Vishwavani News - Latest Kannada News

R T Vittalmurthy Column: ಕುಮಾರಣ್ಣನ ಅರ್ಜೆಂಟ್‌ ವಾರ್‌ ಮೀಟಿಂಗ್

Mon, 19 Oct 2026 00:49:48 +0000

ಮೂರ್ತಿಪೂಜೆ

ಕರ್ನಾಟಕದಲ್ಲಿ ನಡೆಯುತ್ತಿರುವ ಸ್ಟಿಂಗ್ ಆಪರೇಷನ್ ಸಂಘರ್ಷ ದಿಲ್ಲಿಯ ಕಾಂಗ್ರೆಸ್ ನಾಯಕರ ನಿದ್ದೆಗೆಡಿಸಿದೆ. ಕಾರಣ? ಇಂತಹ ಸಂಘರ್ಷ ಅಹಿಂದ ಮತ ಬ್ಯಾಂಕನ್ನು ಛಿದ್ರಗೊಳಿಸಬಹುದೇ ಎಂಬ ಅನುಮಾನ. ಅಂದ ಹಾಗೆ ಕಾಂಗ್ರೆಸ್ ವರಿಷ್ಟರ ಅನುಮಾನಕ್ಕೆ ಪುಷ್ಟಿ ಕೊಡುವ ಕಾರಣಗಳೂ ಇವೆ. ಅದೆಂದರೆ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಹೆಸರನ್ನು ಈ ಸ್ಟಿಂಗ್ ಸಂಘರ್ಷ ದಲ್ಲಿ ಎಳೆ ತಂದಿರುವುದು. ಅದರಲ್ಲೂ ಜೆಡಿಎಸ್ ರಾಜ್ಯಾಧ್ಯಕ್ಷ, ಕೇಂದ್ರ ಸಚಿವ ಹೆಚ್ .ಡಿ.ಕುಮಾರ ಸ್ವಾಮಿ ಅವರು, ‘ಈ ಸ್ಟಿಂಗ್ ಆಪರೇಷನ್ ಮೂಲಕವೇ ಸಿದ್ದರಾಮಯ್ಯ ಅವರನ್ನು ಮುಖ್ಯಮಂತ್ರಿ ಹುದ್ದೆಯಿಂದ ಕೆಳಗಿಳಿಸಲಾಯಿತು’ ಎಂದು ಆರೋಪಿಸಿದರಲ್ಲ? ಅವರ ಈ ಆರೋಪಕ್ಕೆ ಸಿದ್ದರಾಮಯ್ಯ ಪ್ರತಿಕ್ರಿಯಿಸಲಿಲ್ಲವಾದರೂ ರಾಜ್ಯದ ಪ್ರಬಲ ಕುರುಬ ಮತ ಬ್ಯಾಂಕಿಗೆ ಕುಮಾರಸ್ವಾಮಿ ಅವರ ಸಂದೇಶ ಬಲವಾಗಿಯೇ ತಲುಪಿದೆ.

ಎಲ್ಲಕ್ಕಿಂತ ಮುಖ್ಯವಾಗಿ ಸಿದ್ದರಾಮಯ್ಯ ಅವರನ್ನು ಸಿಎಂ ಹುದ್ದೆಯಿಂದ ಕೆಳಗಿಳಿಸಿದ ಬೆಳವಣಿಗೆ ಯನ್ನೇ ಕುರುಬ ಮತ ಬ್ಯಾಂಕು ಅಸಹನೆಯಿಂದ ನೋಡಿತ್ತು. ಆದರೆ ಯಾವಾಗ ಇದು ಸ್ಟಿಂಗ್ ಆಪರೇಷನ್ನಿನ ಫಲ ಅಂತ ಕುಮಾರಸ್ವಾಮಿ ಆರೋಪಿಸಿದರೋ? ಆಗ ಕುರುಬ ಮತ ಬ್ಯಾಂಕು ಮತ್ತಷ್ಟು ಅಸಹನೆಯಿಂದ ಕನಲುತ್ತಿದೆ.

ಗಮನಿಸಬೇಕಾದ ಸಂಗತಿ ಎಂದರೆ ಈ ಎಪಿಸೋಡಿನ ಹಿನ್ನೆಲೆಯಲ್ಲಿ ಸಿದ್ದರಾಮಯ್ಯ ಅವರು ಮೌನಕ್ಕೆ ಜಾರಿರಬಹುದು ಮತ್ತು ಕಾಂಗ್ರೆಸ್ ವರಿಷ್ಟರ ವಿರುದ್ಧ ಮಾತನಾಡದೆ ಇರಬಹುದು. ಆದರೆ ಅವರ ಸದ್ಯದ ಸ್ಥಿತಿ ಕುರುಬ ಮತ ಬ್ಯಾಂಕಿನ ಪಲ್ಲಟಕ್ಕೆ ಹದವಾದ ವಾತಾವರಣ ಸೃಷ್ಟಿಸಿದಂತೆ ಕಾಣುತ್ತಿದೆ. ಅಂದ ಹಾಗೆ ಹೀಗೆ ಪಲ್ಲಟಗೊಳ್ಳುವ ಕುರುಬ ಮತ ಬ್ಯಾಂಕು ಎರಡು ನೆಲೆಗಳಲ್ಲಿ ಚೆದುರಬಹುದು ಎಂಬುದು ಕಾಂಗ್ರೆಸ್ ವರಿಷ್ಟರ ಆತಂಕ.

ಇದನ್ನೂ ಓದಿ: R T Vittalmurthy Column: ಸಿದ್ದು ಕೋಟೆಗೆ ಜಮೀರ್‌ ಎಂಟ್ರಿಯಾದರು

ಮೊದಲನೆಯದಾಗಿ ಹಳೆ ಮೈಸೂರು ಭಾಗದಲ್ಲಿ ಕುರುಬ ಮತ ಬ್ಯಾಂಕಿನ ಗಣನೀಯ ಶೇರು ಜೆಡಿಎಸ್ ಕಡೆ ವಾಲಬಹುದು ಮತ್ತು ಒಕ್ಕಲಿಗ ಪ್ಲಸ್ ಕುರುಬ ಕಾಂಬಿನೇಷನ್ನು ವರ್ಕ್ ಔಟ್ ಆಗಬಹುದು. ಎರಡನೆಯದಾಗಿ ಉತ್ತರ ಕರ್ನಾಟಕ ಭಾಗದಲ್ಲಿ ಕುರುಬ ಮತ ಬ್ಯಾಂಕಿನ ಗಣನೀಯ ಶೇರು ಬಿಜೆಪಿ ಕಡೆ ವಾಲಬಹುದು ಮತ್ತು ಲಿಂಗಾಯತ ಪ್ಲಸ್ ಕುರುಬ ಕಾಂಬಿನೇಷನ್ನು ವರ್ಕ್ ಔಟ್ ಆಗಬಹುದು. ಹಾಗೇನಾದರೂ ಆದರೆ ರಾಜ್ಯದ ಹಲವು ಕ್ಷೇತ್ರಗಳಲ್ಲಿ ಪಕ್ಷಕ್ಕೆ ಹೊಡೆತ ಗ್ಯಾರಂಟಿ ಎಂಬುದು ಕಾಂಗ್ರೆಸ್ ವರಿಷ್ಟರ ಆತಂಕ.

ದಿಲ್ಲಿ ಮೂಲಗಳ ಪ್ರಕಾರ, ಕಾಂಗ್ರೆಸ್ ವರಿಷ್ಟರ ಆತಂಕಕ್ಕೆ ಪುಷ್ಟಿ ನೀಡುವ ಮತ್ತಷ್ಟು ಕಾರಣಗಳಿವೆ. ಅದರಲ್ಲಿ ಮುಖ್ಯವಾದುದು ವಾಲ್ಮೀಕಿ ಮತ ಬ್ಯಾಂಕು. ಅದರಲ್ಲೂ ಈಗಾಗಲೇ ನಡೆದ ಬಿ.ನಾಗೇಂದ್ರ ರಾಜೀನಾಮೆ ಎಪಿಸೋಡು ವಾಲ್ಮೀಕಿ ಮತ ಬ್ಯಾಂಕಿನ ಅಸಹನೆಗೆ ಕಾರಣವಾಗಿದ್ದು, ಅದೇ ಕಾಲಕ್ಕೆ ಲೋಕೋಪಯೋಗಿ ಸಚಿವ ಸತೀಶ್ ಜಾರಕಿಹೊಳಿಯವರನ್ನು ದುರ್ಬಲಗೊಳಿಸಿರುವ ಯತ್ನವೂ ವಾಲ್ಮೀಕಿ ಮತ ಬ್ಯಾಂಕನ್ನು ಕೆರಳಿಸಿವೆ.

ಇನ್ನು ತುಮಕೂರು, ಚಿತ್ರದುರ್ಗ ಸೇರಿದಂತೆ ಹಳೆ ಮೈಸೂರು ಪಾಕೀಟಿನಲ್ಲಿ ಪ್ರಬಲರಾಗಿದ್ದ ಕೆ.ಎನ್.ರಾಜಣ್ಣ ಅವರನ್ನು ಮೂಲೆಗುಂಪು ಮಾಡಿದ ಪ್ರಕರಣವೂ ಸೇರಿ ಇಡೀ ವಾಲ್ಮೀಕಿ ಮತ ಬ್ಯಾಂಕು ಅಸಹನೆಯಿಂದ ಕುದಿಯುತ್ತಿದೆ. ಪರಿಣಾಮ? ಕುರುಬ ಮತ ಬ್ಯಾಂಕಿನ ಜತೆ ವಾಲ್ಮೀಕಿ ಮತ ಬ್ಯಾಂಕಿನ ಅಸಹನೆಯೂ ಸೇರಿದರೆ, ಇದುವರೆಗೂ ಕಾಂಗ್ರೆಸ್ ಪಕ್ಷದ ಮುಂಚೂಣಿಯಲ್ಲಿದ್ದ ಅಹಿಂದ ಸೈನ್ಯದ ಬಾವುಟ ಕಳಚಿ ಬೀಳುತ್ತದೆ. ಹಾಗೇನಾದರೂ ಆದರೆ ಮುಂದೇನು? ಎಂಬುದು ಕಾಂಗ್ರೆಸ್ ಪಾಳಯದ ಚಿಂತೆ.

ಗೇಮ್ ಪ್ಲಾನು ಬದಲಾದರೆ?

ಈ ಮಧ್ಯೆ ಕಾಂಗ್ರೆಸ್ ಪಾಳಯದಲ್ಲಿ ಮತ್ತೊಂದು ಚಿಂತೆಯೂ ಶುರುವಾಗಿದೆ. ಅದರ ಈ ಚಿಂತೆಗೆ ಸದ್ಯಕ್ಕೆ ಪುಷ್ಟಿ ಸಿಗುತ್ತಿಲ್ಲವಾದರೂ ಸನ್ನಿವೇಶದ ಸಾಕ್ಷ್ಯಾಧಾರಗಳು ಅದರ ಅನುಮಾನಕ್ಕೆ ಕಾರಣವಾಗುವೆ. ಅಂದ ಹಾಗೆ ಅದರ ಚಿಂತೆ ಎಂದರೆ ಚುನಾವಣೆ ಹತ್ತಿರ ಬರುತ್ತಿದ್ದಂತೆಯೇ ಬಿಜೆಪಿ-ಜೆಡಿಎಸ್ ಮೈತ್ರಿ ಕಡಿದುಕೊಳ್ಳಬಹುದೇ? ಎಂಬುದು. ಅದರ ಇಂತಹ ಅನುಮಾನಕ್ಕೆ ಪುಷ್ಟಿ ನೀಡುವ ಕೆಲಸ ಮೋದಿ, ಅಮಿತ್ ಶಾ ಅವರಿಂದಾಗಲೀ, ಜೆಡಿಎಸ್ ನಾಯಕ ಹೆಚ್.ಡಿ. ಕುಮಾರಸ್ವಾಮಿ ಅವರಿಂದಾಗಲೀ ಆಗಿಲ್ಲ. ಇನ್ನು ಮೈತ್ರಿಯ ವಿಷಯದಲ್ಲಿ ರಾಜ್ಯ ಬಿಜೆಪಿಯ ಒಂದು ಬಣ ಅಸಹನೆ ವ್ಯಕ್ತಪಡಿಸುತ್ತಿದೆಯಾದರೂ ಕುಮಾರಸ್ವಾಮಿ ಅವರು ಮಾತ್ರ ಚಕಾರವೆತ್ತುತ್ತಿಲ್ಲ. ಹಾಗೆ ನೋಡಿದರೆ ಬಿಜೆಪಿ ನಾಯಕರ ಈ ವರ್ತನೆಯ ಬಗ್ಗೆ ಸ್ವಪಕ್ಷದ ನಾಯಕರು ಅಸಹನೆ ವ್ಯಕ್ತಪಡಿಸುತ್ತಲೇ ಇದ್ದಾರಾದರೂ ಕುಮಾರಸ್ವಾಮಿ ಅವರು ಮಾತ್ರ, ‘ಪ್ರಧಾನಿ ಮೋದಿ ಮತ್ತು ಗೃಹ ಸಚಿವರಾದ ಅಮಿತ್ ಶಾ ಅವರು ನಮ್ಮ ಮೇಲಿಟ್ಟ ನಂಬಿಕೆಯನ್ನು ಉಳಿಸಿಕೊಳ್ಳ ಬೇಕು.

ರಾಜ್ಯ ಬಿಜೆಪಿ ನಾಯಕರು ಏನೇ ಅಪಸ್ವರ ಎತ್ತಿದರೂ ನಾವು ಮೈತ್ರಿ ಧರ್ಮಕ್ಕೆ ವಿರುದ್ಧವಾಗಿ ಹೋಗಬಾರದು’ ಎನ್ನುತ್ತಲೇ ಬಂದಿದ್ದಾರೆ. ಆದರೆ ಮುಂದಿನ ದಿನಗಳಲ್ಲಿ ಈ ಬಿರುಕು ಹೆಚ್ಚಾದರೆ ಬಿಜೆಪಿ- ಜೆಡಿಎಸ್ ಗೇಮ್ ಪ್ಲಾನು ಬದಲಾಗಬಹುದು. ಮತ್ತು ಚುನಾವಣಾ ಪೂರ್ವ ಹೊಂದಾಣಿಕೆ ಬೇಡ. ಬದಲಿಗೆ ಚುನಾವಣೆಯಲ್ಲಿ ಇಂಡಿಪೆಂಡೆಂಟ್ ಅಗಿಯೇ ಹೋರಾಡೋಣ ಎಂಬ ಲೆಕ್ಕಾಚಾರಕ್ಕೆ ಬರಬಹುದು.

ಹೀಗೆ ಬಿಜೆಪಿ-ಜೆಡಿಎಸ್ ಗೇಮ್ ಪ್ಲಾನು ಬದಲಾದರೆ ಕಾಂಗ್ರೆಸ್ ಪಕ್ಷಕ್ಕೆ ಹೆಚ್ಚು ಅಪಾಯ ಎಂಬುದು ಕೈ ನಾಯಕರ ಲೆಕ್ಕಾಚಾರ. ಯಾಕೆಂದರೆ ಬಿಜೆಪಿ-ಜೆಡಿಎಸ್ ಒಟ್ಟಿಗೆ ಸೇರಿ ಚುನಾವಣೆ ಎದುರಿಸಿದರೆ ಮುಸ್ಲಿಂ ಮತ ಬ್ಯಾಂಕು ಒಡೆಯುವುದಿಲ್ಲ. ಆದರೆ ಎರಡೂ ಪಕ್ಷಗಳು ಸ್ವಂತ ಶಕ್ತಿಯ ಮೇಲೆ ಚುನಾವಣೆಗೆ ಹೋದರೆ ಮುಸ್ಲಿಂ ಮತ ಬ್ಯಾಂಕಿನ ಒಂದಷ್ಟು ಶೇರು ಜೆಡಿಎಸ್‌ಗೆ ದಕ್ಕಬಹುದು. ಹಾಗೇನಾದರೂ ಅದರೆ ಜೆಡಿಎಸ್‌ಗೆ ಒಕ್ಕಲಿಗ, ಕುರುಬ ಪ್ಲಸ್ ಮುಸ್ಲಿಂ ಕಾಂಬಿನೇಷನ್ ದಕ್ಕುತ್ತದೆ. ಹಾಗೇನಾದರೂ ಅಗಿ ಬಿಟ್ಟರೆ? ಎಂಬುದು ಕೈ ಪಾಳಯದ ಮತ್ತೊಂದು ಚಿಂತೆ.

ಕುಮಾರಣ್ಣನ ‘ವಾರ್’ ಮೀಟಿಂಗು

ಕಳೆದ ಶುಕ್ರವಾರ ಬೆಂಗಳೂರಿನ ಜೆ.ಪಿ. ಭವನದಲ್ಲಿ ಪಕ್ಷದ ನಾಯಕರ ಮಹತ್ವದ ಸಭೆ ನಡೆಸಿದ ಕೇಂದ್ರ ಸಚಿವ ಹೆಚ್.ಡಿ. ಕುಮಾರಸ್ವಾಮಿ ‘ಯುದ್ಧಕ್ಕೆ ತಯಾರಾಗಿ’ ಅಂತ ಸೂಚನೆ ಕೊಟ್ಟಿದ್ದಾರೆ. ಬಿಡದಿ ಟೌನ್‌ಶಿಪ್, ನೈಸ್ ವಿವಾದ ಮತ್ತು ಸ್ಟಿಂಗ್ ಆಪರೇಷನ್ನುಗಳ ಬಗ್ಗೆ ಒಂದೇ ಸಮನೆ ಬೆಂಕಿ ಉಗುಳುತ್ತಿರುವ ಕುಮಾರಸ್ವಾಮಿ, ಪಕ್ಷದ ನಾಯಕರಿಗೆ ಇಂತಹ ಕರೆ ಕೊಡಲು ಅವರಿಗೆ ಬಂದ ಫೀಡ್ ಬ್ಯಾಕುಗಳೇ ಕಾರಣ. ‘ಸಾರ್, ನೀವು ಒಂದೇ ಸಮನೆ ಇಂತಹ ಮಹತ್ವದ ಅಸ್ತ್ರಗಳನ್ನು ಹಿಡಿದು ಪ್ರಯೋಗಿಸುತ್ತಿದ್ದೀರಿ. ಆದರೆ ನೀವೊಬ್ಬರೇ ಇದರ ಬಗ್ಗೆ ಮಾತನಾಡುತ್ತಿದ್ದರೆ ನಿಮ್ಮ ಪಕ್ಷದವರೇನು ಮಾಡುತ್ತಿದ್ದಾರೆ? ಇವತ್ತು ಜೆಡಿಎಸ್‌ನಲ್ಲೂ ಶಾಸಕರು, ಸಂಸದರು, ಮಾಜಿ ಸಚಿವರ ಪಡೆ ಇದೆ. ನಾಳೆ ಇವರು ಕೂಡಾ ತಮ್ಮ ತಮ್ಮ ಕ್ಷೇತ್ರಗಳಲ್ಲಿ, ಜಿಲ್ಲೆಗಳಲ್ಲಿ ಈ ವಿಷಯಗಳನ್ನಿಟ್ಟುಕೊಂಡು ಬೀದಿ ಹೋರಾಟಕ್ಕಿಳಿಯಲಿ. ಇವತ್ತು ನೀವು ಇಷ್ಟೆಲ್ಲ ವಿಷಯಗಳನ್ನಿಟ್ಟುಕೊಂಡು ಹೋರಾಡುತ್ತಿದ್ದರೆ ಮಿತ್ರ ಪಕ್ಷದ ನಾಯಕರು ನಿಮ್ಮ ಭುಜಕ್ಕೆ ಭುಜ ಕೊಟ್ಟು ನಿಲ್ಲುತ್ತಿಲ್ಲ. ಹೀಗಿರುವಾಗ ನಿಮ್ಮ ಪಕ್ಷದವರಾದರೂ ಬೀದಿಗಿಳಿಯಲಿ. ಬೀದರ್ ಟು ಚಾಮರಾಜನಗರದವರೆಗೆ ಹೋರಾಟ ಶುರುವಾದರೆ ರಾಜ್ಯದ ಜನರಿಗೆ ಒಂದು ಮೆಸೇಜು ಹೋಗುತ್ತದೆ.

ಅಷ್ಟೇ ಅಲ್ಲ, ಬಿಜೆಪಿ ವರಿಷ್ಟರಿಗೂ ಒಂದು ಮೆಸೇಜು ಹೋಗುತ್ತದೆ’ ಅಂತ ಈ ಆಪ್ತರು ಕೊಟ್ಟ ಫೀಡ್‌ಬ್ಯಾಕು ಕುಮಾರಸ್ವಾಮಿಯವರ ಮನಸ್ಸನ್ನು ತಟ್ಟಿದೆ. ಮತ್ತದರ ಫಲವಾಗಿ ಪಕ್ಷದ ಕಚೇರಿಯಲ್ಲಿ ನಡೆದ ಮೀಟಿಂಗಿನಲ್ಲಿ ಬಿ ರೆಡಿ ಟು ವಾರ್ ಅಂತ ಹೇಳುವಂತೆ ಮಾಡಿವೆ. ಹೀಗೆ ಯಾವಾಗ ಅವರು ಕರೆ ಕೊಟ್ಟರೋ? ಇದಾದ ನಂತರ ಜೆಡಿಎಸ್ ಪಾಳಯದಲ್ಲಿ ಹೊಸ ಉಮೇದು ಶುರುವಾಗಿದ್ದು ಪೊಲೀಸ್ ಮಹಾ ನಿರ್ದೇಶಕರಿಗೆ ಕಂಪ್ಲೇಂಟು ಕೊಡಲು ಹೋದ ಸಂದರ್ಭದಲ್ಲಿ ಈ ಉಮೇದು ಭರ್ಜರಿಯಾಗಿಯೇ ಕಾಣಿಸಿದೆ.

ಬಿಜೆಪಿಯಲ್ಲಿ ಅಚ್ಚರಿಯ ವಿದ್ಯಮಾನ

ಇನ್ನು ರಾಜ್ಯ ಬಿಜೆಪಿಯಲ್ಲಿ ನಡೆದ ಒಂದು ವಿದ್ಯಮಾನ ಹಲವರ ಅಚ್ಚರಿಗೆ ಕಾರಣವಾಗಿತ್ತು. ಅದೆಂದರೆ ಪಕ್ಷದ ಉಸ್ತುವಾರಿಯಾಗಿ ಹರೀಶ್ ಚಂದ್ರ ದ್ವಿವೇದಿ ಮತ್ತು ಸಹ ಉಸ್ತುವಾರಿಯನ್ನಾಗಿ ಕಾಸಂ ವೆಂಕಟೇಶ್ವರಲು ಅವರನ್ನು ನೇಮಕ ಮಾಡಲಾಗಿದ್ದೇ ಈ ವಿದ್ಯಮಾನ. ಅಂದ ಹಾಗೆ ಅಚ್ಚರಿ ಏಕೆಂದರೆ ಈ ಇಬ್ಬರೂ ತುಂಬ ಅನುಭವಿಗಳಲ್ಲ. ಕರ್ನಾಟಕದ ರಾಜಕಾರಣದ ಬಗ್ಗೆ ಆಳವಾಗಿ ಅರಿತವರೂ ಅಲ್ಲ. ಈ ಹಿಂದಿದ್ದ ರಾಧಾಮೋಹನದಾಸ್ ಅಗರ್ವಾಲ್ ಅವರಿಗೆ ರಾಜ್ಯ ಬಿಜೆಪಿಯ ಒಳಸುಳಿಗಳು ಚೆನ್ನಾಗಿಯೇ ಗೊತ್ತಿದ್ದವು. 2024ರ ಲೋಕಸಭಾ ಚುನಾವಣೆಯ ಸಂದರ್ಭದಲ್ಲಿ ಬಿಜೆಪಿ- ಜೆಡಿಎಸ್ ನಡುವೆ ಮೈತ್ರಿ ಸಾಧಿತವಾಗಿತ್ತಲ್ಲ? ಈ ಮೈತ್ರಿಗೆ ಧಕ್ಕೆ ತರಲು ಸ್ವಪಕ್ಷದ ಯಾವ ನಾಯಕರು ಯತ್ನಿಸುತ್ತಿದ್ದಾರೆ? ಇದಕ್ಕಾಗಿ ಎಲ್ಲಿ ಗುನ್ನ ಹಾಕುತ್ತಿದ್ದಾರೆ? ಎಂಬುದನ್ನು ಬಹುಬೇಗ ಪತ್ತೆ ಹಚ್ಚುತ್ತಿದ್ದ ಅಗರ್ವಾಲ್ ತಕ್ಷಣ ಪ್ರತಿಯೇಟು ನೀಡಿ ಅಂತವರನ್ನು ತಣ್ಣಗಾಗಿಸುತ್ತಿದ್ದರು.

ಆ ಮೂಲಕ ಅಗರ್ವಾಲ್ ರಾಜ್ಯದಲ್ಲಿ ಬಿಜೆಪಿಯ ಬಲವರ್ಧನೆಗೆ ಮಾರ್ಗೋಪಾಯ ಹುಡುಕಬಲ್ಲರು ಎಂಬ ನಂಬಿಕೆ ಬಂದಿತ್ತು. ಅದರೆ ಯಾವಾಗ ಲೋಕಸಭಾ ಚುನಾವಣೆ ಮುಗಿಯಿತೋ? ಇದಾದ ನಂತರ ಅಗರ್ವಾಲ್ ಅವರ ಚಹರೆ ಪಟ್ಟಿಯೇ ಬದಲಾಗಿ ಹೋಯಿತು. ಅರ್ಥಾತ್, ರಾಜ್ಯ ಬಿಜೆಪಿಯಲ್ಲಿ ಭುಗಿಲೆದ್ದ ಬಣ ಸಂಘರ್ಷಕ್ಕೆ ಮದ್ದು ಹುಡುಕುವ ಬದಲು ಅವರೇ ಒಂದು ಬಣದ ಪರವಾಗಿ ನಿಂತು ಬಿಟ್ಟರು. ಪರಿಣಾಮ? ರಾಜ್ಯ ಬಿಜೆಪಿಯ ಹಲವರು ವರಿಷ್ಟರಿಗೆ ಸಂದೇಶಗಳನ್ನು ಕಳಿಸುತ್ತಾ, ‘ರಾಧಾ ಮೋಹನದಾಸ್ ಅಗರ್ವಾಲ್ ಅವರನ್ನು ಬದಲಿಸಿ, ತಟಸ್ಥರಾಗಿ ಎಲ್ಲವನ್ನೂ ಗಮನಿಸುವವರನ್ನು ಉಸ್ತುವಾರಿಯನ್ನಾಗಿ ನೇಮಿಸಿ’ ಅಂತ ಒತ್ತಡ ಹೇರತೊಡಗಿದರು.

ಇಂತಹ ಒತ್ತಡಗಳ ಹಿನ್ನೆಲೆಯಲ್ಲಿ ರಾಜ್ಯ ಬಿಜೆಪಿಯ ಉಸ್ತುವಾರಿಯಾಗಿ ಬಂದವರು ಉತ್ತರ ಪ್ರದೇಶದ ಹರೀಶ್ ಚಂದ್ರ ದ್ವಿವೇದಿ. ಇದೇ ರೀತಿ ಸಹ ಉಸ್ತುವಾರಿಯಾಗಿ ಬಂದವರು ಕಾಸಂ ವೆಂಕಟೇಸ್ವರಲು. ಹಾಗೆ ನೋಡಿದರೆ ನೇಮಕವಾದ ದಿನದಿಂದ ಈ ಇಬ್ಬರು ನಾಯಕರು ವಿಶೇಷವಾಗಿ ಗಮನ ಸೆಳೆದಿಲ್ಲ. ಆದರೆ ಆಳಕ್ಕಿಳಿದು ನೋಡಿದರೆ ಈ ಇಬ್ಬರ ನೇಮಕದ ಹಿಂದೆ ಪಕ್ಷದ ರಾಷ್ಟ್ರೀಯ ಅಧ್ಯಕ್ಷ ನಿತಿನ್ ನಬಿನ್ ಅವರ ಒತ್ತಾಸೆ ಇದೆ.

ಮೂಲಗಳ ಪ್ರಕಾರ, ‘ರಾಜ್ಯ ಬಿಜೆಪಿಯಲ್ಲಿ ನಡೆಯುತ್ತಿರುವ ಬಣ ಸಂಘರ್ಷಕ್ಕೆ ಮದ್ದು ಹುಡುಕುವವರು ವರಿಷ್ಟರಿಗೆ ಬೇಕಾಗಿಲ್ಲ. ಬದಲಿಗೆ ವಸ್ತುಸ್ಥಿತಿಯ ವಿವರ ಕೊಡುವವರು ಬೇಕು.’ ಅನುಭವಿಗಳಾದರೆ ತಮ್ಮ ದೃಷ್ಟಿಕೋನವನ್ನು ಮುಖ್ಯವಾಗಿಸಿ ವರದಿ ನೀಡುತ್ತಾರೆ. ಅರ್ಥಾತ್, ಅಲ್ಲಿ ಪೂರ್ವಾಗ್ರಹವಿರುತ್ತದೆ. ಆದರೆ ತುಂಬ ಅನುಭವಿಗಳಲ್ಲವಾದರೆ ನೇರಾನೇರವಾಗಿ ವರದಿ ನೀಡುತ್ತಾರೆ ಎಂಬುದು ನಿತಿನ್ ನಬಿನ್ ಲೆಕ್ಕಾಚಾರ.

ಇದೇ ಮೂಲಗಳ ಪ್ರಕಾರ, ಹರೀಶ್ ಚಂದ್ರ ದ್ವಿವೇದಿ ಮತ್ತು ಕಾಸಂ ವೆಂಕಟೇಶ್ವರಲು ಅಬ್ಬರ ಮಾಡುತ್ತಿಲ್ಲವಾದರೂ ಆಳದಲ್ಲಿ ರಾಜ್ಯ ಬಿಜೆಪಿಯ ಪ್ರಮುಖರನ್ನು ಸಂಪರ್ಕಿಸಿ ಅವರ ಬಳಿ ವಸ್ತುಸ್ಥಿತಿಯ ವಿವರ ಪಡೆಯುತ್ತಿದ್ದಾರೆ. ಹೀಗೆ ಅವರು ಪಡೆಯುತ್ತಿರುವ ವಿವರ ಸದ್ಯದ ಬಿಜೆಪಿ ವರಿಷ್ಟರಿಗೆ ತಲುಪಲಿದ್ದು ಅದರ ಆಧಾರದ ಮೇಲೆ ರಾಜ್ಯಾಧ್ಯಕ್ಷರ ವಿಷಯ ಸೆಟ್ಲ್ ಆಗಲಿದೆ. ಅಂದರೆ, ಹಾಲಿ ಅಧ್ಯಕ್ಷ ಬಿ.ವೈ. ವಿಜಯೇಂದ್ರ ಅವರು ಪುನಃ ಅಧ್ಯಕ್ಷರಾಗಿ ಮುಂದುವರಿಯು ತ್ತಾರೋ? ಅಥವಾ ಅವರ ಜಾಗಕ್ಕೆ ಬೇರೊಬ್ಬರು ಬರುತ್ತಾರೋ? ಎಂಬುದು ನಿರ್ಧಾರವಾಗಲಿದೆ. ‌

ಲಾಸ್ಟ್ ಸಿಪ್ ‌

ಇನ್ನು ರಾಜ್ಯ ಕಾಂಗ್ರೆಸ್‌ನಲ್ಲಿ ನಡೆಯುತ್ತಿರುವ ಒಂದು ಬೆಳವಣಿಗೆ ಹಲವರ ಅಚ್ಚರಿಗೆ ಕಾರಣ ವಾಗಿದೆ. ಅದೆಂದರೆ ದಲಿತ ನಾಯಕ, ಕಂದಾಯ ಸಚಿವ ಜಿ.ಪರಮೇಶ್ವರ್ ಅವರ ಬಗ್ಗೆ ದಿಲ್ಲಿಯ ಕಾಂಗ್ರೆಸ್ ನಾಯಕರು ತೋರಿಸುತ್ತಿರುವ ಕಕ್ಕುಲತೆ. ಅದು ಕೆ.ಸಿ. ವೇಣುಗೋಪಾಲ್ ಇರಬಹುದು, ರಣದೀಪ್ ಸಿಂಗ್ ಸುರ್ಜೇವಾಲಾ ಅವರಿರಬಹುದು. ಮತ್ತಿನ್ಯಾರೇ ಇರಬಹುದು. ಒಟ್ಟಿನಲ್ಲಿ ರಾಜ್ಯದ ರಾಜಕೀಯ ಬೆಳವಣಿಗೆಗಳೇನೇ ಇದ್ದರೂ ಆ ಬಗ್ಗೆ ಪರಮೇಶ್ವರ್ ಅವರ ಜತೆ ಚರ್ಚಿಸುವ ಸಂಪ್ರದಾಯ ಶುರುವಾಗಿದೆ. ಈ ಸಂಪ್ರದಾಯದ ಹಿಂದೆ ಯಾವ ಲೆಕ್ಕಾಚಾರವಿದೆಯೋ ಗೊತ್ತಿಲ್ಲ. ಆದರೆ ಕಳೆದ ಕೆಲ ದಿನಗಳಿಂದ ಪರಮೇಶ್ವರ್ ಅವರಿಗೆ ಸಿಗುತ್ತಿರುವ ಪ್ರಾಮಿನೆನ್ಸು ಹಲವರ ಅಚ್ಚರಿಗೆ ಕಾರಣವಾಗಿರುವುದಂತೂ ನಿಜ.

]]>

Vishweshwar Bhat Column: ಟೈಮ್‌ ಮ್ಯಾಗಜಿನ್‌ ಮುಖಪುಟ

Mon, 19 Oct 2026 00:39:37 +0000

ಸಂಪಾದಕೀಯ ಸದ್ಯಶೋಧನೆ

1923ರಲ್ಲಿ ಹೆನ್ರಿ ಲೂಸ್ ಮತ್ತು ಬ್ರಿಟನ್ ಹ್ಯಾಡನ್ ಅವರಿಂದ ಪ್ರಾರಂಭವಾದ ‘ಟೈಮ್’ ನಿಯತ ಕಾಲಿಕೆಯ ಮುಖಪುಟವು (ಕವರ್) ಜಾಗತಿಕ ಪತ್ರಿಕೋದ್ಯಮದ ಇತಿಹಾಸದಲ್ಲಿ ಅತ್ಯಂತ ಪ್ರಭಾವ ಶಾಲಿ ದೃಶ್ಯ ಸಂವಹನ ಮಾಧ್ಯಮವಾಗಿ ಗುರುತಿಸಿಕೊಂಡಿದೆ. ಕೇವಲ ಒಂದು ವಾರ ಪತ್ರಿಕೆಯ ಕವರ್ ಪುಟವಾಗಿ ಉಳಿಯದೇ, ಇಡೀ ಪ್ರಪಂಚದ ರಾಜಕೀಯ, ಸಾಮಾಜಿಕ, ಸಾಂಸ್ಕೃತಿಕ ಹಾಗೂ ಆರ್ಥಿಕ ಮಜಲುಗಳನ್ನು ದಾಖಲಿಸುವ ಐತಿಹಾಸಿಕ ಫಲಕವಾಗಿ ಇದು ರೂಪಾಂತರ ಗೊಂಡಿದೆ.

ಒಂದು ಘಟನೆ ಅಥವಾ ವ್ಯಕ್ತಿಯನ್ನು ಜಾಗತಿಕ ಮಟ್ಟದ ಚರ್ಚೆಯ ಕೇಂದ್ರಬಿಂದುವನ್ನಾಗಿ ಪರಿವರ್ತಿಸುವ ಶಕ್ತಿ ಈ ಮುಖಪುಟಕ್ಕಿದೆ. ‘ಟೈಮ್’ ಮುಖಪುಟದ ದೃಶ್ಯ ವಿನ್ಯಾಸವು ಅತ್ಯಂತ ವಿಶಿಷ್ಟ ಹಾಗೂ ತಕ್ಷಣ ಗುರುತಿಸಬಹುದಾದ ಶೈಲಿಯನ್ನು ಹೊಂದಿದೆ. ಮುಖಪುಟವನ್ನು ಸುತ್ತುವರಿದಿರುವ ಗಾಢ ಕೆಂಪು ಬಣ್ಣದ ಬಾರ್ಡರ್ ನಿಯತಕಾಲಿಕೆಯ ಪ್ರಮುಖ ಗುರುತಾಗಿದೆ. ‌

1927ರಲ್ಲಿ ಮೊದಲ ಬಾರಿಗೆ ಪರಿಚಯಿಸಲಾದ ಈ ಕೆಂಪು ಚೌಕಟ್ಟು, ಕಿಯಾ ಅಥವಾ ನ್ಯೂಸ್ ಸ್ಟ್ಯಾಂಡ್‌ಗಳಲ್ಲಿ ನೂರಾರು ಪತ್ರಿಕೆಗಳ ನಡುವೆ ಟೈಮ್ ಮ್ಯಾಗಜೀನ್ ಎದ್ದು ಕಾಣುವಂತೆ ಮಾಡಿತು. ಕಪ್ಪು ಬಣ್ಣದ ಸೆರಿಫ್ ಶೈಲಿಯ ’ TIME’ ಲೋಗೋ ಮತ್ತು ಕೆಂಪು ಚೌಕಟ್ಟಿನ ಸಂಯೋಜನೆಯು ಇಂದಿಗೂ ಜಾಗತಿಕ ಬ್ರ್ಯಾಂಡಿಂಗ್ ಲೋಕಕ್ಕೆ ಶ್ರೇಷ್ಠ ಉದಾಹರಣೆಯಾಗಿದೆ. ಈ ವಿನ್ಯಾಸದಲ್ಲಿ ಕೆಂಪು ಬಣ್ಣವನ್ನು ಬದಲಾಯಿಸುವುದು ಅತ್ಯಂತ ಅಪರೂಪದ ಹಾಗೂ ಗಂಭೀರ ಸಂದರ್ಭಗಳಲ್ಲಿ ಮಾತ್ರ ನಡೆಯುತ್ತದೆ.

ಇದನ್ನೂ ಓದಿ: Vishweshwar Bhat Column: ಇದು ಸಾಹಿತ್ಯ ಲೋಕದ ಅತ್ಯಂತ ದುಬಾರಿ ದೋಷ ತಿದ್ದುಪಡಿ !

ಸೆಪ್ಟೆಂಬರ್ 11, 2001ರ ಭಯೋತ್ಪಾದಕ ದಾಳಿಯ ನಂತರ ಬಿಡುಗಡೆಯಾದ ವಿಶೇಷ ಸಂಚಿಕೆ ಯಲ್ಲಿ ಶೋಕ ಮತ್ತು ಸಂತಾಪದ ಸಂಕೇತವಾಗಿ ಕೆಂಪು ಬಣ್ಣದ ಬದಲಿಗೆ ಕಪ್ಪು ಬಾರ್ಡರ್ ಬಳಸಲಾಗಿತ್ತು. ಪರಿಸರ ಕಾಳಜಿಯ ವಿಶೇಷ ಸಂಚಿಕೆಯಲ್ಲಿ ಹಸಿರು ಬಾರ್ಡರ್ ನೀಡಲಾಗಿತ್ತು. ಇಂಥ ಬದಲಾವಣೆಗಳು ಆಯಾ ಘಟನೆಗಳ ಭೀಕರತೆ ಅಥವಾ ಗಂಭೀರತೆಯನ್ನು ಓದುಗರಿಗೆ ಪದಗಳಿಲ್ಲದೆಯೇ ತಕ್ಷಣ ಮನದಟ್ಟು ಮಾಡಿಕೊಡುತ್ತವೆ.

‘ಟೈಮ್’ ಮುಖಪುಟದ ಕಲಾತ್ಮಕ ವಿಧಾನವು ಕಾಲಾನಂತರದಲ್ಲಿ ವಿಕಸನಗೊಂಡಿದೆ. ಆರಂಭಿಕ ದಶಕಗಳಲ್ಲಿ ಕಪ್ಪು-ಬಿಳುಪು ಮತ್ತು ತೈಲವರ್ಣದ ಭಾವಚಿತ್ರಗಳನ್ನು ಹೆಚ್ಚಾಗಿ ಬಳಸಲಾಗುತ್ತಿತ್ತು. ನಂತರದ ವರ್ಷಗಳಲ್ಲಿ ತೀಕ್ಷ್ಣ ಛಾಯಾಗ್ರಹಣ, ಡಿಜಿಟಲ್ ಇಲ್ಲಸ್ಟ್ರೇಷನ್, ಕೊಲಾಜ್ ಹಾಗೂ ಮಿನಿಮಲಿ (ಅತಿ ಕಡಿಮೆ) ಗ್ರಾಫಿಕ್ ವಿನ್ಯಾಸಗಳನ್ನು ಅಳವಡಿಸಿಕೊಳ್ಳಲಾಯಿತು. ‌

ಮುಖಪುಟದಲ್ಲಿ ಬಳಸುವ ಮುಖಭಾವ, ಬೆಳಕು-ನೆರಳಿನ ಸಂಯೋಜನೆ ಮತ್ತು ಮುದ್ರಣಕಲೆ ಕೇವಲ ಆಕರ್ಷಣೆಗೆ ಸೀಮಿತವಾಗದೆ, ಆ ವ್ಯಕ್ತಿ ಅಥವಾ ವಿಷಯದ ಸುತ್ತಲಿನ ನೈತಿಕ, ರಾಜಕೀಯ ಸತ್ಯವನ್ನು ಬಯಲಿಗೆಳೆಯುವಂತೆ ರೂಪಿಸಲಾಗುತ್ತದೆ. ‘ಟೈಮ್’ ಮುಖಪುಟದಲ್ಲಿ ಸ್ಥಾನ ಪಡೆಯುವುದು ಜಾಗತಿಕ ಮಟ್ಟದಲ್ಲಿ ಒಂದು ಮಹತ್ವದ ಮೈಲಿಗಲ್ಲು ಅಥವಾ ಅಧಿಕಾರದ ಮನ್ನಣೆ ಎಂದೇ ಪರಿಗಣಿತವಾಗಿದೆ.

ಯಾವುದೇ ವ್ಯಕ್ತಿ ಈ ಮುಖಪುಟದಲ್ಲಿ ಕಾಣಿಸಿಕೊಂಡರೆ, ಆತ ಜಾಗತಿಕ ಪ್ರಭಾವ ಹೊಂದಿದ್ದಾನೆ ಎಂದೇ ಭಾವಿಸಲಾಗುತ್ತದೆ. ಮಹಾತ್ಮ ಗಾಂಧಿ, ಮಾರ್ಟಿನ್ ಲೂಥರ್ ಕಿಂಗ್ ಜೂನಿಯರ್, ನೆಲ್ಸನ್ ಮಂಡೇಲಾ, ಇಂದಿರಾ ಗಾಂಧಿಯವರಿಂದ ಹಿಡಿದು ಆಧುನಿಕ ತಂತ್ರಜ್ಞಾನ ದಿಗ್ಗಜರಾದ ಸ್ಟೀವ್ ಜಾಬ್ಸ್ ಹಾಗೂ ಎಲಾನ್ ಮಸ್ಕ್ ವರೆಗೆ ಅನೇಕರು ಈ ಗೌರವಕ್ಕೆ ಪಾತ್ರರಾಗಿದ್ದಾರೆ.

ಇದು ಕೇವಲ ಪ್ರಚಾರವಲ್ಲದೆ, ಇತಿಹಾಸದ ಗತಿಯನ್ನು ನಿರ್ಧರಿಸುವ ಶಕ್ತಿಗಳಿಗೆ ಸಿಗುವ ಮನ್ನಣೆಯಾಗಿದೆ. ‘ಟೈಮ್’ ಮುಖಪುಟವು ಕೇವಲ ವ್ಯಕ್ತಿಗಳ ಆರಾಧನೆಗೆ ಸೀಮಿತವಾಗಿಲ್ಲ. ವಿವಾದಾತ್ಮಕ ಮತ್ತು ಐತಿಹಾಸಿಕ ಕ್ಷಣಗಳನ್ನು ನಿಷ್ಠುರವಾಗಿ ಬಿಂಬಿಸಲು ಹೆಸರುವಾಸಿಯಾಗಿದೆ. 1966ರ ’ Is God Dead?’ (ದೇವರು ಸತ್ತಿದ್ದಾನೆಯೇ?) ಎಂಬ ಕವರ್ ಯಾವುದೇ ಚಿತ್ರವಿಲ್ಲದೆ ಕೇವಲ ಕೆಂಪು ಅಕ್ಷರಗಳಿಂದ ಮುದ್ರಿತವಾಗಿ ದೊಡ್ಡ ಧಾರ್ಮಿಕ ಚರ್ಚೆಯನ್ನು ಹುಟ್ಟುಹಾಕಿತ್ತು.

ಅಡಾಲ್ಫ್ ಹಿಟ್ಲರ್, ಒಸಾಮಾ ಬಿನ್ ಲಾಡೆನ್ ಹಾಗೂ ಅಬು ಮುಸಾಬ್ ಅಲ್-ಜರ್ಕಾವಿಯಂಥ ದುಷ್ಟ ಶಕ್ತಿಗಳ ಮುಖದ ಮೇಲೆ ಕೆಂಪು ಕ್ರಾಸ್ (X) ಗುರುತು ಹಾಕಿದ ಮುಖಪುಟಗಳು, ಕ್ರೂರತೆಯ ಅಂತ್ಯ ಮತ್ತು ನ್ಯಾಯದ ವಿಜಯವನ್ನು ಸಾರಿದ ಐತಿಹಾಸಿಕ ಸಂಕೇತಗಳಾಗಿವೆ. ‌

ಪ್ರತಿ ವರ್ಷ ಪ್ರಕಟವಾಗುವ ‘ಪರ್ಸನ್ ಆಫ್ ದಿ ಇಯರ್’ (ವರ್ಷದ ವ್ಯಕ್ತಿ) ಮುಖಪುಟವು ‘ಟೈಮ್’ ನಿಯತಕಾಲಿಕೆಯ ಅತ್ಯಂತ ನಿರೀಕ್ಷಿತ ಆವೃತ್ತಿಯಾಗಿದೆ. 1927ರಲ್ಲಿ ಚಾರ್ಲ್ಸ್ ಲಿಂಡ್‌ಬರ್ಗ್ ಅವರೊಂದಿಗೆ ಆರಂಭವಾದ ಈ ಸಂಪ್ರದಾಯವು ಒಳ್ಳೆಯದೋ ಅಥವಾ ಕೆಟ್ಟದ್ದೋ, ಆ ವರ್ಷದ ಜಗತ್ತಿನ ವಿದ್ಯಮಾನಗಳ ಮೇಲೆ ಗರಿಷ್ಠ ಪ್ರಭಾವ ಬೀರಿದ ಶಕ್ತಿಯನ್ನು ಗುರುತಿಸುತ್ತದೆ.

]]>

ದಿನ ಭವಿಷ್ಯ,ಅಕ್ಟೋಬರ್ 19, 2026: ಇಂದು ಯಾವುದೇ ಮುಖ್ಯ ವ್ಯವಹಾರಗಳು ಬೇಡ

Mon, 19 Oct 2026 00:30:00 +0000

ಬೆಂಗಳೂರು: ಪರಾಭವ ಸಂವತ್ಸರ, ದಕ್ಷಿಣಾಯಣ, ಗ್ರೀಷ್ಮ ಋತು, ಅಶ್ವಯುಜ ಮಾಸ, ಶುಕ್ಲ ಪಕ್ಷದ, ಉತ್ತರಾಷಡ ನಕ್ಷತ್ರದ ಈ ದಿನ ಮೇಷ, ವೃಷಭ, ಮಿಥುನ, ಕರ್ಕ, ಸಿಂಹ, ಕನ್ಯಾ, ತುಲಾ, ವೃಶ್ಚಿಕ, ಧನು, ಮಕರ, ಕುಂಭ ಮತ್ತು ಮೀನ‌ ರಾಶಿಯವರ ಭವಿಷ್ಯ ಹೇಗಿರಲಿದೆ ಎನ್ನುವ ಬಗ್ಗೆ ಮಾಹಿತಿ ಇಲ್ಲಿದೆ.

ಮೇಷ ರಾಶಿ: ಈ ರಾಶಿಯವರಿಗೆ ಇಂದು ಉತ್ತಮ ದಿನವಾಗಲಿದೆ. ಕಾರ್ಯಕ್ಷೇತ್ರದಲ್ಲಿ ನೀವು ಅಂದುಕೊಂಡಂತೆ ಯಶಸ್ಸು ಕಾಣಬಹುದು. ಹಿಂದಿನ ಎರಡು ಮೂರು ದಿನಗಳ ತೊಂದರೆ ಎಲ್ಲವೂ ಮಾಯವಾಗುತ್ತದೆ.

ವೃಷಭ ರಾಶಿ: ಇಂದು ಉತ್ತಮವಾದ ದಿನವಾಗಿದ್ದು ಹಿಂದಿನ ಎರಡು ಮೂರು ದಿನಗಳ ತೊಂದರೆ ಎಲ್ಲವೂ ಮಾಯವಾಗುತ್ತದೆ. ಮನಸ್ಸಿಗೆ ನೆಮ್ಮದಿ ಪ್ರಾಪ್ತಿಯಾಗುತ್ತದೆ.

ಮಿಥುನ ರಾಶಿ: ಇಂದು ಈ ರಾಶಿಯವರಿಗೆ ಅಷ್ಟೊಂದು ಉತ್ತಮ ದಿನವಲ್ಲ. ಮುಖ್ಯವಾದ ನಿರ್ಧಾರಗಳು ಯಾವುದು ಬೇಡ. ನಾಳೆಯವರೆಗೆ ಕಾಯುವುದು ಒಳ್ಳೆಯದು.

ಕರ್ಕಾಟಕ ರಾಶಿ: ಇಂದು ಕಷ್ಟದ ದಿನವಾಗಲಿದೆ. ಮನಸ್ಸಿಗೆ ಅತೀ ಹೆಚ್ಚಿನ ನೆಮ್ಮದಿ ಸಿಗುತ್ತದೆ. ನಿಮ್ಮ ಪ್ರೀತಿ ಪಾತ್ರರಿಂದ ಕೂಡ ಸಹಕಾರ ಪ್ರಾಪ್ತಿಯಾಗುತ್ತದೆ.

ಸಿಂಹ ರಾಶಿ: ಇಂದು ಉತ್ತಮ ದಿನವಾಗಲಿದೆ. ಸೃಜನಶೀಲ ಕೆಲಸದಲ್ಲಿ ಯಶಸ್ಸು ನಿಮ್ಮದಾಗುತ್ತದೆ. ಸಾಮಾಜಿಕ ಚಟುವಟಿಕೆಗಳಲ್ಲಿಯೂ ಅಭಿವೃದ್ಧಿ ಕಾಣುತ್ತೀರಿ.

ಮನೆ ಖರೀದಿಸುವ ಮುನ್ನ ಈ ವಾಸ್ತು ನಿಯಮಗಳನ್ನು ತಿಳಿಯಿರಿ

ಕನ್ಯಾ ರಾಶಿ: ಇಂದು ಕಷ್ಟದ ದಿನವಾಗಲಿದೆ. ಆದರೆ ಕೋರ್ಟ್, ಕಚೇರಿ ವ್ಯವಹಾರದಲ್ಲಿ ಇರೋರಿಗೆ ತೊಂದರೆ ಎದುರಾಗುವ ಸಾಧ್ಯತೆ. ಮಕ್ಕಳ ವಿಚಾರದಲ್ಲಿಯೂ ತಲೆಬೀಸಿ ಉಂಟಾಗಬಹುದು.

ತುಲಾ ರಾಶಿ: ಇಂದು ಕಷ್ಟದ ದಿನವಾಗಲಿದೆ. ಟ್ಯಾಕ್ಸ್ ವ್ಯವಹಾರದಲ್ಲಿ ತೊಂದರೆ ಉಂಟಾಗಬಹುದು‌. ಯಾವುದೇ ಕೆಲಸಗಳನ್ನು ಯೋಚಿಸಿ ಮಾಡಿದರೆ ಒಳಿತು.

ವೃಶ್ಚಿಕ ರಾಶಿ: ಉತ್ತಮ ದಿನವಾಗಿದ್ದು ಬಂಧು- ಬಾಂಧವರಿಂದ ನೆಮ್ಮದಿ ಕಾಣುತ್ತೀರಿ. ಎಲ್ಲರ ಸಹಕಾರ ಕೂಡ ನಿಮಗೆ ಪ್ರಾಪ್ತಿಯಾಗುತ್ತದೆ.

ಧನು ರಾಶಿ: ಇಂದು ಯಶಸ್ಸು ಲಭಿಸುವ ದಿನ ನಿಮ್ಮದಾಗುತ್ತದೆ. ಮನೆಯ ಬಗ್ಗೆ ಹೆಚ್ಚಿನ ಗಮನವನ್ನು ನೀಡಬೇಕಾಗುತ್ತದೆ.

ಮಕರ ರಾಶಿ: ಇಂದು ಉತ್ತಮ ದಿನವಾಗಲಿದೆ. ಹಿಂದಿನ ಎರಡು ಮೂರು ದಿನಗಳ ತೊಂದರೆ ಎಲ್ಲವೂ ಮಾಯವಾಗುತ್ತದೆ. ಮುಂದಿನ ಕೆಲಸಗಳಿಗೆ ಸರಿಯಾದ ಮಾರ್ಗದರ್ಶನ ಸಿಗುತ್ತದೆ.

ಕುಂಭ ರಾಶಿ: ಕಷ್ಟದ ದಿನವಾಗಲಿದೆ. ಮುಖ್ಯವಾದ ನಿರ್ಧಾರ ಯಾವುದೇ ಬೇಡ. ಕೆಲಸ ಕಾರ್ಯದಲ್ಲೂ ತೊಂದರೆ ಎದುರಾಗಬಹುದು‌. ಆರ್ಥಿಕವಾಗಿಯೂ ನಷ್ಟ ಉಂಟಾಗಬಹುದು.

ಮೀನ ರಾಶಿ: ಉತ್ತಮ ದಿನವಾಗಲಿದ್ದು, ಕಾರ್ಯಕ್ಷೇತ್ರದಲ್ಲಿ ಹೆಚ್ಚಿನ ಯಶಸ್ಸು ಹಾಗೂ ನೆಮ್ಮದಿ ಸಿಗುತ್ತದೆ. ಎಲ್ಲ ರೀತಿಯಿಂದಲೂ ಮನಸ್ಸಿಗೆ ಸಂತೋಷದ ವಾತಾವರಣ ಇರುತ್ತದೆ.

]]>

Sadguru Shri Madhusudhan Sai: ರಾಮನಾಮ ಸ್ಮರಣೆಯಿಂದ ದುರ್ಗುಣಗಳ ನಿವಾರಣೆ: ಸದ್ಗುರು ಶ್ರೀ ಮಧುಸೂದನ ಸಾಯಿ

Sun, 18 Oct 2026 18:32:39 +0000

ಚಿಕ್ಕಬಳ್ಳಾಪುರ: ರಾಮನಾಮ ಸ್ಮರಣೆಯಿಂದ ಮನಸ್ಸಿನಲ್ಲಿರುವ ದುರ್ಗುಣಗಳು ದೂರವಾಗಿ, ಶ್ರೀರಾಮನ ಸದ್ಗುಣಗಳು ವ್ಯಕ್ತಿಯ ನಡವಳಿಕೆಯಲ್ಲಿ ಪ್ರತಿಫಲಿಸುತ್ತವೆ. ಆತ್ಮಜ್ಞಾನ ಪಡೆಯಲು ಅಹಂಕಾರವನ್ನು ತೊರೆದು, ನಿಸ್ವಾರ್ಥ ಭಾವದಿಂದ ಮುನ್ನಡೆಯಬೇಕು ಎಂದು ಸದ್ಗುರು ಶ್ರೀ ಮಧುಸೂದನ ಸಾಯಿ(Shri Madhusudan Sai) ಹೇಳಿದರು.

ಮುದ್ದೇನಹಳ್ಳಿ ಸತ್ಯ ಸಾಯಿ ಗ್ರಾಮದಲ್ಲಿ ಭಾನುವಾರ (ಅ. 18) ಶಾರದಾ ನವರಾತ್ರಿ(Navaratri)ಯ ಎಂಟನೇ ದಿನದ ಅಂಗವಾಗಿ ಆಯೋಜಿಸಿದ್ದ ಧಾರ್ಮಿಕ ಕಾರ್ಯಕ್ರಮದಲ್ಲಿ ಆಶೀರ್ವಚನ ನೀಡಿದ ಅವರು, ರಾಮನಾಮದ ಮಹತ್ವ ವಿವರಿಸಿದರು.

ರಾಮ ಎಂಬ ನಾಮವನ್ನು ಕೇಳುವುದೇ ಆನಂದದಾಯಕ. ಅದನ್ನು ಉಚ್ಚರಿಸುವುದೂ ಸುಲಭ. ನಿರಂತರವಾಗಿ ರಾಮನಾಮ ಸ್ಮರಣೆ ಮಾಡಿದಾಗ ಮನಸ್ಸಿನಲ್ಲಿರುವ ದುರ್ಗುಣಗಳು ದೂರವಾಗಿ, ಶ್ರೀರಾಮನ ಗುಣಗಳು ವ್ಯಕ್ತಿಯ ನಡವಳಿಕೆಯಲ್ಲಿ ಪ್ರತಿಬಿಂಬಿಸುತ್ತವೆ ಎಂದು ತಿಳಿಸಿದರು.

ಇದನ್ನೂ ಓದಿ: Sadguru Madhusudhan Sai: ದುರಾಸೆ, ಋಣಾತ್ಮಕ ಚಿಂತನೆಗಳಿಂದ ಆರೋಗ್ಯದ ಮೇಲೆ ದುಷ್ಪರಿಣಾಮ: ಸದ್ಗುರು ಮಧುಸೂದನ ಸಾಯಿ

ಶ್ರೀರಾಮನಿಗೆ ಎದುರಾದ ಸಮಸ್ಯೆಗಳನ್ನು ಹನುಮಂತ ನಿವಾರಿಸಿದನು. ಸಾಧ್ಯವಿರುವ ಎಲ್ಲ ರೀತಿಯಲ್ಲೂ ಶ್ರೀರಾಮನ ಸೇವೆ ಮಾಡಿದನು. ಹನುಮಂತನ ನಿಸ್ವಾರ್ಥ ಸೇವೆಯು ಸನಾತನ ಧರ್ಮದ ಸಮಾನತೆಯ ತತ್ವವನ್ನು ಸಾರುತ್ತದೆ. ಸನಾತನ ಧರ್ಮದಲ್ಲಿ ಯಾರೂ ಕೀಳಲ್ಲ, ಎಲ್ಲರೂ ಸಮಾನರು. ಏಕೆಂದರೆ, ಸರ್ವವೂ ಬ್ರಹ್ಮಸ್ವರೂಪವೇ ಆಗಿದೆ ಎಂದು ಹೇಳಿದರು.

ನವರಾತ್ರಿಯ ಅಷ್ಟಮಿಯ ಮಹತ್ವವನ್ನು ಪ್ರಸ್ತಾಪಿಸಿದ ಸದ್ಗುರುಗಳು, ಮಹಿಷಾಸುರನನ್ನು ಸಂಹರಿಸಿದ ದುರ್ಗಾದೇವಿ ಅಧರ್ಮವನ್ನು ಅಳಿಸಿ ಧರ್ಮವನ್ನು ಪ್ರತಿಷ್ಠಾಪಿಸಿದಳು. ಶಿವ ಮತ್ತು ರಾಮ ಇಬ್ಬರೂ ಬೇರೆ ಬೇರೆ ಅಲ್ಲ, ಇಬ್ಬರೂ ಒಂದೇ ಪರಮತತ್ತ್ವದ ಸ್ವರೂಪಗಳು. ಲೋಕ ಕಲ್ಯಾಣಕ್ಕಾಗಿ ಶಿವನು ಹಾಲಾಹಲ ವಿಷವನ್ನು ಸೇವಿಸಿ ಜಗತ್ತನ್ನು ರಕ್ಷಿಸಿದನು ಎಂದು ತಿಳಿಸಿದರು.

ವಿಶ್ವಶಾಂತಿ ಮತ್ತು ಸಮೃದ್ಧಿಯ ಸಂಕಲ್ಪದೊಂದಿಗೆ ಮುದ್ದೇನಹಳ್ಳಿ ಸತ್ಯ ಸಾಯಿ ಗ್ರಾಮದ ಸತ್ಯ ಸಾಯಿ ಹೃದಯ ಮಂದಿರದ ಆವರಣದಲ್ಲಿರುವ ಯಾಗಶಾಲೆಯಲ್ಲಿ ಭಾನುವಾರ ಮಹಾರುದ್ರ ಯಾಗ ಆರಂಭಗೊಂಡಿತು. ಸದ್ಗುರು ಶ್ರೀ ಮಧುಸೂದನ ಸಾಯಿ ಅವರ ಸಾನ್ನಿಧ್ಯದಲ್ಲಿ ಅ. 18ರಿಂದ 21ರವರೆಗೆ ನಾಲ್ಕು ದಿನಗಳ ಕಾಲ ಯಾಗ ನಡೆಯಲಿದೆ. ಅ. 11ರಿಂದ 21ರವರೆಗೆ ನಡೆಯುತ್ತಿರುವ ನವರಾತ್ರಿ ಹೋಮ, ದುರ್ಗಾ ಪೂಜೆ ಹಾಗೂ ವಿವಿಧ ಧಾರ್ಮಿಕ ಕಾರ್ಯಕ್ರಮಗಳ ಭಾಗವಾಗಿ ಯಾಗವನ್ನು ಆಯೋಜಿಸಲಾಗಿದೆ.

ಕಾರ್ಯಕ್ರಮದಲ್ಲಿ ಕರ್ನಾಟಕದ ಉಪಲೋಕಾಯುಕ್ತ ಬಿ. ವೀರಪ್ಪ, ಅಡ್ವೊಕೇಟ್ ಜನರಲ್ ಕೆ. ಶಶಿಕಿರಣ್ ಶೆಟ್ಟಿ, ವಿಶ್ವ ತಮಿಳು ವಾಣಿಜ್ಯ ಮಂಡಳಿಯ ಅಧ್ಯಕ್ಷ ಜೆ. ಸೆಲ್ವಕುಮಾರ್ ಹಾಗೂ ಪ್ರಶಾಂತಿ ಬಾಲಮಂದಿರ ಟ್ರಸ್ಟ್ ಅಧ್ಯಕ್ಷ ಡಾ. ಬಿ.ಎನ್. ನರಸಿಂಹಮೂರ್ತಿ ಉಪಸ್ಥಿತರಿದ್ದರು.

]]>

Mysore Dasara: ಮೈಸೂರು ದಸರಾ ಜಂಬೂಸವಾರಿಯಲ್ಲಿ ಗೌರಿಬಿದನೂರು ಕಲಾವಿದರ ಅರೆವಾದ್ಯ ಪ್ರದರ್ಶನ

Sun, 18 Oct 2026 18:25:52 +0000

ಗೌರಿಬಿದನೂರು: ಮೈಸೂರು ದಸರಾ(Mysore Dasara) ಮಹೋತ್ಸವದ ವಿಜಯದಶಮಿ ಜಂಬೂಸವಾರಿಯಲ್ಲಿ ಅರೆವಾದ್ಯ ಜನಪದ ಕಲಾಪ್ರದರ್ಶನ ನೀಡಲು ಆಯ್ಕೆಯಾಗಿರುವ ಚಿಕ್ಕಬಳ್ಳಾಪುರ ಜಿಲ್ಲೆಯ ಗೌರಿಬಿದನೂರು ತಾಲೂಕಿನ 40 ಜನರ ಕಲಾತಂಡಕ್ಕೆ ನಗರದ ಸಾರಿಗೆ ಬಸ್ ನಿಲ್ದಾಣದಲ್ಲಿ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಸಹಾಯಕ ನಿರ್ದೇಶಕ ಡಿ.ಎಂ. ರವಿಕುಮಾರ್ ಹಸಿರು ನಿಶಾನೆ ತೋರುವ ಮೂಲಕ ಶುಭ ಹಾರೈಸಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಅವರು, ರಾಜ್ಯದ ಪ್ರತಿ ಜಿಲ್ಲೆಯಿಂದ ವಿವಿಧ ಕಲಾಪ್ರಕಾರಗಳ ಕಲಾವಿದರನ್ನು ಆಯ್ಕೆ ಮಾಡಲಾಗುತ್ತಿದೆ. ಅದರಂತೆ ಚಿಕ್ಕಬಳ್ಳಾಪುರ ಜಿಲ್ಲೆಯಿಂದ ಗೌರಿಬಿದನೂರು ತಾಲೂಕಿನ ಚರ್ಮವಾದ್ಯ–ಅರೆವಾದ್ಯ ಕಲಾತಂಡಕ್ಕೆ ಅವಕಾಶ ಲಭಿಸಿದೆ. ಕಲಾವಿದರು ಮೈಸೂರಿನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿ ಜಿಲ್ಲೆಗೆ ಕೀರ್ತಿ ತರಲಿ ಎಂದು ಆಶಿಸಿದರು.

ಇದನ್ನೂ ಓದಿ: Mysore News: ನಂಜನಗೂಡಿನಲ್ಲಿ ಆರ್‌ವಿ ವಿಶ್ವವಿದ್ಯಾಲಯದ ಮೈಸೂರು ಕ್ಯಾಂಪಸ್‌ಗೆ ಚಾಲನೆ

ಕನ್ನಡ ಸಾಹಿತ್ಯ ಪರಿಷತ್ತಿನ ತಾಲೂಕು ಅಧ್ಯಕ್ಷ ಜನಾರ್ದನ ಮೂರ್ತಿ ಮಾತನಾಡಿ, ನಾಡಿನ ಸಂಸ್ಕೃತಿಯನ್ನು ಜಗತ್ತಿಗೆ ಪರಿಚಯಿಸುವ ಕಲಾತಂಡದ ಪ್ರದರ್ಶನ ಯಶಸ್ವಿಯಾಗಲಿ ಎಂದು ಹಾರೈಸಿದರು.

ಗ್ರಾಮೀಣ ಯುವ ಕಲಾ ಸಂಘದ ಅಧ್ಯಕ್ಷ ಹಾಗೂ ತಂಡದ ನಾಯಕ ಗೊಟ್ಲಗುಂಟೆ ವೆಂಕಟರಮಣಪ್ಪ ಮಾತನಾಡಿ, ಮೈಸೂರು ದಸರಾ ಮಹೋತ್ಸವದಲ್ಲಿ ಪ್ರದರ್ಶನ ನೀಡಲು ಅವಕಾಶ ಕಲ್ಪಿಸಿದ ರಾಜ್ಯ ಸರ್ಕಾರ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಹಾಗೂ ದಸರಾ ಆಯ್ಕೆ ಸಮಿತಿಗೆ ಕೃತಜ್ಞತೆ ಸಲ್ಲಿಸಿದರು.

ಕಾರ್ಯಕ್ರಮದಲ್ಲಿ ಸಾರಿಗೆ ನಿಗಮದ ಅಧಿಕಾರಿಗಳಾದ ನರಸಿಂಹರೆಡ್ಡಿ, ಗಂಗರತ್ನಮ್ಮ, ಕಲಾತಂಡದ ತರಬೇತುದಾರರಾದ ರಾಮಕೃಷ್ಣ, ಗೆದರೆ ಶ್ರೀನಿವಾಸ್, ವೇಣು, ನರಸಿಂಹಮೂರ್ತಿ, ಬಾಲು, ರೋಜಾ, ಸಮೀರಾ, ಗಂಗಮ್ಮ ಸೇರಿದಂತೆ ಕಲಾವಿದರು ಉಪಸ್ಥಿತರಿದ್ದರು.

]]>

ಪಕ್ಷದ್ರೋಹ ಮಾಡದೆ, ನಿಷ್ಠಾವಂತ ಕಾರ್ಯಕರ್ತ ಶಶಿ ಹುಲಿಕುಂಟೆಮಠ ಗೆಲುವಿಗೆ ಶ್ರಮಿಸೋಣ

Sun, 18 Oct 2026 18:19:17 +0000

ಶಿಡ್ಲಘಟ್ಟ: ಆಗ್ನೇಯ ಪದವೀಧರ ಕ್ಷೇತ್ರದ ಚುನಾವಣೆಯಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಶಶಿ ಹುಲಿಕುಂಟೆಮಠ(Shashi Hulikunthemath) ಅವರನ್ನು ಗೆಲ್ಲಿಸಲು ಪಂಚಾಯಿತಿಗೊಂದು ಹತ್ತು ಮಂದಿಯ ತಂಡ ರಚಿಸಿ, ಮತದಾರರನ್ನು ತಲುಪುವ ಮೂಲಕ ಸಂಘಟಿತವಾಗಿ ಕಾರ್ಯ ನಿರ್ವಹಿಸೋಣ ಎಂದು ಕಾಂಗ್ರೆಸ್ ಮುಖಂಡ ರಾಜೀವ್ ಗೌಡ ಕರೆ ನೀಡಿದರು.

ನಗರದ ಕಾಂಗ್ರೆಸ್ ಭವನದಲ್ಲಿ ಶಿಡ್ಲಘಟ್ಟ ತಾಲೂಕು ಕಾಂಗ್ರೆಸ್ ಸಮಿತಿ ಆಯೋಜಿಸಿದ್ದ ಚುನಾ ವಣಾ ಸಭೆಯಲ್ಲಿ ಮಾತನಾಡಿದ ಅವರು, ನಗರದ 31 ವಾರ್ಡ್‌ಗಳ ಕೌನ್ಸಿಲರ್‌ಗಳು, ಕೌನ್ಸಿಲರ್ ಆಕಾಂಕ್ಷಿಗಳು ಹಾಗೂ ಯುವ ಕಾಂಗ್ರೆಸ್ ಮುಖಂಡರು ಒಗ್ಗಟ್ಟಿನಿಂದ ಕಾರ್ಯನಿರ್ವಹಿಸಬೇಕು. ಬೂತ್ ಮಟ್ಟದಿಂದಲೇ ಪ್ರಚಾರ ಕೈಗೊಂಡು, ಪದವೀಧರ ಮತದಾರರನ್ನು ಸಂಪರ್ಕಿಸಿ ಯಾವುದೇ ಮತ ಕೈತಪ್ಪದಂತೆ ಎಚ್ಚರ ವಹಿಸಬೇಕು ಎಂದು ತಿಳಿಸಿದರು.

ಪಕ್ಷಕ್ಕಾಗಿ ನಿಷ್ಠೆಯಿಂದ ದುಡಿಯುವ ಕಾರ್ಯಕರ್ತರನ್ನು ಗುರುತಿಸಿ ಗೌರವಿಸುವುದು ಪ್ರತಿಯೊಬ್ಬ ನಾಯಕರ ಜವಾಬ್ದಾರಿ. ಪಕ್ಷದ ಗೌರವ ಹಾಗೂ ಕಾರ್ಯಕರ್ತರ ಸ್ವಾಭಿಮಾನಕ್ಕೆ ಧಕ್ಕೆಯಾಗದಂತೆ ನಡೆದುಕೊಳ್ಳಬೇಕು. ಪಕ್ಷದ್ರೋಹದ ಚಟುವಟಿಕೆಗಳಿಗೆ ಅವಕಾಶ ನೀಡದೆ, ಸಂಘಟನೆಯ ಹಿತದೃಷ್ಟಿಯಿಂದ ಎಲ್ಲರೂ ಒಗ್ಗಟ್ಟಿನಿಂದ ಶ್ರಮಿಸಬೇಕು ಎಂದರು.

ಇದನ್ನೂ ಓದಿ: Shidlaghatta News: ಜೆ.ವೆಂಕಟಾಪುರ ಗ್ರಾ.ಪಂ. ಹಣಕಾಸು ಅವ್ಯವಹಾರ ಆರೋಪ: ಪಿಡಿಒ ಅಮಾನತಿಗೆ ಆಗ್ರಹ

2023ರ ವಿಧಾನಸಭಾ ಚುನಾವಣೆಯಲ್ಲಿ ತಮ್ಮ ಗೆಲುವಿಗಾಗಿ ಕೊನೆಯ ಹಂತದವರೆಗೂ ಶ್ರಮಿಸಿದ ಕಾರ್ಯಕರ್ತರ ಕೊಡುಗೆಯನ್ನು ಮರೆಯಲು ಸಾಧ್ಯವಿಲ್ಲ. ಪಕ್ಷದ ಸಂಘಟನೆಯಲ್ಲಿ ಕಾರ್ಯ ಕರ್ತರ ಪಾತ್ರ ಮಹತ್ವದ್ದಾಗಿದ್ದು, ಅವರ ಪರಿಶ್ರಮಕ್ಕೆ ಸೂಕ್ತ ಗೌರವ ದೊರೆಯಬೇಕು ಎಂದು ಹೇಳಿದರು.

