ಮಹಿಳಾದನಿ
ಸ್ಮೃತಿ ಇರಾನಿ
ಮೋದಿಯವರ ಸರಕಾರವು ಮಹಿಳಾ ಸಬಲೀಕರಣಕ್ಕಾಗಿ ಪರಿವರ್ತನಾ ಯಾತ್ರೆಯನ್ನು ಆರಂಭಿಸಿದೆ. ಸಮಗ್ರನೀತಿ ಮತ್ತು ಉದ್ದೇಶಿತ ಉಪಕ್ರಮಗಳ ಮೂಲಕ ಶಿಕ್ಷಣ, ಆರೋಗ್ಯ ರಕ್ಷಣೆ, ರಾಜಕೀಯ ಪ್ರಾತಿನಿಧ್ಯದಂಥ ನಿರ್ಣಾಯಕ ಕ್ಷೇತ್ರಗಳಲ್ಲಿ ಪರಿಹಾರೋಪಾಯವನ್ನು ಕಂಡುಕೊಂಡಿದೆ. ನಾನು ಲೋಕಸಭೆಯ ಗೌರವಾ ನ್ವಿತ ಸದಸ್ಯರ ಮುಂದೆ ನಿಂತಾಗ, ಉದ್ದೇಶ ಮತ್ತು ಜವಾಬ್ದಾರಿ ನನ್ನೊಳಗೆ ತುಂಬಿದ್ದವು.
ನಮ್ಮ ರಾಷ್ಟ್ರದ ಭವಿಷ್ಯವನ್ನು ಮರುರೂಪಿಸುವ ಸಾಮರ್ಥ್ಯವನ್ನು ಹೊಂದಿರುವ ಪ್ರಮುಖ ವಿಷಯವನ್ನು ಚರ್ಚಿಸಲು ನಾವು ಸೇರಿದ್ದೆವು. ಅದು- ನಾರಿ ಶಕ್ತಿ ವಂದನ ಅಽನಿಯಮ. ಇದನ್ನು ‘ಮಹಿಳಾ ಮೀಸಲಾತಿ ವಿಧೇಯಕ’ ಎಂದು ಸಾಮಾನ್ಯವಾಗಿ ಕರೆಯಲಾಗುತ್ತದೆ. ಈ ಪ್ರಸ್ತಾವಿತ ಸಾಂವಿಧಾನಿಕ ತಿದ್ದುಪಡಿಯು ಮಹಿಳೆಯರಿಗೆ ಲೋಕಸಭೆ ಮತ್ತು ರಾಜ್ಯ ವಿಧಾನಸಭೆಗಳಲ್ಲಿ ಶೇ.೩೩ ಸ್ಥಾನಗಳನ್ನು ಮೀಸಲಿಡುತ್ತದೆ. ಇದು ರಾಜಕೀಯ ಕ್ಷೇತ್ರದಲ್ಲಿ ಮಹಿಳೆಯರನ್ನು ಸಬಲೀಕರಣ ಗೊಳಿಸುವ ಒಂದು ಚಿರಸ್ಥಾಯಿ ಹೆಜ್ಜೆಯಾಗಿದೆ. ನನ್ನ ಕಾಲಕ್ಕಿಂತ ಮುಂಚೆಯೇ, ದೇಶವು ಗುಲಾಮಗಿರಿಯಿಂದ ಮುಕ್ತಿ ಪಡೆದಾಗ, ವಿವಿಧ ಪ್ರದೇಶಗಳ ಅನೇಕ ಸಾಮಾನ್ಯ ಮಹಿಳೆಯರು ನಮ್ಮ ಸಂವಿಧಾನದ ಹಕ್ಕುಗಳನ್ನು ರಕ್ಷಿಸಬೇಕು ಎಂದು ಹೇಳಿದ್ದರು.
