ನವದೆಹಲಿ: ಎರಡು ಬಾರಿ ಒಲಿಂಪಿಕ್ ಪದಕ ವಿಜೇತ , ಹಾಕಿ ಆಟಗಾರ ಕೇಶವ ದತ್ತ ಅವರು ಬುಧವಾರ ತಮ್ಮ ಸಂತೋಷ್‍ಪುರ್ ನಲ್ಲಿರುವ ನಿವಾಸದಲ್ಲಿ ವಿಧಿವಶರಾಗಿದ್ದಾರೆ.
ಕೇಶವ ದತ್ತ (95) ಅವರು ಪತ್ನಿ, ಇಬ್ಬರು ಮಕ್ಕಳು ಹಾಗೂ ಪುತ್ರಿ ವಿದೇಶದಲ್ಲಿ ನೆಲೆಸಿದ್ದು ಅವರ ಆಗಮನದ ನಂತರ ಅಂತಿಮ ವಿಧಿವಿಧಾನಗಳನ್ನು ನೆರವೇರಲಿದೆ.
1948ರಲ್ಲಿ ನಡೆದ ಒಲಿಂಪಿಕ್‍ನ ಫೈನಲ್ಸ್ ಪಂದ್ಯದಲ್ಲಿ ಬಲಿಷ್ಠ ಬ್ರಿಟನ್ ತಂಡದ ವಿರುದ್ಧ ಭಾರತ 4-0 ಅಂತರದಿಂದ ಗೆಲುವು ಸಾಧಿಸುವಲ್ಲಿ ಮಹತ್ತರ ಪಾತ್ರ ವಹಿಸಿದ್ದ ಕೇಶವ ದತ್ತ ಭಾರತ ಹಾಕಿ ತಂಡಕ್ಕೆ ಒಲಿಂಪಿಕ್ಸ್‍ನಲ್ಲಿ ಮೊದಲ ಪದಕ ಗೆಲ್ಲಲು ನೆರವಾಗಿದ್ದರು. 1952ರಲ್ಲಿ ನಡೆದ ಒಲಿಂಪಿಕ್ಸ್‍ನಲ್ಲಿ 5 ಬಾರಿ ಚಾಂಪಿಯನ್ಸ್ ಆಗಿದ್ದ ನೆದರ್‍ಲ್ಯಾಂಡ್ ವಿರುದ್ಧ 6-1 ಅಂತರದಿಂದ ಭಾರತ ಗೆಲುವು ಸಾಧಿಸಿದಾಗಲೂ ಕೇಶವದತ್ತ ತಂಡದಲ್ಲಿದ್ದರು.
ಕೇಶವದತ್ತ ಅವರ ನಿಧನಕ್ಕೆ ಟೆನ್ನಿಸ್ ಲೋಕದ ದಿಗ್ಗಜ ಲಿಯಾಂಡರ್ ಪೇಸ್‍ರ ತಂದೆ ಹಾಗೂ ಮಾಜಿ ಹಾಕಿ ಆಟಗಾರ ಡಾ.ವಿಸಿ ಪೇಸ್ ಸೇರಿದಂತೆ ಹಲವರು ಸಂತಾಪ ಸೂಚಿಸಿದ್ದಾರೆ. 2019ರಲ್ಲಿ ಕೇಶವದತ್ತಗೆ ಮೋಹೌನ್ ಬಗನ್ ರತ್ನ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
