ, ಅಲ್ಲಿ ಬರುವ ಒಂದಷ್ಟು ಮೊತ್ತ ದಲ್ಲಿ ಒಂದಷ್ಟು ಬಡ ಕುಟುಂಬಗಳಿಗೆ ಧನಸಹಾಯ ಸೇರಿದಂತೇ ಪ್ರಥಮ್ ಯಾವಾಗಲೂ ಬ್ಯುಸಿ ಇರುತ್ತಾರೆ. ಒಂದ ಒಂದು ವೇದಿಕೆಗಳಲ್ಲಿ ಮಾತಿನ ಚಟಾಕಿ ಹಾರಿಸುತ್ತಲೇ ಇರುತ್ತಾರೆ. ಚಪ್ಪಾಳೆ ಗಿಟ್ಟಿಸಿಕೊಳ್ಳುತ್ತಲೇ ಇರುತ್ತಾರೆ!
ಕೊಳ್ಳೆಗಾಲದ ಹಲಗಪುರ ಮೂಲದವರಾದ ಪ್ರಥಮ, ಚಿಕ್ಕವಯಸ್ಸಿನಿಂದಲೂ ಆಶುಕವಿತೆಗಳನ್ನು ಬರೆದು ಹೆಸರು ಮಾಡಿದ್ದರು, ಬಹುಮಾನ ಪಡೆದಿದ್ದರು. ಬೆಳೆಯುವ ಸಿರಿ ಮೊಳಕೆಯಲ್ಲಿ ಎನ್ನುವಂತೇ ಇಡೀ ಊರಿಗೆ ಪ್ರಥಮ್ ಮಾತೆಂದರೆ ಇಷ್ಟವಾಗುತ್ತಿತ್ತು. ಮೈಸೂರಿನ ಟಿ ನರಸೀಪುರದಲ್ಲಿ ಹೈಸ್ಕೂಲ್ ಮತ್ತು ಕಾಲೇಜು ವಿದ್ಯಾಭ್ಯಾಸ ಮುಗಿಸಿರುವ ಪ್ರಥಮ್ ಸಿನೆಮಾ ನಿರ್ದೇಶನ
ಮಾಡಬೇಕು ಎನ್ನುವ ಮಹದಾಸೆಯನ್ನು ವಿದ್ಯಾರ್ಥಿ ದಿಸೆಯ ಹೊಂದಿದ್ದರು!
ಪ್ರಥಮ್ ಅಭಿನಯದ ನಟ ಭಯಂಕರ ಚಿತ್ರದ ಅಭಿನಯ ಮತ್ತು ಯಶಸ್ವೀ ನಿರ್ದೇಶನಕ್ಕೆ ಈ ಬಾರಿಯ ವಿಶ್ವವಾಣಿ ಗ್ಲೋಬಲ್ ಅಚೀವರ್ಸ್ ಅವಾರ್ಡ್ ದೊರೆತಿದೆ. ದೂರದ ಇಂಡೋನೇಷ್ಯಾದ ಬಾಲಿಯಲ್ಲಿ ನಡೆದ ಮಹಾ ಸಮಾರಂಭದಲ್ಲಿ ಪ್ರಥಮ್ ಅವರಿಗೆ ಈ ವಿಶೇಷ ಪುರಸ್ಕಾರ ನೀಡಿ ಗೌರವಿಸಲಾಯಿತು!
ನಟ ಭಯಂಕರನಾಗಿ ಮಿಂಚಿನ ಓಟ!
ಪ್ರಥಮ್ ಎಂಎಲಎ, ದೇವ್ರಂಥ ಮನುಷ್ಯ ಸೇರಿದಂತೇ ಒಂದಷ್ಟು ಚಿತ್ರ ಗಳಲ್ಲಿ ನಟನೆ ಮಾಡಿದ್ದರೂ ನಿರ್ದೇಶನದ ಜತೆಗೆ ನಟನೆ
ಅಂತ ಹೈಲೈಟ್ ಆಗಿದ್ದು ನಟ ಭಯಂಕರ ಚಿತ್ರದ ಮೂಲಕ. ಆ ಚಿತ್ರದ ಪ್ರೊಮೋಷನ್‌ಗೆ ಇಡೀ ಚಿತ್ರರಂಗ ನಿಲ್ಲುತ್ತದೆ. ದೊಡ್ಡ ದೊಡ್ಡ ಕಲಾವಿದರು ನಿಂತು ಪ್ರೊಮೋ ಷನ್ ಮಾಡಿಕೊಡುತ್ತಾರೆ. ಅವೆಲ್ಲದಕ್ಕೂ ಕಾರಣ ಪ್ರಥಮ್ ವಾಕ್ಚಾತುರ್ಯ. ಆ ಸಿನೆಮಾ ಬಿಡುಗಡೆ ನಂತರವೂ ಒಂದಷ್ಟು ಸದ್ದು ಮಾಡು ತ್ತದೆ. ಸುದ್ದಿಯಾಗುತ್ತದೆ. ಪ್ರಥಮ್ ನಿರ್ದೇಶನಕ್ಕೆ ಒಳ್ಳೇ ವಿಮರ್ಶೆಗಳು ಕೇಳಿ ಬರುತ್ತದೆ. ಪ್ರೇಕ್ಷಕರೂ ನಟ ಭಯಂಕರ ಚಿತ್ರವನ್ನು ಒಮ್ಮೆ ನೋಡಬ ಹುದು, ಎಂಜಾಯ್ ಮಾಡಬಹುದು ಎಂದು ಪ್ರಥಮ್ ಕಾರ್ಯವೈಖರಿಗೆ ಫುಲ್ ಮಾರ್ಕ್ಸ್ ಕೊಡುತ್ತಾರೆ !