ಸಹನಾ ರಾಜೀವ್ ಗೌಡ ಮಾತನಾಡಿ, ಶಿಡ್ಲಘಟ್ಟ ಕ್ಷೇತ್ರದಲ್ಲಿ ಕಾಂಗ್ರೆಸ್ ಭದ್ರಕೋಟೆಯಾಗಿ ಬೆಳೆಯಲು ಹಿರಿಯ ನಾಯಕರ ಪರಿಶ್ರಮವೇ ಕಾರಣ. ಮಾಜಿ ಸಚಿವ ವಿ. ಮುನಿಯಪ್ಪ ಅವರು ಪಕ್ಷದ ಸಂಘಟನೆಗೆ ಭದ್ರ ಬುನಾದಿ ಹಾಕಿದ್ದಾರೆ. ಶ್ರೀನಿವಾಸ ರಾಮಯ್ಯ ಅವರು ಕಾಂಗ್ರೆಸ್ ಭವನಕ್ಕೆ ಜಾಗ ನೀಡಿದ್ದು, ಇಂದು ಅದು ಕಾರ್ಯಕರ್ತರಿಗೆ ಆಸರೆಯಾಗಿದೆ. ಕ್ಷೇತ್ರದಲ್ಲಿ ಪಕ್ಷದ ಬೆಳವಣಿಗೆಗೆ ಹಿರಿಯ ನಾಯಕರು ನೀಡಿರುವ ಕೊಡುಗೆಯನ್ನು ಮರೆಯಬಾರದು ಎಂದು ತಿಳಿಸಿದರು.

ಬಿಜೆಪಿ ಅಧಿಕಾರ ಕಳೆದುಕೊಳ್ಳಲಿದೆ
ಕೇಂದ್ರದಲ್ಲಿ ಬಿಜೆಪಿ ಅಧಿಕಾರ ಕಳೆದುಕೊಂಡು ಮುಂದಿನ ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್ ಅಧಿಕಾರಕ್ಕೆ ಬರಲಿದೆ. ರಾಹುಲ್ ಗಾಂಧಿ ಪ್ರಧಾನಿಯಾಗಲಿದ್ದಾರೆ. ದೇಶದ ಜನರು ಬದಲಾವಣೆ ಬಯಸುತ್ತಿದ್ದು, ಕಾಂಗ್ರೆಸ್‌ಗೆ ಬೆಂಬಲ ನೀಡಲಿದ್ದಾರೆ ಎಂದು ರಾಜೀವ್ ಗೌಡ ವಿಶ್ವಾಸ ವ್ಯಕ್ತಪಡಿಸಿದರು.

ಶಶಿ ಹುಲಿಕುಂಟೆಮಠರಿಂದ ಮತಯಾಚನೆ
ಆಗ್ನೇಯ ಪದವೀಧರ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಶಶಿ ಹುಲಿಕುಂಟೆಮಠ ಅವರು ಶಿಡ್ಲಘಟ್ಟದ ಕಾಂಗ್ರೆಸ್ ಮುಖಂಡರು ಹಾಗೂ ಕಾರ್ಯಕರ್ತರನ್ನು ಭೇಟಿ ಮಾಡಿ, ಪದವೀಧರ ಮತದಾರರು ತಮ್ಮನ್ನು ಬೆಂಬಲಿಸುವಂತೆ ಮನವಿ ಮಾಡಿದರು.

ಸಭೆಯಲ್ಲಿ ವಿಧಾನ ಪರಿಷತ್ ಸದಸ್ಯ ಡಿ.ಟಿ. ಶ್ರೀನಿವಾಸ್, ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಕೃಷ್ಣಾರೆಡ್ಡಿ, ಜಿಲ್ಲಾಧ್ಯಕ್ಷ ಕೇಶವ ರೆಡ್ಡಿ, ಅಪ್ಸರ ಪಾಷ, ಗುಡಗಹಳ್ಳಿ ನಾರಾಯಣಸ್ವಾಮಿ, ಡಾಲ್ಫಿನ್ ನಾಗರಾಜ್, ಗುಡಿಯಪ್ಪ, ನರೇಂದ್ರ, ಮುನಿರಾಜು ಕುಟ್ಟಿ, ಗೌಸ್, ಯಾಸ್ಮಿನ್ ತಾಜ್, ಗಾಯಿತ್ರಿ, ಚುನಾವಣಾ ಪ್ರಚಾರದ ರಾಘವೇಂದ್ರ ಸೇರಿದಂತೆ ಕಾಂಗ್ರೆಸ್ ಮುಖಂಡರು, ಕೌನ್ಸಿಲರ್ ಆಕಾಂಕ್ಷಿಗಳು ಹಾಗೂ ಯುವ ಕಾಂಗ್ರೆಸ್ ಕಾರ್ಯಕರ್ತರು ಉಪಸ್ಥಿತರಿದ್ದರು.

]]>

ಬಾಲಿವುಡ್‌ ನಟ ಟೈಗರ್‌ ಶ್ರಾಫ್‌ ಮೇಲೆ ಗುಂಡಿನ ದಾಳಿ: ಆಡಿಯೋ ಮೆಸೇಜ್‌ನಲ್ಲಿ ಸಲ್ಮಾನ್‌ ಖಾನ್‌ ಹೆಸರು ಉಲ್ಲೇಖಿಸಿದ ಬಿಷ್ಣೋಯ್‌ ಗ್ಯಾಂಗ್‌

Sun, 18 Oct 2026 18:03:04 +0000

ಮುಂಬೈ, ಅ. 18: ಬಹುದೊಡ್ಡ ಅಪಾಯದಿಂದ ಬಾಲಿವುಡ್‌ ನಟ ಟೈಗರ್‌ ಶ್ರಾಫ್‌ (Tiger Shroff) ಸ್ವಲ್ಪದರಲ್ಲೇ ಪಾರಾಗಿದ್ದಾರೆ. ಮುಂಬೈಯ ಜುಹು ಪ್ರದೇಶದಲ್ಲಿ ಭಾನುವಾರ (ಅಕ್ಟೋಬರ್‌ 18) ಟೈಗರ್‌ ಶ್ರಾಫ್‌ ಗುರಿಯಾಗಿಸಿಕೊಂಡು ಗುಂಡಿನ ದಾಳಿ ನಡೆದಿದೆ. ಅಪರಿಚಿತ ವ್ಯಕ್ತಿಗಳು ಶೂಟ್‌ ಮಾಡಿದ್ದು, ಟೈಗರ್‌ ಶ್ರಾಫ್‌ ಕಾರ್‌ ಚಾಲಕ ಸೇರಿ ಇಬ್ಬರು ಗಾಯಗೊಂಡಿದ್ದಾರೆ. ಈ ದಾಳಿಯ ಹೊಣೆಯನ್ನು ಲಾರೆನ್ಸ್‌ ಬಿಷ್ಣೋಯ್‌ ಗ್ಯಾಂಗ್‌ (Lawrence Bishnoi Gang) ವಹಿಸಿಕೊಂಡಿದ್ದು, ಇದಕ್ಕೆ ಸಂಬಂಧಿಸಿದ ಆಡಿಯೋ ಮೆಸೇಜ್‌ ಹೊರ ಬಿದ್ದಿದೆ. ಅಚ್ಚರಿ ಎಂದರೆ ಇದರಲ್ಲಿ ಮತ್ತೋರ್ವ ಬಾಲಿವುಡ್‌ ನಟ ಸಲ್ಮಾನ್‌ ಖಾನ್‌ ಹೆಸರನ್ನು ಪ್ರಸ್ತಾವಿಸಲಾಗಿದೆ. 2 ವರ್ಷಗಳ ಹಿಂದೆ ಸಲ್ಮಾನ್‌ ಖಾನ್‌ ಮನೆ ಬಳಿಯೂ ಗುಂಡಿನ ದಾಳಿ ನಡೆದಿತ್ತು.

ಸಲ್ಮಾನ್‌ ಖಾನ್‌ ಜತೆ ಸಂಬಂಧ ಹೊಂದಿರ ಪ್ರತಿಯೊಬ್ಬರಿಗೂ ಇದೇ ಗತಿಯಾಗಲಿದೆ ಎಂದು ಆಡಿಯೋದಲ್ಲಿ ಎಚ್ಚರಿಸಲಾಗಿದೆ. ಸದ್ಯ ಪೊಲೀಸರು ತನಿಖೆ ಕೈಗೆತ್ತಿಕೊಂಡಿದ್ದು, ಘಟನೆಗೂ ಬಿಷ್ಣೋಯ್‌ ಗ್ಯಾಂಗ್‌ಗೂ ಇರುವ ಸಂಬಂಧದ ಬಗ್ಗೆ ಪರಿಶೀಲಿಸುತ್ತಿದ್ದಾರೆ. ಜತೆಗೆ ಹರಿದಾಡುತ್ತಿರುವ ಆಡಿಯೋದ ಸತ್ಯಾಸತ್ಯತೆಯ ಬಗ್ಗೆಯೂ ತನಿಖೆ ನಡೆಸುತ್ತಿದ್ದಾರೆ.

ಲಾರೆನ್ಸ್‌ ಬಿಷ್ಣೋಯ್‌ ಗ್ಯಾಂಗ್‌ನದ್ದು ಎನ್ನಲಾದ ಆಡಿಯೋ ಮೆಸೇಜ್‌:

Alleged viral clip of Anil Pandit after the firing on Tiger Shroff. He claims to be from Bishnoi Gang, and says anyone close to Salman Khan will be targeted. https://t.co/AKg6S0cEST
— Singh Varun (@singhvarun) October 18, 2026

ಆಡಿಯೋ ಸಂದೇಶದಲ್ಲಿ ಏನಿದೆ?

ಆಡಿಯೋ ಸಂದೇಶದಲ್ಲಿ ವ್ಯಕ್ತಿಯೊಬ್ಬ ತನ್ನನ್ನು ಅನಿಲ್‌ ಪಂಡಿತ್‌ ಎಂದು ಪರಿಚಯಿಸಿಕೊಂಡಿದ್ದಾನೆ. ಸಲ್ಮಾನ್‌ ಖಾನ್‌ ಜತೆ ಕೆಲಸ ಮಾಡದಂತೆ ಸಾಕಷ್ಟು ಬಾರಿ ಎಚ್ಚರಿಸಿದರೂ ಶ್ರಾಫ್‌ ಇದನ್ನು ಗಂಭೀರವಾಗಿ ಪರಿಗಣಿಸದ ಕಾರಣ ಈ ದಾಳಿ ನಡೆಸಲಾಗಿದೆ ಎಂದು ಹೇಳಿದ್ದಾಗಿ ಎನ್‌ಡಿಟಿವಿ ವರದಿ ಮಾಡಿದೆ. ಜತೆಗೆ ಸಲ್ಮಾನ್‌ ಖಾನ್‌ ಜತೆ ಗುರುತಿಸಿಕೊಂಡಿರುವ ಇತರರಿಗೂ ಬೆದರಿಕೆ ಹಾಕಿದ್ದಾನೆ. ಸದ್ಯ ಈ ಘಟನೆ ಬಾಲಿವುಡ್‌ ಕಲಾವಿದರ ಸುರಕ್ಷತೆ ಬಗ್ಗೆ ಕಳವಳ ಮೂಡುವಂತೆ ಮಾಡಿದೆ.

ಬಾಲಿವುಡ್ ನಟ ಟೈಗರ್ ಶ್ರಾಫ್ ಮೇಲೆ ಗುಂಡಿನ ದಾಳಿ

ಬೈಕ್‌ನಲ್ಲಿ ಬಂದ ಮೂವರಿಂದ ಕೃತ್ಯ

ಘಟನೆ ಬಗ್ಗೆ ಪೊಲೀಸರು ಮಾಹಿತಿ ನೀಡಿ ಬೈಕ್‌ನಲ್ಲಿ ಆಗಮಿಸಿದ ಮೂವರು ಅಪರಿಚಿತರು ಕಾರ್‌ನಲ್ಲಿ ತೆರಳುತ್ತಿದ್ದ ಶ್ರಾಫ್‌ನತ್ತ ಗುಂಡು ಹಾರಿಸಿದ್ದಾರೆ ಎಂದು ಹೇಳಿದ್ದಾರೆ. ಜುಹುವಿನ ಪುಷ್ಪ ಪಾರ್ಕ್‌ ಬಳಿ ಸಂಜೆ 7 ಗಂಟೆ ಸುಮಾರಿಗೆ ಈ ದಾಳಿ ನಡೆದಿದೆ. ಈ ವೇಳೆ ಶ್ರಾಫ್‌ ಫುಟ್‌ಬಾಲ್‌ ಮ್ಯಾಚ್‌ ಮುಗಿಸಿ ಹಿಂದಿರುಗುತ್ತಿದ್ದರು. ಯಾವುದೇ ಗಾಯಗಳಿಲ್ಲದೆ ಶ್ರಾಫ್‌ ಗುಂಡಿನ ದಾಳಿಯಿಂದ ಪಾರಾಗಿದ್ದಾರೆ. ಆದರೆ ಚಾಲಕ ಸೇರಿ ಅವರ ಇಬ್ಬರು ಸಿಬ್ಬಂದಿ ಗಾಯಗೊಂಡಿದ್ದಾರೆ. ಅವರಿಬ್ಬರನ್ನು ಆಸ್ಪತ್ರೆಗೆ ದಾಖಲಿಸಿದ್ದು, ಚಿಕಿತ್ಸೆ ನೀಡಲಾಗುತ್ತಿದೆ. ದಾಳಿ ನಡೆಸಿದ ಅಪರಿಚಿತರ ಪತ್ತೆಗೆ ಪೊಲೀಸರು 15 ತಂಡವನ್ನು ರಚಿಸಿದ್ದಾರೆ. ಸಿಸಿಟಿವಿ ಕ್ಯಾಮರಾ ದೃಶ್ಯವನ್ನು ಪರಿಶೀಲಿಸಲಾಗುತ್ತಿದೆ.

ಲಾರೆನ್ಸ್‌ ಬಿಷ್ಣೋಯ್‌ ಸಹೋದರನಿಗೆ ಬಿಗ್‌ ಶಾಕ್‌; ಅಮೆರಿಕದಿಂದ ಗ್ಯಾಂಗ್‌ಸ್ಟರ್‌ ಅನ್ಮೋಲ್‌ ಗಡಿಪಾರು

ನಟ ಟೈಗರ್‌ ಶ್ರಾಫ್‌ ಮೇಲೆ ದಾಳಿ:

#TigerShroff #tiger #Tigershockey #tigerattack #tigershrof #tigershroffnews Actor Tiger Shroff was shot at in Mumbai’s Juhu on Sunday while returning home after playing football, police sources said. He is safe and did not suffer any gunshot injury. Two gangsters linked to the Lawrence Bishnoi gang claimed responsibility for the attack. Mumbai Police said the firing took place around 7 pm near Pushpa Park. Three rounds were fired at his BMW, sources told India Today. According to sources, three men arrived on a motorcycle. One fired multiple rounds, while a second appeared to attempt to fire. The third waited on the motorcycle before all three fled. Shroff, seated on the side facing the shooters, moved towards the driver’s seat during the firing. His driver has been admitted to Nanavati Hospital. Police have cordoned off the area for investigation. Jackie Shroff’s team also confirmed that his son was safe. “Tiger is okay,” the team said. Iam again saying Yogi ji is the only solution to these gangster @myogiadityanath @myogioffice
— Amit Bhardwaj (@AmmyBhardwaj) October 18, 2026

ಸಲ್ಮಾನ್‌ ಖಾನ್‌ ಮೇಲೆ ಯಾಕಿಷ್ಟು ದ್ವೇಷ?

ಸಲ್ಮಾನ್‌ ಖಾನ್‌ ಮತ್ತು ಲಾರೆನ್ಸ್‌ ಬಿಷ್ಣೋಯ್‌ ಗ್ಯಾಂಗ್‌ ನಡುವಿನ ಶತ್ರುತ್ವ ಇಂದು ನಿನ್ನೆಯದಲ್ಲ. ಸದ್ಯ ಗುಜರಾತ್‌ ಜೈಲಿನಲ್ಲಿರುವ ಗ್ಯಾಂಗ್‌ಸ್ಟರ್‌ ಲಾರೆನ್ಸ್‌ ಬಿಷ್ಣೋಯ್‌ ಈ ಹಿಂದೆ ಹಲವು ಬಾರಿ ಸಲ್ಮಾನ್‌ ಖಾನ್‌ ಅವರಿಗೆ ಬೆದರಿಕೆ ಹಾಕಿದ್ದ. 1998ರಲ್ಲಿ ಸಲ್ಮಾನ್‌ ಖಾನ್‌ ರಾಜಸ್ಥಾನದಲ್ಲಿ ಬಿಷ್ಣೋಯ್‌ಗಳ ಪವಿತ್ರ ಕೃಷ್ಣಮೃಗವನ್ನು ಬೇಟೆಯಾಡಿದ್ದರಿಂದ ಈ ವೈರತ್ವ ಹುಟ್ಟಿಕೊಂಡಿದೆ. ಸಲ್ಮಾನ್‌ ಖಾನ್ ಅವರೊಂದಿಗಿನ ಒಡನಾಟದ ಕಾರಣದಿಂದಲೇ ಶ್ರಾಫ್ ಅವರನ್ನು ಗುರಿಯಾಗಿಸಲಾಗಿದೆಯಾ ಎನ್ನುವ ಬಗ್ಗೆಯೂ ಸದ್ಯ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.

ಮನರಂಜನೆ ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.

ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.

]]>

K M Suresh: ಬಿಜೆಪಿ–ಜೆಡಿಎಸ್ ಮುಖಂಡರ ಸಭೆ; ಪದವೀಧರ ಮತದಾರರನ್ನು ಸಂಪರ್ಕಿಸಿ ಬೆಂಬಲ ಕ್ರೋಡೀಕರಿಸಲು ಕರೆ

Sun, 18 Oct 2026 17:36:39 +0000

ಚಿಕ್ಕಬಳ್ಳಾಪುರ: ಆಗ್ನೇಯ ಪದವೀಧರರ ಕ್ಷೇತ್ರದ ವಿಧಾನ ಪರಿಷತ್ ಚುನಾವಣೆಯಲ್ಲಿ ಬಿಜೆಪಿ–ಜೆಡಿಎಸ್ ಮೈತ್ರಿಕೂಟದ (ಎನ್‌ಡಿಎ) ಅಭ್ಯರ್ಥಿ ಕೆ.ಎಂ. ಸುರೇಶ್(K M Suresh) ಅವರನ್ನು ಗೆಲ್ಲಿಸಲು ಎರಡೂ ಪಕ್ಷಗಳ ಮುಖಂಡರು ಹಾಗೂ ಕಾರ್ಯಕರ್ತರು ಒಗ್ಗಟ್ಟಿನಿಂದ ಶ್ರಮಿಸಬೇಕು ಎಂದು ಜೆಡಿಎಸ್ ಜಿಲ್ಲಾಧ್ಯಕ್ಷ ಮುಕ್ತ ಮುನಿಯಪ್ಪ ಕರೆ ನೀಡಿದರು.

ಚಿಕ್ಕಬಳ್ಳಾಪುರ ಲೋಕಸಭಾ ಕ್ಷೇತ್ರದ ಸಂಸದ ಡಾ.ಕೆ.ಸುಧಾಕರ್(Dr K Sudhakar) ಅವರ ಮಾರ್ಗ ದರ್ಶನದಲ್ಲಿ, ತಿಪ್ಪೇನಹಳ್ಳಿ ಜಿಲ್ಲಾ ಪಂಚಾಯಿತಿ ವ್ಯಾಪ್ತಿಯ ಪೋಶೆಟ್ಟಿಹಳ್ಳಿ ಗ್ರಾಮ ಪಂಚಾ ಯಿತಿಯ ಶ್ರೀ ಬಲಮುರಿ ಗಣಪತಿ ದೇವಾಲಯದ ಆವರಣದಲ್ಲಿ ಬಿಜೆಪಿ ಹಿರಿಯ ಮುಖಂಡ ಹಾಗೂ ಚಿಮುಲ್ ನಿರ್ದೇಶಕ ಕೆ.ವಿ. ನಾಗರಾಜ ಅವರ ನೇತೃತ್ವದಲ್ಲಿ ನಡೆದ ಬಿಜೆಪಿ–ಜೆಡಿಎಸ್ ಮುಖಂಡರ ಸಭೆಯಲ್ಲಿ ಮಾತನಾಡಿದರು.

ಇದನ್ನೂ ಓದಿ: K M Suresh: ಆಗ್ನೇಯ ಪದವೀಧರ ಕ್ಷೇತ್ರ ಚುನಾವಣೆ : ಗುಬ್ಬಿಯಲ್ಲಿ ಮತದಾರರ ಸಭೆ

ಆಗ್ನೇಯ ಪದವೀಧರರ ಕ್ಷೇತ್ರದ ಚುನಾವಣೆಯಲ್ಲಿ ಮೈತ್ರಿ ಅಭ್ಯರ್ಥಿ ಕೆ.ಎಂ.ಸುರೇಶ್ ಅವರ ಗೆಲುವು ಸಾಧಿಸಲು ಎರಡೂ ಪಕ್ಷಗಳ ಮುಖಂಡರು ಸಮನ್ವಯದಿಂದ ಕಾರ್ಯನಿರ್ವಹಿಸಬೇಕು. ಪದವೀಧರ ಮತದಾರರನ್ನು ನೇರವಾಗಿ ಸಂಪರ್ಕಿಸಿ, ಅಭ್ಯರ್ಥಿಯ ಪರವಾಗಿ ಮತ ಯಾಚಿಸುವ ಮೂಲಕ ಮೈತ್ರಿಕೂಟದ ಬಲವನ್ನು ಪ್ರದರ್ಶಿಸಬೇಕು ಎಂದು ಮನವಿ ಮಾಡಿದರು.

ಪೋಶೆಟ್ಟಿಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಬಿಜೆಪಿ ಮತ್ತು ಜೆಡಿಎಸ್ ಮುಖಂಡರನ್ನು ಭೇಟಿ ಮಾಡಿ, ಚುನಾವಣಾ ಪ್ರಚಾರದ ಕುರಿತು ಚರ್ಚಿಸಲಾಯಿತು. ಮೈತ್ರಿ ಅಭ್ಯರ್ಥಿಯ ಗೆಲುವಿಗೆ ಸ್ಥಳೀಯ ಮಟ್ಟದಲ್ಲಿ ಸಂಘಟಿತ ಪ್ರಯತ್ನ ನಡೆಸುವಂತೆ ಮುಖಂಡರಿಗೆ ಕರೆ ನೀಡಲಾಯಿತು.

ಸಭೆಯಲ್ಲಿ ಬಿಜೆಪಿ ಒಬಿಸಿ ಮೋರ್ಚಾ ಜಿಲ್ಲಾ ಉಪಾಧ್ಯಕ್ಷ ಎಸ್.ಆರ್.ಎಸ್. ದೇವರಾಜ್, ಒಬಿಸಿ ಮುಖಂಡ ರಂಗಪಣ್ಣ, ಬಿಜೆಪಿ ತಾಲೂಕು ಪ್ರಧಾನ ಕಾರ್ಯದರ್ಶಿ ಸೊಪ್ಪಹಳ್ಳಿ ಎನ್. ರಾಮಕೃಷ್ಣ, ಜೆಡಿಎಸ್ ತಾಲೂಕು ಕಾರ್ಯದರ್ಶಿ ಶಾಂತಮೂರ್ತಿ, ಪೋಶೆಟ್ಟಿಹಳ್ಳಿ ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷ ಶ್ರೀನಿವಾಸ್, ಬಿಜೆಪಿ ಮುಖಂಡರಾದ ಆನಂದ್, ಸುಂದರ್ ರೆಡ್ಡಿ, ದಿನೇಶ್, ಲಕ್ಷ್ಮೀ ನರಸಿಂಹಪ್ಪ, ಮುತ್ತರಾಯಪ್ಪ ಸೇರಿದಂತೆ ಬಿಜೆಪಿ–ಜೆಡಿಎಸ್ ಮುಖಂಡರು ಹಾಗೂ ಮಹಿಳಾ ಘಟಕದ ಸದಸ್ಯರು ಉಪಸ್ಥಿತರಿದ್ದರು.

]]>

ಬಾಗಲಕೋಟೆಯಲ್ಲಿ ದಾಂಡಿಯಾ ಸಂಭ್ರಮದ ವೇಳೆ ಗಲಾಟೆ; ಚಾಕುವಿನಿಂದ ಇರಿದು ಯುವಕನ ಕೊಲೆ

Sun, 18 Oct 2026 17:35:21 +0000

ಬಾಗಲಕೋಟೆ: ಜಿಲ್ಲೆಯ ಮುಧೋಳದ ವಿನಾಯಕ ನಗರದಲ್ಲಿ ನವರಾತ್ರಿ ಹಿನ್ನೆಲೆ ಆಯೋಜಿಸಿದ್ದ ದಾಂಡಿಯಾ ಸಂಭ್ರಮದ ವೇಳೆ ಚಾಕು ಇರಿದು ಯುವಕನನ್ನು ಕೊಲೆ ಮಾಡಿರುವ ಘಟನೆ ನಡೆದಿದೆ. ನಿತಿನ್ ನಿಂಬಾಳ್ಕರ್(25) ಹತ್ಯೆಯಾದ ಯುವಕ. ಸಂಜು ಎಂಬುವವನಿಗೆ ಗಾಯವಾಗಿದ್ದು, ಆಸ್ಪತ್ರೆಗೆ ದಾಖಲಿಸಲಾಗಿದೆ. ಈ ಸಂಬಂಧ ಮುಧೋಳ ಪೊಲೀಸ್ ಠಾಣಾಯಲ್ಲಿ ಪ್ರಕರಣ ದಾಖಲಾಗಿದೆ.

ಶ್ರೀನಿವಾಸ ಕದರಿ ಎಂಬಾತ ಚಾಕು ಇರಿದ ಆರೋಪಿಯಾಗಿದ್ದಾನೆ. ದಸರಾ ಪ್ರಯುಕ್ತ ವಿನಾಯಕ ನಗರದಲ್ಲಿ ದಾಂಡಿಯಾ ನೃತ್ಯ ಕಾರ್ಯಕ್ರಮ ಆಯೋಜಿಸಲಾಗಿತ್ತು. ಈ ವೇಳೆ ಶ್ರೀನಿವಾಸ್ ಕದರಿ (22) ಎಂಬ ಯುವಕ ಬಂದಿದ್ದಾನೆ. ಆತ ಮದ್ಯದ ಮತ್ತಿನಲ್ಲಿ ತೇಲಾಡುತ್ತಿದ್ದ ಎನ್ನಲಾಗಿದೆ. ದಾಂಡಿಯಾ ನೃತ್ಯ ಮಾಡುತ್ತಿದ್ದ ಯುವತಿಯರನ್ನು ಚುಡಾಯಿಸಿ, ಪೂಜೆ ಮಾಡುತ್ತಿದ್ದ ಯುವಕರೊಂದಿಗೂ ಕಿರಿಕ್ ಮಾಡಿದ್ದಾನೆ.

ಆಗ ಅಲ್ಲಿದ್ದ ನಿತಿನ್ ನಿಂಬಾಳ್ಕರ್, ಇಲ್ಲಿಂದ ಹೋಗು ಎಂದು ಶ್ರೀನಿವಾಸ್ಗೆ ಎಚ್ಚರಿಕೆ ನೀಡಿದ್ದಾನೆ. ಆದರೂ ಮತ್ತೆ ಅನುಚಿತ ವರ್ತನೆ ಮುಂದುವರಿಸಿದ್ದರಿಂದ ನಿತಿನ್ ಒಂದೇಟು ಹೊಡೆದು ಕಳಿಸಿದ್ದಾನೆ. ಅಲ್ಲಿಂದ ತನ್ನ ಏರಿಯಾಗೆ ಹೋದ ಶ್ರೀನಿವಾಸ್, ಸ್ನೇಹಿತರಾದ ಸಂಪತ್ ಮತ್ತು ಪ್ರದೀಪ್‌ನನ್ನು ಕರೆದುಕೊಂಡು ಬಂದು ಪುನಃ ನಿತಿನ್ ಜತೆ ಜಗಳ ಮಾಡಿದ್ದಾನೆ. ನೋಡನೋಡುತ್ತಿದ್ದಂತೆ ಜಗಳ ವಿಕೋಪಕ್ಕೆ ತಿರುಗಿದ್ದು, ಚಾಕುವಿನಿಂದ ನಿತಿನ್ ಎದೆ, ಹೊಟ್ಟೆಗೆ ಇರಿದು ಕೊಲೆ ಮಾಡಿದ್ದಾರೆ.

ಜಗಳ ಬಿಡಿಸಲು ಬಂದ ನಿತಿನ್ ಚಿಕ್ಕಪ್ಪ ಸಂಜಯ್ ನಿಂಬಾಳ್ಕರ್ಗೂ ಚಾಕುವಿನಿಂದ ಇರಿಯಲಾಗಿದ್ದು, ಅವರಿಗೆ ಗಂಭೀರ ಗಾಯಗಳಾಗಿವೆ. ಸದ್ಯ ಅವರನ್ನು ಬಾಗಲಕೋಟೆಯ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಅದೃಷ್ಟವಶಾತ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ವೈದ್ಯರು ತಿಳಿಸಿದ್ದಾರೆ.

]]>

ZIMW vs INDW: ಜಿಂಬಾಬ್ವೆ ವಿರುದ್ಧ ಟೀಮ್‌ ಇಂಡಿಯಾ ವನಿತೆಯರಿಗೆ ಭರ್ಜರಿ ಜಯ; ಸರಣಿ ಗೆದ್ದ ಸ್ಮೃತಿ ಮಂಧನಾ ಪಡೆ

Sun, 18 Oct 2026 17:09:24 +0000

ರಾಯ್‌ಪುರ, ಅ. 18: ಆತಿಥೇಯ ಭಾರತ ಹಾಗೂ ಜಿಂಬಾಬ್ವೆ ಮಹಿಳಾ ತಂಡಗಳ ನಡುವಿನ ಎರಡನೇ ಟಿ20 ಪಂದ್ಯದಲ್ಲಿ ಟೀಮ್‌ ಇಂಡಿಯಾ 9 ವಿಕೆಟ್ಗಳ ಭರ್ಜರಿ ಜಯ ಸಾಧಿಸಿದೆ (ZIMW vs INDW). ಆ ಮೂಲಕ 3 ಪಂದ್ಯಗಳ ಸರಣಿಯಲ್ಲಿ ಇನ್ನೂ 1 ಪಂದ್ಯ ಬಾಕಿ ಇರುವಾಗಲೇ ಭಾರತ 2-0 ಅಂತರದಿಂದ ಸರಣಿ ಗೆದ್ದುಕೊಂಡಿದೆ. ಭಾನುವಾರ (ಅಕ್ಟೋಬರ್‌ 18) ಛತ್ತೀಸ್‌ಗಢದ ರಾಯ್‌ಪುರ ಶಹೀದ್‌ ವೀರ್‌ ನಾರಾಯಣ್‌ ಸಿಂಗ್‌ ಇಂಟರ್‌ನ್ಯಾಷನಲ್‌ ಕ್ರಿಕೆಟ್‌ ಸ್ಟೇಡಿಯಂನಲ್ಲಿ ನಡೆದ 2ನೇ ಪಂದ್ಯದಲ್ಲಿ ಸ್ಮೃತಿ ಮಂಧನಾ ಪಡೆ 9 ವಿಕೆಟ್‌ಗಳಿಂದ ಭರ್ಜರಿ ಜಯ ದಾಖಲಿಸಿತು.

ಮೊದಲು ಬ್ಯಾಟಿಂಗ್ ಮಾಡಿದ ಜಿಂಬಾಬ್ವೆ ತಂಡ ನಿಗದಿತ 20 ಓವರ್‌ಗಳಲ್ಲಿ 8 ವಿಕೆಟ್‌ ನಷ್ಟಕ್ಕೆ 102 ರನ್‌ ಗಳಿಸಲಷ್ಟೇ ಶಕ್ತವಾಯ್ತು. ಸುಲಭ ಗುರಿಯನ್ನು ಬೆಂಬತ್ತಿದ ಭಾರತ ತಂಡ ಕೇವಲ 8.5 ಓವರ್‌ಗಳಲ್ಲಿ 1 ವಿಕೆಟ್‌ ಕಳೆದುಕೊಂಡು 104 ರನ್‌ ಬಾರಿಸಿ ಗೆಲುವಿನ ಕೇಕೆ ಹಾಕಿತು.

ಜಿಂಬಾಬ್ವೆ ವಿರುದ್ಧ ಜಯ ಗಳಿಸಿದ ಭಾರತ ತಂಡ:

Skipper Smriti Mandhana finishes it off in style #TeamIndia with a clinical 9️⃣-wicket win to clinch the series 2-0 Scorecard ▶️ https://t.co/kECmCQJzty #INDvZIM | @mflone_ https://t.co/O7MAN9o4J3
— BCCI Women (@BCCIWomen) October 18, 2026

ಶಫಾಲಿ ವರ್ಮ, ಸ್ಮೃತಿ ಮಂಧಾನ ಸ್ಫೋಟಕ ಬ್ಯಾಟಿಂಗ್

ಆರಂಭಿಕ ಆಟಗಾರ್ತಿಯರಾದ ಶಫಾಲಿ ವರ್ಮ ಹಾಗೂ ನಾಯಕಿ ಸ್ಮೃತಿ ಮಂಧಾನ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶಿಸಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಶಫಾಲಿ ವರ್ಮ 25 ಬಾಲ್‌ಗಳಲ್ಲಿ 55 ರನ್‌ ಕಲೆ ಹಾಕಿ ವಿಕೆಟ್‌ ಒಪ್ಪಿಸಿದರು. ಅವರ ಬ್ಯಾಟ್‌ನಿಂದ 4 ಸಿಕ್ಸರ್‌, 6 ಫೋರ್‌ ಸಿಡಿಯಿತು. ಇನ್ನು ನಾಯಕಿ ಸ್ಮ್ರತಿ ಮಂದನಾ 25 ಬಾಲ್‌ಗಳಲ್ಲಿ 47 ರನ್‌ ಗಳಿಸಿ ಅಜೇಯರಾಗಿ ಉಳಿದರು. ಇತ್ತೀಚೆಗಷ್ಟೇ ನಾಯಕಿಯಾಗಿ ಆಯ್ಕೆಯಾದ ಸ್ಮೃತಿ ಮಂಧಾನ ಸರಣಿ ಗೆಲ್ಲುವ ಮೂಲಕ ಶುಭಾರಂಭ ಮಾಡಿದರು.

ಮೊದಲು ಬ್ಯಾಟಿಂಗ್ ಮಾಡಿದ ಜಿಂಬಾಬ್ವೆ ತಂಡ ಭಾರತದ ಕರಾರುವಕ್ಕಾದ ದಾಳಿಗೆ ನಲುಗಿ 20 ಓವರ್‌ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 102 ಗಳಿಸಿತು. ಚಿಪೊ ಮುಗೆರಿ-ತಿರಿಪಾನೊ 32 ಎಸೆತಗಳಲ್ಲಿ 34 ರನ್ ಗಳಿಸಿ ತಂಡದ ಪರ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಭಾರತದ ಪರ ಕನ್ನಡತಿ ನಿಕಿ ಪ್ರಸಾದ್ 2 ಓವರ್‌ಗಳಲ್ಲಿ ಕೇವಲ 7 ರನ್ ನೀಡಿ 2 ವಿಕೆಟ್ ಪಡೆದರೆ, ನಂದಿನಿ ಶರ್ಮ, ಕ್ರಾಂತಿ ಗೌಡ್, ದೀಪ್ತಿ ಶರ್ಮ ಮತ್ತು ಶ್ರೀ ಚರಣಿ ತಲಾ 1 ವಿಕೆಟ್ ಪಡೆದರು. ಶಫಾಲಿ ವರ್ಮ ಪ್ಲೇಯರ್‌ ಆಫ್‌ ದಿ ಮ್ಯಾಚ್‌ ಎನಿಸಿಕೊಂಡರು.

ಭಾರತ-ನ್ಯೂಜಿಲೆಂಡ್‌ ಸರಣಿಯ ವೇಳಾಪಟ್ಟಿ, ಪಂದ್ಯದ ನೇರ ಪ್ರಸಾರದ ಮಾಹಿತಿ

ಭಾರತೀಯ ಮಹಿಳಾ ಕ್ರಿಕೆಟ್ ತಂಡದ ಪೂರ್ಣಾವಧಿ ನಾಯಕಿಯಾದ ಸ್ಮೃತಿ ಮಂಧಾನ ಅವರಿಗೆ ಇದು ಮೊದಲ ಟಿ20 ಅಂತಾರಾಷ್ಟ್ರೀಯ ಸರಣಿ ಎನ್ನುವುದು ವಿಶೇಷ. ಶುಕ್ರವಾರ ಜಿಂಬಾಬ್ವೆ ವಿರುದ್ಧ ನಡೆದ ಮೊದಲ ಪಂದ್ಯವನ್ನು ಭಾರತ ತಂಡ ಜಯ ಸಾಧಿಸಿತ್ತು. ಮಂಗಳವಾರ 3ನೇ ಪಂದ್ಯ ನಡೆಯಲಿದೆ.

ಸಂಕ್ಷಿಪ್ತ ಸ್ಕೋರ್‌

ಜಿಂಬಾಬ್ವೆ ತಂಡ: 102/8(20)

ಭಾರತ ತಂಡ: 104/1(8.5)

]]>

Bigg Boss Kannada 13: ಬಿಗ್ ಬಾಸ್ ಮನೆಯಿಂದ ಕಾವ್ಯ ಔಟ್‌!

Sun, 18 Oct 2026 17:08:04 +0000

'ಬಿಗ್‌ ಬಾಸ್‌ ಕನ್ನಡ ಸೀಸನ್‌-13'ರ ಈ ವೀಕ್‌ ಕಾವ್ಯ ಗೌಡ (Kavya Gowda) ಅವರು ಎಲಿಮಿನೇಟ್‌ (Eliminate). 'ಭಾಗ್ಯಲಕ್ಷ್ಮೀ' ಧಾರಾವಾಹಿಯಲ್ಲಿ ಶ್ರೇಷ್ಠಾ ಎಂಬ ಪಾತ್ರ ಮಾಡಿದ್ದರು ನಟಿ. ‘ಕ್ವಾಟ್ಲೆ ಕಿಚನ್‌’ಶೋನಲ್ಲಿ ಕೂಡ ಭಾಗಿಯಾಗಿದ್ದರು. ಧಾರಾವಾಹಿ ಮುಕ್ತಾಯದ ನಂತರ ಇವರು ಯಾವುದೇ ಹೊಸ ಪ್ರಾಜೆಕ್ಟ್‌ ಬಗ್ಗೆ ಅನೌನ್ಸ್‌ ಮಾಡದೇ ನೇರವಾಗಿ ಬಂದದ್ದು ಬಿಗ್‌ ಬಾಸ್‌ (Bigg Boss Kannada 13) ಮನೆಗೆ. ಆದರೀಗ ಔಟ್‌ ಆಗಿದ್ದಾರೆ.

ಈ ವಾರ ಬಿಗ್ ಬಾಸ್ ಮನೆಯಲ್ಲಿ ಆಸಿಯಾ, ಸೋನಿಕಾ ಗೌಡ, ಗಾನವಿ, ಗಗನ್, ಜಗದೀಶ್, ಕಾವ್ಯಾ, ತಾಂಡವ್ ರಾಮ್ ನಾಮಿನೇಟ್ ಆಗಿದ್ದರು. ಈ ಪೈಕಿ ಕಾವ್ಯಾ ಗೌಡ ಅವರು ಎಲಿಮಿನೇಟ್ ಆಗಿದ್ದಾರೆ. ಅವರಿಗೆ ಕಡಿಮೆ ಮತಗಳು ಸಿಕ್ಕಿವೆ.

ಭಾಗ್ಯಲಕ್ಷ್ಮೀ’ ಧಾರಾವಾಹಿಗೆ ಬರುವ ಮುನ್ನ ತೆಲುಗು ಭಾಷೆಯಲ್ಲಿ ಧಾರಾವಾಹಿ ಮಾಡಿದ್ದಾರೆ. ಓದುತ್ತಿರುವಾಗಲೇ ಇವರಿಗೆ ನಟನೆ ಆಫರ್‌ ಬಂತು. ಕನ್ನಡದಲ್ಲಿ ‘ಮಿಸ್ಟರ್‌ ಅಂಡ ಮಿಸಸ್‌ ರಂಗೇಗೌಡ’ ಧಾರಾವಾಹಿ ಸೇರಿದಂತೆ ‘ರಿಂಗಾ ರಿಂಗ ರೋಸಸ್‌’ ಸಿನಿಮಾದಲ್ಲಿ ಅಭಿನಯಿಸಿದ್ದಾರೆ. ‘ನಟಿ ಸಂಗೀತಾ ಭಟ್ ಅವರು ಬಿಗ್‌ ಬಾಸ್‌ ಮನೆ ಪ್ರವೇಶ ಮಾಡಿದ ನಂತರ ಬಂದಿದ್ದು ಕಾವ್ಯ ಮುನಿರಾಜು ಗೌಡ. 7ನೇ ಸ್ಪಧಿಯಾಗಿ ಎಂಟ್ರಿ ಕೊಟ್ಟರು.

ಇದನ್ನೂ ಓದಿ: Bigg Boss Kannada 13: ಕಿರೀಟ ತೊಟ್ಟು ಕಿಚ್ಚ ಸುದೀಪ್‌ ಎದುರು ʻದೊಡ್ಡವರೆಲ್ಲ ಜಾಣರಲ್ಲʼ ಎಂದ ಕುಮಾರಿ

ಉಸ್ತುವಾರಿ ಫೇಲ್‌

ಕಾವ್ಯ ಅವರು ಟಾಸ್ಕ್‌ಗಳಾಗಲಿ, ಯಾವುದೇ ವಿಚಾರವಾಗಲಿ ಅಷ್ಟು ಆಕ್ಟಿವ್‌ ಇರಲಿಲ್ಲ. ಈ ವಾರದ ಟಾಸ್ಕ್‌ನಲ್ಲಿ ಉಸ್ತುವಾರಿಯನ್ನು ಸರಿಯಾಗಿ ನಿಭಾಯಿಸಿರಲಿಲ್ಲ. ಕಳಪೆ ಪ್ರಕ್ರಿಯೆಯ ವೇಳೆ ಕಾವ್ಯ ಅವರನ್ನೇ ನೇರ ಟಾರ್ಗೆಟ್ ಮಾಡಿದ ಕುಮಾರಿ, “ನೀವು ಮೊದಲ ವಾರದಿಂದಲೂ ಈ ಮನೆಯಲ್ಲಿದ್ದೀರ. ಆದರೆ, ಆಟದ ನಿಯಮಗಳನ್ನ ಮೀರಿ, ಮನಬಂದಂತೆ ರೂಲ್ಸ್ ಚೇಂಜ್ ಮಾಡದೇ ಆಡಬೇಕು ಎನ್ನುವ ಕನಿಷ್ಠ ಕಾಮನ್‌ ಸೆನ್ಸ್ ನಿಮಗಿಲ್ಲ. ನಿಮ್ಮಲ್ಲಿ ಬರೀ ಮಾತಷ್ಟೇ ಇದೆ, ಪರ್ಫಾರ್ಮೆನ್ಸ್‌ನಲ್ಲಿ ಯಾವುದೇ ರೀತಿಯ ಶ್ರಮ ಅಥವಾ ಪ್ರದರ್ಶನ ಕಾಣಿಸ್ತಿಲ್ಲ” ಎಂದು ವಾಗ್ದಾಳಿ ನಡೆಸಿದ್ದರು.

View this post on Instagram

A post shared by Kavya Muniraju (@imkavyagowda_)

ಇದನ್ನೂ ಓದಿ: Bigg Boss Kannada 13: ಗೇಮ್‌ ಅರ್ಥ ಆಗಿಲ್ಲದವರು ಮನೆ ಬಿಟ್ಟು ಹೊರಡಿ ಎಂದ ಕಿಚ್ಚ! ಜಗ್ಗ ಮಮ್ಮಿ ಶಾಕ್‌

ಈ ಗಲಾಟೆಗೆ ಹಿನ್ನೆಲೆಯಾಗಿ ʻಪಜಲ್ ಪೈಪೋಟಿʼ ಟಾಸ್ಕ್‌ನ ವೈಫಲ್ಯವೂ ಕೂಡ ಕಾರಣವಾಗಿತ್ತು. ಈ ಟಾಸ್ಕ್‌ನಲ್ಲಿ ಕಾವ್ಯ ಮತ್ತು ಗಾನವಿ ಉಸ್ತುವಾರಿ ವಹಿಸಿಕೊಂಡಿದ್ದರು.

ಆದರೆ, ಆಟ ಆರಂಭವಾದಾಗಿನಿಂದ ಸ್ಪರ್ಧಿಗಳು ಮತ್ತು ಉಸ್ತುವಾರಿಗಳು ನಿಯಮಗಳನ್ನ ತಮಗೆ ಬೇಕಾದಂತೆ ಬದಲಾಯಿಸಿಕೊಂಡು ಉಡಾಫೆಯ ಆಟ ಪ್ರದರ್ಶಿಸಿದ್ರು. ಇದರಿಂದ, ತೀವ್ರ ಅಸಮಾಧಾನಗೊಂಡ ʻಬಿಗ್ ಬಾಸ್ʼ, ಇಡೀ ಟಾಸ್ಕ್ ಅನ್ನೇ ರದ್ದುಗೊಳಿಸಿದ್ದರು.

]]>

Tumkur Dasara: ತುಮಕೂರು ದಸರಾ ಕುಸ್ತಿ ಪಂದ್ಯಾವಳಿ: ಪ್ರಥಮ ಸ್ಥಾನ ಪಡೆದ ದೇಶದ ಗರಡಿಮನೆಯ ಕುಸ್ತಿಪಟು ಸಂತೋಷ್

Sun, 18 Oct 2026 17:06:28 +0000

ತುಮಕೂರು: ನಗರದ ಪ್ರಸಿದ್ಧ ‘ದೇಶದ ಗರಡಿಮನೆ’ಯ ಪ್ರತಿಭಾವಂತ ಕುಸ್ತಿಪಟು ಸಂತೋಷ್ ಯು ಅವರು ತುಮಕೂರು ದಸರಾ(Tumkur Dasara) ಕುಸ್ತಿ ಪಂದ್ಯಾವಳಿಯಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿ ಪ್ರಥಮ ಸ್ಥಾನವನ್ನು ಮುಡಿಗೇರಿಸಿಕೊಂಡಿದ್ದಾರೆ.

ಇದನ್ನೂ ಓದಿ: Mysuru Dasara vs Mahisha Dasara: ಮಹಿಷಾಸುರ ರಾಕ್ಷಸನೋ, ಬೌದ್ಧ ದೊರೆಯೋ? ದಸರಾ ಸಮೀಪಿಸುತ್ತಿದ್ದಂತೆ ಮತ್ತೆ ಆರಂಭವಾಯ್ತು ಚರ್ಚೆ: ಏನಿದು ವಿವಾದ?

ಕಠಿಣ ಪರಿಶ್ರಮ, ಶಿಸ್ತು ಮತ್ತು ನಿರಂತರ ಅಭ್ಯಾಸದ ಮೂಲಕ ಕಣಕ್ಕಿಳಿದ ಸಂತೋಷ್ ಯು, ಪಂದ್ಯದುದ್ದಕ್ಕೂ ಗಮನಾರ್ಹ ತಾಂತ್ರಿಕ ಕೌಶಲ ಮೆರೆದು ಎದುರಾಳಿಗಳನ್ನು ಮಣಿಸಿ ವಿಜಯ ಶಾಲಿಯಾದರು. ಇವರ ಈ ಸಾಧನೆಯು ತುಮಕೂರು ನಗರದ ಕ್ರೀಡಾ ಲೋಕಕ್ಕೆ, ಅದರಲ್ಲೂ ವಿಶೇಷವಾಗಿ ಸಾಂಪ್ರದಾಯಿಕ ಕುಸ್ತಿಪಟುಗಳಿಗೆ ಹೆಮ್ಮೆಯ ಕ್ಷಣವಾಗಿದೆ.

ಗೆಲುವು ಸಾಧಿಸಿರುವ ಕುಸ್ತಿಪಟು ಸಂತೋಷ್ ಯು ಅವರಿಗೆ ಕ್ರೀಡಾಭಿಮಾನಿಗಳು, ಗರಡಿಮನೆಯ ಗುರುಗಳು ಹಾಗೂ ಹಿತೈಷಿಗಳು ಹರ್ಷ ವ್ಯಕ್ತಪಡಿಸಿ ಅಭಿನಂದನೆಗಳನ್ನು ಸಲ್ಲಿಸಿದ್ದಾರೆ.

]]>

Chikkaballapur News: ನೂರಾರು ಸುಮಂಗಲಿಯರಿಂದ ಲಲಿತಾ ಸಹಸ್ರನಾಮ ಪಠಣ; ನಾಡಿನ ಒಳಿತಿಗಾಗಿ ಪ್ರಾರ್ಥನೆ

Sun, 18 Oct 2026 16:32:06 +0000

ಚಿಕ್ಕಬಳ್ಳಾಪುರ: ಆಯುಧಪೂಜೆ(Ayudhapooje) ಮತ್ತು ವಿಜಯದಶಮಿ(Vijayadashami) ಅಂಗವಾಗಿ ನಗರದ ಹೊರವಲಯದ ಸಿವಿವಿ ಕ್ಯಾಂಪಸ್‌ನ ವರಸಿದ್ಧಿ ವಿನಾಯಕ ದೇವಾಲಯದ ಆವರಣದಲ್ಲಿ ನೂರಾರು ಸುಮಂಗಲಿಯರ ಪಾದಪೂಜೆ, ಸಾಮೂಹಿಕ ಲಲಿತಾ ಸಹಸ್ರನಾಮ ಪಠಣ ಹಾಗೂ ಮಹಾ ಚಂಡಿಕಾಹೋಮ ಶ್ರದ್ಧಾಭಕ್ತಿಯಿಂದ ನೆರವೇರಿತು.

ಪಂಚಗಿರಿ ಮತ್ತು ಕೆ.ವಿ. ಶಿಕ್ಷಣ ಸಂಸ್ಥೆಗಳ ಅಧ್ಯಕ್ಷ ಕೆ.ವಿ. ನವೀನ್‌ಕಿರಣ್ ಅವರ ನೇತೃತ್ವದಲ್ಲಿ ಹಲವು ವರ್ಷಗಳಿಂದ ಈ ಧಾರ್ಮಿಕ ಕಾರ್ಯಕ್ರಮವನ್ನು ಆಯೋಜಿಸಿಕೊಂಡು ಬರಲಾಗುತ್ತಿದೆ. ಭಾನುವಾರ ನಡೆದ ಹೋಮದ ಅಂಗವಾಗಿ ಬೆಳಗ್ಗೆಯಿಂದಲೇ ವರಸಿದ್ಧಿ ವಿನಾಯಕ ಸ್ವಾಮಿಗೆ ಅಭಿಷೇಕ, ನೈವೇದ್ಯ, ಪುಷ್ಪಾಲಂಕಾರ ಹಾಗೂ ಮಹಾಮಂಗಳಾರತಿ ನೆರವೇರಿಸಲಾಯಿತು. ಬಳಿಕ ನವೀನ್‌ಕಿರಣ್ ದಂಪತಿ ಹೋಮದಲ್ಲಿ ಪಾಲ್ಗೊಂಡು ಪೂಜೆ ಸಲ್ಲಿಸಿದರು.

ಇದನ್ನೂ ಓದಿ: Chikkaballapur News: ಜೈನ್ ಮಿಷನ್ ಆಸ್ಪತ್ರೆಯಲ್ಲಿ ಜಿಲ್ಲೆಯ ಮೊದಲ ಸರ್ಜಿಕಲ್ ತೀವ್ರ ನಿಗಾ ಘಟಕ ಆರಂಭ

ನಾಡಿನಲ್ಲಿ ಸುಭಿಕ್ಷೆ ನೆಲೆಸಬೇಕು, ಚಿಕ್ಕಬಳ್ಳಾಪುರ ವಿಧಾನಸಭಾ ಕ್ಷೇತ್ರದ ಜನರು ಸುಖ-ಸಮೃದ್ಧಿ ಯಿಂದ ಬಾಳಬೇಕು ಹಾಗೂ ಬರಗಾಲದ ಸಂಕಷ್ಟಗಳು ದೂರವಾಗಬೇಕು ಎಂದು ಜಗನ್ಮಾತೆ ಚಾಮುಂಡೇಶ್ವರಿಯಲ್ಲಿ ಪ್ರಾರ್ಥಿಸಲಾಯಿತು. ಕ್ಷೇತ್ರದ ವಿವಿಧ ಭಾಗಗಳಿಂದ ಆಗಮಿಸಿದ್ದ ನೂರಾರು ಸುಮಂಗಲಿಯರ ಪಾದಪೂಜೆ ನೆರವೇರಿಸಿ ಗೌರವಿಸಲಾಯಿತು.

ಈ ಸಂದರ್ಭದಲ್ಲಿ ಮಾತನಾಡಿದ ಕೆ.ವಿ. ನವೀನ್‌ಕಿರಣ್, ಭಾರತೀಯ ಪರಂಪರೆಯಲ್ಲಿ ಆಯುಧ ಪೂಜೆ ಮತ್ತು ವಿಜಯದಶಮಿಗೆ ವಿಶೇಷ ಮಹತ್ವವಿದೆ. ಪೂಜೆಗೆ ಭಕ್ತಿಯೇ ಮುಖ್ಯವೇ ಹೊರತು ಆಡಂಬರವಲ್ಲ. ಈ ಆಶಯದೊಂದಿಗೆ ಪೂಜೆಯಲ್ಲಿ ಪಾಲ್ಗೊಂಡ ಎಲ್ಲ ಸುಮಂಗಲಿಯರಿಗೆ ಪಂಚಗಿರಿ ಮತ್ತು ಕೆ.ವಿ. ಶಿಕ್ಷಣ ಸಂಸ್ಥೆಗಳ ವತಿಯಿಂದ ಅಗತ್ಯ ಪೂಜಾ ಪರಿಕರಗಳನ್ನು ಉಚಿತವಾಗಿ ವಿತರಿಸಲಾಗಿದೆ ಎಂದರು.

ಕೆಟ್ಟದ್ದರ ವಿರುದ್ಧ ಒಳಿತಿನ ವಿಜಯದ ಸಂಕೇತವಾಗಿ ವಿಜಯದಶಮಿ ಆಚರಿಸಲಾಗುತ್ತದೆ. ಮೈಸೂರು ದಸರಾ ನಾಡಿನ ಸಾಂಸ್ಕೃತಿಕ ಮತ್ತು ಧಾರ್ಮಿಕ ಪರಂಪರೆಯ ಪ್ರತೀಕವಾಗಿದೆ. ನವರಾತ್ರಿ ಹಬ್ಬವು ನಾಡಿನ ಜನರಿಗೆ ಸುಖ, ಶಾಂತಿ ಮತ್ತು ಸಮೃದ್ಧಿಯನ್ನು ತರಲಿ ಎಂದು ಅವರು ಹಾರೈಸಿದರು.

ವರಸಿದ್ಧಿ ವಿನಾಯಕ ದೇವಾಲಯದ ಸಮಿತಿ ವತಿಯಿಂದ ಕಾರ್ಯಕ್ರಮದಲ್ಲಿ ಪಾಲ್ಗೊಂಡ ಎಲ್ಲ ಭಕ್ತರಿಗೂ ಕೃತಜ್ಞತೆ ಸಲ್ಲಿಸಲಾಯಿತು.

]]>

J K Krishna Reddy: ಎನ್‌ಡಿಎ ಅಭ್ಯರ್ಥಿ ಕೆ.ಎಂ. ಸುರೇಶ್ ಪರ ಜೆ.ಕೆ. ಕೃಷ್ಣಾರೆಡ್ಡಿ ಪ್ರಚಾರ

Sun, 18 Oct 2026 16:20:05 +0000

ಚಿಂತಾಮಣಿ: ಆಗ್ನೇಯ ಪದವೀಧರ ಕ್ಷೇತ್ರದ ವಿಧಾನ ಪರಿಷತ್ ಚುನಾವಣೆಯ ಎನ್‌ಡಿಎ(NDA) ಅಭ್ಯರ್ಥಿ ಕೆ.ಎಂ.ಸುರೇಶ್(K M Suresh) ಪರ ಮಾಜಿ ಶಾಸಕ ಹಾಗೂ ಜೆಡಿಎಸ್(JDS) ಕೋರ್ ಕಮಿಟಿ ರಾಜ್ಯಾಧ್ಯಕ್ಷ ಜೆ.ಕೆ. ಕೃಷ್ಣಾರೆಡ್ಡಿ(J K Krishna Reddy) ಅವರು ಚಿಂತಾಮಣಿ ನ್ಯಾಯಾಲಯದಲ್ಲಿ ವಕೀಲರನ್ನು ಭೇಟಿ ಮಾಡಿ ಬೆಂಬಲ ಕೋರಿದರು.

ಜೆಡಿಎಸ್ ಮತ್ತು ಬಿಜೆಪಿ(BJP) ಕಾರ್ಯಕರ್ತರೊಂದಿಗೆ ನ್ಯಾಯಾಲಯಕ್ಕೆ ಭೇಟಿ ನೀಡಿದ ಅವರು, ವಕೀಲ ರೊಂದಿಗೆ ಚರ್ಚಿಸಿ ಅಭ್ಯರ್ಥಿಯ ಪರ ಮತಯಾಚನೆ ಮಾಡಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಕೃಷ್ಣಾರೆಡ್ಡಿ, ಕುಮಾರಸ್ವಾಮಿ ಅವರು ಮುಖ್ಯಮಂತ್ರಿಯಾಗಿದ್ದ ಸಂದರ್ಭದಲ್ಲಿ ನ್ಯಾಯಾಲಯದ ಕಟ್ಟಡ ನಿರ್ಮಾಣಕ್ಕಾಗಿ 20 ಎಕರೆ ಜಮೀನು ಮಂಜೂರು ಮಾಡುವಂತೆ ಮನವಿ ಸಲ್ಲಿಸಲಾಗಿತ್ತು. ತಾಂತ್ರಿಕ ಕಾರಣಗಳಿಂದ ನಿರೀಕ್ಷಿತ ಪ್ರಮಾಣದಲ್ಲಿ ಜಮೀನು ಲಭ್ಯವಾಗಿರಲಿಲ್ಲ. ಇದೀಗ 15 ಎಕರೆ ಜಮೀನು ಮಂಜೂರಾಗಿದ್ದು, ಮುಂದಿನ ದಿನಗಳಲ್ಲಿ ಅಗತ್ಯಕ್ಕೆ ಅನುಗುಣವಾಗಿ ಹೆಚ್ಚಿನ ಅವಕಾಶಗಳನ್ನು ಪರಿಶೀಲಿಸಲಾಗುವುದು ಎಂದು ತಿಳಿಸಿದರು.

ವಕೀಲರ ಸಂಘದ ಅಧ್ಯಕ್ಷ ಮಂಜುನಾಥ್ ರೆಡ್ಡಿ, ಹಿರಿಯ ವಕೀಲ ಶ್ರೀನಾಥ್, ವಕೀಲರಾದ ರಾಜಾರಾಂ, ನಾ. ಶಂಕರ್ ಸೇರಿದಂತೆ ಹಲವರು ಉಪಸ್ಥಿತರಿದ್ದರು.

]]>

ಮಲಬಾರ್ ಪಿಟ್ ವೈಪರ್ ಕಚ್ಚಿದ್ದು, 24 ಗಂಟೆ ನಿಗಾದಲ್ಲಿ ಚಿಕಿತ್ಸೆ; ಚಾರಣಿಗರು ಎಚ್ಚರಿಕೆ ವಹಿಸಲು ಅರಣ್ಯ ಇಲಾಖೆ ಸೂಚನೆ

Sun, 18 Oct 2026 16:03:09 +0000

ಚಿಕ್ಕಬಳ್ಳಾಪುರ: ಸ್ಕಂದಗಿರಿ ಬೆಟ್ಟದಲ್ಲಿ ಭಾನುವಾರ ಬೆಳಿಗ್ಗೆ ಚಾರಣಕ್ಕೆ ತೆರಳಿದ್ದ 33 ವರ್ಷದ ದೇವೇಂದ್ರ ಎಂಬುವವರಿಗೆ ಮಲಬಾರ್ ಪಿಟ್ ವೈಪರ್ ಹಾವು ಕಚ್ಚಿದ್ದು, ತಕ್ಷಣ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದೆ. ಸದ್ಯ ಅವರ ಆರೋಗ್ಯ ಸ್ಥಿರವಾಗಿದ್ದು, ವೈದ್ಯರ ನಿಗಾದಲ್ಲಿ ಚಿಕಿತ್ಸೆ ಮುಂದು ವರಿದಿದೆ.

ಆನ್‌ಲೈನ್‌ನಲ್ಲಿ ಮುಂಗಡ ನೋಂದಣಿ ಮಾಡಿಕೊಂಡು ಅಧಿಕೃತವಾಗಿ ಚಾರಣಕ್ಕೆ ಬಂದಿದ್ದ ದೇವೇಂದ್ರ ಅವರು ಬೆಟ್ಟದಲ್ಲಿ ಗಿಡಗಳ ಬಳಿ ತೆರಳಿದ್ದಾಗ ಭುಜಕ್ಕೆ ಹಾವು ಕಚ್ಚಿದೆ. ಹಸಿರು ಬಣ್ಣದ ಮಲಬಾರ್ ಪಿಟ್ ವೈಪರ್ ಗಿಡಗಳ ಮೇಲೆ ಇರುವುದರಿಂದ ಸುಲಭವಾಗಿ ಕಣ್ಣಿಗೆ ಬೀಳುವುದಿಲ್ಲ. ಹಾವು ಕಚ್ಚಿದ ತಕ್ಷಣ ಚಾರಣಿಗರು ಮತ್ತು ಅರಣ್ಯ ಇಲಾಖೆ ಸಿಬ್ಬಂದಿ ಅವರನ್ನು ಬೆಟ್ಟದಿಂದ ಕೆಳಕ್ಕೆ ಕರೆ ತಂದರು.

ಮುನ್ನೆಚ್ಚರಿಕೆಯಾಗಿ ಆಂಬುಲೆನ್ಸ್ ವ್ಯವಸ್ಥೆ ಮಾಡಿ, ತಜ್ಞ ವೈದ್ಯರ ನೆರವಿನೊಂದಿಗೆ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಯಿತು. ವೈದ್ಯ ಡಾ. ವೆಂಕಟೇಶ್ ಅವರ ನೇತೃತ್ವದಲ್ಲಿ ಚಿಕಿತ್ಸೆ ನೀಡಲಾಗಿದ್ದು, ಸದ್ಯ ಅವರ ಆರೋಗ್ಯದ ಪ್ರಮುಖ ಲಕ್ಷಣಗಳು ಸ್ಥಿರವಾಗಿವೆ. ಆದರೂ ಮುನ್ನೆಚ್ಚರಿಕೆ ಕ್ರಮವಾಗಿ 24 ಗಂಟೆಗಳ ಕಾಲ ತೀವ್ರ ನಿಗಾ ಘಟಕದಲ್ಲಿ ಇರಿಸಿ ಚಿಕಿತ್ಸೆ ಮುಂದುವರಿಸಲಾಗುವುದು ಎಂದು ಅರಣ್ಯ ಇಲಾಖೆ ತಿಳಿಸಿದೆ.

ಚಾರಣಿಗರು ಎಚ್ಚರಿಕೆ ವಹಿಸಲಿ: ಆರ್‌ಎಫ್‌ಒ ಗಿರೀಶ್

“ಸ್ಕಂದಗಿರಿ ಮತ್ತು ನಂದಿ ಬೆಟ್ಟಗಳಲ್ಲಿ ಮಲಬಾರ್ ಪಿಟ್ ವೈಪರ್, ರಸೆಲ್‌ಸ್ ವೈಪರ್, ಕ್ರೇಟ್ ಹಾಗೂ ಕಿಂಗ್ ಕೋಬ್ರಾ ಸೇರಿದಂತೆ ವಿವಿಧ ಜಾತಿಯ ಹಾವುಗಳು ಕಂಡುಬರುತ್ತವೆ. ಬೆಟ್ಟ ಪ್ರದೇಶ ದಲ್ಲಿ ಕರಡಿ ಮತ್ತು ಚಿರತೆಗಳೂ ಇವೆ. ವಿಶೇಷವಾಗಿ ಮಲಬಾರ್ ಪಿಟ್ ವೈಪರ್ ಹಸಿರು ಬಣ್ಣದಲ್ಲಿ ರುವುದರಿಂದ ಗಿಡಗಳ ನಡುವೆ ಗುರುತಿಸುವುದು ಕಷ್ಟ. ಆದ್ದರಿಂದ ಚಾರಣಿಗರು ಗಿಡಗಂಟಿಗಳ ಬಳಿ ಹೋಗುವಾಗ ಎಚ್ಚರಿಕೆ ವಹಿಸಬೇಕು.

ಹಾವು ಕಂಡರೆ ಮುಟ್ಟಲು ಅಥವಾ ಹಿಡಿಯಲು ಪ್ರಯತ್ನಿಸಬಾರದು. ಹಾವು ಕಚ್ಚಿದರೆ ಸಮಯ ವ್ಯರ್ಥ ಮಾಡದೆ ತಕ್ಷಣ ವೈದ್ಯಕೀಯ ನೆರವು ಪಡೆಯಬೇಕು. ಸ್ವಯಂ ಚಿಕಿತ್ಸೆ ಮಾಡಿಕೊಳ್ಳಬಾರದು. ಚಾರಣದ ವೇಳೆ ಅರಣ್ಯ ಇಲಾಖೆ ಸಿಬ್ಬಂದಿ ಮತ್ತು ಅಧಿಕೃತ ಮಾರ್ಗದರ್ಶಕರ ಸೂಚನೆಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು. ಸುರಕ್ಷತಾ ನಿಯಮಗಳನ್ನು ಅನುಸರಿಸುವುದರಿಂದ ಅಪಾಯ ಗಳನ್ನು ಕಡಿಮೆ ಮಾಡಬಹುದು” ಎಂದು ಆರ್‌ಎಫ್‌ಒ ಗಿರೀಶ್ ತಿಳಿಸಿದರು.

ಚಾರಣಿಗರಿಗೆ ಪ್ರಮುಖ ಸೂಚನೆಗಳು

ಗುರುತಿಸಲಾಗದ ಹಾವು ಅಥವಾ ವನ್ಯಜೀವಿಗಳಿಂದ ದೂರವಿರಿ; ಅವುಗಳನ್ನು ಕೆಣಕಬೇಡಿ.
ನಿಗದಿತ ಚಾರಣ ಮಾರ್ಗದಲ್ಲೇ ಸಂಚರಿಸಿ, ಗಿಡಗಂಟಿಗಳ ನಡುವೆ ಕೈ ಹಾಕಬೇಡಿ.
ಹಾವು ಕಚ್ಚಿದರೆ ಗಾಯಗೊಂಡ ವ್ಯಕ್ತಿಯನ್ನು ಆದಷ್ಟು ಶಾಂತವಾಗಿರಿಸಿ, ತಕ್ಷಣ ಆಸ್ಪತ್ರೆಗೆ ಕರೆದೊಯ್ಯಿರಿ.
ಗಾಯವನ್ನು ಕತ್ತರಿಸುವುದು, ವಿಷ ಹೀರುವ ಪ್ರಯತ್ನ ಅಥವಾ ಬಿಗಿಯಾಗಿ ಕಟ್ಟುವುದು ಮಾಡಬೇಡಿ.

]]>

ವೇಗವಾಗಿ ಬಂದ ಕಾರ್‌ ಹರಿದು ರಸ್ತೆ ಬದಿ ಕೆಲಸ ಮಾಡುತ್ತಿದ್ದ 8 ಕಾರ್ಮಿಕರ ದುರ್ಮರಣ; ತಡವಾಗಿ ಸ್ಥಳಕ್ಕೆ ತಲುಪಿದ ಆಂಬ್ಯುಲೆನ್ಸ್‌

Sun, 18 Oct 2026 16:00:34 +0000

ಚಂಡೀಗಢ, ಅ. 18: ಪಂಜಾಬ್‌ನಲ್ಲಿ ಭೀಕರ ಅಪಘಾತವೊಂದು ನಡೆದಿದ್ದು, ರಸ್ತೆ ಬದಿ ಕೆಲಸ ಮಾಡುತ್ತಿದ್ದ 8 ಕಾರ್ಮಿಕರು ಹತರಾಗಿದ್ದಾರೆ. ವೇಗವಾಗಿ ಬಂದ ಕಾರ್‌ ನಿಯಂತ್ರಣ ತಪ್ಪಿ ಕಾರ್ಮಿಕರ ಮೇಲೆ ಸಾಗಿದೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ. ಮೃತ ಕಾರ್ಮಿಕರೆಲ್ಲ ರಸ್ತೆ ಕಾಮಗಾರಿ ನಡೆಸುತ್ತಿದ್ದರು ಎಂದು ತಿಳಿದು ಬಂದಿದೆ. ಪಂಜಾಬ್‌ನ ಸಂಗ್ರೂರ್‌ ಜಿಲ್ಲೆಯ ಲೆಹ್ರಗಾಗದ ಛೋಟಿಯಾನ್‌ ಗ್ರಾಮ ಜಾಖಲ್‌ ರಸ್ತೆಯಲ್ಲಿ ಈ ಅಪಘಡ (Road Horror In Punjab) ಸಂಭವಿಸಿದ್ದು, ಚಾಲಕನ ನಿರ್ಲಕ್ಷ್ಯದ ವಿರುದ್ಧ ಆಕ್ರೋಶ ವ್ಯಕ್ತವಾಗಿದೆ.

ವೇಗವಾಗಿ ಬಂದ ಕಾರ್‌ ನಿಯಂತ್ರಣ ತಪ್ಪಿ ರಸ್ತೆ ಬದಿ ನಿಂತಿದ್ದ ಸುಮಾರು 20 ಕಾರ್ಮಿಕ ಗುಂಪಿನ ಕಡೆ ಚಲಿಸಿತು ಎಂದು ಮೂಲಗಳು ತಿಳಿಸಿವೆ. ಅಪಘಾತಕ್ಕೀಡಾದ ಶೆವರ್ಲೆ ಆಪ್ಟ್ರಾ ಮ್ಯಾಗ್ನಮ್ ಕಾರ್‌ನ ಚಾಲಕನನ್ನು ಪರ್ಗತ್‌ ಸಿಂಗ್‌ ಕಾಲ ಎಂದು ಗುರುತಿಸಲಾಗಿದೆ. ರೈಧ್ರಾನ ನಿವಾಸಿಯಾದ ಅತ ಅಪಘಾತದ ಬಳಿಕ ಕಾರ್‌ ನಿಲ್ಲಿಸದೆ ಪರಾರಿಯಾಗಿದ್ದು, ಪತ್ತೆಗೆ ಪೊಲೀಸರು ಕಾರ್ಯಾಚರಣೆ ಆರಂಭಿಸಿದ್ದಾರೆ.

ಪಂಜಾಬ್‌ನಲ್ಲಿ ಭೀಕರ ರಸ್ತೆ ಪಾಘಾತ:

#BREAKING Tragic accident in Punjab's Sangrur: An out-of-control speeding car mowed down MGNREGA workers on the Lehragaga-Jakhal road near Chotiya village, resulting in 8 deaths and multiple injuries. @PunjabPoliceInd @BhagwantMann #punjab #Sangrur #accidnet https://t.co/nlJxW9KCcD
— Monu Lodhi (@monu_lodh) October 18, 2026

ಮೃತ ಕಾರ್ಮಿಕರ ಪೈಕಿ 6 ಮಂದಿ ಮಹಿಳೆಯರು ಸೇರಿದ್ದಾರೆ. ಮೃತರನ್ನು ಕರ್ಮಜೀತ್‌ ಕೌರ್‌, ನಿಕಿ, ಸರ್ಬಜೀತ್‌ ಕೌರ್‌, ರಂಜೀತ್‌ ಕೌರ್‌, ಕರ್ಮಜೀತ್‌, ರಾಣಿ ಕೌರ್‌, ಜೀವನ್‌ ಸಿಂಗ್‌ ಮತ್ತು ದೇಸ್‌ ರಾಜ್‌ ಎಂದು ಗುರುತಿಸಲಾಗಿದೆ. ಈ ಪೈಕಿ 7 ಮಂದಿ ಅಲಿಶರ್‌ ಗ್ರಾಮದವರು ಎಂದು ಮೂಲಗಳು ವರದಿ ಮಾಡಿವೆ. ಸ್ಥಳದಲ್ಲೇ 5 ಮಂದಿ ಮೃತಪಟ್ಟರೆ, ಗಾಯಗೊಂಡ ಮೂವರು ಚಿಕಿತ್ಸೆ ಫಲಿಸದೆ ಅಸುನೀಗಿದರು.

