ತಪೋಭೂಮಿಯಲ್ಲಿ ಹರಿಹರಪುರದಲ್ಲಿ ವರ್ಧಂತಿ ಮಹೋತ್ಸವ

ವಿದ್ಯಮಾನ

ನಂ.ಶ್ರೀಕಂಠ ಕುಮಾರ್‌

ಐತಿಹಾಸಿಕವಾಗಿ ದಕ್ಷಿಣ ಭಾರತವನ್ನು ಆಕ್ರಮಿಸುತ್ತಿದ್ದ ವಿಧರ್ಮೀಯ ದಾಳಿಕಾರರ ಹಾವಳಿಯನ್ನು ತಡೆಗಟ್ಟಲು ಕ್ರಿ.ಶ. 14ನೇ ಶತಮಾನದಲ್ಲಿ ಶೃಂಗೇರಿ ಜಗದ್ಗುರು ಪೀಠದ ಮಹಾಯೋಗಿ ಶ್ರೀವಿದ್ಯಾ ತೀರ್ಥರ ನಿರ್ದೇಶನದಂತೆ ಅವರ ನೇರ ಶಿಷ್ಯ ಯೋಗಿ ಶ್ರೇಷ್ಠ ಜಗದ್ಗುರು ಶ್ರೀಶ್ರೀವಿದ್ಯಾರಣ್ಯರ ಪ್ರಯತ್ನದಿಂದ ಸ್ಥಾಪಿತವಾದ ವಿಜಯನಗರ ಕರ್ನಾಟಕ ಸಾಮ್ರಾಜ್ಯದ ಮೊದಲ ಚಕ್ರವರ್ತಿ ಹರಿಹರ ರಾಯರು ತುಂಗಾ ನದಿ ತೀರದ ದಡದಲ್ಲಿದ್ದ ಕಪಾಲಂ ಎಂಬ ಸ್ಥಳದಲ್ಲಿ ಅಗ್ರಹಾರವನ್ನು ನಿರ್ಮಿಸಿ ತಮ್ಮ ಹೆಸರಿನಲ್ಲಿ ಹರಿಹರಪುರ ಎಂದು ಪುನರ್ ನಾಮಕರಣ ಮಾಡಿದರು. ನಂತರದ ಇಮ್ಮಡಿ ಹರಿಹರರಾಯರು ಶ್ರೀಮಠಕ್ಕೆ ಭೂಮಿಯನ್ನು ದತ್ತಿಯಾಗಿ ನೀಡಿದರೆಂಬುದು ದಾಖಲೆಯಲ್ಲಿದೆ.

ಭಾರತವು ಧರ್ಮಭೂಮಿ, ಪುಣ್ಯಭೂಮಿ, ಹಿಮಾಲಯದಿಂದ ಕನ್ಯಾಕುಮಾರಿ ವರೆಗೆ ಹರಡಿಕೊಂಡಿರುವ ಸಸ್ಯ ಶ್ಯಾಮಾಲೆಯಾದ ಈ ಭರತ ಭೂ ಖಂಡದಲ್ಲಿ ಪುರಾತನ ವೇದ – ಪುರಾಣ – ಇತಿಹಾಸಗಳ ಹಿನ್ನೆಲೆಯುಳ್ಳ ಪವಿತ್ರ ಕ್ಷೇತ್ರಗಳು, ಪುಣ್ಯ ನದಿಗಳು ಎಲ್ಲೂ ಕಾಣಸಿಗುತ್ತವೆ. ದಕ್ಷಿಣ ಭಾರತದ ಪಶ್ಚಿಮ ಘಟ್ಟಗಳ ಪ್ರದೇಶವು ಸಹ್ಯಾದ್ರಿ ಪರ್ವತ ಎಂಬುದಾಗಿ ಹಚ್ಚ ಹರಿಸಿರಿನ ನಿಸರ್ಗವು ರಮಣೀಯವಾಗಿ ಪ್ರಸಿದ್ಧಿಯನ್ನು ಪಡೆದಿದೆ.