ದೇಶದ ಸ್ವಾತಂತ್ರ್ಯದಲ್ಲಿ ತಮ್ಮ ಪಾತ್ರವನ್ನು ನಿರ್ವಹಿಸಿದ, ಸಾಮಾನ್ಯ ಕುಟುಂಬಗಳ ಆ ದೂರದರ್ಶಿ ಮಹಿಳೆ ಯರು, ಸಾಮಾನ್ಯ ಮಹಿಳೆಯರಿಗೆ ಅವಕಾಶ ನೀಡದಿದ್ದರೆ ಮುಂದಿನ ವರ್ಷಗಳಲ್ಲಿ ಅದು ತಮಗೆ ಸವಾಲಾಗ ಬಹುದು ಎಂದು ತಿಳಿದಿದ್ದರು. ಇಂದು ನಾನು ಆ ದಾರ್ಶನಿಕ ಮಹಿಳೆಯರಿಗೆ ವಂದಿಸುತ್ತೇನೆ. ೧೯೭೧ರಲ್ಲಿದ್ದ ಸರಕಾರದ ಅವಽಯಲ್ಲಿ, ಭಾರತದಲ್ಲಿ ಮಹಿಳೆಯರ ಸ್ಥಿತಿ ಕುರಿತು ವರದಿ ನೀಡಲು ಒಂದು ಸಮಿತಿಯನ್ನು ರಚಿಸಲಾ ಯಿತು. ಸಮಿತಿಯು ೧೯೭೪ರಲ್ಲಿ ವರದಿ ನೀಡಿತು. ಅದರ ೭ನೇ ಅಧ್ಯಾಯದಲ್ಲಿ, ಮಹಿಳೆಯರಿಗೆ ಸಾಂವಿಧಾನಿಕ ಖಾತರಿಗಳನ್ನು ನೀಡಬೇಕು ಎಂದು ಭಾರತೀಯ ಜನಸಂಘ ಹೇಳಿರುವುದನ್ನು ದಾಖಲಿಸಲಾಗಿದೆ ಮತ್ತು ಅದು ಮಹಿಳೆಯರ ಮೀಸಲಾತಿಯನ್ನು ಪ್ರತಿ ಪಾದಿಸಿತು.
ಇಂದು ನಾನು ಜನಸಂಘದ ದೂರ ದೃಷ್ಟಿಯ ಚಿಂತಕರಿಗೆ ಕೃತಜ್ಞತೆ ಸಲ್ಲಿಸುತ್ತೇನೆ. ಬಿಜೆಪಿಯು ತನ್ನ ಸಂಘಟನೆಯಲ್ಲಿ ಮಹಿಳೆ ಯರಿಗೆ ಮೀಸಲಾತಿ ಒದಗಿಸಿದ ಈ ರಾಷ್ಟ್ರದ ಮೊದಲ ರಾಜಕೀಯ ಪಕ್ಷವಾಗಿದೆ ಎಂಬುದು ಪಕ್ಷದ ಕಾರ್ಯಕರ್ತರಿಗೆ ಗೌರವದ ವಿಷಯವಾಗಿದೆ. ಈ ಚರ್ಚೆಯ ಸಂದರ್ಭದಲ್ಲಿ, ಮಹಿಳಾ ಮೀಸಲಾತಿ ವಿಧೇಯಕದ ಕರ್ತೃತ್ವದ ಬಗೆಗಿನ ಹಕ್ಕು ಮತ್ತು ಪ್ರತಿವಾದಗಳಿಗೆ ನಾವು ಸಾಕ್ಷಿ ಯಾಗಿದ್ದೇವೆ. ‘ಯಶಸ್ಸಿಗೆ ಅನೇಕ ತಂದೆ ಯರು, ಆದರೆ ವೈಫಲ್ಯವು ಅನಾಥ’ ಎಂದು ಹೇಳಲಾಗುತ್ತದೆ. ಹೀಗಾಗಿ ವಿಧೇಯಕ ಬಂದಾಗ ಕೆಲವರು ‘ಇದು ನಮ್ಮ ವಿಧೇಯಕ’ ಎಂದರೆ, ಮತ್ತೆ ಕೆಲವರು ಅದರ ಮೇಲೆ ಪತ್ರ ಬರೆದಿರುವು ದಾಗಿ ಹೇಳಿದ್ದಾರೆ, ಇನ್ನೂ ಕೆಲವರು ಸಂಪೂರ್ಣ ಸಾಂವಿಧಾನಿಕ ಚೌಕ ಟ್ಟನ್ನು ಹಾಕಿದ್ದೇವೆ ಎನ್ನುತ್ತಾರೆ.