ಮಧ್ಯಪ್ರದೇಶದ ದೇವಸ್ಥಾನದ ಬಳಿ ಭಕ್ತರ ಮೇಲೆ ಟ್ರಕ್ ಹರಿದು 13 ಮಂದಿ ಸಾವು

ಸಮಯಕ್ಕೆ ಸರಿಯಾಗಿ ತಲುಪದ ಆಂಬ್ಯುಲೆನ್ಸ್‌

ಸಮಯಕ್ಕೆ ಸರಿಯಾಗಿ ಆಂಬ್ಯುಲೆನ್ಸ್‌ ತಲುಪದೇ ಇರುವುದು ಸಾವಿನ ಸಂಖ್ಯೆ ಹೆಚ್ಚಾಗಲು ಕಾರಣ ಎಂದು ಸ್ಥಳೀಯರು ದೂರಿದ್ದು, ಈ ಬಗ್ಗೆ ಆಕ್ರೋಶ ವ್ಯಕ್ತವಾಗಿದೆ. ಅಪಘಾತದ ಮಾಹಿತಿ ಲಭ್ಯವಾದ ಕೂಡಲೇ ಸ್ಥಳಕ್ಕೆ ಧಾವಿಸಿದ ಸ್ಥಳೀಯರು ರಕ್ಷಣಾ ಕಾರ್ಯಾಚರಣೆ ನಡೆಸಿದರು. ರಕ್ಷಣಾ ಕಾರ್ಯಾಚರಣೆಯಲ್ಲಿ ಕೈ ಜೋಡಿಸಿದ ಹರ್ವಿಂದರ್‌ ಸಿಂಗ್‌ ಮಾತನಾಡಿ ಸಂತ್ರಸ್ತರೆಲ್ಲ ವಿಬಿ ಜಿ-ರಾಮ್‌-ಜಿ (ಮನರೇಗಾ) ಯೋಜನೆಯ ಕಾರ್ಮಿಕರು ಎಂದು ಮಾಹಿತಿ ನೀಡಿದ್ದಾರೆ.

ತಾವು ಆಗಮಿಸಿದಾಗ ಕನಿಷ್ಠ 23 ಕಾರ್ಮಿಕರು ಗಾಯಗೊಂಡಿದ್ದರು. ಈ ಪೈಕಿ 4-5 ಮಂದಿ ಗಂಭೀರ ಸ್ಥಿತಿಯಲ್ಲಿದ್ದರು ಎಂದಿದ್ದಾರೆ. ʼʼನಾನು ಆಗಮಿಸಿದಾಗ ಸ್ಥಳದಲ್ಲಿ ಯಾರೂ ಇರಲಿಲ್ಲ. 5-6 ಮೃತದೇಹ ರಸ್ತೆ ಬದಿ ಬಿದ್ದಿತ್ತು. ಮೃತರೆಲ್ಲ ಬಡ ಕೂಲಿ ಕಾರ್ಮಿಕರು. ಸ್ಥಳಕ್ಕೆ ಆಂಬ್ಯುಲೆನ್ಸ್‌ ತಲುಪಲು ಸುಮಾರು 1 ಗಂಟೆ ಬೇಕಾಯ್ತು. ಇದು ಸಾವಿನ ಸಂಖ್ಯೆ ಹೆಚ್ಚಲು ಕಾರಣʼʼ ಎಂದು ಸ್ಥಳೀಯಾಡಳಿತದ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ. ಆಂಬ್ಯುಲೆನ್ಸ್‌ಗೆ ಕಾಯುತ್ತಿದ್ದಾಗಲೇ ಒಂದಿಬ್ಬರ ಜೀವ ಹೋಗಿದೆ ಎಂದು ಸ್ಥಳೀಯರು ಹೇಳಿದ್ದಾರೆ.

ಆಂಬ್ಯುಲೆನ್ಸ್‌ ಕೊರತೆ; ಸುಡು ಬಿಸಿಲಿನಲ್ಲೇ ಬಾಲಕನನ್ನು ಆಸ್ಪತ್ರೆಗೆ ಸ್ಟ್ರೆಚರ್‌ನಲ್ಲಿ ಸಾಗಿಸಿದ ಕುಟುಂಬಸ್ಥರು

ಪೊಲೀಸರ ಕಣ್ಣೆದುರೇ ಚಾಲಕ ಪರಾರಿ

ಪೊಲೀಸ್‌ ಸಿಬ್ಬಂದಿ ಆಗಮಿಸಿದ ಬಳಿಕ ಅವರ ಕಣ್ಣೆದುರಿನಿಂದಲೇ ಅಪಘಾತ ಎಸಗಿದ ಚಾಲಕ ಪರಾರಿಯಾಗಿದ್ದಾನೆ ಎಂದು ಕೆಲವರು ಆರೋಪಿಸಿದ್ದಾರೆ. ಸ್ಥಳದಲ್ಲಿ ನೆರೆದ ನೂರಾರು ಕಾರ್ಮಿಕರು ಕೂಡಲೇ ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿದ್ದಾರೆ. ಘಟನೆ ಬಗ್ಗೆ ಸಮಗ್ರ ತನಿಖೆ ನಡೆಸಿ ಚಾಲಕನ ವಿರುದ್ಧ ಕ್ರಮ ಕೈಗೊಳ್ಳುವುದಾಗಿ ಸರ್ಕಾರ ಭರವಸೆ ನೀಡಿದೆ. ಜತೆಗೆ ಸಂತ್ರಸ್ತ ಕುಟುಂಬ ಸದಸ್ಯರಿಗೆ ನೆರವು ನೀಡುವುದಾಗಿಯೂ ತಿಳಿಸಿದೆ.

ದೇಶದ ಇನ್ನಷ್ಟು ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.

ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.

]]>

Tiger Shroff: ಬಾಲಿವುಡ್ ನಟ ಟೈಗರ್ ಶ್ರಾಫ್ ಮೇಲೆ ಗುಂಡಿನ ದಾಳಿ

Sun, 18 Oct 2026 15:17:28 +0000

ಭಾನುವಾರ ಸಂಜೆ ಮುಂಬೈನ ಜುಹು ಪ್ರದೇಶದಲ್ಲಿಬೈಕುಗಳಲ್ಲಿ ಬಂದ ಮೂವರು ಆಗಂತುಕರು ಬಾಲಿವುಡ್ ನಟ ಟೈಗರ್ ಶ್ರಾಫ್ ಮೇಲೆ ಗುಂಡು ಹಾರಿಸಿದ್ದು, ಘಟನೆಯಲ್ಲಿ ಅವರ ಚಾಲಕ ಮತ್ತು ಆಟೋರಿಕ್ಷಾದ ಮತ್ತೊಬ್ಬ ಚಾಲಕ ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಬೈಕುಗಳಲ್ಲಿ ಬಂದ ಮೂವರು ಆಗಂತುಕರು ಟೈಗರ್ ಶ್ರಾಫ್ (Tiger Shroff) ಇದ್ದ ಕಾರಿನ ಮೇಲೆ ಗುಂಡಿನ ದಾಳಿ (Bishnoi gang ) ನಡೆಸಿದ್ದಾರೆ. ಸುಮಾರು 11 ಸುತ್ತು ಗುಂಡು ಹಾರಿಸಲಾಗಿದ್ದು, ದಾಳಿಯ ವೇಳೆ ಟೈಗರ್ ಶ್ರಾಫ್ ಅವರಿಗೆ ಯಾವುದೇ ಗಾಯಗಳಾಗಿಲ್ಲ ಆದರೆ ಅವರ ಇಬ್ಬರು ಸಿಬ್ಬಂದಿ ಮತ್ತು ಒಬ್ಬ ಆಟೋ ಚಾಲಕ ಗಾಯಗೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಬಿಷ್ಣೋಯ್ ಗ್ಯಾಂಗ್‌ನ ಅನಿಲ್ ಪಂಡಿತ್ ಮತ್ತು ಅನಿಲ್ ಹರ್ಮನ್ ಸಂಧು ಈ ದಾಳಿಯ ಹಿಂದೆ ಇದ್ದಾರೆ ಎಂದು ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಲ್ಲಿ ಹೇಳಿಕೊಂಡ ನಂತರ ಬಿಷ್ಣೋಯ್ ಗ್ಯಾಂಗ್ ದಾಳಿಯ ಹೊಣೆ ಹೊತ್ತಿದೆ ಎಂದು ಆರೋಪಿಸಲಾಗಿದೆ.

ದಾಳಿ ನಡೆದ ಕೆಲವೇ ಸಮಯಕ್ಕೆ ಅನಿಲ್ ಪಂಡಿತ್, ಅನ್ಮೋಲ್ ಬಿಷ್ಣೋಯಿ ಎಂಬ ಟ್ವಿಟ್ಟರ್ ಖಾತೆಯಿಂದ ಟ್ವೀಟ್ ಮಾಡಲಾಗಿದ್ದು, ಈ ದಾಳಿಯನ್ನು ಬಿಷ್ಣೋಯಿ ಗ್ಯಾಂಗಿನ ಸದಸ್ಯರು ಮಾಡಿರುವುದಾಗಿ ಹೇಳಿದ್ದಾರೆ.

Multiple shots allegedly fired at Tiger Shroff's car in Mumnai as he was exiting the ground after playing football. Someone please verify. @MumbaiPolice @CPMumbaiPolice #TigerShroff #Mumbai #MumbaiPolice https://t.co/Ynu6u9mTsc
— Ashok Bijalwan (@AshTheWiz) October 18, 2026

`ನಾವು ಅವನಿಗೆ ಕರೆ ಮಾಡಿ ಹೇಳಿ ಅರ್ಥಮಾಡಿಸಿದ್ದೆವು, ಆದರೆ ಅವನಿಗೆ ಅರ್ಥವಾಗಲಿಲ್ಲ. ಆದ್ದರಿಂದ ಇಂದು ಅವನಿಗೆ ಚೆನ್ನಾಗಿ ಪಾಠ ಕಲಿಸಿದ್ದೇವೆ. ಮುಂಬೈ ಬಾಲಿವುಡ್ ಉದ್ಯಮದಲ್ಲಿ ಯಾರು ನಮ್ಮ ಮಾತು ಕೇಳುವುದಿಲ್ಲವೋ ಅಥವಾ ಸಲ್ಮಾನ್ ಖಾನ್ ಜೊತೆ ಕೆಲಸ ಮಾಡುತ್ತಾರೋ, ಮುಂದಿನ ಸರದಿ ಅವರದೇ. ಕಾದು ನೋಡಿ' ಎಂದು ಬರೆದುಕೊಂಡಿದೆ.ಟೈಗರ್ ಶ್ರಾಫ್ ಹಿರಿಯ ನಟ ಜಾಕಿ ಶ್ರಾಫ್ ಅವರ ಮಗ. ಅವರು 2014 ರಲ್ಲಿ 'ಹೀರೋಪಂತಿ' ಚಿತ್ರದ ಮೂಲಕ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಿದರು ಮತ್ತು ಸಾಹಸಗಳಿಗೆ ಹೆಸರುವಾಸಿಯಾಗಿದ್ದಾರೆ.

ನಟನ ಕಾರಿನತ್ತ ವ್ಯಕ್ತಿಯೊಬ್ಬ ಗುಂಡು ಹಾರಿಸುತ್ತಿರುವ ವೀಡಿಯೊವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

]]>

ಶಿವ-ವಿಷ್ಣುವಿನ ಹೆಸರಿನಲ್ಲಿ ಜಗಳ ಸಲ್ಲ, ತಲೆ ಪ್ರತಿಷ್ಠೆ ಮಾಡಿದರೆ ಪತನ ಖಂಡಿತ: ರಾಘವೇಶ್ವರ ಶ್ರೀ

Sun, 18 Oct 2026 15:16:57 +0000

ಬೆಂಗಳೂರು: ಮೋಹವೆಂಬುದು ದೇವಿಯ ಮಾಯೆಯಾಗಿದ್ದು, ಮಾಯೆಯು ಎಲ್ಲವನ್ನೂ ಮರೆಸಿಬಿಡುತ್ತದೆ ಎಂದು ಶ್ರೀರಾಮಚಂದ್ರಾಪುರ ಮಠದ ಜಗದ್ಗುರು ಶಂಕರಾಚಾರ್ಯ ಶ್ರೀಶ್ರೀ ರಾಘವೇಶ್ವರ ಭಾರತೀ ಮಹಾಸ್ವಾಮಿಗಳು (Raghaveshwara Bharati Swamiji) ಹೇಳಿದರು. ಬೆಂಗಳೂರಿನ ಗಿರಿನಗರದಲ್ಲಿರುವ ಶ್ರೀರಾಮಚಂದ್ರಾಪುರ ಮಠದ ಶಾಖೆಯಲ್ಲಿ ನಡೆಯುತ್ತಿರುವ 'ನವರಾತ್ರ ನಮಸ್ಯಾ' ಕಾರ್ಯಕ್ರಮದಲ್ಲಿ ಲಲಿತೋಪಾಖ್ಯಾನ ಪ್ರವಚನವನ್ನು ಶ್ರೀಗಳು ಭಾನುವಾರ ಅನುಗ್ರಹಿಸಿದರು.

ಸಮುದ್ರ ಮಥನವಾಗಿ ಅಮೃತ ಬರುವ ಮೊದಲು ವಿಷವೂ ಬರಬಹುದು. ಅದನ್ನು ಸ್ವೀಕರಿಸಲು ನಂಜುಂಡನಾದ ಶಿವ ಬೇಕು. ಅಮೃತ ಬಂದಾಗ ಅದು ಅಸುರರಿಗೆ ಸಿಗದಿರಲು‌ ಮಹಾವಿಷ್ಣುವೂ ಬೇಕು. ದೇವರೂ ರಾಕ್ಷಸರು ಅಮೃತಕ್ಕಾಗಿ ಯುದ್ಧದಲ್ಲಿ ತೊಡಗಿದ್ದಾಗ ಪ್ರತ್ಯಕ್ಷವಾದ ಮೋಹಿನಿಯು ಕೇವಲ ತನ್ನ ಉಪಸ್ಥಿತಿಯ ಮಾತ್ರದಿಂದ ಯುದ್ಧವನ್ನು ನಿಲ್ಲಿಸುತ್ತಾಳೆ. ಮೋಹದ ಜಾಲಕ್ಕೆ ಸಿಕ್ಕ ರಾಕ್ಷಸರು ಅಮೃತದಿಂದ ವಂಚಿತರಾಗುತ್ತಾರೆ ಎಂದರು.

ಜೀವನದಲ್ಲಿ ತಲೆ ಪ್ರತಿಷ್ಠೆಯನ್ನು ಮಾಡಬಾರದು. ದೇವಾಸುರರು ಸಮುದ್ರ ಮಥನ ಮಾಡುವಾಗ ರಾಕ್ಷಸರು ತಮಗೆ ವಾಸುಕಿಯ ತಲೆಯ ಭಾಗವೇ ಬೇಕು ಎಂದು ಪಡೆದುಕೊಳ್ಳುತ್ತಾರೆ. ಆದರೆ ಮಥನ ಮಾಡುವಾಗ ವಾಸುಕಿಯ ಬಾಯಿಯಿಂದ ಬಂದ ವಿಷದ ಪರಿಣಾಮವಾಗಿ ರಾಕ್ಷಸರ ತೇಜಸ್ಸು ಕ್ಷಯಿಸುತ್ತದೆ. ಹಾಗಾಗಿ ನಾವು ಜೀವನದಲ್ಲಿ ತಲೆ ಪ್ರತಿಷ್ಠೆ ಮಾಡಿದರೆ ಪತನವನ್ನು ಹೊಂದುತ್ತೇವೆ ಎಂದು ಅಭಿಪ್ರಾಯಪಟ್ಟರು.

ಶಿವ - ವಿಷ್ಣು ಕಲಹ ಸಲ್ಲ: ಶಿವ ಹಾಗೂ ವಿಷ್ಣುವಿನ ಮಧ್ಯೆ ಯಾವುದೇ ಕಲಹವಿಲ್ಲ. ಆದರೆ ಇಂದು ಶೈವರು ಹಾಗೂ ವೈಷ್ಣವರ ಮಧ್ಯೆ ಕಲಹ ಮುಗಿಯುವುದೇ ಇಲ್ಲ. ಶಿವ ಹಾಗೂ ವಿಷ್ಣುವಿನ ಹೆಸರಿನಲ್ಲಿ ‌ಜಗಳ‌ ಸಾಗುತ್ತಲೇ ಇದೆ. ಬಹುಶಃ ದೇವ ಲೋಕದಲ್ಲಿರುವ ಅವರಿಬ್ಬರೂ ಈ ಜಗಳವನ್ನು ನೋಡಿ ನಗುತ್ತಿರಬಹುದು. ಹಾಗಾಗಿ ನಾವು ದೇವರ ಹೆಸರಿನಲ್ಲಿ ಜಗಳವಾಡಬಾರದು ಎಂದರು.

ಮಾಜಿ ಅಡ್ವೊಕೇಟ್ ಜನರಲ್ ಅಶೋಕ‌ ಹಾರನಹಳ್ಳಿ ದಂಪತಿಗಳು, ಅಶೋಕ ಭಟ್ ಉಪ್ಪುಂದ, ಪ್ರಭಾಕರ ಅಳಗೋಡು, ಹೇಮಂತ್ ಭಾಗ್ವತ್ ಮುಂತಾದವರು ಶ್ರೀಗಳ‌ ಆಶೀರ್ವಾದ ಪಡೆದರು.

ಶತಚಂಡಿಕಾ ಮಹಾಯಾಗ:

ದೇವಿಯ ಉಪಾಸನೆಯ ಅಂಗವಾಗಿ ಅ.20ರಂದು ಶತಚಂಡಿಕಾ ಯಾಗ ನೆರವೇರಲಿದ್ದು, 100 ದೇವಿ ಸಪ್ತಶತೀ ಪಾರಾಯಣದ ಮೂಲಕ ಶತಚಂಡಿಕಾ ಯಾಗ ನೆರವೇರಲಿದೆ. ಪಾರಾಯಣ ಸೇರಿದಂತೆ ಈ ಮಹಾಯಾಗದಲ್ಲಿ 50 ಋತ್ವಿಜರು ಭಾಗವಹಿಸಲಿದ್ದಾರೆ. ವಿಶೇಷ ಹೋಮ ಕುಂಡ ಸೇರಿದಂತೆ ಯಾಗದ ಸಿದ್ಧತೆಗಳು ನಡೆದಿವೆ.

]]>

Dr K Sudhakar: ಸಾಮಾನ್ಯ ಕಾರ್ಯಕರ್ತರಿಗೆ ಅವಕಾಶ ನೀಡುವ ಪಕ್ಷ ಬಿಜೆಪಿ: ಡಾ.ಕೆ.ಸುಧಾಕರ್

Sun, 18 Oct 2026 15:09:18 +0000

ಚಿಕ್ಕಬಳ್ಳಾಪುರ: ಬಿಜೆಪಿ(Bharatiy Janatha Party) ಮತ್ತು ಜೆಡಿಎಸ್(JDS) ಎರಡೂ ಕಾರ್ಯಕರ್ತರ ಪಕ್ಷಗಳಾಗಿದ್ದು, ಕಾರ್ಯಕರ್ತರ ಕಷ್ಟಗಳಿಗೆ ಸ್ಪಂದಿಸುವ ಗುಣ ಹೊಂದಿವೆ ಎಂದು ಸಂಸದ ಸುಧಾಕರ್ ಹೇಳಿದರು .

ಸಾಮಾನ್ಯ ಕುಟುಂಬದ ಹಿನ್ನೆಲೆಯಿಂದ ಬಂದ ಕೆ.ಎಂ.ಸುರೇಶ್(K M Suresh) ಅವರನ್ನು ಬಿಜೆಪಿ ಜೆಡಿಎಸ್ ಮೈತ್ರಿ ಅಭ್ಯರ್ಥಿ ಆಗಿ ವಿಧಾನ ಪರಿಷತ್ ಚುನಾವಣೆಯಲ್ಲಿ ಸ್ಪರ್ಧಿಸಲು ಅವಕಾಶ ನೀಡಲಾಗಿದೆ. ಉದ್ಯಮಿ ಶಿಕ್ಷಣ ತಜ್ಞ ಆಗಿರುವ ಇವರು ಪಕ್ಷಕ್ಕಾಗಿ ಸುದೀರ್ಘ ಕಾಲ ಶಿಸ್ತಿನಿಂದ ದುಡಿದಿರುವುದು ಅವರ ವಿಶೇಷತೆ ಎಂದು ಸಂಸದ ಡಾ.ಕೆ.ಸುಧಾಕರ್(Dr K Sudhakar) ಹೇಳಿದರು.

ನಗರದ ವಕೀಲರನ್ನು ಉದ್ದೇಶಿಸಿ ಮಾತನಾಡಿದ ಅವರು, ಕುಟುಂಬದ ಸದಸ್ಯರನ್ನು ಭೇಟಿ ಮಾಡಿದ ಸಂತೋಷವಾಗುತ್ತಿದೆ. ಸಾಮಾಜಿಕ ನ್ಯಾಯವನ್ನು ಎತ್ತಿಹಿಡಿಯುವ ಪವಿತ್ರ ವೃತ್ತಿಯಲ್ಲಿರುವ ವಕೀಲರ ಮತ ಕೇಳುವುದು ಗೌರವದ ಸಂಗತಿ. ಆಗ್ನೇಯ ಪದವೀಧರರ ಕ್ಷೇತ್ರದ ಬಿಜೆಪಿ–ಜೆಡಿಎಸ್ ಮೈತ್ರಿ ಅಭ್ಯರ್ಥಿ ಕೆ.ಎಂ.ಸುರೇಶ್ ಅವರಿಗೆ ಪ್ರಥಮ ಆದ್ಯತೆಯ ಮತ ನೀಡಿ ಬೆಂಬಲಿಸಬೇಕು ಎಂದು ಮನವಿ ಮಾಡಿದರು.

ಬಿಜೆಪಿ ಸಾಮಾನ್ಯ ಕಾರ್ಯಕರ್ತರಿಗೂ ಅವಕಾಶ ಕಲ್ಪಿಸುವ ಪಕ್ಷವಾಗಿದೆ. ಇತರ ಪಕ್ಷಗಳಲ್ಲಿ ಬ್ಯಾಂಕ್ ಬ್ಯಾಲೆನ್ಸ್ ಮತ್ತು ಕುಟುಂಬದ ಹಿನ್ನೆಲೆಯನ್ನು ಗಮನಿಸಿ ಅವಕಾಶ ನೀಡುವ ಪ್ರವೃತ್ತಿ ಯಿದೆ. ಜೆಡಿಎಸ್ ಕೂಡ ಕಾರ್ಯಕರ್ತರಿಗೆ ಗೌರವ ನೀಡುತ್ತದೆ. ಕಾರ್ಯಕರ್ತರ ಸಮಸ್ಯೆಗಳಿಗಾಗಿ ಎಚ್.ಡಿ.ಕುಮಾರಸ್ವಾಮಿ ಅವರು ಕಮಿಷನರ್ ಕಚೇರಿ ಎದುರು ಪ್ರತಿಭಟನೆ ನಡೆಸಿರುವುದು ಕಾರ್ಯಕರ್ತರ ಮೇಲಿನ ಅವರ ಪ್ರೀತಿಗೆ ಸಾಕ್ಷಿಯಾಗಿದೆ ಎಂದರು.

ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಕೇಂದ್ರ ಸರ್ಕಾರ ತಂತ್ರಜ್ಞಾನಕ್ಕೆ ಆದ್ಯತೆ ನೀಡಿದ್ದು, ನ್ಯಾಯಾಲಯದ ಕಲಾಪಗಳನ್ನು ಮೊಬೈಲ್ ಮೂಲಕ ವೀಕ್ಷಿಸುವ ವ್ಯವಸ್ಥೆ ಸೇರಿದಂತೆ ನ್ಯಾಯಾಂಗದ ಡಿಜಿಟಲೀಕರಣಕ್ಕೆ ಉತ್ತೇಜನ ನೀಡಿದೆ. ವಕೀಲರಿಗೆ ಇಂಟರ್ನ್‌ಶಿಪ್ ಅವಕಾಶ ಕಲ್ಪಿಸುವುದು, ಉದ್ಯೋಗದಾತರಿಗೆ ತರಬೇತಿ ಮತ್ತು ಪ್ರೋತ್ಸಾಹಧನ ನೀಡುವುದು, ಶೂರಿಟಿ ಇಲ್ಲದೆ ಸಾಲ ಸೌಲಭ್ಯ ಒದಗಿಸುವುದು ಹಾಗೂ ಉತ್ಪನ್ನಗಳಿಗೆ ಮಾರುಕಟ್ಟೆ ಕಲ್ಪಿಸುವಂತಹ ಕ್ರಮಗಳ ಮೂಲಕ ಉದ್ಯೋಗ ಮತ್ತು ಉದ್ಯಮಶೀಲತೆಗೆ ಪ್ರೋತ್ಸಾಹ ನೀಡಲಾಗುತ್ತಿದೆ ಎಂದು ಹೇಳಿದರು.

ಭಾರತದ ಆರ್ಥಿಕ ಬೆಳವಣಿಗೆಗೆ ಕೇಂದ್ರ ಸರ್ಕಾರದ ನೀತಿಗಳು ಸಹಕಾರಿಯಾಗಿವೆ. ಹೂಡಿಕೆದಾರರಿಗೆ ಪೂರಕ ವಾತಾವರಣ ನಿರ್ಮಿಸಿರುವುದರಿಂದ ದೇಶದಲ್ಲಿ ಹೂಡಿಕೆ ಹೆಚ್ಚುತ್ತಿದೆ. ಕರ್ನಾಟಕವೂ ಹೂಡಿಕೆಯಲ್ಲಿ ಪ್ರಮುಖ ಸ್ಥಾನದಲ್ಲಿದೆ. ದೊಡ್ಡಬಳ್ಳಾಪುರದ ಐಫೋನ್ ಉತ್ಪಾದನಾ ಘಟಕದಿಂದ ಸಾವಿರಾರು ಉದ್ಯೋಗಾವಕಾಶಗಳು ಸೃಷ್ಟಿಯಾಗಿವೆ ಎಂದು ತಿಳಿಸಿದರು.

ಯುವಜನರಿಗೆ ಕೇವಲ ತಾತ್ಕಾಲಿಕ ಆರ್ಥಿಕ ನೆರವು ನೀಡುವುದಕ್ಕಿಂತ ಉದ್ಯೋಗ ಪಡೆಯಲು ಅಗತ್ಯವಾದ ಕೌಶಲ್ಯಗಳನ್ನು ಬೆಳೆಸುವುದು ಮುಖ್ಯ. ದುಡಿಯುವ ಕೈಗಳಿಗೆ ಕೌಶಲ್ಯ ಒದಗಿಸುವುದು ದೀರ್ಘಕಾಲೀನ ಅಭಿವೃದ್ಧಿಗೆ ನೆರವಾಗುತ್ತದೆ. ಆದ್ದರಿಂದ ಚುನಾವಣೆಯ ಸಂದರ್ಭದಲ್ಲಿ ತಾತ್ಕಾಲಿಕ ಆಮಿಷಗಳಿಗೆ ಒಳಗಾಗದೆ, ಅಭ್ಯರ್ಥಿಯ ಸೇವೆ ಮತ್ತು ಅಭಿವೃದ್ಧಿಯ ವಿಚಾರಗಳನ್ನು ಗಮನದಲ್ಲಿಟ್ಟುಕೊಂಡು ಮತ ಚಲಾಯಿಸಬೇಕು ಎಂದು ಹೇಳಿದರು.

ವಕೀಲರು ಮನಸ್ಸು ಮಾಡಿದರೆ ಪ್ರತಿಯೊಬ್ಬರೂ ನೂರು ಮತಗಳನ್ನು ಅಭ್ಯರ್ಥಿಯ ಪರವಾಗಿ ಸೆಳೆಯಲು ಶ್ರಮಿಸಬಹುದು. ತಾವೇ ಅಭ್ಯರ್ಥಿ ಎಂದು ಭಾವಿಸಿ ಚುನಾವಣೆಯಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳಬೇಕು. ಕೆ.ಎಂ.ಸುರೇಶ್ ಅವರಿಗೆ ಪ್ರಥಮ ಆದ್ಯತೆಯ ಮತ ನೀಡಿ ಬೆಂಬಲಿಸಬೇಕು ಎಂದು ಮನವಿ ಮಾಡಿದರು.

ವಕೀಲರ ಶ್ರೇಯೋಭಿವೃದ್ಧಿಗಾಗಿ ಸದಾ ಶ್ರಮಿಸುವುದಾಗಿ ಭರವಸೆ ನೀಡಿದ ಡಾ.ಕೆ.ಸುಧಾಕರ್, ವಕೀಲರು ಸಮಾಜದ ನ್ಯಾಯ ಮತ್ತು ಹಿತಾಸಕ್ತಿಗಳನ್ನು ಕಾಪಾಡುವಲ್ಲಿ ಮಹತ್ವದ ಪಾತ್ರ ವಹಿಸುತ್ತಾರೆ ಎಂದು ಹೇಳಿದರು.

ಇದೇ ವೇಳೆ ವಕೀಲರ ಸಂಘದ ಮೇಲಂತಸ್ತಿ ಕಟ್ಟಡ ಕಾಮಗಾರಿಗೆ 50ಲಕ್ಷ ಅನುದಾನ ಕೊಟ್ಟ ನೆನಪನ್ನು ಇದೇ ವೇಳೆ ಸಂಸದರು ನೆನಪಿಸಿಕೊಂಡರು. ಈ ವೇಳೆ ವಕೀಲರ ಸಂಘದ ಅಧ್ಯಕ್ಷ ಅಭಿಲಾಷ್ ಸೇರಿದಂತೆ ಎಲ್ಲಾ ಪದಾಧಿಕಾರಿಗಳು, ಅಪಾರ ಸಂಖ್ಯೆಯಲ್ಲಿ ವಕೀಲರು ಭಾಗವಹಿಸಿ ದ್ದರು.

]]>

ಕಣ್ಣ ಮುಂದೆಯೇ ಚಿಲ್ಲರೆ ಇದ್ರೂ ಕ್ಯಾಶ್ ಪಡೆಯಲು ನಿರಾಕರಿಸಿದ ಬೆಂಗಳೂರಿನ ಹೊಟೇಲ್‌ ಸಿಬ್ಬಂದಿ

Sun, 18 Oct 2026 15:08:14 +0000

ಬೆಂಗಳೂರು, ಅ. 18: ಇತ್ತೀಚೆಗೆ ಸಣ್ಣಪುಟ್ಟ ವಸ್ತು ಖರೀದಿಗೂ ನಾವು ಯುಪಿಐ ಅನ್ನೇ ಅವಲಂಬಿಸಿದ್ದೇವೆ. ಡಿಜಿಟಲ್ ಪಾವತಿಗಳು ಬಂದ ಮೇಲೆ ಕ್ಯಾಶ್ ಬಳಕೆ ಮಾಡುವುದು ಕಡಿಮೆ ಆಗಿ ಬಿಟ್ಟಿದೆ. ಇದೀಗ ಬೆಂಗಳೂರಿನ ಹೊಟೇಲ್‌ನಲ್ಲಿ ಗ್ರಾಹಕಿಯೊಬ್ಬರಿಗೆ ಕಹಿ ಅನುಭವ ಆಗಿದೆ. ದೋಸೆ ಮತ್ತು ಕಾಫಿ ಸವಿದು ಬಿಲ್ ಪಾವತಿ ಮಾಡಲು ಹೋದ ಮಹಿಳೆ ನಗದು ನೀಡಲು ಮುಂದಾದಾಗ ದರ್ಶಿನಿಯ ಸಿಬ್ಬಂದಿ ಅದನ್ನು ಪಡೆಯಲು ನಿರಾಕರಿಸಿದ್ದಾನೆ. ಚಿಲ್ಲರೆ ಹಣವಿದ್ದರೂ "ಚಿಲ್ಲರೆ ಇಲ್ಲ" ಎಂದು ವಾದಕ್ಕಿಳಿದಿದ್ದಾನೆ. ತಾವು ದಕ್ಷಿಣ ಭಾರತೀಯರಂತೆ ಕಾಣದ ಕಾರಣ ಅಥವಾ ಸಂಭಾಷಣೆಯ ಸಮಯದಲ್ಲಿ ಕನ್ನಡ ಮಾತನಾಡದ ಕಾರಣ ತಮ್ಮೊಂದಿಗೆ ಭಿನ್ನವಾಗಿ ವರ್ತಿಸಲಾಯಿತೇ ಎಂದು ಅವರು ಸೋಷಿಯಲ್ ಮೀಡಿಯಾದಲ್ಲಿ (Viral News) ಪ್ರಶ್ನಿಸಿದ್ದಾರೆ.

ಬೆಂಗಳೂರಿನ ಮಹಿಳೆ ತಾವು ಸೇವಿಸಿದ ದೋಸೆ ಮತ್ತು ಕಾಫಿಗೆ ನಗದು ರೂಪದಲ್ಲಿ ಹಣ ಪಾವತಿಸಲು ಮುಂದಾದಾಗ ಹೊಟೇಲ್‌ನಲ್ಲಿ ಮುಜುಗರದ ಸನ್ನಿವೇಶ ಉಂಟಾಗಿದೆ. ಚಿಲ್ಲರೆ ಹಣ ಲಭ್ಯವಿದ್ದರೂ ನಗದನ್ನು ಸ್ವೀಕರಿಸಲು ನಿರಾಕರಿಸಲಾಗಿದೆ ಎಂದು ಅವರು ಆರೋಪಿಸಿದ್ದಾರೆ. ಈ ಘಟನೆಯು ಭಾಷೆ, ಮತ್ತು ಪಾವತಿ ವಿಧಾನಗಳ ಕುರಿತು ಸೋಷಿಯಲ್ ಮೀಡಿಯಾದಲ್ಲಿ ಚರ್ಚೆಗೆ ಎಡೆ ಮಾಡಿಕೊಟ್ಟಿದೆ.

ಪ್ರಿಯಾ ಸೆಲಡಿನ್ ಎನ್ನುವವರು ಇತ್ತೀಚೆಗೆ ಬೆಂಗಳೂರಿನ ಜನಪ್ರಿಯ ದರ್ಶಿನಿಯೊಂದಕ್ಕೆ ಭೇಟಿ ನೀಡಿದ್ದರು. ತಿಂಡಿ ಮುಗಿಸಿ ಬಿಲ್ ಕೌಂಟರ್ ಹೋದಾಗ ಆ ಸಮಯದಲ್ಲಿ ಅವರ ಬಳಿ ಯುಪಿಐ ಇರಲಿಲ್ಲ. ಹೀಗಾಗಿ ನಗದು ನೀಡಲು ಮುಂದಾಗಿದ್ದಾರೆ. ಆದರೆ ಹೊಟೇಲ್‌ನಲ್ಲಿದ್ದ ಸಿಬ್ಬಂದಿ ಚಿಲ್ಲರೆ ಇಲ್ಲವೆಂದು ಹೇಳಿ ಹಣ ಸ್ವೀಕರಿಸಲು ಹಿಂದೇಟು ಹಾಕಿದ್ದಾರೆ.

ವಾಹನ ಸಂಚರಿಸುತ್ತಿದ್ದಂತೆ ಬಿರುಕು ಬಿಟ್ಟು ರಸ್ತೆಯಿಂದ ಜಿನುಗಿತು ನೀರು!

ಕೌಂಟರ್‌ನಲ್ಲೇ ಚಿಲ್ಲರೆ ಹಣ ರಾಶಿ ಬಿದ್ದಿರುವುದು ಪ್ರಿಯಾ ಕಣ್ಣಿಗೆ ಬಿದ್ದಿದೆ. ಇದನ್ನು ಪ್ರಶ್ನಿಸಿದಾಗ ಸಿಬ್ಬಂದಿ ಇತರ ಗ್ರಾಹಕರಿಗೂ ಬೇಕು ಎಂದು ಉಡಾಫೆಯಾಗಿ ಉತ್ತರಿಸಿದ್ದಾರೆ. ಸಿಬ್ಬಂದಿಯ ಈ ವರ್ತನೆಯಿಂದ ಬೇಸತ್ತ ಮಹಿಳೆ, "ನಾನೇನು ನಿಮ್ಮ ಗ್ರಾಹಕಳಲ್ಲವೇ?" ಎಂದು ನೇರವಾಗಿ ಪ್ರಶ್ನಿಸಿದ್ದಾರೆ. ಅಷ್ಟೇ ಅಲ್ಲದೆ, ತಾನು ನೋಡಲು ದಕ್ಷಿಣ ಭಾರತೀಯಳಂತೆ ಕಾಣದ ಹಾಗೂ ಸ್ಥಳೀಯ ಭಾಷೆಯಲ್ಲಿ ಮಾತನಾಡದ ಕಾರಣಕ್ಕಾಗಿಯೋ ತನ್ನೊಂದಿಗೆ ಹೀಗೆ ವರ್ತಿಸಲಾಯಿತೇ ಎಂದು ಸೋಷಿಯಲ್ ಮೀಡಿಯಾದಲ್ಲಿ ಪ್ರಶ್ನಿಸಿದ್ದಾರೆ.

ಪೋಸ್ಟ್‌ನ ಕೊನೆಯಲ್ಲಿ "ನಾನು ದಕ್ಷಿಣ ಭಾರತೀಯಳೇ ಮತ್ತು ನನಗೆ ಕನ್ನಡವೂ ಚೆನ್ನಾಗಿ ಬರುತ್ತದೆ" ಎಂದು ಸ್ಪಷ್ಟನೆ ನೀಡಿದ್ದಾರೆ. ಈ ಪೋಸ್ಟ್ ವೈರಲ್ ಆಗುತ್ತಿದ್ದಂತೆ ಕೆಲವರು ಮಹಿಳೆಯ ಬಗ್ಗೆ ಸಹಾನುಭೂತಿ ವ್ಯಕ್ತಪಡಿಸಿದರೆ, ಇನ್ನು ಕೆಲವರು ಈ ಘಟನೆಗೂ ಭಾಷೆ ಅಥವಾ ಪ್ರಾದೇಶಿಕ ಗುರುತಿಸುವಿಕೆಗೂ ಯಾವುದೇ ಸಂಬಂಧವಿಲ್ಲದಿರಬಹುದು ಎಂದು ಅಭಿಪ್ರಾಯ ಪಟ್ಟಿದ್ದಾರೆ. ಬಳಕೆದಾರರೊಬ್ಬರು, ʼʼಇದು ನೀವು ಕನ್ನಡ ಮಾತನಾಡದ ಕಾರಣಕ್ಕೆ ಆಗಿದ್ದಲ್ಲ. ಇತ್ತೀಚಿನ ದಿನಗಳಲ್ಲಿ ಬಹುತೇಕ ಅಂಗಡಿ ಮಾಲಕರ ಮನಸ್ಥಿತಿ ಹೀಗೆಯೇ ಇದೆʼʼ ಎಂದು ಬರೆದುಕೊಂಡಿದ್ದಾರೆ.

]]>

ಮೈಸೂರು ದಸರಾ ಎಷ್ಟೊಂದು ಸುಂದರ: ಅರಮನೆಯ ಬೆಳಕಿನಲ್ಲಿ ಅರಳುವ ಕರ್ನಾಟಕದ ಹೆಮ್ಮೆ

Sun, 18 Oct 2026 14:52:38 +0000

ಮೈಸೂರು ಚಾಮುಂಡಿ ಬೆಟ್ಟದಲ್ಲಿ ಚಾಮುಂಡೇಶ್ವರಿ ದೇವಿಯ ಆಶೀರ್ವಾದದಿಂದ ಆರಂಭಗೊಂಡು, ಬನ್ನಿಮಂಟಪದಲ್ಲಿ ಬನ್ನಿ ಮರದ ಪೂಜೆಯೊಂದಿಗೆ ಮುಕ್ತಾಯಗೊಳ್ಳುವ ಮೈಸೂರು ದಸರಾ ನಾಡಹಬ್ಬ ಎಂದೇ ಖ್ಯಾತಿ ಪಡೆದುಕೊಂಡಿದೆ. 11 ದಿನಗಳ ಯಾತ್ರೆಯಲ್ಲಿ ಇಡೀ ಮೈಸೂರೇ ಒಂದು ರಾಜ್ಯದಂತೆ ಮೆರೆಯುತ್ತದೆ. ಈ ಬಾರಿಯ 2026ರ ದಸರಾ ಎಂದಿಗಿಂತ ವಿಶೇಷ. ಅರಮನೆ, ಲಕ್ಷಾಂತರ ದೀಪಗಳು, ಚಿನ್ನದ ಅಂಬಾರಿ ಹೊತ್ತ ಗಜರಾಜ, ಜನಪದದ ನಿನಾದ, ಕಲೆಯ ಕಂಪು, ಬಾಯಲ್ಲಿ ನೀರೂರಿಸುವ ಆಹಾರ, ಕಣ್ಣು ತುಂಬುವ ಹೂವಿನ ಲೋಕ...ವಾಹ್! ಮೈಸೂರು ದಸರಾ ಎಂದರೆ ಕೇವಲ ಹಬ್ಬವಲ್ಲ. ಅದು ಕರ್ನಾಟಕವನ್ನು ಜಗತ್ತಿಗೆ ಪರಿಚಯಿಸುವ ಜೀವಂತ ಸಾಂಸ್ಕೃತಿಕ ವೈಭವ. ಬರದ ಛಾಯೆ ಇದ್ದರೂ ಈ ಬಾರಿಯ ದಸರಾ ಅದ್ದೂರಿತನದಲ್ಲಿ ಹಳೆಯ ದಾಖಲೆಗಳನ್ನು ಮುರಿಯುತ್ತಿದೆ. ದೇಶವಿದೇಶದ ಪ್ರವಾಸಿಗರ ಜತೆಗೆ ಇಡೀ ರಾಜ್ಯವನ್ನು ತನ್ನತ್ತ ಸೆಳೆಯುವಲ್ಲಿ ಈ ಬಾರಿಯ ಮೈಸೂರು ದಸರಾ ಯಶಸ್ವಿಯಾಗಿದೆ.

ಮೈಸೂರು ದಸರಾ-ಕರ್ನಾಟಕದ ಐಡೆಂಟಿಟಿ!

ಭಾರತದಲ್ಲಿ ಹಬ್ಬಗಳಿಗೆ ಕೊರತೆಯಿಲ್ಲ. ಪ್ರತಿ ರಾಜ್ಯಕ್ಕೂ ತನ್ನದೇ ಆದ ಆಚರಣೆ, ಸಂಪ್ರದಾಯ, ನಂಬಿಕೆ ಮತ್ತು ಸಂಭ್ರಮಗಳಿವೆ. ಆದರೆ ಒಂದು ಹಬ್ಬವೇ ಒಂದು ನಗರದ ಗುರುತಾಗಿ, ಒಂದು ರಾಜ್ಯದ ಹೆಮ್ಮೆಯಾಗಿ, ಪ್ರವಾಸಿಗರ ಸಂಭ್ರಮವಾಗಿ ರೂಪುಗೊಳ್ಳುವ ಉದಾಹರಣೆಗಳು ಅಪರೂಪ. ಮೈಸೂರು ದಸರಾ ಅಂಥದ್ದೊಂದು ವಿಶಿಷ್ಟ ಸಾಂಸ್ಕೃತಿಕ ಸಂಭ್ರಮ.

ಮೈಸೂರು ಯಾವತ್ತಿಗೂ ಪ್ರವಾಸಿಗರ ನೆಚ್ಚಿನ ನಗರ. ಸಾಮಾನ್ಯ ದಿನಗಳಲ್ಲಿಯೇ ಲಕ್ಷಾಂತರ ಪ್ರವಾಸಿಗರನ್ನು ಸೆಳೆಯುವ ಮೈಸೂರು, ದಸರಾ ಸಂದರ್ಭದಲ್ಲಿ ಒಂದು ಬೃಹತ್ ಸಾಂಸ್ಕೃತಿಕ ವೇದಿಕೆಯಾಗಿ ಬದಲಾಗುತ್ತದೆ ಇತರ ದಿನಗಳಲ್ಲಿ ಇತಿಹಾಸ, ಅರಮನೆ, ಚಾಮುಂಡಿಬೆಟ್ಟ ಮತ್ತು ಮೃಗಾಲಯಕ್ಕಾಗಿ ಪ್ರವಾಸಿಗರನ್ನು ಆಕರ್ಷಿಸುವ ಮೈಸೂರು, ದಸರಾ ಹೊತ್ತಿನಲ್ಲಿ ರಾಜಕಳೆ ಪಡೆದುಕೊಳ್ಳುತ್ತದೆ.

ಮೈಸೂರು ದಸರಾದ ಮೂಲ 1610ರಲ್ಲಿ ರಾಜ ಒಡೆಯರ್ ಅವರಿಂದ ಆರಂಭವಾಯಿತು ಎನ್ನಲಾಗಿದೆ. ವಿಜಯನಗರ ಸಾಮ್ರಾಜ್ಯದ ಪತನದ ನಂತರ, ಮೈಸೂರು ಒಡೆಯರು ನವರಾತ್ರಿಯನ್ನು ರಾಜ್ಯದ ಅತ್ಯಂತ ಪವಿತ್ರ ಹಬ್ಬವನ್ನಾಗಿ ಆಚರಿಸಲು ಆರಂಭಿಸಿದರು. ದುರ್ಗೆಯು ಮಹಿಷಾಸುರನನ್ನು ಸಂಹರಿಸಿದ ವಿಜಯದ ಸಂಕೇತವಾಗಿ ಚಾಮುಂಡೇಶ್ವರಿಯನ್ನು ಆರಾಧಿಸುವುದು ಇದರ ಮೂಲ ಉದ್ದೇಶ. ಈ ಬಾರಿ ಗವಿಸಿದ್ದೇಶ್ವರ ಸ್ವಾಮೀಜಿ ಅವರು ಉದ್ಘಾಟನೆ ನೆರವೇರಿಸಿದ್ದಾರೆ. ಮೈಸೂರು ದಸರಾ ಅಕ್ಟೋಬರ್ 11ರಂದು ಚಾಮುಂಡಿಬೆಟ್ಟದಲ್ಲಿ ಚಾಮುಂಡೇಶ್ವರಿಗೆ ಪೂಜೆ ಸಲ್ಲಿಸುವ ಮೂಲಕ ಈಗಾಗಲೇ ಆರಂಭವಾಗಿದೆ. ಅಕ್ಟೋಬರ್ 21ರ ವಿಜಯದಶಮಿಯ ಜಂಬೂಸವಾರಿಯೊಂದಿಗೆ ಈ ವರ್ಷದ ಉತ್ಸವ ಸಮಾರೋಪಗೊಳ್ಳಲಿದೆ. 417ನೆಯ ಆವೃತ್ತಿಯ ದಸರಾ ಎನ್ನಲಾಗುತ್ತಿರುವ ಈ ಉತ್ಸವ, ಪರಂಪರೆಯ ಆಚರಣೆಗಳನ್ನು ಸಮಕಾಲೀನ ಸಾಂಸ್ಕೃತಿಕ ಕಾರ್ಯಕ್ರಮಗಳೊಂದಿಗೆ ಬೆಸೆಯುತ್ತಿದೆ.

ಮೈಸೂರು ದಸರಾ ಕೇವಲ ರಾಜಮನೆತನದ ವೈಭವದ ಪ್ರದರ್ಶನವಲ್ಲ. ದುಷ್ಟಶಕ್ತಿಯ ವಿರುದ್ಧ ಶಕ್ತಿಯ ವಿಜಯವನ್ನು ಸಾರುವ ಧಾರ್ಮಿಕ ಸಂಕೇತವೂ ಹೌದು; ಹಲವು ತಲೆಮಾರುಗಳ ಕಲಾ, ಸಂಗೀತ, ನೃತ್ಯ ಮತ್ತು ಜನಪದ ಪರಂಪರೆಯನ್ನು ಮುಂದಿನ ತಲೆಮಾರಿಗೆ ತಲುಪಿಸುವ ವೇದಿಕೆಯೂ ಹೌದು. ಅದಕ್ಕಾಗಿಯೇ ಮೈಸೂರು ದಸರಾವನ್ನು ಕರ್ನಾಟಕದ ನಾಡಹಬ್ಬವೆಂದು ಕರೆಯಲಾಗುತ್ತದೆ.

ರಾಮೋಜಿ ಫಿಲ್ಮ್‌ ಸಿಟಿ; ಸಿನಿಮಾ ನಗರಿಯಲ್ಲಿದೆ ಇಡೀ ಜಗತ್ತು

ಸಾಟಿಯಿಲ್ಲದ ಅಂಬಾರಿಯ ಗಾಂಭೀರ್ಯ!

ದಸರಾ ಎಂದಾಕ್ಷಣ ಮನಸಿನಲ್ಲಿ ಮೂಡುವ ಮೊದಲ ಚಿತ್ರವೇ ಚಿನ್ನದ ಅಂಬಾರಿ. ಸುಂದರವಾಗಿ ಅಲಂಕರಿಸಲ್ಪಟ್ಟ ಗಜರಾಜನ ಬೆನ್ನಿನ ಮೇಲಿನ ಅಂಬಾರಿಯಲ್ಲಿ ವಿರಾಜಮಾನಳಾಗಿರುವ ತಾಯಿ ಚಾಮುಂಡೇಶ್ವರಿ, ಮುಂದೆ ಸಾಗುವ ಕಲಾತಂಡಗಳು, ನಾದಸ್ವರ, ಡೊಳ್ಳು, ವೀರಗಾಸೆಯ ಹೆಜ್ಜೆಗಳು, ಜನಪದ ಕಲಾವಿದರ ಪ್ರದರ್ಶನಗಳು... ಈ ದೃಶ್ಯವನ್ನು ಕಣ್ಣಾರೆ ಕಂಡವರಿಗಷ್ಟೇ ಅದರ ಭವ್ಯತೆಯ ಅನುಭವ ಪೂರ್ಣವಾಗಿ ಅರ್ಥವಾಗುತ್ತದೆ.

ಜಂಬೂಸವಾರಿ ಎಂದರೆ ಆನೆಗಳ ಮೆರವಣಿಗೆಯಷ್ಟೇ ಅಲ್ಲ. ಅದು ಮೈಸೂರು ಸಂಸ್ಥಾನದ ಇತಿಹಾಸ, ಧಾರ್ಮಿಕ ನಂಬಿಕೆ, ಶಿಸ್ತುಬದ್ಧ ಸಿದ್ಧತೆ ಮತ್ತು ಕಲಾತ್ಮಕ ವೈಭವಗಳ ಸಮಾಗಮ. ಮೆರವಣಿಗೆಯ ಪ್ರತಿಯೊಂದು ಭಾಗವೂ ಒಂದು ಕಥೆಯನ್ನು ಹೇಳುತ್ತದೆ. ಒಂದೆಡೆ ರಾಜಪರಂಪರೆಯ ನೆನಪು; ಮತ್ತೊಂದೆಡೆ ಕರ್ನಾಟಕದ ವೈವಿಧ್ಯಮಯ ಜನಪದ ಸಂಸ್ಕೃತಿಯ ಅನಾವರಣ.

ಈ ಬಾರಿಯ ಜಂಬೂಸವಾರಿಯಲ್ಲಿ ಚಿನ್ನದ ಅಂಬಾರಿಯನ್ನು ಹೊರುವ ಹೊಣೆಗಾರಿಕೆ ಹೊತ್ತಿರುವ ಆನೆಯ ಹೆಸರು ’ಪ್ರಶಾಂತ’. ಆನೆಗಳ ತರಬೇತಿ, ಅವುಗಳ ಪಾಲನೆ, ಮಾವುತರು ಮತ್ತು ಕಾವಾಡಿಗರ ಪರಿಶ್ರಮ ಇವೆಲ್ಲವೂ ದಸರಾ ವೈಭವದ ಹಿಂದೆ ಇರುವ ಕಾಣದ ಶ್ರಮವನ್ನು ನೆನಪಿಸುತ್ತವೆ.

ವಿಜಯದಶಮಿ ದಿನದ ಜಂಬೂಸವಾರಿ ಮೈಸೂರು ದಸರಾದ ಪ್ರಮುಖಾಂಶ. 750 ಕೆಜಿ ತೂಕದ ಚಿನ್ನದ ಅಂಬಾರಿಯಲ್ಲಿ ಚಾಮುಂಡೇಶ್ವರಿ ಉತ್ಸವ ಮೂರ್ತಿಯನ್ನು ಹೊತ್ತು, ಪ್ರಶಾಂತ ನೇತೃತ್ವದ ಆನೆಗಳ ಪಡೆ ಸಾಗುವ ದೃಶ್ಯ ಕಣ್ಣಿಗೆ ಹಬ್ಬ. ಅರಮನೆಯಿಂದ ಬನ್ನಿಮಂಟಪದವರೆಗೆ 5 ಕಿಮೀ. ಉದ್ದದ ರಾಜಬೀದಿಯಲ್ಲಿ ಲಕ್ಷಾಂತರ ಜನರು ಕಾಯುತ್ತಾರೆ.

ಹೊಸ ಆಕರ್ಷಣೆಗಳ ಸೇರ್ಪಡೆ

ದಸರಾ ಎಂದರೆ ಜಂಬೂಸವಾರಿ ಮತ್ತು ಅರಮನೆ ದೀಪಾಲಂಕಾರ ಅಷ್ಟೇ ಎಂದು ಭಾವಿಸಿದರೆ ಅದು ತಪ್ಪು. 2026ರ ಉತ್ಸವದ ಅಧಿಕೃತ ಕಾರ್ಯಕ್ರಮಪಟ್ಟಿಯಲ್ಲಿ ನೂರಕ್ಕೂ ಹೆಚ್ಚು ಕಾರ್ಯಕ್ರಮಗಳಿವೆ. ಹದಿನೈದಕ್ಕೂ ಹೆಚ್ಚು ಸ್ಥಳಗಳಿವೆ ಮತ್ತು ವಿಭಿನ್ನ ವಯೋಮಾನದವರನ್ನು ಸೆಳೆಯುವ ಹಲವು ಕಾರ್ಯಕ್ರಮಗಳಿವೆ.

ಆಹಾರ ಮೇಳ

ಮೈಸೂರಿನ ಮಹಾರಾಜ ಕಾಲೇಜು ಮೈದಾನದಲ್ಲಿ ನಡೆಯುತ್ತಿರುವ ಆಹಾರ ಮೇಳವು ದಸರಾ ಪ್ರವಾಸಕ್ಕೆ ರುಚಿಯ ಆಯಾಮವನ್ನು ಸೇರಿಸಿದೆ. ಕರ್ನಾಟಕದ ವಿವಿಧ ಭಾಗಗಳ ಖಾದ್ಯಗಳು, ಪ್ರಾದೇಶಿಕ ಅಡುಗೆಗಳ ವೈವಿಧ್ಯ ಮತ್ತು ಆಹಾರ ಸಂಸ್ಕೃತಿಯನ್ನು ಒಂದೇ ಜಾಗದಲ್ಲಿ ಪರಿಚಯಿಸುವ ಇಂಥ ಮೇಳಗಳು ಆಹಾರ ಪ್ರವಾಸೋದ್ಯಮದಲ್ಲಿ ಮಹತ್ವದ ಪಾತ್ರ ವಹಿಸುತ್ತವೆ. ಅಕ್ಟೋಬರ್ 25ರವರೆಗೆ ಈ ಆಹಾರ ಮೇಳ ನಡೆಯಲಿದೆ.

ಫಲಪುಷ್ಪ ಪ್ರದರ್ಶನ

ಹೂವುಗಳ ವಿನ್ಯಾಸ, ಬಣ್ಣಗಳ ಸಂಯೋಜನೆ, ಸಸ್ಯಗಳ ವೈವಿಧ್ಯ ಮತ್ತು ಸೃಜನಾತ್ಮಕ ಅಲಂಕಾರಗಳು ಕುಟುಂಬ ಸಮೇತ ಭೇಟಿ ನೀಡುವವರಿಗೆ ವಿಶೇಷ ಆಕರ್ಷಣೆ. ಅಕ್ಟೋಬರ್ 21ರವರೆಗೆ ಕುಪ್ಪಣ್ಣ ಪಾರ್ಕ್‌ನಲ್ಲಿ ನಡೆಯುವ ಫಲಪುಷ್ಪ ಪ್ರದರ್ಶನಕ್ಕೆ ಈ ಬಾರಿ “ಪ್ರಜಾಪ್ರಭುತ್ವದ ಹಬ್ಬ” ಎಂಬ ಲೇಪನ ನೀಡಲಾಗಿದೆ.

ಕಲೆ ಮತ್ತು ರಂಗಭೂಮಿ

ನಾಟಕ, ಸಂಗೀತ, ನೃತ್ಯ, ಕವಿಗೋಷ್ಠಿ, ಜನಪದ ಪ್ರದರ್ಶನಗಳು ಹಾಗೂ ಲಲಿತಕಲೆಗಳ ಚಟುವಟಿಕೆಗಳು ದಸರಾದ ಸಾಂಸ್ಕೃತಿಕ ಮುಖ ಎನ್ನಬಹುದು. ರಂಗಾಯಣದ ನವರಾತ್ರಿ ರಂಗೋತ್ಸವವೂ ಇದರಲ್ಲಿ ಸೇರಿರುವ ಕಾರ್ಯಕ್ರಮಗಳಲ್ಲಿ ಒಂದಾಗಿದೆ.

ಹೊಟೇಲ್ ಮತ್ತು ರೆಸಾರ್ಟ್‌ಗಳಿಗೆ ಡಿಮ್ಯಾಂಡ್

ದಸರಾ ಪ್ರಯುಕ್ತ ಹೊಟೇಲ್‌ಗಳಲ್ಲಿ ಜನಸಂದಣಿ ಹೆಚ್ಚಾಗಿದ್ದು, ಎಲ್ಲೆಡೆ ಬುಕಿಂಗ್ ಬೆಲೆ ಗಗನಕ್ಕೇರಿದೆ. ಪ್ರವಾಸಿ ವಾಹನಗಳು, ಆಟೋರಿಕ್ಷಾಗಳು, ಟ್ಯಾಕ್ಸಿಗಳು, ಸ್ಥಳೀಯ ಮಾರ್ಗದರ್ಶಕರು, ಹೂವಿನ ವ್ಯಾಪಾರಿಗಳು, ಕರಕುಶಲ ವಸ್ತುಗಳ ಮಾರಾಟಗಾರರು ಮತ್ತು ತಾತ್ಕಾಲಿಕ ಮಳಿಗೆಗಳನ್ನು ನಡೆಸುವವರು ಬೆಲೆ ಏರಿಸುವುದರ ಮೂಲಕ ಪ್ರವಾಸಿಗರಿಗೆ ಬಿಸಿ ನೀಡಿದ್ದಾರೆ. ಸುತ್ತಮುತ್ತಲಿನ ರೆಸಾರ್ಟ್‌ಗಳಲ್ಲಿ ರೂಮುಗಳು ಇಲ್ಲದಂತಾಗಿವೆ.

ಪ್ರವಾಸಿಗರಿಗಾಗಿ ವೆಬ್‌ಸೈಟ್

ಈ ಬಾರಿ ದಸರಾವನ್ನು ಕಣ್ತುಂಬಿಕೊಳ್ಳಲು ಯೋಜಿಸುತ್ತಿರುವವರು ಕಾರ್ಯಕ್ರಮಗಳ ದಿನಾಂಕ ಮತ್ತು ಸ್ಥಳಗಳನ್ನು ಮುಂಚಿತವಾಗಿ ಪರಿಶೀಲಿಸುವುದು ಉತ್ತಮ. ಮುಖ್ಯವಾಗಿ ಜಂಬೂಸವಾರಿ ಅಕ್ಟೋಬರ್ 21ರಂದು ನಡೆಯಲಿದೆ. ಅರಮನೆಯ ದೀಪಾಲಂಕಾರ, ಫಲಪುಷ್ಪ ಪ್ರದರ್ಶನ, ಆಹಾರ ಮೇಳ ಮತ್ತು ಇತರ ಕಾರ್ಯಕ್ರಮಗಳ ವೇಳಾಪಟ್ಟಿಯನ್ನು ಅಧಿಕೃತ ದಸರಾ ವೆಬ್‌ಸೈಟ್‌ನಲ್ಲಿ ಪರಿಶೀಲಿಸಬಹುದು. ಮೈಸೂರು ದಸರಾ ಸಮಿತಿಯ ಅಧಿಕೃತ ಜಾಲತಾಣ: mysoredasara.gov.in.

ಕರಾವಳಿಯ ಕಂಬಳ ಮೈಸೂರಿನಲ್ಲಿ!

ಈ ಬಾರಿಯ ದಸರಾ ಕಾರ್ಯಕ್ರಮಗಳಲ್ಲಿ ವಿಶೇಷವಾಗಿ ಗಮನ ಸೆಳೆಯುತ್ತಿರುವುದು ಕರಾವಳಿ ಕರ್ನಾಟಕದ ಜನಪ್ರಿಯ ಕ್ರೀಡೆಯಾದ ಕಂಬಳ. ಕರಾವಳಿಯ ಮಣ್ಣಿನೊಂದಿಗೆ ಬೆಸೆದುಕೊಂಡಿರುವ ಈ ಸಂಪ್ರದಾಯವನ್ನು ಮೈಸೂರಿನ ದಸರಾ ಉತ್ಸವದ ಭಾಗವಾಗಿಸುವ ಪ್ರಯತ್ನವು ರಾಜ್ಯದ ಪ್ರಾದೇಶಿಕ ಸಂಸ್ಕೃತಿಗಳನ್ನು ಒಂದೇ ವೇದಿಕೆಯಲ್ಲಿ ಪರಿಚಯಿಸುವ ದೃಷ್ಟಿಯಿಂದ ಮಹತ್ವದ್ದಾಗಿದೆ.

ಅಕ್ಟೋಬರ್ 18 ಮತ್ತು 19ರಂದು ಮೈಸೂರಿನ ವಿಟಿಯು ಕಾಲೇಜಿನ ಸಮೀಪ ಕಂಬಳ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ. ದಸರಾ ಸಂಭ್ರಮಕ್ಕೆ ಕರಾವಳಿಯ ಸಾಂಪ್ರದಾಯಿಕ ಕ್ರೀಡೆಯನ್ನು ಜೋಡಿಸಿರುವುದು ಈ ಬಾರಿಯ ಉತ್ಸವದ ಗಮನಾರ್ಹ ಹೊಸತನವಾಗಿದೆ.

ಮೈಸೂರ ಆಗಸದಲ್ಲಿ ಸಾಹಸದ ಚಿತ್ತಾರ!

ಈ ಬಾರಿಯ ದಸರಾ ಕಾರ್ಯಕ್ರಮಗಳು ಭೂಮಿಯ ಮೇಲಿನ ಸಾಂಸ್ಕೃತಿಕ ವೈಭವಕ್ಕೆ ಮಾತ್ರ ಸೀಮಿತವಾಗಿಲ್ಲ. ಭಾರತೀಯ ವಾಯುಪಡೆಯ ಸೂರ್ಯಕಿರಣ್ ಏರೋಬ್ಯಾಟಿಕ್ ತಂಡವು ಅಕ್ಟೋಬರ್ 18 ಮತ್ತು 19ರಂದು ಮೈಸೂರಿನ ಬನ್ನಿಮಂಟಪ ಮೈದಾನದಲ್ಲಿ ವೈಮಾನಿಕ ಪ್ರದರ್ಶನ ನೀಡುತ್ತಿದೆ. ಆಕಾಶದಲ್ಲಿ ವಿಮಾನಗಳ ಸಾಹಸಮಯ ಚಲನೆಗಳು ಪ್ರವಾಸಿಗರಿಗೆ ಮತ್ತೊಂದು ವಿಭಿನ್ನ ಅನುಭವವನ್ನು ನೀಡಲಿವೆ.

ನಗರದ ಆಚೆಗೂ ಸಂಭ್ರಮ

ದಸರಾಗೆ ಮೈಸೂರಿಗೆ ಬಂದವರು ಅರಮನೆ, ಚಾಮುಂಡಿಬೆಟ್ಟ, ಮೃಗಾಲಯ ಮತ್ತು ಜಂಬೂಸವಾರಿಯನ್ನು ನೋಡಿ ಹಿಂದಿರುಗಿದರೆ ಪ್ರವಾಸ ಅಪೂರ್ಣ. ಶ್ರೀರಂಗಪಟ್ಟಣ, ಕೃಷ್ಣರಾಜಸಾಗರ ಮತ್ತು ಬೃಂದಾವನ ಗಾರ್ಡನ್, ನಂಜನಗೂಡಿನ ಶ್ರೀಕಂಠೇಶ್ವರ ದೇವಸ್ಥಾನ ಹಾಗೂ ಸೋಮನಾಥಪುರವನ್ನು ಪ್ರವಾಸದ ಯೋಜನೆಯಲ್ಲಿ ಸೇರಿಸಬಹುದು.

ಈ ಬಾರಿಯ ಆಕರ್ಷಣೆ

ಜಂಬೂಸವಾರಿ: ಅಕ್ಟೋಬರ್ 21 ಸಂಜೆ 4:35ಕ್ಕೆ
ಡ್ರೋನ್ ಶೋ: ಅಕ್ಟೋಬರ್ 17,18,20,21
ಮೊದಲ ಬಾರಿಗೆ ಕಂಬಳ: ಸತಗಲ್ಲಿಯಲ್ಲಿ
ಅರಮನೆ ದೀಪಾಲಂಕಾರ: ಪ್ರತಿದಿನ ಸಂಜೆ 7-10 ಗಂಟೆ, ಕೊನೆಯ ದಿನ ಮಧ್ಯರಾತ್ರಿವರೆಗೆ
ಯುವ ದಸರಾ: ಅಕ್ಟೋಬರ್ 13-17
ಏರ್ ಶೋ: ಕಾವೇರಿ ಆರತಿ- ಕೆಆರ್‌ಎಸ್‌ನಲ್ಲಿ ಅಕ್ಟೋಬರ್ 16-21 ಪ್ರತಿದಿನ ಸಂಜೆ 6ಕ್ಕೆ
ಫಲಪುಷ್ಪ ಪ್ರದರ್ಶನ: ಕುಪ್ಪಣ್ಣ ಪಾರ್ಕ್
ಆಹಾರ ಮೇಳ: ಮಹಾರಾಜ ಕಾಲೇಜು ಮೈದಾನ
ಕುಸ್ತಿ ಪಂದ್ಯಾವಳಿ

ಆಲೂರಿನಲ್ಲೊಂದು ಆರೋಗ್ಯ ಜಗತ್ತು: ಚಿತ್ರಕೂಟ ಆಯುರ್ವೇದ

ದಯವಿಟ್ಟು ಗಮನಿಸಿ

ಜನಸಂದಣಿಯನ್ನು ತಪ್ಪಿಸಲು ಸಾಧ್ಯವಾದಷ್ಟು ಮುಂಚಿತವಾಗಿ ಕಾರ್ಯಕ್ರಮದ ಸ್ಥಳ ತಲುಪುವುದು ಸೂಕ್ತ.
ಜಂಬೂಸವಾರಿ ವೀಕ್ಷಣೆಗೆ ತೆರಳುವವರು ಸಂಚಾರ ನಿರ್ಬಂಧ ಮತ್ತು ವಾಹನ ನಿಲುಗಡೆ ವ್ಯವಸ್ಥೆಯ ಬಗ್ಗೆ ಮಾಹಿತಿ ಪಡೆಯಬೇಕು.
ವಿಶೇಷ ಪ್ರವೇಶ ಅಥವಾ ಮೀಸಲು ಆಸನಗಳ ಅಗತ್ಯವಿದ್ದರೆ ಅಧಿಕೃತ ಟಿಕೆಟ್ ವ್ಯವಸ್ಥೆಯನ್ನೇ ಬಳಸಬೇಕು.
ಮಕ್ಕಳೊಂದಿಗೆ ಮತ್ತು ಹಿರಿಯರೊಂದಿಗೆ ಪ್ರಯಾಣಿಸುವವರು ಕುಡಿಯುವ ನೀರು, ಅಗತ್ಯ ಔಷಧಗಳು ಹಾಗೂ ವಾಪಸಾಗುವ ಸಾರಿಗೆ ವ್ಯವಸ್ಥೆಯನ್ನು ಮುಂಚಿತವಾಗಿ ಯೋಜಿಸಬೇಕು.
ಅರಮನೆ ಮತ್ತು ಐತಿಹಾಸಿಕ ಸ್ಥಳಗಳ ಆವರಣದಲ್ಲಿ ಸ್ವಚ್ಛತೆ ಕಾಪಾಡುವುದು, ಕಲಾವಿದರಿಗೆ ಗೌರವ ನೀಡುವುದು ಮತ್ತು ಸ್ಥಳೀಯ ನಿಯಮಗಳನ್ನು ಪಾಲಿಸುವುದು ಪ್ರತಿಯೊಬ್ಬ ಪ್ರವಾಸಿಗನ ಜವಾಬ್ದಾರಿ.

]]>

Arkeshwara Temple: ಕೆ.ಆರ್.ನಗರದ ಪುರಾತನ ಹಿಂದೂ ದೇಗುಲದ ಮೇಲೆ ಶಿಲುಬೆ, ಮಸೀದಿ ಚಿತ್ರ; ಇಬ್ಬರ ವಿರುದ್ಧ ಎಫ್‌ಐಆರ್‌

Sun, 18 Oct 2026 14:22:39 +0000

ಮೈಸೂರು: ಜಿಲ್ಲೆಯ ಕೆ.ಆರ್.ನಗರ (KR Nagar) ತಾಲೂಕಿನ ಪ್ರಸಿದ್ಧ, ಪುರಾತನ ಧಾರ್ಮಿಕ ಕ್ಷೇತ್ರವಾದ ಅರ್ಕೇಶ್ವರ ಸ್ವಾಮಿ ದೇವಸ್ಥಾನದ (Arkeshwara Temple) ಆವರಣದ ಗೋಡೆಯ ಮೇಲೆ ಅನ್ಯ ಧರ್ಮಗಳ ಚಿಹ್ನೆಗಳನ್ನು ಬಿಡಿಸಿರುವುದು ಕಂಡುಬಂದಿದ್ದು, ಇದು ಸಾರ್ವಜನಿಕರ ಆಕ್ರೋಶಕ್ಕೆ ಕಾರಣವಾಗಿದೆ. ಇದರ ಬೆನ್ನಲ್ಲೇ ತಾಲೂಕು ಆಡಳಿತ ಎಚ್ಚೆತ್ತುಕೊಂಡಿದ್ದು, ಇಬ್ಬರ ವಿರುದ್ಧ ಎಫ್‌ಐಆರ್ ದಾಖಲಿಸಿದೆ.

ಕೆ.ಆರ್.ನಗರ ತಾಲೂಕಿನ ಎಡತೊರೆ ಗ್ರಾಮದಲ್ಲಿರುವ ಐತಿಹಾಸಿಕ ಅರ್ಕೇಶ್ವರ ಸ್ವಾಮಿ ದೇವಾಲಯದ ಆವರಣದ ಗೋಡೆಗಳ ಮೇಲೆ ಕೆಂಪು ಬಣ್ಣದಲ್ಲಿ ಶಿಲುಬೆ ಹಾಗೂ ಹಸಿರು ಬಣ್ಣದಲ್ಲಿ ಮಸೀದಿಯ ಚಿತ್ರಗಳನ್ನು ಬಿಡಿಸಲಾಗಿತ್ತು. ದೇವಾಲಯಕ್ಕೆ ಆಗಮಿಸಿದ ಸ್ಥಳೀಯ ಹಿಂದೂ ಸಂಘಟನೆಗಳ ಕಾರ್ಯಕರ್ತರು ಹಾಗೂ ಯುವಕರು ಇದನ್ನು ಗಮನಿಸಿ ತೀವ್ರ ಆಕ್ಷೇಪ ವ್ಯಕ್ತಪಡಿಸಿದರು. ಸನಾತನ ಧರ್ಮದ ಶ್ರದ್ಧಾಕೇಂದ್ರದ ಪಾವಿತ್ರ್ಯತೆಗೆ ಧಕ್ಕೆ ತರುವ ದುರುದ್ದೇಶದಿಂದ ಈ ಕೃತ್ಯ ಎಸಗಲಾಗಿದೆ ಎಂದು ಆರೋಪಿಸಿದ ಸ್ಥಳೀಯರು, ಇದಕ್ಕೆ ಕಾರಣರಾದವರ ವಿರುದ್ಧ ತಕ್ಷಣ ಕ್ರಮ ಕೈಗೊಳ್ಳಬೇಕೆಂದು ಪಟ್ಟು ಹಿಡಿದಿದ್ದಾರೆ.