ಐತಿಹಾಸಿಕವಾಗಿ ಮಹರ್ಷಿಗಳು, ರಾಜ ಮಹಾರಾಜರು ಮಠ ಮಂದಿರಗಳನ್ನು, ದೇವಾಲಯಗಳನ್ನು ಎಡೆ ಸ್ಥಾಪಿಸಿ ಪೋಷಿಸಿದರು. ಅಂತಹ ಕ್ಷೇತ್ರಗಳಲ್ಲಿ ಚಿಕ್ಕಮಗಳೂರು ಜಿಲ್ಲೆಯ ಮಲೆನಾಡಿನ ಮಡಿಲಲ್ಲಿರುವ ಸವಿ ನೀರಿನ ತುಂಗೆಯ ದಡದಲ್ಲಿರುವ ಹರಿಹರಪುರ ಕ್ಷೇತ್ರವೂ ಸಹ ಒಂದು. ಈ ಪವಿತ್ರ ಸ್ಥಳವು ಯಾಗ ಭೂಮಿ – ತಪೋ ಭೂಮಿ ಮತ್ತು ಜ್ಞಾನ ಭೂಮಿಯಾಗಿ ಪ್ರಖ್ಯಾತಿಯ ಜತೆಗೆ ಐತಿಹಾಸಿಕ ಪ್ರಸಿದ್ಧಿಯನ್ನು ಹೊಂದಿದೆ. ಶ್ರೀಮಠ ಮಾಹಿಮಾ ಸ್ತೋತ್ರ ಎಂಬ ಪುರಾತನ ತಾಳೇಗರಿ ಗ್ರಂಥದ ಆಧಾರ ಮತ್ತು ಸ್ಕಾಂದ ಪುರಾಣದ ಪ್ರಕಾರ ಈ ಸ್ಥಳದಲ್ಲಿ ಪರಶಿವನ ಮಾವನಾದ ದಕ್ಷ ಪ್ರಜಾಪತಿಯು ಮಹಾಯಾಗ
ವೊಂದನ್ನು ಮಾಡಿದನೆಂದು ಪ್ರತೀತಿ. ಈ  ಮಹಾಯಾಗದ ಕುಂಡದಲ್ಲಿ ಸಾಕ್ಷಾತ್ ಪರಶಿವನೇ ಅವಿರ್ಭವಿಸಿ ಅಲ್ಲಿ ಸೇರಿದ್ದ ಎಲ್ಲಾ ದೇವಾನು ದೇವತೆಗಳನ್ನು, ಮಾವನಾದ ದಕ್ಷ ಬ್ರಹ್ಮನನ್ನೂ ಅನುಗ್ರಹಿಸಿದನೆಂದು ತಿಳಿದು ಬರುತ್ತದೆ.

ಹರಿಹರಪುರದ ಕಾಡಿನ ನಡುವೆ ಇರುವ ಶಿಲಾಮಯ ದೇವಾಲಯವಿರುವ ಸ್ಥಳವೇ ಯಾಗ ಕುಂಡವಾಗಿದ್ದು, ಅಲ್ಲಿ ಲಿಂಗ ರೂಪದಲ್ಲಿರುವ ಶ್ರೀಸೋಮೇಶ್ವರ ದೇವರಿಗೆ ದಕ್ಷ ಹರ ಸೋಮೇಶ್ವರ ಎಂಬುದಾಗಿಯೇ ಈಗಲೂ ನಿತ್ಯಪೂಜೆ ಸಲ್ಲಿಸಲಾಗುತ್ತಿದೆ. ಹೀಗೆ ಪ್ರಸಿದ್ಧಿ ಪಡೆದ ಈ ಕ್ಷೇತ್ರದಲ್ಲಿ ಯಜ್ಞಯಾಗಗಳು ನಿರಂತರ ವಾಗಿ ನಡೆಯುತ್ತಾ ಬಂದಿದೆ. ಈ ಹಿನ್ನೆಲೆಯಲ್ಲಿ ಶ್ರೀಕ್ಷೇತ್ರವು ಯಾಗ ಭೂಮಿಯಾಗಿದೆ.