ಗೌರವಾನ್ವಿತ ನಾಯಕಿಯೊಬ್ಬರು ಲೋಕ ಸಭೆಯಲ್ಲಿ ಭಾಷಣ ಮಾಡಿದರು. ಅದರಲ್ಲಿ ಅವರು ೨ ವಿಷಯಗಳನ್ನು ಸ್ಪಷ್ಟಪಡಿಸಿದ್ದಕ್ಕಾಗಿ ಅವರಿಗೆ ಧನ್ಯವಾದ ಹೇಳಲು ಬಯಸುತ್ತೇನೆ. ಮೊದಲನೆಯದಾಗಿ, ಸಂವಿಧಾನದ ೭೩ ಮತ್ತು ೭೪ನೇ ತಿದ್ದುಪಡಿಗಳ ಶ್ರೇಯವನ್ನು ಒಂದು ವಿಶೇಷ ಕುಟುಂಬವು ಪದೇ ಪದೆ ಪಡೆಯುತ್ತದೆ ಎಂದು ಒಪ್ಪಿಕೊಳ್ಳುವುದು ಬಹಳ ಮುಖ್ಯ. ಆದರೆ, ಈ ಕೆಲಸ ಮಾಡಿದ್ದು ಪಿ.ವಿ. ನರಸಿಂಹ ರಾವ್ ಎಂದು ಅವರು ಸಂಸತ್ತಿನಲ್ಲಿ ಸ್ಪಷ್ಟಪಡಿ ಸಿದರು. ಈ ಪ್ರಮುಖ ತಿದ್ದುಪಡಿಗಳಿಗೆ ಕೊಡುಗೆ ನೀಡಿದವರನ್ನು ಗುರುತಿಸುವುದು ಅತ್ಯಗತ್ಯ ಮತ್ತು ನರಸಿಂಹ ರಾವ್ ಅವರ ಹೆಸರು ಆ ಇತಿಹಾಸದಲ್ಲಿ ಸೂಕ್ತ ಸ್ಥಾನಕ್ಕೆ ಅರ್ಹವಾಗಿದೆ. ಮಹಿಳಾ ಮೀಸಲಾತಿ ವಿಧೇಯಕವು ದಶಕಗಳಿಂದ ಭಾರತದ ರಾಜಕೀಯದಲ್ಲಿ ವಿವಾದಾತ್ಮಕ ವಿಷಯವಾಗಿದೆ.
ವಿವಾದದ ಪ್ರಮುಖ ಅಂಶವೆಂದರೆ ಮೀಸಲಾತಿಯ ಅವಧಿ. ಮೀಸಲಾತಿಯು ೧೫ ವರ್ಷಗಳವರೆಗೆ ಮುಂದುವರಿಯುತ್ತದೆ ಮತ್ತು ಪ್ರತಿ ಪುನರ್ವಿಂಗಡಣೆಯ ನಂತರ ಮಹಿಳೆಯರಿಗೆ ಮೀಸಲಾದ ಸ್ಥಾನಗಳನ್ನು ಆವರ್ತನ ಗೊಳಿಸಲಾಗುವುದು ಎಂದು ಮೋದಿ ಸರಕಾರವು ಪ್ರಸ್ತಾಪಿಸಿದೆ. ಇದು ದೀರ್ಘಾವಧಿಯ ಪರಿಣಾಮವನ್ನು ಖಾತ್ರಿಪಡಿಸುತ್ತದೆ. ಇದಕ್ಕೆ ವ್ಯತಿರಿಕ್ತವಾಗಿ ಕಾಂಗ್ರೆಸ್ ಪಕ್ಷವು ಕೇವಲ ೧೦ ವರ್ಷಗಳ ಕಾಲ ಮಹಿಳಾ ಮೀಸ ಲಾತಿಯನ್ನು ಪ್ರಸ್ತಾಪಿಸಿತ್ತು. ಅವರು ೧೦ ವರ್ಷಗಳ ನಂತರ ಮಹಿಳೆಯರ ಹಕ್ಕುಗಳನ್ನು ಕಸಿದುಕೊಳ್ಳಲು ಬಯಸಿದ್ದರು. ಕಾಂಗ್ರೆಸ್ ಪಕ್ಷದ ಈ ಆಸೆಯನ್ನು ನನಸಾಗಿಸಲು ಬಿಡದ ಗೌರವಾನ್ವಿತ ಪ್ರಧಾನಿ ನರೇಂದ್ರ ಮೋದಿ ಮತ್ತು ಕಾನೂನು ಸಚಿವರಿಗೆ ನಾನು ಕೃತಜ್ಞತೆ ಸಲ್ಲಿಸುತ್ತೇನೆ. ಮೀಸಲಾತಿ ಅವಧಿಯನ್ನು ಬಗೆಹರಿಸು ವುದರ ಜತೆಗೆ, ಕೆಲವು ಸಾಂವಿಧಾನಿಕ ನಿಬಂ ಧನೆಗಳು ಮತ್ತು ಕಾನೂನು ಅಂಶಗಳನ್ನು ಸ್ಪಷ್ಟಪಡಿಸುವುದು ಅತ್ಯಗತ್ಯ.
