ಮುಂಬೈ: ಆಮಿರ್ ಖಾನ್ ಪುತ್ರಿ ಇರಾ ಖಾನ್ಗೆ ಚಿತ್ರರಂಗದ ಬಗ್ಗೆ ಆಸಕ್ತಿ ಇಲ್ಲ. ಅವರು ಫಿಟ್ನೆಸ್ ಟ್ರೇನರ್ ನೂಪರ್ ಶಿಖಾರೆ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಡಲಿದ್ದಾರೆ.
ಅಮಿರ್‌ ಪುತ್ರಿಯ ಮದುವೆ ಬುಧವಾರ ಅದ್ದೂರಿಯಾಗಿ ನಡೆಯಲಿದೆ. ಮದುವೆ ಸಂಭ್ರಮದಲ್ಲಿ, ಅಮಿರ್‌ ಮಾಜಿ ಪತ್ನಿ ಕಿರಣ್ ರಾವ್ ಕೂಡ ಭಾಗಿಯಾಗಿದ್ದಾರೆ.
1986ರಲ್ಲಿ ಆಮಿರ್ ಖಾನ್ ಮತ್ತು ರೀನಾ ದತ್ತ ಮದುವೆಯಾಗಿದ್ದರು. 2002ರಲ್ಲಿ ವಿಚ್ಛೇದನ ಪಡೆದರು. ಈ ದಂಪತಿಯ ಮಗಳೇ ಇರಾ ಖಾನ್. ದೂರ ವಾದರೂ ಸಹ ಅಮಿರ್‌ ಖಾನ್ ತಮ್ಮ ಮಕ್ಕಳ ಮತ್ತು ಮಾಜಿ ಪತ್ನಿಯ ಜೊತೆ ಒಡನಾಟ ಉಳಿಸಿಕೊಂಡಿದ್ದರು. ಇದೀಗ ಮಗಳ ಮದುವೆಯನ್ನು ಅದ್ಧೂರಿಯಾಗಿ ಮಾಡುತ್ತಿದ್ದಾರೆ.
ನೂಪರ್ ಶಿಖಾರೆ, ನಟ ಆಮಿರ್ ಖಾನ್ಗೆ ಫಿಟ್ನೆಸ್ ಟ್ರೇನರ್. ಇರಾ ನೂಪರ್ ನಡುವೆ ಲವ್ ಆಗಿತ್ತು. ಒಂದಷ್ಟು ದಿನ ಡೇಟಿಂಗ್ ಕೂಡ ನಡೆಸಿದ್ದರು. ಇದೀಗ ಈ ಜೋಡಿ ಹಸೆಮಣೆ ಏರುತ್ತಿದೆ. ಖಾನ್ ಪುತ್ರಿಯ ಮದುವೆ ಸಂಭ್ರಮದಲ್ಲಿ ಬಾಲಿವುಡ್ನ ಅನೇಕ ಸೆಲೆಬ್ರಿಟಿಗಳು ಪಾಲ್ಗೊಳ್ಳುವ ಸಾಧ್ಯತೆ ಇದೆ.
