ಬೆಂಗಳೂರು: ಮುಂಚೂಣಿ ಮೈಕ್ರೋ ಮೊಬಿಲಿಟಿ ಕಂಪನಿಯಾಗಿರುವ ಇನ್ಗೊ ಎಲೆಕ್ಟ್ರಿಕ್ ತನ್ನ ಇತ್ತೀಚಿನ ಎಲೆಕ್ಟ್ರಿಕ್ ವಾಹನ ಮಾದರಿಯಾಗಿರುವ ಇನ್ ಗೊ ಫ್ಲೀ 2.0 ದ್ವಿಚಕ್ರ ವಾಹನವನ್ನು ಅನ್ನು ಬಿಡುಗಡೆ ಮಾಡಿದೆ. ಇನ್ ಗೊ ಫ್ಲೀ 2.0 ವಾಹನಕ್ಕೆ62,000 ರೂಪಾಯಿ ಬೆಲೆ ನಿಗದಿ ಮಾಡಲಾಗಿದೆ. ದಕ್ಷತಾಶಾಸ್ತ್ರದ ವಿನ್ಯಾಸ ಮತ್ತು ಆರಾಮದಾಯಕ ಪ್ರಯಾಣದ ಮೇಲೆ ಗಮನ ಕೇಂದ್ರೀಕರಿಸಿ ಹೊಸ ದ್ವಿಚಕ್ರ ವಾಹವನ್ನು ವಿನ್ಯಾಸಗೊಳಿಸಲಾಗಿದೆ.
ಇನ್ಗೊ ಫ್ಲೀ 2.0 ನ ಉನ್ನತ-ಕಾರ್ಯಕ್ಷಮತೆಯ ಅದರ ಉತ್ಕೃಷ್ಟ ದರ್ಜೆಯ ವೈಶಿಷ್ಟ್ಯವಾಗಿದೆ. ಅದೇ ರೀತಿ ಶೂನ್ಯ ನಿರ್ವಹಣೆ ವೆಚ್ಚವನ್ನು ಇದು ಬೇಡುತ್ತದೆ ಹಾಗೂ ಸುಗಮ ಸವಾರಿಯನ್ನು ಗ್ರಾಹಕರಿಗೆ ಖಚಿತಪಡಿಸುತ್ತದೆ. ತನ್ನ ವರ್ಗದಲ್ಲಿ ಅತಿ ಹೆಚ್ಚು ಲೋಡ್ ಹೊರುವ ಸಾಮರ್ಥ್ಯವನ್ನು ಹೊಂದಿರುವ ಇನ್ಗೊ ಫ್ಲೀನಲ್ಲಿ 25 ಕೆ.ಜಿ ಕ್ಯಾರಿಯರ್ನಲ್ಲಿ ಮತ್ತು ಫುಟ್ ಬೋರ್ಡ್ ನಲ್ಲಿ 50 ಕೆ.ಜಿ ಸಾಗಿಸಲು ಸಾಧ್ಯವಿದೆ. ಐಒಟಿ (Internet of Things) ಮತ್ತು ಟೆಲಿಮ್ಯಾಟಿಕ್ಸ್ ವೈಶಿಷ್ಟ್ಯಗಳಿಂದಾಗಿ ಸಾಫ್ಟ್ವೇರ್ ಸೂಟ್ ಮೂಲಕ ರಿಯಲ್ ಟೈಮ್ ಟ್ರ್ಯಾಂಕಿಂಗ್, ರಿಮೋಟ್ ಲಾಕಿಂಗ್, ಜಿಯೋ-ಫೆನ್ಸಿಂಗ್ ಮತ್ತು ಕಳ್ಳತನ ಎಚ್ಚರಿಕೆಗಳನ್ನು ನೀಡುತ್ತದೆ .ಹೆಚ್ಚುವರಿಯಾಗಿ, ವಾಹನವು ತನ್ನ ಲಿಥಿಯಂ-ಐಯಾನ್ ಬ್ಯಾಟರಿಯೊಂದಿಗೆ ಎಲ್ಲಿಯಾದರೂ ಚಾರ್ಜ್ ಮಾಡುವ ಅನುಕೂಲತೆಯನ್ನು ನೀಡುತ್ತದೆ, 4 ಗಂಟೆಗಳಿಗಿಂತ ಕಡಿಮೆ ಅವಧಿಯಲ್ಲಿ ತ್ವರಿತ ಚಾರ್ಜ್ ವ್ಯವಸ್ಥೆ ಇದರಲ್ಲಿದ್ದು, 2 ನಿಮಿಷಗಳಲ್ಲಿ ಸುಲಭ ವಾಗಿ ಸ್ವಾಪ್ ಮಾಡುವುದಕ್ಕೂ ಸಾಧ್ಯವಿದೆ.