ಭಾರತೀಯ ಸನಾತನ ವೈದಿಕ ಪರಂಪರೆಯ ಮಹಾ ತಪಸ್ವಿಗಳಲ್ಲಿ ಮಹರ್ಷಿ ಅಗಸ್ತ್ಯ ಹೆಸರು ದಕ್ಷಿಣ ಭಾರತದಲ್ಲಿ ಸುಪ್ರಸಿದ್ಧವಾಗಿದೆ. ದಕ್ಷಿಣೋತ್ತರ ಭಾರತದ ನಡುವಿನ ವಿಂದ್ಯ ಪರ್ವತವು ವಿಪರೀತ ಎತ್ತರಕ್ಕೆ ಬೆಳೆಯುವುದನ್ನು ತಡೆಗಟ್ಟಲು ದೇವತೆಗಳು ಅಗಸ್ತ್ಯ ಮುನಿಯನ್ನು ಪ್ರಾರ್ಥಿಸಲಾಗಿ ಅವರು ಉತ್ತರದಿಂದ ದಕ್ಷಿಣಕ್ಕೆ ಹೊರಟು ತಮ್ಮ ತಪೋ ಮಹಿಮೆಯಿಂದ ವಿಂದ್ಯ ಪರ್ವತವು ತಲೆ ತಗ್ಗಿಸುವಂತೆ ಮಾಡಿ ವಿಧಿಯನ್ನು ವಿಧಿಸಿ ದಕ್ಷಿಣ ಭಾರತವನ್ನು ಪ್ರವೇಶಿಸಿ ಹಲವಾರು ಕಡೆ ತಪ್ಪಸ್ಸು ನಡೆಸುತ್ತಾ ತೀರ್ಥ ಕ್ಷೇತ್ರಗಳ ಮಹತ್ವಕ್ಕೆ ಕಾರಣರಾದರು.

ಹಾಗೆಯೇ ಹರಿಹರಪುರದ ಸಮೀಪದಲ್ಲಿರುವ ಯಾತ್ರ ಸ್ಥಳವಾದ ಶ್ರೀಕ್ಷೇತ್ರ ಹೊರನಾಡು, ಕಳಸ ಇವುಗಳು ಸಹ ಅಗಸ್ತ್ಯ ಮಹರ್ಷಿಯ ತಪೋ ಭೂಮಿಯಾಯಿತು. ಮುಂದೆ ಮಹರ್ಷಿ ಅಗಸ್ತ್ಯ ದಕ್ಷ ಕ್ಷೇತ್ರ ಹರಿಹರಪುರದ ಪರಿಸರ ಮತ್ತು ಪಾವಿತ್ರ್ಯದಿಂದ ಪ್ರಭಾವಿತರಾಗಿ ಕೆಲವು ಕಾಲ ತಪೋನಿರತರಾಗಿ ಇಲ್ಲಿ ಇದ್ದರು. ಆ ಸಂದರ್ಭ ದಲ್ಲಿ ತಮ್ಮ ಶಿಷ್ಯ ಗೋವಿಂದ ಯೋಗಿಗಳಿಗೆ ಶ್ರೀಲಕ್ಷ್ಮೀನೃಸಿಂಹ ಸಾಲಿಗ್ರಾಮದ ಮೂರ್ತಿಗಳನ್ನು ನೀಡಿ ಅನುಗ್ರಹಿಸಿ ಮುಂದೆ ತೆರಳಿದರು. ಇಂದಿಗೂ ಅಗಸ್ತ್ಯ ಕರಾರ್ಚಿತ ಸಾಲಿಗ್ರಾಮದ ಮೂರ್ತಿಗಳು ಶ್ರೀಮಠದಲ್ಲಿ ಆರಾಽಸಲ್ಪಡುತ್ತಿರುವುದು ವಿಶೇಷ.

