ಬಾಲಿವುಡ್ ನಟ ರವೀಂದ್ರ ಬೆರ್ಡೆ ಇನ್ನಿಲ್ಲ

ಅವರಿಗೆ ಉಸಿರಾಟದ ತೊಂದರೆ ಇತ್ತು, ಅವರನ್ನು ಎರಡು ದಿನಗಳ ಹಿಂದೆಯಷ್ಟೇ ಆಸ್ಪತ್ರೆಯಿಂದ ಮನೆಗೆ ಕರೆತರಲಾಯಿತು. ಅವರು ಇದ್ದಕ್ಕಿದ್ದಂತೆ ಹೃದಯಾಘಾತದಿಂದ ನಿಧನರಾದರು. ಅವರು 2004 ರಲ್ಲಿ ನಿಧನರಾದ ಲಕ್ಷ್ಮಿಕಾಂತ್ ಬೆರ್ಡೆ ಅವರ ಸಹೋದರ.

ಬೆರ್ಡೆ ಅವರು ಅನಿಲ್ ಕಪೂರ್ ಮತ್ತು ಅಜಯ್ ದೇವಗನ್ ಸೇರಿದಂತೆ ಹಲವಾರು ಜನಪ್ರಿಯ ಬಾಲಿವುಡ್ ನಟರೊಂದಿಗೆ ಕ್ರಮವಾಗಿ ನಾಯಕ್, ದಿ ರಿಯಲ್ ಹೀರೋ ಮತ್ತು ಸಿಂಗಂ ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಇದಲ್ಲದೆ, ಅಶೋಕ್ ಸರಾಫ್, ವಿಜಯ್ ಚವಾಣ್, ವಿಜೂ ಖೋಟೆ ಮತ್ತು ಮಹೇಶ್ ಕೊಠಾರೆ ಮುಂತಾದ ಜನಪ್ರಿಯ ಹೆಸರುಗಳೊಂದಿಗೆ 300ಕ್ಕೂ ಹೆಚ್ಚು ಮರಾಠಿ ಚಲನಚಿತ್ರಗಳಲ್ಲಿ ನಟಿಸಿದ್ದಾರೆ.

ಬೆರ್ಡೆ ಈ ಹಿಂದೆ 1995 ರಲ್ಲಿ ಹೃದಯಾಘಾತಕ್ಕೆ ಒಳಗಾಗಿದ್ದರು. 2011 ರಲ್ಲಿ, ಅವರಿಗೆ ಕ್ಯಾನ್ಸರ್ ಇರುವುದು ಪತ್ತೆಯಾಯಿತು. ಆದರೆ ಅದರ ನಡುವೆಯೂ ಅವರು ಪ್ರೇಕ್ಷಕರನ್ನು ರಂಜಿಸುವುದನ್ನು ಮುಂದುವರೆಸಿದರು. ಇಂದು ನಿಧನರಾಗುವ ಮೂಲಕ ಖ್ಯಾತ ಬಾಲಿವುಡ್ ನಟ ಬೆರ್ಡೆ ಇನ್ನಿಲ್ಲವಾಗಿದ್ದಾರೆ.

ರವೀಂದ್ರ ಬೆರ್ಡೆ ಅವರು ಪತ್ನಿ, ಇಬ್ಬರು ಮಕ್ಕಳು, ಸೊಸೆ ಮತ್ತು ಮೊಮ್ಮಕ್ಕಳನ್ನು ಅಗಲಿದ್ದಾರೆ.