ಹೊಸ ವಾಹನದ ಬಗ್ಗೆ ಮಾತನಾಡಿದ ಇನ್ಗೋ ಎಲೆಕ್ಟ್ರಿಕ್ಸ್ನ ಸಿಇಒ ಮತ್ತು ಸಹ-ಸಂಸ್ಥಾಪಕ ನಿಖಿಲ್ ಗೊನ್ಸಾಲ್ವಿಸ್ “ಜನರು ವೇಗವಾಗಿ, ಸುರಕ್ಷಿತವಾಗಿ ಮತ್ತು ತಡೆರಹಿತವಾಗಿ ಪ್ರಯಾಣಿಸಲು ಸಹಾಯ ಮಾಡುವ ಪರಿಣಾಮಕಾರಿ ಮೈಕ್ರೋ-ಮೊಬಿಲಿಟಿ ಪರಿಹಾರವನ್ನು ನೀಡುವ ಉದ್ದೇಶದಿಂದ ಇನ್ಗೊ ಸಂಸ್ಥೆಯನ್ನು ಸ್ಥಾಪಿಸಲಾಗಿದೆ. ಸಂಚಾರ ದಟ್ಟಣೆಯು ದೊಡ್ಡ ಸಮಸ್ಯೆಯ ಕೇಂದ್ರ ಬಿಂದುವಾಗಿರುವ ನಗರಗಳಲ್ಲಿ ಪ್ರಯಾಣದ ಮಾದರಿಯನ್ನು ಬದಲಾಯಿಸುವುದು ನಮ್ಮ ದೃಷ್ಟಿಕೋನವಾಗಿದೆ. ನಮ್ಮ ಹೊಸ ಮಾಡೆಲ್ ಆ ದಿಕ್ಕಿನಲ್ಲಿ ವಿನೂತನ ಹೆಜ್ಜೆಯಾಗಿದೆ. ನಮ್ಮ ಮೊದಲ ಮಾದರಿಗೆ ಅಗಾಧ ಪ್ರತಿಕ್ರಿಯೆಯ ದೊರಕಿದ ಹಿನ್ನೆಲೆಯಲ್ಲಿ ಇನ್ಗೊ ಫ್ಲೀ 2.0 ಅನ್ನು ಪರಿಚಯಿಸಲು ನಾವು ಉತ್ಸುಕರಾಗಿದ್ದೇವೆ. ಇದು ಸವಾರನಿಗೆ ಆರಾಮದಾಯಕದ ಜತೆ ಅತ್ಯುತ್ತಮ ಸವಾರಿ ಅನುಭವವನ್ನು ನೀಡುತ್ತದೆ. ಇನ್ಗೊ ಫ್ಲೀ 2.0 ಸಾರಿಗೆ ಮಾದರಿಯೊಂದನ್ನು ನೀಡುವ ಜತೆಗೆ ಸ್ಥಿರತೆ ಮತ್ತು ಸರಳವಾಗಿರುವ ಪ್ರಯಾಣದ ಆದ್ಯತೆ ನೀಡುವ ಅನುಭವವನ್ನು ಒದಗಿಸುತ್ತದೆ ಎಂದು ಹೇಳಿದರು.
ವಾಹನದ ವೈಶಿಷ್ಟ್ಯಗಳು ಇವು
⦁ ವ್ಯಾಪ್ತಿ: 50 ಕಿ.ಮೀ
⦁ ಬ್ಯಾಟರಿ: 1kW, 48V, 23.2Ah
⦁ ಪೀಕ್ ಟಾರ್ಕ್: 65 ಎನ್ಎಂ
⦁ ಸಸ್ಪೆಂಷನ್: ಮುಂಭಾಗದಲ್ಲಿ 43 ಎಂಎಂ ಟೆಲಿಸ್ಕೋಪಿಕ್, ಹಿಂಭಾಗದಲ್ಲಿ ಹೆವಿ ಡ್ಯೂಟಿ ಶಾಕ್ ಗಳು
⦁ ಅಳತೆಗಳು: 1670 x 685 x 1200 ಮಿಮೀ
⦁ ಗರಿಷ್ಠ ವೇಗ: ಗಂಟೆಗೆ 25 ಕಿ.ಮೀ.
⦁ ಚಾರ್ಜರ್ & ಸಮಯ: 54.6V / 6A – 4 ಗಂಟೆಗಳು
⦁ ಚಕ್ರ ಗಾತ್ರ: 10″x3.00″ (ಮುಂಭಾಗ ಮತ್ತು ಹಿಂಭಾಗ)
⦁ ಮ್ಯಾಕ್ಸ್ ಪೇಲೋಡ್: ಫುಟ್ ಬೋರ್ಡ್ ನಲ್ಲಿ 50 ಕೆ.ಜಿ, ಕ್ಯಾರಿಯರ್ನಲ್ಲಿ 25 ಕೆ.ಜಿ
⦁ ಗ್ರೌಂಡ್ ಕ್ಲಿಯರೆನ್ಸ್: 149 ಎಂಎಂ
⦁ ಮೋಟರ್ & ಕಂಟ್ರೋಲರ್: 250W BLDC ಹಬ್ ಮೋಟರ್
ಒಟ್ಟು ತೂಕ: 55 ಕೆಜಿ
ಇತರ ಕೆಲವು ಗಮನಾರ್ಹ ವೈಶಿಷ್ಟ್ಯಗಳಲ್ಲಿ ಸವಾರರು ತಮ್ಮ ಸವಾರಿ ಖುಷಿಯನ್ನು ಹಂಚಿಕೊಳ್ಳಲು ಎರಡು ಸೀಟ್ಗಳ ಆಯ್ಕೆಯೂ ಸೇರಿದೆ. ಇನ್ಗೊ ಫ್ಲೀ 2.0 10-ಇಂಚಿನ ಎಲ್ಸ್ಡಿಯನ್ನು ನೀಡಿದ್ದು, ಇದರಲ್ಲಿ ಬ್ಯಾಟರಿ ಗೇಜ್ ಇದೆ. ಇದು ಪ್ರಯಾಣದ ಬಗ್ಗೆ ನೈಜ-ಸಮಯದ ಮಾಹಿತಿಯನ್ನು ಒದಗಿಸು ತ್ತದೆ.