ಇತರೆ ಹಿಂದು ಳಿದ ವರ್ಗಗಳು (ಒಬಿಸಿ) ಮತ್ತು ಅಲ್ಪಸಂಖ್ಯಾತ ಸಮುದಾಯಗಳನ್ನು ಮೀಸಲಾತಿಯು ಒಳಗೊಳ್ಳುವಂತೆ ಕೆಲವರು ಸಲಹೆ ನೀಡಿದ್ದಾರೆ. ಆದಾಗ್ಯೂ, ಧರ್ಮದ ಆಧಾರದ ಮೇಲೆ ಮೀಸಲಾತಿಗಳನ್ನು ಭಾರತ ಸಂವಿಧಾನವು ಸ್ಪಷ್ಟವಾಗಿ ನಿಷೇಧಿಸಿದೆ ಎಂಬುದನ್ನು ನೆನಪಿಟ್ಟುಕೊಳ್ಳುವುದು ಬಹಳ ಮುಖ್ಯ. ಪ್ರತಿಯೊಬ್ಬರೂ ವಾಸ್ತವಾಂಶಗಳನ್ನು ಕೂಲಂಕಷವಾಗಿ ಪರಿಶೀಲಿಸಬೇಕು ಮತ್ತು ಸಾಂವಿಧಾನಿಕ ವಿಧಾನಗಳ ಮೂಲಕ ಮಹಿಳೆಯರನ್ನು ಸಬಲೀ ಕರಣಗೊಳಿಸುವ ಸರಕಾರದ ಪ್ರಯತ್ನಗಳನ್ನು ಗುರುತಿಸಬೇಕೆಂದು ನಾನು ಒತ್ತಾಯಿಸುತ್ತೇನೆ. ಸಂವಿಧಾನ ಮತ್ತು ಅದರ ಘನತೆಗೆ ನಮ್ಮ ಬದ್ಧತೆ ಅಚಲ ವಾಗಿದೆ. ರಾಜಕೀಯ ಪ್ರಾತಿನಿಧ್ಯವು ಮಹಿಳಾ ಸಬಲೀಕರಣದ ಮೂಲಭೂತ ಅಂಶವಾಗಿದ್ದು, ರಾಜಕೀಯದಲ್ಲಿ ಮಹಿಳೆಯರ ಭಾಗವ ಹಿಸುವಿಕೆಯನ್ನು ಹೆಚ್ಚಿಸಲು ಮೋದಿ ಸರಕಾರ ಕ್ರಮಗಳನ್ನು ಕೈಗೊಂಡಿದೆ.