ಸ್ಥಳದಲ್ಲಿ ಬಿಗುವಿನ ವಾತಾವರಣ ನಿರ್ಮಾಣವಾಗುತ್ತಿದ್ದಂತೆ ಎಚ್ಚೆತ್ತ ಕೆ.ಆರ್.ನಗರ ತಹಸೀಲ್ದಾರ್ ಸುರೇಂದ್ರ ಮೂರ್ತಿ ಅವರು ಸ್ಥಳಕ್ಕೆ ದೌಡಾಯಿಸಿ ಪರಿಶೀಲನೆ ನಡೆಸಿದರು. ತಕ್ಷಣವೇ ಗೋಡೆಯ ಮೇಲಿದ್ದ ಚಿತ್ರಗಳನ್ನು ಅಳಿಸಿಹಾಕಲು ಕ್ರಮ ಕೈಗೊಂಡರು. ಅಲ್ಲದೆ, ದೇವಾಲಯದ ಪಾರುಪತ್ತೇದಾರ್ ಆರತಿ ಹಾಗೂ ಚಿತ್ರ ಬಿಡಿಸಿದ ಕಲಾವಿದ ವಿನಯ್ ಎಂಬುವವರ ವಿರುದ್ಧ ಕೆ.ಆರ್.ನಗರ ಪೊಲೀಸ್ ಠಾಣೆಯಲ್ಲಿ ಅಧಿಕೃತವಾಗಿ ಪ್ರಕರಣ ದಾಖಲಿಸಿದ್ದಾರೆ.

ಪ್ರಚೋದನಾಕಾರಿ ಕೆಲಸ ಮಾಡಿದವರನ್ನು ಬಂಧಿಸಬೇಕು: ವಿಜಯೇಂದ್ರ ಆಗ್ರಹ

ಕೆ.ಆರ್.ನಗರ ಘಟನೆ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ರಾಜ್ಯ ಬಿಜೆಪಿ ಅಧ್ಯಕ್ಷ ಬಿ.ವೈ.ವಿಜಯೇಂದ್ರ ಅವರು, ಪ್ರಚೋದನಾಕಾರಿ ಕೆಲಸ ಮಾಡಿದವರನ್ನು ಬಂಧಿಸಬೇಕು ಎಂದು ಆಗ್ರಹಿಸಿದ್ದಾರೆ. ಕೆ.ಆರ್.ನಗರದ ಪ್ರಸಿದ್ಧ ಅರ್ಕೇಶ್ವರ ಸ್ವಾಮಿ ದೇವಸ್ಥಾನದ ಆವರಣದಲ್ಲಿ ಹಿಂದೂ ಸಂಪ್ರದಾಯಗಳಿಗೆ ವಿರುದ್ಧವಾಗಿ ಇತರ ಧಾರ್ಮಿಕ ಚಿಹ್ನೆಗಳನ್ನು ರಚಿಸಿ, ಸನಾತನ ಧರ್ಮದ ಶ್ರದ್ಧಾಕೇಂದ್ರದ ಪವಿತ್ರತೆಗೆ ಧಕ್ಕೆ ತರಲು ಯತ್ನಿಸಿರುವುದು ಅತ್ಯಂತ ಖಂಡನೀಯ. ಇದು ಸೂಕ್ಷ್ಮತೆಯ ಅರಿವಿಲ್ಲದ, ಸಂವೇದನಾರಹಿತ ಉದ್ಧಟತನ ಎಂದು ಕಿಡಿಕಾರಿದ್ದಾರೆ.

ಧಾರ್ಮಿಕ ಸಾಮರಸ್ಯದ ಹೆಸರಿನಲ್ಲಿ ಹಿಂದೂ ದೇವಸ್ಥಾನಗಳ ಆಚಾರ-ವಿಚಾರಗಳು ಹಾಗೂ ಪದ್ಧತಿಗಳ ಮೇಲೆ ಸವಾರಿ ಮಾಡಲು ಹೊರಟಿರುವ ಅಧಿಕಾರಿಗಳ ನಡೆ ಮತ್ತು ಈ ಕುರಿತಂತೆ ಈ ತುಘಲಕ್ ಸರ್ಕಾರದ ಮೌನ ಭಕ್ತಾದಿಗಳ ಭಾವನೆಗಳಿಗೆ ಎಸಗಿದ ದ್ರೋಹವಾಗಿದೆ. ಇವರ ಢೋಂಗಿ ಮುಖವಾಡವನ್ನು ಕಳಚಿ ಅಸಲೀ ಮುಖವನ್ನು ಬಯಲು ಮಾಡಿದೆ.

ಇತರ ಪ್ರಾರ್ಥನಾ ಮಂದಿರಗಳಲ್ಲಿ ಕಾಣಿಸದ ಇಂತಹ ಕುಚೋದ್ಯಗಳು ಕೇವಲ ಹಿಂದೂ ನಂಬಿಕೆಗಳ ಮೇಲೆಯೇ ಹೇರುವುದು ಯಾಕೆ? ಮಾನ್ಯ ಮುಖ್ಯಮಂತ್ರಿಗಳೇ, ಹಿಂದೂಗಳ ಶಾಂತಿ ಪ್ರಿಯತೆಯನ್ನು ದೌರ್ಬಲ್ಯ ಎಂದುಕೊಂಡ ವಿಕೃತ ಮನಸ್ಸಿನ ಕುಚೋದ್ಯಗಳಿಗೆ, ಪ್ರಚೋದನೆಗಳಿಗೆ ನಿಮ್ಮ ಸರ್ಕಾರ ತಕ್ಕ ಶಾಸ್ತಿ ಮಾಡದೆ ಹೋದರೆ ಜನರೇ ಆ ಕೆಲಸ ಮಾಡಬೇಕಾದೀತು. ಸಾಮರಸ್ಯ ಎಂಬುದು ಎಲ್ಲಾ ಧರ್ಮಗಳಿಗೂ ಸಮಾನವಾಗಿ ಅನ್ವಯವಾಗಬೇಕಾದ ತತ್ವ. ರಾಜ್ಯದಲ್ಲಿ ಈ ಕಾಂಗ್ರೆಸ್‌ ಸರ್ಕಾರ ಅಧಿಕಾರಕ್ಕೆ ಬಂದಾಗಿನಿಂದಲೂ ಸನಾತನ ಪರಂಪರೆ ಹಾಗೂ ಭಕ್ತರ ಧಾರ್ಮಿಕ ಹಕ್ಕುಗಳನ್ನು ಕಡೆಗಣಿಸುವ ಕೆಲಸ ನಿರಂತರವಾಗಿ ನಡೆಯುತ್ತಿದೆ. ಪ್ರಸ್ತುತ ಪ್ರಕರಣದಲ್ಲಿ ತಹಸೀಲ್ದಾರ್ ಅವರು ನಂತರ ಆ ಚಿಹ್ನೆಗಳನ್ನು ತೆರವುಗೊಳಿಸುವುದಷ್ಟೇ ಸಾಲದು, ಇಂತಹ ಪ್ರಚೋದನಾಕಾರಿ ಕೆಲಸ ಮಾಡಿರುವವರ ವಿರುದ್ಧ ತಕ್ಷಣವೇ ತನಿಖೆ ನಡೆಸಿ ಬಂಧಿಸಬೇಕು, ಕಾನೂನು ರೀತ್ಯಾ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸುತ್ತೇನೆ. ಜನರ ಧಾರ್ಮಿಕ ನಂಬಿಕೆಗಳೊಂದಿಗೆ ಆಟವಾಡುತ್ತಿರುವ ಇಂತಹ ಉದ್ಧಟತನ ಅಕ್ಷಮ್ಯ ಎಂದು ಆಕ್ರೋಶ ಹೊರಹಾಕಿದ್ದಾರೆ.

]]>

ಅಮೆರಿಕ, ಜರ್ಮನಿಯತ್ತ ಜಿಯೋ ಚಿತ್ತ; 1.5 ಶತಕೋಟಿ ಗ್ರಾಹಕರನ್ನು ಹೊಂದುವ ಗುರಿ

Sun, 18 Oct 2026 14:21:23 +0000

ಮುಂಬೈ, ಅ. 18: ಜಿಯೋ (Jio) ಪ್ಲಾಟ್‌ಫಾರ್ಮ್ಸ್‌ ಮುಂಬರುವ ದಿನಗಳಲ್ಲಿ ತನ್ನ ವಹಿವಾಟನ್ನು ಜಾಗತಿಕ ಮಟ್ಟದಲ್ಲಿ ವಿಸ್ತರಿಸಲು ಉದ್ದೇಶಿಸಿದೆ. ಮುಖ್ಯವಾಗಿ ಅಮೆರಿಕ, ಜರ್ಮನಿ, ಪೂರ್ವ ಏಷ್ಯಾ, ದಕ್ಷಿಣ ಅಮೆರಿಕ ಮತ್ತು ಆಫ್ರಿಕಾದ ಮಾರುಕಟ್ಟೆಗೆ ಪ್ರವೇಶಿಸಲಿದೆ. ಜಿಯೋ ಐಪಿಒಗೂ (IPO) ಮುನ್ನ ಭಾರತದ ನಾನಾ ಕಡೆಗಳಿಂದ ಬಂದು ಮುಂಬೈಯಲ್ಲಿ ನೆರೆದಿದ್ದ ಬ್ರೋಕರ್‌ಗಳನ್ನು ಉದ್ದೇಶಿಸಿ ಮಾತನಾಡಿದ ಜಿಯೋ ಪ್ಲಾಟ್‌ಫಾರ್ಮ್ಸ್ ವ್ಯವಸ್ಥಾಪಕ ನಿರ್ದೇಶಕ ಆಕಾಶ್ ಅಂಬಾನಿ (Akash Ambani), ಕಂಪನಿಯ ಜಾಗತಿಕ ಯೋಜನೆಗಳ ಕುರಿತು ಅತ್ಯಂತ ಸ್ಪಷ್ಟವಾದ ಮುನ್ನೋಟವನ್ನು ನೀಡಿದರು.

ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಅಂಬಾನಿ, ಜಿಯೋ ಅಂತಿಮವಾಗಿ ಸುಮಾರು 12 ವ್ಯೂಹಾತ್ಮಕ ಪಾಲುದಾರಿಕೆಗಳನ್ನು ನಿರ್ಮಿಸಬಹುದು. ಇದು ತನ್ನ ತಂತ್ರಜ್ಞಾನವನ್ನು 1.5 ಶತಕೋಟಿಗೂ ಅಧಿಕ ಬಳಕೆದಾರರಿಗೆ ತಲುಪಿಸುವ ಸಾಮರ್ಥ್ಯವನ್ನು ಹೊಂದಿದೆ ಎಂದು ಹೇಳಿದರು. ಕಂಪನಿಯು ಅಮೆರಿಕ ಮತ್ತು ಜರ್ಮನಿಯಿಂದ ಹಿಡಿದು ಪೂರ್ವ ಏಷ್ಯಾ, ದಕ್ಷಿಣ ಅಮೆರಿಕ ಮತ್ತು ಆಫ್ರಿಕಾದವರೆಗೆ ವಿವಿಧ ಮಾರುಕಟ್ಟೆಗಳಲ್ಲಿ ಅವಕಾಶಗಳನ್ನು ಕಾಣುತ್ತಿದೆ ಎಂದು ತಿಳಿಸಿದರು.

ತನ್ನ ಸ್ವದೇಶಿ ತಂತ್ರಜ್ಞಾನವನ್ನು ವಿದೇಶಿ ಮಾರುಕಟ್ಟೆಗಳಿಗೆ ಕೊಂಡೊಯ್ಯುವ ಬಗ್ಗೆ ಜಿಯೋ ಹಿಂದೆಯೂ ಪ್ರಸ್ತಾಪಿಸಿತ್ತು. ಆದರೆ ಈಗ ಹೊಸ ವಿಷಯವೇನೆಂದರೆ, ಆ ಮಹತ್ವಾಕಾಂಕ್ಷೆಯ ವ್ಯಾಪ್ತಿ ಮತ್ತು ಅಗಾಧವಾದ ಪ್ರಮಾಣ. ಕಂಪನಿಯು ಇನ್ನು ಮುಂದೆ ಅಂತಾರಾಷ್ಟ್ರೀಯ ವಿಸ್ತರಣೆಯ ಬಗ್ಗೆ ಕೇವಲ ಸಾಮಾನ್ಯ ಅರ್ಥದಲ್ಲಿ ಮಾತನಾಡುತ್ತಿಲ್ಲ; ಬದಲಿಗೆ ಅದು ಪಾಲುದಾರಿಕೆಗಳ ಸಂಖ್ಯೆ ಮತ್ತು ಆ ಪಾಲುದಾರಿಕೆಗಳು ತಲುಪಬಹುದಾದ ಬಳಕೆದಾರರ ಸಂಖ್ಯೆಯ ಮೂಲಕ ಈ ಅವಕಾಶವನ್ನು ಕಂಡುಕೊಳ್ಳಲಿದೆ ಎಂದು ವಿವರಿಸಿದರು.

ಜಿಯೋ ಐಪಿಒಗೆ ಆರಂಭದಲ್ಲೇ 2.5 ಲಕ್ಷ ಕೋಟಿ ರೂ.ಗಳ ಭಾರಿ ಬೇಡಿಕೆ, ಐಪಿಒ ಗಾತ್ರಕ್ಕಿಂತ 8 ಪಟ್ಟು ಹೆಚ್ಚಿನ ಬೇಡಿಕೆ ಸೃಷ್ಟಿ!

ಜಿಯೋದ ಅವಕಾಶಗಳು ಕೇವಲ ಅಭಿವೃದ್ಧಿಶೀಲ ಅರ್ಥವ್ಯವಸ್ಥೆಗಳಿಗೆ ಸೀಮಿತವಾಗಿಲ್ಲ ಎಂದು ಅಂಬಾನಿ ಹೇಳಿದರು. ಅಮೆರಿಕ ಮತ್ತು ಜರ್ಮನಿಯಂತಹ ಅಭಿವೃದ್ಧಿ ಹೊಂದಿದ ಮಾರುಕಟ್ಟೆಗಳಲ್ಲೂ ಸಹ, ಕೆಲವು ಭಾಗಗಳಲ್ಲಿ ಫೈಬರ್ ಸಂಪರ್ಕವು ಹಿಂದುಳಿದಿದ್ದು, ಜಿಯೋದ ಬ್ರಾಂಡ್‌ಬ್ಯಾಂಡ್ ತಂತ್ರಜ್ಞಾನಕ್ಕೆ ಬಿಸಿನೆಸ್ ಅವಕಾಶಗಳನ್ನು ನೀಡಬಹುದು. ಪೂರ್ವ ಏಷ್ಯಾ, ದಕ್ಷಿಣ ಅಮೆರಿಕದ ದೊಡ್ಡ ಭಾಗಗಳು ಮತ್ತು ಆಫ್ರಿಕಾ ಕೂಡ ಪರಿಶೀಲನೆಯಲ್ಲಿರುವ ಮಾರುಕಟ್ಟೆಗಳಲ್ಲಿ ಸೇರಿವೆ ಎಂದರು.

ಜಿಯೋ ಪ್ರತಿಯೊಂದು ಮಾರುಕಟ್ಟೆಯಲ್ಲೂ ಟೆಲಿಕಾಂ ಆಪರೇಟರ್ ಆಗಿ ಪ್ರವೇಶಿಸುವುದು ಈ ಯೋಜನೆಯ ಉದ್ದೇಶವಲ್ಲ. ಬದಲಿಗೆ, ಕಂಪನಿಯು ಸ್ಥಳೀಯ ಆಪರೇಟರ್‌ಗಳೊಂದಿಗೆ ಕೆಲಸ ಮಾಡಲು ಮತ್ತು ವ್ಯೂಹಾತ್ಮಕ ಪಾಲುದಾರಿಕೆಗಳ ಮೂಲಕ ತನ್ನ ತಂತ್ರಜ್ಞಾನವನ್ನು ಒದಗಿಸಲು ಬಯಸುತ್ತದೆ. ಜಿಯೋ ತನ್ನ ಸಂಯೋಜಿತ ಹೋಮ್ ಬ್ರಾಂಡ್‌ಬ್ಯಾಂಡ್ ಅನ್ನು ಪ್ರಮುಖ ಜಾಗತಿಕ ಮಾರುಕಟ್ಟೆಯ ಅವಕಾಶಗಳಲ್ಲಿ ಒಂದಾಗಿ ನೋಡುತ್ತದೆ. ತಂತ್ರಜ್ಞಾನವನ್ನು ರೂಪಿಸುವುದು ಮತ್ತು ಅದನ್ನು ಯಶಸ್ವಿಯಾಗಿ ಬೃಹತ್ ಪ್ರಮಾಣದಲ್ಲಿ ಬೆಳೆಸುವುದು ಎರಡು ವಿಭಿನ್ನ ಸಾಮರ್ಥ್ಯಗಳಾಗಿವೆ ಮತ್ತು ಭಾರತದಲ್ಲಿ ಇವೆರಡನ್ನೂ ಜಿಯೋ ಸಾಬೀತುಪಡಿಸಿದೆ ಎಂದು ಅಂಬಾನಿ ಹೇಳಿದರು.

ಹಲವು ವರ್ಷಗಳಿಂದ, ಭಾರತವು ಜಾಗತಿಕ ತಂತ್ರಜ್ಞಾನಕ್ಕೆ ಪ್ರಪಂಚದ ಅತಿದೊಡ್ಡ ಮಾರುಕಟ್ಟೆಗಳಲ್ಲಿ ಒಂದಾಗಿದೆ. ಭಾರತದಲ್ಲಿ ಅಭಿವೃದ್ಧಿಪಡಿಸಿದ ಮತ್ತು ಬೆಳೆಸಿದ ತಂತ್ರಜ್ಞಾನವು ಈಗ ವಿರುದ್ಧ ದಿಕ್ಕಿನಲ್ಲಿ ಅಂದರೆ ಜಾಗತಿಕ ಮಾರುಕಟ್ಟೆಗಳಿಗೆ ಪ್ರಯಾಣಿಸಬೇಕೆಂದು ಜಿಯೋ ಬಯಸುತ್ತದೆ. ಜಿಯೋದ ಸ್ವಂತ ಒಡೆತನದ ಎಂಡ್-ಟು-ಎಂಡ್ ತಂತ್ರಜ್ಞಾನವು ಭಾರತಕ್ಕೆ ತಂತ್ರಜ್ಞಾನದ ಆಮದುದಾರನಿಂದ ತಂತ್ರಜ್ಞಾನದ ರಫ್ತುದಾರನಾಗಿ ಹೊರಹೊಮ್ಮುವ ಸಾಮರ್ಥ್ಯವನ್ನು ನೀಡುತ್ತದೆ ಎಂದು ಅಂಬಾನಿ ಈ ಹಿಂದೆ ವಿವರಿಸಿದ್ದರು.

ಹೋಮ್ ಬ್ರಾಂಡ್‌ಬ್ಯಾಂಡ್ ಆ ಅವಕಾಶದ ಒಂದು ಭಾಗ ಮಾತ್ರವಾಗಿರಬಹುದು. ಜಿಯೋದ ತಂತ್ರಜ್ಞಾನವು ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಾದ್ಯಂತ ವಿಭಿನ್ನ ಅಗತ್ಯಗಳನ್ನು ಪೂರೈಸಬಲ್ಲವು.

ಫಾಸ್ಟ್ರ್ಯಾಕ್ ನಿಂದ ಓಷಿಯಾನಿಕ್ಸ್ ಪೋಲಾರ್ ಎಡಿಷನ್ ವಾಚ್ ಸರಣಿ ಬಿಡುಗಡೆ

ಈ ಪಾಲುದಾರಿಕೆಗಳು ಸಾಕಾರಗೊಂಡರೆ, ಅವು ಜಿಯೋಗೆ ಹೊಸ ಅಂತಾರಾಷ್ಟ್ರೀಯ ಆದಾಯದ ಮೂಲವನ್ನು ಸೃಷ್ಟಿಸಬಹುದು. ಅದಕ್ಕಿಂತ ಮುಖ್ಯವಾಗಿ, ಅವು ಭಾರತದ ತಂತ್ರಜ್ಞಾನದ ಯಶೋಗಾಥೆಯಲ್ಲಿ — ಜಾಗತಿಕ ತಂತ್ರಜ್ಞಾನದ ಬೃಹತ್ ಗ್ರಾಹಕನಾಗಿರುವುದರಿಂದ ಹಿಡಿದು, ಹೆಚ್ಚೆಚ್ಚು ತನ್ನದೇ ಆದ ತಂತ್ರಜ್ಞಾನವನ್ನು ನಿರ್ಮಿಸುವ, ಬೆಳೆಸುವ ಮತ್ತು ರಫ್ತು ಮಾಡುವ ಹಂತಕ್ಕೆ ಬದಲಾವಣೆಯಾಗುವುದನ್ನು ಗುರುತಿಸಬಹುದು ಎಂದು ವಿವರಿಸಿದರು.

]]>

Bigg Boss Kannada 13: ಕಿರೀಟ ತೊಟ್ಟು ಕಿಚ್ಚ ಸುದೀಪ್‌ ಎದುರು ʻದೊಡ್ಡವರೆಲ್ಲ ಜಾಣರಲ್ಲʼ ಎಂದ ಕುಮಾರಿ

Sun, 18 Oct 2026 14:02:50 +0000

ವೀಕೆಂಡ್‌ ಬಂತು ಅಂದರೆ ಕಿಚ್ಚ ಸುದೀಪ್‌ (Sudeep) ಅವರು ಸ್ಪರ್ಧಿಗಳಿಗೆ ಕೆಲವೊಂದಿಷ್ಟು ಟಾಸ್ಕ್‌ ಕೊಡುತ್ತಾರೆ. ಸ್ಪರ್ಧಿಗಳು ಸಹ ಸ್ಪರ್ಧಿಗಳ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ಸುದೀಪ್ ಅವರ ಎದುರು ಹಂಚಿಕೊಂಡಿದ್ದಾರೆ. ಈ ವೇಳೆ ವೈಲ್ಡ್ ಕಾರ್ಡ್ ಎಂಟ್ರಿ ಕುಮಾರಿ, ತಾಂಡವ್ (Thandav) ಸೇರಿದಂತೆ ಇನ್ನೂ ಕೆಲವು ಮನೆ ಮಂದಿಯ ಬಗ್ಗೆ ಸುದೀಪ್ ಎದುರು ದೂರುಗಳ ಪಟ್ಟಿಯನ್ನೇ ಹೇಳಿದ್ದಾರೆ.

ಕುಮಾರಿಗೆ ಕಿರೀಟ ಕೊಟ್ಟ ಗಾನವಿ, ಬಂದ ಕೆಲವೇ ದಿನಗಳಲ್ಲಿ ಆಟ ಅರ್ಥ ಮಾಡಿಕೊಂಡಿದ್ದಾರೆ ಎಂದಿದ್ದಾರೆ. ದಡ್ಡರಂತ ಬಂದಾಗ ಫೊಟೋಗೆ ಇಂಕ್‌ ಹಾಕಬೇಕಿತ್ತು. ತಾಂಡವ್‌ಗೆ ಇಂಕ್‌ ಹಾಕಿದರು ಸೌಂದರ್ಯ. ತನ್ನನ್ನು ಸೇವ್‌ ಮಾಡಿಕೊಳ್ಳಲು ಯಾರನ್ನು ಬೇಕಾದರೂ ಕೆಳಗೆ ಹಾಕುತ್ತಾರೆ ಎಂದಿದ್ದಾರೆ.

ಇನ್ನು ತಾಂಡವ್‌ ಸರದಿ ಬಂದಾಗ, ಕುಮಾರಿಗೆ ತಾನು ಅವಕಾಶ ಕೊಟ್ಟೆ ಎಂದಿದ್ದಾರೆ ಅದಕ್ಕೆ ಕುಮಾರಿ ಇದ್ದರು, ಬರೀ ಮಾತಿಗೆ ಅಷ್ಟೇ ಹೇಳುತ್ತಾರೆ. ಸೌಂದರ್ಯಗೆ ಯಶಸ್‌ ಜೊತೆ ಆಡಬೇಕು, ಕೆಲವರಿಗೆ ಶಾಸ್ತ್ರಿ ಬೇಕು. ಯಾರೂ ಅವಕಾಶ ಕೊಟ್ಟಿಲ್ಲ. ಅದೇನೋ ಹೇಳ್ತಾರಲ್ಲ ದೊಡ್ಡವರೆಲ್ಲ ಜಾಣರಲ್ಲ ಎಂದಿದ್ದಾರೆ.

ಇದನ್ನೂ ಓದಿ: Bigg Boss kannada 13: 'Tall Dark Handsome' ಹುಡುಗ ಸೋನಿಕಾಗೆ ಬೇಕಂತೆ! ಸುದೀಪ್‌ ಕೊಟ್ಟ ಸಲಹೆ ಏನು?

View this post on Instagram

A post shared by Colors Kannada Official (@colorskannadaofficial)

View this post on Instagram A post shared by Colors Kannada Official (@colorskannadaofficial)

ಈ ವಾರ ಸೋನಿಕಾ, ಗಾನವಿ, ಕಾವ್ಯ, ಜಗದೀಶ, ಆಸಿಯಾ ಹಾಗೂ ತಾಂಡವ್ ರಾಮ್ ನಾಮಿನೇಟ್ ಆಗಿದ್ದರೆ, ಇವರುಗಳ ಪೈಕಿ ಯಾರು ಸೇಫ್ ಆಗಲಿದ್ದಾರೆ ಎನ್ನುವುದನ್ನು ಕಿಚ್ಚ ಸುದೀಪ್ ಶನಿವಾರದ ಸಂಚಿಕೆಯಲ್ಲಿ ಹೇಳಿಲ್ಲ.

ಕಳೆದ ವಾರ ಮಂಜ ಹಾಗೂ ಸಂಗೀತಾ ಇಬ್ಬರು ಮನೆಯಿಂದ ಆಚೆ ಹೋಗಿದ್ದರು. ಈ ವಾರ ಹಬ್ಬದ ಕಾರಣದಿಂದ ಎಲಿಮಿನೇಷನ್ ಪ್ರಕ್ರಿಯೆ ಇರುವುದು ಅನುಮಾನವೆನ್ನಲಾಗುತ್ತಿತ್ತು. ಆದರೆ ಈ ವಾರ ಎಲಿಮಿನೇಷನ್ ನಡೆಯಲಿದೆ ಎನ್ನುವುದನ್ನು ಕಿಚ್ಚ ಹೇಳಿದ್ದಾರೆ.

ಇದನ್ನೂ ಓದಿ: Sudeep Marriage Anniversary: ಕಿಚ್ಚ ಸುದೀಪ್ ಮದುವೆ ವಾರ್ಷಿಕೋತ್ಸವ; ವಿಶೇಷ ಚಿತ್ರಗಳು ವೈರಲ್‌

ಸೋಶಿಯಲ್ ಮೀಡಿಯಾದಲ್ಲಿ ಈ ವಾರ ಯಾರು ಹೋಗುತ್ತಾರೆ ಎನ್ನುವ ಬಗ್ಗೆ ಬಾರೀ ಚರ್ಚೆ ನಡೆಯುತ್ತಿದೆ. ಕಾವ್ಯ ಹೆಸರು ಸಖತ್‌ ಚರ್ಚೆಯಲ್ಲಿದೆ.

]]>

ಲವರ್‌ಗೆ ಕಳುಹಿಸಿದ್ದ ಖಾಸಗಿ ಫೋಟೊಗಳು ಅಶ್ಲೀಲ ತಾಣದಲ್ಲಿ ಸೋರಿಕೆ; ಬೆಚ್ಚಿಬಿದ್ದ ಬೆಂಗಳೂರಿನ ಯುವತಿ!

Sun, 18 Oct 2026 13:58:21 +0000

ಬೆಂಗಳೂರು: ಖಾಸಗಿ ಫೋಟೊಗಳನ್ನು (Private photos) ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಳ್ಳುವ ಮುನ್ನ ಯುವತಿಯರು ಎಷ್ಟು ಜಾಗರೂಕರಾಗಿರಬೇಕು ಎಂಬುದಕ್ಕೆ ರಾಜಧಾನಿಯಲ್ಲಿ ನಡೆದಿರುವ ಈ ಘಟನೆ ಉದಾಹರಣೆಯಾಗಿದೆ. ಯುವತಿಯೊಬ್ಬಳು ತನ್ನ ಪ್ರಿಯಕರನಿಗೆ ಕಳುಹಿಸಿದ್ದ ಖಾಸಗಿ ಫೋಟೊಗಳು ಅಶ್ಲೀಲ ತಾಣದಲ್ಲಿ ಅಪ್‌ಲೋಡ್‌ ಆಗಿರುವ ಘಟನೆ ನಗರದಲ್ಲಿ ಬೆಳಕಿಗೆ ಬಂದಿದ್ದು, ಈ ಸಂಬಂಧ ಪೂರ್ವ ವಿಭಾಗದ ಸೆನ್ (CEN) ಪೊಲೀಸ್ ಠಾಣೆಗೆ ದೂರು ನೀಡಲಾಗಿದೆ.

ಇಂದಿರಾನಗರ ನಿವಾಸಿಯಾದ 28 ವರ್ಷದ ಟೆಕ್ಕಿ ಯುವತಿ ಸಂತ್ರಸ್ತೆಯಾಗಿದ್ದಾಳೆ. ತನ್ನ ಪ್ರಿಯಕರನ ಕೋರಿಕೆಯಂತೆ ಕೆಲವೊಂದು ಖಾಸಗಿ ಫೋಟೊಗಳನ್ನು ರವಾನಿಸಿದ್ದಳು. ಆ ಫೋಟೊಗಳನ್ನು ಸ್ನ್ಯಾಪ್‌ಚಾಟ್ ಮೂಲಕ ಕಳುಹಿಸಿದ್ದಳು. ಆದರೆ ತನ್ನ ಖಾಸಗಿ ನಗ್ನ ಫೋಟೊ ಮತ್ತು ವಿಡಿಯೊಗಳು ಅಶ್ಲೀಲ ವೆಬ್‌ಸೈಟ್‌ನಲ್ಲಿ ಅಪ್‌ಲೋಡ್ ಆಗಿರುವ ವಿಷಯ ತಿಳಿದು ಶಾಕ್ ಆಗಿದ್ದಾಳೆ.

ದುಷ್ಕರ್ಮಿಗಳು ಯುವತಿಯ ಸ್ನ್ಯಾಪ್‌ಚಾಟ್ ಖಾತೆಯನ್ನು ಹ್ಯಾಕ್ ಮಾಡಿ, ಅದರಲ್ಲಿದ್ದ ಖಾಸಗಿ ದೃಶ್ಯಗಳನ್ನು ಕದ್ದು ಪೋರ್ನ್ ವೆಬ್‌ಸೈಟ್‌ಗೆ ಹರಿದುಬಿಟ್ಟಿದ್ದಾರೆ. ತನ್ನ ಖಾಸಗಿ ಫೋಟೋಗಳನ್ನು ಪೋರ್ನ್ ತಾಣದಲ್ಲಿ ನೋಡಿ ತೀವ್ರ ಶಾಕ್‌ ಆದ ಯುವತಿ ಪೂರ್ವ ವಿಭಾಗದ ಸೆನ್ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾಳೆ.

ಯುವತಿ ಸಲ್ಲಿಸಿರುವ ದೂರಿನಲ್ಲಿ ಸಾಮಾಜಿಕ ಜಾಲತಾಣಗಳಿಂದ ತನ್ನ ಖಾಸಗಿ ಫೋಟೊ-ವಿಡಿಯೊಗಳನ್ನು ತಕ್ಷಣವೇ ತೆಗೆದುಹಾಕಲು ಮತ್ತು ಈ ಕೃತ್ಯದ ಹಿಂದಿರುವ ದುಷ್ಕರ್ಮಿಗಳನ್ನು ಪತ್ತೆಹಚ್ಚಿ ಕಠಿಣ ಕಾನೂನು ಕ್ರಮ ಕೈಗೊಳ್ಳುವಂತೆ ಮನವಿ ಮಾಡಿದ್ದಾರೆ.

]]>

"ಕಣ್ಣಿನ ಕೆಳಗೆ ಡಾರ್ಕ್ ಸರ್ಕಲ್ ಬಂದಿದೆ": ಕಾರ್ಪೊರೇಟ್ ಕಂಪನಿ ನಿಯಮಗಳ ಬಗ್ಗೆ ಜೆನ್ ಝೀ ಉದ್ಯೋಗಿ ಬೇಸರ!

Sun, 18 Oct 2026 13:26:56 +0000

ನವದೆಹಲಿ, ಅ. 18: ಕಾರ್ಪೊರೇಟ್ ಉದ್ಯಮದಲ್ಲಿ ಒತ್ತಡಗಳ ಬಗ್ಗೆ ದೂರುಗಳು ಕೇಳಿ ಬರುತ್ತಲೇ ಇದೆ. ವೈಯಕ್ತಿಕ ಕೆಲಸಕ್ಕೂ ಸಮಯ ಸಿಗದೆ ಉದ್ಯೋಗ ತ್ಯಜಿಸಿದವರು ಅನೇಕರು ಇದ್ದಾರೆ. ಇದಕ್ಕೆ ಸಾಕ್ಷಿ ಎನ್ನುವಂತೆ ಕಾರ್ಪೊರೇಟ್ ಕಂಪನಿಗೆ ಸೇರಿರುವ ಜೆನ್ ಝೀ ಯುವತಿಯೊಬ್ಬರು ಕಚೇರಿಯ ಕಠಿಣ ನಿಯಮಗಳ ಬಗ್ಗೆ ಬೇಸರ ವ್ಯಕ್ತಪಡಿಸಿದ್ದಾರೆ. ತಿಂಗಳಿಗೆ ಕೇವಲ 3 ವೇತನ ಸಹಿತ ರಜೆಗಳು, 10 ನಿಮಿಷಕ್ಕಿಂತ ಹೆಚ್ಚು ತಡವಾಗಿ ಬಂದರೆ ಕಠಿಣ ಕ್ರಮ ಕೈಗೊಳ್ಳುವ ನಿಯಮ ಹಾಗೂ 9 ಗಂಟೆಗಳ ಕೆಲಸದ ಅವಧಿಯ ಬಗ್ಗೆಯೂ ಅಸಮಾಧಾನ (Viral News) ವ್ಯಕ್ತಪಡಿಸಿದರು.

ಯುವತಿಯ ಕಸಿನ್ ಈ ಬಗ್ಗೆ ಆನ್‌ಲೈನ್‌ನಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ. ತಮ್ಮ ಸೋದರ ಸಂಬಂಧಿ ಹೊಸ ಕೆಲಸದ ಸ್ಥಳದಲ್ಲಿರುವ ನಿಯಮಗಳ ಬಗ್ಗೆ ಮಾತನಾಡಲು ಕರೆ ಮಾಡಿದ್ದಾಗಿ ಅವರು ತಿಳಿಸಿದ್ದಾರೆ. ನಿರ್ದಿಷ್ಟ ಊಟದ ಸಮಯ ಸಿಗುವ ಬಗ್ಗೆ ಆಕೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. "ಇಲ್ಲಿ ಊಟಕ್ಕೆಂದು ನಿರ್ದಿಷ್ಟ ಸಮಯವನ್ನು ನಿಗದಿಪಡಿಸಲಾಗಿದೆ. ನಾವು ಆ ಸಮಯದಲ್ಲಿ ಮಾತ್ರ ಊಟ ಮಾಡಬೇಕು. ಒಂದು ವೇಳೆ ನನಗೆ ಅದಕ್ಕೂ ಮುಂಚೆಯೇ ಹಸಿವಾದರೆ ಏನು ಮಾಡುವುದು?ʼʼ ಎಂದು ಅವರು ಪ್ರಶ್ನಿಸಿದ್ದಾರೆ.

ವೈರಲ್‌ ಪೋಸ್ಟ್‌ ಇಲ್ಲಿದೆ:

My Gen Z cousin recently joined a corporate job, completely unaware of how office life works. Yesterday, she called and said, “You know, we have a fixed lunch time here. We can only eat during that time. What if I get hungry earlier? And we only get 45 minutes for lunch. I have only 3 paid leaves a month and we’re not even allowed to be more than 10 minutes late. The shift is 9 hours long. We have to work the entire day. And yesterday, my manager was rude to me too.” I asked her what he said, and she goes, “He said, if you don’t know how to do something, ask someone, but please don’t make mistakes because it’s a crucial project.” Then she goes, “How am I supposed to survive here? I’m already losing my aura, my mental health is COOKED and I’m gonna end up with dark circles. Girl, I didn't sign up for this.” I couldn't stop laughing.
— Sheetal (@sheetalbytheway) October 17, 2026

ಅದರಲ್ಲೂ ತಿಂಗಳಿಗೆ ಕೇವಲ 3 ರಜೆಗಳು ಮಾತ್ರ ಇವೆ. ಕಚೇರಿಗೆ 10 ನಿಮಿಷಕ್ಕಿಂತ ಹೆಚ್ಚು ತಡವಾಗಿ ಬರುವಂತಿಲ್ಲ ಎಂಬ ನಿಯಮ ಕೂಡ ಇಲ್ಲಿದೆ. ಪ್ರತಿದಿನ 9 ಗಂಟೆಗಳ ಕಾಲ ಬಿಡುವು ಇಲ್ಲದೆ ಕೆಲಸ ಮಾಡಬೇಕಾಗಿರುವುದು ಬಹಳಷ್ಟು ಆಘಾತ ತಂದಿದೆ ಎಂದು ಹೇಳಿಕೊಂಡಿದ್ದಾರೆ. ಇಲ್ಲಿನ ಮ್ಯಾನೇಜರ್ ಕೂಡ ಬಹಳಷ್ಟು ಗದರಿಸುತ್ತಾರೆ.‌ ಯಾವುದಾದರೂ ಸಂದೇಹವಿದ್ದರೆ ಸಹಾಯ ಕೇಳಿ. ಆದರೆ ಇದು ಪ್ರಮುಖ ಪ್ರಾಜೆಕ್ಟ್ ಆಗಿರುವುದರಿಂದ ಯಾವುದೇ ತಪ್ಪು ಮಾಡಬೇಡಿ ಎಂದು ಮ್ಯಾನೇಜರ್ ಕಠಿಣವಾಗಿ ಹೇಳಿದ್ದು ಯುವತಿಗೆ ತೀವ್ರ ಮಾನಸಿಕ ಒತ್ತಡವನ್ನುಂಟು ಮಾಡಿದೆ.

ಗದ್ದೆಯಲ್ಲಿದ್ದ ಆನೆಗೆ ಟಾರ್ಚ್ ತೋರಿಸಿ ಕೆರಳಿಸಿದ ಜನ; ನುಗ್ಗಿ ದಾಳಿ ಮಾಡಿದ ಒಂಟಿ ಸಲಗ

ಈ ಎಲ್ಲ ಒತ್ತಡಗಳನ್ನು ತಾಳಲಾರದೆ ಯುವತಿ, "ನನ್ನ ಮಾನಸಿಕ ಆರೋಗ್ಯ ಸಂಪೂರ್ಣ ಹಾಳಾಗಿದೆ. ಕಣ್ಣಿನ ಕೆಳಗೆ ಕಪ್ಪು ವರ್ತುಲಗಳು ಬಂದಿದೆ. ನಾನು ಈ ಕೆಲಸಕ್ಕೆ ಸೇರಿದ್ದೇ ತಪ್ಪು" ಎಂದು ತನ್ನ ಕಸಿನ್ ಬಳಿ ಅಳಲು ತೋಡಿಕೊಂಡಿದ್ದಾರೆ. ಸದ್ಯ ಪೋಸ್ಟ್ ವಿಭಿನ್ನ ಪ್ರತಿಕ್ರಿಯೆಗಳನ್ನು ಪಡೆದಿದೆ, ಕೆಲವು ಬಳಕೆದಾರರು ಯುವತಿಯ ಅನುಭವದ ಬಗ್ಗೆ ತಮಾಷೆ ಮಾಡುತ್ತಿದ್ದರೆ, ಇನ್ನು ಕೆಲವರು ಕಂಪನಿಯಲ್ಲಿ ನಡೆಸಿಕೊಳ್ಳುವ ರೀತಿಗೆ ಬೇಸರ ವ್ಯಕ್ತ ಪಡಿಸಿದ್ದಾರೆ.

]]>

Ration Card e-KYC: ಪಡಿತರ ಚೀಟಿದಾರರಿಗೆ ಗುಡ್‌ ನ್ಯೂಸ್‌; ರೇಷನ್‌ ಕಾರ್ಡ್‌ ಇ-ಕೆವೈಸಿ ಗಡುವು ನ.10ರವರೆಗೆ ವಿಸ್ತರಣೆ

Sun, 18 Oct 2026 13:21:10 +0000

ಬೆಂಗಳೂರು: ಪಡಿತರ ಚೀಟಿದಾರರಿಗೆ ರಾಜ್ಯ ಸರ್ಕಾರದಿಂದ ಗುಡ್‌ನ್ಯೂಸ್‌ ಸಿಕ್ಕಿದೆ. ರೇಷನ್‌ ಕಾರ್ಡ್‌ ಇ-ಕೆವೈಸಿ (Ration Card e-KYC) ದೃಢೀಕರಿಸುವ ದಿನಾಂಕವನ್ನು ಮತ್ತೆ ವಿಸ್ತರಿಸಲಾಗಿದ್ದು, ಈ ಮೊದಲು ಅಕ್ಟೋಬರ್ 20 ಇದ್ದ ಕೊನೆಯ ದಿನಾಂಕವನ್ನು ಇದೀಗ ನವೆಂಬರ್ 10ರವರೆಗೆ ವಿಸ್ತರಣೆ ಮಾಡಲಾಗಿದೆ. ಆಹಾರ, ನಾಗರಿಕ ಪೂರೈಕೆ ಮತ್ತು ಗ್ರಾಹಕ ವ್ಯವಹಾರಗಳ ಇಲಾಖೆಯು 1,15,87,298 ಫಲಾನುಭವಿಗಳು ಮತ್ತೊಮ್ಮೆ ಇ-ಕೆವೈಸಿ ಮಾಡಬೇಕೆಂದು ಆದೇಶಿಸಿರುವ ಹಿನ್ನೆಲೆಯಲ್ಲಿ ಕೊನೆಯ ದಿನಾಂಕವನ್ನು ವಿಸ್ತರಿಸಲಾಗಿದೆ.

ರಾಜ್ಯದಲ್ಲಿ ಒಂದು ವರ್ಷದ ಹಿಂದೆ ಇ-ಕೆವೈಸಿ ಮಾಡಿಸಿದ ಫಲಾನುಭವಿಗಳ ಜತೆಗೆ, ಇದುವರೆಗೆ ಒಂದು ಬಾರಿಯೂ ಇ-ಕೆವೈಸಿ ಮಾಡಿಸದ 3,82,362 ಹಾಗೂ ಐದು ವರ್ಷ ಮೇಲ್ಪಟ್ಟು ಇ-ಕೆವೈಸಿ ಮಾಡಿಸಿದ 54,27,396 ಫಲಾನುಭವಿಗಳು ಇನ್ನೂ ಇ-ಕೆವೈಸಿ ದೃಢೀಕರಿಸಬೇಕಿದೆ. ಈ ಎಲ್ಲ ಫಲಾನುಭವಿಗಳು ‘ಅನ್ನ ಸೇವೆ’ ಮೊಬೈಲ್ ಅಪ್ಲಿಕೇಶನ್ ಮೂಲಕ ಖುದ್ದಾಗಿ ಅಥವಾ ನ್ಯಾಯಬೆಲೆ ಅಂಗಡಿಗಳಲ್ಲಿ ನವೆಂಬರ್ 10 ರೊಳಗೆ ಕಡ್ಡಾಯವಾಗಿ ಇ-ಕೆವೈಸಿ ಮಾಡಿಸಬೇಕು. ಇಲ್ಲವಾದಲ್ಲಿ ನಿಯಮಾನುಸಾರ ಮುಂದಿನ ಕ್ರಮ ಕೈಗೊಳ್ಳಲಾಗುವುದು ಎಂದು ಇಲಾಖೆ ತಿಳಿಸಿದೆ.

ಇ-ಕೆವೈಸಿ ಮಾಡಲು ‘ಅನ್ನ ಸೇವೆ’ ಆ್ಯಪ್

ರಾಜ್ಯದ ಪಡಿತರ ಚೀಟಿದಾರಿಗೆ ಅನುಕೂಲ ಕಲ್ಪಿಸಲು ‘ಅನ್ನ ಸೇವೆ’ ಆ್ಯಪ್‌ ಅನ್ನು ಬಿಡುಗಡೆ ಮಾಡಲಾಗಿದೆ. ಇದರಿಂದ ಮನೆಯಿಂದಲೇ ಇ-ಕೆವೈಸಿ ಮಾಡಬಹುದು. ಇನ್ನು ಈ ತಂತ್ರಾಂಶವನ್ನು ಇಂದಿನಿಂದ ದೇಶಾದ್ಯಂತ ವಿಸ್ತರಿಸಲಾಗಿದೆ. ಹೊರರಾಜ್ಯಗಳಲ್ಲಿರುವ ರಾಜ್ಯದ ಪಡಿತರ ಚೀಟಿದಾರರು ಅಲ್ಲಿಂದಲೇ ಆ್ಯಪ್ ಡೌನ್‌ಲೋಡ್ ಮಾಡಿಕೊಂಡು ಇ-ಕೆವೈಸಿ ಪೂರ್ಣಗೊಳಿಸಬಹುದು.

ಈ ಹಿಂದೆ ಇ-ಕೆವೈಸಿ ಪೂರ್ಣಗೊಳಿಸಲು ಸೆಪ್ಟೆಂಬರ್ 30 ಕೊನೆಯ ದಿನವಾಗಿ ನಿಗದಿಯಾಗಿತ್ತು. ಆದರೆ ಇನ್ನೂ ಹಲವು ಫಲಾನುಭವಿಗಳು ಇ-ಕೆವೈಸಿ ಮಾಡಿಸುವುದು ಬಾಕಿ ಇರುವ ಹಿನ್ನೆಲೆಯಲ್ಲಿ ಅಕ್ಟೋಬರ್ 20ರವರೆಗೆ ಗಡುವನ್ನು ವಿಸ್ತರಿಸಲಾಗಿತ್ತು. ಇದೀಗ ಮತ್ತೊಮ್ಮೆ ನವೆಂಬರ್ 10 ರವರೆಗೆ ವಿಸ್ತರಿಸಲಾಗಿದೆ.

]]>

ಬಾಲಿಯಲ್ಲಿ ಇಂಧನ ಕೊರತೆಯಿಂದ ಸಂಚಾರ ದಟ್ಟಣೆ: ಅವ್ಯವಸ್ಥೆ ಬಿಚ್ಚಿಟ್ಟ ಭಾರತೀಯ ಉದ್ಯಮಿ

Sun, 18 Oct 2026 13:08:34 +0000

ಬಾಲಿ, ಅ. 18: ಇತ್ತೀಚೆಗೆ ಇಂಡೋನೇಷ್ಯಾದ ಬಾಲಿಯಿಂದ ಹಿಂದಿರುಗಿದ ಭಾರತೀಯ ಉದ್ಯಮಿ ಸುಶೀಲ್ ಜೈನ್ ಇಂಧನ ಬಿಕ್ಕಟ್ಟಿನಿಂದ ಎದುರಾದ ಸಂಕಷ್ಟವನ್ನು ವಿವರಿಸಿದ್ದಾರೆ. ಪೆಟ್ರೋಲ್ ಬಂಕ್‌ಗಳ ಮುಂದೆ ವಾಹನಗಳು ಕಿಲೋ ಮೀಟರ್‌ಗಟ್ಟಲೆ ಸಾಲಿನಲ್ಲಿ ನಿಂತಿದ್ದು ತೀವ್ರ ಸಂಚಾರ ದಟ್ಟಣೆ ಉಂಟಾಗಿತ್ತು. ಮುಂದಿನ ದಿನಗಳಲ್ಲಿ ಈ ಜನಪ್ರಿಯ ಪ್ರವಾಸಿ ತಾಣಕ್ಕೆ ಭೇಟಿ ನೀಡಲು ಪ್ಲ್ಯಾನ್‌ ಮಾಡುವ ಪ್ರವಾಸಿಗರು ಎಚ್ಚರಿಕೆಯಿಂದಿರಬೇಕು ಎಂದು ಅವರು ಸಲಹೆ (Viral News) ನೀಡಿದ್ದಾರೆ.

ಇಂಧನ ಕೊರತೆಯಿಂದಾಗಿ ವಾಹನಗಳು ಪೆಟ್ರೋಲ್ ಬಂಕ್ ಮುಂದೆ ಕಿಲೋ ಮೀಟರ್ ದೂರ ನಿಂತಿದ್ದು ದೀರ್ಘ ಸಾಲುಗಳು ಕಂಡು ಬಂದಿತ್ತು. ಇದರಿಂದಾಗಿ ತೀವ್ರ ಸಂಚಾರ ದಟ್ಟಣೆ ಉಂಟಾಯಿತು ಎಂದು ಅಲ್ಲಿನ ಸಂದರ್ಭದ ಬಗ್ಗೆ ವಿವರಿಸಿದ್ದಾರೆ.

ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ವಿಡಿಯೊದಲ್ಲಿ, ಪೆಟ್ರೋಲ್ ಬಂಕ್‌ಗಳ ಹೊರಗೆ ಕಾರ್‌ಗಳು ಮತ್ತು ಬೈಕ್‌ಗಳು ಸಾಲುಗಟ್ಟಿ ನಿಂತಿರುವುದನ್ನು ಜೈನ್ ತೋರಿಸಿದ್ದಾರೆ. "ನಾನು ಬಾಲಿಯಿಂದ ಭಾರತಕ್ಕೆ ಹಿಂತಿರುಗುತ್ತಿದ್ದೇನೆ. ಈ ವೇಳೆ ವಿಮಾನವನ್ನು ತಪ್ಪಿಸಿಕೊಳ್ಳುವ ಸ್ಥಿತಿಗೆ ಬಂದಿದ್ದೆ. ನೀವು ಬಾಲಿಯಲ್ಲಿದ್ದರೆ ಅಥವಾ ಅಲ್ಲಿಗೆ ಪ್ರಯಾಣಿಸುತ್ತಿದ್ದರೆ, ಪ್ರಸ್ತುತ ಅಲ್ಲಿ ಏನು ನಡೆಯುತ್ತಿದೆ ಎಂಬುದನ್ನು ತಿಳಿದುಕೊಳ್ಳಿʼʼ ಎಂದಿದ್ದಾರೆ.

ಈ ಇಂಧನ ಬಿಕ್ಕಟ್ಟು ಸ್ಥಳೀಯರು ಮತ್ತು ಪ್ರವಾಸಿಗರಿಬ್ಬರ ಮೇಲೂ ಪರಿಣಾಮ ಬೀರಿದೆ. ಜನರು ಇಂಧನ ತುಂಬಿಸಿಕೊಳ್ಳಲು ಗಂಟೆಗಟ್ಟಲೆ ಕಾಯಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ. ಇಂಡೋನೇಷ್ಯಾದ ಅಧಿಕಾರಿಗಳ ಪ್ರಕಾರ, ಈ ಕೊರತೆಗೆ ಇಂಧನದ ಪೂರೈಕೆಯ ಸ್ಥಗಿತ ಅಥವಾ ಜಾಗತಿಕ ಇಂಧನ ಮಾರುಕಟ್ಟೆಯಲ್ಲಿನ ಅಡಚಣೆಗಳಲ್ಲ. ಬದಲಾಗಿ ಇಂಧನ ವಿತರಣೆಯಲ್ಲಿ ಉಂಟಾಗಿರುವ ಸಮಸ್ಯೆಗಳೇ ಕಾರಣ.

ಅಪರಿಚಿತರ ಮೇಲೆಯೂ ಭಾರತೀಯರ ನಂಬಿಕೆ ಕಂಡು ಭಾವುಕನಾದೆ ಎಂದ ಅಮೆರಿಕದ ಲೇಖಕ

ಇಂಡೋನೇಷ್ಯಾದ ಇಂಧನ ಮತ್ತು ಖನಿಜ ಸಂಪನ್ಮೂಲ ಸಚಿವಾಲಯದ ತೈಲ ಮತ್ತು ಅನಿಲ ವಿಭಾಗದ ಮಹಾನಿರ್ದೇಶಕ ಲಾವೋಡೆ ಸುಲೈಮಾನ್ ಮಾತನಾಡಿ, ಇಂಧನ ಟ್ಯಾಂಕರ್ ಒಂದರ ಆಗಮನದಲ್ಲಿ ಉಂಟಾದ ವಿಳಂಬದಿಂದಾಗಿ ದ್ವೀಪಕ್ಕೆ ಇಂಧನ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗಿದೆ. ಬಾಲಿಗೆ ಇಂಧನ ಸಾಗಿಸುತ್ತಿದ್ದ ತೈಲ ಟ್ಯಾಂಕರ್‌ಗೆ ಸಮಸ್ಯೆ ಆದ ಕಾರಣ ಪೂರೈಕೆ ವಿಳಂಬವಾಗಿದೆ ಎಂದಿದ್ದಾರೆ.

]]>

ಚೆನ್ನೈಯಲ್ಲಿ ಭಾರಿ ಮಳೆ: ರಸ್ತೆಗಳು ಜಲಾವೃತ, ಜನಜೀವನ ಅಸ್ತವ್ಯಸ್ತ

Sun, 18 Oct 2026 13:06:17 +0000

ಚೆನ್ನೈ: ಈಶಾನ್ಯ ಮಾನ್ಸೂನ್ (northeast monsoon) ಸಕ್ರಿಯವಾಗುತ್ತಿದ್ದಂತೆ ತಮಿಳುನಾಡಿನಾದ್ಯಂತ (tamilnadu) ಭಾರಿ ಮಳೆ (heavy rain) ಸುರಿಯುಲಾರಂಭಿಸಿದೆ. ಚೆನ್ನೈನಲ್ಲಿ (chennai) ಭಾನುವಾರ ಬೆಳಗ್ಗೆಯಿಂದಲೇ ಭಾರಿ ಮಳೆ ಸುರಿಯುತ್ತಿದೆ. ಹಲವೆಡೆ ರಸ್ತೆಗಳು ಜಲಾವೃತಗೊಂಡಿದ್ದು, ಸಂಚಾರ ಅಸ್ತವ್ಯಸ್ತವಾಗಿದೆ. . ಉತ್ತರ ಚೆನ್ನೈ ಭಾಗದಲ್ಲಿ ಪ್ರವಾಹ (flood) ಪರಿಸ್ಥಿತಿ ನಿರ್ಮಾಣವಾಗಿದೆ. ಭಾರತೀಯ ಹವಾಮಾನ ಇಲಾಖೆಯು (IMD) ತಮಿಳುನಾಡಿನಾದ್ಯಂತ ಅಕ್ಟೋಬರ್ 21 ರವರೆಗೆ ಭಾರೀ ಮಳೆಯಾಗುವ ಮುನ್ಸೂಚನೆಯನ್ನು ನೀಡಿದೆ. ಅಕ್ಟೋಬರ್ 23 ರವರೆಗೆ ಹಳದಿ ಎಚ್ಚರಿಕೆಯನ್ನು ಕೂಡ ನೀಡಲಾಗಿದೆ.

ಭಾನುವಾರ ಮುಂಜಾನೆಯೇ ಉತ್ತರ ಚೆನ್ನೈನಲ್ಲಿ ಭಾರಿ ಮಳೆ ಉಂಟಾಗಿದೆ. ಸುಮಾರು ಒಂದು ಗಂಟೆಗಿಂತ ಕಡಿಮೆ ಅವಧಿಯಲ್ಲಿ 6 ಸೆಂ.ಮೀ ನಿಂದ 10 ಸೆಂ.ಮೀ ವರೆಗೆ ಮಳೆಯಾಗಿದೆ. ಹಲವಾರು ತಗ್ಗು ಪ್ರದೇಶಗಳಲ್ಲಿ ಪ್ರವಾಹ ಪರಿಸ್ಥಿತಿ ನಿರ್ಮಾಣವಾಗಿದೆ. ಇದರ ವಿಡಿಯೊಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ.

ಗ್ರೇಟರ್‌ ನೋಯ್ಡಾದ ಒಂದೇ ಕುಟುಂಬದ ಐವರ ಸಾವಿನ ಪ್ರಕರಣಕ್ಕೆ ಟ್ವಿಸ್ಟ್‌; ನೂಡಲ್ಸ್‌ಗೆ ವಿಷ ಬೆರೆಸಿದ್ದೇ ಮಕ್ಕಳ ತಂದೆ! ಜಮೀನು ವಿವಾದವೇ ಕೃತ್ಯಕ್ಕೆ ಕಾರಣ?

ಪ್ರವಾಹ ಪರಿಸ್ಥಿತಿಯನ್ನು ನಿರ್ವಹಿಸಲು ಅಧಿಕಾರಿಗಳು ಸಿದ್ದತೆಯನ್ನು ಮಾಡಿಕೊಂಡಿದ್ದಾರೆ. ಪ್ರವಾಹದಿಂದ ತುಂಬಿದ ರಸ್ತೆಗಳನ್ನು ತೆರವುಗೊಳಿಸಲು ಮತ್ತು ದೂರುಗಳಿಗೆ ಸ್ಪಂದಿಸಲು ರಾತ್ರಿಯಿಡೀ ನಗರದಾದ್ಯಂತ 15,000 ಕ್ಕೂ ಹೆಚ್ಚು ನೈರ್ಮಲ್ಯ ಮತ್ತು ಇತರ ನಾಗರಿಕ ಕಾರ್ಮಿಕರನ್ನು ನಿಯೋಜಿಸಲಾಗಿದೆ. ತಮಿಳುನಾಡು ರಾಜ್ಯ ವಿಪತ್ತು ನಿರ್ವಹಣಾ ಪಡೆ ಮುನ್ನೆಚ್ಚರಿಕೆಯಾಗಿ 100 ಸಿಬ್ಬಂದಿಯನ್ನು ನಿಯೋಜಿಸಿದೆ. ಅಪಾಯಕಾರಿ ಪರಿಸ್ಥಿತಿಯನ್ನು ನಿರ್ವಹಿಸಲು ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ ಮತ್ತು ರಾಜ್ಯ ವಿಪತ್ತು ನಿರ್ವಹಣಾ ಪಡೆ ತಂಡಗಳನ್ನು ಕೂಡ ಸಜ್ಜುಗೊಳಿಸಲಾಗಿದೆ.

Heavy rainfall leaves roads flooded in multiple areas of Chennai. location - Pookkadai Police Station https://t.co/3fYYWJL4Uo
— Vignesh Theni (@Vignesh_twitz) October 17, 2026

ಭಾರತೀಯ ಹವಾಮಾನ ಇಲಾಖೆ ನೀಡಿರುವ ಮಾಹಿತಿ ಪ್ರಕಾರ ತಮಿಳುನಾಡಿನಲ್ಲಿ ಈಶಾನ್ಯ ಮಾನ್ಸೂನ್ ಆರಂಭದ ಅನಂತರ ಭಾರೀ ಮಳೆಯಾಗುತ್ತದೆ. ಇದು ದಕ್ಷಿಣ ಏಷ್ಯಾದ ಪರ್ಯಾಯ ದ್ವೀಪದಲ್ಲಿ ಅಕ್ಟೋಬರ್ ನಿಂದ ಡಿಸೆಂಬರ್ ವರೆಗೆ ಉಂಟಾಗುವ ಗಾಳಿ ಮತ್ತು ಮಳೆಯಂತಿರುತ್ತದೆ. ತಮಿಳುನಾಡಿಗೆ ಈ ಮಳೆಯು ವಿಶೇಷವಾಗಿ ಮಹತ್ವದ್ದಾಗಿರುತ್ತದೆ.

Chennai last night - Almost 30cm rainfall. #Airport - flooded. Bus Stand - flooded. Road transport - flooded. Special mention to airport. Anti #Parandur main arguments was flooding and they thought #AAI will do wonders. Meanwhile, AAI is building T5 right on top of Adyar River. Irukra T1, T3 eh ipdi iruku overnight rain ku apram.. No clue on plans, no idea what a man-made lake is and mitigation plans are, but just say, floods bro. Should we shutdown current airport and it's so called improvement or development now having seen this? Knowledgable #Chennai crowd only in cricket. Absolute morons in infrastructure. https://t.co/EwJf3db2zD
— Srinivas (@Srinivas_091294) October 18, 2026

ಕೋಲ್ಕತಾ ದುರ್ಗಾ ಪೆಂಡಾಲ್‌ನಲ್ಲಿ ಕಾಲ್ತುಳಿತ ಸಂಭವಿಸಿದ್ದು ಹೇಗೆ? ದುರಂತದ ಕ್ಷಣ ವಿಡಿಯೊದಲ್ಲಿ ಸೆರೆ

ರಾಜ್ಯಾದ್ಯಂತ ಅಕ್ಟೋಬರ್ 23 ರವರೆಗೆ ಹಳದಿ ಎಚ್ಚರಿಕೆ ನೀಡಲಾಗಿದೆ. ಹೀಗಾಗಿ 6 ಸೆಂ.ಮೀ ನಿಂದ 11 ಸೆಂ.ಮೀ ವರೆಗೆ ಭಾರೀ ಮಳೆಯಾಗುವ ಸಾಧ್ಯತೆ ಇದೆ. ಪ್ರಾದೇಶಿಕ ಹವಾಮಾನ ಕೇಂದ್ರವು ತೀವ್ರ ಗುಡುಗು ಸಹಿತ ಮಳೆಯ ಸಂದರ್ಭದಲ್ಲಿ ಅನುಸರಿಸಬೇಕಾದ ಮುನ್ನೆಚ್ಚರಿಕೆಗಳು ಮತ್ತು ಮಾಡಬಾರದ ಸಂಗತಿಗಳ ಕುರಿತು ಸಾಮಾಜಿಕ ಮಾಧ್ಯಮದ ಎಕ್ಸ್ ಖಾತೆಯಲ್ಲಿ ಕೆಲವು ಸಲಹೆಗಳನ್ನು ನೀಡಿದೆ.

]]>

Sudeep Marriage Anniversary: ಕಿಚ್ಚ ಸುದೀಪ್ ಮದುವೆ ವಾರ್ಷಿಕೋತ್ಸವ; ವಿಶೇಷ ಚಿತ್ರಗಳು ವೈರಲ್‌

Sun, 18 Oct 2026 13:03:25 +0000

ಕಿಚ್ಚ ಸುದೀಪ್ (kichcha sudeepa) ದಂಪತಿಗೆ 25ನೇ ವರ್ಷದ ವೆಡ್ಡಿಂಗ್ ಆ್ಯನಿವರ್ಸರಿ. ಕನ್ನಡದ ಮೂರು ಕ್ಷೇತ್ರದ ದಿಗ್ಗಜರು ಒಂದೇ ಫ್ರೇಮ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ದಿಗ್ಗಜ ವೆಂಕಟೇಶ್ ಪ್ರಸಾದ್, ಇನ್ನೊಂದು ಮ್ಯೂಸಿಕ್ ದಿಗ್ಗಜ ವಿಜಯ್ ಪ್ರಕಾಶ್. ಪ್ರಿಯಾ (Priya sudeep) ಮತ್ತು ಸುದೀಪ್ ಅವರು 2001 ರ ಅಕ್ಟೋಬರ್ 18ರಂದು ವಿವಾಹವಾದರು. ಇವರದ್ದು ಪ್ರೇಮ ವಿವಾಹ, ಪ್ರಿಯಾ ಅವರು ಮೂಲತಃ ಮಲಯಾಳಿ. ಅವರು ಯುವ ಉದ್ಯಮಿ ಆಗಿದ್ದರು.

ಪ್ರಿಯಾ ಮತ್ತು ಸುದೀಪ್ ಆದರ್ಶ ದಂಪತಿಗಳಾಗಿದ್ದು, ಇತ್ತೀಚೆಗಷ್ಟೆ ಬಿಗ್ಬಾಸ್ ವೇದಿಕೆಯ ಮೇಲೂ ಸಹ ಈ ಇಬ್ಬರು ಒಟ್ಟಿಗೆ ಕಾಣಿಸಿಕೊಂಡಿದ್ದರುಪ್ರಿಯಾ ಅವರು ಇದೀಗ ಮಗಳು ಸಾನ್ವಿ ಅವರೊಟ್ಟಿಗೆ ಸೇರಿ ನಿರ್ಮಾಪಕಿಯೂ ಆಗಿದ್ದಾರೆ. 25ನೇ ವಿವಾಹ ವಾರ್ಷಿಕೋತ್ಸವವನ್ನು ಅದ್ಧೂರಿಯಾಗಿ ಪ್ರಿಯಾ ಮತ್ತು ಸುದೀಪ್ ಅವರು ಆಚರಿಸಿಕೊಂಡಿದ್ದಾರೆ.

ಇದನ್ನೂ ಓದಿ: Bigg Boss Kannada 13: ಮೀಟರ್ ಇಲ್ವ ಯಾರಿಗೂ? ಸ್ಪರ್ಧಿಗಳಿಗೆ ಕಿಚ್ಚ ಸುದೀಪ್‌ ನೇರ ಪ್ರಶ್ನೆ!

View this post on Instagram

A post shared by Venkatesh Prasad (@bkvenkateshprasad)

ವೆಂಕಟೇಶ್ ಪ್ರಸಾದ್ ಹಾಗೂ ಕುಟುಂಬ ನಟನಿಗೆ ಶುಭ ಕೋರಿದ್ದಾರೆ. ಕಿಚ್ಚ ಸುದೀಪ್ ಪಯಣ ನೋಡುವುದು ನನಗೆ ಹೆಮ್ಮೆಯಾಗಿದೆ. ಒಬ್ಬ ಕಲಾವಿದನಾಗಿ, ಆಪ್ತ ಗೆಳೆಯನಾಗಿ ಬಾಂಧವ್ಯ ಮತ್ತಷ್ಟು ಗಟ್ಟಿಯಾಗಿದೆ. ಕಿಚ್ಚ ಸುದೀಪ್ ಹಾಗೂ ಪ್ರಿಯಾಗೆ 25ನೇ ಮದುವೆ ವಾರ್ಷಿಕೋತ್ಸವ ಶುಭಾಶಯಗಳು ಎಂದು ವೆಂಕಟೇಶ್ ಪ್ರಸಾದ್ ಶುಭ ಕೋರಿದ್ದಾರೆ.

ಇದನ್ನೂ ಓದಿ: Bigg Boss kannada 13: 'Tall Dark Handsome' ಹುಡುಗ ಸೋನಿಕಾಗೆ ಬೇಕಂತೆ! ಸುದೀಪ್‌ ಕೊಟ್ಟ ಸಲಹೆ ಏನು?

ಮಾಜಿ ಸಂಸದೆ ಸುಮಲತಾ ಅಂಬರೀಷ್ ಕೂಡ ಪಾಲ್ಗೊಂಡಿದ್ದಾರೆ. ಇದೇ ವೇಳೆ ಸೋಶಿಯಲ್ ಮೀಡಿಯಾಗಳಲ್ಲಿ ಕಿಚ್ಚ ಸುದೀಪ್ ದಂಪತಿಗೆ ಹಲವು ಪ್ರಮುಖರು, ಸಿನಿ ತಾರೆಯರು ಶುಭಕೋರಿದ್ದಾರೆ.

]]>

ರಣಜಿ ಟ್ರೋಫಿ; ಕರ್ನಾಟಕ ತಂಡಕ್ಕೆ ಮನ್ವಂತ್ ಕುಮಾರ್ ಆಸರೆ

Sun, 18 Oct 2026 12:23:33 +0000

ಆಲೂರು, ಅ.18: ತಂಡದ ಪಾಲಿನ ಆಪತ್ಭಾಂದವ ಎಡಗೈ ಬ್ಯಾಟರ್‌ ಮನ್ವಂತ್ ಕುಮಾರ್(86*) ಬಾರಿಸಿದ ಅಜೇಯ ಅರ್ಧಶತಕದ ನೆರವಿನಿಂದ ಕರ್ನಾಟಕ ತಂಡ ಭಾನುವಾರ ಆರಂಭಗೊಂಡ ರಣಜಿ ಟ್ರೋಫಿಯ ಸೌರಾಷ್ಟ್ರ ವಿರುದ್ಧ ಪಂದ್ಯದಲ್ಲಿ ದಿನದಾಟದ ಅಂತ್ಯಕ್ಕೆ 8 ವಿಕೆಟ್‌ಗೆ 281 ರನ್‌ಗಳ ಗೌರವಯುತ ಮೊತ್ತ ಗಳಿಸಿದೆ.

ಟಾಸ್‌ ಸೋತು ಬ್ಯಾಟಿಂಗ್‌ ಆಹ್ವಾನ ಪಡೆದ ಕರ್ನಾಟಕ ಮೊದಲ ಪಂದ್ಯದಂತೆ ಈ ಪಂದ್ಯದಲ್ಲಿಯೂ ಆರಂಭಿಕ ಆಘಾತ ಎದುರಿಸಿತು. ಕೆ.ಎಲ್‌ ರಾಹುಲ್‌ ಅಲಭ್ಯತೆಯಲ್ಲಿ ಆಡಲಿಳಿದ ರೋಹನ್ ಪಾಟೀಲ್ ಕ್ರೀಸ್‌ನಲ್ಲಿ ಉಳಿಯುವ ಪ್ರಯತ್ನ ಮಾಡಿದರೂ ಅವರ ಆಟ 6 ರನ್‌ಗೆ ಕೊನೆಗೊಂಡಿತು. ಮೊದಲ ವಿಕೆಟ್‌ ಪತನದ ಬೆನ್ನಲ್ಲೇ ನೈಟ್‌ವಾಚ್‌ಮ್ಯಾನ್ ಆಗಿ ವಿಜಯ್‌ಕುಮಾರ್ ವೈಶಾಕ್ ಅವರನ್ನು ಕಣಕ್ಕಿಳಿಸಲಾಯಿತು. ಆದರೆ ಈ ಪ್ರಯೋಗವೂ ಕೈಹಿಡಿಯಲ್ಲಿ. ಅವರು ಕೇವಲ ಒಂದು ರನ್‌ಗೆ ವಿಕೆಟ್‌ ಕಳೆದುಕೊಂಡರು.

ಆದರೆ, ಮೂರನೇ ವಿಕೆಟ್‌ಗೆ ಮಯಾಂಕ್‌ ಅಗರ್ವಾಲ್‌ ಮತ್ತು ಅನೀಶ್ ಕೆ.ವಿ. ಕೆಲ ಕಾಲ ಕ್ರೀಸ್‌ನಲ್ಲಿ ಬೇರೂರಿ ನಿಂತರು. ಈ ಜೋಡಿಯು 98 ರನ್‌ಗಳ ಜತೆಯಾಟ ನಡೆಸಿ ತಂಡದ ಚೇತರಿಕೆಗೆ ನೆರವಾದರು. ಅಗರ್ವಾಲ್‌ 42 ರನ್‌ ಗಳಿಸಿದರು.

ರಣಜಿ ಟ್ರೋಫಿಗೆ ಮರಳಿದ ಶುಭಮನ್ ಗಿಲ್ ಕೇವಲ 1 ರನ್‌ಗೆ ಔಟ್

ಅಗರ್ವಾಲ್‌ ವಿಕೆಟ್‌ ಪತನದ ಬಳಿಕ ಕರುಣ್‌ ನಾಯರ್‌ ಜತೆ ಅನೀಶ್ ಮತ್ತೊಂದು ದೊಡ್ಡ ಜತೆಯಾಟವಾಡಿದರು. ಅರ್ಧಶತಕ ಬಾರಿಸಿದ ಅನೀಶ್‌ ಅಂತಿಮವಾಗಿ 59 ರನ್‌ ಗಳಿಸಿ ಚೇತನ್‌ ಸಕಾರಿಯಾಗೆ ವಿಕೆಟ್‌ ಒಪ್ಪಿಸಿದರು. ಕರುಣ್‌ ನಾಯರ್‌ 46 ಕೊಡುಗೆ ನೀಡಿದರು.