ಸುಧಾರಿತ ಸಸ್ಪೆಂಷನ್ ವ್ಯವಸ್ಥೆಯು ವರ್ಧಿತ ಸವಾರಿ ಗುಣಮಟ್ಟ ಮತ್ತು ನಿರ್ವಹಣೆಯನ್ನು ಖಚಿತಪಡಿಸುತ್ತದೆ. 110 ಎಂಎಂ ಬ್ರೇಕ್ ಡಿಸ್ಕ್ ಹೊಂದಿರುವ ಹೊಂದಿರುವ ಅಗಲವಾದ ಮುಂಭಾಗದ ಚಕ್ರಗಳು ಉತ್ತಮ ಸುರಕ್ಷತೆ ಒದಗಿಸುತ್ತದೆ. ಮುಂಭಾಗ ಮತ್ತು ಹಿಂಭಾಗದ ಟ್ಯೂಬ್ ಲೆಸ್ ಟೈರ್ ಗಳಿಳು ವಾಹನದ ಒಟ್ಟಾರೆ ಬಾಳಿಕೆ ದಕ್ಷತೆಯನ್ನು ಹೆಚ್ಚಿಸುತ್ತದೆ. 350 ಎಂಎಂ ಅಗಲದ ಅಲ್ಟ್ರಾ-ಕಂಫರ್ಟ್ ಸೀಟ್ ಅನ್ನು ದೀರ್ಘ ಸವಾರಿಗಳಿಗಾಗಿ ವಿನ್ಯಾಸ ಗೊಳಿಸಲಾಗಿದೆ. ಒಟ್ಟಿನಲ್ಲಿ ಸವಾರರ ಆರಾಮಕ್ಕೆ ಆದ್ಯತೆ ನೀಡಲಾಗಿದೆ.
ಮೇಲ್ವಿಚಾರಣೆ ಮತ್ತು ಟ್ರ್ಯಾಕಿಂಗ್ ಗಾಗಿ 24x7x365 ದಿನಗಳ ಸಂಪರ್ಕಿತ ವಾಹನ ಪ್ಲಾಟ್ ಫಾರ್ಮ್ ಅನ್ನು ಈಗ ಎಲ್ಲಾ ವೇರಿಯೆಂಟ್ಗಳಲ್ಲಿ ಸ್ಟ್ಯಾಂಡರ್ಡ್ ಆಗಿ ನೀಡಲಾಗಿದೆ. ಇದು ಭದ್ರತೆಯನ್ನು ಹೆಚ್ಚಿಸುತ್ತದೆ. ಇನ್ಗೊ ಫ್ಲೈ 2.0 ಹೊಸ ಸ್ಟೈಲಿಂಗ್ ಮತ್ತು ಗ್ರಾಫಿಕ್ಸ್ ಅನ್ನು ಸಹ ನೀಡಿದೆ, ಇದು ತಾಜಾ ಸೌಂದರ್ಯವನ್ನು ನೀಡುತ್ತದೆ. ಬ್ಯಾಟರಿ ಲೆವೆಲ್ ಇಂಡಿಕೇಷನ್ ಹೊಂದಿರುವ ಚಾರ್ಜರ್ . ಆಟೋ-ಹೋಲ್ಡ್ ಬ್ಯಾಟರಿ ಹುಡ್ ವಾಹನವನ್ನು ಬಳಕೆದಾರ ಸ್ನೇಹಿ ಮತ್ತು ವಾಸ್ತವಕ್ಕೆ ಹತ್ತಿರವಾಗಿಸಿದೆ
ಇನ್ಗೊ ಫ್ಲೀ 2.0 ಡಿಸೆಂಬರ್ 1ರಿಂದ ಮಾರಾಟಕ್ಕೆ ಲಭ್ಯವಾಗಲಿದೆ. ಆಸಕ್ತ ಖರೀದಿದಾರರು ಹೆಚ್ಚಿನ ಮಾಹಿತಿಗಾಗಿ https://ingoelectric. com/ ಭೇಟಿ ನೀಡಬಹುದು ಅಥವಾ +91 7019908703 ಗೆ ಕರೆ ಮಾಡಬಹುದು