ಶ್ರೀಕೃಷ್ಣ ಯೋಗೀಂದ್ರರ ನಂತರದ ಹಲವಾರು ಮಹರ್ಷಿಗಳ ತಪೋಭೂಮಿಯಾಗಿ ಮುಂದುವರಿಯುತ್ತಿದೆ. ಸುಮಾರು 12ನೇ ಶತಮಾನಗಳ ಹಿಂದೆ ಸನಾತನ
ವೈದಿಕ ಧರ್ಮವನ್ನು ಪುನರುಜ್ಜೀವನಗೊಳಿಸಿದ ಪರಶಿವನ ಅವತಾರವಾದ ಪರಮ ಪೂಜ್ಯ ಆಚಾರ್ಯ ಶಂಕರ ಭಗವತ್ಪಾದರು ದಕ್ಷಿಣ ಭಾರತದಲ್ಲಿ ಧರ್ಮ ಪ್ರಸಾರವಾಗಿ ವಿಜಯ ಯಾತ್ರೆಯನ್ನು ಮಾಡುತ್ತಾ ದಕ್ಷ ಕ್ಷೇತ್ರವಾದ ಹರಿಹರಪುರಕ್ಕೂ ಆಗಮಿಸಿ ತಪಸ್ಸುಗಳಲ್ಲಿ ನಿರತರಾಗಿದ್ದ ಶ್ರೀಕೃಷ್ಣ ಯೋಗಿಂದ್ರರಿಗೆ ಮಂತ್ರ
ದೀಕ್ಷೆಯನ್ನು ನೀಡಿ ಆಶೀರ್ವಾದಿಸಿ ಜ್ಞಾನಾದಿ ದೇವತೆ ಶ್ರೀಶಾರದೆಯನ್ನು ಶ್ರೀಚಕ್ರದ ಮೂಲಕ ಪ್ರತಿಷ್ಠಾಪಿಸಿದರು. ನಂತರ ಶೃಂಗೇರಿಯ ಪ್ರಥಮ ಪೀಠಾಧಿಪತಿ ಗಳಾದ ಜಗದ್ಗುರು ಶ್ರೀಸುರೇಶ್ವರಾ ಚಾರ್ಯರು ಶ್ರೀಕೃಷ್ಣ ಯೋಗೀಂದ್ರ ರಿಗೆ ಸನ್ಯಾಸ ದೀಕ್ಷೆಯನ್ನು ನೀಡಿ ಸ್ವಯಂ ಪ್ರಕಾಶ ಸರಸ್ವತಿಗಳೆಂಬ ಯೋಗಪಟ್ಟವನ್ನು ಅನುಗ್ರಹಿಸಿದರು. ಅಂದಿನಿಂದ ಶ್ರೀಕ್ಷೇತ್ರವು ಜ್ಞಾನ ಭೂಮಿಯೂ ಆಗಿ ಆಸ್ತಿಕರಿಗೆ ಮಾರ್ಗದರ್ಶನ ಮಾಡುತ್ತಿದೆ.

ಐತಿಹಾಸಿಕವಾಗಿ ದಕ್ಷಿಣ ಭಾರತವನ್ನು ಆಕ್ರಮಿಸುತ್ತಿದ್ದ ವಿಧರ್ಮೀಯ ದಾಳಿಕಾರರ ಹಾವಳಿ ಯನ್ನು ತಡೆಗಟ್ಟಲು ಕ್ರಿ.ಶ. 14ನೇ ಶತಮಾನದಲ್ಲಿ ಶೃಂಗೇರಿ ಜಗದ್ಗುರು ಪೀಠದ ಮಹಾಯೋಗಿ ಶ್ರೀವಿದ್ಯಾ ತೀರ್ಥರ ನಿರ್ದೇಶನದಂತೆ ಅವರ ನೇರ ಶಿಷ್ಯ ಯೋಗಿ ಶ್ರೇಷ್ಠ ಜಗದ್ಗುರು ಶ್ರೀಶ್ರೀವಿದ್ಯಾರಣ್ಯರ ಪ್ರಯತ್ನದಿಂದ ಸ್ಥಾಪಿತವಾದ ವಿಜಯನಗರ ಕರ್ನಾಟಕ ಸಾಮ್ರಾಜ್ಯದ ಮೊದಲ ಚಕ್ರವರ್ತಿ ಹರಿಹರ ರಾಯರು ತುಂಗಾ ನದಿ ತೀರದ ದಡದಲ್ಲಿದ್ದ ಕಪಾಲಂ ಎಂಬ ಸ್ಥಳದಲ್ಲಿ ಅಗ್ರಹಾರವನ್ನು ನಿರ್ಮಿಸಿ ತಮ್ಮ ಹೆಸರಿನಲ್ಲಿ ಹರಿಹರಪುರ ಎಂದು ಪುನರ್ ನಾಮಕರಣ ಮಾಡಿದರು.