ಇದಲ್ಲದೆ, ಆಡಳಿ ತದ ವಿವಿಧ ಹಂತಗಳಲ್ಲಿ ಮಹಿಳೆಯರ ಭಾಗವಹಿಸುವಿಕೆಯನ್ನು ಪ್ರತಿಪಾದಿಸುವ ಮೂಲಕ ಮೋದಿ ಸರಕಾರವು ನಿರ್ಧಾರ ತೆಗೆದುಕೊಳ್ಳುವ ಪ್ರಕ್ರಿಯೆಗಳಲ್ಲಿ ಮಹಿಳೆಯರ ಧ್ವನಿಯನ್ನು ಆಲಿಸುತ್ತದೆ ಎಂದು ಖಚಿತಪಡಿಸಿಕೊಳ್ಳುತ್ತಿದೆ. ನರೇಂದ್ರ ಮೋದಿಯವರ ಸರಕಾರವು ಭಾರತದಲ್ಲಿ ಮಹಿಳೆಯರ ಸಬಲೀಕರಣಕ್ಕಾಗಿ ಪರಿವರ್ತನಾ ಯಾತ್ರೆಯನ್ನು ಆರಂಭಿಸಿದೆ. ಸಮಗ್ರ ನೀತಿಗಳು ಮತ್ತು ಉದ್ದೇಶಿತ ಉಪ ಕ್ರಮಗಳ ಮೂಲಕ ಸರಕಾರವು ಶಿಕ್ಷಣ, ಆರೋಗ್ಯ ರಕ್ಷಣೆ, ರಾಜಕೀಯ ಪ್ರಾತಿನಿಧ್ಯ, ಆರ್ಥಿಕ ಸಬಲೀಕರಣ ಮತ್ತು ಲಿಂಗ ಸಮಾನತೆಯಂಥ ನಿರ್ಣಾಯಕ ಕ್ಷೇತ್ರಗಳನ್ನು ಪರಿಹರಿಸಿದೆ. ಮಧ್ಯದಲ್ಲೇ ಶಾಲೆ ಬಿಡುವ (ಡ್ರಾಪ್‌ಔಟ್) ಪ್ರಮಾಣಗಳಲ್ಲಿ ಗಮನಾರ್ಹವಾದ ಕಡಿತ, ಸುಧಾರಿತ ಆರೋಗ್ಯ ಸೇವೆಗಳ ಲಭ್ಯತೆ, ಹೆಚ್ಚಿದ ರಾಜಕೀಯ ಪ್ರಾತಿನಿಧ್ಯ ಮತ್ತು ಮಹಿಳೆಯರಿಗೆ ವಽತ ಆರ್ಥಿಕ ಅವಕಾಶಗಳೊಂದಿಗೆ -ಲಿತಾಂಶಗಳೇ ಸ್ವತಃ ಮಾತನಾಡುತ್ತಿವೆ.
ಮಹಿಳಾ ಅಭಿವೃದ್ಧಿಗೆ ಆಯವ್ಯಯದಲ್ಲಿ ಸಾಕಷ್ಟು ಅನುದಾನ ಮೀಸಲಿಟ್ಟಿರುವುದನ್ನು ನಾವು ಮರೆಯಬಾರದು. ಈ ಹಂಚಿಕೆಗಳ ಹೆಚ್ಚಳವು ಮಹಿಳೆಯರ ಬೆಳವಣಿಗೆಗೆ ಸಹಾಯ ಮಾಡುವ ನಮ್ಮ ಸರಕಾರದ ಸಮರ್ಪಣೆ ಯನ್ನು ತೋರಿಸುತ್ತದೆ. ಪ್ರಧಾನಿ ಮೋದಿ ಯವರ ನೇತೃತ್ವದಲ್ಲಿ ಹೆಣ್ಣು ಮಕ್ಕಳ ಶಾಲೆ ಬಿಡುವ ಪ್ರಮಾಣ ಗಣನೀಯವಾಗಿ ಕಡಿಮೆ ಯಾಗಿದೆ. ಇದು ರಾಜಕೀಯವಾಗಿ ಮಾತ್ರ ವಲ್ಲದೆ ಶಿಕ್ಷಣ ಮತ್ತು ಆರ್ಥಿಕ ಅವಕಾಶಗಳ ಮೂಲಕ ಮಹಿಳೆಯರನ್ನು ಸಬಲೀ ಕರಣಗೊಳಿ ಸುವ ನಮ್ಮ ಬದ್ಧತೆಯನ್ನು ಒತ್ತಿಹೇಳುತ್ತದೆ. ಭಾರತವು ಮಹಿಳಾ ಸಬಲೀಕರಣದೆಡೆಗಿನ ತನ್ನ ಹಾದಿಯಲ್ಲಿ ಪ್ರಗತಿಯನ್ನು ಮುಂದುವರಿಸುತ್ತಿರು ವಾಗ, ಈ ಉಪಕ್ರಮಗಳ ಧನಾತ್ಮಕ ಪರಿಣಾಮವನ್ನು ಗುರುತಿಸುವುದು ನಿರ್ಣಾ ಯಕವಾಗಿದೆ. ಸವಾಲುಗಳು ಇದ್ದರೂ, ಲಿಂಗ ಸಮಾನತೆ ಮತ್ತು ಮಹಿಳಾ ಸಬಲೀಕರಣಕ್ಕೆ ಸರಕಾರದ ಅಚಲ ಬದ್ಧತೆಯು ದೇಶಾದ್ಯಂತ ಲಕ್ಷಾಂತರ ಮಹಿಳೆಯರಿಗೆ ಭರವಸೆಯ ದಾರಿದೀಪವಾಗಿದೆ. ಶಿಕ್ಷಣ, ಆರೋಗ್ಯ ಮತ್ತು ರಾಜಕೀಯ ಹಾಗೂ ಆರ್ಥಿಕ ಅವಕಾಶಗಳ ಮೂಲಕ, ಭಾರತದಲ್ಲಿನ ಮಹಿಳೆಯರು ಹೊಸ ರೀತಿಯ ಸಬಲೀಕರಣದ ಅರ್ಥವನ್ನು ಅನುಭವಿಸುತ್ತಿದ್ದಾರೆ, ರಾಷ್ಟ್ರದ ಬೆಳವಣಿಗೆ ಮತ್ತು ಅಭಿವೃದ್ಧಿಗೆ ಕೊಡುಗೆ ನೀಡುತ್ತಿದ್ದಾರೆ.