ಕೊಳ್ಳೇಗಾಲದ ಮಾತಿನ ಮಾಂತ್ರಿಕ!
ಪ್ರಥಮ್ ಮಾತಿನ ಶೈಲಿ ಎಷ್ಟರ ಮಟ್ಟಿಗೆ ಜನಪ್ರಿಯತೆ ಗಳಿಸಿದೆ ಎಂದರೆ ಹೆಚ್ಚಿನ ಎಲ್ಲೋ ರಿಯಾಲಿಟಿ ಶೋಗಳಲ್ಲೂ ಪ್ರಥಮ್ ಅವರನ್ನು ಕರೆಸಿಕೊಂಡು ಅವರಿಂದ ಒಂದಷ್ಟು ಮನರಂಜನೆಯನ್ನು ಹೊರತೆಗೆಯುತ್ತಾರೆ. ಟಾಕ್ ಶೋಗಳಿರಬಹುದು, ಸಂದರ್ಶನ ಆಧಾರಿತ ಕಾರ್ಯಕ್ರಮಗಳಿರಬಹುದು, ರಿಯಾಲಿಟಿ ಶೋಗಳಿರಬಹುದು, ಇಲ್ಲಿಯವರೆಗೆ ಪ್ರಥಮ್ ನೂರಕ್ಕೂ ಹೆಚ್ಚು ಕಾರ್ಯಕ್ರಮಗಳಿಗೆ ಗೆ ಆಗಿ ಹೋಗಿದ್ದಾರೆ. ಸ್ಟ್ಯಾಂಡಪ್ ಕಾಮಿಡಿ ಮಾಡುವ ಶೋಗಳಿಗೆ ತಮ್ಮ ಮಾತಿನ ಗಮ್ಮತ್ತು ತುಂಬಿ ಮತ್ತಷ್ಟು ಕಳೆ ತಂದಿದ್ದಾರೆ !
ವಿಶ್ವೇಶ್ವರ ಭಟ್ ಅವರ ಬರಹಗಳೆಂದರೆ ನನಗೆ ಮೊದಲಿನಿಂದಲೂ ಇಷ್ಟ. ವಿಶ್ವವಾಣಿ ಎನ್ನುವುದೇ ಒಂದು ಟಾಪ್ ಬ್ರಾಂಡ್. ಅಂತಹ ಪ್ರತಿಷ್ಟಿತ ಸಂಸ್ಥೆ ನನ್ನನ್ನು ವಿಶ್ವವಾಣಿ ಗ್ಲೋಬಲ್ ಅಚೀವರ್ಸ್ ಅವಾರ್ಡ್ ಆಯ್ಕೆ ಮಾಡಿದೆ ಎಂದಾಗಲೇ ನಾನು
ನಿಬ್ಬೆರಗಾದೆ. ನಟ ಭಯಂಕರ ಸಿನೆಮಾದ ನಟನೆ ಹಾಗೂ ನಿರ್ದೇಶನಕ್ಕೆ ಈ ಪ್ರಶಸ್ತಿ ಬಂದಿದೆ ಎಂದು ಗೊತ್ತಾದಾಗ ತುಂಬಾ ಎಕ್ಸೈಟ್ ಆದೆ. ಇದು ಖಂಡಿತ ನನ್ನ ಮುಂದಿನ ಸಾಧನೆಯ ಹಾದಿಗೆ ದೊಡ್ಡ ಮೈಲುಗಲ್ಲು. ಇಂಥದೊಂದು ಮೇರು ಪ್ರಶಸ್ತಿ ಪಡೆಯುತ್ತಿರುವುದು ಕನ್ನಡಿಗನಾಗಿ, ಕನ್ನಡ ಸಿನೆಮಾದವನಾಗಿ ನಿಜಕ್ಕೂ ಹೆಮ್ಮೆ. ಮತ್ತೊಮ್ಮೆ ಇಡೀ ವಿಶ್ವವಾಣಿ ಬಳಗಕ್ಕೆ ಅನಂತಾನಂತ ಧನ್ಯವಾದ.
-ಪ್ರಥಮ (ನಟ ಭಯಂಕರ),
ನಟ, ನಿರ್ದೇಶಕ, ಬಿಗ್‌ಬಾಸ್ ವಿನ್ನರ್