ನಂತರದ ಇಮ್ಮಡಿ ಹರಿಹರರಾಯರು ಶ್ರೀಮಠಕ್ಕೆ ಭೂಮಿಯನ್ನು ದತ್ತಿಯಾಗಿ ನೀಡಿದರೆಂಬುದು ದಾಖಲೆಯಲ್ಲಿದೆ. ಅಂದಿನಿಂದ ಇದುವರೆವಿಗೆ ಕಾಲಕಾಲಕ್ಕೆ
ಶ್ರೀಮಠದ ಸುಮಾರು ೨೫ಯತಿಗಳು ಧರ್ಮ ಬೋಧನೆಯನ್ನು ಮಾಡುತ್ತಾ, ಆಸ್ತಿಕರಿಗೆ ಅನುಗ್ರಹಿಸುತ್ತಿದ್ದಾರೆ. 1999ರಲ್ಲಿ ಬ್ರಹ್ಮೆ ಕ್ಯರಾದ ಶ್ರೀಶ್ರೀಸ್ವಯಂ ಪ್ರಕಾಶ ಅಭಿನವ ರಾಮಾನಂದ ಸರಸ್ವತಿ ಮಹಾಸ್ವಾಮಿಗಳವರು ತಮ್ಮ ಉತ್ತರಾಧಿಕಾರಿಯನ್ನು ನೇಮಿಸದ ಕಾರಣ ಶ್ರೀಮಠದ ಭಕ್ತರೆಲ್ಲರೂ ಶೃಂಗೇರಿ ಜಗ್ಗದ್ಗುರು ಶ್ರೀಶ್ರೀ ಭಾರತೀ ತೀರ್ಥ ಮಹಾಸ್ವಾಮಿಗಳವರಲ್ಲಿ ಹರಿಹರಪುರದ ಶ್ರೀಮಠಕ್ಕೆ ಉತ್ತರಾಧಿಕಾರಿಯನ್ನು ನೇಮಿಸುವಂತೆ ಭಿನ್ನವಿಸಲಾಗಿ ಶೃಂಗೇರಿ
ಜಗದ್ಗುರುಗಳು ಶೃಂಗೇರಿ ಪೀಠದ ಅಧ್ಯಯನ ಮಾಡುತ್ತಿದ್ದ ನಾಗರಾಜ ಶರ್ಮಾ ಎಂಬ ಬ್ರಹ್ಮಚಾರಿಗೆ ಆಶೀರ್ವಾದ ಮಾಡಿ ಶ್ರೀಕ್ಷೇತ್ರ ಹರಿಹರ ಪುರದ ಶ್ರೀಮಠಕ್ಕೆ
ಉತ್ತರಾಧಿಕಾರಿಯಾಗಿ ಕಳುಹಿಸಿ ಕೊಟ್ಟರು.

