ಮುಂಬೈ: ಪ್ರಸಿದ್ಧ ನೃತ್ಯಗಾರ್ತಿ ಸಪ್ನಾ ಚೌಧರಿ(Sapna Choudhary) ಅವರ ಸ್ಟೇಜ್ ಡ್ಯಾನ್ಸ್ ವಿಡಿಯೊಗಳು ಆಗಾಗ ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗುತ್ತಿರುತ್ತವೆ. ಸಪ್ನಾ ಚೌಧರಿ ಅವರ ಅಭಿಮಾನಿಗಳು ದೇಶಗಳಲ್ಲಿ ಮಾತ್ರವಲ್ಲ ವಿದೇಶಗಳಲ್ಲಿಯೂ ಇದ್ದಾರೆ. ಇವರು ತಮ್ಮ ನೃತ್ಯದ ಮೂಲಕ ವಿದೇಶದಲ್ಲೂ ಪ್ರಸಿದ್ಧರಾಗಿದ್ದಾರೆ. ಸಪ್ನಾ ಚೌಧರಿ ಪರದೆಯ ಮೇಲೆ ಕಾಣಿಸಿಕೊಂಡಾಗಲೆಲ್ಲಾ, ಪಡ್ಡೆ ಹುಡುಗರು ಹುಚ್ಚೆದ್ದು ಕುಣಿಯುತ್ತಾರೆ. ಇವರ ಡ್ಯಾನ್ಸ್ ವಿಡಿಯೊವೊಂದು ಸೋಶಿಯಲ್ ಮೀಡಿಯಾದಲ್ಲಿ ಸಖತ್‌ ಸದ್ದು ಮಾಡುತ್ತಿದೆ.
ಸಪ್ನಾ ಚೌಧರಿ ಹರ್ಯಾನ್ವಿ ಇಂಡಸ್ಟ್ರಿಯಲ್ಲಿ ಸ್ಟೇಜ್ ಡ್ಯಾನ್ಸ್ ಶೋಗಳನ್ನು ಮಾಡಲು ಶುರುಮಾಡಿದ್ದರಂತೆ. ಇಂದು, ಸಪ್ನಾ ಚೌಧರಿ ಹೊರತುಪಡಿಸಿ ಹರ್ಯಾನ್ವಿ ಇಂಡಸ್ಟ್ರಿಯಲ್ಲಿ ಇತರ ಅನೇಕ ನೃತ್ಯಗಾರರು ಕೂಡ ಕಾಣಸಿಗುತ್ತಾರೆ. ಸಪ್ನಾ ಚೌಧರಿ ಸ್ಟೇಜ್ ಶೋಗಳಲ್ಲಿ ಕಡಿಮೆ ಕಾಣಿಸಿಕೊಂಡರೂ ಕೂಡ ಅವರ ಹಳೆಯ ಹಾಡುಗಳು ಪ್ರತಿದಿನ ಸೋಶಿಯಲ್ ಮಿಡಿಯಾದಲ್ಲಿ ಹರಿದಾಡುತ್ತದೆ ಮತ್ತು ಇದು ಸಿಕ್ಕಾಪಟ್ಟೆ ವೈರಲ್ ಆಗುತ್ತದೆ.
ಈ ನಡುವೆ , ಸಪ್ನಾ ಚೌಧರಿ ಅವರ ವಿಡಿಯೊಂದು ಯೂಟ್ಯೂಬ್‍ನಲ್ಲಿ ವೈರಲ್ ಆಗಿದೆ, ಇದರಲ್ಲಿ ಅವರು ಗಜ್ಬನ್ ಪಾನಿ ನೇ ಚಾಲಿ ಹಾಡಿಗೆ ನೃತ್ಯ ಮಾಡಿದ್ದಾರೆ. ಈ ವಿಡಿಯೊದಲ್ಲಿ, ಸಪ್ನಾ ಚೌಧರಿ ತಿಳಿ ಗುಲಾಬಿ ಬಣ್ಣದ ಸೂಟ್ ಸಲ್ವಾರ್ ಧರಿಸಿ ತಲೆಯ ಮೇಲೆ ದುಪಟ್ಟಾ ಇಟ್ಟುಕೊಂಡು ವೇದಿಕೆಯಲ್ಲಿ ಬಹಳ ಅದ್ಭುತವಾಗಿ ನೃತ್ಯ ಮಾಡಿದ್ದಾರೆ. ಅವರ ನೃತ್ಯವನ್ನು ನೋಡಿದ ಅಭಿಮಾನಿಗಳು ಸಖತ್‌ ಖುಷಿಯಾಗಿದ್ದಾರೆ.
ಈ ಸುದ್ದಿಯನ್ನೂ ಓದಿ: ರೈಲು ಶೌಚಾಲಯದಿಂದ ವಿಚಿತ್ರ ಶಬ್ದ; ಬಾಗಿಲು ಒಡೆದ ಅಧಿಕಾರಿಗಳಿಗೆ ಶಾಕ್‌!
ಸಪ್ನಾ ಚೌಧರಿ ಅವರ ಈ ನೃತ್ಯದ ವಿಡಿಯೊವನ್ನು ಮಾ ರೆಕಾರ್ಡ್ಸ್ ಇಂಡಿಯಾ ಎಂಬ ಯೂಟ್ಯೂಬ್ ಚಾನೆಲ್‍ನಲ್ಲಿ ಅಪ್ಲೋಡ್ ಮಾಡಲಾಗಿದೆ. ಈ ವಿಡಿಯೊ ಅಪ್ಲೋಡ್ ಆಗಿದಾಗಿನಿಂದ ಇದಕ್ಕೆ 39,569,013 ಕ್ಕೂ ಹೆಚ್ಚು ವ್ಯೂವ್ಸ್‌ ಬಂದಿದೆ. ಸಪ್ನಾ ಚೌಧರಿಯ ನೃತ್ಯವನ್ನು ಕಂಡು ಅವರ ಅಭಿಮಾನಿಗಳು ಹುಚ್ಚರಂತೆ ಕುಣಿಸಿದ್ದಾರೆ ಮತ್ತು ಅವರ ಹೆಸರನ್ನು ಕೂಗಿದ್ದಾರೆ. ಇದರಲ್ಲಿ ಸಪ್ನಾ ಚೌಧರಿ ತುಂಬಾ ಸ್ಟೈಲಿಶ್ ಆಗಿ ಕಾಣಿಸಿಕೊಂಡಿದ್ದಾರೆ.
