ನವದೆಹಲಿ: ಭಾರತೀಯ ಕವಿ ಬಾಲಾಮಣಿ ಅಮ್ಮ ಅವರ 113ನೇ ಜನ್ಮದಿನವನ್ನು ಗೂಗಲ್ ವಿಶೇಷ ಡೂಡಲ್‌ನೊಂದಿಗೆ ಆಚರಿಸುತ್ತಿದೆ. ಡೂಡಲ್‌ನಲ್ಲಿ ಕವಿ ತನ್ನ ಸುತ್ತಲೂ ಪುಸ್ತಕಗಳಿರುವ ಕಾಗದದ ಮೇಲೆ ಕುಳಿತು ಬರೆಯುವುದನ್ನು ಚಿತ್ರದಲ್ಲಿ 
ಕಾಣಬಹುದು.
ಮಲಯಾಳಂ ಕಾವ್ಯದ ಅಜ್ಜಿ ಎಂದೇ ಖ್ಯಾತ, 20ಕ್ಕೂ ಹೆಚ್ಚು ಗದ್ಯ ಸಂಕಲನಗಳು, ಕವನಗಳು, ಅನುವಾದ ಸೇರಿದಂತೆ ಇತರೆ ಕೃತಿಗಳನ್ನು ಪ್ರಕಟಿಸಿದ್ದಾರೆ. ಸರಸ್ವತಿ ಸಮ್ಮಾನ್ ಮತ್ತು ಭಾರತದ ಎರಡನೇ ಅತ್ಯುನ್ನತ ನಾಗರಿಕ ಪ್ರಶಸ್ತಿಯಾದ ಪದ್ಮವಿಭೂ ಷಣ ಸೇರಿದಂತೆ ಅವರ ಸಾಹಿತ್ಯಿಕ ಕೆಲಸಕ್ಕಾಗಿ ಹಲವಾರು ಪ್ರಶಸ್ತಿಗಳನ್ನು ಪಡೆದಿದ್ದಾರೆ.
ಜುಲೈ 19 ರಂದು 1909 ರಲ್ಲಿ ಕೇರಳದ ಪುನ್ನಯುರ್ಕುಲಂನಲ್ಲಿರುವ ಅವರ ಪೂರ್ವಜರ ಮನೆಯಾದ ನಲಪಟ್‌ನಲ್ಲಿ ಜನಿಸಿ ದರು. ಯಾವುದೇ ತರಬೇತಿ ಅಥವಾ ಶಿಕ್ಷಣವನ್ನು ಪಡೆದಿಲ್ಲ ಎಂದು ಗೂಗಲ್ ಹೇಳಿದೆ.
19 ನೇ ವಯಸ್ಸಿನಲ್ಲಿ, ಬಾಲಾಮಣಿ ಅಮ್ಮ ಮಲಯಾಳಂನ ಪ್ರಸಿದ್ಧ ಪತ್ರಿಕೆ ಮಾತೃಭೂಮಿಯ ವ್ಯವಸ್ಥಾಪಕ ನಿರ್ದೇಶಕ ಮತ್ತು ವ್ಯವಸ್ಥಾಪಕ ಸಂಪಾದಕ ವಿ.ಎಂ.ನಾಯರ್ ಅವರನ್ನು ವಿವಾಹವಾದರು. 1930 ರಲ್ಲಿ, ಅವರು ತಮ್ಮ ಮೊದಲ ಕವನವನ್ನು ಕೂಪ್ಪುಕೈ ಎಂಬ ಶೀರ್ಷಿಕೆಯಲ್ಲಿ ಪ್ರಕಟಿಸಿದರು. ಅಮ್ಮಾ (1934), ಮುತ್ತಸ್ಸಿ (1962) ಮತ್ತು ಮಜುವಿಂದೆ ಕಥಾ (1966) ಅವರ ಅತ್ಯಂತ ಪ್ರಸಿದ್ಧ ಕೃತಿಗಳು.
ಕವಿ ಕಮಲಾ ದಾಸ್ ಅವರ ತಾಯಿಯೂ ಆಗಿದ್ದರು, ಅವರು 1984 ರಲ್ಲಿ ಸಾಹಿತ್ಯದಲ್ಲಿ ನೊಬೆಲ್ ಪ್ರಶಸ್ತಿಗೆ ನಾಮನಿರ್ದೇಶನ ಗೊಂಡರು. ಅಮ್ಮ 2004 ರಲ್ಲಿ ನಿಧನರಾದರು.