ಆಪತ್ಭಾಂದವ ಮನ್ವಂತ್

ಕರುಣ್‌ ಮತ್ತು ಅನೀಶ್‌ ವಿಕೆಟ್‌ ಕಳೆದುಕೊಂಡ ಬಳಿಕ ಮತ್ತೆ ದಿಢೀರ್‌ ಕುಸಿತ ಕಂಡ ತಂಡಕ್ಕೆ 9ನೇ ಕ್ರಮಾಂಕದಲ್ಲಿ ಆಡಲಿಳಿದ ಮನ್ವಂತ್ ಕುಮಾರ್ ಸ್ಮರಣೀಯ ಅರ್ಧಶತಕ ಬಾರಿಸಿ ತಂಡವನ್ನು ಮತ್ತೆ ಮೇಲೆತ್ತಿದರು. ತಾಳ್ಮೆಯುತವಾಗಿ ಬ್ಯಾಟಿಂಗ್‌ ನಡೆಸಿದ ಅವರು ವೈಯಕ್ತಿಕ ಮತ್ತು ತಂಡದ ಮೊತ್ತವನ್ನು ಹೆಚ್ಚಿಸಿದರು. 124 ಎಸೆತ ಎದುರಿಸಿ 5 ಸಿಕ್ಸರ್‌ ಮತ್ತು 6 ಬೌಂಡರಿ ನೆರವಿನಿಂದ ಅಜೇಯ 86 ರನ್‌ ಗಳಿಸಿ ದ್ವಿತೀಯ ದಿನದಾಟಕ್ಕೆ ಬ್ಯಾಟಿಂಗ್‌ ಕಾಯ್ದುಕೊಂಡಿದ್ದಾರೆ. ಇವರಿಗೆ ಮತ್ತೊಂದು ತುದಿಯಲ್ಲಿ ಉತ್ತಮ ಸಾಥ್‌ ನೀಡುತ್ತಿರುವ ಅಭಿಲಾಷ್‌ ಶೆಟ್ಟಿ 85 ಎಸೆತ ಎದುರಿಸಿ ನಿಂತು ಅಜೇಯ 5 ರನ್‌ ಗಳಿಸಿದ್ದಾರೆ. ನಾಯಕ ಶ್ರೇಯಸ್‌ ಗೋಪಾಲ್‌ 3 ರನ್‌ ಗಳಿಸಿ ವಿಫಲರಾದರು.

ಸೌರಾಷ್ಟ ಪರ ನಾಯಕ ಜೈದೇವ್‌ ಉನಾದ್ಕತ್‌ 51ಕ್ಕೆ 3 ವಿಕೆಟ್‌ ಕಿತ್ತರು. ಪಾರ್ಥ ಭುಟ್‌ ಕೂಡ ಮೂರು ವಿಕೆಟ್‌ ಪಡೆದರು. ಉಳಿದಂತೆ ಚೇತನ್‌ ಸಕಾರಿಯಾ 2 ವಿಕೆಟ್‌ ಕಲೆಹಾಕಿದರು.

]]>

ಜೀವನದಲ್ಲಿ ಟೆನ್ಷನ್ ಇದ್ದದ್ದೇ ಎಂದು ಮಗುವಿಗೂ ತಿಳಿದಿದೆ! ಈಜಿಪ್ಟ್‌ನ ನವಜಾತ ಶಿಶುವಿನ ರಿಲ್ಯಾಕ್ಸ್‌ಡ್ ಭಂಗಿ ವೈರಲ್

Sun, 18 Oct 2026 12:10:47 +0000

ಕೈರೊ, ಅ. 18: ನವಜಾತ ಶಿಶುವಿನ ಅತ್ಯಂತ ಶಾಂತ ರೀತಿಯ ಭಂಗಿಯೊಂದು ಎಲ್ಲರ ಹೃದಯಗಳನ್ನು ಗೆದ್ದಿದೆ. ಕೈರೊ ಮೂಲದ ಶಿಶುವೈದ್ಯ ಹಾಗೂ ನವಜಾತ ಶಿಶುಶಾಸ್ತ್ರಜ್ಞ ಡಾ. ಇಸ್ಲಾಂ ಎಲ್ಡೆ ಹಂಚಿಕೊಂಡ ವೀಡಿಯೊದಲ್ಲಿ (Viral News) ಪುಟ್ಟ ಮಗುವೊಂದು ಆರಾಮದಾಯಕ ಭಂಗಿಯಲ್ಲಿ ಕಾಣಿಸಿಕೊಂಡಿದೆ. ಸಾಮಾನ್ಯವಾಗಿ ಹುಟ್ಟಿದಾಗ ಮಕ್ಕಳು ಅಳುವುದು, ಕೈಕಾಲುಗಳನ್ನು ಅಲುಗಾಡಿಸುವುದು ಸಹಜ. ಆದರೆ ಈ ಮಗುವಿನ ಅತ್ಯಂತ ಆರಾಮದಾಯಕ ನೋಟವು ನೆಟ್ಟಿಗರ ಮುಖದಲ್ಲಿ ಮಂದಹಾಸ ಮೂಡಿಸಿದೆ.

ಈಜಿಪ್ಟ್‌ನಲ್ಲಿರುವ ನವಜಾತ ಶಿಶುವೊಂದು ಶಾಂತ ವರ್ತನೆಯಿಂದಾಗಿ ಇಂಟರ್‌ನೆಟ್‌ನ ಗಮನ ಸೆಳೆದಿದೆ. ಹುಟ್ಟಿದಾಕ್ಷಣ ತನಗೆ ಯಾರ ಭಯ ಇಲ್ಲ ಎಂಬಂತೆ ಕಾಲು ಮೇಲೆ ಕಾಲು ಹಾಕಿ ಆರಾಮದಲ್ಲಿ ಮಲಗಿದೆ. ಈ ಮಗುವಿನ ಮುದ್ದಾದ ನೋಟವು ಜನರನ್ನು ಬಹಳಷ್ಟು ಆಕರ್ಷಿಸಿದೆ.

ವಿಡಿಯೊ ನೋಡಿ:

A newborn baby has caught attention on social media for resting in an unusually relaxed pose shortly after birth. Instead of crying, the baby appeared calm, lying with both hands behind its head and one leg crossed over the other, as though enjoying a peaceful nap. The adorable pose has drawn amused reactions, with many praising the little one's effortless confidence and natural aura. #newbornbaby #Aura #Centristnation
— Centrist Nation TV (@centristnattv) October 17, 2026

ಕೈರೊ ಮೂಲದ ಮಕ್ಕಳ ತಜ್ಞರೊಬ್ಬರು ಈ ವಿಡಿಯೊ ಹಂಚಿಕೊಂಡಿದ್ದಾರೆ. ಮಗುವೊಂದು ಹೆರಿಗೆಯ ನಂತರದ ವೈದ್ಯಕೀಯ ಪ್ರಕ್ರಿಯೆಯ ಬಳಿಕ ಯಾವುದೇ ಭಯ ಇಲ್ಲದೆ ಅತ್ಯಂತ ನೆಮ್ಮದಿಯಿಂದ ಮಲಗಿರುವುದನ್ನು ಕಾಣಬಹುದು. ಈ ದೃಶ್ಯ ನೋಡಿದ ಅನೇಕರು ತಮಾಷೆಯಾಗಿ ಕಾಮೆಂಟ್ ಮಾಡಿದ್ದಾರೆ.

ಅಪರಿಚಿತರ ಮೇಲೆಯೂ ಭಾರತೀಯರ ನಂಬಿಕೆ ಕಂಡು ಭಾವುಕನಾದೆ ಎಂದ ಅಮೆರಿಕದ ಲೇಖಕ

"ಯಾವುದೇ ಟೆನ್ಷನ್ ಇಲ್ಲದೆ ಜೀವನವನ್ನು ಹೇಗೆ ಎಂಜಾಯ್ ಮಾಡಬೇಕು ಎಂಬುದನ್ನು ಇದು ಮೊದಲೇ ಕಲಿತು ಬಂದಿದೆ" ಎಂದು ತಮಾಷೆಯಾಗಿ ಒಬ್ಬರು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, ʼʼಮಗು ಸಂಪೂರ್ಣವಾಗಿ ಒತ್ತಡ ಮುಕ್ತ ಮನೋಭಾವ ಅಳವಡಿಸಿಕೊಂಡಿದೆʼʼ ಎಂದು ಬರೆದಿದ್ದಾರೆ. ಒಟ್ಟಿನಲ್ಲಿ ಈ ಶಿಶು ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ಗಮನ ಸೆಳೆದಿದೆ. ವಿಜ್ಞಾನದ ಪ್ರಕಾರ ನವಜಾತ ಶಿಶುಗಳು ಇಂತಹ ಮುಖ ಭಾವ ಹೊಂದುವುದು ಸಾಮಾನ್ಯ ಎನಿಸಿದರೂ ಈ ಮಗುವಿನ ಮುದ್ದಾದ ನೋಟ ಅನೇಕರಿಗೆ ಆಕರ್ಷಕ ಎನಿಸಿದೆ.

]]>

ಬೆಂಗಳೂರು ಸಿಲಿಂಡರ್ ಸ್ಫೋಟ ಪ್ರಕರಣ: ಗಂಭೀರವಾಗಿ ಗಾಯಗೊಂಡಿದ್ದ ಮತ್ತೊಂದು ಮಗು ಸಾವು; ಮೃತರ ಸಂಖ್ಯೆ 3ಕ್ಕೆ ಏರಿಕೆ

Sun, 18 Oct 2026 12:04:13 +0000

ಬೆಂಗಳೂರು: ಬೆಂಗಳೂರಿನಲ್ಲಿ ಸಿಲಿಂಡರ್ ಸೋರಿಕೆಯಾಗಿ ಸ್ಫೋಟಗೊಂಡ ಘಟನೆಗೆ (Bangalore cylinder blast case) ಸಂಬಂಧಿಸಿ ಗಂಭೀರವಾಗಿ ಗಾಯಗೊಂಡಿದ್ದ ಮತ್ತೊಂದು ಮಗು ಚಿಕಿತ್ಸೆ ಫಲಿಸದೇ ಮೃತಪಟ್ಟಿದೆ. ಇದರಿಂದ ಪ್ರಕರಣದಲ್ಲಿ ಸಾವಿನ ಸಂಖ್ಯೆ ಮೂರಕ್ಕೆ ಏರಿದೆ.

ನಾಯಂಡಹಳ್ಳಿಯ ವಿನಾಯಕ ಲೇಔಟ್‌ನಲ್ಲಿ ಈ ದುರಂತ ಸಂಭವಿಸಿತ್ತು. ತಂದೆ ಕರಿಲಿಂಗಪ್ಪ ಸ್ಥಿತಿ ಕೂಡ ಗಂಭೀರವಾಗಿದೆ. ಘಟನೆಯಲ್ಲಿ ಈವರೆಗೆ ತಾಯಿ ಹಾಗೂ ಇಬ್ಬರು ಅವಳಿ ಮಕ್ಳಳು ಸಾವನ್ನಪ್ಪಿದ್ದಾರೆ.

ತಾಯಿ ಲಕ್ಷ್ಮಮ್ಮ, ಅವಳಿ ಮಗ್ಗಳಾದ ಗೀತಾ, ಗಿರಿಜಾ ಮೃತ ದುರ್ದೈವಿಗಳು. ಇನ್ನೂ ಇಬ್ಬರು ಮಕ್ಕಳು ಹಾಗೂ ತಂದೆಗೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮುಂದುವರೆದಿದೆ. ಅಕ್ಟೋಬರ್ 2ರಂದು ವಿನಾಯಕ ಲೇಔಟ್‌ನ ಮನೆಯಲ್ಲಿ ಈ ಘಟನೆ ನಡೆದಿತ್ತು.

ರಾಯಚೂರು ಮೂಲದ ಕುಟುಂಬವೊಂದು ನಾಯಂಡಹಳ್ಳಿ ಬಳಿ ಬಾಡಿಗೆ ಮನೆಯಲ್ಲಿ ವಾಸವಾಗಿತ್ತು. ಬೆಳಿಗ್ಗೆ ತಿಂಡಿ ರೆಡಿ ಮಾಡಲು ಒಲೆ ಹಚ್ಚುತ್ತಿದ್ದಂತೆ ಸಿಲಿಂಡರ್ ಸ್ಫೋಟಗೊಂಡು ದುರಂತ ಸಂಭವಿಸಿತ್ತು.

ಚಿಕ್ಕಬಳ್ಳಾಪುರದಲ್ಲಿ 3 ವರ್ಷದ ಮಗು ಅನುಮಾನಾಸ್ಪದ ಸಾವು!

ಚಿಕ್ಕಬಳ್ಳಾಪುರ: ಊಟ ಮಾಡಿ ಮಲಗಿದ್ದ ಮೂರು ವರ್ಷದ ಮಗು ಅನುಮಾನಾಸ್ಪದವಾಗಿ ಮೃತಪಟ್ಟಿರುವ ಘಟನೆ ಚಿಕ್ಕಬಳ್ಳಾಪುರ ಜಿಲ್ಲೆಯ ಮಂಚೇನಹಳ್ಳಿ ತಾಲೂಕು ಜರಬಂಡಹಳ್ಳಿಯಲ್ಲಿ ನಡೆದಿದೆ. ನವೀನ್ ಮತ್ತು ಹಂಸಲೇಖ ದಂಪತಿಯ ಪುತ್ರ ರಿತೀಶ್ (3) ಮೃತಪಟ್ಟ ಮಗು. ಮಗು ಎಂದಿನಂತೆ ಊಟ ಮಾಡಿ ಮಲಗಿತ್ತು ಎನ್ನಲಾಗಿದ್ದು, ಬಳಿಕ ಎಚ್ಚರಗೊಳ್ಳದೆ ಮೃತಪಟ್ಟಿದೆ. ಮಗುವಿನ ದಿಢೀರ್ ಸಾವಿಗೆ ನಿಖರ ಕಾರಣ ತಿಳಿದುಬಂದಿಲ್ಲ. ಕಣ್ಣೆದುರೇ ಆಟವಾಡಿಕೊಂಡು ಇರಬೇಕಿದ್ದ ಪುಟ್ಟ ಕಂದನನ್ನು ಕಳೆದುಕೊಂಡ ಪೋಷಕರ ಆಕ್ರಂದನ ಮುಗಿಲು ಮುಟ್ಟಿದೆ.

ಮೃತ ಮಗುವಿನ ದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಚಿಕ್ಕಬಳ್ಳಾಪುರ ಜಿಲ್ಲಾಸ್ಪತ್ರೆಯ ಶವಾಗಾರಕ್ಕೆ ರವಾನಿಸಲಾಗಿದೆ. ಮಂಚೇನಹಳ್ಳಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಪ್ರಕರಣ ನಡೆದಿದ್ದು, ಮಗುವಿನ ಸಾವಿಗೆ ನಿಖರ ಕಾರಣ ಮರಣೋತ್ತರ ಪರೀಕ್ಷೆ ಹಾಗೂ ಪೊಲೀಸ್ ತನಿಖೆಯಿಂದ ತಿಳಿದುಬರಬೇಕಿದೆ.

]]>

ಜನ ಕೂತಿದ್ದರೂ ಕ್ಯಾರೇ ಎನ್ನದೆ ಸಾಕು ನಾಯಿ ಹೊತ್ತೊಯ್ದ ಚಿರತೆ: ಭಯಾನಕ ದೃಶ್ಯ ವೈರಲ್

Sun, 18 Oct 2026 11:53:17 +0000

ಗಾಂಧಿನಗರ, ಅ. 18: ಕಾಡು ಪ್ರಾಣಿಗಳು ಜನ ವಸತಿ ಪ್ರದೇಶಕ್ಕೆ ಭೇಟಿ ನೀಡಿ ದಾಳಿ ಮಾಡುತ್ತಿರುವ ಪ್ರಕರಣಗಳು ಹೆಚ್ಚಾಗುತ್ತಿವೆ. ಇದೀಗ ಗುಜರಾತ್‌ನ ಜುನಾಗಢದಲ್ಲಿರುವ ಪ್ರೇರಣಾಧಮ್‌ನಲ್ಲಿ ಆಘತಕಾರಿ ಘಟನೆಯೊಂದು ನಡೆದಿದೆ. ಆಶ್ರಮದ ಮುಂಬಾಗಲ್ಲೇ ಜನ ಕುತಿದ್ದರೂ ವೇಗವಾಗಿ ಬಂದ ಚಿರತೆಯೊಂದು ನಾಯಿಯ ಮೇಲೆ ಏಕಾಏಕಿ ದಾಳಿ ಮಾಡಿ ಹೊತ್ತೊಯ್ದಿದೆ. ಈ ಘಟನೆಯ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು ಭಾರಿ ವೈರಲ್ (Viral News) ಆಗಿದೆ.

ಗುಜರಾತ್‌ನ ಜುನಾಗಢದಲ್ಲಿರುವ 'ಪ್ರೇರಣಾಧಾಮ ಆಶ್ರಮ'ದ ಹೊರಗೆ ಈ ಘಟನೆ ನಡೆದಿದೆ. ಕೆಲವೇ ಮೀಟರ್‌ಗಳ ಅಂತರದಲ್ಲಿ ಜನರು ಕುಳಿತಿದ್ದಾಗ, ಸಂಜೆ 7.30ರ ಸುಮಾರಿಗೆ ಚಿರತೆಯೊಂದು ಒಮ್ಮಿಂದೊಮ್ಮಲೆ ಆಗಮಿಸಿದ್ದು ನಾಯಿಯನ್ನು ಎತ್ತಿಕೊಂಡು ಹೋಗಿದೆ. ಆಶ್ರಮದ ಉಸ್ತುವಾರಿ ರಾಜ್‌ಭಾಯಿ ಸಿಸಿಟಿವಿ ದೃಶ್ಯಾವಳಿಯನ್ನು ಪರಿಶೀಲಿಸಿದಾಗ ಈ ಘಟನೆಯ ಅರಿವಾಗಿದೆ.

ಚಿರತೆ ದಾಳಿಯ ವಿಡಿಯೊ ನೋಡಿ:

LEOPARD SNATCHES DOG NEAR THREE MEN SITTING ON A BENCH IN GUJARAT A leopard suddenly grabbed a dog near the entrance of Prernadham Ashram in Junagadh, Gujarat and carried it away towards the forest. Three men were sitting on a nearby bench when the incident occurred on Friday evening. The moment was captured on CCTV. CCTV Footage #Gujarat #Leopard
— contentkikamii (@contentkikamii) October 17, 2026

ವೈರಲ್ ಆದ ವಿಡಿಯೊದಲ್ಲಿ ಕೆಲವೇ ದೂರದಲ್ಲಿ ಮೂವರು ವ್ಯಕ್ತಿಗಳು ಬೆಂಚ್ ಮೇಲೆ ಕುಳಿತು ಮೊಬೈಲ್ ನೋಡುತ್ತಾ ಪರಸ್ಪರ ಮಾತನಾಡುತ್ತಿದ್ದರು. ಚಿರತೆ ಅಷ್ಟು ಹತ್ತಿರಕ್ಕೆ ಬಂದು ಕೆಲವೇ ಕ್ಷಣಗಳಲ್ಲಿ ದಾಳಿ ನಡೆಸಿ ನಾಯಿಯನ್ನು ಹೊತ್ತೊಯ್ದಿದೆ.

ಕೇರಳಂ ಮೀರಿಸುವ ಹೊನ್ನಾವರ ಹಿನ್ನೀರು ಸ್ವರ್ಗ

ಆದರೆ ಅಲ್ಲಿದ್ದ ಯಾರಿಗೂ ಆ ಕ್ಷಣದಲ್ಲಿ ವಿಷಯದ ಸುಳಿವೇ ಸಿಕ್ಕಿರಲಿಲ್ಲ. ಸದ್ಯ ಕಾಡು ಪ್ರಾಣಿಗಳು ಜನನಿಬಿಡ ಪ್ರದೇಶಗಳಿಗೂ ಭೇಟಿ ನೀಡುತ್ತಿದ್ದು ಸ್ಥಳೀಯರಲ್ಲಿ ಹಾಗೂ ಆಶ್ರಮದ ಆವರಣದಲ್ಲಿ ಭಯದ ವಾತಾವರಣ ಉಂಟು ಮಾಡಿದೆ.

]]>

ಹೆಬ್ಬಾವನ್ನೇ ಹಗ್ಗದಂತೆ ಬಳಸಿ ಹುಚ್ಚಾಟ ಮೆರೆದ ಯುವಕರು; ಅಮಾನುಷ ಕೃತ್ಯ ನೋಡಿ ಬೆಚ್ಚಿಬಿದ್ದ ನೆಟ್ಟಿಗರು

Sun, 18 Oct 2026 11:42:54 +0000

ತಿರುವನಂತಪುರಂ, ಅ. 18: ವನ್ಯ ಜೀವಿಗಳ ರಕ್ಷಣೆ ಬಗ್ಗೆ ಸರ್ಕಾರ ಎಷ್ಟು ಜಾಗೃತಿ ಮೂಡಿಸಿದರೂ ಜನರ ವರ್ತನೆಗಳು ಬದಲಾಗುತ್ತಿಲ್ಲ. ಇದಕ್ಕೆ ಸಾಕ್ಷಿ ಎನ್ನುವಂತೆ ಕೇರಳಂನ ಎರ್ನಾಕುಳಂನಲ್ಲಿ ಆಘತಕಾರಿ ಘಟನೆಯೊಂದು (Viral News) ನಡೆದಿದೆ. ನಾಲ್ವರು ಯುವಕರು ಜೀವಂತ ಹೆಬ್ಬಾವು ಒಂದನ್ನು ಹಿಡಿದುಕೊಂಡು ವಿಕೃತ ಮೆರೆಯುತ್ತಿರುವುದು ಕಂಡುಬಂದಿದೆ. ಇವರಲ್ಲಿ ಇಬ್ಬರು ಹಾವನ್ನು ಆಚೀಚೆ ತಿರುಗಿಸುತ್ತಿದ್ದರೆ, ಮತ್ತೊಬ್ಬ ಯುವಕ ಅದನ್ನು ಹಗ್ಗದಂತೆ ಬಳಸಿಕೊಂಡು ಅದರ ಮೇಲಿಂದ ಜಿಗಿದಿದ್ದಾನೆ. ಸದ್ಯ ಈ ಘಟನೆಯ ವಿಡಿಯೊ ವೈರಲ್‌ ಅಗಿದೆ.

ಹೆಬ್ಬಾವನ್ನು ಯುವಕರು ಹಗ್ಗದಂತೆ ಬಳಸಿ ಆಟವಾಡಿರುವ ಆಘಾತಕಾರಿ ವಿಡಿಯೊ ಸೋಷಿಯಲ್ ಮೀಡಿಯಾದಲ್ಲಿ ಆಕ್ರೋಸಕ್ಕೆ ಕಾರಣವಾಗಿದೆ. ʼಸ್ಟ್ರೀಟ್ ಡಾಗ್ ಆಫ್ ಬಾಂಬೆ' ಎಂಬ ಇನ್‌ಸ್ಟಾಗ್ರಾಮ್ ಪೇಜ್‌ನಲ್ಲಿ ಈ ವಿಡಿಯೊ ಹಂಚಿ ಕೊಳ್ಳಲಾಗಿದ್ದು, ಕೇರಳಂ ಅರಣ್ಯ ಇಲಾಖೆಯು ತನಿಖೆ ನಡೆಸಿ ಸೂಕ್ತ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದೆ.

ವಿಡಿಯೊ ನೋಡಿ:

View this post on Instagram

A post shared by StreetdogsofBombay (@streetdogsofbombay)

ನಾಲ್ವರು ಯುವಕರು ಜೀವಂತ ಹೆಬ್ಬಾವಿನೊಂದಿಗೆ ವಿಕೃತ ಮೆರೆದಿದ್ದಾರೆ‌. ಇಬ್ಬರು ಯುವಕರು ದೊಡ್ಡ ಗಾತ್ರದ ಹೆಬ್ಬಾವಿನ 2 ತುದಿಯನ್ನು ಹಿಡಿದಿದ್ದರೆ ಮತ್ತೊಬ್ಬ ಯುವಕ ಆ ಹೆಬ್ಬಾವನ್ನೇ ರೋಪ್ ರೀತಿಯಲ್ಲಿ ಬಳಸಿಕೊಂಡು ಅದರ ಮೇಲೆ ಜಿಗಿದಿದ್ದಾನೆ. ತಮ್ಮ ಹುಚ್ಚಾಟಕ್ಕಾಗಿ ಕಾಡು ಪ್ರಾಣಿಗಳನ್ನು ಈ ರೀತಿ ದುರ್ಬಳಕೆ ಮಾಡಿಕೊಳ್ಳುತ್ತಿರುವ ಬಗ್ಗೆ ನೆಟ್ಟಿಗರು ಕಿಡಿಕಾರುತ್ತಿದ್ದಾರೆ.

ವಾಹನ ಸಂಚರಿಸುತ್ತಿದ್ದಂತೆ ಬಿರುಕು ಬಿಟ್ಟು ರಸ್ತೆಯಿಂದ ಜಿನುಗಿತು ನೀರು!

ಪ್ರಾಣಿಗಳಿಗೂ ಸುರಕ್ಷಿತವಾಗಿರಲು ಮತ್ತು ತಮ್ಮ ನೈಸರ್ಗಿಕ ಆವಾಸಸ್ಥಾನಗಳಲ್ಲಿ ಬದುಕಲು ಹಕ್ಕಿದೆ. ತಮ್ಮ ಆನಂದಗೋಸ್ಕರ ಈ ರೀತಿಯಾಗಿ ವರ್ತನೆ ತೋರುವುದು ತಪ್ಪು ಎಂದು ಈ ಪೇಜ್ ತೀವ್ರವಾಗಿ ಖಂಡಿಸಿದೆ. ಪ್ರಾಣಿ ಹಿಂಸೆಯ ಈ ವಿಡಿಯೊ ವ್ಯಾಪಕವಾಗಿ ಹರಡುತ್ತಿದ್ದಂತೆ, ಸಾರ್ವಜನಿಕರು ಕೇರಳಂ ಪೊಲೀಸರಿಗೆ ಟ್ಯಾಗ್ ಮಾಡಿ ಕೂಡಲೇ ತಪ್ಪಿತಸ್ಥರ ವಿರುದ್ಧ ವನ್ಯಜೀವಿ ಸಂರಕ್ಷಣಾ ಕಾಯ್ದೆಯಡಿ ಕಠಿಣ ಕಾನೂನು ಕ್ರಮ ಕೈಗೊಳ್ಳಲು ಆಗ್ರಹಿಸಿದ್ದಾರೆ.

]]>

ಫ್ರಾನ್ಸ್‌ನಲ್ಲಿ ಹಿಂಸಾಚಾರ: ಐಷಾರಾಮಿ ಅಂಗಡಿಗಳು ಲೂಟಿ, ಬೃಹತ್ ಕಟ್ಟಡಗಳಿಗೆ ಬೆಂಕಿ, 1,200ಕ್ಕೂ ಹೆಚ್ಚು ಜನರ ಬಂಧನ

Sun, 18 Oct 2026 11:42:41 +0000

ಫ್ರಾನ್ಸ್: ಹೆಚ್ಚಿದ ಜನ ಜೀವನ ವೆಚ್ಚ, ಸಾರ್ವಜನಿಕ ಸೇವೆಗಳಲ್ಲಿ ನಿರ್ಲಕ್ಷ್ಯ ಕುರಿತು ಫ್ರಾನ್ಸ್ (france) ನಾದ್ಯಂತ ಉಂಟಾಗಿರುವ ಗಲಭೆ ಶನಿವಾರ ಹಿಂಸಾತ್ಮಕ (france voilence) ರೂಪ ತಳೆದಿದೆ. ಹಲವಾರು ಕಟ್ಟಡಗಳಿಗೆ ಬೆಂಕಿ (Fire) ಹಚ್ಚಲಾಗಿದ್ದು, ಐಷಾರಾಮಿ ಅಂಗಡಿಗಳನ್ನು ಲೂಟಿ ಮಾಡಲಾಗಿದೆ. 1,200ಕ್ಕೂ ಹೆಚ್ಚು ಪ್ರತಿಭಟನಾಕಾರರನ್ನು ಬಂಧಿಸಲಾಗಿದೆ. ಸರ್ಕಾರದ ವಿರುದ್ಧ 5 ಲಕ್ಷಕ್ಕೂ ಹೆಚ್ಚು ಜನರು ಬೀದಿಗೆ ಇಳಿದಿದ್ದು, 1,200ಕ್ಕೂ ಹೆಚ್ಚು ಮಂದಿಯನ್ನು ಬಂಧಿಸಲಾಗಿದೆ. ಪೊಲೀಸರು ಮತ್ತು ಪ್ರತಿಭಟನಾಕಾರರ ನಡುವೆ ನಡೆದ ಸಂಘರ್ಷದಲ್ಲಿ150ಕ್ಕೂ ಹೆಚ್ಚು ಪೊಲೀಸ್ ಅಧಿಕಾರಿಗಳು ಗಾಯಗೊಂಡಿದ್ದಾರೆ.

ಈ ಕುರಿತು ಮಾಹಿತಿ ನೀಡಿರುವ ಆಂತರಿಕ ಸಚಿವ ಲಾರೆಂಟ್ ನುನೆಜ್, ಪ್ಯಾರಿಸ್‌ನಾದ್ಯಂತ ಅಶ್ರುವಾಯುವಿನ ಸದ್ದು ಕೇಳುತ್ತಿದೆ. ಹಲವಾರು ಫ್ರೆಂಚ್ ನಗರಗಳಲ್ಲಿ ಕಟ್ಟಡಗಳು ಬೆಂಕಿಯಿಂದ ಹೊತ್ತಿ ಉರಿಯುತ್ತಿದೆ. ಪ್ಯಾರಿಸ್‌ನಲ್ಲಿ 1,10,000 ಸೇರಿದಂತೆ ಫ್ರಾನ್ಸ್‌ನಾದ್ಯಂತ ಒಟ್ಟು ಸುಮಾರು 5,50,000ಕ್ಕೂ ಹೆಚ್ಚು ಜನರು ಬೀದಿಗಿಳಿದು ಪ್ರತಿಭಟನೆ ನಡೆಸುತ್ತಿದ್ದಾರೆ ಎಂದು ತಿಳಿಸಿದರು.

ಫ್ರಾನ್ಸ್‌ನಲ್ಲಿ ಭುಗಿಲೆದ್ದ ಹಿಂಸಾಚಾರ:

France erupts.  Fuel prices, living costs, crumbling schools and a budget plan freezing benefits brought 550,000 onto the streets, by the government's own count. From Paris to Dijon, the chant was "Macron DEMISSION."  Then came 1,200 arrests, 150 police hurt and Limoges' town hall in flames.  The anger is real. So is the violence. Blur them and the looters get the HEADLINE.
— Rajat Jain (@RajatJain) October 18, 2026

ಪ್ರಧಾನಿ ಸೆಬಾಸ್ಟಿಯನ್ ಲೆಕೋರ್ನು ನೀಡಿರುವ ಮಾಹಿತಿ ಪ್ರಕಾರ ಪ್ರತಿಭಟನೆಗಳು ಹಿಂಸಾತ್ಮಕ ರೂಪ ಪಡೆದುದರಿಂದ 1,200 ಕ್ಕೂ ಹೆಚ್ಚು ಜನರನ್ನು ಬಂಧಿಸಲಾಗಿದೆ. 150 ಪೊಲೀಸ್ ಅಧಿಕಾರಿಗಳು ಗಾಯಗೊಂಡಿದ್ದಾರೆ ಎಂದು ತಿಳಿಸಿದ್ದಾರೆ.

ಹೊರ್ಮುಜ್ ಜಲಸಂಧಿ, ರೊಮೇನಿಯಾದಲ್ಲಿ ಟ್ಯಾಂಕರ್‌ಗಳ ಮೇಲೆ ದಾಳಿ: 24 ಭಾರತೀಯ ನಾವಿಕರು ಸುರಕ್ಷಿತ

ಶಾಲಾ ಅವ್ಯವಸ್ಥೆಗಳ ಕುರಿತು ಆರಂಭದಲ್ಲಿ ವಿದ್ಯಾರ್ಥಿಗಳು ಪ್ರತಿಭಟನೆಯನ್ನು ಪ್ರಾರಂಭಿಸಿದ್ದರು. ಇದರ ಬಳಿಕ ಸಾರ್ವಜನಿಕ ಸೇವೆಗಳಲ್ಲಿನ ಅವ್ಯವಸ್ಥೆ ಕುರಿತು ಕಾರ್ಮಿಕ ಸಂಘಗಳು ಬೀದಿಗಿಳಿದವು. ಇದು ವಿಶಾಲ ಚಳುವಳಿಯಾಗಿ ರೂಪುಗೊಂಡಿತು.

ಶನಿವಾರ ಮಧ್ಯಾಹ್ನ ಪ್ಯಾರಿಸ್‌ನಲ್ಲಿ ನಡೆದ ಪ್ರಮುಖ ಮೆರವಣಿಗೆ ಶಾಂತಿಯುತವಾಗಿ ನಡೆದಿತ್ತು. ಆದರೆ ಸಂಜೆ ವೇಳೆ ಪ್ರತಿಭಟನಾಕಾರರ ಗುಂಪುಗಳು ಬೀದಿಗಳಲ್ಲಿ ಬೆಂಕಿ ಹಚ್ಚಿದವು. ಪ್ಲೇಸ್ ಡೆ ಲಾ ರಿಪಬ್ಲಿಕ್ ಸೇರಿದಂತೆ ಪ್ರಮುಖ ಸ್ಥಳಗಳ ಬಳಿ ವಾಹನಗಳನ್ನು ಸುಟ್ಟುಹಾಕಿದವು. ಇದು ಪೊಲೀಸರು ಮತ್ತು ಪ್ರತಿಭಟನಾಕಾರರ ನಡುವೆ ಘರ್ಷಣೆಗೆ ಕಾರಣವಾಯಿತು.

ಪ್ರತಿಭಟನಾಕಾರರನ್ನು ನಿಯಂತ್ರಿಸಲು ಪೊಲೀಸರು ಅಶ್ರುವಾಯು ಸಿಡಿಸಿದರು. ನೀರಿನ ಫಿರಂಗಿಯನ್ನು ಬಳಸಿದರು. ಆದರೆ ಜನರು ಪೋಲೀಸರ ಮೇಲೆ ಎರಗಿದ್ದರಿಂದ ಪೊಲೀಸರು ಲಾಠಿ ಚಾರ್ಜ್ ಮಾಡಬೇಕಾಯಿತು. ಪ್ರತಿಭಟನಾಕಾರರು ಹಲವಾರು ಅಂಗಡಿಗಳನ್ನು ಲೂಟಿ ಮಾಡಿದ್ದಾರೆ. ಬಟ್ಟೆ ಮತ್ತು ಆಹಾರ ಮಳಿಗೆಗಳನ್ನು ಗುರಿಯಾಗಿಸಿಕೊಂಡು ದಾಳಿ ನಡೆಸಲಾಯಿತು. ಸರ್ಕಾರಿ ಕಟ್ಟಡಗಳನ್ನು ಧ್ವಂಸಗೊಳಿಸಲಾಯಿತು.

ಲಿಯಾನ್‌ನಲ್ಲಿ, ನಗರದ ಪ್ರವಾಸಿ ಕಚೇರಿಗೆ ಬೆಂಕಿ ಹಚ್ಚಲಾಗಿದೆ. ಈ ಕುರಿತು ಹೇಳಿಕೆ ನೀಡಿರುವ ಮೇಯರ್ ಗ್ರೆಗೊರಿ ಡೌಸೆಟ್ , ಇದೊಂದು ದುರಂತ. ಇದು ಅತ್ಯಂತ ಪ್ರಸಿದ್ಧ ಐತಿಹಾಸಿಕ ಕಟ್ಟಡ. ಇದು ನಮ್ಮ ಹೃದಯವನ್ನು ಒಡೆದಿದೆ. ಬೆಂಕಿ ನಂದಿಸಲು ಮುಂದಾದ ಅಗ್ನಿಶಾಮಕ ದಳದವರನ್ನು ತಡೆಯಲಾಗಿದೆ ಎಂದರು.

ಲಿಮೋಗೆಸ್‌ನಲ್ಲಿ ಟೌನ್ ಹಾಲ್‌ನಲ್ಲಿ ಬೆಂಕಿಯಿಂದಾಗಿ ಕಟ್ಟಡದ ಛಾವಣಿಯ ಒಂದು ಭಾಗ ಕುಸಿದಿದೆ . ಗ್ರೆನೋಬಲ್, ಅವಿಗ್ನಾನ್, ಪೌ, ಮಾಂಟ್ಪೆಲಿಯರ್ ಮತ್ತು ವ್ಯಾಲೆನ್ಸ್‌ನಲ್ಲಿಯೂ ಕಟ್ಟಡಗಳಿಗೆ ಹಾನಿಯಾಗಿದೆ.

ಪ್ರತಿಯೊಬ್ಬ ನಾಗರಿಗಕನಿಗೂ ಭಾರತದಲ್ಲಿ ಶಾಂತಿಯುತ ಪ್ರತಿಭಟನೆ ನಡೆಸುವ ಸ್ವಾತಂತ್ರ್ಯವಿದೆ: ವಿಶ್ವಸಂಸ್ಥೆಗೆ ಭಾರತೀಯ ರಾಯಭಾರಿಯಿಂದ ಸ್ಪಷ್ಟನೆ

ಫ್ರೆಂಚ್ ಅಧ್ಯಕ್ಷ ಎಮ್ಯಾನುಯೆಲ್ ಮ್ಯಾಕ್ರನ್ ಅವರು ಶನಿವಾರ ತಡರಾತ್ರಿ ಸಾಮಾಜಿಕ ಮಾಧ್ಯಮ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಮಾಡಿ, ಬೆಂಕಿ ಹಚ್ಚುವಿಕೆ, ಲೂಟಿ ಮತ್ತು ಸಾರ್ವಜನಿಕ ಕಟ್ಟಡಗಳ ಮೇಲಿನ ದಾಳಿಯಲ್ಲಿ ಭಾಗಿಯಾಗಿರುವವರ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳುವುದಾಗಿ ಎಚ್ಚರಿಸಿದರು.

]]>

ಗ್ರೇಟರ್‌ ನೋಯ್ಡಾದ ಒಂದೇ ಕುಟುಂಬದ ಐವರ ಸಾವಿನ ಪ್ರಕರಣಕ್ಕೆ ಟ್ವಿಸ್ಟ್‌; ನೂಡಲ್ಸ್‌ಗೆ ವಿಷ ಬೆರೆಸಿದ್ದೇ ಮಕ್ಕಳ ತಂದೆ! ಜಮೀನು ವಿವಾದವೇ ಕೃತ್ಯಕ್ಕೆ ಕಾರಣ?

Sun, 18 Oct 2026 11:27:59 +0000

ಲಖನೌ, ಅ. 18: ಉತ್ತರ ಪ್ರದೇಶದ ಗ್ರೇಟರ್‌ ನೋಯ್ಡಾದಲ್ಲಿ ಒಂದೇ ಕುಟುಂಬದ ಐವರು ಮೃತಪಟ್ಟ ಪ್ರಕರಣಕ್ಕೆ ಮಹತ್ವದ ತಿರುವು ಸಿಕ್ಕಿದೆ. ಆರಂಭದಲ್ಲಿ ನೂಡಲ್ಸ್‌ ಸೇವಿಸಿ ಈ ಐವರು ಮೃತಪಟ್ಟಿದ್ದಾರೆ ಎನ್ನಲಾಗಿತ್ತು (Noida Family Deaths). ಪ್ರಕರಣ ಕೈಗೆತ್ತಿಕೊಂಡ ಪೊಲೀಸರ ಮುಂದೆ ಬೆಚ್ಚಿ ಬೀಳಿಸುವ ಅಂಶ ತೆರೆದುಕೊಂಡಿದೆ. ಇದು ಆಕಸ್ಮಿಕ ಸಾವಲ್ಲ, ಬದಲಾಗಿ ಜಮೀನು ವಿವಾದದ ಕಾರಣಕ್ಕೆ ಇಡೀ ಕುಟುಂಬವೇ ಆತ್ಮಹತ್ಯೆ ಮಾಡಿಕೊಂಡಿದೆ ಎಂದು ಪೊಲೀಸರು ತಿಳಿಸಿದ್ದಾಗಿ ಎನ್‌ಡಿಟಿವಿ ವರದಿ ಮಾಡಿದೆ.

ಶನಿವಾರ (ಅಕ್ಟೋಬರ್‌ 17) ಗ್ರೇಟರ್‌ ನೋಯ್ಡಾದ ನಂಗ್ಲಾ ಶ್ರೀಪಾದಮ್‌ ಗ್ರಾಮದ ತಮ್ಮ ಮನೆಯಲ್ಲಿ ಮಹೇಶ್‌ (37), ಆತನ ಪತ್ನಿ ಲಲಿತಾ (35), ಮಕ್ಕಳಾದ ಮಿಶ್ಟಿ (7), ಲಡ್ಡು (11) ಮತ್ತು ಸಾಕ್ಷಾತ್‌ (3) ಶವವಾಗಿ ಪತ್ತೆಯಾಗಿದ್ದರು. ಶನಿವಾರ ಬೆಳಗ್ಗೆ ಬಹಳ ಹೊತ್ತಾದರೂ ಮನೆ ಬಾಗಿಲು ತೆರೆಯದೇ ಇದ್ದಾಗ ನೆರೆಹೊರೆಯವರು ಅನುಮಾನಗೊಂಡು ನೋಡಿದಾಗ ಐವರು ಮೃತಪಟ್ಟಿರುವುದು ಬೆಳಕಿಗೆ ಬಂದಿತ್ತು. ಹಿಂದಿನ ದಿನ ರಾತ್ರಿ ಅವರು ನೂಡಲ್ಸ್‌ ಮತ್ತು ಟೀ ಸೇವಿಸಿದ್ದಾಗಿ ಮಹೇಶ್‌ ಅವರ ತಾಯಿ ತಿಳಿಸಿದ್ದರು. ಹೀಗಾಗಿ ಫುಡ್‌ ಪಾಯಿಸನ್‌ನಿಂದ ಸಾವು ಸಂಭವಿಸಿರಬಹುದು ಎನ್ನುವ ಅನುಮಾನ ವ್ಯಕ್ತವಾಗಿತ್ತು.

ಗ್ರೇಟರ್‌ ನೋಯ್ಡಾದ ಸಾಮೂಹಿಕ ಹತ್ಯೆಯ ಬಗ್ಗೆ ಪೊಲೀಸರಿಂದ ಮಾಹಿತಿ:

आज दिनांक 17.10.2026 को प्रातः थाना रबूपुरा पर सूचना प्राप्त हुई कि ग्राम नगला श्री पदम निवासी एक ही परिवार के 05 सदस्य जिसमें पति-पत्नी व उनके 03 बच्चों की मृत्यु हो गई है। सूचना प्राप्त होते ही स्थानीय पुलिस बल, उच्चाधिकारीगण, एम्बुलेंस एवं फूड व सेफ्टी विभाग की टीम तत्काल मौके पर पहुँचे। फील्ड यूनिट, फोरेंसिक टीम द्वारा घटनास्थल का गहन निरीक्षण कर वैज्ञानिक साक्ष्य संकलित किए जा रहे हैं। मृतकों के शव का पंचायतनामा भरकर पोस्टमार्टम हेतु भेजा गया है। प्रथम दृष्टया मामला ‘फूड पॉइजनिंग’ का होना पाया जा रहा है। खाद्य एवं फूड सेफ्टी विभाग द्वारा सैंपल लेकर आवश्यक परीक्षण किए जा रहे है। पोस्टमार्टम रिपोर्ट एवं अन्य वैज्ञानिक जांच के आधार पर अग्रिम विधिक कार्रवाई सुनिश्चित की जा रही है। उक्त के संबंध में @DCPGreaterNoida द्वारा दी गई बाइट।
— POLICE COMMISSIONERATE GAUTAM BUDDH NAGAR (@noidapolice) October 17, 2026

ಸಾವಿಗೆ ನಿಜವಾದ ಕಾರಣವೇನು?

ತನಿಖೆ ಕೈಗೆತ್ತಿಕೊಂಡ ಪೊಲೀಸರು ಇದೀಗ ಐವರ ಸಾವಿನ ನಿಜ ಕಾರಣ ಬಿಚ್ಚಿಟ್ಟಿದ್ದಾರೆ. ಮಹೇಶ್‌ ನೂಡಲ್ಸ್‌ನಲ್ಲಿ ವಿಷ ಬೆರೆಸಿದ್ದ ಎಂದು ತಿಳಿಸಿದ್ದಾರೆ. ಆತನ ಮೊಬೈಲ್‌ನಲ್ಲಿ ಆಡಿಯೊ ನೋಟ್‌ ಲಭಿಸಿದ್ದು, ಅದರಲ್ಲಿ ಸಾವಿಗೆ ಇಬ್ಬರು ಸಹೋದರಿಯರು ಮತ್ತು ಬಾವಂದಿರು ಕಾರಣ ಎಂದಿರುವುದು ಪತ್ತೆಯಾಗಿದೆ ಎನ್ನಲಾಗಿದೆ. ಇದೀಗ ಅವರನ್ನು ಪೊಲೀಸರು ವಶಕ್ಕೆ ಪಡೆದು ತನಿಖೆಗೆ ಒಳಪಡಿಸಿದ್ದಾರೆ.

ಐಐಟಿ ಬಾಂಬೆ ವಿದ್ಯಾರ್ಥಿ ಆತ್ಮಹತ್ಯೆ: ಸಾವಿಗೂ ಮುನ್ನ ತಪ್ಪು ಮಾಡಿದ್ದಾಗಿ ಸ್ನೇಹಿತೆ ಬಳಿ ಹೇಳಿದ್ದೇಕೆ ಸಾಹಿಲ್ ವಕೋಡೆ

ಮಹೇಶ್‌ ಅವರ ಸಂಬಂಧಿ ನೀರಜಾ ಈ ಬಗ್ಗೆ ಮಾತನಾಡಿ ಜಮೀನಿಗೆ ಸಂಬಂಧಿಸಿದಂತೆ ಹಲವು ಸಮಯಗಳಿಂದ ಇರುವ ವಿವಾದ ಕುಟುಂಬಸ್ಥರ ತಲೆನೋವಿಗೆ ಕಾರಣವಾಗಿತ್ತು. ಪತಿಯ ಮರಣದ ನಂತರ ತಮ್ಮನ್ನು ಮನೆಯಿಂದ ಹೊರ ಹಾಕಲಾಗಿತ್ತು. ಮಹೇಶ್‌ ಮರಳಿ ಕರೆತರುವ ಭರವಸೆ ನೀಡಿದ್ದಾಗಿ ತಿಳಿಸಿದ್ದಾರೆ.

ಗ್ರೇಟರ್‌ ನೋಯ್ದಾದಲ್ಲಿ ಆತ್ಮಹತ್ಯೆ ಮಾಡಿಕೊಂಡ ಕುಟುಂಬ ಸದಸ್ಯರು:

In the Rabupura town of Greater Noida, five members of the same family died under suspicious circumstances. The deceased include Mahesh (36), his wife Lalita (33), and their three children. It is reported that the family had eaten noodles at night and gone to sleep. When no one woke up in the morning, neighbors informed the police. Food poisoning is suspected, although the cause of death is not yet clear. @noidapolice has sent the bodies for postmortem and initiated an investigation. #Noida #UttarPradesh https://t.co/1xA7rvfA5E
— Siraj Noorani (@sirajnoorani) October 17, 2026

ಆಹಾರ ಸುರಕ್ಷತಾ ಅಧಿಕಾರಿಗಳು ಸ್ಥಳಕ್ಕೆ ಧಾವಿಸಿ ಮಾದರಿ ಸಂಗ್ರಹಿಸಿದ್ದಾರೆ. ಆಹಾರದಲ್ಲಿ ವಿಷ ಬೆರೆಸಿರುವುದನ್ನು ಅವರು ದೃಢಪಡಿಸಿದ್ದಾರೆ. ಫುಡ್‌ ಸಾಧ್ಯತೆಯನ್ನು ತಳ್ಳಿ ಹಾಕಿದ್ದಾರೆ. ಆಹಾರ ಸುರಕ್ಷತಾ ಅಧಿಕಾರಿ ಒ.ಪಿ. ಸಿಂಗ್‌ ಮಾತನಾಡಿ, ಸ್ಥಳದಲ್ಲಿ ಸಿಕ್ಕ ಆಹಾರ ಪದಾರ್ಥಗಳನ್ನು, ರ‍್ಯಾಪರ್‌ ಪರಿಶೀಲಿಸಲಾಗಿದ್ದು, ಅವಧಿ ಮೀರಿದ ಯಾವುದೇ ವಸ್ತು ಸಿಕ್ಕಿಲ್ಲ ಎಂದಿದ್ದಾರೆ. ʼʼಫುಡ್‌ ಪಾಯಿಸನ್‌ ಆಗಿಲ್ಲ. ನೂಡಲ್ಸ್‌ಗೆ ವಿಷ ಬೆರೆಸಿರುವ ಸಾಧ್ಯತೆಯೇ ಅಧಿಕ. ಈ ಬಗ್ಗೆ ಹೆಚ್ಚಿನ ತನಿಖೆ ನಡೆಸಲಾಗುತ್ತಿದೆʼʼ ಎಂದು ವಿವರಿಸಿದ್ದಾರೆ. ಫುಡ್‌ ಪಾಯಿಸನ್‌ನ ಸಾಮಾನ್ಯ ಲಕ್ಷಣವಾದ ವಾಂತಿ ಮಾಡಿರುವುದು ಕಂಡು ಬಂದಿಲ್ಲ. ʼʼಮೃತರ ಪೈಕಿ ಓರ್ವ ಮಗುವಿನ ಬಾಯಿಯಲ್ಲಿ ನೊರೆ ಇತ್ತು ಎಂದು ಸ್ಥಳೀಯರು ತಿಳಿಸಿದ್ದಾರೆ. ಇದು ವಿಷ ಸೇವನೆಯ ಲಕ್ಷಣʼʼ ಎಂದು ಅವರು ವಿವರಿಸಿದ್ದಾರೆ.

ದೇಶದ ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.

ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.

]]>

K.B. Jayanna: ತುಮಕೂರು ವಿದ್ಯಾವಾಹಿನಿ ಸಂಸ್ಥೆ ಸಂಸ್ಥಾಪಕ ಕೆ.ಬಿ. ಜಯಣ್ಣ ನಿಧನ

Sun, 18 Oct 2026 11:18:55 +0000

ತುಮಕೂರು: ನಗರದ ವಿದ್ಯಾವಾಹಿನಿ ಶಿಕ್ಷಣ ಸಂಸ್ಥೆಯ ಸಂಸ್ಥಾಪಕ, ಶಿಕ್ಷಣತಜ್ಞರಾದ ಕೆ.ಬಿ. ಜಯಣ್ಣ (K.B. Jayanna) ಅವರು ಭಾನುವಾರ ಬೆಳಿಗ್ಗೆ ತಮ್ಮ ನಿವಾಸದಲ್ಲಿ ನಿಧನರಾದರು. ಅವರಿಗೆ 80 ವರ್ಷ ವಯಸ್ಸಾಗಿತ್ತು. ಪತ್ನಿ ಪೂರ್ಣಿಮಾ, ಮಗಳು ಪ್ರಿಯಾ, ಅಳಿಯ, ವಿದ್ಯಾವಾಹಿನಿ ಸಂಸ್ಥೆ ಕಾರ್ಯದರ್ಶಿ ಎನ್.ಬಿ. ಪ್ರದೀಪ್‌ಕುಮಾರ್, ಇಬ್ಬರು ಮೊಮ್ಮಕ್ಕಳು ಹಾಗೂ ಅಪಾರ ಬಂಧುಬಳಗವನ್ನು ಅಗಲಿದ್ದಾರೆ.

ಕ್ಯಾತ್ಸಂದ್ರದ ಪಟೇಲ್ ಕುಟುಂಬದವರಾದ ಕೆ.ಬಿ. ಜಯಣ್ಣನವರು 46 ವರ್ಷಗಳ ಹಿಂದೆ ನಗರದಲ್ಲಿ ವಿದ್ಯಾವಾಹಿನಿ ಶಿಕ್ಷಣ ಸಂಸ್ಥೆ ಸ್ಥಾಪನೆ ಮಾಡಿದ್ದರು. ವಿವಿಧ ಸಮಾಜಸೇವಾ ಸಂಸ್ಥೆಗಳಲ್ಲಿ ಸಕ್ರಿಯ ಸೇವೆ ಸಲ್ಲಿಸಿ ಜನಾನುರಾಗಿಯಾಗಿದ್ದರು. ಬೆಳಿಗ್ಗೆ ಅವರ ನಿವಾಸದಲ್ಲಿ ಪಾರ್ಥಿವಶರೀರವನ್ನು ಸಾರ್ವಜನಿಕರ ದರ್ಶನಕ್ಕಾಗಿ ಇಡಲಾಗಿತ್ತು. ಸಾವಿರಾರು ಜನ ಬಂದು ಅಂತಿಮ ನಮನ ಸಲ್ಲಿಸಿದರು. ನಗರ ಸಮೀಪದ ಬಸದಿಬೆಟ್ಟದ ತಪ್ಪಲಿನ ಅವರ ಜಮೀನಿನಲ್ಲಿ ಸಂಜೆ ಅಂತ್ಯ ಸಂಸ್ಕಾರ ನೆರವೇರಿತು.

ಸಿದ್ಧಗಂಗಾ ಮಠದ ಸಿದ್ಧಲಿಂಗ ಸ್ವಾಮೀಜಿ, ಹಿರೇಮಠದ ಡಾ. ಶಿವಾನಂದ ಶಿವಾಚಾರ್ಯ ಸ್ವಾಮೀಜಿ, ಬೆಳ್ಳಾವಿ ಕಾರದೇಶ್ವರ ಮಠದ ಕಾರದ ವೀರಬಸವ ಸ್ವಾಮೀಜಿ ಸೇರಿದಂತೆ ವಿವಿಧ ಮಠಾಧೀಶರು ಕೆ.ಬಿ. ಜಯಣ್ಣನವರ ಅಂತಿಮ ದರ್ಶನ ಪಡೆದು ಆತ್ಮಕ್ಕೆ ಶಾಂತಿ ಕೋರಿದರು.

ಶಾಸಕರಾದ ಕೆ.ಎನ್. ರಾಜಣ್ಣ, ಜಿ.ಬಿ. ಜ್ಯೋತಿಗಣೇಶ್, ಎಸ್.ಆರ್. ಶ್ರೀನಿವಾಸ್, ವಿಧಾನಪರಿಷತ್ ಸದಸ್ಯರಾದ ರಾಜೇಂದ್ರ ರಾಜಣ್ಣ, ಚಿದಾನಂದಗೌಡ, ಮಾಜಿ ಸಂಸದ ಜಿ.ಎಸ್. ಬಸವರಾಜು, ಮಾಜಿ ಸಚಿವ ಸೊಗಡು ಶಿವಣ್ಣ, ಮಾಜಿ ಶಾಸಕ ಡಾ. ರಫೀಕ್ ಅಹ್ಮದ್, ಜಿಲ್ಲಾ ಬಿಜೆಪಿ ಅಧ್ಯಕ್ಷ ಹೆಬ್ಬಾಕ ರವಿಶಂಕರ್, ಟಿಎಂಸಿಸಿ ಅಧ್ಯಕ್ಷ ಡಾ.ಎನ್.ಎಸ್. ಜಯಕುಮಾರ್, ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಅಧ್ಯಕ್ಷ ಕೆ.ಎಸ್. ಸಿದ್ಧಲಿಂಗಪ್ಪ, ಬಾಪೂಜಿ ವಿದ್ಯಾಂಸ್ಥೆಯ ಎನ್. ಬಸವಯ್ಯ, ಆಡಿಟರ್ ಟಿ.ಆರ್. ಆಂಜನಪ್ಪ, ಬಿಜೆಪಿ ಮುಖಂಡರಾದ ವೈ.ಹೆಚ್. ಹುಚ್ಚಯ್ಯ, ಎಸ್.ಪಿ. ಚಿದಾನಂದ್, ಬ್ಯಾಟರಂಗೇಗೌಡ, ಅರಕೆರೆ ರವೀಶ್, ಡಾ.ಎಸ್. ನಾಗಣ್ಣ, ಸಹ ಸಂಪಾದಕ ಟಿ.ಎನ್. ಮಧುಕರ್, ಹಿರಿಯ ಕ್ರೀಡಾಪಟು ಟಿ.ಕೆ. ಆನಂದ್, ರುಪ್ಸಾ ಸಂಘಟನೆ ರಾಜ್ಯಾಧ್ಯಕ್ಷ ಹಾಲನೂನು ಲೇಪಾಕ್ಷ್, ಜೆಡಿಎಸ್ ಮುಖಂಡರಾದ ಶ್ರೀನಿವಾಸಪ್ರಸಾದ್, ಟಿ.ಆರ್. ನಾಗರಾಜ್, ಕಾಂಗ್ರೆಸ್ ಮುಖಂಡ ಕೆ. ನಯಾಜ್ ಅಹ್ಮದ್, ವಕೀಲರ ಸಂಘದ ಅಧ್ಯಕ್ಷ ಕೆಂಪರಾಜಯ್ಯ, ಜ್ಞಾನಬುತ್ತಿ ಸಂಸ್ಥೆಯ ಮುರಳಿಕೃಷ್ಣಪ್ಪ, ಬಸವರಾಜ ಹಿರೇಮಠ್, ವೀರಶೈವ ಸಮಾಜ ಸೇವಾ ಸಮಿತಿ ಮುಖಂಡರು, ವಿವಿಧ ಸಂಘಸಂಸ್ಥೆಗಳ ಪ್ರಮುಖರು ಆಗಮಿಸಿ ಪಾರ್ಥಿಶರೀರದ ದರ್ಶನ ಮಾಡಿ ಕೆ.ಬಿ. ಜಯಣ್ಣ ಅವರಿಗೆ ಅಂತಿಮ ನಮನ ಸಲ್ಲಿಸಿದರು.

ಕೇಂದ್ರ ಸಚಿವ ವಿ. ಸೋಮಣ್ಣ ಸಂತಾಪ:

ಶಿಕ್ಷಣ ಕ್ಷೇತ್ರದಲ್ಲಿ ತಮ್ಮದೇ ಆದ ಛಾಪು ಮೂಡಿಸಿದ್ದ ಕೆ.ಬಿ. ಜಯಣ್ಣನವರು ಅಸಂಖ್ಯಾತ ವಿದ್ಯಾರ್ಥಿಗಳ ಬದುಕಿಗೆ ಜ್ಞಾನದ ಬೆಳಕಾಗಿದ್ದ ಶಿಕ್ಷಣ ಭೀಷ್ಮ. ಇವರ ಅಗಲಿಕೆಯಿಂದ ಶಿಕ್ಷಣ ಕ್ಷೇತ್ರಕ್ಕೆ ತುಂಬಲಾರದ ನಷ್ಟವುಂಟಾಗಿದೆ ಎಂದು ಕೇಂದ್ರ ಜಲಶಕ್ತಿ ಮತ್ತು ರೈಲ್ವೆ ಖಾತೆ ರಾಜ್ಯ ಸಚಿವ ವಿ. ಸೋಮಣ್ಣ ಸಂತಾಪ ವ್ಯಕ್ತಪಡಿಸಿದ್ದಾರೆ.

ಜಯಣ್ಣನವರ ಮಾರ್ಗದರ್ಶನ, ಆದರ್ಶ ಹಾಗೂ ಶಿಕ್ಷಣದ ಬಗ್ಗೆ ಅವರಿಗಿದ್ದ ಕಾಳಜಿಯು ಸದಾ ನಮ್ಮೆಲ್ಲರ ಹೃದಯದಲ್ಲಿ ಅಚ್ಚಳಿಯದೇ ಉಳಿದಿದೆ. ತುಮಕೂರು ನಗರದಲ್ಲಿ ವಿದ್ಯಾವಾಹಿನಿ ವಿದ್ಯಾಸಂಸ್ಥೆಯನ್ನು ಸ್ಥಾಪಿಸಿ ತನ್ಮೂಲಕ ವಿದ್ಯಾವಾಹಿನಿ ಮತ್ತು ವಿದ್ಯಾನಿಧಿ ಪದವಿ ಪೂರ್ವ ಕಾಲೇಜುಗಳ ಮುಖಾಂತರ ಸಲ್ಲಿಸಿರುವ ಸೇವೆ ಶ್ಲಾಘನೀಯವಾದದ್ದು. ನಾನಾ ಬಗೆಯ ಶಿಕ್ಷಣ ಶಾಖೆಗಳನ್ನು ತೆರೆದು ವಿದ್ಯಾರ್ಥಿಗಳಿಗೆ ಮಹದುಪಕಾರವೆಸಗಿದ್ದಾರೆ ಎಂದು ಹೇಳಿ, ಅವರ ಆತ್ಮಕ್ಕೆ ಶಾಂತಿ ಕೋರಿದ್ದಾರೆ.

]]>

Sting Operation: ಸ್ಟಿಂಗ್ ಮಾಡಿದವನಿಗೆ ನಟ್ಟು ಬೋಲ್ಟು ಸರಿ ಇದ್ದಂತೆ ಇಲ್ಲ: ಮತ್ತೆ ಗುಡುಗಿದ ಎಚ್.ಡಿ. ಕುಮಾರಸ್ವಾಮಿ

Sun, 18 Oct 2026 11:05:43 +0000

ಹಾಸನ, ಅಕ್ಟೋಬರ್ 18: ಅವನು ಯಾವನಿಗೋ ನಟ್ಟು ಬೋಲ್ಟು ಸರಿ ಇದ್ದಂತೆ ಇಲ್ಲ. 2028ಕ್ಕೆ ಜೆಡಿಎಸ್-ಬಿಜೆಪಿ ಸಮ್ಮಿಶ್ರ ಸರಕಾರ ಬರುವುದು ನಿಶ್ಚಿತ. ಈಗಿರುವ ಮುಖ್ಯಮಂತ್ರಿ ಇರುವುದಿಲ್ಲ. ಆಗ ಕುಮಾರಸ್ವಾಮಿಯ ಇನ್ನೊಂದು ಮುಖ ತೋರಿಸುತ್ತೇನೆ ಎಂದು ಕೇಂದ್ರ ಸಚಿವ ಎಚ್.ಡಿ.ಕುಮಾರಸ್ವಾಮಿ (H.D. Kumaraswamy) ಎಚ್ಚರಿಕೆ ನೀಡಿದರು.

ಹಾಸನದಲ್ಲಿ ಶಾಸಕ ಸ್ವರೂಪ ಪ್ರಕಾಶ್ ಅವರ ನಿವಾಸದಲ್ಲಿ ಮಾಧ್ಯಮಗೋಷ್ಠಿಯನ್ನು ಉದ್ದೇಶಿಸಿ ಮಾತನಾಡಿದ ಕೇಂದ್ರ ಸಚಿವರು; ನನ್ನನ್ನು ಆತ ಉತ್ತರ ಕುಮಾರ, ನಿರುದ್ಯೋಗಿ ಎಂದು ಕರೆದಿದ್ದಾರೆ. ಆತನನ್ನು ಗೃಹ ಸಚಿವ ಎಂದು ಕರೆಯಲು ಆಗುತ್ತದೆಯೇ? ಎಂದ ಕುಮಾರಸ್ವಾಮಿ ಅವರು, ಈ ಮಂತ್ರಿಯ ನಡೆ, ವರಸೆ ನೋಡಿದರೆ ಸ್ಟಿಂಗ್ ವಿಚಾರದಲ್ಲಿ ದೊಡ್ಡ ಹುನ್ನಾರ ನಡೆದಿದೆ ಎಂಬ ಅನುಮಾನ ಬರುತ್ತಿದೆ. ಇಡೀ ರಾಜ್ಯದ ದಿಕ್ಕು ತಪ್ಪಿಸಲು, ಸದಾಕಾಲ ಕುಮಾರಸ್ವಾಮಿಯನ್ನು ಪ್ರಚೋದಿಸಲು ಮುಖ್ಯಮಂತ್ರಿ ಪ್ರಿಯಾಂಕ್ ಖರ್ಗೆಗೆ ಸುಪಾರಿ ಕೊಟ್ಟಿರಬಹುದು. ಕೊಟ್ಟಿದ್ದರೆ ಕೊಡಲಿ ಎಂದು ಸಚಿವರು ಕಿಡಿಕಾರಿದರು.

ಈ ವ್ಯಕ್ತಿ ಗ್ರಾಮೀಣಾಭಿವೃದ್ಧಿ, ಪಂಚಾಯತ್ ಮಂತ್ರಿ ಆಗಿದ್ದಾಗ ನಡೆದಿರುವ ಕೆಪಿಎಸ್ಸಿ ಹಗರಣದ ಬಗ್ಗೆ ಎಲ್ಲ ಮಾಹಿತಿ ಇದ್ದರೂ ಎಲ್ಲಿದೆ ಹಗರಣ ಎಂದು ಕೇಳುತ್ತಾರೆ. ನಾನು ಸಾಲು ಸಾಲಾಗಿ ದಾಖಲೆಗಳನ್ನು ಬಿಡುಗಡೆ ಮಾಡಿದರೂ ಅದರ ಬಗ್ಗೆ ತುಟಿ ಬಿಚ್ಚಿದ ಈ ಖರ್ಗೆ, ಅದೇ ಬೇರೆ ವಿಷಯಗಳು ಬಂದ ಕೂಡಲೇ ಗಂಟಲು ದೊಡ್ಡದು ಮಾಡಿ ಕೂಗಾಡುತ್ತಾರೆ. ಕೆಪಿಎಸ್ಸಿ ಹಗರಣದ ವಿಚಾರದಲ್ಲಿ ಅವರ ಬಳಿ ಉತ್ತರವೇ ಇಲ್ಲ. ಜತೆಗೆ ಸ್ಟಿಂಗ್ ಆಪರೇಷನ್ ನಾನೇ ಮಾಡಿದ್ದು ಎಂದು ಅಪರಾಧಿ ಹೇಳಿದ್ದರೂ ಅವನನ್ನು ಮುಟ್ಟುವ ಧೈರ್ಯ ಈ ಮಂತ್ರಿಗೆ ಇಲ್ಲ. ಈಗಲೂ ಆರೋಪಿಯನ್ನು ರಕ್ಷಿಸುತ್ತಿದ್ದಾರೆ ಎಂದು ಕುಮಾರಸ್ವಾಮಿ ಆಕ್ರೋಶ ವ್ಯಕ್ತಪಡಿಸಿದರು.

ಸಿದ್ದರಾಮಯ್ಯ ವರ್ಚಸ್ಸು ಹಾಳು ಮಾಡಲು ಸ್ಟಿಂಗ್‌ ಆಪರೇಷನ್‌; ಮಾಜಿ ಮುಖ್ಯಮಂತ್ರಿ ಪರ ಎಚ್‌.ಡಿ. ಕುಮಾರಸ್ವಾಮಿ ಬ್ಯಾಟಿಂಗ್‌

ಇವರೆಲ್ಲ ಸಿದ್ದರಾಮಯ್ಯ ಅವರಿಗೆ ಚಿರಋಣಿ ಇರಬೇಕು. ಅವರೊಬ್ಬರು ಇಲ್ಲದಿದ್ದರೆ ಇಷ್ಟೊತ್ತಿಗೆ ಕರ್ನಾಟಕದಲ್ಲಿ ಕಾಂಗ್ರೆಸ್ ಪಕ್ಷವೇ ಮುಗಿದು ಹೋಗುತ್ತಿತ್ತು. ಅಂತ ವ್ಯಕ್ತಿಯನ್ನು ಮುಗಿಸಲು ಈ ಪ್ರಿಯಾಂಕ ಖರ್ಗೆ, ಹಾಲಿ ಮುಖ್ಯಮಂತ್ರಿ ಎಲ್ಲರೂ ಸೇರಿಕೊಂಡು ಸ್ಟಿಂಗ್ ಮಾಡುವ ಕಿರಾತಕರನ್ನು ಜತೆಯಲ್ಲಿಟ್ಟುಕೊಂಡು ಅವರ ಅಧಿಕಾರವನ್ನು ಕಿತ್ತುಕೊಂಡರು ಎಂದು ಸಚಿವರು ಆರೋಪಿಸಿದರು.

ಇವರೇನು ಶಾಶ್ವತವಾಗಿ ಅಧಿಕಾರದಲ್ಲಿ ಇರುತ್ತಾರೆಯೇ? ಇನ್ನೊಂದು ವರ್ಷ ಕಳೆಯಲಿ. ಜನಾದೇಶ ಬರುತ್ತದೆ. ಇವರ ಅಕ್ರಮಗಳಿಗೆ ಕರ್ನಾಟಕದ ಜನ ತಕ್ಕ ಪಾಠ ಕಲಿಸುತ್ತಾರೆ. ಸಮ್ಮಿಶ್ರ ಸರ್ಕಾರ ಅಧಿಕಾರಕ್ಕೆ ಬಂದೇ ಬರುತ್ತದೆ. ಆಗ ನನ್ನ ಇನ್ನೊಂದು ಮುಖವನ್ನು ಇವರೆಲ್ಲ ತೋರಿಸುತ್ತೇನೆ. ಕುಮಾರಸ್ವಾಮಿ ಏನು ಎಂಬುದು ಇವರಿಗೆ ಅರಿವು ಮಾಡಿಸುತ್ತೇನೆ ಎಂದು ಕೇಂದ್ರ ಸಚಿವರು ಗುಡುಗಿದರು.

ಸ್ಟಿಂಗ್ ಮಾಡಿದ ಇವನು ಈಗ ನೋಡಿದರೆ ಸಿದ್ದರಾಮಯ್ಯ ಸಾಕ್ಷಾತ್ ನಮ್ಮಪ್ಪನ ತರ ಎಂದು ಹೇಳುತ್ತಾನೆ. ಇನ್ನೊಬ್ಬರ ತಂದೆ ತಾಯಿ ಬಗ್ಗೆ ಗೌರವ ಇಲ್ಲದ ಇವನು ಯಾರಿಗೆ ಹುಟ್ಟಿದನೋ ಗೊತ್ತಿಲ್ಲ. ಬಹಳ ಮೆರೆಯುತ್ತಿರುವ ಅವನಿಗೆ ಪಾಠ ಕಲಿಸುವ ದಿನ ದೂರವಿಲ್ಲ. ಈ ಮುಖ್ಯಮಂತ್ರಿ, ಈ ಗೃಹ ಮಂತ್ರಿ ಎಷ್ಟು ದಿನ ಅವನಿಗೆ ರಕ್ಷಣೆ ಕೊಡಲು ಸಾಧ್ಯ? ಕೇರಳಕ್ಕೆ ಹೋಗಿ ಇವನು ಏನು ಸ್ಟಿಂಗ್ ಮಾಡಿದ? ಎಲ್ಲಾದರೂ ಸಿದ್ದರಾಮಯ್ಯ ಅವರ ದೇಹದ ಮೇಲೆ ಮಚ್ಚೆಗಳು, ಗುರುತುಗಳು ಇವೆಯಾ? ಅವರು ಎಷ್ಟು ಹೊತ್ತು ಇದ್ದರು ಎಂದು ಕೇಳುತ್ತಾನೆ. ಮಾಜಿ ಮುಖ್ಯಮಂತ್ರಿ ವಿರುದ್ಧ ಆ ಮಹಿಳೆಯನ್ನು ಎತ್ತಿ ಕಟ್ಟುವ ನೀಚ ಕೆಲಸ ಮಾಡುತ್ತಾನೆ. ಅಂತವನಿಗೆ ಈ ಸರಕಾರ ರಕ್ಷಣೆ ಕೊಡುತ್ತಿದೆ ಎಂದು ಕುಮಾರಸ್ವಾಮಿ ಅವರು ಹರಿಹಾಯ್ದರು.

