ನವದೆಹಲಿ: ಸುಮಾರು 200 ಉದ್ಯೋಗಿಗಳನ್ನು ಶೀಘ್ರದಲ್ಲೇ ವಜಾಗೊಳಿಸುವುದಾಗಿ ಚಿಪ್ ತಯಾರಿಕಾ ಕಂಪನಿ ಇಂಟೆಲ್ ತಿಳಿಸಿರುವುದಾಗಿ ವರದಿಯಾಗಿದೆ.ಅಮೆರಿಕದ ಕಂಪ್ಯೂಟರ್ ನಿಯತಕಾಲಿಕೆ ‘ಸಿಆರ್ಎನ್’ ವರದಿಯ ಪ್ರಕಾರ, ಜನವರಿ 31ರಿಂದ ಇಂಟೆಲ್ ವಜಾ ಪ್ರಕ್ರಿಯೆ ಆರಂಭಿಸ ಲಿದೆ. ಮಾರಾಟದಲ್ಲಿ ಕುಸಿತ ಕಂಡು ಬಂದಿರುವುದೇ ಉದ್ಯೋಗಿಗಳ ವಜಾಕ್ಕೆ ಕಾರಣ ಎನ್ನಲಾಗಿದೆ.
ವೆಚ್ಚ ಕಡಿತ ಯೋಜನೆಯ ಅಡಿಯಲ್ಲಿ ಕನಿಷ್ಠ 201 ಮಂದಿಯನ್ನು ಇಂಟೆಲ್ ವಜಾ ಗೊಳಿಸಲಿದೆ. ಇಂಟೆಲ್ನ ಕ್ಯಾಲಿಫೋರ್ನಿ ಯಾದ ಫಾಲ್ಸೊಮ್ ಕಚೇರಿಯಿಂದ 111 ಉದ್ಯೋಗಿಗಳನ್ನು ವಜಾಗೊಳಿಸಲಾಗುತ್ತಿದೆ. 90 ಮಂದಿ ಉದ್ಯೋಗಿಗಳನ್ನು ಸಾಂತಾ ಕ್ಲಾರಾ ಪ್ರದೇಶದಲ್ಲಿರುವ ಇಂಟೆಲ್ ಪ್ರಧಾನ ಕಚೇರಿಗೆ ವರ್ಗಾಯಿಸಲಾಗುತ್ತಿದೆ ಎಂದು ವರದಿ ತಿಳಿಸಿದೆ.
ಜಾಗತಿಕವಾಗಿ ಇಂಟೆಲ್ನ ಸಾವಿರಾರು ಕಾರ್ಖಾನೆ ಕೆಲಸಗಾರರಿಗೆ ಮೂರು ತಿಂಗಳ ವೇತನ ರಹಿತ ರಜೆ ಆಫರ್ ನೀಡಲಾಗಿದೆ ಎಂದು ವರದಿ ಮಾಡಿದೆ. ಉತ್ಪಾದನಾ ಕ್ಷೇತ್ರದ ಪ್ರತಿಭೆ ಗಳನ್ನು ಉಳಿಸಿಕೊಳ್ಳುವುದು ದೀರ್ಘಾವಧಿಯ ಬೆಳವಣಿಗೆ ದೃಷ್ಟಿಯಿಂದ ನಮಗೆ ಬಹು ಮುಖ್ಯವಾಗಿದೆ. ಐರ್ಲೆಂಡ್ನಲ್ಲಿ ಇಂಟೆಲ್ ಕಾರ್ಖಾನೆ ಕೆಲಸಗಾರರಿಗೆ ಮೂರು ತಿಂಗಳ ವೇತನರಹಿತ ರಜೆ ಆಫರ್ ನೀಡಿತ್ತು ಎಂದು ವರದಿ ಮಾಡಿತ್ತು.