ಶೃಂಗೇರಿ ಸಮೀಪದ ಉಳವೆ ಗ್ರಾಮದ ಸದ್ಗೃಹಸ್ಥ ದೈವಭಕ್ತರಾದ ಗೋಪಾಲರಾಯರು ಮತ್ತು ಜಯಲಕ್ಷ್ಮೀ ದಂಪತಿಗಳ ಎರಡನೇ ಸುಪುತ್ರರಾಗಿ ಜು.6, 1970ರಂದು ಜನಿಸಿದ ನಾಗರಾಜ ಶರ್ಮಾರವರು ಬಾಲ್ಯದ ಅಧ್ಯಾತ್ಮಿಕತೆಯಲ್ಲಿ ಒಲವನ್ನು ಬೆಳೆಸಿಕೊಂಡಿದ್ದರು. ನಂತರ ರಾಮಕೃಷ್ಣಾಶ್ರಮ ಹಾಗೂ
ಶೃಂಗೇರಿ ಶಾರದಾ ಪೀಠದಲ್ಲಿ ಜಗದ್ಗುರುಗಳ ಮಾರ್ಗದರ್ಶನದಲ್ಲಿ ನೈಷ್ಠಿಕ ಬ್ರಹ್ಮಚಾರ್ಯದಿಂದ ವೇದ, ಸಂಸ್ಕೃತ ಶಾಸ್ತ್ರಾಧ್ಯಯನವನ್ನು ಮಾಡಿದರು.
ಮೇ 27,2001ರಂದು ಇವರು 30ನೇ ವಯಸ್ಸಿನಲ್ಲಿ ಶೃಂಗೇರಿಯಲ್ಲಿ ಬ್ರಹ್ಮಚಿಂತನಾ ತತ್ಪರರಾಗಿದ್ದ ಹಿರಿಯ ವಯಸ್ಸಿನ ಪರಿವ್ರಾಜಕ ಶ್ರೀನಿತ್ಯನಂದ ಭಾರತೀ ಸ್ವಾಮಿಗಳವರಿಂದ ಸಂನ್ಯಾಸ ದೀಕ್ಷೆ ಮಹಾ ವಾಕ್ಯೋಪದೇಶ ಪಡೆದು, ಶ್ರೀಶ್ರೀ ಸಚ್ಚಿದಾನಂದ ಸರಸ್ವತೀ ಎಂಬ ಯೋಗ ಪಟ್ಟವನ್ನು ಪಡೆದರು.

ಇವರಿಗೆ ಶ್ರೀಮಠದ ಗುರುಪೀಠದಲ್ಲಿ ಪಟ್ಟಾಭಿಷೇಕವನ್ನು ಶೃಂಗೇರಿ ಜಗದ್ಗುರುಗಳಾದ ಶ್ರೀಭಾರತಿ ತೀರ್ಥ ಮಹಾಸ್ವಾಮಿಗಳು ನೆರವೇರಿಸಿ, ಆಶೀರ್ವಾದಿಸಿದರು.
ಇಂದಿನ ಕಾಲ ಸ್ಥಿತಿಗೆ ಅಗತ್ಯವಿರುವ ಪಾರಂಪರಂಗತ ಜ್ಞಾನ ಮತ್ತು ಆಧುನಿಕ ವಿಜ್ಞಾನ ಗಳನ್ನು ಯೋಗ್ಯವಾದ ಹದದಲ್ಲಿ ಸಮನ್ವಯಗೊಳಿಸಿ ಅದನ್ನು ಜನ ಸಾಮಾನ್ಯರಿಗೆ ಮನಗಾಣಿಸಿ ದೀನ ದಲಿತ, ದುರ್ಬಲರು ಸೇರಿದಂತೆ ಎಲ್ಲರಿಗೂ ಧಾರ್ಮಿಕ ಮತ್ತು ನೈತಿಕತೆಯನ್ನು ಬೋಧಿಸಿ ಸನ್ಮಾರ್ಗವನ್ನು ತೋರುತ್ತಿದ್ದಾರೆ.