ನಿನ್ನೆ ರಾಜ್ಯ ಪೊಲೀಸ್ ಮಹಾ ನಿರ್ದೇಶಕರಿಗೆ ಸ್ಟಿಂಗ್ ಮಾಡಿದ ಆರೋಪಿಗಳ ಮೇಲೆ ದೂರು ಕೊಡದು ಹೋಗಿದ್ದೆವು. ಪಾಪ.. ಅಲ್ಲಿ ಹಾಜರಿದ್ದವರ ಮುಖಭಾವ ನೋಡಿದರೆ ಸರಿಯಾದ ತನಿಖೆ ನಡೆಯುವ ಲಕ್ಷಣಗಳು ಕಾಣಿಸುತ್ತಿಲ್ಲ. ಅವರಿಂದ ಯಾವುದೇ ಭಾವನೆಗಳು ವ್ಯಕ್ತವಾಗಲಿಲ್ಲ ಹಾಗೂ ಪ್ರತಿಕ್ರಿಯೆ ಕೂಡ ಸಿಗಲಿಲ್ಲ. ಪಾಪ.. ಅವನ ಸ್ಟಿಂಗ್ ಖೆಡ್ಡಾದಲ್ಲಿ ಅದೆಷ್ಟು ಪೊಲೀಸರು ಬಿದ್ದಿದ್ದಾರೋ ಗೊತ್ತಿಲ್ಲ. ಅದಕ್ಕೆ ಏನೋ ಇಡೀ ಪೊಲೀಸ್ ಇಲಾಖೆ ಅವನೆಂದರೆ ನಡುಗುತ್ತಿದೆ. ನನಗಿರುವ ಮಾಹಿತಿ ಪ್ರಕಾರ ಸುಮಾರು 100 ರಿಂದ 150 ಜನ ಪೊಲೀಸ್ ಅಧಿಕಾರಿಗಳನ್ನು ಸ್ಟಿಂಗ್ ಮಾಡಿ ವಿಡಿಯೋ ಇಟ್ಟುಕೊಂಡಿದ್ದಾನೆ ಎಂದು ಹೇಳಲಾಗುತ್ತಿದೆ. ಪ್ರಿಯಾಂಕ ಖರ್ಗೆ ನೋಡುತ್ತಿರುವ ಗೃಹ ಇಲಾಖೆ ಯಾವ ರೀತಿ ಕೆಲಸ ಮಾಡುತ್ತಿದೆ ಎಂಬುದಕ್ಕೆ ಇದೊಂದು ಸಾಕ್ಷಿ ಸಾಕು ಎಂದು ಕೇಂದ್ರ ಸಚಿವರು ತಿರುಗೇಟು ಕೊಟ್ಟರು.

ಎಸ್ಟಿ ಸಮುದಾಯ ಹಿರಿಯ ನಾಯಕರಾದ ರಮೇಶ್ ಜಾರಕಿಹೋಳಿ ಅವರ ವಿರುದ್ಧ ಸಂಚು ಮಾಡಿದವರು ಯಾರು? ಸಿದ್ದರಾಮಯ್ಯ ಸಂಪುಟದಲ್ಲಿ ಸಹಕಾರ ಸಚಿವರಾಗಿದ್ದ ಕೆಏನ್ ರಾಜಣ್ಣ ಅವರ ವಿರುದ್ಧ ಟ್ರ್ಯಾಪ್ ಮಾಡಿಸಲು ದುಶ್ಪ್ರಯತ್ನ ನಡೆಸಿದ್ದು ಯಾರು? ಸ್ವತಃ ರಾಜಣ್ಣ ಅವರೇ ವಿಧಾನಸಭೆಯಲ್ಲಿ ಹೇಳಿದರಲ್ಲಪ್ಪ ಪ್ರಿಯಾಂಕ ಖರ್ಗೆ.. ಅವತ್ತೇನು ಸದನದಲ್ಲಿ ಕಣ್ಣು ಕಿವಿ ಎಲ್ಲವನ್ನು ಮುಚ್ಚಿಕೊಂಡು ಕುಳಿತಿದ್ದೀಯಾ? ಹೇಗೆ ಎಂದು ಕೇಂದ್ರ ಸಚಿವರು ಖಾರವಾಗಿ ಪ್ರಶ್ನಿಸಿದರು.

ಇಡೀ ವ್ಯವಸ್ಥೆಯನ್ನೇ ಬ್ಲಾಕ್ಮೇಲ್ ಮಾಡುವ ದುಷ್ಟನಿಗೆ ಡಿಕೆ ಶಿವಕುಮಾರ್ ಸರ್ಕಾರ ಶರಣಾಗಿದೆ. ಇಡೀ ಪೊಲೀಸ್ ಇಲಾಖೆಯನ್ನು ಅವನಿಗೆ ಒತ್ತೆ ಇಟ್ಟಿದ್ದಾರ ಎನ್ನುವ ಅನುಮಾನ ಬರುತ್ತಿದೆ. ಆ ವ್ಯಕ್ತಿಗೆ ನಟ್ಟು ಬೋಲ್ಟು ಸರಿ ಇಲ್ಲವಾ ಅಂಥ ಅನಿಸುತ್ತಿದೆ ಎಂದು ಸಚಿವರು ಆಕ್ರೋಶ ವ್ಯಕ್ತಪಡಿಸಿದರು.

ಹಿಂದೆ ನಾನು ಮೊದಲ ಬಾರಿ ಸಿಎಂ ಆಗಿದ್ದಾಗ ನನ್ನ ವಿರುದ್ಧ ₹150 ಕೋಟಿ ಗಣಿ ಲಂಚ ಆರೋಪ ಮಾಡಲಾಯಿತು. ಜನಾರ್ದನರೆಡ್ಡಿಯಿಂದ ನನ್ನ ಮೇಲೆ ಆರೋಪ ಮಾಡಿಸಿದರು. ಆಗಲು ನಾನು ಅಧಿಕಾರ ದುರುಪಯೋಗ ಮಾಡಿಕೊಂಡಿಲ್ಲ. ನಾನು ಏಕಾಂಗಿಯಾಗಿ ಹೋರಾಟ ಮಾಡುತ್ತಿದ್ದೇನೆ. ನಮ್ಮ ಕುಟುಂಬದ ಮುಗಿಸಲು ಹೊರಟಿದ್ದಾರೆ. ಹಾಸನಾನಾಂಬೆ ದೇಗುಲ ಬಾಗಿಲು ಶೀಘ್ರವಾಗಿ ತೆರೆಯಲಿದೆ. ಇಲ್ಲಿ ಕುಳಿತು ಮಾತಾಡುತ್ತಿದ್ದೇನೆ. 2028ಕ್ಕೆ ಸಮ್ಮಿಶ್ತ ಸರ್ಕಾರ ಬರೋದು ಶತಸಿದ್ಧ. ಕುಮಾರಸ್ವಾಮಿಯ ಇನ್ನೊಂದು ಮುಖ ತೋರಿಸುತ್ತೇನೆ ಎಂದು ಅವರು ಗುಡುಗಿದರು.

ರಾಜ್ಯದಲ್ಲಿ ಇಷ್ಟೆಲ್ಲಾ ನಡೆಯುತ್ತಿದ್ದರೂ ಸಿದ್ದರಾಮಯ್ಯ ಅವರು ಬಾಯಿ ಬಿಡುತ್ತಿಲ್ಲ. ಅವರು ಮೌನಕ್ಕೆ ಶರಣಾಗಿದ್ದಾರೆ. ಇದು ನನಗೆ ಅಚ್ಚರಿ ಉಂಟು ಮಾಡಿದೆ ಎಂದು ಸಚಿವರು ಕಳವಳ ವ್ಯಕ್ತಪಡಿಸಿದರು.

ಮಾಧ್ಯಮಗೋಷ್ಟಿಯಲ್ಲಿ ಶಾಸಕರಾದ ಎ.ಮಂಜು, ಸ್ವರೂಪ್ ಪ್ರಕಾಶ್ ಸೇರಿದಂತೆ ಜೆಡಿಎಸ್ ಪಕ್ಷದ ವಿವಿಧ ಗಣ್ಯರು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು.

]]>

ಕೋಲ್ಕತಾ ದುರ್ಗಾ ಪೆಂಡಾಲ್‌ನಲ್ಲಿ ಕಾಲ್ತುಳಿತ ಸಂಭವಿಸಿದ್ದು ಹೇಗೆ? ದುರಂತದ ಕ್ಷಣ ವಿಡಿಯೊದಲ್ಲಿ ಸೆರೆ

Sun, 18 Oct 2026 10:22:35 +0000

ಕೋಲ್ಕತಾ, ಅ. 18: ನವರಾತ್ರಿಯ ಸಂಭ್ರಮದಲ್ಲಿದ್ದ ಪಶ್ಚಿಮ ಬಂಗಾಳದ ಕೋಲ್ಕತಾ ಇದೀಗ ಶನಿವಾರ (ಅಕ್ಟೋಬರ್‌ 17) ಸಂಭವಿಸಿದ ಭೀಕರ ಕಾಲ್ತುಳಿತದ ಆಘಾತದಲ್ಲಿದೆ. ಉತ್ತರ ಕೋಲ್ಕತಾದಲ್ಲಿ ಶನಿವಾರ ಸಂಜೆ ದುರ್ಗಾ ಪೂಜೆ ವೇಳೆ ಪೆಂಡಾಲ್‌ ಕುಸಿದು ಬಳಿಕ ಉಂಟಾದ ಕಾಲ್ತುಳಿತದಲ್ಲಿ 19 ಮಂದಿ ಮೃತಪಟ್ಟಿದ್ದು, ಕನಿಷ್ಠ 23 ಮಂದಿ ಚಿಕಿತ್ಸೆ ಪಡೆಯುತ್ತಿದ್ದಾರೆ (Kolkata Durga Puja Stampede). ದೇಶವನ್ನೇ ನಡುಗಿಸಿದ ಈ ಭೀಕರ ಘಟನೆ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ವಿಡಿಯೊ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ಕೋಲ್ಕತಾದ ಚೋರ್ಬಾಗನ್‌ ದುರ್ಗಾ ಪೆಂಡಾಲ್‌ನಲ್ಲಿ ಈ ಅವಘಡ ನಡೆದಿದೆ. ಮಳೆ ಆರಂಭವಾಗುತ್ತಿದ್ದಂತೆ ಜನರು ಏಕಾಏಕಿ ನುಗ್ಗಿದ್ದರಿಂದ ಪೆಂಡಾಲ್‌ ಕುಸಿದಿದೆ. ಈ ವೇಳೆ ಕೆಲವರು ಕುಸಿದು ಬಿದ್ದು ಕಾಲ್ತುಳಿತ ಸಂಭವಿಸಿದೆ ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ. ಸ್ಥಳದಲ್ಲಿ ಸಾಕಷ್ಟು ಬೆಳಕಿನ ವ್ಯವಸ್ಥೆಯೂ ಇರಲಿಲ್ಲ ಎಂದು ಮೂಲಗಳು ತಿಳಿಸಿವೆ. ಇದರಿಂದ ಪರಿಸ್ಥಿತಿ ಮತ್ತಷ್ಟು ಬಿಗಡಾಯಿಸಿತು.

ಎನ್‌ಡಿಟಿವಿ ಹಂಚಿಕೊಂಡ ವೈರಲ್‌ ವಿಡಿಯೊ ಇಲ್ಲಿದೆ:

#BREAKING | Video Shows Moment Kolkata Durga Puja Stampede Broke Out, Killing 19 https://t.co/JAVqjhkfnT
— NDTV (@ndtv) October 18, 2026

ವಿಡಿಯೊದಲ್ಲಿ ಏನಿದೆ?

ವೈರಲ್‌ ಆಗಿರುವ 49 ಸೆಕೆಂಡ್‌ನ ಈ ವಿಡಿಯೊ ಕಾಲ್ತುಳಿತ ದುರಂತದ ಭೀಕರತೆಯನ್ನು ತೆರೆದಿಟ್ಟಿದೆ. ಜನಸಂದಣಿಯಲ್ಲಿದ್ದ ವ್ಯಕ್ತಿಯೊಬ್ಬರು ಮೊಬೈಲ್‌ ಫೋನ್‌ನಲ್ಲಿ ಈ ದೃಶ್ಯ ಸೆರೆ ಹಿಡಿದಿದ್ದಾರೆ. ಬ್ಯಾರಿಕೇಡ್‌ ಅಳವಡಿಸಿರುವ, ಕಿರಿದಾದ ದ್ವಾರದ ಬಳಿ ಹಲವು ಮಂದಿ ಸಿಲುಕಿಕೊಂಡಿರುವುದು ಕಂಡು ಬಂದಿದೆ. ಈ ವೇಳೆ ಮಹಿಳೆ ಮತ್ತು ಮಗುವೊಂದು ಸಹಾಯಕ್ಕಾಗಿ ಅಳುತ್ತಿರುವುದು ವಿಡಿಯೊದಲ್ಲಿದೆ.

ಕಂದನನ್ನು ರಕ್ಷಿಸಿ ಪ್ರಾಣ ಬಿಟ್ಟ ತಾಯಿ: ಮನ ಕಲಕುವಂತಿದೆ ಕೋಲ್ಕತ್ತಾ ಕಾಲ್ತುಳಿದ ಒಂದೊಂದು ಘಟನೆ

ಅಗಲ ಕಿರಿದಾದ ಸ್ಥಳದಲ್ಲಿ ಜನರು ಹೊರಬರಲಾರದೆ ಹೆಣಗಾಡುತ್ತಿರುವುದು ದೃಶ್ಯದಲ್ಲಿ ಕಾಣಬಹುದು. ಕೆಲವರು ಬೀಳದಂತೆ ಗೋಡೆಯನ್ನು ತಡೆಹಿಡಿಯುತ್ತಿರುವುದು ಕಂಡುಬಂದಿದೆ. ಮತ್ತೊಂದು ವಿಡಿಯೊದಲ್ಲಿ ಪೆಂಡಾಲ್‌ನಿಂದ ಜನರು ಹೊರ ಬರುತ್ತಿರುವುದನ್ನು ನೋಡಬಹುದು. ಸಂಜೆ ಸುಮಾರು 7:40ಕ್ಕೆ ಈ ದುರಂತ ಸಂಭವಿಸಿದ್ದು, ಆ ವೇಳೆ ಅಲ್ಲಿ ಜೋರಾಗಿ ಮಳೆ ಸುರಿಯುತ್ತಿತ್ತು ಎಂದು ಸ್ಥಳೀಯರು ಹೇಳಿದ್ದಾರೆ. ಮೃತರಲ್ಲಿ 13 ಮಹಿಳೆಯರು ಮತ್ತು ಓರ್ವ ಮಗು ಸೇರಿದೆ.

ಅನೌನ್ಸ್‌ಮೆಂಟ್‌ ಜೀವಗಳನ್ನೇ ಬಲಿ ಪಡೆಯಿತಾ?

ಈ ಮಧ್ಯೆ ಮುನ್ನೆಚ್ಚರಿಕೆಯ ಕ್ರಮವಾಗಿ ಆಯೋಜಕರು ಮಾಡಿದ ಅನೌನ್ಸ್‌ಮೆಂಟ್‌ ಜೀವಗಳನ್ನು ಬಲಿ ಪಡೆಯಿತಾ ಎನ್ನುವ ಅನುಮಾನವೂ ಮೂಡಿದೆ. ಪೆಂಡಾಲ್‌ ಕುಸಿಯುವ ಸಾಧ್ಯತೆ ಇದೆ ಎಂದು ಎಚ್ಚರಿಕೆ ನೀಡಿದ್ದರಿಂದ ಒಮ್ಮೆಲೇ ಭಕ್ತರು ಹೊರಗೋಡಲು ನುಗ್ಗಿದರು ಎನ್ನಲಾಗಿದೆ. ಇನ್ನು ಜನಸಂದಣಿಯನ್ನು ಸೂಕ್ತವಾಗಿ ನಿಯಂತ್ರಿಸಲು ಸಮರ್ಪಕ ವ್ಯವಸ್ಥೆ ಇರಲಿಲ್ಲ ಎಂದೂ ಪೊಲೀಸರು ತಿಳಿಸಿದ್ದಾರೆ. ಅಲ್ಲದೆ ನಿರ್ಗಮನ ದ್ವಾರ ಅಗಲ ಕಿರಿದಾಗಿದ್ದಲ್ಲದೆ ಸೂಕ್ತ ಬೆಳಕಿನ ವ್ಯವಸ್ಥೆಯ ಕೊರತೆಯೂ ದುರಂತ ಕಾರಣವಾಯ್ತು ಎಂದು ಮೂಲಗಳು ಹೇಳಿವೆ. ʼʼಪೆಂಡಾಲ್‌ ಕುಸಿಯುವ ಸಾಧ್ಯತೆ ಇದೆ ಎಂದು ಮಾಡಿದ ಅನೌನ್ಸ್‌ಮೆಂಟ್‌ ಭಕ್ತರಲ್ಲಿ ಭಯ ಮೂಡಿಸಿತು. ಹೀಗಾಗಿ ಒಮ್ಮೆಲೇ ಹೊರಗೋಡಲು ಮುಂದಾದರುʼʼ ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ.

ಕೋಲ್ಕತ್ತಾ ಕಾಲ್ತುಳಿತ ಪ್ರಕರಣ; ಸಾವಿನ ಸಂಖ್ಯೆ 19ಕ್ಕೆ ಏರಿಕೆ, 7 ಮಂದಿ ಬಂಧನ

7 ಮಂದಿ ವಶಕ್ಕೆ

ಘಟನೆಗೆ ಸಂಬಂಧಿಸಿದಂತೆ, ಚೋರ್ಬಾಗನ್‌ ಸರ್ವಜನಿಕ ದುರ್ಗೋತ್ಸವ ಸಮಿತಿಯ ಪದಾಧಿಕಾರಿಗಳು ಸೇರಿ ಏಳು ಮಂದಿಯನ್ನು ಬಂಧಿಸಲಾಗಿದೆ. ಬಂಧಿತರ ಪೈಕಿ ಕಾರ್ಯಕ್ರಮ ನಡೆಯುವ ಸ್ಥಳದಲ್ಲಿನ ಆಯೋಜನಾ ಸಮಿತಿ, ನಿರ್ಮಾಣ ಕಾರ್ಯ, ಜನಸಂದಣಿ ನಿಯಂತ್ರಣ ಮತ್ತು ಭದ್ರತಾ ವ್ಯವಸ್ಥೆಗಳಿಗೆ ಸಂಬಂಧಿಸಿದ ವ್ಯಕ್ತಿಗಳು ಸೇರಿದ್ದಾರೆ.

ದೇಶದ ಸುದ್ದಿ ಓದಲು ಇಲ್ಲಿ ಕ್ಲಿಕ್‌ ಮಾಡಿ.

ʼಪ್ರವಾಸಿ ಪ್ರಪಂಚʼ ವೆಬ್‌ಸೈಟ್‌ಗೆ ಭೇಟಿ ನೀಡಲು ಇಲ್ಲಿ ಕ್ಲಿಕ್‌ ಮಾಡಿ.

]]>

ರಣಜಿ ಟ್ರೋಫಿಗೆ ಮರಳಿದ ಶುಭಮನ್ ಗಿಲ್ ಕೇವಲ 1 ರನ್‌ಗೆ ಔಟ್

Sun, 18 Oct 2026 10:05:08 +0000

ಚಂಡೀಗಢ, ಅ.18: ರಣಜಿ ಟ್ರೋಫಿಗೆ ಶುಭಮನ್ ಗಿಲ್ ಅವರ ಮರಳುವಿಕೆ ಅಂದುಕೊಂಡಂತೆ ನಡೆಯಲಿಲ್ಲ. ಭಾನುವಾರ ನ್ಯೂ ಚಂಡೀಗಢದ ನ್ಯೂ ಪಿಸಿಎ (PCA) ಕ್ರೀಡಾಂಗಣದಲ್ಲಿ ಛತ್ತೀಸ್‌ಗಢ ವಿರುದ್ಧ ಪಂಜಾಬ್ ಪರ ಕಣಕ್ಕಿಳಿದ ಅವರು ಕೇವಲ ಒಂದು ರನ್ ಗಳಿಸಿ ಔಟಾದರು. ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ಗೆ ಇಳಿದ ಗಿಲ್, ಕೇವಲ ಐದು ಎಸೆತಗಳನ್ನು ಎದುರಿಸಲಷ್ಟೇ ಶಕ್ತರಾದರು. ಎಡಗೈ ಸ್ಪಿನ್ನರ್ ಅಜಯ್ ಮಂಡಲ್ ಎಸೆತಕ್ಕೆ ಕ್ಲೀನ್‌ ಬೌಲ್ಡ್ ಆದರು.

26ನೇ ಓವರ್‌ನ ಮೊದಲ ಎಸೆತದಲ್ಲಿ ವಿಹಾನ್ ಮಲ್ಹೋತ್ರಾ ಔಟ್ ಆದ ನಂತರ, ಗಿಲ್ ಬ್ಯಾಟಿಂಗ್ ಮಾಡಲು ಕ್ರೀಸ್‌ಗೆ ಬಂದರು. ತಾವು ಎದುರಿಸಿದ ಎರಡನೇ ಎಸೆತದಲ್ಲಿ ಒಂದು ರನ್ ಗಳಿಸುವ ಮೂಲಕ ಅವರು ತಮ್ಮ ಖಾತೆ ತೆರೆದರು, ಆದರೆ ಆ ಇನ್ನಿಂಗ್ಸ್ ಅನ್ನು ಮುಂದುವರಿಸಲು ಅವರಿಗೆ ಸಾಧ್ಯವಾಗಲಿಲ್ಲ. ಮಂಡಲ್ ಎಸೆದ ಚೆಂಡು ನೇರವಾದ ಹಾದಿಯಲ್ಲಿ ಬಂದು, ಬ್ಯಾಟ್ ಮತ್ತು ಪ್ಯಾಡ್‌ಗಳ ನಡುವಿನ ಅಂತರದ ಮೂಲಕ ನುಗ್ಗಿ ಮಿಡಲ್ ಸ್ಟಂಪ್‌ಗೆ ಬಡಿಯಿತು.

SHAME ON BCCI FOR GIFTING SHUBMAN GILL TEST AND ODI CAPTAINCY! He couldn't even handle domestic-level bowlers and scored 1 off 5! IF HE CAN'T HANDLE TOUGH PITCHES, HOW IS HE SUPPOSED TO LEAD TEAM INDIA TO WORLD CUP GLORY? https://t.co/HiOEwN25qI
— NiiK (@ClassyNiikX) October 18, 2026

ಈ ಎಸೆತದ ಮುಂದೆ ಭಾರತ ತಂಡದ ನಾಯಕನ ರಕ್ಷಣಾತ್ಮಕ ಆಟ ವಿಫಲವಾಯಿತು. ಗಿಲ್ ಔಟ್ ಆಗುವುದರೊಂದಿಗೆ ಪಂಜಾಬ್ ತಂಡವು 68 ರನ್‌ಗಳಿಗೆ 3 ವಿಕೆಟ್‌ಗಳನ್ನು ಕಳೆದುಕೊಂಡಿತು. ಈ ಋತುವಿನ ದೇಶೀಯ ರೆಡ್-ಬಾಲ್ (ಟೆಸ್ಟ್ ಮಾದರಿಯ) ಕ್ರಿಕೆಟ್ ಟೂರ್ನಿಯಲ್ಲಿ ಗಿಲ್ ಅವರ ಮೊದಲ ಇನ್ನಿಂಗ್ಸ್ ಹೀಗೆ ಬೇಗನೆ ಅಂತ್ಯಗೊಂಡಿತು.

ಭಾರತ-ನ್ಯೂಜಿಲೆಂಡ್‌ ಸರಣಿಯ ವೇಳಾಪಟ್ಟಿ, ಪಂದ್ಯದ ನೇರ ಪ್ರಸಾರದ ಮಾಹಿತಿ

ಗಿಲ್‌ ರಣಜಿ ಟ್ರೋಫಿಯ ಮೊದಲ ಸುತ್ತಿನಲ್ಲಿ ಆಡಿರಲಿಲ್ಲ, ಆದರೆ ಭಾರತದ ನ್ಯೂಜಿಲೆಂಡ್ ಪ್ರವಾಸಕ್ಕೆ ಮುನ್ನ ಕ್ರೀಸ್‌ನಲ್ಲಿ ಸಾಕಷ್ಟು ಸಮಯ ಕಳೆಯುವ ಉದ್ದೇಶದಿಂದ, ಪಂಜಾಬ್‌ನ ಎರಡನೇ ಪಂದ್ಯಕ್ಕೆ ಮರಳಿದರು. ಮುಂದಿರುವ ಬಿಡುವಿಲ್ಲದ ಅಂತರರಾಷ್ಟ್ರೀಯ ವೇಳಾಪಟ್ಟಿಯನ್ನು ಗಮನಿಸಿದರೆ, ನ್ಯೂಜಿಲೆಂಡ್ ವಿರುದ್ಧದ ಎರಡು ಟೆಸ್ಟ್ ಪಂದ್ಯಗಳ ಸರಣಿಗೆ ಮುನ್ನ, ತಮ್ಮ ತಂತ್ರಗಾರಿಕೆಯನ್ನು ಪರೀಕ್ಷಿಸಿಕೊಳ್ಳಲು ಮತ್ತು ಆಟವನ್ನು ಇನ್ನಷ್ಟು ಉತ್ತಮಪಡಿಸಿಕೊಳ್ಳಲು ಈ ಪಂದ್ಯವು ಗಿಲ್‌ಗೆ ಒಂದು ಉತ್ತಮ ಅವಕಾಶವಾಗಿತ್ತು. ಆದರೆ ಅವರು ವಿಫಲರಾದರು.

ಅಂತರರಾಷ್ಟ್ರೀಯ ಕ್ರಿಕೆಟ್ ಬದ್ಧತೆಗಳ ನಡುವೆ ಸಮಯ ಸಿಕ್ಕಾಗ, ಪ್ರಮುಖ ಅಂತರರಾಷ್ಟ್ರೀಯ ಆಟಗಾರರು ತಮ್ಮ ರಾಜ್ಯ ತಂಡಗಳ ಪರವಾಗಿ ಆಡುವುದನ್ನು ಖಚಿತಪಡಿಸಿಕೊಳ್ಳಲು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI) ಒತ್ತು ನೀಡುತ್ತಿದೆ. ಇಂತಹ ಹಿನ್ನೆಲೆಯಲ್ಲಿ ಗಿಲ್ ದೇಶೀಯ ಕ್ರಿಕೆಟ್‌ನಲ್ಲಿ ಭಾಗವಹಿಸುತ್ತಿದ್ದಾರೆ. ಪ್ರಥಮ ದರ್ಜೆ ಪಂದ್ಯಗಳು ಬ್ಯಾಟರ್‌ಗಳಿಗೆ ಸ್ಪರ್ಧಾತ್ಮಕ ವಾತಾವರಣದಲ್ಲಿ ಮತ್ತು ಗುಣಮಟ್ಟದ ಬೌಲಿಂಗ್ ಎದುರು ತಮ್ಮ ಆಟವನ್ನು ಸುಧಾರಿಸಿಕೊಳ್ಳಲು ಅವಕಾಶ ನೀಡುತ್ತವೆ ಇಂತಹ ಅನುಭವವನ್ನು ಕೇವಲ ಅಭ್ಯಾಸದ ಅವಧಿಗಳಲ್ಲಿ ಪಡೆಯಲು ಸಾಧ್ಯವಿಲ್ಲ.

]]>

ಬಾಲಕರಿಗೆ ಲೈಂಗಿಕ ಕಿರುಕುಳ ಆರೋಪ; ಮಂಗಳೂರಿನ ಚರ್ಚ್ ಫಾದರ್‌ ಅರೆಸ್ಟ್‌

Sun, 18 Oct 2026 09:32:01 +0000

ಮಂಗಳೂರು: ಹಲವು ಬಾಲಕರಿಗೆ ಲೈಂಗಿಕ ಕಿರುಕುಳ ನೀಡಿದ ಆರೋಪದಲ್ಲಿ ಮಂಗಳೂರಿನ ಚರ್ಚ್ ಪಾದ್ರಿಯನ್ನು (Mangalore church father) ಪಾಂಡೇಶ್ವರ ಠಾಣೆಯ ಪೊಲೀಸರು ಸಕಲೇಶಪುರದಲ್ಲಿ ಬಂಧಿಸಿದ್ದಾರೆ. ಮಂಗಳೂರಿನ ವೆಲೆನ್ಸಿಯಾ ಚರ್ಚ್‌ನ ಫಾದರ್ ಸಿಪ್ರಿಯನ್ ಪಿಂಟೋ ಬಂಧಿತ ಆರೋಪಿ.

ಚರ್ಚ್‌ಗೆ ಪ್ರಾರ್ಥನೆಗೆ ಬಂದ ಸಂದರ್ಭದಲ್ಲಿ ಬಾಲಕರಿಗೆ ಲೈಂಗಿಕ ಕಿರುಕುಳ ನೀಡಿದ್ದ ಎಂದು ಆರೋಪಿಸಿ ಇಬ್ಬರು ಮಕ್ಕಳು ಪೋಷಕರ ಬಳಿ ಹೇಳಿಕೊಂಡಿದ್ದರು. ಈ ಬಗ್ಗೆ ಮಂಗಳೂರು ದಕ್ಷಿಣ ಪೊಲೀಸ್ ಠಾಣೆಯಲ್ಲಿ ಪೋಷಕರು ದೂರು ದಾಖಲಿಸಿದ್ದರು. ಪೋಕ್ಸೊ ಪ್ರಕರಣ ದಾಖಲಾಗುತ್ತಿದ್ದಂತೆ ಆರೋಪಿ ತಲೆಮರೆಸಿಕೊಂಡಿದ್ದ.

ಸಕಲೇಶಪುರದ ಸಂಬಂಧಿ ಮನೆಯಲ್ಲಿ ಅಡಗಿದ್ದ ಆರೋಪಿಯನ್ನು ಪೊಲೀಸರು ಇದೀಗ ಬಂಧಿಸಿದ್ದಾರೆ. ಈತನಿಗಾಗಿ ಬೆಂಗಳೂರಿನ ಹಲವೆಡೆ ಪೊಲೀಸರು ಹುಡುಕಾಟ ನಡೆಸಿದ್ದರು. ಆರೋಪಿ, ಚರ್ಚ್‌ಗೆ ಬರುವ ಹಲವು ಬಾಲಕರಿಗೆ ಲೈಂಗಿಕ ಕಿರುಕುಳ ನೀಡಿದ್ದಾನೆ ಎನ್ನಲಾಗಿದೆ. ಈ ಸಂಬಂಧ ಹೆಚ್ಚಿನ ತನಿಖೆ ನಡೆಯುತ್ತಿದೆ.

ಮೈಸೂರಿನಲ್ಲಿ ಬಲೂನ್ ಮಾರುವ ಬಾಲಕಿ ಮೇಲೆ ಲೈಂಗಿಕ ದೌರ್ಜನ್ಯ, ಕೊಲೆ ಪ್ರಕರಣ; ಕಾಮುಕನಿಗೆ ಗಲ್ಲು ಶಿಕ್ಷೆ

ಮೈಸೂರು: ಕಳೆದ ವರ್ಷ ದಸರಾ ವೇಳೆ ಬಲೂನ್ ಮಾರುವ ಬಾಲಕಿಯನ್ನು ಅಪಹರಿಸಿ, ಲೈಂಗಿಕ ದೌರ್ಜನ್ಯ ಎಸಗಿ ಕೊಲೆ ಮಾಡಿದ್ದ ಪ್ರಕರಣದಲ್ಲಿ ಅಪರಾಧಿ ಕಾರ್ತಿಕ್‌ಗೆ ನ್ಯಾಯಾಲಯ ಗಲ್ಲು ಶಿಕ್ಷೆ ವಿಧಿಸಿದೆ. ಕಾರ್ತಿಕ್‌ ಅಪರಾಧ ಎಸಗಿರುವುದು ಸಾಬೀತಾದ ಹಿನ್ನೆಲೆ ಮೈಸೂರು ಶೀಘ್ರಗತಿ ನ್ಯಾಯಾಲಯದ ನ್ಯಾಯಾಧೀಶರಾದ ಅನಿಲ್ ಪಿ ವಘಾಢೆ ಅವರು ಶಿಕ್ಷೆ ಪ್ರಕಟಿಸಿ ತೀರ್ಪು ನೀಡಿದ್ದಾರೆ.

ಏನಿದು ಪ್ರಕರಣ?: ಕಳೆದ ವರ್ಷ ಮೈಸೂರು ದಸರಾ ಮಹೋತ್ಸವ ಸಮಯದಲ್ಲಿ ಈ ಹೀನಕೃತ್ಯ ನಡೆದಿತ್ತು. ದಸರಾ ಹಿನ್ನೆಲೆ ಕುಟುಂಬವೊಂದು ಗುಲ್ಬರ್ಗಾದಿಂದ ಬಲೂನ್ ಮಾರಲು ಮೈಸೂರಿಗೆ ಬಂದಿತ್ತು. ಆ ಕುಟುಂಬ ದಸರಾ ವಸ್ತುಪ್ರದರ್ಶನ ಬಳಿ ಟೆಂಟ್‌ನಲ್ಲಿ ವಾಸ್ತವ್ಯ ಹೂಡಿತ್ತು. ಕುಟುಂಬಸ್ಥರೆಲ್ಲರೂ ಮಲಗಿದ್ದಾಗ ಕಾಮುಕ ಕಾರ್ತಿಕ್‌ 9 ವರ್ಷದ ಬಾಲಕಿಯನ್ನ ಎಳೆದೊಯ್ದು ಅತ್ಯಾಚಾರ ಮಾಡಿ, ಭೀಕರವಾಗಿ ಕೊಲೆ ಮಾಡಿದ್ದ.

ಈ ಸಂಬಂಧ ನಜರಬಾದ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಬಳಿಕ ಘಟನೆ ನಡೆದ 24 ಗಂಟೆಯಲ್ಲಿ ಆರೋಪಿಯನ್ನು ಅರೆಸ್ಟ್ ಮಾಡಲಾಗಿತ್ತು. ಈ ಪ್ರಕರಣವನ್ನು ಮೈಸೂರಿನ ಫಾಸ್ಟ್‌ಟ್ರ್ಯಾಕ್‌ ಕೋರ್ಟ್‌ ವಿಚಾರಣೆ ನಡೆಸಿತ್ತು. ಈ ವೇಳೆ ಅಪರಾಧ ಸಾಬೀತಾಗಿತ್ತು. ಈ ಹಿನ್ನೆಲೆ ಅಪರಾಧಿಗೆ ಕೋರ್ಟ್‌ ಶಿಕ್ಷೆ ಪ್ರಕಟಿಸಿದೆ.

]]>

ಭಾರತ-ನ್ಯೂಜಿಲೆಂಡ್‌ ಸರಣಿಯ ವೇಳಾಪಟ್ಟಿ, ಪಂದ್ಯದ ನೇರ ಪ್ರಸಾರದ ಮಾಹಿತಿ

Sun, 18 Oct 2026 09:28:32 +0000

ಆಕ್ಲೆಂಡ್‌, ಅ.18: ವೆಸ್ಟ್ ಇಂಡೀಸ್ ವಿರುದ್ಧದ ಐದು ಪಂದ್ಯಗಳ ಟಿ20 ಸರಣಿ ಮುಕ್ತಾಯಗೊಂಡಿದ್ದು ಇದೀಗ ಭಾರತೀಯ ಪುರುಷರ ಕ್ರಿಕೆಟ್ ತಂಡದ ಆಟಗಾರರು ಐದು ಪಂದ್ಯಗಳ ಟಿ20 ಸರಣಿಗಾಗಿ ನ್ಯೂಜಿಲೆಂಡ್‌ಗೆ ಪ್ರಯಾಣಿಸಿದ್ದಾರೆ. ಟಿ20 ಸರಣಿಯ ನಂತರ ಐದು ಏಕದಿನ ಪಂದ್ಯಗಳು (ODI) ಮತ್ತು ಎರಡು ಪಂದ್ಯಗಳ ಟೆಸ್ಟ್ ಸರಣಿ ನಡೆಯಲಿವೆ. ಇದೇ ವೇಳೆ, ಹಿರಿಯ ತಂಡದ ಟೆಸ್ಟ್ ಸರಣಿಗೂ ಮುನ್ನ, 'ಇಂಡಿಯಾ ಎ' ತಂಡವು 'ನ್ಯೂಜಿಲೆಂಡ್ ಎ' ವಿರುದ್ಧ ಮೂರು ಅನಧಿಕೃತ ಟೆಸ್ಟ್ ಪಂದ್ಯಗಳನ್ನು ಆಡಲಿದೆ. ಟಿ20 ಸರಣಿಯ ಮೊದಲ ಪಂದ್ಯ ಅ.22 ರಂದು ನಡೆಯಲಿದೆ.

ನ್ಯೂಜಿಲೆಂಡ್ ಪ್ರವಾಸದಲ್ಲಿ ಎಲ್ಲಾ ಮಾದರಿಯ ಕ್ರಿಕೆಟ್ ಸರಣಿಗಳನ್ನು ಆಡಲಿರುವ ಭಾರತ ತಂಡವು,ಒಟ್ಟು 30ಕ್ಕೂ ಹೆಚ್ಚು ಆಟಗಾರರನ್ನು ಒಳಗೊಂಡ ಬೃಹತ್ ಪಡೆಯನ್ನು ಪ್ರಕಟಿಸಿದೆ.

ಜಿಂಬಾಬ್ವೆ ವಿರುದ್ಧದ 2ನೇ ಟಿ20 ಪಂದ್ಯದಲ್ಲಿ ಹೊಸ ಬ್ಯಾಟಿಂಗ್ ದಾಖಲೆಗಳತ್ತ ಶಫಾಲಿ ವರ್ಮಾ, ಸ್ಮೃತಿ ಮಂಧನಾ ಚಿತ್ತ

ಪ್ರಸಾರ ಮಾಹಿತಿ

ನ್ಯೂಜಿಲೆಂಡ್ ಪ್ರವಾಸದ ಎಲ್ಲಾ ಪಂದ್ಯಗಳನ್ನು ಭಾರತದಲ್ಲಿ ಸೋನಿ ಟೆನ್ ಟಿವಿ ಚಾನೆಲ್‌ಗಳಲ್ಲಿ ನೇರ ಪ್ರಸಾರ ಮಾಡಲಾಗುವುದು. ಸೋನಿ ಎಲ್‌ಐವಿ ಅಪ್ಲಿಕೇಶನ್ ಮತ್ತು ವೆಬ್‌ಸೈಟ್ ನೇರ ಪ್ರಸಾರವನ್ನು ಒದಗಿಸುತ್ತದೆ. ಭಾರತ ಎ ಮತ್ತು ನ್ಯೂಜಿಲೆಂಡ್ ಎ ನಡುವಿನ ಮೂರು ಅನಧಿಕೃತ ಟೆಸ್ಟ್‌ಗಳನ್ನು ಸೋನಿ ಸ್ಪೋರ್ಟ್ಸ್ ಚಾನೆಲ್‌ಗಳಲ್ಲಿ ನೇರ ಪ್ರಸಾರ ಮಾಡಲಾಗುತ್ತದೆ ಮತ್ತು ಸೋನಿ ಎಲ್‌ಐವಿಯಲ್ಲಿ ಪ್ರಸಾರ ಮಾಡಲಾಗುತ್ತದೆ.

ವೇಳಾಪಟ್ಟಿ

ಟಿ20 ಸರಣಿ

1ನೇ ಟಿ20: ಅಕ್ಟೋಬರ್ 22, ಕ್ರೈಸ್ಟ್‌ಚರ್ಚ್

2ನೇ ಟಿ20: ಅಕ್ಟೋಬರ್ 24, ಕ್ರೈಸ್ಟ್‌ಚರ್ಚ್

3ನೇ ಟಿ20: ಅಕ್ಟೋಬರ್ 27, ವೆಲ್ಲಿಂಗ್ಟನ್

4ನೇ ಟಿ20: ಅಕ್ಟೋಬರ್ 30, ಆಕ್ಲೆಂಡ್

5ನೇ ಟಿ20: ನವೆಂಬರ್ 1, ಹ್ಯಾಮಿಲ್ಟನ್

‘ಎ’ ಸರಣಿ

ಮೊದಲ ಪಂದ್ಯ: ಅಕ್ಟೋಬರ್ 24-27, ಲಿಂಕನ್

ಎರಡನೇ ಪಂದ್ಯ: ಅಕ್ಟೋಬರ್ 31-ನವೆಂಬರ್ 3, ಕ್ರೈಸ್ಟ್‌ಚರ್ಚ್

ಮೂರನೇ ಪಂದ್ಯ: ನವೆಂಬರ್ 7-10, ಲಿಂಕನ್

ಏಕದಿನ ಸರಣಿ

1ನೇ ಏಕದಿನ ಪಂದ್ಯ: ನವೆಂಬರ್ 4, ಆಕ್ಲೆಂಡ್

2ನೇ ಏಕದಿನ ಪಂದ್ಯ: ನವೆಂಬರ್ 7, ವೆಲ್ಲಿಂಗ್ಟನ್

3ನೇ ಏಕದಿನ ಪಂದ್ಯ: ನವೆಂಬರ್ 10, ಹ್ಯಾಮಿಲ್ಟನ್

4ನೇ ಏಕದಿನ ಪಂದ್ಯ: ನವೆಂಬರ್ 13, ಮೌಂಟ್ ಮೌಂಗನುಯಿ

5ನೇ ಏಕದಿನ ಪಂದ್ಯ: ನವೆಂಬರ್ 15, ಮೌಂಟ್ ಮೌಂಗನುಯಿ

ಟೆಸ್ಟ್‌ ಸರಣಿ

1ನೇ ಟೆಸ್ಟ್: ನವೆಂಬರ್ 19-23, ವೆಲ್ಲಿಂಗ್ಟನ್

2ನೇ ಟೆಸ್ಟ್: ನವೆಂಬರ್ 27-ಡಿಸೆಂಬರ್ 1, ಕ್ರೈಸ್ಟ್‌ಚರ್ಚ್

ದೊಡ್ಡ ಗಣೇಶ್‌ಗೆ ಭಾರತ ಕಿರಿಯರ ತಂಡದ ಆಯ್ಕೆಗಾರನ ಪಟ್ಟ?

ಭಾರತ ತಂಡ

ಮೊದಲ ಮೂರು ಏಕದಿನ ಪಂದ್ಯಗಳಿಗೆ

ಶುಭಮನ್‌ ಗಿಲ್ (ನಾಯಕ), ರೋಹಿತ್ ಶರ್ಮಾ, ವಿರಾಟ್ ಕೋಹ್ಲಿ, ಶ್ರೇಯಸ್ ಅಯ್ಯರ್ (ಉಪನಾಯಕ), ಕೆಎಲ್ ರಾಹುಲ್ (ವಿಕೆಟ್‌ಕೀಪರ್), ನಿತೀಶ್ ಕುಮಾರ್ ರೆಡ್ಡಿ, ಅಕ್ಸರ್ ಪಟೇಲ್, ನಮನ್ ಧೀರ್, ಅನ್ಶುಲ್ ಕಂಬೋಜ್, ಗುರ್‌ನೂರ್ ಬ್ರಾರ್, ರುತುರಾಜ್ ಗಾಯಕ್ವಾಡ್, ಅರ್ಶ್‌ದೀಪ್ ಸಿಂಗ್, ಇಶಾನ್ ಕಿಶನ್ (ವಿಕೆಟ್‌ಕೀಪರ್), ಮೊಹಮ್ಮದ್ ಸಿರಾಜ್, ಪ್ರಸಿದ್ ಕೃಷ್ಣ (ಫಿಟ್‌ನೆಸ್ ಕ್ಲಿಯರೆನ್ಸ್‌ಗೆ ಒಳಪಟ್ಟು), ಕುಲ್‌ದೀಪ್ ಯಾದವ್.

ಟಿ20 ತಂಡ

ಶ್ರೇಯಸ್ ಅಯ್ಯರ್ (ನಾಯಕ), ಅಭಿಷೇಕ್ ಶರ್ಮಾ, ಸಂಜು ಸ್ಯಾಮ್ಸನ್ (ವಿ.ಕೀ.), ವೈಭವ್ ಸೂರ್ಯವಂಶಿ, ಇಶಾನ್ ಕಿಶನ್ (ವಿ.ಕೀ.), ತಿಲಕ್ ವರ್ಮಾ, ಅಕ್ಷರ್ ಪಟೇಲ್, ಶಿವಂ ದುಬೆ, ನಿತೀಶ್ ಕುಮಾರ್ ರೆಡ್ಡಿ, ನಮನ್ ಧೀರ್, ಪ್ರಿನ್ಸ್ ಯಾದವ್, ಮಯಾಂಕ್ ಯಾದವ್, ಮಯಾಂಕ್ ಯಾದವ್, ಅರ್ಷದೀಪ್ ಸಿಂಗ್, ಭುವನೇಶ್ವರ್ ಕುಮಾರ್, ವರುಣ್ ಚಕ್ರವರ್ತಿ, ಕುಲದೀಪ್ ಯಾದವ್.

ನಾಲ್ಕನೇ ಮತ್ತು ಐದನೇ ಏಕದಿನ ಪಂದ್ಯಗಳಿಗೆ

ಶ್ರೇಯಸ್ ಅಯ್ಯರ್ (ನಾಯಕ), ರೋಹಿತ್ ಶರ್ಮಾ, ವಿರಾಟ್ ಕೋಹ್ಲಿ, ತಿಲಕ್ ವರ್ಮಾ, ಇಶಾನ್ ಕಿಶನ್ (ವಿಕೆಟ್‌ಕೀಪರ್ ಮತ್ತು ಉಪನಾಯಕ), ನಿತೀಶ್ ಕುಮಾರ್ ರೆಡ್ಡಿ, ಅಕ್ಸರ್ ಪಟೇಲ್, ನಮನ್ ಧೀರ್, ಅಕ್ವಿಬ್ ನಬಿ, ಗುರ್‌ನೂರ್ ಬ್ರಾರ್, ರುತುರಾಜ್ ಗಾಯಕ್ವಾಡ್, ಅರ್ಶ್‌ದೀಪ್ ಸಿಂಗ್, ಕುಮಾರ್ ಕುಶಾಗ್ರ (ವಿಕೆಟ್‌ಕೀಪರ್), ಮೊಹಮ್ಮದ್ ಸಿರಾಜ್, ಯಶ್ ಠಾಕೂರ್, ಕುಲ್‌ದೀಪ್ ಯಾದವ್.

ಟೆಸ್ಟ್‌ ತಂಡ

ಶುಭ್‌ಮನ್ ಗಿಲ್ (ನಾಯಕ), ಯಶಸ್ವಿ ಜೈಸ್ವಾಲ್, ಕೆಎಲ್ ರಾಹುಲ್ (ಉಪನಾಯಕ), ದೇವದತ್ ಪಡಿಕ್ಕಲ್, ರಿಷಭ್ ಪಂತ್ (ವಿಕೆಟ್‌ಕೀಪರ್, ಫಿಟ್‌ನೆಸ್ ಕ್ಲಿಯರೆನ್ಸ್‌ಗೆ ಒಳಪಟ್ಟು), ಧ್ರುವ್ ಜುರೇಲ್ (ವಿಕೆಟ್‌ಕೀಪರ್), ರವೀಂದ್ರ ಜಡೇಜಾ, ಅನ್ಶುಲ್ ಕಂಬೋಜ್, ಜಸ್ಪ್ರೀತ್ ಬುಮ್ರಾ, ಪ್ರಸಿದ್ ಕೃಷ್ಣ, ಆಕಾಶ್ ದೀಪ್, ಸಾಯಿ ಸುಧರ್ಶನ್, ನಿತೀಶ್ ಕುಮಾರ್ ರೆಡ್ಡಿ, ವಾಷಿಂಗ್ಟನ್ ಸುಂದರ್, ಕುಲ್‌ದೀಪ್ ಯಾದವ್, ಮೊಹಮ್ಮದ್ ಸಿರಾಜ್.

]]>

ಕೋಲ್ಕತ್ತಾ ಕಾಲ್ತುಳಿತ: ದುರ್ಗಾ ಪೂಜಾ ಪೆಂಡಾಲ್ ಸಮಿತಿಯಲ್ಲಿ ಸಿಎಂ ಸುವೇಂದು ಅಧಿಕಾರಿ ಸಂಬಂಧಿ ಇದ್ದಾರೆ ಎಂದ ಟಿಎಂಸಿ; ಬಿಜೆಪಿ ತಿರುಗೇಟು

Sun, 18 Oct 2026 09:23:46 +0000

ಕೋಲ್ಕತ್ತಾ: ಉತ್ತರ ಕೋಲ್ಕತ್ತಾದ (north kolkata) ಗಿರೀಶ್‌ ಪಾರ್ಕ್‌ ಪೊಲೀಸ್‌ ಠಾಣೆ ವ್ಯಾಪ್ತಿಯ ಶಾರದಾ ಪಾರ್ಕ್‌ನ ಚೋರ್‌ ಬಗಾನ್‌ ದುರ್ಗಾ ಪೆಂಡಾಲ್‌ನಲ್ಲಿ (horbagan Durga Puja stampede) ಶನಿವಾರ ಸಂಜೆ ಉಂಟಾದ ಕಾಲ್ತುಳಿತದಲ್ಲಿ (stampede) 19 ಮಂದಿ ಸಾವನ್ನಪ್ಪಿದರು. ಇದು ಈಗ ಆಡಳಿತ ಪಕ್ಷ ಮತ್ತು ವಿರೋಧ ಪಕ್ಷಗಳ ನಡುವೆ ವಾಗ್ವಾದಕ್ಕೆ ಕಾರಣವಾಗಿದೆ. ದುರ್ಗಾ ಪೂಜಾ ಸಮಿತಿಯ (durga puja committee) ಆಯೋಜಕರಲ್ಲಿ ಬಹುತೇಕ ಮಂದಿ ಬಿಜೆಪಿಗೆ ಸೇರಿದವರಾಗಿದ್ದಾರೆ. ಇದರಲ್ಲಿ ಮುಖ್ಯಮಂತ್ರಿ ಸುವೇಂದು ಅಧಿಕಾರಿ ಅವರ ಸಂಬಂಧಿಯು ಕೂಡ ಇದ್ದಾರೆ ಎಂದು ತೃಣ ಮೂಲ ಕಾಂಗ್ರೆಸ್ ನಾಯಕಿ ಮಮತಾ ಬ್ಯಾನರ್ಜಿ ಅವರ ಬಣದ ನಾಯಕರು ಆರೋಪಿಸಿದ್ದಾರೆ.

ಕೋಲ್ಕತ್ತಾದ ಚೋರ್‌ಬಗಾನ್ ಸಾರ್ವಜನಿಕ ದುರ್ಗಾ ಪೂಜಾ ಪೆಂಡಾಲ್ ನಲ್ಲಿ ಶನಿವಾರ ಸಂಭವಿಸಿದ ಕಾಲ್ತುಳಿತ ಪ್ರಕರಣಕ್ಕೆ ಸಂಬಂಧಿಸಿ ಪೂಜಾ ಸಮಿತಿಯಲ್ಲಿರುವ ಸಿಎಂ ಅಧಿಕಾರಿ ಅವರ ಸಂಬಂಧಿ ದೇಬ್‌ದೀಪ್ ಅವರನ್ನು ಯಾವಾಗ ಬಂಧಿಸಲಾಗುತ್ತದೆ ಎಂದು ಟಿಎಂಸಿ ನಾಯಕರು ಪ್ರಶ್ನಿಸಿದ್ದಾರೆ.

ಕೋಲ್ಕತಾ ದುರ್ಗಾ ಪೆಂಡಾಲ್ ಕಾಲ್ತುಳಿತ: 19ಕ್ಕೇರಿದ ಸಾವಿನ ಸಂಖ್ಯೆ

ಕಾಲ್ತುಳಿತ ಪ್ರಕರಣಕ್ಕೆ ಸಂಬಂಧಿಸಿ ಏಳು ಮಂದಿಯನ್ನು ಬಂಧಿಸಲಾಗಿದೆ ಮತ್ತು ಈ ಕುರಿತು ತನಿಖೆಗೆ ಕೋಲ್ಕತ್ತಾ ಹೈಕೋರ್ಟ್‌ನ ಹಾಲಿ ನ್ಯಾಯಾಧೀಶರ ನೇತೃತ್ವದಲ್ಲಿ ವಿಶೇಷ ತನಿಖಾ ತಂಡವನ್ನು ಕೂಡ ರಚಿಸಲಾಗಿದೆ ಎಂದು ಮುಖ್ಯಮಂತ್ರಿ ಸುವೇಂದು ಅಧಿಕಾರಿ ತಿಳಿಸಿದ್ದಾರೆ.

ಈ ಕುರಿತು ಪ್ರತಿಕ್ರಿಯಿಸಿರುವ ಟಿಎಂಸಿ ವಕ್ತಾರ ಮತ್ತು ಕೋಲ್ಕತ್ತಾದ ಶಾಸಕ ಕುನಾಲ್ ಘೋಷ್, ಈ ಕಾಲ್ತುಳಿತವನ್ನು ತಡೆಯುವಲ್ಲಿ ಆಡಳಿತ ವ್ಯವಸ್ಥೆ ವಿಫಲವಾಗಿದೆ. ಆಯೋಜಕರು ಇದರ ಹೊಣೆ ಹೊರಬೇಕು. ಇದರಲ್ಲಿ ಅನೇಕ ಪ್ರಭಾವಿ ವ್ಯಕ್ತಿಗಳು ಶಾಮೀಲಾಗಿದ್ದಾರೆ ಎಂದು ಆರೋಪಿಸಿದರು.

ಸಾಮಾಜಿಕ ಮಾಧ್ಯಮದಲ್ಲಿ ಅವರು ಈ ಕುರಿತು ಪೋಸ್ಟ್ ಮಾಡಿದ್ದು, ಮುಖ್ಯಮಂತ್ರಿಯವರ ಹೇಳಿಕೆಯು ಅಪೂರ್ಣವಾಗಿದೆ. ಸಮಿತಿಯ ಪದಾಧಿಕಾರಿಗಳನ್ನು ತಕ್ಷಣವೇ ಬಂಧಿಸಬೇಕು. ಮುನ್ಸಿಪಲ್ ಕಾರ್ಪೊರೇಷನ್ ಮತ್ತು ಒಎಸ್‌ಡಿ ಅಧಿಕಾರಿಗಳನ್ನು ಹುದ್ದೆಯಿಂದ ತೆಗೆದುಹಾಕಬೇಕು. ನಿಷ್ಪಕ್ಷಪಾತ ತನಿಖೆ ನಡೆಸಬೇಕು. ಸಮಿತಿಯಲ್ಲಿ ಬಿಜೆಪಿ ಸದಸ್ಯರೇ ತುಂಬಿದ್ದಾರೆ ಮತ್ತು ಅವರನ್ನು ರಕ್ಷಿಸಲಾಗುತ್ತಿದೆ. ಮಳೆಯ ಮೇಲೆ ದೋಷ ಹೊರಿಸುವುದು ಆಡಳಿತಾತ್ಮಕ ವೈಫಲ್ಯವನ್ನು ಮುಚ್ಚಿಹಾಕುವ ಪ್ರಯತ್ನವಾಗಿದೆ ಎಂದು ಹೇಳಿದರು.

ಚೋರ್ ಬಗಾನ್ ಪ್ರದೇಶವು ಜೋರಾಸಂಕೊ ವಿಧಾನಸಭಾ ಕ್ಷೇತ್ರದ ವ್ಯಾಪ್ತಿಯಲ್ಲಿದ್ದು, ಇಲ್ಲಿ ಕಳೆದ ಚುನಾವಣೆಯಲ್ಲಿ ಟಿಎಂಸಿಯ ವಿಜಯ್ ಉಪಾಧ್ಯಾಯ ಅವರನ್ನು ಸೋಲಿಸಿ ಬಿಜೆಪಿಯ ಜಿಜಯ್ ಓಜಾ ಜಯಗಳಿಸಿದ್ದರು. ಓಜಾ ಅವರು ಹೊಸ ಸಮಿತಿಯ ಅಧ್ಯಕ್ಷರಾಗಿದ್ದಾರೆ.

ಕಾಲ್ತುಳಿತದ ಬಳಿಕ ಸ್ಥಳಕ್ಕೆ ಭೇಟಿ ನೀಡಿದ್ದ ಓಜಾ ಅವರು, ನಾನೂ ಕೂಡ ಸಮಿತಿಯಲ್ಲಿದ್ದೇನೆ. ಮುಖ್ಯಮಂತ್ರಿಗಳು ಈ ಬಗ್ಗೆ ತನಿಖೆಗೆ ಆದೇಶಿಸಿದ್ದಾರೆ.ಸುರಕ್ಷತಾ ಮಾನದಂಡಗಳಿಗೆ ಹೋಲಿಸಿದರೆ ಈ ವರ್ಷದ ಪೆಂಡಾಲ್‌ಗೆ ಪ್ರವೇಶ ಮತ್ತು ನಿರ್ಗಮನ ಮಾರ್ಗಗಳು ತುಂಬಾ ಕಿರಿದಾಗಿದ್ದವು ಎನ್ನುವ ಮಾಹಿತಿ ತಮಗೆ ಇರಲಿಲ್ಲ ಎಂದು ತಿಳಿಸಿದರು.

ಟಿಎಂಸಿ ಪ್ರಧಾನ ಕಾರ್ಯದರ್ಶಿ ಅಭಿಷೇಕ್ ಬ್ಯಾನರ್ಜಿ ಅವರು ಸಾಮಾಜಿಕ ಮಾಧ್ಯಮದ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಮಾಡಿ, ಮುಖ್ಯಮಂತ್ರಿಯವರ ಸಂಬಂಧಿಕರೊಬ್ಬರು ಪೂಜಾ ಸಮಿತಿಯಲ್ಲಿದ್ದಾರೆ ಎನ್ನುವ ಆರೋಪ ಕೇಳಿ ಬಂದಿದೆ. ಪೂಜಾ ಪೆಂಡಾಲ್ ವ್ಯವಸ್ಥೆಗಳಲ್ಲಿ ಬಿಜೆಪಿಯ ಉತ್ತರ ಕೋಲ್ಕತ್ತಾ ಘಟಕದ ಅಧ್ಯಕ್ಷ ತಮೋಘ್ನ ಘೋಷ್ ಅವರೂ ಭಾಗಿಯಾಗಿದ್ದಾರೆ. ಸಿಎಂ ಸುವೇಂದು ಅಧಿಕಾರಿ ಅವರ ಸಂಬಂಧಿ ತಪ್ಪಿತಸ್ಥರಾದರೆ ಅವರನ್ನು ಯಾವಾಗ ಜೈಲಿಗೆ ಕಳುಹಿಸುತ್ತೀರಿ ಎಂದು ಪ್ರಶ್ನಿಸಿದರು.

ಓಜಾ, ಘೋಷ್ ಮತ್ತು ಮುಖ್ಯಮಂತ್ರಿಯವರ ಸಂಬಂಧಿ ಈ ಪ್ರಕರಣದಿಂದ ಪಾರಾಗಬಹುದು ಎಂಬ ಅನುಮಾನವಿದೆ. ಸುವೇಂದು ಅಧಿಕಾರಿ ಅವರು ಆಡಳಿತಗಾರರಾಗಿ ತಮ್ಮ ಸಾಂವಿಧಾನಿಕ ಜವಾಬ್ದಾರಿಯನ್ನು ನಿರ್ವಹಿಸಲಿ ಎಂದು ತಿಳಿಸಿದರು.

ಇದಕ್ಕೆ ತಿರುಗೇಟು ನೀಡಿದ ಬಿಜೆಪಿ ವಕ್ತಾರ, ಕಾಶಿಪುರ-ಬೆಲ್ಗಾಚಿಯಾ ಕ್ಷೇತ್ರದ ಶಾಸಕ ರಿತೇಶ್ ತಿವಾರಿ, ದಶಕಗಳಿಂದಲೂ ಪಾರ್ಥ ಚಟರ್ಜಿ, ಅರೂಪ್ ಬಿಸ್ವಾಸ್ ಮತ್ತು ಫಿರ್ಹಾದ್ ಹಕೀಮ್ ಅವರಂತಹ ಟಿಎಂಸಿ ನಾಯಕರು ಸಾರ್ವಜನಿಕ ದುರ್ಗಾ ಪೂಜೆಗಳೊಂದಿಗೆ ನಿಕಟ ಸಂಪರ್ಕ ಹೊಂದಿದ್ದಾರೆ. ಕೆಲವು ಬಿಜೆಪಿ ನಾಯಕರು ಕೂಡ ಇಂತಹ ಪೂಜೆಗಳೊಂದಿಗೆ ಗುರುತಿಸಿಕೊಂಡಿರಬಹುದು. ಇದರಲ್ಲಿ ತಪ್ಪೇನಿದೆ ಎಂದು ಪ್ರಶ್ನಿಸಿದರು.

ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಕೂಡ ಈ ಘಟನೆಗೆ ಸಂಬಂಧಿಸಿ ನಿಷ್ಪಕ್ಷಪಾತ ತನಿಖೆಗೆ ಆಗ್ರಹಿಸಿದ್ದಾರೆ. ಈ ಕುರಿತು ಸಾಮಾಜಿಕ ಮಾಧ್ಯಮದ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಮಾಡಿರುವ ಅವರು, ಇದೊಂದು ಅತ್ಯಂತ ದುಃಖಕರ ಘಟನೆ. ಮೃತರ ಕುಟುಂಬಗಳಿಗೆ ನನ್ನ ಸಂತಾಪಗಳು. ಗಾಯಗೊಂಡವರು ಶೀಘ್ರ ಗುಣಮುಖರಾಗಲಿ ಎಂದು ಪ್ರಾರ್ಥಿಸುತ್ತೇನೆ ಎಂದು ತಿಳಿಸಿದ್ದಾರೆ.

ನವರಾತ್ರಿ ಪೂಜೆ ವೇಳೆ ಭೀಕರ ದುರಂತ; ಕೋಲ್ಕತಾದಲ್ಲಿ ಪೆಂಡಾಲ್‌ ಕುಸಿದು ಕಾಲ್ತುಳಿತ, 17 ಮಂದಿ ಸಾವು

ಭವಿಷ್ಯದಲ್ಲಿ ಇಂತಹ ದುರಂತ ಮರುಕಳಿಸದಂತೆ ಈ ಘಟನೆಯ ಬಗ್ಗೆ ನಿಷ್ಪಕ್ಷಪಾತ ತನಿಖೆ ನಡೆಸಬೇಕು. ಪರಿಹಾರ ಕಾರ್ಯಗಳಲ್ಲಿ ಸಾಧ್ಯವಿರುವ ಎಲ್ಲ ನೆರವನ್ನೂ ನೀಡುವಂತೆ ಕಾಂಗ್ರೆಸ್ ಕಾರ್ಯಕರ್ತರಿಗೆ ಮನವಿ ಮಾಡುವುದಾಗಿ ತಿಳಿಸಿದರು.

]]>

Gold Price Today On October 18th 2026: ಯಥಾಸ್ಥಿತಿ ಕಾಯ್ಡುಕೊಂಡ ಚಿನ್ನದ ಬೆಲೆ; ದರ ಪಟ್ಟಿ ಇಲ್ಲಿದೆ

Sun, 18 Oct 2026 09:09:48 +0000

ಬೆಂಗಳೂರು, ಅ. 18: ಶನಿವಾರ ಕೊಂಚ ಏರಿಕೆಯಾಗಿದ್ದ ಚಿನ್ನದ ದರ ಭಾನುವಾರ ಬೆಂಗಳೂರಿನಲ್ಲಿ ಯಥಾಸ್ಥಿತಿ ಕಾಯ್ದುಕೊಂಡಿದೆ (Gold Price Today On October 18th 2026). ಬೆಂಗಳೂರಿನಲ್ಲಿ 22 ಕ್ಯಾರಟ್‌ನ 1 ಗ್ರಾಂ ಬಂಗಾರಕ್ಕೆ 13,535 ರೂಪಾಯಿ ಇದೆ. ಇನ್ನು 24 ಕ್ಯಾರಟ್‌ನ 1 ಗ್ರಾಂ ಚಿನ್ನಕ್ಕೆ 14,766 ರೂಪಾಯಿ ಪಾವತಿಸಬೇಕು.

ಇನ್ನು 22 ಕ್ಯಾರಟ್‌ನ 8 ಗ್ರಾಂ ಚಿನ್ನದ ಬೆಲೆ 1,08,280 ರೂಪಾಯಿ, 10 ಗ್ರಾಂಗೆ 1,35,350 ರೂಪಾಯಿ ಹಾಗೂ 100 ಗ್ರಾಂಗೆ 13,53,500 ರೂಪಾಯಿ ಇದೆ. 24 ಕ್ಯಾರಟ್‌ 8 ಗ್ರಾಂ ಚಿನ್ನದ ಬೆಲೆ 1,17,952 ರೂಪಾಯಿ, 10 ಗ್ರಾಂಗೆ 1,47,440 ರೂಪಾಯಿ ಹಾಗೂ 100 ಗ್ರಾಂಗೆ 14,74,400 ರೂಪಾಯಿ ಕಂಡುಬಂದಿದೆ.

ವಿವಿಧ ನಗರಗಳಲ್ಲಿನ ಚಿನ್ನದ ಬೆಲೆ

ದರ ಪಟ್ಟಿ ಹೀಗಿದೆ

ನಗರ	22 ಕ್ಯಾರಟ್‌ (1 ಗ್ರಾಂ)	24 ಕ್ಯಾರಟ್‌ (1 ಗ್ರಾಂ)
ಚೆನ್ನೈ	13,535 ರೂಪಾಯಿ	14,766 ರೂಪಾಯಿ
ಮುಂಬೈ	13,535 ರೂಪಾಯಿ	14,766 ರೂಪಾಯಿ
ದೆಹಲಿ	13,550 ರೂಪಾಯಿ	14,781 ರೂಪಾಯಿ
ಕೋಲ್ಕತಾ	13,535 ರೂಪಾಯಿ	14,766 ರೂಪಾಯಿ
ಹೈದರಾಬಾದ್‌	13,535 ರೂಪಾಯಿ	14,766 ರೂಪಾಯಿ

ಚೆನ್ನೈಯಲ್ಲಿ 22 ಕ್ಯಾರಟ್‌ 1 ಗ್ರಾಂ ಚಿನ್ನದ ಬೆಲೆ 13,535 ರೂಪಾಯಿ, 24 ಕ್ಯಾರಟ್‌ 1 ಗ್ರಾಂ ಚಿನ್ನದ ಬೆಲೆ 14,766 ರೂಪಾಯಿ, ಮುಂಬೈಯಲ್ಲಿ 22 ಕ್ಯಾರಟ್‌ 1 ಗ್ರಾಂ ಚಿನ್ನದ ಬೆಲೆ 13,535 ರೂಪಾಯಿ, 24 ಕ್ಯಾರಟ್‌ 1 ಗ್ರಾಂ ಚಿನ್ನದ ಬೆಲೆ 14,766 ರೂಪಾಯಿ, ದೆಹಲಿಯಲ್ಲಿ 22 ಕ್ಯಾರಟ್‌ 1 ಗ್ರಾಂ ಚಿನ್ನದ ಬೆಲೆ 13,550 ರೂಪಾಯಿ, 24 ಕ್ಯಾರಟ್‌ 1 ಗ್ರಾಂ ಚಿನ್ನದ ಬೆಲೆ 14,781 ರೂಪಾಯಿ, ಕೋಲ್ಕತ್ತಾದಲ್ಲಿ 22 ಕ್ಯಾರಟ್‌ 1 ಗ್ರಾಂ ಚಿನ್ನದ ಬೆಲೆ 13,535 ರೂಪಾಯಿ, 24 ಕ್ಯಾರಟ್‌ 1 ಗ್ರಾಂ ಚಿನ್ನದ ಬೆಲೆ 14,766 ರೂಪಾಯಿ, ಹೈದರಾಬಾದ್‌ನಲ್ಲಿ 22 ಕ್ಯಾರಟ್‌ 1 ಗ್ರಾಂ ಚಿನ್ನದ ಬೆಲೆ 13,535 ರೂಪಾಯಿ, 24 ಕ್ಯಾರಟ್‌ 1 ಗ್ರಾಂ ಚಿನ್ನದ ಬೆಲೆ 14,766 ರೂಪಾಯಿ ಇದೆ.

ಬೆಳ್ಳಿ ದರ

ಬೆಳ್ಳಿ ದರದಲ್ಲಿ ಯಥಾಸ್ಥಿತಿ ಕಂಡು ಬಂದಿದೆ. ಬೆಂಗಳೂರಿನಲ್ಲಿ ಬೆಳ್ಳಿ ಗ್ರಾಂಗೆ 230 ರೂಪಾಯಿ ಇದೆ. ಇನ್ನು ಬೆಳ್ಳಿ 10 ಗ್ರಾಂಗೆ 2,300 ರೂಪಾಯಿ ಹಾಗೂ 1 ಕೆಜಿಗೆ 2,30,000 ರೂಪಾಯಿ ಪಾವತಿಸಬೇಕು.

]]>

Kabaddi: ಕಬಡ್ಡಿಯಲ್ಲಿ ಕಿತ್ತೂರು ರಾಣಿ ಚೆನ್ನಮ್ಮ ಶಾಲೆಯ ಸಾಧನೆ: ಸತತ ನಾಲ್ಕನೇ ಬಾರಿ ಜಿಲ್ಲಾ ಮಟ್ಟದಲ್ಲಿ ಜಯಭೇರಿ

Sun, 18 Oct 2026 09:00:14 +0000

ಗುಡಿಬಂಡೆ: ಜಿಲ್ಲಾ ಮಟ್ಟದ ಕಬಡ್ಡಿ(Kabaddi) ಕ್ರೀಡಾಕೂಟದಲ್ಲಿ ಸತತ ನಾಲ್ಕನೇ ಬಾರಿಗೆ ಜಯಭೇರಿ ಬಾರಿಸಿರುವ ಗುಡಿಬಂಡೆ ತಾಲೂಕಿನ ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆಯ ವಿದ್ಯಾರ್ಥಿಗಳು, ತುಮಕೂರಿನಲ್ಲಿ ನಡೆಯಲಿರುವ ವಿಭಾಗ ಮಟ್ಟದ ಕ್ರೀಡಾಕೂಟಕ್ಕೆ ಆಯ್ಕೆ ಯಾಗುವ ಮೂಲಕ ತಾಲೂಕಿನ ಕ್ರೀಡಾ ಕ್ಷೇತ್ರಕ್ಕೆ ಕೀರ್ತಿ ತಂದಿದ್ದಾರೆ.

ಇತ್ತೀಚೆಗೆ ನಡೆದ ಜಿಲ್ಲಾ ಮಟ್ಟದ ಕಬಡ್ಡಿ ಪಂದ್ಯಾವಳಿಯಲ್ಲಿ ಶಾಲೆಯ ವಿದ್ಯಾರ್ಥಿಗಳು ಅತ್ಯುತ್ತಮ ಪ್ರದರ್ಶನ ನೀಡಿ ವಿಜಯ ಸಾಧಿಸಿದ್ದಾರೆ. ಸತತ ನಾಲ್ಕನೇ ಬಾರಿಯ ಈ ಸಾಧನೆಗೆ ಶಿಕ್ಷಣ ಇಲಾಖೆ ಅಧಿಕಾರಿಗಳು ಹಾಗೂ ಕ್ರೀಡಾಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿ ವಿದ್ಯಾರ್ಥಿಗಳನ್ನು ಅಭಿನಂದಿಸಿದ್ದಾರೆ.

ಇದನ್ನೂ ಓದಿ: Kabaddi Player protest: ಜಿಲ್ಲಾಡಳಿತ ಭವನದ ಎದುರು ಬಾಲಕಿಯರ ಪ್ರತಿಭಟನೆ; ತಪ್ಪಿತಸ್ಥ ಅಧಿಕಾರಿಗಳ ವಿರುದ್ಧ ಕ್ರಮಕ್ಕೆ ಆಗ್ರಹ

ವಿದ್ಯಾರ್ಥಿಗಳ ಈ ಯಶಸ್ಸಿಗೆ ಟಿಪಿಇಐ ಹನುಮಂತ ರೆಡ್ಡಿ ಅವರ ಪ್ರೋತ್ಸಾಹ, ಮಾರ್ಗದರ್ಶನ ಹಾಗೂ ಸಹಕಾರ ಪ್ರಮುಖವಾಗಿದ್ದು, ದೈಹಿಕ ಶಿಕ್ಷಣ ಶಿಕ್ಷಕರಾದ ಮುರಳಿ, ವಿಜಯ್ ಕುಮಾರ್, ಅಂಜಿನಪ್ಪ, ಮುಬಾರಕ್, ಮಂಜು, ಮನೋಹರ್, ಮಧು, ಆಸಿಫಾ, ಗೌರಮ್ಮ, ನರಸಿಂಹಮೂರ್ತಿ ಮತ್ತು ಶರೀಫ್ ಅವರ ಪರಿಶ್ರಮವನ್ನು ವಿದ್ಯಾರ್ಥಿಗಳು ಸ್ಮರಿಸಿದ್ದಾರೆ.

