ಮುಂಬೈ: ಸಾಮಾಜಿಕ ಜಾಲತಾಣ ಮತ್ತು ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳಲು ಬಾಂಬೆ ಹೈ ಕೋರ್ಟ್ ಮುಂದಾಗಿದೆ.
ಇಂದಿನಿಂದ ಬಾಂಬೆ ಹೈಕೋರ್ಟ್ ಟೆಲಿಗ್ರಾಂ ಚಾನಲ್ ಆರಂಭಿಸಿದೆ. ಈ ಮೂಲಕ ಸರಳ ಮತ್ತು ಸುಲಭವಾಗಿ ಅರ್ಜಿಗಳ ಕುರಿತು ತಿಳಿಯಲು ಸಹಾಯ ಆಗಲಿದೆ. ಈ ಚಾನಲ್ ಮೂಲಕ ಪ್ರಕರಣಗಳ ಮಾಹಿತಿ ವಾದಿ ಮತ್ತು ಪ್ರತಿವಾದಿಗಳಿಗೆ ಲಭ್ಯವಾಗಲಿದ್ದು, ಇದರಿಂದ ಹೆಚ್ಚಿನ ಪ್ರಯೋಜನ ಸಿಗಲಿದೆ.
ಬಾಂಬೆ ಹೈಕೋರ್ಟ್ ವೆಬ್ಸೈಟ್ ಮೂಲಕ ಇದೀಗ ನ್ಯಾಯಾಲಯದ ಪ್ರಕರಣಗಳ ಕುರಿತು ಮಾಹಿತಿ ಸಿಗಲಿದೆ. ಇಲ್ಲಿ ವಾದಿಗಳು ಮತ್ತು ಪ್ರತಿವಾದಿಗಳು ತಮ್ಮ ಕೇಸ್ ಅನ್ನು ನ್ಯಾಯಾಲಯ ಇಂದು ಕೈಗೊಳ್ಳಲಿದೆಯಾ ಅಥವಾ ನಾಳೆ ಕೈಗೊಳ್ಳಲಿದೆಯಾ ಎಂಬ ಮಾಹಿತಿಯನ್ನು ಪಡೆಯುತ್ತಿದ್ದರು. ವೆಬ್ಸೈಟ್ನಲ್ಲಿ ಈ ಕುರಿತು ಮಾಹಿತಿ ಪಡೆಯುವುದು ಸಾಮಾನ್ಯ ಜನರಿಗೆ ಮತ್ತು ಸದಸ್ಯೇತರರಿಗೆ ಕಷ್ಟವಾಗಿತ್ತು. ಇದು ವಕೀಲರಿಗೆ ಮತ್ತು ಇದರ ಬಗ್ಗೆ ಮಾಹಿತಿ ಇದ್ದವರಿಗೆ ಮಾತ್ರ ಸುಲಭವಾಗಿ ಸಿಗುತ್ತಿತ್ತು.
ಬಾಂಬೆ ಹೈಕೋರ್ಟ್ ಇದೀಗ ತಮ್ಮದೇ ಅಧಿಕೃತ ಟೆಲಿಗ್ರಾಂ ಚಾನಲ್ ಅನ್ನು ನ.9 ರಿಂದ ಆರಂಭಿಸಿದೆ.
ಟೆಲಿಗ್ರಾಂ ಚಾನಲ್ನಲ್ಲಿ ಸಲಭವಾಗಿ 2.5 ಎಂಬಿಯ ಪಿಡಿಎಫ್ ಫೈಲ್ ಅಥವಾ ವರ್ಡ್ ಫೈನ್ ಅನ್ನು ಕಳುಹಿಸಬಹುದಾಗಿದೆ. ಡೌನ್ಲೋಡ್ ಮಾಡುವುದು ಕೂಡ ಸುಲಭವಾಗಿದೆ.
ಹೈಕೋರ್ಟ್ ವೆಬ್ಸೈಟ್ನಲ್ಲಿ ವಕೀಲರು ಹೊರತಾಗಿ ಸಾಮಾನ್ಯ ಜನರು ಮಾಹಿತಿಗಳನ್ನು ಹುಡುಕುವುದು ಮತ್ತು ಓದುವುದು ಕಷ್ಟ ಸಾಧ್ಯ. ಪ್ರಕರಣ ಸಂಬಂಧ ವಾದಿಗಳು ಮತ್ತು ಪ್ರತಿವಾದಿಗಳು ಇದೀಗ ಟೆಲಿಗ್ರಾಂ ಮೂಲಕ ಸಾಮಾನ್ಯ ಸಾರ್ವನಿಕ ಪ್ರಕರಣದ ಮಾಹಿತಿಗಳನ್ನು ಸುಲಭವಾಗಿ ಪಡೆಯಬಹುದಾಗಿದೆ ಎಂದು ಹೈಕೋರ್ಟ್ ವಕೀಲ ವಿನೋದ್ ಸತ್ಪುಟ್ ಹೇಳಿದ್ದಾರೆ.