ಶ್ರೀಗಳವರು ಪೀಠಾಽಪತಿಗಳಾದ ನಂತರ ಶ್ರೀಕ್ಷೇತ್ರದ ಅಭಿವೃದ್ಧಿಗೆ ಹೆಚ್ಚಿನ ಆದ್ಯತೆಯನ್ನು ನೀಡಿ, ಎಲ್ಲೆಡೆ ಪ್ರವಾಸವನ್ನು ಮಾಡಿ ಸನಾತನ ಹಿಂದೂ ಧರ್ಮದ ಪ್ರಸಾರವನ್ನು ಮಾಡುತ್ತಾ ಆಸ್ತಿಕರನ್ನು ಅನುಗ್ರಹಿಸುತ್ತಿರುವುದು ನಮ್ಮೆಲ್ಲರ ಪುಣ್ಯವೇ ಸರಿ. ವೇದ – ಸಂಸ್ಕೃತ ಪಾಠಶಾಲೆ ಸ್ಥಾಪನೆ, ಹಿಂದಿನ ಗುರುಗಳವರ ಅಽಷ್ಠಾನದ ಪುನರ್ ನಿರ್ಮಾಣ, ಭಕ್ತಾದಿಗಳ ಸೌಕರ್ಯಕ್ಕೆ ಸುಸಜ್ಜಿತ ವಸತಿ ಗೃಹ ನಿರ್ಮಾಣ, ಮುಷ್ಟಿ ಭಿಕ್ಷಾ ಯೋಜನೆ, ಅಧ್ಯಾತ್ಮಿಕ ಮೌಲ್ಯಗಳನ್ನು ತಿಳಿಸಲು ಕನ್ನಡ ಮತ್ತು ಇಂಗ್ಲಿಷ್ ಭಾಷೆಯಲ್ಲಿ ಮಾಸ ಪತ್ರಿಕೆ ಪ್ರಕಟಣೆ, ಸುಸಜ್ಜಿತ ಗೋಶಾಲೆ ಸ್ಥಾಪನೆ, ತುಂಗಾ ತೀರದ ನದಿಯ ದಂಡೆಯ ಅಭಿವೃದ್ಧಿ, ಹೀಗೆ ಹಲವು
ಯೋಜನೆಗಳ ಜತೆಗೆ ಪ್ರಮುಖವಾಗಿ ಜಾತಿ – ಮತ ಭೇದವಿಲ್ಲದೇ ಎಲ್ಲಾ ವರ್ಗದ ಭಕ್ತರಿಗೆ ರುದ್ರಾಕ್ಷಿಯೊಂದಿಗೆ ಶಿವದೀಕ್ಷೆಯನ್ನು ನೀಡುತ್ತಿರುವುದು ಶ್ರೀಗಳವರ ಕಾರಣ್ಯಕ್ಕೆ ಸಾಕ್ಷಿಯಾಗಿದೆ.

ಸ್ವಸ್ತಿಶ್ರೀ ಪ್ಲವನಾಮ ಸಂವತ್ಸರದ ಜೇಷ್ಠ ಬಹುಳ ದ್ವಾದಶಿ ಜು. 6, 2021ರಂದು ಪರಮ ಪೂಜ್ಯ ಸ್ವಯಂ ಪ್ರಕಾಶ ಶ್ರೀಶ್ರೀ ಸಚ್ಚಿದಾನಂದ ಸರಸ್ವತೀ
ಮಹಾ ಸ್ವಾಮಿಗಳವರ 51ನೇ ವರ್ಧಂತಿ ಮಹೋತ್ಸವವು ಹರಿಹರಪುರದಲ್ಲಿ ಶ್ರೀಮಠದಲ್ಲಿ ವಿಶೇಷವಾಗಿ ಧಾರ್ಮಿಕ, ಸಾಮಾಜಿಕ ಕಾರ್ಯಕ್ರಮ ಗಳು ಹಮ್ಮಿಕೊಳ್ಳಲಾಗದ್ದು, ಕರೀನಾ ಹಿನ್ನೆಲೆಯಲ್ಲಿ ಸರಳವಾಗಿ ಆಚರಿಸಲಾಗುವುದು.