ಈ ವಿಧೇಯಕವನ್ನು ನಮ್ಮ ಸಂವಿಧಾನದ ಘನತೆಯ ದೃಷ್ಟಿಕೋನದಿಂದ ನೋಡಿದರೆ, ಲಕ್ಷ್ಮೀದೇವಿಯು ಇದರ ಮೂಲಕ ಸಂವಿಧಾನಾತ್ಮಕ ರೂಪವನ್ನು ಪಡೆದಿದ್ದಾಳೆ ಎನಿಸುತ್ತದೆ. ಇದು ಮಹಿಳೆಯರ ಆರ್ಥಿಕ ಸಬಲೀಕರಣವನ್ನು ಸಂಕೇತಿಸುತ್ತದೆ, ಮಹಿಳೆಯರ ಸ್ವಾವಲಂಬನೆ ಮತ್ತು ಸ್ವಯಂ- ನಿರ್ಣಯದತ್ತ ಪ್ರಮುಖ ಹೆಜ್ಜೆಯಾಗಿದೆ. ಈ ವಿಧೇಯಕವು ರಾಜಕೀಯ ಅಸವಲ್ಲ, ಬದಲಿಗೆ ಇದು ನಮ್ಮ ದೇಶದ ಮಹಿಳೆಯರನ್ನು ಸಬಲೀಕರಣಗೊಳಿಸುವ ಸಾಧನವಾಗಿದೆ. ಕೊನೆಯದಾಗಿ, ಇದು ಶ್ರೇಯ ತೆಗೆದು ಕೊಳ್ಳುವ ಅಥವಾ ಆಪಾದನೆ ಮಾಡುವ ಬಾಬ ತ್ತಲ್ಲ ಎಂದು ನಾವು ನೆನಪಿಟ್ಟುಕೊಳ್ಳೋಣ.
ಇದು ನಮ್ಮ ಮುಂದಿರುವ ಐತಿಹಾಸಿಕ ಅವಕಾಶವನ್ನು ಗುರುತಿಸುವುದಾಗಿದೆ. ಇದು ಮಹಿಳೆಯರನ್ನು ಸಬಲೀಕರಣಗೊಳಿಸಲು, ನಮ್ಮ ಪ್ರಜಾಪ್ರಭುತ್ವವನ್ನು ಬಲಪಡಿಸಲು ಮತ್ತು ಭಾರತಕ್ಕೆ ಉಜ್ವಲ ಭವಿಷ್ಯವನ್ನು ರೂಪಿಸಲು ಇರುವ ಅವಕಾಶವಾಗಿದೆ. ಕೆಲಸದ ಸಮಯ ಇದೀಗ ಬಂದಿದೆ ಮತ್ತು ನಮ್ಮಲ್ಲಿ ಪ್ರತಿ ಯೊಬ್ಬರೂ ನುಡಿದಂತೆ ನಡೆಯಲು ಮತ್ತು ‘ನಾರಿ ಶಕ್ತಿ’ಯನ್ನು ಅದರ ನಿಜವಾದ ರೂಪದಲ್ಲಿ ಬೆಂಬಲಿಸಲು ನಾನು ವಿನಂತಿಸುತ್ತೇನೆ.
(ಲೇಖಕಿ ಕೇಂದ್ರ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಖಾತೆಯ ಸಚಿವೆ)