ಶಾಲೆಯ ಪ್ರಾಂಶುಪಾಲ ಉಮೇಶ್ ಕುಂಟೋಜಿ, ನಿಲಯ ಪಾಲಕ ರಾಜಿನಿಕಾಂತ್ ಹಾಗೂ ಹಿರಿಯ ಶಿಕ್ಷಕಿ ಸುನೀತಾ ಅವರ ಮಾರ್ಗದರ್ಶನ ಮತ್ತು ಬೆಂಬಲವೂ ಈ ಸಾಧನೆಗೆ ನೆರವಾಗಿದೆ. ಕ್ರೀಡಾಪಟುಗಳಿಗೆ ನಿರಂತರ ಪ್ರೋತ್ಸಾಹ ನೀಡಿದ ಪೋಷಕರಿಗೂ ವಿದ್ಯಾರ್ಥಿಗಳು ಕೃತಜ್ಞತೆ ಸಲ್ಲಿಸಿದ್ದಾರೆ.

ಜಿಲ್ಲಾ ಮಟ್ಟದಲ್ಲಿ ಸಾಧನೆಯ ಪರಂಪರೆ ಮುಂದುವರಿಸಿರುವ ವಿದ್ಯಾರ್ಥಿಗಳು, ವಿಭಾಗ ಮಟ್ಟದ ಪಂದ್ಯಾವಳಿಯಲ್ಲಿಯೂ ಉತ್ತಮ ಪ್ರದರ್ಶನ ನೀಡಿ ರಾಜ್ಯ ಮಟ್ಟಕ್ಕೆ ಆಯ್ಕೆಯಾಗಲಿ ಎಂದು ಕ್ರೀಡಾಭಿಮಾನಿಗಳು ಶುಭ ಹಾರೈಸಿದ್ದಾರೆ.

]]>

ಜಯನಗರದಲ್ಲಿ ಆಭರಣ ಸಂಸ್ಥೆಯ 2ನೇ ಶೋರೂಂ ಆರಂಭ

Sun, 18 Oct 2026 08:55:06 +0000

ಬೆಂಗಳೂರು: ಬೆಂಗಳೂರಿನ ಜಯನಗರದಲ್ಲಿ ತನ್ನ ಎರಡನೇ ಶೋರೂಮ್‌ಅನ್ನು ಪ್ರಾರಂಭಿಸುವ ಮೂಲಕ ತನ್ನ ಅಸ್ತಿತ್ವವನ್ನು `ಆಭರಣ ಸಂಸ್ಥೆ' ವಿಸ್ತರಿಸುತ್ತಿದೆ. ಶೋರೂಮ್ ಅಕ್ಟೋಬರ್ 17ರಂದು ಕಾರ್ಯಾರಂಭ ಮಾಡಿದೆ. ಬೆಂಗಳೂರಿನಲ್ಲಿ ನಡೆಯುತ್ತಿರುವ ಈ ನಿರಂತರ ವಿಸ್ತರಣೆಯು, ಭಾರತದ ಅತ್ಯಂತ ಕ್ರಿಯಾಶೀಲ ಮತ್ತು ಗುಣಮಟ್ಟ ಬಯಸುವ ಆಭರಣ ಮಾರುಕಟ್ಟೆಗಳಲ್ಲಿ ಒಂದಾದ ಇಲ್ಲಿನ ಗ್ರಾಹಕರ ಕುರಿತು ಬ್ರ್ಯಾಂಡ್ ಹೊಂದಿರುವ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.

ಆಭರಣಪ್ರಿಯರಿಗೆ ಭವ್ಯ ಸ್ವಾಗತ

ಹೊಸ ಶೋರೂಂ ಉದ್ಘಾಟನೆಯ ಅಂಗವಾಗಿ, ಈ ಆಭರಣ ಸಂಸ್ಥೆಯು ಸೀಮಿತ ಅವಧಿಯ ವಿಶೇಷ ಕೊಡುಗೆ ಘೋಷಿಸಿದೆ. ಇದರ ಅಡಿಯಲ್ಲಿ ಚಿನ್ನ, ಪ್ಲಾಟಿನಂ, ಬೆಳ್ಳಿ, ರತ್ನದ ಹರಳು, ವಜ್ರ ಮತ್ತು ಕಚ್ಚಾ (ಅನ್‌ಕಟ್) ವಜ್ರದ ಆಭರಣಗಳ ಮಜೂರಿಯ ಮೇಲೆ ಶೇ.50% ನೇರ ರಿಯಾಯಿತಿ ಲಭ್ಯವಿದೆ. ಈ ಕೊಡುಗೆಯು ನವೆಂಬರ್ 8ರ ವರೆಗೆ ಚಾಲ್ತಿಯಲ್ಲಿರುತ್ತದೆ. ಇದು ಜಯನಗರ ಮತ್ತು ದಕ್ಷಿಣ ಬೆಂಗಳೂರಿನ ಗ್ರಾಹಕರಿಗೆ ಅತ್ಯುತ್ತಮ ಮೌಲ್ಯದೊಂದಿಗೆ ಹೊಸ ಆಭರಣ ಸಂಗ್ರಹಗಳನ್ನು ವೀಕ್ಷಿಸಲು ಮತ್ತು ಖರೀದಿಸಲು ಅತ್ಯುತ್ತಮ ಅವಕಾಶ ಕಲ್ಪಿಸುತ್ತದೆ.

ಇದನ್ನೂ ಓದಿ: Jewel Fashion 2026: ಜೆನ್ ಜಿ ದೇಸಿ ಲುಕ್‌ಗೆ ಎಂಟ್ರಿ ಕೊಟ್ಟ ಪ್ರೆಸ್ ಆನ್ ಮೂಗುತಿಗಳು

ಗ್ರಾಹಕರ ಅನುಕೂಲಕ್ಕೆ ಆದ್ಯತೆ ನೀಡುವ ವಿನ್ಯಾಸದ ಶೋರೂಂ

ಕಾಲಾತೀತ ಸಾಂಪ್ರದಾಯಿಕ ವಿನ್ಯಾಸ ಮತ್ತು ಭವ್ಯವಾದ ವೈವಾಹಿಕ ಆಭರಣ ಸಂಗ್ರಹಗಳಿಂದ ಹಿಡಿದು, ಜಾಗತಿಕ ಶೈಲಿಗಳಿಂದ ಪ್ರೇರಿತವಾದ ಅತ್ಯಾಧುನಿಕ ವಿನ್ಯಾಸದ ಆಭರಣಗಳೂ ಸೇರಿವೆ. ವಿಶಾಲ ಒಳಾಂಗಣ ಮತ್ತು ಸುಂದರವಾದ ಅಲಂಕಾರವು ಗ್ರಾಹಕರಿಗೆ ಆರಾಮದಾಯಕ ಅನುಭವ ನೀಡುತ್ತದೆ. ಈ ಸಂಸ್ಥೆಯ ಪ್ರತಿಯೊಂದು ಶೋರೂಮ್‌ನಂತೆಯೇ, ಇಲ್ಲೂ ಕೂಡ ತರಬೇತಿ ಪಡೆದ ವೃತ್ತಿಪರರ ತಂಡವು ಗ್ರಾಹಕರಿಗೆ ವೈಯಕ್ತಿಕ ಮಾರ್ಗದರ್ಶನ ನೀಡಲು ಸಿದ್ಧವಿರುತ್ತದೆ; ಅದು ವೈವಾಹಿಕ ಶಾಪಿಂಗ್ ಆಗಿರಲಿ, ವಿಶೇಷ ಸಂದರ್ಭದ ಆಚರಣೆಯಾಗಿರಲಿ ಅಥವಾ ವೈಯಕ್ತಿಕ ಸಂಗ್ರಹಕ್ಕೆ ಆಭರಣಗಳ ಖರೀದಿಯೇ ಆಗಿರಲಿ, ಎಲ್ಲದಕ್ಕೂ ಸೂಕ್ತ ಸಲಹೆ ಸಿಗುತ್ತದೆ.

ಈ ಸಂಸ್ಥೆಯನ್ನು ಏಳು ದಶಕಗಳಿಂದಲೂ ಗುರುತಿಸುವ ಪ್ರಮುಖ ಮೌಲ್ಯಗಳ ಬೆಂಬಲವನ್ನು ಪ್ರತಿಯೊಂದು ಖರೀದಿಯೂ ಹೊಂದಿದೆ. ಪ್ರಮಾಣೀಕೃತ ಶುದ್ಧತೆ, ಪಾರದರ್ಶಕ ಬೆಲೆ ನಿಗದಿ ಮತ್ತು ಗ್ರಾಹಕರಿಗೆ ಆದ್ಯತೆ ನೀಡುವ ಸೇವೆ ಇಲ್ಲಿ ದೊರಕಲಿದೆ.

ಈ ಸಂಸ್ಥೆಗೆ ಪ್ರಮುಖ ಮಾರುಕಟ್ಟೆಗಳಲ್ಲಿ ಬೆಂಗಳೂರು ಒಂದಾಗಿ ಹೊರಹೊಮ್ಮಿದೆ. ಜಯನಗರ ದಲ್ಲಿ ಎರಡನೇ ಶೋರೂಮ್‌ನ ಉದ್ಘಾಟನೆಯು, ಕೇವಲ ನಗರದ ಕೇಂದ್ರ ಭಾಗದಲ್ಲಿ ಮಾತ್ರವಲ್ಲದೆ ಗ್ರಾಹಕರು ವಾಸಿಸುವ ಸ್ಥಳೀಯ ಪ್ರದೇಶಗಳಲ್ಲೂ ಆಭರಣ ಖರೀದಿಯನ್ನು ಹೆಚ್ಚು ಅನುಕೂಲ ಕರವಾಗಿಸುವ ಬ್ರ್ಯಾಂಡ್‌ನ ಬದ್ಧತೆ ಮತ್ತು ಧ್ಯೇಯವನ್ನು ಪ್ರತಿಬಿಂಬಿಸುತ್ತದೆ. ಬಲವಾದ ಸಾಂಸ್ಕೃತಿಕ ಬೇರುಗಳು ಮತ್ತು ಚೈತನ್ಯಶೀಲ ಸಮುದಾಯವನ್ನು ಹೊಂದಿರುವ ಬಡಾವಣೆ ಜಯನಗರ, ಇಲ್ಲಿ ಮತ್ತೊಂದು ಮಳಿಗೆಯನ್ನು ತೆರೆಯಲು ಅತ್ಯಂತ ಸೂಕ್ತವಾದ ಸ್ಥಳವಾಗಿದೆ.

ಈ ನೂತನ ಮಳಿಗೆಯ ಉದ್ಘಾಟನೆಯನ್ನು ಘೋಷಿಸುತ್ತಾ, ಸಂಸ್ಥೆಯ ಸಿಎಂಡಿ ಡಾ. ಜಾಯ್ ಆಲುಕ್ಕಾಸ್ ಅವರು ಮಾತನಾಡಿ "ಬೆಂಗಳೂರು ನಿರಂತರವಾಗಿ ವಿಕಸನಗೊಳ್ಳುತ್ತಿರುವ ನಗರ. ಇಲ್ಲಿನ ಆ ಚೈತನ್ಯವನ್ನು ನಾವು ನಿಜವಾಗಿಯೂ ಮೆಚ್ಚುತ್ತೇವೆ. ಜಯನಗರದಲ್ಲಿ ನಮ್ಮ ಎರಡನೇ ಶೋರೂಮ್‌ಅನ್ನು ತೆರೆಯುವುದು ಕೇವಲ ಹೊಸ ವಿಳಾಸವನ್ನು ಸೇರಿಸುವುದಷ್ಟೇ ಅಲ್ಲ, ಬದಲಾಗಿ ವಿಶಿಷ್ಟ ಸಂಸ್ಕೃತಿ ಮತ್ತು ಸಂಪ್ರದಾಯ ಹೊಂದಿರುವ ಈ ಪ್ರದೇಶದ ಭಾಗವಾಗುವುದೂ ಸಹ ಆಗಿದೆ. ಪ್ರತಿಯೊಂದು ಹೊಸ ಶೋರೂಮ್ ಕೂಡ ನಮ್ಮ ಗ್ರಾಹಕರಿಗೆ ಹೆಚ್ಚಿನ ಆಯ್ಕೆ, ಹೆಚ್ಚಿನ ವಿಶ್ವಾಸ ಮತ್ತು ಸಂಭ್ರಮಿಸಲು ಹೆಚ್ಚಿನ ಕಾರಣಗಳನ್ನು ಒದಗಿಸುವ ಅವಕಾಶವಾಗಿದೆ. ಜಯನಗರ ಮತ್ತು ಬೆಂಗಳೂರಿನಾದ್ಯಂತ ಇರುವ ಪ್ರತಿಯೊಬ್ಬರಿಗೂ ನಮ್ಮ ಮಳಿಗೆಗೆ ಭೇಟಿ ನೀಡಲು, ನಮ್ಮ ಆಭರಣ ಸಂಗ್ರಹಗಳನ್ನು ವೀಕ್ಷಿಸಲು ಮತ್ತು ಈ ವಿಶೇಷ ಸಂದರ್ಭದ ಭಾಗವಾಗಲು ನಾವು ಆತ್ಮೀಯವಾಗಿ ಆಹ್ವಾನಿಸುತ್ತೇವೆ" ಎಂದು ಅವರು ಇದೇ ಸಂದರ್ಭದಲ್ಲಿ ಕರೆ ನೀಡಿದ್ದಾರೆ.

ಈ ಸಂದರ್ಭದಲ್ಲಿ ಆಭರಣಗಳ ಮಜೂರಿಯ ಮೇಲೆ ಶೇ.೫೦% ನೇರ ರಿಯಾಯಿತಿಯ ವಿಶೇಷ ಕೊಡುಗೆ ಪಡೆಯಿರಿ. ಈ ಕೊಡುಗೆಯು ನವೆಂಬರ್ ೮, ೨೦೨೬ ರವರೆಗೆ ಚಾಲ್ತಿಯಲ್ಲಿರುತ್ತದೆ.

]]>

Hari Paraak Column: ದನಗಳಿಗೆ ಚಿಕಿತ್ಸೆ ಮಾಡೋ ಪಶುವೈದ್ಯ- ದನವಂತ್ರಿ

Sun, 18 Oct 2026 08:52:31 +0000

ತುಂಟರಗಾಳಿ

ಸಿನಿಗನ್ನಡ

ಮೊನ್ನೆ ರಾಮರಸ ಚಿತ್ರದ ಪತ್ರಿಕಾಗೋಷ್ಠಿಯಲ್ಲಿ ನಿರ್ದೇಶಕ ಕಮ್ ನಿರ್ಮಾಪಕ ಗುರುದೇಶಪಾಂಡೆ ಮಾಧ್ಯಮಗಳ ಮೇಲೆ ಗರಂ ಆಗಿ, ನನಗೆ ಯೂಟ್ಯೂಬರ್ ಗಳು ಮತ್ತು ಫ್ರೀಲ್ಯಾನ್ಸರ್‌ಗಳೇ ಸಾಕು, ಟಿವಿ, ಪತ್ರಿಕೆ ಬೇಕಿಲ್ಲ ಎಂದು ನೇರವಾಗಿ ಗುಡುಗಿದ್ದಾರೆ. ನಂತರ ಎಂದಿನಂತೆ ವಿರೋಧ ವ್ಯಕ್ತವಾದಾಗ ಇವರ ಸಹವಾಸ ಯಾಕೆ ಅಂತ ಸಾರಿ ಹೇಳಿ ತಿಪ್ಪೆ ಸಾರಿಸಿದ್ದಾರೆ. ಆದರೆ ಅವರು ಏನೇ ಸಾರಿ ಹೇಳಿದರೂ ಮಾಧ್ಯಮಗಳನ್ನು ಅವರು ಪಕ್ಕಕ್ಕೆ ಸರಿಸಿದ್ದಾರೆ ಅನ್ನೋದು ಅವರ ಮಾತಿನಲ್ಲಿ ವ್ಯಕ್ತವಾಗುತ್ತಿತ್ತು.

ಅದೊಂಥರಾ ಸರಿನೇ ಬಿಡಿ. ಈಗಿನ ಕಾಲದ ಮಾಧ್ಯಮದವರಲ್ಲಿ ಕೆಲವೇ ಕೆಲವರು ಅಧಿಕಾರ ವಹಿಸಿಕೊಂಡವರಂತೆ ಕೆಳಗೆ ಕೂತು ಸಿನಿಮಾದವರನ್ನು ಕೆಲಸಕ್ಕೆ ಬಾರದ ಪ್ರಶ್ನೆಗಳನ್ನು ಕೇಳುತ್ತಿದ್ದರೆ ಎಲ್ಲರಿಗೂ ಮೈ ಉರಿಯೋದು ಸಹಜ. ಅವತ್ತೂ ಅದೇ ಆಗಿದ್ದು. ಸಿನಿಮಾ ವಿಷಯ ಬಿಟ್ಟು ‘ಅವ್ರ್ ಯಾಕ್ ಬಂದಿಲ್ಲ, ಇವ್ರ್ ಯಾಕೆ ಬಂದಿಲ್ಲ’ ಅಂತ ರಾಗ ತೆಗೆದ ಪತ್ರಕರ್ತರೊಬ್ಬರ ಮೇಲೆ ಗುರು ಗರಂ ಆಗಿದ್ದರು. ಗುರು ಅವರು ‘ಏನ್ ಸಮಸ್ಯೆ ಇಲ್ಲ ಮುಂದಿನ ದಿನಗಳಲ್ಲಿ ಅವರು ಬರ್ತಾರೆ’ ಅಂತ ಹೇಳಿದ ಮೇಲೂ ಮುಂದೆ ಹೋಗದೆ ಅದೇ ಪ್ರಶ್ನೆಯನ್ನು ಜಗ್ಗಾಡಿದ್ದರಿಂದ ಗುರು ಅವರು ಇದ್ದ ವಿಷಯವನ್ನು ಹೇಳಿಕೊಂಡು ನನಗೆ ಸೋಷಿಯಲ್ ಮೀಡಿಯಾಗಳೇ ಸಾಕು ಎಂದಿದ್ದಾರೆ.

ಇದನ್ನೂ ಓದಿ: Hari Paraak Column: ಎಲ್ಲದಕ್ಕೂ ಡೆಮೋ ತೋರಿಸಿ ಅಂತ ಕೇಳೋದು- ʼಡೆಮೋʼ ಕ್ರಸಿ

ಅಂದ ಹಾಗೆ ಇವತ್ತು ಪ್ರಿಂಟ್ ಮತ್ತು ಟಿವಿ ಮಾಧ್ಯಮಗಳಿಗಿಂತ ಹೆಚ್ಚು ಪ್ರಚಾರವನ್ನು ಕಡಿಮೆ ಖರ್ಚಿನಲ್ಲಿ ಮಾಡಿ ಕೊಡ್ತಾ ಇರೋದು ಸೋಷಿಯಲ್ ಮೀಡಿಯಾಗಳೇ ಬಿಡಿ. ಕೆಲವು ಪತ್ರಿಕೆಗಳಲ್ಲಿ ಯಾವತ್ತೋ ಒಂದು ದಿನ ಒಂದು ಸಣ್ಣ ಬಾಕ್ಸ್ ಐಟಂ ಸುದ್ದಿ ಬರುತ್ತೆ. ಟಿವಿಯಲ್ಲಿ ನಾಲ್ಕು ಸಾಲಿನ ಸುದ್ದಿ ಪ್ರಸಾರ ಆಗುತ್ತೆ. ಅದೂ ಅವರಿಗೆ ಜಾಹೀರಾತು ಕೊಟ್ಟರೆ ಮಾತ್ರ. ಇಲ್ಲದಿದ್ದರೆ, ನೆಗೆಟಿವ್ ಸುದ್ದಿ ಗ್ಯಾರಂಟಿ. ಆದರೆ ಸೋಷಿಯಲ್ ಮೀಡಿಯಾಗಳಲ್ಲಿ 24 ಗಂಟೆ ಸಿನಿಮಾದ್ದೇ ಸಂಬಂಧಿತ ಸುದ್ದಿಗಳು, ರೀಲ್‌ಗಳು, ಪ್ರಮೋಷನಲ್ ವಿಡಿಯೋಗಳು ನಿರಂತರವಾಗಿ ಬರ್ತಾನೇ ಇರ್ತವೆ. ಮತ್ತು ಅವು ಹೆಚ್ಚು ಜನರನ್ನು ತಲುಪುತ್ತವೆ. ಅದರಿಂದಲೇ ‘ಪ್ರೇಮದ ಊರಲಿ’ ಅನ್ನೋ ಹೊಸಬರ ಸಿನಿಮಾ ಇಷ್ಟು ದೊಡ್ಡ ಮಟ್ಟಿಗೆ ಸಕ್ಸಸ್ ಆಗಿರೋದು ಅನ್ನೋದು ಸಂಪೂರ್ಣ ಸುಳ್ಳಲ್ಲ. ಹಾಗಾಗಿ ಬಾಯಿತಪ್ಪಿ ಸತ್ಯ ಹೇಳಿರುವ ಗುರು ದೇಶಪಾಂಡೆ ಅವರನ್ನು ಮುಖ್ಯ ವಾಹಿನಿಯ ಮಾಧ್ಯಮ ಮಿತ್ರರು ದೊಡ್ಡ ಮನಸ್ಸು ಮಾಡಿ ಕ್ಷಮಿಸಬೇಕಾಗಿದೆ ಅಂದ್ರೆ ತಪ್ಪೇನಿಲ್ಲ ಬಿಡಿ.

ಲೂಸ್‌ ಟಾಕ್-‌ ಲಾಲೂ ಪ್ರಸಾದ್‌ ಯಾದವ್

ನವೆಂಬರ್ ಕನ್ನಡಿಗ ನಮಸ್ಕಾರ, ಸ್ವಾಭಿಮಾನಿ ಕನ್ನಡಿಗರಿಗೆ, 10 ಗಂಟೆ ಆದ್ರೂ ಇನ್ನೂ ಮಲಗೇ ಇದ್ದೀರಲ್ಲ, ಏಳಿ ಸ್ವಾಮಿ ಎದ್ದೇಳಿ, ರಾಜ್ಯೋತ್ಸವ ಬರ್ತಾ ಇದೆ. ‌

- ಹಲೋ, ಬಾಸ್, ಇದಿನ್ನೂ ಅಕ್ಟೋಬರ್. ರಾಜ್ಯೋತ್ಸವ ಬರೋಕೆ ಇನ್ನೂ ಟೈಮಿದೆ.

ಹೋ, ಅಂದ್ರೆ ನೀವು ನವೆಂಬರ್ 1ಕ್ಕೆ ಮಾತ್ರ ಕನ್ನಡಿಗರಾ? ಸರಿ, ಬೆಂಗಳೂರಲ್ಲಿ ಕನ್ನಡ ಮಾತಾಡದೇ ಇದ್ರೆ, ಕನ್ನಡ ಹಾಡು ಹಾಕದಿದ್ರೆ, ಕನ್ನಡದಲ್ಲಿ ಬೋರ್ಡ್ ಹಾಕದಿದ್ರೆ ನಮ್ಮವರು ಹೊರಗಿನವರ ಮೇಲೆ ಕೈ ಮಾಡ್ತಾರಲ್ಲ ಇದು ಸರೀನಾ?

- ಮತ್ತೆ, ಬೋರ್ಡಿಗಿಲ್ಲದವರೆ ಇಲ್ಲಿಗೆ ಬಂದು, ಕನ್ನಡ ಬೋರ್ಡ್ ಹಾಕಲ್ಲ ಅಂದ್ರೆ, ಸುಮ್ನೆ ಇರ್ಬೇಕಾ. ಕುವೆಂಪು ಅವರೇ ಹೇಳಿದ್ದಾರಲ್ಲ, ಕನ್ನಡಕ್ಕಾಗಿ ಕೈ ಎತ್ತು ಅಂತ. ಇಲ್ಲಾ ಅಂದ್ರೆ ನಾವ್ ತಲೆ ಎತ್ಕೊಂಡ್ ಓಡಾಡೋಕಾಗುತ್ತಾ.

ಸಾರ್, ಕುವೆಂಪು ಅವರು ಹೇಳಿದ್ದು ಬೇರೆ ಅರ್ಥದಲ್ಲಿ ಹೋಗ್ಲಿ ಬಿಡಿ, ನೀವು ಕನ್ನಡ ರಕ್ಷಕರು ಅಲ್ವಾ? ಹಾಗಿದ್ರೆ ಒಂದಿಬ್ಬರು ಕನ್ನಡಕ್ಕಾಗಿ ಹೋರಾಡಿದ ಒಂದಿಬ್ಬರು ಮಹನೀಯರ ಹೆಸರು ಹೇಳಿ ನೋಡೋಣ?

- ನಾರಾಯಣಗೌಡ್ರು, ರೂಪೇಶ್ ರಾಜಣ್ಣ, ಕಿರಿಕ್ ಕೀರ್ತಿ, ಮತ್ತೆ... ಇನ್ನೊಂದಿಬ್ರು ಇದ್ದಾರೆ, ಇರಿ ಹೇಳ್ತೀನಿ

ಅಯ್ಯೋ, ಸಾಕು ಬಿಡಿ, ಓವರ್ ಡೋಸ್ ಆಗೋಯ್ತು. ಸರಿ, ಸಾಫ್ಟ್‌ʼವೇರ್ ಕಂಪನಿಗಳಲ್ಲಿ ಕನ್ನಡವನ್ನ, ಕನ್ನಡಿಗರನ್ನ ನಿರ್ಲಕ್ಷ್ಯ ಮಾಡ್ತಿದಾರೆ. ನೀವು ಅಲ್ಲಿ ಕೆಲಸ ಮಾಡ್ತಾ ಇದ್ರೆ ಏನ್ ಮಾಡ್ತಿದ್ರಿ?

- ನಾನು ಅಂಥವರ ಕೈ ಕೆಳಗೆ ಕೆಲಸ ಮಾಡೋದೇ ಇಲ್ಲ. ಬೇಕಿದ್ರೆ ಸರ್ಕಾರಿ ಕೆಲಸ ಸೇರಿ, ಟೇಬಲ್ ಕೆಳಗೆ ಕೈ ಇಟ್ಕೊಂಡ್ ಜೀವನ ಮಾಡ್ತೀನಿ.

ಓಹೋ, ಟೇಬಲ್ ಮ್ಯಾನರ್ಸ್ ಬಗ್ಗೆ ಮಾತಾಡ್ತಾ ಇದ್ದೀರಿ. ಆದ್ರೆ ಈ ಟೈಮ್ ಟೇಬಲ್ ಹಾಕ್ಕೊಂಡು, ನವೆಂಬರ್ ಟೈಮ್ ಬಂದಾಗ ಮಾತ್ರ ಕನ್ನಡ, ಕನ್ನಡ ಅನ್ನೋರಿಗೆ ನಿಮ್ಮ ಕಿವಿ ಮಾತು ?

- ಏನಿಲ್ಲ ಬಿಡ್ರೀ, ಅದರಲ್ಲಿ ತಪ್ಪೇನಿದೆ. ಅವರಿಗೆ ಒಳ್ಳೆ ಟೈಮ್ ಸೆನ್ಸ್ ಇದೆ ಅಂತ ಅಪ್ರಿಶಿಯೇಟ್ ಮಾಡ್ಬೇಕು.

(ಕಾಲ್ಪನಿಕ ಸಂದರ್ಶನ)

ನೆಟ್‌ ಪಿಕ್ಸ್

ಅವತ್ತು ಮರಿಖೇಮು ಟೀಚರ್ದು ಬರ್ತ್ ಡೇ ಇತ್ತು. ಸೋ, ಸ್ಕೂಲಿನ ಎಲ್ಲಾ ಮಕ್ಕಳು ಟೀಚರ್‌ಗೆ ಅಂತ ವೆರೈಟಿ, ವೆರೈಟಿ ಗಿಫ್ಟ್‌ʼಗಳನ್ನ ತಂದಿದ್ರು. ಮರಿಖೇಮು ಕೂಡ ಗಿಫ್ಟ್ ತಗೊಂಡ್ ಹೋದ. ಸರಿ ಶಾಲೆಯಲ್ಲಿ ಪಾಠ ಮಾಡಿದ ನಂತರ ಟೀಚರ್ ಹುಟ್ಟುಹಬ್ಬದ ಸೆಲೆಬ್ರೇಷನ್ ಶುರು ಆಯ್ತು. ಮೊದಲು ಟೀಚರ್ ಎಲ್ಲಾ ಮಕ್ಳಿಗೂ ಸ್ವೀಟ್ ಕೊಟ್ರು, ಎಲ್ಲ ಮಕ್ಕಳೂ ಖುಷಿಯಾದ್ರು. ನಂತರ ಒಂದಷ್ಟು ಹೊತ್ತು ಎಂಟರ್‌ಟೈನ್‌ಮೆಂಟ್ ಪ್ರೋಗ್ರಾಮ್ ನಡೀತು. ಕೊನೆಯಲ್ಲಿ ಎಲ್ಲ ಮಕ್ಕಳು ಟೀಚರ್‌ಗೆ ಗಿಫ್ಟ್ ಕೊಡೋ ಸಮಯ. ಸರಿ ಮಕ್ಕಳೆ ಒಬ್ಬೊಬ್ಬರಾಗಿ ಸಾಲಿನಲ್ಲಿ ನಿಂತಿದ್ದರು. ಎಲ್ಲರ ಕೈಯಲ್ಲೂ ದೊಡ್ಡ ದೊಡ್ಡ ಪ್ಯಾಕೆಟ್‌ಗಳು, ಟೇಚರ್ ಫುಲ್ ಖುಷ್ ಆಗಿದ್ರು, ಸರಿ ಮೊದಲ ಮಗು ಬಂತು. ಅದು ಸೂಪರ್ ಮಾರ್ಕೆಟ್ ಓನರ್ ಮಗಳು, ಬಾಕ್ಸ್‌ನಲ್ಲಿ ಡ್ರೈ ಫ್ರೂಟ್ಸ್ ಇರಬಹುದು ಅಂತ ಟೀಚರ್ ಗೆಸ್ ಮಾಡಿದ್ರು. ನಂತ್ರ ಅದರ ಕೈಯಿಂದ ಗಿಫ್ಟ್ ತೆಗೆದುಕೊಂಡ ಟೀಚರ್ ತೆಗೆದು ನೋಡಿದರು. ಬಾಕ್ಸ್ ತುಂಬಾ ಡ್ರೈ ಫ್ರೂಟ್ಸ್ ಇತ್ತು.

ಟೀಚರ್ ಖುಷ್. ಮುಂದಿನ ಮಗು ಬಂತು. ಅದು ಚಾಕ್ಲೇಟ್ ಅಂಗಡಿ ಓನರ್ ಮಗ, ಬಾಕ್ಸ್‌ನಲ್ಲಿ ಚಾಕ್ಲೇಟ್ ಇರಬಹುದು ಅಂದ್ಕೊಂಡ್ರು ಟೀಚರ್. ಅದರ ಕೈಯಿಂದ ಟೀಚರ್ ಗಿಫ್ಟ್ ಇಸ್ಕೊಂಡ್ರು. ತೆಗೆದು ನೋಡಿದರೆ ಬಾಕ್ಸ್ ತುಂಬಾ ಚಾಕ್ಲೇಟ್ ಗಳು. ಟೀಚರ್ ಫುಲ್ ಖುಷ್. ನಂತರ ಇನ್ನೊಂದು ಮಗು ಬಂತು. ಅದು -ವರಿಸ್ಟ್ ಮಗಳು, ಬಾಕ್ಸ್‌ನಲ್ಲಿ ಮೋಸ್ಟ್‌ಲೀ ಹೂವುಗಳಿರಬಹುದು ಅಂದ್ಕೊಂಡ್ರು ಟೀಚರ್. ತೆಗೆದು ನೋಡಿದರೆ ಸಕತ್ ಬ್ಯೂಟಿಫುಲ್ ಫ್ರೆಷ್ ಹೂವುಗಳು, ಟೀಚರ್ ಫುಲ್ ಖುಷ್. ಕೊನೆಗೆ ಮರಿಖೇಮು ಬಂದ. ಅವನು ವೈನ್ ಸ್ಟೋರ್ ಓನರ್ ಮಗ ಅಂತ ಟೀಚರ್‌ಗೆ ಗೊತ್ತಿತ್ತು. ಮೋಸ್ಟ್‌ಲೀ ವೈನ್ ತಂದಿರಬೇಕು ಅಂಡ್ಕೊಂಡು ಬಾಕ್ಸ್ ಇಸ್ಕೊಂಡ್ರು. ಇಸ್ಕೊಳ್ಳುವಾಗ ಕೈ ಸ್ವಲ್ಪ ಒದ್ದೆಯಾಯ್ತು. ಬೆರಳನ್ನ ನೆಕ್ಕಿ ನೋಡಿದರು. ಒಂಥರಾ ಉಪ್ಪುಪ್ಪು ಟೇಸ್ಟ್ ಇತ್ತು. ‘ಯಾವ ವೈನ್ ಇದು? ಉಪ್ಪುಪ್ಪಾಗಿದೆ’ ಅಂತ ಮರಿಖೇಮುನಾ ಕೇಳಿದ್ರು. ಅದಕ್ಕೆ ಮರಿಖೇಮು ಹೇಳಿದ ‘ನಾನು ತಂದಿರೋದು ವೈನ್ ಅಲ್ಲ, ಬೆಕ್ಕಿನ ಮರಿ’.

ಲೈನ್‌ ಮ್ಯಾನ್

ಒಂದೇ ಥರ ಸೌಂಡ್ ಬರೋ ಸ್ಟೀರಿಯೋ ಸಿಸ್ಟಮ್‌ಗಳನ್ನ ಏನಂತಾರೆ? ‌

- ಸ್ಟೀರಿಯೋಟೈಪ್ಡ್ ಆಲಿಯಾ ಭಟ್ ಪೆಟ್ ನೇಮ್ ಆಲೂ ಅಂತೆ.

- ಅವ್ರನ್ನ ಏನಂತ ಕರೆಯೋದು? ಆಲಿಯಾ ಆಲಿಯಾಸ್ ಆಲೂ

ಸೈಕಲ್‌ಗಳ ರಿಪೇರಿ ಬಗ್ಗೆ ತುಂಬಾ ತಿಳಿದುಕೊಂಡವ?

- ಸೈಕಲಾಜಿಸ್ಟ್

ಕಿಡ್ನಿ ಥರಾ ಹಾರ್ಟ್‌ನಲ್ಲೂ ಸ್ಟೋನ್ಸ್ ಆದ್ರೆ

- ಅದು ’ಕಲ್ಲು’ ಹೃದಯ

ದನಗಳಿಗೆ ಚಿಕಿತ್ಸೆ ಮಾಡುವ ಪಶುವೈದ್ಯ

- ದನವಂತ್ರಿ

ಚೀನಾದ ವಸ್ತುಗಳನ್ನು ಕೊಂಡುಕೊಳ್ಳೋದು ಕಡಿಮೆ ಮಾಡುವ ಪಾಲಿಸಿ

- ಚೀನೀ ಕಮ್

ಸರ್ದಾರ್ ಜೀ ಮಾಡುವ ಅಟ್ಯಾಕ್

- ಸರ್ ಜೀ‘ಕಲ್’ಸ್ಟ್ರೈಕ್

ನಾಗರ ಹಾವು ಕಪ್ಪಗಿದ್ರೆ ಅದು

- ನಾಗರ ಹಾವಲ್ಲ ನೀಗ್ರೋ ಹಾವು

ಆಗ ತಾನೆ ಕಟ್ಟಿದ ಮನೆ ಕುಸಿದು ಬಿದ್ರೆ, ಆ ಸುದ್ದಿಗೆ ತಲೆಬರಹ

- ನಯಾ ಘರ್ ಫಾಲ್ಸ್

]]>

ಪ್ರತಿಭಟನೆ ವೇಳೆ ಗರ್ಭಿಣಿ ಪತ್ರಕರ್ತೆಯನ್ನು ತಳ್ಳಿದ ರಾಹುಲ್ ಗಾಂಧಿ; ಡಿಸಿಪಿಗೆ ದೂರು

Sun, 18 Oct 2026 07:59:41 +0000

ನವದೆಹಲಿ: ಇತ್ತೀಚೆಗೆ ನಡೆದ ಪ್ರತಿಭಟನೆಯ (Protest) ಸಂದರ್ಭದಲ್ಲಿ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ (Congress leader Rahul Gandhi) ಅವರು ತಮ್ಮನ್ನು ತಳ್ಳಿದ್ದಾರೆ ಎಂದು ಆರೋಪಿಸಿ ಪತ್ರಕರ್ತೆಯೊಬ್ಬರು (Richa Parashar) ನವದೆಹಲಿ (delhi) ಜಿಲ್ಲೆಯ ಪೊಲೀಸ್ ಉಪ ಆಯುಕ್ತರಿಗೆ (deputy commissioner of police) ಶನಿವಾರ ದೂರು ನೀಡಿದ್ದಾರೆ. ಚುನಾವಣಾ ಆಯೋಗದ ಮುಖ್ಯಸ್ಥರಾದ ಜ್ಞಾನೇಶ್ ಕುಮಾರ್ ಹಾಗೂ ಮತದಾರರ ಪಟ್ಟಿಯ ತೀವ್ರ ಪರಿಷ್ಕರಣೆ ವಿರೋಧಿಸಿ ವಿರೋಧ ಪಕ್ಷಗಳ ಮೈತ್ರಿಕೂಟ ಇಂಡಿಯಾ ಒಕ್ಕೂಟದಿಂದ ನಡೆದ ಪ್ರತಿಭಟನೆ ವೇಳೆ ಸುಪ್ರೀಂ ಕೋರ್ಟ್ ಆವರಣದಲ್ಲಿ ಈ ಘಟನೆ ನಡೆದಿರುವುದಾಗಿ ಅವರು ದೂರಿನಲ್ಲಿ ತಿಳಿಸಿದ್ದಾರೆ.

ಇಂಡಿಯಾ ಮೈತ್ರಿಕೂಟವು ಕಳೆದ ಸೋಮವಾರ ಪ್ರತಿಭಟನೆ ವೇಳೆ ಸುಪ್ರೀಂ ಕೋರ್ಟ್‌ಗೆ ಮೆರವಣಿಗೆ ನಡೆಸಿತ್ತು. ಆಗ ತಾವು ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಅವರ ಪ್ರತಿಕ್ರಿಯೆ ನೀಡಲು ಮುಂದಾದಾಗ ಅವರು ತಮ್ಮ ಕೈಯನ್ನು ಹಿಡಿದು ಬಲವಾಗಿ ಎಳೆದಿದ್ದಾರೆ. ಇದರಿಂದ ತಾವು ಮೆಟ್ಟಿಲುಗಳ ಮೇಲೆ ಬಿದ್ದಿದ್ದಾಗಿ ಪತ್ರಕರ್ತೆ ರಿಚಾ ಪರಾಶರ್ ಆರೋಪಿಸಿದ್ದಾರೆ.

ದೊಡ್ಡ ಗಣೇಶ್‌ಗೆ ಭಾರತ ಕಿರಿಯರ ತಂಡದ ಆಯ್ಕೆಗಾರನ ಪಟ್ಟ?

ಈ ಕುರಿತು ಶನಿವಾರ ನವದೆಹಲಿ ಜಿಲ್ಲೆಯ ಪೊಲೀಸ್ ಉಪ ಆಯುಕ್ತರಿಗೆ ದೂರು ನೀಡಿರುವ ರಿಚಾ, ರಾಹುಲ್ ಗಾಂಧಿ ಮತ್ತು ಇತರರ ವಿರುದ್ಧ ತಕ್ಷಣವೇ ಪ್ರಥಮ ಮಾಹಿತಿ ವರದಿ ದಾಖಲಿಸುವಂತೆ ಒತ್ತಾಯಿಸಿದರು. ತಾನು ಮೂರು ತಿಂಗಳ ಗರ್ಭಿಣಿಯಾಗಿದ್ದು ಈ ವೇಳೆ ತನ್ನೊಂದಿಗೆ ದುರ್ವರ್ತನೆ ತೋರಲಾಗಿದೆ, ಬೆದರಿಕೆ ಹಾಕಲಾಗಿದೆ ಮತ್ತು ತಳ್ಳುವ ಮೂಲಕ ಬಲಪ್ರಯೋಗ ಮಾಡಲಾಗಿದೆ ಎಂದು ಅವರು ದೂರಿನಲ್ಲಿ ತಿಳಿಸಿದ್ದಾರೆ.

ರಿಚಾ ಪರಾಶರ್ ಅವರು ದೂರಿನಲ್ಲಿ ಉಲ್ಲೇಖಿಸಲಾದ ಸೆಕ್ಷನ್‌ಗಳಡಿಯಲ್ಲಿ ಮಹಿಳೆಯ ಮರ್ಯಾದೆಗೆ ಧಕ್ಕೆ ತರುವ ಉದ್ದೇಶದಿಂದ ಹಲ್ಲೆ ಅಥವಾ ಅಪರಾಧ ಬಲಪ್ರಯೋಗ, ಉದ್ದೇಶಪೂರ್ವಕವಾಗಿ ಗಾಯವನ್ನುಂಟು ಮಾಡುವುದು ಹಾಗೂ ಮಾನವ ಜೀವಕ್ಕೆ ಅಥವಾ ಇತರರ ವೈಯಕ್ತಿಕ ಸುರಕ್ಷತೆಗೆ ಅಪಾಯ ಉಂಟು ಮಾಡುವ ರೀತಿಯಲ್ಲಿ ಅಜಾಗರೂಕತೆಯ ವರ್ತನೆ ಸೇರಿದೆ.

ಡಿಸಿಪಿಗೆ ದೂರು ನೀಡಿದ ಬಳಿಕ ವಿಡಿಯೊ ಬಿಡುಗಡೆ ಮಾಡಿರುವ ರಿಚಾ ಪರಾಶರ್, ತಮ್ಮ ಪರವಾಗಿ ನಿಂತ ಎಲ್ಲರಿಗೂ ಧನ್ಯವಾದಗಳು. ನನಗೆ ಹಲವಾರು ಬೆದರಿಕೆಗಳು ಬರುತ್ತಿವೆ. ನನ್ನನ್ನು ಎಷ್ಟೇ ಟ್ರೋಲ್ ಮಾಡಿ ಆದರೆ ನಾನು ಯಾವಾಗಲೂ ಸತ್ಯದ ಪರವಾಗಿಯೇ ನಿಂತಿದ್ದೇನೆ. ಮುಂದೆಯೂ ಹಾಗೆಯೇ ಮುಂದುವರಿಯುತ್ತೇನೆ. ನನ್ನ ಪಾಲಿಗೆ ನನ್ನ ಆತ್ಮಗೌರವ, ಘನತೆ ಹಾಗೂ ಪತ್ರಕರ್ತೆಯಾಗಿ ವರದಿ ಮಾಡುವ ಮತ್ತು ಪ್ರಶ್ನೆಗಳನ್ನು ಕೇಳುವ ನನ್ನ ಹಕ್ಕು ಅತ್ಯಂತ ಮುಖ್ಯವಾದುದು. ಇದು ಕೇವಲ ವೈಯಕ್ತಿಕ ಹಕ್ಕಲ್ಲ. ಇವು ಭಾರತದ ಸಂವಿಧಾನವು ನೀಡಿರುವ ಹಕ್ಕುಗಳು. ಇವುಗಳನ್ನು ಯಾವುದೇ ಬೆಲೆ ತೆತ್ತಾದರೂ ರಕ್ಷಿಸಲೇಬೇಕು. ನಾನು ಕ್ರಿಮಿನಲ್ ದೂರು ದಾಖಲಿಸಿದ್ದೇನೆ. ಕಾನೂನು ತನ್ನ ಕೆಲಸವನ್ನು ಮಾಡುತ್ತದೆ. ನಿಷ್ಪಕ್ಷಪಾತ ತನಿಖೆ ನಡೆಯುತ್ತದೆ ಎಂಬ ಸಂಪೂರ್ಣ ನಂಬಿಕೆ ಇದೆ ಎಂದು ಅವರು ಹೇಳಿದರು.

ಪತ್ರಕರ್ತೆ ರಿಚಾ ಮಾಡಿರುವ ಆರೋಪವನ್ನು ಕಾಂಗ್ರೆಸ್ ನಿರಾಕರಿಸಿದೆ. ಗರ್ಭಾವಸ್ಥೆಯಲ್ಲಿ ಪ್ರತಿಭಟನೆಯಲ್ಲಿ ಪಾಲ್ಗೊಳ್ಳುವುದು ಅಪಾಯಕಾರಿ. ರಾಹುಲ್ ಗಾಂಧಿ ಅವರು ಮಧ್ಯಾಹ್ನ 3- 4 ಗಂಟೆ ಸುಮಾರಿಗೆ ಆಕೆಯನ್ನು ತಳ್ಳಿದರು ಎಂದು ಹೇಳಲಾಗುತ್ತದೆ. ಆದರೆ ಆಕೆ ರಾತ್ರಿ 8.30ಕ್ಕೆ ಆಸ್ಪತ್ರೆಗೆ ದಾಖಲಾಗಿದ್ದಾರೆ. ಇದಕ್ಕೂ ಮೊದಲು ಆಕೆಯ ಸಹೋದರಿ ಬಿಜೆಪಿ ಶಾಸಕರ ಕಚೇರಿಗೆ ತೆರಳಿದ್ದಳು. ಗರ್ಭಾವಸ್ಥೆಯಲ್ಲಿ ಸಾಮಾನ್ಯವಾಗಿ ಮಾಡದ ಎಕ್ಸ್‌-ರೇ ಪರೀಕ್ಷೆಯನ್ನು ಆಕೆಗೆ ಮಾಡಿಸಲಾಗಿದೆ ಎಂದು ಕಾಂಗ್ರೆಸ್ ನಾಯಕಿ ಅಲ್ಕಾ ಲಾಂಬಾ ತಿಳಿಸಿದ್ದಾರೆ.

ಕೋಲ್ಕತ್ತಾ ಕಾಲ್ತುಳಿತ ಪ್ರಕರಣ; ಸಾವಿನ ಸಂಖ್ಯೆ 19ಕ್ಕೆ ಏರಿಕೆ, 7 ಮಂದಿ ಬಂಧನ

ಇದಕ್ಕೆ ಪ್ರತಿಯಾಗಿ ಬಿಜೆಪಿ ನಾಯಕರು ರಾಹುಲ್ ಗಾಂಧಿ ಮೇಲೆ ವಾಗ್ದಾಳಿ ನಡೆಸಿ, ಪತ್ರಕರ್ತೆ ಅವರಿಗೆ ಸಹಾಯ ಮಾಡದ ಕಾಂಗ್ರೆಸ್ ಕಾರ್ಯಕರ್ತರು ಈಗ ಅವರ ವಿಶ್ವಾಸಾರ್ಹತೆಯನ್ನು ಕುಗ್ಗಿಸಲು ಪ್ರಯತ್ನಿಸುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.

]]>

Chikkaballapur News: ಜೈನ್ ಮಿಷನ್ ಆಸ್ಪತ್ರೆಯಲ್ಲಿ ಜಿಲ್ಲೆಯ ಮೊದಲ ಸರ್ಜಿಕಲ್ ತೀವ್ರ ನಿಗಾ ಘಟಕ ಆರಂಭ

Sun, 18 Oct 2026 07:59:27 +0000

ಚಿಕ್ಕಬಳ್ಳಾಪುರ: ಶಸ್ತ್ರಚಿಕಿತ್ಸೆಗೆ ಒಳಗಾದ ರೋಗಿಗಳಿಗೆ ಶಸ್ತ್ರಚಿಕಿತ್ಸೆಯ ನಂತರ ನಿರಂತರ ನಿಗಾ, ತುರ್ತು ಚಿಕಿತ್ಸೆ ಹಾಗೂ ವಿಶೇಷ ಆರೈಕೆ ಅತ್ಯಗತ್ಯವಾಗಿದ್ದು, ಈ ನಿಟ್ಟಿನಲ್ಲಿ ಚಿಕ್ಕಬಳ್ಳಾಪುರ ನಗರದ ಹೊರವಲಯದ ಜೈನ್ ಮಿಷನ್ ಆಸ್ಪತ್ರೆಯಲ್ಲಿ ನೂತನವಾಗಿ ಆರಂಭಿಸಿರುವ ಸರ್ಜಿಕಲ್ ಇಂಟೆನ್ಸಿವ್ ಕೇರ್ ಯೂನಿಟ್ (SICU) ಜಿಲ್ಲೆಯ ರೋಗಿಗಳಿಗೆ ಮಹತ್ವದ ಸೌಲಭ್ಯವಾಗಲಿದೆ ಎಂದು ಆಸ್ಪತ್ರೆಯ ಅಧ್ಯಕ್ಷ ಡಾ.ನರ್ಪತ್ ಸೋಲಂಕಿ ತಿಳಿಸಿದರು.

ಬೆಂಗಳೂರಿನ ಸುಪ್ರಜಿತ್ ಫೌಂಡೇಶನ್ ಹಾಗೂ ಇಂದಿರಾನಗರದ ರೋಟರಿ ಫೌಂಡೇಶನ್ ಇಂಡಿಯಾ ಸಹಯೋಗದಲ್ಲಿ ಜೈನ್ ಮಿಷನ್ ಆಸ್ಪತ್ರೆಯಲ್ಲಿ ಸ್ಥಾಪಿಸಿರುವ ಸರ್ಜಿಕಲ್ ತೀವ್ರ ನಿಗಾ ಘಟಕವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಶಸ್ತ್ರಚಿಕಿತ್ಸೆಯ ನಂತರ ರೋಗಿಗಳ ಆರೋಗ್ಯದಲ್ಲಿ ಏರುಪೇರಾಗುವ ಸಾಧ್ಯತೆ ಇರುವುದರಿಂದ ನಿರಂತರ ವೈದ್ಯಕೀಯ ಮೇಲ್ವಿಚಾರಣೆ ಮತ್ತು ತಕ್ಷಣದ ಚಿಕಿತ್ಸೆಯ ಅಗತ್ಯವಿರುತ್ತದೆ. ಈ ಹಿನ್ನೆಲೆ ಯಲ್ಲಿ ಅತ್ಯಾಧುನಿಕ ಉಪಕರಣಗಳು ಹಾಗೂ ತೀವ್ರ ನಿಗಾ ವ್ಯವಸ್ಥೆ ಹೊಂದಿರುವ ಘಟಕವನ್ನು ಆರಂಭಿಸಲಾಗಿದೆ. ಹೃದಯದ ತೆರೆದ ಶಸ್ತ್ರಚಿಕಿತ್ಸೆ, ಮೆದುಳಿನ ಶಸ್ತ್ರಚಿಕಿತ್ಸೆ, ಅಂಗಾಂಗ ಕಸಿ ಸೇರಿದಂತೆ ಸಂಕೀರ್ಣ ಶಸ್ತ್ರಚಿಕಿತ್ಸೆಗಳಿಗೆ ಒಳಗಾದ ರೋಗಿಗಳಿಗೆ ಹಾಗೂ ಇತರ ಪ್ರಮುಖ ಶಸ್ತ್ರ ಚಿಕಿತ್ಸೆಗಳ ನಂತರ ವಿಶೇಷ ಆರೈಕೆ ಅಗತ್ಯವಿರುವವರಿಗೆ ಈ ಘಟಕದಲ್ಲಿ ಚಿಕಿತ್ಸೆ ನೀಡಲಾಗುತ್ತದೆ. ಜಿಲ್ಲೆಯ ಜನರು ಈ ಸೌಲಭ್ಯವನ್ನು ಸದ್ಬಳಕೆ ಮಾಡಿಕೊಳ್ಳಬೇಕು ಎಂದು ಮನವಿ ಮಾಡಿದರು.

ಇದನ್ನೂ ಓದಿ: Chikkaballapur News: ಸರ್ಕಾರದ ಯೋಜನೆಗಳನ್ನು ಮತದಾರರಿಗೆ ತಿಳಿಸಿ: ಪದವೀಧರ ಮತದಾರರಿಗೆ ಸರ್ಕಾರದ ಜನಪರ ಯೋಜನೆಗಳ ಅರಿವು ಮೂಡಿಸಲು ಕರೆ

ಬೆಂಗಳೂರಿನ ಇಂದಿರಾನಗರದ ರೋಟರಿ ಸಂಸ್ಥೆಯ ಮಾಜಿ ಅಧ್ಯಕ್ಷ ಹಾಗೂ ಸುಪ್ರಜಿತ್ ಫೌಂಡೇಶನ್ ವ್ಯವಸ್ಥಾಪಕ ನಿರ್ದೇಶಕ ಅಜಿತ್ ರೈ ಮಾತನಾಡಿ, ಗ್ರಾಮೀಣ ಭಾಗದ ಜನರಿಗೆ ಗುಣಮಟ್ಟದ ಆರೋಗ್ಯ ಸೇವೆ ಒದಗಿಸುವ ಉದ್ದೇಶದಿಂದ ಎರಡು ಸಂಸ್ಥೆಗಳ ಸಹಕಾರದಲ್ಲಿ ಈ ಘಟಕವನ್ನು ಸ್ಥಾಪಿಸಲಾಗಿದೆ. ತೀವ್ರ ನಿಗಾ ಚಿಕಿತ್ಸೆಗೆ ಅಗತ್ಯವಿರುವ ಸೌಲಭ್ಯಗಳನ್ನು ಸ್ಥಳೀಯ ವಾಗಿಯೇ ಒದಗಿಸುವುದರಿಂದ ರೋಗಿಗಳು ದೂರದ ನಗರಗಳ ಆಸ್ಪತ್ರೆಗಳಿಗೆ ತೆರಳಬೇಕಾದ ಅನಿವಾರ್ಯತೆ ಕಡಿಮೆಯಾಗಲಿದೆ. ಆರ್ಥಿಕವಾಗಿ ಹಿಂದುಳಿದವರಿಗೂ ಅನುಕೂಲವಾಗುವಂತೆ ಈ ಸೌಲಭ್ಯವನ್ನು ರೂಪಿಸಿದ್ದು, ಅಗತ್ಯವಿರುವವರು ಇದರ ಪ್ರಯೋಜನ ಪಡೆದುಕೊಳ್ಳಬೇಕು ಎಂದರು.

ಸರ್ಜಿಕಲ್ ಐಸಿಯುನಲ್ಲಿ ಅತ್ಯಾಧುನಿಕ ವೈದ್ಯಕೀಯ ಉಪಕರಣಗಳ ಮೂಲಕ ರೋಗಿಗಳ ಜೀವಚಿಹ್ನೆಗಳನ್ನು ನಿರಂತರವಾಗಿ ಮೇಲ್ವಿಚಾರಣೆ ಮಾಡಲಾಗುತ್ತದೆ. ಶಸ್ತ್ರಚಿಕಿತ್ಸೆಯ ನಂತರ ಎದುರಾಗಬಹುದಾದ ಗಂಭೀರ ತೊಂದರೆಗಳನ್ನು ತ್ವರಿತವಾಗಿ ಗುರುತಿಸಿ ಚಿಕಿತ್ಸೆ ನೀಡಲು ಈ ವ್ಯವಸ್ಥೆ ನೆರವಾಗಲಿದೆ. ತೀವ್ರ ನಿಗಾ ಚಿಕಿತ್ಸೆಯ ಮೂಲಕ ರೋಗಿಗಳ ಚೇತರಿಕೆಗೆ ಸಹಕಾರಿಯಾಗುವ ನಿರೀಕ್ಷೆಯಿದೆ ಎಂದು ತಿಳಿಸಿದರು.

ಜೈನ್ ಮಿಷನ್ ಟ್ರಸ್ಟ್ ಅಧ್ಯಕ್ಷ ಸುರೇಶ್ ಜೈನ್ ಮಾತನಾಡಿ, ನೂತನ ಘಟಕದಲ್ಲಿ ರೋಗಿಗಳಿಗೆ ಉಸಿರಾಟದ ತೊಂದರೆ ಉಂಟಾದಾಗ ಕೃತಕ ಉಸಿರಾಟದ ವ್ಯವಸ್ಥೆ ಕಲ್ಪಿಸುವುದರ ಜತೆಗೆ ಹೃದಯ ಬಡಿತ, ರಕ್ತದೊತ್ತಡ ಮತ್ತು ರಕ್ತದಲ್ಲಿನ ಆಮ್ಲಜನಕದ ಮಟ್ಟವನ್ನು ನಿರಂತರವಾಗಿ ಪರಿಶೀಲಿಸಲು ಅವಕಾಶವಿದೆ. ತೀವ್ರ ನಿಗಾ ತಜ್ಞರು, ಶಸ್ತ್ರಚಿಕಿತ್ಸಕರು ಹಾಗೂ ಶುಶ್ರೂಷಾ ಸಿಬ್ಬಂದಿ ರೋಗಿಗಳ ಆರೋಗ್ಯದ ಮೇಲೆ ನಿಗಾ ವಹಿಸಿ ಅಗತ್ಯ ಚಿಕಿತ್ಸೆ ನೀಡಲಿದ್ದಾರೆ ಎಂದರು.

ಸಾಮಾನ್ಯ ವೈದ್ಯಕೀಯ ತೀವ್ರ ನಿಗಾ ಘಟಕದಲ್ಲಿ ಹೃದಯಾಘಾತ, ಪಾರ್ಶ್ವವಾಯು ಹಾಗೂ ತೀವ್ರ ಸೋಂಕಿನಂತಹ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಲಾಗುತ್ತದೆ. ಆದರೆ ಸರ್ಜಿಕಲ್ ಐಸಿಯು ಮುಖ್ಯವಾಗಿ ಶಸ್ತ್ರಚಿಕಿತ್ಸೆಗೆ ಒಳಗಾದ ಮತ್ತು ಶಸ್ತ್ರಚಿಕಿತ್ಸೆಯ ನಂತರ ವಿಶೇಷ ಮೇಲ್ವಿಚಾರಣೆ ಅಗತ್ಯವಿರುವ ರೋಗಿಗಳ ಆರೈಕೆಗೆ ಮೀಸಲಾಗಿರುತ್ತದೆ. ಇಂತಹ ಘಟಕದ ಆರಂಭದಿಂದ ಈ ಭಾಗದ ಜನರಿಗೆ ಸುಧಾರಿತ ಆರೋಗ್ಯ ಸೇವೆ ದೊರೆಯಲಿದೆ ಎಂದು ಹೇಳಿದರು.

ಕಾರ್ಯಕ್ರಮದಲ್ಲಿ ರೋಟರಿ ಫೌಂಡೇಶನ್ ಇಂದಿರಾನಗರದ ಅಧ್ಯಕ್ಷ ಗೋಪಿನಾಥ್ ನಾಯಕ್ ಹಾಗೂ ವಿಪಿನ್ ಲಬರೋ ಅವರನ್ನು ಜೈನ್ ಮಿಷನ್ ಆಸ್ಪತ್ರೆಯ ಅಧ್ಯಕ್ಷ ಡಾ. ನರ್ಪತ್ ಸೋಲಂಕಿ ಸನ್ಮಾನಿಸಿದರು.

ಈ ಸಂದರ್ಭದಲ್ಲಿ ಭಾಸ್ಕರಮೂರ್ತಿ ಡಿ., ಪಿಯೂಶ್ ಜೈನ್, ಜಗದೀಶ್, ಪಿ.ಎಂ. ಬನ್ಸಾಲಿ, ಸುರೇಶ್ ಹರಿ, ಡಾ. ಕೆ. ಮೇನನ್ ಸೇರಿದಂತೆ ಮತ್ತಿತರರು ಉಪಸ್ಥಿತರಿದ್ದರು.

]]>

ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್: ನವರಾತ್ರಿಗೆ ಹಬ್ಬದ ವಸ್ತುಗಳನ್ನು ಖರೀದಿಸಿ

Sun, 18 Oct 2026 07:33:18 +0000

ಬೆಂಗಳೂರು: ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಅತ್ಯಾಕರ್ಷಕ ಹಬ್ಬದ ಆಫರ್‌ಗಳನ್ನು ತರುತ್ತಿದ್ದು, ಗ್ರಾಹಕರು ಆ್ಯಮೆಜಾನ್ ಬಜಾರ್‌ನಲ್ಲಿ ಕೈಗೆಟುಕುವ ದರದ ವೈವಿಧ್ಯಮಯ ವಸ್ತು ಗಳೊಂದಿಗೆ ನವರಾತ್ರಿಗೆ ಸಜ್ಜಾಗಬಹುದು. ತಮ್ಮ ಸಾಂಪ್ರದಾಯಿಕ ಉಡುಪುಗಳ ಸಂಗ್ರಹ ವನ್ನು ನವೀಕರಿಸುವುದರಿಂದ ಹಿಡಿದು ಹಬ್ಬದ ಲುಕ್‌ಗೆ ಆಭರಣಗಳನ್ನು ಜೋಡಿಸುವುದು ಮತ್ತು ಮನೆಗೆ ವರ್ಣರಂಜಿತ ಮೆರುಗು ನೀಡುವುದರವರೆಗೆ, ಗ್ರಾಹಕರು ಫ್ಯಾಷನ್, ಬ್ಯೂಟಿ, ಕಿಚನ್, ಹೋಮ್ ಸೇರಿದಂತೆ ಹಲವು ವಿಭಾಗಗಳಲ್ಲಿ ವ್ಯಾಪಕ ಶ್ರೇಣಿಯ ಉತ್ಪನ್ನಗಳನ್ನು ಅನ್ವೇಷಿಸಬಹುದು.

ಆಯ್ಕೆ ಮಾಡಲು 3 ಕೋಟಿಗೂ ಅಧಿಕ ಉತ್ಪನ್ನಗಳಿರುವುದರಿಂದ, ಪ್ರತಿಯೊಂದು ಶೈಲಿ ಮತ್ತು ಸಂದರ್ಭಕ್ಕೂ ಬೇಕಾದ ಹಬ್ಬದ ಅಗತ್ಯ ವಸ್ತುಗಳನ್ನು ಕಂಡುಕೊಳ್ಳುವುದನ್ನು ಆ್ಯಮೆಜಾನ್ ಬಜಾರ್ ಸುಲಭಗೊಳಿಸುತ್ತದೆ. ಆ್ಯಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಸಮಯದಲ್ಲಿ ಗ್ರಾಹಕರು ವಿವಿಧ ವಿಭಾಗಗಳಲ್ಲಿ ಶೇ. 70 ರವರೆಗೆ ರಿಯಾಯಿತಿ ಮತ್ತು ಹೆಚ್ಚುವರಿ ಕ್ಯಾಶ್‌ಬ್ಯಾಕ್* ಪಡೆಯಬಹುದು.

ಇದರೊಂದಿಗೆ, ಎಸ್‌ಬಿಐ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ಗಳು ಹಾಗೂ EMI ವಹಿವಾಟುಗಳ ಮೇಲೆ ಗ್ರಾಹಕರು ಶೇ. 10 ರಷ್ಟು ತ್ವರಿತ ರಿಯಾಯಿತಿಯನ್ನು ಸಹ ಪಡೆಯಬಹುದು.

ಇದನ್ನೂ ಓದಿ: EPL: Amazon.in ನಲ್ಲಿ ಮಾ.6ರಿಂದ ಎಲೆಕ್ಟ್ರಾನಿಕ್ಸ್ ಪ್ರೀಮಿಯರ್ ಲೀಗ್ ಆರಂಭ

ನವರಾತ್ರಿಗಾಗಿ ಆ್ಯಮೆಜಾನ್ ಬಜಾರ್‌ನಿಂದ ಆಯ್ದ ಕೆಲವು ಪ್ರಮುಖ ಹಬ್ಬದ ವಸ್ತುಗಳು ಇಲ್ಲಿವೆ:

ಜೈಪುರಿ ಕೊಲ್ಹಾಪುರಿ ಘುಂಗ್ರೂ ಸ್ಯಾಂಡಲ್ಸ್: ರೂ. 274

ಸಾಂಪ್ರದಾಯಿಕ ಘುಂಗ್ರೂ (ಗೆಜ್ಜೆ) ವಿನ್ಯಾಸವನ್ನು ಹೊಂದಿರುವ ಈ ಜೈಪುರಿ ಶೈಲಿಯ ಕೊಲ್ಹಾಪುರಿ ಸ್ಯಾಂಡಲ್‌ಗಳೊಂದಿಗೆ ನಿಮ್ಮ ನವರಾತ್ರಿ ಲುಕ್ ಪೂರ್ಣಗೊಳಿಸಿ. ಸಾಂಪ್ರದಾಯಿಕ ಸೊಬಗು ಮತ್ತು ನಿತ್ಯದ ಬಳಕೆಯ ಸೌಕರ್ಯ ಎರಡನ್ನೂ ನೀಡುವ ನೋಟಕ್ಕಾಗಿ ಇವುಗಳನ್ನು ಕಸೂತಿ ಮಾಡಿದ ಕುರ್ತಾ ಸೆಟ್, ವರ್ಣರಂಜಿತ ಲೆಹೆಂಗಾ ಅಥವಾ ಹಬ್ಬದ ಸ್ಕರ್ಟ್‌ನೊಂದಿಗೆ ಧರಿಸಿ.

ಅಡ್ಜಸ್ಟಬಲ್ ಗೋಲ್ಡ್-ಟೋನ್ ಟ್ರೆಡಿಷನಲ್ ನೆಕ್‌ಪೀಸ್: ರೂ. 399

ಈ ಗೋಲ್ಡ್-ಟೋನ್ ನೆಕ್‌ಪೀಸ್‌ನೊಂದಿಗೆ ನಿಮ್ಮ ಹಬ್ಬದ ಉಡುಪಿಗೆ ಸಾಂಪ್ರದಾಯಿಕ ಮೆರುಗು ನೀಡಿ. ಇದರ ಎತ್ನಿಕ್ ಶೈಲಿಯು ನವರಾತ್ರಿ ಆಚರಣೆಗಳು, ಕೌಟುಂಬಿಕ ಸಮಾರಂಭಗಳು ಮತ್ತು ಹಬ್ಬದ ಸಂಜೆಗಳಿಗಾಗಿ ಕುರ್ತಾಗಳು, ಲೆಹೆಂಗಾಗಳು ಮತ್ತು ಇತರ ಭಾರತೀಯ ಉಡುಪುಗಳೊಂದಿಗೆ ಧರಿಸಲು ಅತ್ಯುತ್ತಮ ಆಭರಣವಾಗಿದೆ.

ಟೋಟಲ್ ಫ್ಯಾಷನ್ ಆಕ್ಸಿಡೈಸ್ಡ್ ಟ್ರೆಡಿಷನಲ್ ನೆಕ್ಲೇಸ್: ರೂ. 198

ಈ ಆಕ್ಸಿಡೈಸ್ಡ್ ಸಾಂಪ್ರದಾಯಿಕ ನೆಕ್ಲೇಸ್ ಧರಿಸಿ ನಿಮ್ಮ ಮುಂದಿನ ಗರ್ಬಾ ನೈಟ್‌ನಲ್ಲಿ ಆಕರ್ಷಕ ವಾಗಿ ಮಿಂಚಿ. ಇದರ ಎತ್ನಿಕ್ ವಿನ್ಯಾಸವು ಮಿರರ್-ವರ್ಕ್ ಚನಿಯಾ ಚೋಲಿ, ಕಸೂತಿ ಕುರ್ತಾಗಳು ಮತ್ತು ವರ್ಣರಂಜಿತ ಹಬ್ಬದ ಉಡುಪುಗಳಿಗೆ ಸೂಕ್ತವಾಗಿ ಹೊಂದಿಕೊಳ್ಳುವುದರಿಂದ, ನವರಾತ್ರಿ ಸಂಭ್ರಮಾಚರಣೆಗೆ ಇದು ಹೇಳಿಮಾಡಿಸಿದ ಆಭರಣವಾಗಿದೆ.

ಎತ್ನಿಕ್ ಜೈಪುರಿ ಮಲ್ಟಿಕಲರ್ ವೆಲ್ವೆಟ್ ಜುಟ್ಟಿ: ರೂ. 242

ಈ ಬಹುಬಣ್ಣದ ಕಸೂತಿ ಕೆಲಸದ ಜೈಪುರಿ ಜುಟ್ಟಿಗಳೊಂದಿಗೆ ನಿಮ್ಮ ಹಬ್ಬದ ಲುಕ್ ಪೂರ್ಣ ಗೊಳಿಸಿ. ಇವುಗಳ ರೋಮಾಂಚಕ ಬಣ್ಣಗಳು ಮತ್ತು ವೆಲ್ವೆಟ್ ಫಿನಿಶ್ ಚನಿಯಾ ಚೋಲಿ, ಎತ್ನಿಕ್ ಸೂಟ್‌ಗಳು ಮತ್ತು ಲೆಹೆಂಗಾಗಳೊಂದಿಗೆ ಅಚ್ಚುಕಟ್ಟಾಗಿ ಒಪ್ಪುತ್ತವೆ. ನವರಾತ್ರಿ ಆಚರಣೆಗಳು, ವಿವಾಹಗಳು ಮತ್ತು ಇತರ ಹಬ್ಬದ ಸಂದರ್ಭಗಳಿಗೆ ಇದು ಅತ್ಯುತ್ತಮ ಆಯ್ಕೆಯಾಗಿದೆ.

ತವಸ್ಯ ಮಹಿಳೆಯರ ಫ್ಲೋರಲ್ ಪ್ರಿಂಟೆಡ್ ಶಾರ್ಟ್ ಕುರ್ತಿ: ರೂ. 289

ಈ ಪ್ರಿಂಟೆಡ್ ಶಾರ್ಟ್ ಕುರ್ತಿಯೊಂದಿಗೆ ನಿಮ್ಮ ವಾರ್ಡ್‌ರೋಬ್‌ಗೆ ತಾಜಾ ಹೂವಿನ ವಿನ್ಯಾಸದ ಸ್ಪರ್ಶ ನೀಡಿ. ಇದರ ದುಂಡಗಿನ ಕುತ್ತಿಗೆ (ರೌಂಡ್ ನೆಕ್), ಮುಕ್ಕಾಲು ತೋಳುಗಳು ಮತ್ತು ಆರಾಮ ದಾಯಕ ಫಿಟ್ ಇದನ್ನು ಜೀನ್ಸ್, ಟ್ರೌಸರ್ ಅಥವಾ ಎತ್ನಿಕ್ ಬಾಟಮ್ಸ್‌ಗಳೊಂದಿಗೆ ಧರಿಸಲು ಸುಲಭವಾಗಿಸುತ್ತದೆ. ಇದು ಕ್ಯಾಶುಯಲ್ ಔಟಿಂಗ್, ಕಚೇರಿ ಉಡುಪು ಮತ್ತು ಹಬ್ಬದ ಕೂಟಗಳಿಗೆ ಬಹುಪಯೋಗಿ ಲುಕ್ ನೀಡುತ್ತದೆ.

ವಸ್ತ್ರಾಸೈಡ್ ಮಹಿಳೆಯರ ಬಾಂದಣಿ ಉಡುಪು: ರೂ. 299

ಅಲಂಕೃತ ನೆಕ್‌ಲೈನ್ ಹೊಂದಿರುವ ಈ ಬಾಂದಣಿ ಶೈಲಿಯ ಮಹಿಳೆಯರ ಉಡುಪಿನೊಂದಿಗೆ ನವರಾತ್ರಿಯ ಬಣ್ಣಗಳನ್ನು ಸಂಭ್ರಮಿಸಿ. ಇದರ ಸಾಂಪ್ರದಾಯಿಕ ವಿನ್ಯಾಸವು ಪೂಜಾ ಭೇಟಿಗಳು, ಕೌಟುಂಬಿಕ ಸಮಾರಂಭಗಳು ಮತ್ತು ಹಬ್ಬದ ಕೂಟಗಳಿಗೆ ಸೂಕ್ತವಾದ ವಾರ್ಡ್‌ರೋಬ್ ಆಯ್ಕೆಯಾಗಿದೆ. ಇದಕ್ಕೆ ಸಾಂಪ್ರದಾಯಿಕ ಆಭರಣಗಳನ್ನು ಜೋಡಿಸುವುದರಿಂದ ಹಬ್ಬದ ಮೆರುಗು ಮತ್ತಷ್ಟು ಹೆಚ್ಚುತ್ತದೆ.

ವಿನ್ಸ್‌ಕ್ರಾಫ್ಟ್ ಡೆಕೋರೇಟಿವ್ ಟೀಲೈಟ್ ಹೋಲ್ಡರ್: ರೂ. 189

ಈ ಆಕರ್ಷಕ ಅಲಂಕಾರಿಕ ಟೀಲೈಟ್ ಹೋಲ್ಡರ್‌ನೊಂದಿಗೆ ಮನೆಯಲ್ಲಿ ಹಬ್ಬದ ಬೆಚ್ಚಗಿನ ಮತ್ತು ಆಹ್ಲಾದಕರ ವಾತಾವರಣವನ್ನು ಸೃಷ್ಟಿಸಿ. ನವರಾತ್ರಿಯ ಸಂಜೆಗಳು ಮತ್ತು ಹಬ್ಬದ ಕೂಟಗಳಿಗೆ ಮೃದುವಾದ ಬೆಳಕಿನ ಸೌಂದರ್ಯವನ್ನು ನೀಡಲು ಇದನ್ನು ಟೇಬಲ್‌ಟಾಪ್, ಶೆಲ್ಫ್ ಅಥವಾ ಕೋಣೆಯ ವಿಶೇಷ ಮೂಲೆಯಲ್ಲಿ ಇರಿಸಬಹುದು.

ಪಂಕಾ ಲೋಟಸ್ ವಾಲ್ ಹ್ಯಾಂಗಿಂಗ್ ವಿತ್ ಜುಮ್ಕಿ: ರೂ. 159

ಜುಮ್ಕಿ ವಿನ್ಯಾಸವನ್ನು ಒಳಗೊಂಡಿರುವ ಈ ಕಮಲದ ಹೂವಿನ ಥೀಮ್‌ನ ವಾಲ್ ಹ್ಯಾಂಗಿಂಗ್‌ನೊಂದಿಗೆ ನಿಮ್ಮ ಪ್ರವೇಶ ದ್ವಾರ ಅಥವಾ ಪೂಜಾ ಕೋಣೆಗೆ ಹಬ್ಬದ ಹೊಸ ಕಳೆ ನೀಡಿ. ಇದರ ಅಲಂಕಾರಿಕ ವಿನ್ಯಾಸವು ನವರಾತ್ರಿ ಅಲಂಕಾರಕ್ಕೆ ಸುಂದರವಾದ ಮೆರುಗು ನೀಡುತ್ತದೆ ಹಾಗೂ ಪ್ರಾರ್ಥನೆ ಮತ್ತು ಆಚರಣೆಗಳಿಗೆ ವರ್ಣರಂಜಿತ, ಸ್ವಾಗತಾರ್ಹ ಪರಿಸರವನ್ನು ರೂಪಿಸಲು ನೆರವಾಗುತ್ತದೆ.

ಯಶಿಕಾ ಮಹಿಳೆಯರ ಟ್ರೆಂಡಿ ಬನಾರಸಿ ಕಾಂಜೀವರಂ: ರೂ. 369

ಈ ಬನಾರಸಿ ಕಾಂಜೀವರಂ ಆರ್ಟ್ ಸಿಲ್ಕ್ ಸೀರೆಯನ್ನು ಉಟ್ಟು ಸಾಟಿಯಿಲ್ಲದ ಸಾಂಪ್ರದಾಯಿಕ ಸೊಬಗನ್ನು ನಿಮ್ಮದಾಗಿಸಿಕೊಳ್ಳಿ. ಹೊಲಿಯದ ಬ್ಲೌಸ್ ಪೀಸ್‌ನೊಂದಿಗೆ ಬರುವ ಈ ಸೀರೆಯ ಹೂವಿನ ವಿನ್ಯಾಸವು ಹಬ್ಬದ ಆಚರಣೆಗಳು, ವಿವಾಹಗಳು, ಸಂಜೆಯ ಸಮಾರಂಭಗಳು ಮತ್ತು ಕೌಟುಂಬಿಕ ಕಾರ್ಯಕ್ರಮಗಳಿಗೆ ಬಹುಪಯೋಗಿ ಆಯ್ಕೆಯಾಗಿದೆ.

ಬೈರಾ ಫ್ಲೋರಲ್ ಥ್ರೆಡ್ ಎಂಬ್ರಾಯ್ಡರ್ಡ್ ಸೀಕ್ವಿನ್ ಪೊಟ್ಲಿ ಬ್ಯಾಗ್ ವಿತ್ ಪರ್ಲ್ ಹ್ಯಾಂಡಲ್: ರೂ. 179

ಸೂಕ್ಷ್ಮವಾದ ನೂಲಿನ ಕಸೂತಿ, ಸೀಕ್ವಿನ್ ಕೆಲಸ ಮತ್ತು ಆಕರ್ಷಕ ಮುತ್ತಿನ ಹಿಡಿಕೆಯನ್ನು ಹೊಂದಿರುವ ಈ ಹೂವಿನ ವಿನ್ಯಾಸದ ಪೊಟ್ಲಿ ಬ್ಯಾಗ್‌ನೊಂದಿಗೆ ನಿಮ್ಮ ನವರಾತ್ರಿ ಲುಕ್ ಪೂರ್ಣಗೊಳಿಸಿ. ಇದರ ಸಾಂಪ್ರದಾಯಿಕ ವಿನ್ಯಾಸವು ಗರ್ಬಾ ನೈಟ್‌ಗಳು, ಪೂಜಾ ಸಮಾರಂಭಗಳು ಮತ್ತು ಕೌಟುಂಬಿಕ ಆಚರಣೆಗಳಿಗೆ ನಿಮ್ಮ ಅಗತ್ಯ ವಸ್ತುಗಳನ್ನು ಕೊಂಡೊಯ್ಯಲು ಸ್ಟೈಲಿಶ್ ಆಕ್ಸೆಸರಿಯಾಗಿದೆ. ಹಬ್ಬದ ಪರಿಪೂರ್ಣ ಫಿನಿಶಿಂಗ್‌ಗಾಗಿ ಇದನ್ನು ಸೀರೆ, ಲೆಹೆಂಗಾ ಅಥವಾ ಎತ್ನಿಕ್ ಕುರ್ತಾ ಸೆಟ್‌ನೊಂದಿಗೆ ಧರಿಸಿ.

ಸಾಂಪ್ರದಾಯಿಕ ಉಡುಪುಗಳು ಮತ್ತು ಆಭರಣಗಳಿಂದ ಹಿಡಿದು ಗೃಹಾಲಂಕಾರಿಕ ವಸ್ತುಗಳು ಹಾಗೂ ನಿತ್ಯದ ಅಗತ್ಯ ವಸ್ತುಗಳವರೆಗೆ, ಆ್ಯಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ 2026 ರ ಸಂದರ್ಭದಲ್ಲಿ ಗ್ರಾಹಕರು (ಆ್ಯಮೆಜಾನ್ ಮೊಬೈಲ್ ಆ್ಯಪ್‌ನಲ್ಲಿ ಮಾತ್ರ ಲಭ್ಯ) ಕೈಗೆಟುಕುವ ದರದ ಹಬ್ಬದ ವಸ್ತುಗಳ ವ್ಯಾಪಕ ಶ್ರೇಣಿಯನ್ನು ಅನ್ವೇಷಿಸಬಹುದು.

ಎರಡು ಅಥವಾ ಅದಕ್ಕಿಂತ ಹೆಚ್ಚಿನ ವಸ್ತುಗಳ ಖರೀದಿಯ ಮೇಲೆ ಗ್ರಾಹಕರು ಗರಿಷ್ಠ ₹100 ರವರೆಗೆ ಶೇ. 10 ರಷ್ಟು ಕ್ಯಾಶ್‌ಬ್ಯಾಕ್ ಪಡೆಯಬಹುದು, ಹಾಗೆಯೇ ಹೊಸ ಗ್ರಾಹಕರು ತಮ್ಮ ಮೊದಲ ಆರ್ಡರ್ ಮೇಲೆ ಗರಿಷ್ಠ ₹150 ರವರೆಗೆ ಶೇ. 35 ರಷ್ಟು ಕ್ಯಾಶ್‌ಬ್ಯಾಕ್ ಪಡೆಯಬಹುದು. ಸುಲಭವಾಗಿ ಗುರುತಿಸಲು ಅತ್ಯಂತ ಕಡಿಮೆ ಬೆಲೆಯ ವಸ್ತುಗಳು 'ಬಜಾರ್ ಬ್ಯಾಡ್ಜ್' ಹೊಂದಿರುತ್ತವೆ. ಗ್ರಾಹಕರು ಹಣತೆಗಳು (ದಿಯಾಗಳು), ಫೇರಿ ಲೈಟ್‌ಗಳು, ಪೊಟ್ಲಿ ಬ್ಯಾಗ್‌ಗಳು ಮತ್ತು ಹೆಚ್ಚಿನವುಗಳ ಮೇಲೆ '₹99 ರ ಒಳಗೆ' ಲಭ್ಯವಿರುವ ಆಫರ್‌ಗಳು ಸೇರಿದಂತೆ, ಪ್ರತಿ ಆರು ಗಂಟೆಗಳಿಗೊಮ್ಮೆ ಅಪ್‌ಡೇಟ್ ಆಗುವ 'ಮೆಗಾ ಪ್ರೈಸ್ ಡ್ರಾಪ್ಸ್' ಮತ್ತು 'ಲೂಟ್ ಓ ಕ್ಲಾಕ್' ಡೀಲ್‌ಗಳನ್ನು ಅನ್ವೇಷಿಸಬಹುದು. ಯಾವುದೇ ಕನಿಷ್ಠ ಆರ್ಡರ್ ಮೌಲ್ಯವಿಲ್ಲದ ಉಚಿತ ಡೆಲಿವರಿ ಸೌಲಭ್ಯವು ಗ್ರಾಹಕರ ಉಳಿತಾಯವನ್ನು ಇನ್ನಷ್ಟು ಹೆಚ್ಚಿಸುತ್ತದೆ.

ಅಮೆಜಾನ್ ಬಜಾರ್ ಎಂಬುದು ಅತ್ಯಂತ ಕೈಗೆಟುಕುವ ಬೆಲೆಯಲ್ಲಿ ದೈನಂದಿನ ಅಗತ್ಯ ವಸ್ತು ಗಳನ್ನು ಹುಡುಕುವ ಬಜೆಟ್-ಪ್ರಜ್ಞೆಯ ಗ್ರಾಹಕರಿಗಾಗಿ ರೂಪಿಸಲಾದ ಅಮೆಜಾನ್ ಇಂಡಿಯಾದ ಮೀಸಲಾದ ಮೌಲ್ಯ-ಆಧಾರಿತ ತಾಣವಾಗಿದೆ. ಫ್ಯಾಷನ್ ಮತ್ತು ಹೋಮ್ ಡೆಕೋರ್‌ನಿಂದ ಹಿಡಿದು ಅಡುಗೆಮನೆಯ ಪರಿಕರಗಳು ಮತ್ತು ವೈರ್‌ಲೆಸ್ ಆಕ್ಸೆಸರಿಗಳವರೆಗೆ, ಬಜಾರ್ ಅತ್ಯುತ್ತಮ ಡೀಲ್‌ಗಳೊಂದಿಗೆ ಸರಳೀಕೃತ ಶಾಪಿಂಗ್ ಅನುಭವ ಒದಗಿಸುವ ವ್ಯಾಪಕವಾದ, ಆಯ್ದ ಉತ್ಪನ್ನಗಳ ಸಂಗ್ರಹವನ್ನು ನೀಡುತ್ತದೆ. “ಹೆಚ್ಚು ಖರೀದಿಸಿ, ಹೆಚ್ಚು ಉಳಿಸಿ” ನಂತಹ ವೈಶಿಷ್ಟ್ಯಗಳು ಮತ್ತು ನಂಬಲಾಗದಷ್ಟು ಕಡಿಮೆ ದರದಲ್ಲಿ ಪ್ರಾರಂಭವಾಗುವ ಬೆಲೆಗಳೊಂದಿಗೆ, ಬಜಾರ್ ಅನುಕೂಲತೆ ಮತ್ತು ವಿಶ್ವಾಸಾರ್ಹತೆಯೊಂದಿಗೆ ಅತ್ಯುತ್ತಮ ಕೊಡುಗೆಗಳನ್ನು ಒದಗಿಸುತ್ತದೆ.

]]>

ಮೈಸೂರು ದಸರಾಕ್ಕೆ ಆಕಾಶದ ಅತಿಥಿಗಳು: ಇಂದು, ನಾಳೆ ಸೂರ್ಯಕಿರಣ್ ಸಾಹಸ ವೈಮಾನಿಕ ಪ್ರದರ್ಶನ

Sun, 18 Oct 2026 07:31:43 +0000

ಕೆ.ಜೆ.ಲೋಕೇಶ್ ಬಾಬು

ಮೈಸೂರು: ವಿಶ್ವವಿಖ್ಯಾತ ಮೈಸೂರು ದಸರಾ(Mysore Dasara) ಮಹೋತ್ಸವದ ಸಂಭ್ರಮಕ್ಕೆ ಈ ಬಾರಿ ಆಕಾಶದ ಸಾಹಸವೂ ಸಾಥ್ ನೀಡಲಿದೆ. ಬಣ್ಣಬಣ್ಣದ ಸಾಂಸ್ಕೃತಿಕ ಕಾರ್ಯಕ್ರಮಗಳು, ಸಾಂಪ್ರದಾಯಿಕ ಮೆರವಣಿಗೆಗಳು ಹಾಗೂ ದೀಪಾಲಂಕಾರದ ವೈಭವದ ನಡುವೆ ಭಾರತೀಯ ವಾಯುಪಡೆಯ ಪ್ರತಿಷ್ಠಿತ ಸೂರ್ಯಕಿರಣ್ ಏರೋಬ್ಯಾಟಿಕ್ ತಂಡವು ತನ್ನ ಸಾಹಸಮಯ ವೈಮಾನಿಕ ಪ್ರದರ್ಶನದ ಮೂಲಕ ಪ್ರೇಕ್ಷಕರ ಮೈನವಿರೇಳಿಸಲು ಸಜ್ಜಾಗಿದೆ. ಅ.18 ಮತ್ತು 19ರಂದು ಮೈಸೂರಿನ ಬನ್ನಿಮಂಟಪ ಮೈದಾನ ದಲ್ಲಿ ಅದ್ಧೂರಿ ವೈಮಾನಿಕ ಪ್ರದರ್ಶನ ಮೈನವಿರೇಳಿಸಲಿದೆ. ದೇಶ-ವಿದೇಶಗಳಿಂದ ಆಗಮಿಸುವ ಪ್ರವಾಸಿಗರಿಗೆ ಇದು ದಸರಾ ಸಂಭ್ರಮದ ವಿಶೇಷ ಆಕರ್ಷಣೆ ಯಾಗಲಿದೆ.

ಆಕಾಶದಲ್ಲಿ ಸಾಹಸದ ಚಿತ್ತಾರ: ಭಾರತೀಯ ವಾಯುಪಡೆಯ ಸೂರ್ಯಕಿರಣ್ ತಂಡವು ತನ್ನ ನಿಖರ ಹಾರಾಟ, ವಿಮಾನಗಳ ನಡುವಿನ ಅದ್ಭುತ ಸಮನ್ವಯ ಹಾಗೂ ಮೈನವಿರೇಳಿಸುವ ವೈಮಾನಿಕ ಕಸರತ್ತುಗಳ ಮೂಲಕ ಪ್ರೇಕ್ಷಕರನ್ನು ರಂಜಿಸಲಿದೆ. ಗಗನದಲ್ಲಿ ವಿಮಾನಗಳು ಬಿಡಿಸುವ ಬಣ್ಣದ ರೇಖೆಗಳು, ವೇಗದ ಚಲನೆಗಳು ಮತ್ತು ಸಾಹಸಮಯ ಹಾರಾಟಗಳು ದಸರಾ ಸಂಭ್ರಮಕ್ಕೆ ಹೊಸ ಮೆರುಗು ನೀಡಲಿವೆ. ಕಳೆದ ವರ್ಷದಂತೆ ಈ ಬಾರಿಯೂ ಆಕಾಶದಲ್ಲಿ ಲೋಹದ ಹಕ್ಕಿಗಳ ಚಿತ್ತಾರವನ್ನು ಕಣ್ತುಂಬಿಕೊಳ್ಳುವ ಅವಕಾಶ ಸಿಗಲಿದೆ ಎಂಬ ನಿರೀಕ್ಷೆ ಸಾರ್ವಜನಿಕರಲ್ಲಿ ಮೂಡಿದೆ.

ರಾಜ್ಯದ ಮನವಿಗೆ ಕೇಂದ್ರದ ಅಸ್ತು: ದಸರಾ ಮಹೋತ್ಸವದಲ್ಲಿ ಭಾರತೀಯ ರಕ್ಷಣಾ ಪಡೆಗಳ ಪಾಲ್ಗೊಳ್ಳುವಿಕೆಗೆ ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಆಸಕ್ತಿ ತೋರಿದ್ದರು. ಈ ಸಂಬಂಧ ಕೇಂದ್ರ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರಿಗೆ ವೈಮಾನಿಕ ಪ್ರದರ್ಶನ ನಡೆಸಲು ಅನುಮತಿ ನೀಡುವಂತೆ ಮನವಿ ಮಾಡಲಾಗಿತ್ತು. ಇದೀಗ ಕೇಂದ್ರ ಸರಕಾರ ಸಮ್ಮತಿ ಸೂಚಿಸಿದ್ದು, ಮೈಸೂರಿ ನಲ್ಲಿ ಸೂರ್ಯಕಿರಣ್ ತಂಡದ ಪ್ರದರ್ಶನಕ್ಕೆ ಹಾದಿ ಸುಗಮವಾಗಿದೆ.

ಇದನ್ನೂ ಓದಿ: Dasara Sanjeevini Santhe: ಅ.18, 19ರಂದು ಜಿಲ್ಲೆಯಾದ್ಯಂತ ದಸರಾ ಸಂಜೀವಿನಿ ಸಂತೆ

ಇಂದಿನಿಂದ ಕಂಬಳ ಆರಂಭ : ಬಹುನಿರೀಕ್ಷಿತ ಮೈಸೂರು ಕಂಬಳ ಇಂದಿನಿಂದ 2 ದಿನ ನಡೆಯಲಿದೆ. ಮುಖ್ಯಮಂತ್ರಿ ಡಿ.ಕೆ ಶಿವಕುಮಾರ್ ಕಂಬಳ ಕಾರ್ಯಕ್ರಮದ ಉದ್ಘಾಟನೆ ಮಾಡಲಿದ್ದಾರೆ. ಉಪಮುಖ್ಯಮಂತ್ರಿ ಡಾ.ಜಿ ಪರಮೇಶ್ವರ್, ಕೇಂದ್ರ ಸಚಿವ ಎಚ್.ಡಿ.ಕುಮಾರಸ್ವಾಮಿ, ವಿಧಾನಸಭೆ ಸಭಾಧ್ಯಕ್ಷ ಜಿ.ಎಸ್ ಪಾಟೀಲ್, ಎಂಎಲ್‌ಸಿ ಸಲೀಂ ಅಹ್ಮದ್ ಉಪಸ್ಥಿತರಿರಲಿದ್ದಾರೆ.

ಸಾರಂಗ್‌ಗೆ ಈ ಬಾರಿ ನಿರಾಸೆ: ಸೂರ್ಯಕಿರಣ್ ತಂಡದ ಜತೆಗೆ ಭಾರತೀಯ ವಾಯುಪಡೆಯ ಸಾರಂಗ್ ಹೆಲಿಕಾಪ್ಟರ್ ಏರೋಬ್ಯಾಟಿಕ್ ತಂಡದ ಪ್ರದರ್ಶನವನ್ನೂ ಈ ಬಾರಿ ನಿರೀಕ್ಷಿಸಲಾಗಿತ್ತು. ಆದರೆ, ಪೂರ್ವನಿಗದಿತ ಕಾರ್ಯಕ್ರಮಗಳ ಕಾರಣದಿಂದ ಸಾರಂಗ್ ತಂಡವನ್ನು ಮೈಸೂರಿಗೆ ನಿಯೋಜಿಸಲು ಸಾಧ್ಯವಾಗುತ್ತಿಲ್ಲ. ಹೀಗಾಗಿ ಈ ಬಾರಿ ಸೂರ್ಯಕಿರಣ್ ತಂಡದ ವೈಮಾನಿಕ ಪ್ರದರ್ಶನವೇ ಪ್ರಮುಖ ಆಕರ್ಷಣೆಯಾಗಲಿದೆ.

ಇಂದಿನಿಂದ ಕಂಬಳ ಆರಂಭ : ಬಹುನಿರೀಕ್ಷಿತ ಮೈಸೂರು ಕಂಬಳ ಇಂದಿನಿಂದ 2 ದಿನ ನಡೆಯಲಿದೆ. ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್(D K Shivakumar) ಕಂಬಳ ಕಾರ್ಯಕ್ರಮದ ಉದ್ಘಾಟನೆ ಮಾಡಲಿ ದ್ದಾರೆ. ಉಪಮುಖ್ಯಮಂತ್ರಿ ಡಾ.ಜಿ ಪರಮೇಶ್ವರ್(Dr G Parameshwar), ಕೇಂದ್ರ ಸಚಿವ ಎಚ್.ಡಿ.ಕುಮಾರಸ್ವಾಮಿ(H D Kumaraswamy), ವಿಧಾನಸಭೆ ಸಭಾಧ್ಯಕ್ಷ ಜಿ.ಎಸ್ ಪಾಟೀಲ್(G S Patil), ಎಂಎಲ್‌ಸಿ ಸಲೀಂ ಅಹ್ಮದ್ ಉಪಸ್ಥಿತರಿರಲಿದ್ದಾರೆ.

ಏರ್ ಶೋ ವೇಳೆ ಡ್ರೋನ್ ಹಾರಾಟ ನಿಷೇಧ ಏರ್ ಷೋ ಪ್ರದರ್ಶದ ವೇಳೆ ಬಾಲಭವನದ ಪ್ರದೇಶದ ಸುತ್ತಲೂ 10 ನಾಟಿಕಲ್ ಮೈಲ್ ವ್ಯಾಪ್ತಿಯಲ್ಲಿ ಅಕ್ಟೋಬರ್ 17 ರಿಂದ 19 ರವರೆಗೆ ಪ್ರತಿದಿನ ಬೆಳಿಗೆ 10 ಗಂಟೆಯಿಂದ ಮಧ್ಯಾಹ್ನ 1 ಗಂಟೆಯವರೆಗೆ ಡ್ರೋನ್ ಹಾರಾಟವನ್ನು ನಿಷೇಧಿಸಲಾಗಿದೆ. ಈ ಆದೇಶವನ್ನು ಉಲ್ಲಂಘಿಸಿ ಅನಧಿಕೃತವಾಗಿ ಹಾಗೂ ಆಕ್ಷೇಪಾರ್ಹವಾಗಿ ಡ್ರೋನ್ ಹಾರಾಡಿಸಿದರೆ ಕಾನೂನು ಕ್ರಮ ಜರುಗಿಸಲಾಗುವುದು ಎಂದು ಮೈಸೂರು ಪೊಲೀಸ್ ಆಯುಕ್ತರು ತಿಳಿಸಿದ್ದಾರೆ

ದಸರಾ ವೈಭವಕ್ಕೆ ಆಕಾಶದ ಹೊಸ ಮೆರುಗು

ನಾಡಹಬ್ಬ ದಸರಾ ಎಂದರೆ ಅರಮನೆಯ ವೈಭವ, ಜಂಬೂಸವಾರಿ, ಸಾಂಸ್ಕೃತಿಕ ಕಾರ್ಯಕ್ರಮ ಗಳು ಮತ್ತು ಜನಸಾಗರದ ಸಂಭ್ರಮ. ಈ ಬಾರಿ ಅದಕ್ಕೆ ವಾಯುಪಡೆಯ ಸಾಹಸಮಯ ಪ್ರದರ್ಶನವೂ ಸೇರ್ಪಡೆಯಾಗುತ್ತಿದೆ. ಸೂರ್ಯಕಿರಣ್ ತಂಡದ ಹಾರಾಟವನ್ನು ಕಣ್ತುಂಬಿಕೊಳ್ಳಲು ಪ್ರವಾಸಿಗರು ಹಾಗೂ ಮೈಸೂರು ಜನತೆ ಕಾತರದಿಂದ ಕಾಯುತ್ತಿದ್ದಾರೆ. ಆದರೆ, ಈ ಆಕಾಶದ ಸಂಭ್ರಮವನ್ನು ಎಷ್ಟು ಜನಸಾಮಾನ್ಯರು ನೇರವಾಗಿ ವೀಕ್ಷಿಸಲು ಸಾಧ್ಯವಾಗುತ್ತದೆ ಎಂಬುದು ಪಾಸ್ ವಿತರಣೆಯ ವ್ಯವಸ್ಥೆಯ ಮೇಲೆ ಅವಲಂಬಿತವಾಗಿದೆ. ದಸರಾ ಎಲ್ಲರ ಹಬ್ಬ ಎಂಬ ಆಶಯಕ್ಕೆ ತಕ್ಕಂತೆ ಪ್ರವೇಶ ವ್ಯವಸ್ಥೆ ಪಾರದರ್ಶಕವಾಗಿರಬೇಕು ಎಂಬುದು ಸಾರ್ವಜನಿಕರ ನಿರೀಕ್ಷೆ. ಆಕಾಶದಲ್ಲಿ ಸೂರ್ಯಕಿರಣ್‌ನ ಸಾಹಸ, ನೆಲದ ಮೇಲೆ ದಸರಾ ಸಂಭ್ರಮ ಈ ಎರಡರ ಸಂಗಮಕ್ಕೆ ಮೈಸೂರು ಸಜ್ಜಾಗಿದೆ.

]]>

ದೊಡ್ಡ ಗಣೇಶ್‌ಗೆ ಭಾರತ ಕಿರಿಯರ ತಂಡದ ಆಯ್ಕೆಗಾರನ ಪಟ್ಟ?

Sun, 18 Oct 2026 07:01:16 +0000

ಬೆಂಗಳೂರು, ಅ.18: ಭಾರತ ಕಿರಿಯರ ಕ್ರಿಕೆಟ್‌ ತಂಡದ ಆಯ್ಕೆ ಸಮಿತಿಗೆ ಭಾರತದ ಮಾಜಿ ವೇಗಿ, ಕರ್ನಾಟಕದ ದೊಡ್ಡ ಗಣೇಶ್‌ ನೇಮಕಗೊಳ್ಳುವುದು ಬಹುತೇಕ ಖಚಿತ ಎನಿಸಿದೆ. ಸದ್ಯದಲ್ಲೇ ಬಿಸಿಸಿಐ ಅಧಿಕೃತ ಘೋಷಣೆ ಮಾಡಲಿದೆ ಎಂದು ಮಾಧ್ಯಮಗಳಲ್ಲಿ ವರದಿಯಾಗಿದೆ.

ಇದೇ ವೇಳೆ ಹಿರಿಯರ ತಂಡದ ಆಯ್ಕೆ ಸಮಿತಿ ಮುಖ್ಯಸ್ಥರಾಗಿ ಅಜಿತ್‌ ಅಗರ್ಕರ್‌ರ ಅವಧಿ ಮುಕ್ತಾಯಗೊಂಡ ಬಳಿಕ ತೆರವುಗೊಂಡಿರುವ ಸ್ಥಾನಕ್ಕೆ ಭಾರತದ ಮಾಜಿ ಸ್ಪಿನ್ನರ್‌, ಮುಂಬೈನ ರಮೇಶ್‌ ಪೊವಾರ್‌ರನ್ನು ಆಯ್ಕೆ ಮಾಡಲು ಬಿಸಿಸಿಐ ನಿರ್ಧರಿಸಿದೆ ಎನ್ನಲಾಗಿದೆ.

ಪವರ್ ಅವರನ್ನು ಹಿರಿಯ ಪುರುಷರ ತಂಡದ ಆಯ್ಕೆ ಸಮಿತಿಗೆ ನೇಮಿಸಿದರೆ, ಕಿರಿಯರ ಆಯ್ಕೆ ಸಮಿತಿಯ ಮುಂದಿನ ಅಧ್ಯಕ್ಷರು ಯಾರಾಗುತ್ತಾರೆ? ಈ ವರದಿಯಲ್ಲಿ ರಾಷ್ಟ್ರೀಯ ತಂಡದ ಮತ್ತೊಬ್ಬ ಮಾಜಿ ಕ್ರಿಕೆಟಿಗ ದೊಡ್ಡ ಗಣೇಶ್ ಅವರ ಹೆಸರನ್ನು ಉಲ್ಲೇಖಿಸಲಾಗಿದೆ. ಭಾರತೀಯ ಕ್ರಿಕೆಟ್ ತಂಡದ ಮಾಜಿ ವೇಗದ ಬೌಲರ್ ದೊಡ್ಡ ಗಣೇಶ್ ಅವರು ಈ ಸಮಿತಿಯ ಮುಖ್ಯಸ್ಥರಾಗಬಹುದು.

ಜೂనిಯರ್‌ ಆಯ್ಕೆ ಸಮಿತಿಯ ಉಳಿದ ನಾಲ್ಕು ಸದಸ್ಯರು ದೇಶದ ನಾಲ್ಕು ವಿಭಿನ್ನ ಭಾಗಗಳಿಂದ ಆಯ್ಕೆಯಾಗುವ ಸಾಧ್ಯತೆಯಿದೆ. ಜಮ್ಮು ಮತ್ತು ಕಾಶ್ಮೀರದ ಅರುಣ್ ಶರ್ಮಾ, ಗುಜರಾತ್‌ನ ಮಾಜಿ ಆಟಗಾರ ಎಲ್. ಪವಾರ್, ಅಸ್ಸಾಂನ ಬೋರಾ, ಹಾಗೂ ಸೆಂಟ್ರಲ್ ವಲಯದಿಂದ ದೀಪ್ ಬೋರಾ ಅಥವಾ ಪಂಕಜ್ ಸಿಂಗ್ ಅವರು ಈ ಸಮಿತಿಯ ಸದಸ್ಯರಾಗಬಹುದು. ಅರುಣ್ ಶರ್ಮಾ ಅವರು 1994 ಮತ್ತು 2009ರ ನಡುವೆ 65 ಪ್ರಥಮ ದರ್ಜೆ ಮತ್ತು 47 'ಲಿಸ್ಟ್ ಎ' (List A) ಪಂದ್ಯಗಳನ್ನು ಆಡಿರುವುದರಿಂದ, ಭಾರತೀಯ ಕ್ರಿಕೆಟ್ ವಲಯದಲ್ಲಿ ಅವರು ಸುಪರಿಚಿತರಾಗಿದ್ದಾರೆ. ಅವರು ಸಮಿತಿಯ ಸದಸ್ಯರಾಗಿ ಆಯ್ಕೆಯಾದರೆ, 'ನಾರ್ತ್ ಝೋನ್' (ಉತ್ತರ ವಲಯ) ಅನ್ನು ಪ್ರತಿನಿಧಿಸುವ ಸಾಧ್ಯತೆಯಿದೆ.

ಗಣೇಶ್‌ ಭಾರತ ಪರ 4 ಟೆಸ್ಟ್‌, 1 ಏಕದಿನ ಪಂದ್ಯವನ್ನಾಡಿದ್ದಾರೆ. ಕರ್ನಾಟಕ ಪರ ಹಲವು ವರ್ಷಗಳ ಕಾಲ ಆಡಿದ್ದ ಗಣೇಶ್‌, ರಾಜ್ಯ ತಂಡದ ಆಯ್ಕೆಗಾರರಾಗಿ ಕಾರ್ಯನಿರ್ವಹಿಸಿದ ಅನುಭವ ಸಹ ಹೊಂದಿದ್ದಾರೆ.

]]>

ಕಂದನನ್ನು ರಕ್ಷಿಸಿ ಪ್ರಾಣ ಬಿಟ್ಟ ತಾಯಿ: ಮನ ಕಲಕುವಂತಿದೆ ಕೋಲ್ಕತ್ತಾ ಕಾಲ್ತುಳಿದ ಒಂದೊಂದು ಘಟನೆ

Sun, 18 Oct 2026 06:46:43 +0000

ಕೋಲ್ಕತ್ತಾ: ಉತ್ತರ ಕೋಲ್ಕತಾದ (north kolkata) ಚೋರ್‌ ಬಗಾನ್‌ ದುರ್ಗಾ ಪೂಜಾ ಪೆಂಡಾಲ್‌ನಲ್ಲಿ (Chorbagan Durga Puja stampede) ಶನಿವಾರ ಸಂಜೆ ಭಾರಿ ಮಳೆಯಿಂದ ಉಂಟಾದ ಅವ್ಯವಸ್ಥೆಯಿಂದಾಗಿ ಉಂಟಾದ ಕಾಲ್ತುಳಿತದ (stampede) ವೇಳೆ ಮಹಿಳೆಯೊಬ್ಬರು ತನ್ನ ಮೂರು ವರ್ಷದ ಮಗುವನ್ನು ರಕ್ಷಿಸಲು ಹೋಗಿ ಪ್ರಾಣವನ್ನೇ ಕಳೆದುಕೊಂಡಿದ್ದಾರೆ. ಇದನ್ನು ನೋಡಿದ ಅಪರಿಚಿತ ಟ್ಯಾಕ್ಸಿ ಚಾಲಕ ಉಸಿರಾಟದ ತೊಂದರೆಯಿಂದ ಬಳಲುತ್ತಿದ್ದ ಮಗುವನ್ನು ಎತ್ತಿಕೊಂಡು ಹೋಗಿ ತುರ್ತು ಚಿಕಿತ್ಸೆ ಕೊಡಿಸಿದರು. ಈ ಹೃದಯ ವಿದ್ರಾವಕ ಘಟನೆ ಅಲ್ಲಿದ್ದವರ ಕಣ್ಣಾಲಿಗಳು ತುಂಬುವಂತೆ ಮಾಡಿತ್ತು.

ಉತ್ತರ ಕೋಲ್ಕತ್ತಾದ ಗಿರೀಶ್‌ ಪಾರ್ಕ್‌ ಪೊಲೀಸ್‌ ಠಾಣೆ ವ್ಯಾಪ್ತಿಯ ಶಾರದಾ ಪಾರ್ಕ್‌ನ ಚೋರ್‌ ಬಗಾನ್‌ ದುರ್ಗಾ ಪೆಂಡಾಲ್‌ನಲ್ಲಿ ಶನಿವಾರ ಸಂಜೆ ಭಾರಿ ಸಂಖ್ಯೆಯಲ್ಲಿ ಜನರು ಸೇರಿದ್ದರು. ಈ ವೇಳೆ ಮಳೆ ಸುರಿದು ಇದ್ದಕ್ಕಿದ್ದಂತೆ ಪೆಂಡಾಲ್‌ ಕುಸಿದು ಬಿದ್ದಿದೆ. ಈ ವೇಳೆ ಪೆಂಡಾಲ್ ನ ಒಳಗಿದ್ದವರು ಕಿರಿದಾದ ಬಾಗಿಲಿನ ಮೂಲಕ ಹೊರಗೋಡಲು ನುಗ್ಗಿದ್ದರಿಂದ ಕಾಲ್ತುಳಿತ ಉಂಟಾಗಿದೆ.

ಕೋಲ್ಕತ್ತಾ ಕಾಲ್ತುಳಿತ ಪ್ರಕರಣ; ಸಾವಿನ ಸಂಖ್ಯೆ 19ಕ್ಕೆ ಏರಿಕೆ, 7 ಮಂದಿ ಬಂಧನ

ಒಟ್ಟು 19 ಮಂದಿಯನ್ನು ಬಲಿ ತೆಗೆದುಕೊಂಡಿರುವ ಈ ಕಾಲ್ತುಳಿತ ಪ್ರಕರಣದ ನರಕಸದೃಶವಾದ ದೃಶ್ಯದ ನಡುವೆಯೂ ಮಾನವೀಯತೆಯನ್ನು ಸಾರುವ ಒಂದೊಂದು ಕಥೆಗಳು ಮನ ಕಲಕುವಂತಿದೆ. ಕಾಲ್ತುಳಿತದ ವೇಳೆ ಜನರು ಒಬ್ಬರ ಮೇಲೆ ಒಬ್ಬರು ಬೀಳುತ್ತಿದ್ದರೆ ತಾಯಿಯೊಬ್ಬಳು ತನ್ನ ಪ್ರಾಣವನ್ನು ಪ್ರಾಣಕ್ಕಿಟ್ಟು ಮಗುವನ್ನು ರಕ್ಷಿಸಿದಳು. ಮೂರು ವರ್ಷದ ಈ ಮಗುವನ್ನು ರಕ್ಷಿಸಲು ಟ್ಯಾಕ್ಸಿ ಚಾಲಕನೊಬ್ಬ ಆಸ್ಪತ್ರೆಯನ್ನು ಹುಡುಕಿಕೊಂಡು ಕಿಲೋ ಮೀಟರ್‌ಗಟ್ಟಲೆ ಓಡಿ ಹೋಗಿ ನಿಜವಾದ ಹೀರೋ ಎನಿಸಿಕೊಂಡಿದ್ದಾನೆ.

ಏನಾಯಿತು?

ಹೊರಗೆ ಧಾರಾಕಾರವಾಗಿ ಮಳೆ ಸುರಿದಾಗ ಪೆಂಡಾಲ್ ಕುಸಿಯಲಾರಂಭಿಸಿದ್ದು, ಪೆಂಡಾಲ್ ನಲ್ಲಿದ್ದ ಸಾವಿರಾರು ಜನರು ಕಿರಿದಾದ ದ್ವಾರದ ಮೂಲಕ ಹೊರಗೆ ಓಡ ತೊಡಗಿದರು. ಇದರಿಂದ ಕಾಲ್ತುಳಿತ ಉಂಟಾಗಿದೆ. ಸುಚಿತ್ರಾ ದಾಸ್ (28) ಎಂಬವರು ತಮ್ಮ ಮೂರು ವರ್ಷದ ಮಗ ಆಯುಷ್‌ನೊಂದಿಗೆ ಇದರಲ್ಲಿ ಸಿಕ್ಕಿಕೊಂಡರು. ಸುಚಿತ್ರಾ ಅವರು ಕೆಳಗೆ ಬಿದ್ದಿದ್ದು, ತನ್ನ ಮಗುವನ್ನು ರಕ್ಷಿಸುವ ಸಲುವಾಗಿ ಅವರು ಮಗುವಿನ ಮೇಲೆ ಯಾರೂ ಕಾಲಿಡದಂತೆ ಎದೆಗಪ್ಪಿಕೊಂಡು ಅಡ್ಡಲಾಗಿ ಮಲಗಿದರು. ಜನಸಂದಣಿ ಕಡಿಮೆಯಾದಾಗ ಸುಚಿತ್ರಾ ಅವರು ಗಂಭೀರವಾಗಿ ಗಾಯಗೊಂಡು ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಆದರೆ ಅವರ ಮಗ ಪವಾಡಸದೃಶವಾಗಿ ಅಪಾಯದಿಂದ ಪಾರಾಗಿದ್ದಾನೆ.

ಮಗು ಅಳುತ್ತಿರುವ ಸದ್ದು ಕೇಳಿ ಟ್ಯಾಕ್ಸಿ ಚಾಲಕ ಬಿಪ್ಲಬ್ ಮುಖರ್ಜಿ ಅಲ್ಲಿಗೆ ಬಂದಾಗ ಉಸಿರಾಟದ ತೊಂದರೆಯಿಂದ ಮಗು ಬಳಲುತ್ತಿರುವುದನ್ನು ನೋಡಿ ತಕ್ಷಣ ತಾಯಿಯನ್ನು ಅಲ್ಲೇ ಬಿಟ್ಟು ಮಗುವನ್ನು ಎತ್ತಿಕೊಂಡು ಆಸ್ಪತ್ರೆಯತ್ತ ಧಾವಿಸ ತೊಡಗಿದರು.

ಮಳೆಯಿಂದಾಗಿ ರಸ್ತೆಯುದ್ದಕ್ಕೂ ಅವಶೇಷಗಳು ಬಿದ್ದಿದ್ದರಿಂದ ಟ್ರಾಫಿಕ್ ಜಾಮ್ ಉಂಟಾಗಿತ್ತು. ಹೀಗಾಗಿ ಅವರು ಟ್ಯಾಕ್ಸಿಯನ್ನು ಬಿಟ್ಟು ಮುಕ್ತಾರಾಮ್ ಬಾಬು ರಸ್ತೆಯ ಕಿರಿದಾದ ದಾರಿಯಲ್ಲಿ ಸುಮಾರು ಒಂದೂವರೆ ಕಿಲೋ ಮೀಟರ್ ದೂರ ಬಂದು ಮಗುವನ್ನು ಮೆಡಿಕಲ್ ಕಾಲೇಜು ಆಸ್ಪತ್ರೆಗೆ ಸೇರಿಸಿದರು. ಪ್ರಜ್ಞೆ ಕಳೆದುಕೊಳ್ಳುವ ಸ್ಥಿತಿಯಲ್ಲಿದ್ದ ಮಗುವಿಗೆ ಆಸ್ಪತ್ರೆಯಲ್ಲಿ ತುರ್ತು ಚಿಕಿತ್ಸೆ ನೀಡಲಾಯಿತು. ಮಗುವಿನ ತಂದೆ ಬರುವವರೆಗೂ ಬಿಪ್ಲಬ್ ಅವರು ಆಸ್ಪತ್ರೆಯಲ್ಲಿ ಕಣ್ಣೀರು ಹಾಕುತ್ತಾ ಕುಳಿತಿದ್ದರು.

ಪಶ್ಚಿಮ ಬಂಗಾಳದ ಪಾಲಿಗೆ ಕರಾಳ ಶನಿವಾರ: ಕೋಲ್ಕತಾ ಕಾಲ್ತುಳಿತ ಬೆನ್ನಲ್ಲೇ ಅಸನ್ಸೋಲ್‌ನಲ್ಲಿ ಕುಸಿದ ವಿದ್ಯುತ್ ಸ್ಥಾವರದ ಚಿಮಿಣಿ; ನಾಲ್ವರ ಸಾವು

ತಾನು ನೋಡಿದ ಹೃದಯ ವಿದ್ರಾವಕ ಸಂಗತಿಯನ್ನು ಬಿಪ್ಲಬ್ ಮುಖರ್ಜಿ ಅವರು ಹೇಳುವುದು ಹೀಗೆ.. ಮೂರು ವರ್ಷದ ಪುಟ್ಟ ಮಗು ರಕ್ತಸಿಕ್ತವಾದ ತನ್ನ ಕೈಗಳಿಂದ ಅಮ್ಮನನ್ನು ಎಬ್ಬಿಸಲು ಪ್ರಯತ್ನಿಸುತ್ತಿತ್ತು. ಅದು ನನ್ನ ಹೃದಯವನ್ನು ಕಲಕ್ಕಿತ್ತು. ನನಗೂ ಇಬ್ಬರು ಮಕ್ಕಳಿದ್ದಾರೆ. ಹೇಗಾದರೂ ಮಾಡಿ ಆ ಮುಗ್ಧ ಜೀವ ಉಳಿಸಬೇಕೆಂಬ ಆಲೋಚನೆಯಿಂದ ಮಗುವನ್ನು ಎತ್ತಿಕೊಂಡು ಬಂದೆ. ಅದರ ತಾಯಿ ಬದುಕಿನ ಕೊನೆಯ ಕ್ಷಣದವರೆಗೂ ಮಗು ಪ್ರಾಣ ರಕ್ಷಣೆಗಾಗಿ ಹೋರಾಡಿದ್ದಳು. ಅವಳ ತ್ಯಾಗ ವ್ಯರ್ಥವಾಗಬಾರದು ಎನ್ನುವುದೇ ನನ್ನ ಮನದಲ್ಲಿ ಬಂದಿತ್ತು ಎಂದು ಹೇಳಿ ಗದ್ಗದಿತರಾದರು.

]]>

ಪಶ್ಚಿಮ ಬಂಗಾಳದ ಪಾಲಿಗೆ ಕರಾಳ ಶನಿವಾರ: ಕೋಲ್ಕತಾ ಕಾಲ್ತುಳಿತ ಬೆನ್ನಲ್ಲೇ ಅಸನ್ಸೋಲ್‌ನಲ್ಲಿ ಕುಸಿದ ವಿದ್ಯುತ್ ಸ್ಥಾವರದ ಚಿಮಿಣಿ; ನಾಲ್ವರ ಸಾವು

Sun, 18 Oct 2026 06:36:29 +0000

ಪಶ್ಚಿಮ ಬಂಗಾಳ: ವಿದ್ಯುತ್ ಸ್ಥಾವರದಲ್ಲಿ (Power Plant) ನಿರ್ಮಾಣ ಹಂತದಲ್ಲಿದ್ದ ಚಿಮಿಣಿಯ ಭಾಗವೊಂದು ಕುಸಿದು ನಾಲ್ವರು ಸಾವನ್ನಪ್ಪಿರುವ ಘಟನೆ ಪಶ್ಚಿಮ ಬಂಗಾಳದ (west bengal) ಅಸನ್ಸೋಲ್‌ನಲ್ಲಿನ (Asansol) ಜಮುರಿಯಾ (Jamuria) ಪ್ರದೇಶದ ಶ್ಯಾಮ್ ಎಸ್‌ಇಎಲ್ ಅಂಡ್ ಪವರ್ ಲಿಮಿಟೆಡ್ (Shyam SEL And Power Limited) ಘಟಕದಲ್ಲಿ ಶನಿವಾರ ಸಂಜೆ ನಡೆದಿದೆ. ಸ್ಥಳದಲ್ಲಿ ಹಲವು ಕಾರ್ಮಿಕರಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಈ ಕುರಿತು ಪ್ರತಿಕ್ರಿಯಿಸಿರುವ ಜಮುರಿಯ ಕ್ಷೇತ್ರದ ಶಾಸಕ ಬಿಜಾನ್ ಮುಖರ್ಜಿ (Jamuria MLA Bijan Mukherjee), ದುರಂತಕ್ಕೆ ಕಾರಣ ತಿಳಿದುಬಂದಿಲ್ಲ. ಈ ಕುರಿತು ಸಂಪೂರ್ಣ ತನಿಖೆ ನಡೆಸುವುದಾಗಿ ತಿಳಿಸಿದರು.

ಜಮುರಿಯಾ ಪ್ರದೇಶದ ವಿದ್ಯುತ್ ಸ್ಥಾವರದ ಶ್ಯಾಮ್ ಎಸ್‌ಇಎಲ್ ಅಂಡ್ ಪವರ್ ಲಿಮಿಟೆಡ್ ಘಟಕದಲ್ಲಿ ಶನಿವಾರ ಸಂಜೆ ನಿರ್ಮಾಣ ಹಂತದಲ್ಲಿದ್ದ ಚಿಮಿಣಿಯ ಭಾಗವೊಂದು ಕುಸಿದು ಬಿದ್ದಿದೆ. ಇದರಿಂದ ನಾಲ್ವರು ಅವಶೇಷಗಳಡಿಯಲ್ಲಿ ಸಿಕ್ಕಿಬಿದ್ದಿದ್ದಾರೆ ಎಂದರು.

ಕೋಲ್ಕತಾ ದುರ್ಗಾ ಪೆಂಡಾಲ್ ಕಾಲ್ತುಳಿತ: 19ಕ್ಕೇರಿದ ಸಾವಿನ ಸಂಖ್ಯೆ

ತಕ್ಷಣವೇ ರಕ್ಷಣಾ ಕಾರ್ಯಾಚರಣೆಯನ್ನು ಪ್ರಾರಂಭಿಸಲಾಗಿದೆ. ಅವಶೇಷಗಳಡಿಯಲ್ಲಿ ಬಿದ್ದಿದ್ದ ಮೂವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಒಬ್ಬರನ್ನು ಆಸ್ಪತ್ರೆಗೆ ಸಾಗಿಸಿ ವೆಂಟಿಲೇಟರ್ ಬೆಂಬಲದೊಂದಿಗೆ ಚಿಕಿತ್ಸೆ ಕೊಡಿಸಲಾಯಿತು. ಆದರೆ ಅವರು ಚಿಕಿತ್ಸೆಗೆ ಸ್ಪಂದಿಸದೆ ಮೃತಪಟ್ಟಿದ್ದಾರೆ ಎಂದು ತಿಳಿಸಿದರು.

ವಿದ್ಯುತ್ ಚಿಮಿಣಿಯ ರಚನೆ ಕುಸಿಯುತ್ತಿರುವುದನ್ನು ನೋಡಿ ಇತರ ಕಾರ್ಮಿಕರು ತಕ್ಷಣ ಅಲ್ಲಿಂದ ಹೊರಬಂದರು. ಆದರೆ ದುರದೃಷ್ಟವಶಾತ್ ನಾಲ್ವರು ಅದರಡಿ ಸಿಲುಕಿ ಬಿದ್ದಿದ್ದಾರೆ. ಇದೊಂದು ಅತ್ಯಂತ ದುಃಖಕರ ಘಟನೆ. ಎಲ್ಲರನ್ನೂ ರಕ್ಷಿಸಲು ನಾವು ನಮ್ಮಿಂದಾದ ಪ್ರಯತ್ನ ಮಾಡಿದೆವು ಎಂದು ಅವರು ಹೇಳಿದರು.

ಈ ದುರಂತಕ್ಕೆ ನಿರ್ಲಕ್ಷ್ಯ ಕಾರಣವೇ ಎನ್ನುವ ಕುರಿತು ತನಿಖೆ ನಡೆಸಲಾಗುವುದು. ಆದರೆ ನಾನು ಇದನ್ನು ನಿರ್ಲಕ್ಷ್ಯ ಎಂದು ಕರೆಯಲಾರೆ. ಶ್ಯಾಮ್ ಎಸ್‌ಇಎಲ್ ಒಂದು ಪ್ರತಿಷ್ಠಿತ ಕಂಪೆನಿಯಾಗಿದೆ. ಇಲ್ಲಿನ ಕಾರ್ಮಿಕರು ಉತ್ತಮ ತರಬೇತಿ ಪಡೆದಿದ್ದು ದೀರ್ಘಕಾಲದಿಂದ ಈ ಕೆಲಸದಲ್ಲಿ ತೊಡಗಿಸಿಕೊಂಡಿದ್ದಾರೆ. ಇದು ಆಗಷ್ಟೇ ಹಾಕಲಾಗಿದ್ದ ಕಾಂಕ್ರೀಟ್ ಆಗಿತ್ತು. ಎಲ್ಲೋ, ಯಾವುದೋ ಒಂದು ತಾಂತ್ರಿಕ ದೋಷ ಉಂಟಾಗಿರಬಹುದು. ಕಾರ್ಮಿಕರು ಸುರಕ್ಷತಾ ಉಪಕರಣಗಳನ್ನು ಬಳಸುತ್ತಿದ್ದರು ಎಂದು ತಿಳಿಸಿದರು.

Gauribidanur News: ನವರಾತ್ರಿ ಅಂಗವಾಗಿ ಶೃಂಗೇರಿ ಶಾರದಾ ಮಂದಿರದಲ್ಲಿ ವಿಶೇಷ ಪೂಜೆ; ನೂರಾರು ಭಕ್ತರು ಭಾಗಿ

ಈ ಕುರಿತು ಪ್ರತಿಕ್ರಿಯಿಸಿರುವ ಮುಖ್ಯಮಂತ್ರಿ ಸುವೆಂದು ಅಧಿಕಾರಿ, ಜಮುರಿಯಾ ಪ್ರದೇಶದ ಶ್ಯಾಮ್ ಎಸ್‌ಇಎಲ್ ಅಂಡ್ ಪವರ್ ಲಿಮಿಟೆಡ್ ಘಟಕದಲ್ಲಿ ವಿದ್ಯುತ್ ಚಿಮಿಣಿ ಕುಸಿದು ದುರಂತ ಸಂಭವಿಸಿದಾಗಲೇ ಇಲ್ಲಿಂದ ಸುಮಾರು 200 ಕಿ.ಮೀ. ದೂರದ ಗಿರೀಶ್‌ ಪಾರ್ಕ್‌ ಪೊಲೀಸ್‌ ಠಾಣೆ ವ್ಯಾಪ್ತಿಯ ಶಾರದಾ ಪಾರ್ಕ್‌ನ ಚೋರ್‌ ಬಗಾನ್‌ ದುರ್ಗಾ ಪೆಂಡಾಲ್‌ನಲ್ಲಿ ಕಾಲ್ತುಳಿತ ಉಂಟಾಗಿದೆ. ಇದರಿಂದ 19 ಮಂದಿ ಸಾವನ್ನಪ್ಪಿದ್ದಾರೆ. 25 ಮಂದಿ ಗಾಯಗೊಂಡಿದ್ದಾರೆ.

]]>

ಜಿಂಬಾಬ್ವೆ ವಿರುದ್ಧದ 2ನೇ ಟಿ20 ಪಂದ್ಯದಲ್ಲಿ ಹೊಸ ಬ್ಯಾಟಿಂಗ್ ದಾಖಲೆಗಳತ್ತ ಶಫಾಲಿ ವರ್ಮಾ, ಸ್ಮೃತಿ ಮಂಧನಾ ಚಿತ್ತ

Sun, 18 Oct 2026 06:20:03 +0000

ರಾಯ್‌ಪುರ, ಅ.18: ಭಾನುವಾರ ನಡೆಯಲಿರುವ ಮೂರು ಪಂದ್ಯಗಳ ಸರಣಿಯ ಎರಡನೇ ಟಿ20 ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಭಾರತ ತಂಡವು ಜಿಂಬಾಬ್ವೆಯನ್ನು ಎದುರಿಸಲಿದೆ. ರಾಯ್‌ಪುರದ ಶಹೀದ್ ವೀರ್ ನಾರಾಯಣ್ ಸಿಂಗ್ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆಯಲಿರುವ ಈ ಪಂದ್ಯದಲ್ಲಿ, ಭಾರತ ತಂಡದ ನಾಯಕಿ ಸ್ಮೃತಿ ಮಂಧಾನ ಮತ್ತು ಪ್ರಮುಖ ಆರಂಭಿಕ ಬ್ಯಾಟರ್ ಶಫಾಲಿ ವರ್ಮಾ ಅವರು ಹೊಸ ಬ್ಯಾಟಿಂಗ್ ದಾಖಲೆಗಳನ್ನು ನಿರ್ಮಿಸುವ ಅವಕಾಶವನ್ನು ಹೊಂದಿದ್ದಾರೆ.

ಭಾರತೀಯ ಮಹಿಳಾ ಕ್ರಿಕೆಟ್ ತಂಡದ ಪೂರ್ಣಾವಧಿ ನಾಯಕಿಯಾಗಿ ತಮ್ಮ ಮೊದಲ ಟಿ20 ಅಂತರರಾಷ್ಟ್ರೀಯ (T20I) ಸರಣಿಯನ್ನು ಆಡುತ್ತಿರುವ ಮಂಧನಾ, ಈ ಮಾದರಿಯಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ್ತಿಯಾಗಿದ್ದಾರೆ. ಭಾನುವಾರದ ಪಂದ್ಯದಲ್ಲಿ, ಟಿ20 ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ 5,000 ರನ್ ಪೂರೈಸಿದ ವಿಶ್ವದ ಮೊದಲ ಆಟಗಾರ್ತಿ ಎಂಬ ದಾಖಲೆಯನ್ನು ನಿರ್ಮಿಸುವ ಅವಕಾಶ ಅವರಿಗೆ ಸಿಗಲಿದೆ. ಮಹಾರಾಷ್ಟ್ರದ ಸಾಂಗ್ಲಿಯವರಾದ ಈ ಎಡಗೈ ಬ್ಯಾಟರ್, ಇಲ್ಲಿಯವರೆಗೆ 180 ಪಂದ್ಯಗಳ 173 ಇನ್ನಿಂಗ್ಸ್‌ಗಳಲ್ಲಿ ಒಟ್ಟು 4,876 ರನ್‌ಗಳನ್ನು ಗಳಿಸಿದ್ದಾರೆ.

5,000 ರನ್ ಗಳಿಸಲು ಅವರು ಎರಡನೇ ಪಂದ್ಯದಲ್ಲಿ 124 ರನ್ ಗಳಿಸಬೇಕಾಗಿದೆ. ವಿಶ್ವದ ಯಾವುದೇ ಆಟಗಾರ ಪುರುಷ ಅಥವಾ ಮಹಿಳಾ ಟಿ20ಯಲ್ಲಿ ಇದುವರೆಗೆ 5,000 ರನ್ ಗಳಿಸಿಲ್ಲ. ಟಿ20 ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರ ಪಟ್ಟಿಯಲ್ಲಿ, ಸ್ಮೃತಿ ಅವರ ನಂತರ ನ್ಯೂಜಿಲೆಂಡ್‌ನ ಮಾಜಿ ಆರಂಭಿಕ ಆಟಗಾರ್ತಿ ಸೂಜಿ ಬೇಟ್ಸ್ ಇದ್ದಾರೆ. ಬೇಟ್ಸ್ 2007 ರಿಂದ 2026 ರವರೆಗೆ 'ವೈಟ್ ಫರ್ನ್ಸ್' (ನ್ಯೂಜಿಲೆಂಡ್ ಮಹಿಳಾ ತಂಡ) ಪರ 186 ಟಿ20 ಅಂತರರಾಷ್ಟ್ರೀಯ ಪಂದ್ಯಗಳನ್ನು ಆಡಿ, 4,758 ರನ್‌ಗಳನ್ನು ಗಳಿಸಿದರು.

23 ವರ್ಷ ಹಳೆಯ ಬ್ಯಾಟಿಂಗ್ ದಾಖಲೆ ಮುರಿದ ಜಿಂಬಾಬ್ವೆಯ ಬ್ರೆಂಡನ್ ಟೇಲರ್

ಸ್ಮೃತಿ ಅವರ ಆರಂಭಿಕ ಜೊತೆಗಾರ್ತಿ ಶಫಾಲಿ ಅವರಿಗೂ ಎರಡನೇ ಟಿ20 ಪಂದ್ಯದಲ್ಲಿ ಹೊಸ ಬ್ಯಾಟಿಂಗ್ ದಾಖಲೆಯನ್ನು ಸೃಷ್ಟಿಸುವ ಅವಕಾಶವಿದೆ. ಶಫಾಲಿ ಎರಡನೇ ಪಂದ್ಯದಲ್ಲಿ ಕನಿಷ್ಠ 133 ರನ್‌ಗಳನ್ನು ಗಳಿಸಿದರೆ, ಮಹಿಳಾ ಟಿ20 ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ (T20I) ಒಂದು ಕ್ಯಾಲೆಂಡರ್ ವರ್ಷದಲ್ಲಿ 1,000 ರನ್‌ಗಳನ್ನು ಪೂರೈಸಿದ ವಿಶ್ವದ ಮೊದಲ ಆಟಗಾರ್ತಿ ಎಂಬ ಹೆಗ್ಗಳಿಕೆಗೆ ಅವರು ಪಾತ್ರರಾಗಲಿದ್ದಾರೆ. ಇದುವರೆಗೂ ಯಾವುದೇ ಮಹಿಳಾ ಕ್ರಿಕೆಟಿಗರು ಒಂದು ಕ್ಯಾಲೆಂಡರ್ ವರ್ಷದಲ್ಲಿ 1,000 ರನ್‌ಗಳನ್ನು ಗಳಿಸಲು ಸಾಧ್ಯವಾಗಿಲ್ಲ.

ಕಳೆದ ತಿಂಗಳು ನಡೆದ ಏಷ್ಯನ್ ಗೇಮ್ಸ್‌ನಲ್ಲಿ ಭಾರತವು ತನ್ನ ಚಿನ್ನದ ಪದಕವನ್ನು ಯಶಸ್ವಿಯಾಗಿ ಉಳಿಸಿಕೊಳ್ಳಲು ಪ್ರಮುಖ ಪಾತ್ರ ವಹಿಸಿದ್ದ ಶಫಾಲಿ, 2026ರಲ್ಲಿ ಇಲ್ಲಿಯವರೆಗೆ 25 ಟಿ20 ಅಂತರರಾಷ್ಟ್ರೀಯ (T20I) ಪಂದ್ಯಗಳನ್ನು ಆಡಿದ್ದು, ಒಟ್ಟು 867 ರನ್‌ಗಳನ್ನು ಗಳಿಸಿದ್ದಾರೆ.

]]>

ದುರ್ಗಾಪೂಜೆ ವೇಳೆ ಕಾಲ್ತುಳಿತ; ಗಾಯಗೊಂಡವರನ್ನು ಭೇಟಿಯಾದ ಅಮಿತ್ ಶಾ

Sun, 18 Oct 2026 05:27:13 +0000

ಕೋಲ್ಕತ್ತಾ, ಅ.18: ಉತ್ತರ ಕೋಲ್ಕತ್ತಾದ ಚೋರ್ಬಗನ್‌ನಲ್ಲಿ ವಾರ್ಷಿಕ ದುರ್ಗಾ ಪೂಜಾ ಉತ್ಸವ ಮಂಟಪದಲ್ಲಿ ಶನಿವಾರ ಸಂಭವಿಸಿದ ಕಾಲ್ತುಳಿತದಲ್ಲಿ ಗಾಯಗೊಂಡವರು ಚಿಕಿತ್ಸೆ ಪಡೆಯುತ್ತಿರುವ ಕಲ್ಕತ್ತಾ ಮೆಡಿಕಲ್ ಕಾಲೇಜು ಮತ್ತು ಆಸ್ಪತ್ರೆಗೆ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಅವರು ಭಾನುವಾರ ಭೇಟಿ ನೀಡಿದರು.

ಶನಿವಾರ ಸಂಜೆ ಮಳೆಯ ನಡುವೆ ಜನಸಂದಣಿ ಇದ್ದಕ್ಕಿದ್ದಂತೆ ಹೆಚ್ಚಾದಾಗ, ಕೋಲ್ಕತ್ತಾದ ಚೋರ್ಬಗಾನ್ ಸಾರ್ವಜನಿಕ ದುರ್ಗಾ ಪೂಜಾ ಪೆಂಡಾಲ್‌ನಲ್ಲಿ ಸಂಭವಿಸಿದ ನೂಕುನುಗ್ಗಲಿನಲ್ಲಿ ಕನಿಷ್ಠ 19 ಮಂದಿ ಸಾವನ್ನಪ್ಪಿದ್ದಾರೆ ಮತ್ತು 25 ಮಂದಿ ಗಾಯಗೊಂಡಿದ್ದಾರೆ.

ಈ ಘಟನೆಗೆ ಸಂಬಂಧಿಸಿದಂತೆ ಕೋಲ್ಕತ್ತಾ ಪೊಲೀಸರು ಸ್ವಯಂಪ್ರೇರಿತವಾಗಿ (suo motu) ಪ್ರಕರಣ ದಾಖಲಿಸಿಕೊಂಡಿದ್ದು, ಮೃತಪಟ್ಟವರ ಗುರುತನ್ನು ಪತ್ತೆಹಚ್ಚುವ ಕಾರ್ಯವನ್ನೂ ನಡೆಸುತ್ತಿದ್ದಾರೆ.

ಈ ಘಟನೆಯನ್ನು ಅತ್ಯಂತ ದುಃಖಕರ ಎಂದು ಬಣ್ಣಿಸಿರುವ ಶಾ, ಮೃತರ ಕುಟುಂಬಗಳಿಗೆ ಸಂತಾಪ ಸೂಚಿಸಿದ್ದಾರೆ. ಪರಿಸ್ಥಿತಿಯ ಬಗ್ಗೆ ಮಾಹಿತಿ ಪಡೆಯಲು ತಾವು ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಹಾಗೂ ಸುವೇಂದು ಅಧಿಕಾರಿ ಅವರೊಂದಿಗೆ ಮಾತನಾಡಿದ್ದೇನೆ ಎಂದೂ ಅವರು ತಿಳಿಸಿದ್ದಾರೆ.

Two scenes. Same city. One shameless illegal govt. 18 bodies in Kolkata Medical College after stampede. Same night, CM Suvendu plays dhol for Amit Shah at airport. Shameful priorities. #Stampede https://t.co/EgUtGXlBvs
— Sananda Banik (@Sbwritesco) October 18, 2026

ಈ ದುರಂತದ ನಂತರ, ಕಾನೂನು ಮತ್ತು ಸುವ್ಯವಸ್ಥೆಯನ್ನು ಕಾಪಾಡುವ ಉದ್ದೇಶದಿಂದ, ಕೋಲ್ಕತ್ತಾ ಪೊಲೀಸರು ನಗರದ ಕೆಲವು ಭಾಗಗಳಲ್ಲಿ ಅಕ್ಟೋಬರ್ 18 ರಿಂದ ಅಕ್ಟೋಬರ್ 20 ರವರೆಗೆ ಮೂರು ದಿನಗಳ ಕಾಲ 'ಭಾರತೀಯ ನಾಗರಿಕ ಸುರಕ್ಷಾ ಸಂಹಿತೆ' (BNSS), 2023 ರ ಸೆಕ್ಷನ್ 163 ರ ಅಡಿಯಲ್ಲಿ ನಿಷೇಧಾಜ್ಞೆಗಳನ್ನು ಜಾರಿಗೊಳಿಸಿದ್ದಾರೆ.

ಘಟನೆ ಕುರಿತು ಪ್ರತಿಕ್ರಿಯಿಸಿರುವ ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಸುವೇಂದು ಅಧಿಕಾರಿ, ʼಜನಸಂದಣಿ ನಿರ್ವಹಣೆಯಲ್ಲಿ ವಿಫಲರಾದವರ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಲಾಗುವುದು. ಈ ಘಟನೆಯ ತನಿಖೆಗೆ ಕಲ್ಕತ್ತಾ ಹೈಕೋರ್ಟ್‌ನ ಹಾಲಿ ನ್ಯಾಯಮೂರ್ತಿಗಳ ನೇತೃತ್ವದಲ್ಲಿ ವಿಶೇಷ ತನಿಖಾ ತಂಡ ರಚಿಸಲಾಗುವುದು. ಈ ತಂಡದಲ್ಲಿ ಎಸ್‌ಟಿಎಫ್, ಸಿಐಡಿ ಮತ್ತು ಇತರ ಇಲಾಖೆಗಳ ಅಧಿಕಾರಿಗಳು ಇರಲಿದ್ದಾರೆʼ ಎಂದು ತಿಳಿಸಿದ್ದಾರೆ

ಸಿಸಿಟಿವಿ ದೃಶ್ಯಾವಳಿಗಳನ್ನು ಕೂಲಂಕುಷವಾಗಿ ಪರಿಶೀಲಿಸಿ, ಕರ್ತವ್ಯ ಲೋಪ ಎಸಗಿದವರ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು. ತಪ್ಪಿತಸ್ಥರು ಯಾರೇ ಆಗಿದ್ದರೂ ಅವರನ್ನು ಬಿಡುವುದಿಲ್ಲ ಎಂದು ಸಿಎಂ ಸ್ಪಷ್ಟಪಡಿಸಿದ್ದಾರೆ.

]]>

Priyank Kharge: ಲಷ್ಕರ್-ಇ-ತಯ್ಯಬಾ ಸಂಪರ್ಕದ ವ್ಯಕ್ತಿಯ ಬಂಧನ: ಗೃಹ ಸಚಿವ ಪ್ರಿಯಾಂಕ್ ಖರ್ಗೆ

Sun, 18 Oct 2026 05:16:24 +0000

ಕಲಬುರಗಿ: ಲಷ್ಕರ್-ಇ-ತಯ್ಯಬಾ(LET) ಉಗ್ರ ಸಂಘಟನೆ ಜತೆ ಸಂಪರ್ಕ ಹೊಂದಿರುವ ಆರೋಪದ ಹಿನ್ನೆಲೆಯಲ್ಲಿ ಒಬ್ಬನನ್ನು ಶಂಕಿತನಾಗಿ ವಶಕ್ಕೆ ಪಡೆಯಲಾಗಿದೆ. ಕೇಂದ್ರ ಗುಪ್ತಚರ (Intelligence Bureau) ಇಲಾಖೆ ಹಾಗೂ ಪೊಲೀಸರು ಜಂಟಿಯಾಗಿ ಕಾರ್ಯಾಚರಣೆ ನಡೆಸಿದ್ದು, ಪ್ರಕರಣದ ಕುರಿತು ತನಿಖೆ ಮುಂದುವರಿದಿದೆ ಎಂದು ಗೃಹ ಸಚಿವ ಪ್ರಿಯಾಂಕ್ ಖರ್ಗೆ(Priyank Kharge) ತಿಳಿಸಿದರು.

ನಗರದಲ್ಲಿ ಭಾನುವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಸಾಮಾಜಿಕ ಜಾಲತಾಣಗಳ ಮೂಲಕ ಉಗ್ರರೊಂದಿಗೆ ಸಂಪರ್ಕ ಹೊಂದಿದ್ದ ವಿಚಾರ ಖಚಿತವಾಗಿದೆ. ಇಬ್ಬರ ಪೈಕಿ ಒಬ್ಬನ ಸಂಪರ್ಕದ ಕುರಿತು ತನಿಖೆ ನಡೆಯುತ್ತಿದೆ ಎಂದು ಹೇಳಿದರು.

ಇದನ್ನೂ ಓದಿ: LeT- ISKP Alliance: ಬಲೂಚಿಸ್ತಾನದಲ್ಲಿ ಲಷ್ಕರ್-ಐಸಿಸ್ ಮೈತ್ರಿಕೂಟ: ದಾಖಲೆಗಳಿಂದ ಬಹಿರಂಗ

ಬೇರೆ ರಾಜ್ಯದಿಂದ ಕಲಬುರಗಿಗೆ ಆಗಮಿಸಿರುವ ಯುವಕರಾಗಿದ್ದು, ಅವರ ಚಟುವಟಿಕೆಗಳ ಕುರಿತು ತನಿಖೆ ಪ್ರಗತಿಯಲ್ಲಿದೆ. ಕೇಂದ್ರ ಗುಪ್ತಚರ ಇಲಾಖೆ ಹಾಗೂ ಸ್ಥಳೀಯ ಪೊಲೀಸರು ಜಂಟಿಯಾಗಿ ಮಾಹಿತಿ ಕಲೆಹಾಕುತ್ತಿದ್ದು, ತನಿಖೆ ಪೂರ್ಣಗೊಂಡ ಬಳಿಕ ಹೆಚ್ಚಿನ ವಿವರಗಳು ತಿಳಿದುಬರಲಿವೆ ಎಂದರು.

ಉಗ್ರ ಸಂಘಟನೆಗಳೊಂದಿಗೆ ಸಂಪರ್ಕ ಹೊಂದಿರುವ ಸಾಧ್ಯತೆಗಳ ಕುರಿತು ಗುಪ್ತಚರ ಇಲಾಖೆ ಹಾಗೂ ಪೊಲೀಸರು ನಿಗಾ ವಹಿಸಿದ್ದು, ಯಾವುದೇ ಅನುಮಾನಾಸ್ಪದ ಚಟುವಟಿಕೆಗಳ ಬಗ್ಗೆ ಪರಿಶೀಲನೆ ನಡೆಸಲಾಗುತ್ತಿದೆ ಎಂದು ಹೇಳಿದರು.

]]>

Belraj Kalarickal: ವಿವಾಹವಾದ ಒಂದೂವರೆ ತಿಂಗಳಿಗೆ 27ರ ಹರೆಯದ ಯುವ ನಿರ್ದೇಶಕ ನಿಧನ

Sun, 18 Oct 2026 05:08:53 +0000

‘ಒಟ್ಟಮುರಿ ವೆಲಿಚಂ’, ‘ಕೇರಳ ಕ್ರೈಮ್ ಫೈಲ್ಸ್’ ಮುಂತಾದ ಪ್ರಾಜೆಕ್ಟ್ಗಳಿಂದ ಹೆಸರುವಾಸಿಯಾದ ಮಲಯಾಳಂ ಸಿನಿಮಾ ನಿರ್ದೇಶಕ ಬೆಲ್‌ರಾಜ್ ಕಳರಿಕಲ್ (Belraj Kalarickal) ಅವರ ಮೃತದೇಹವು ಕೊಚ್ಚಿಯ ಹೋಟೆಲ್‌ನಲ್ಲಿ ಪತ್ತೆಯಾಗಿದೆ. ವರದಿಗಳ ಪ್ರಕಾರ ಬೆಲ್ರಾಜ್‌ಗೆ ಹೃದಯಾಘಾತವಾಗಿರಬಹುದು (Heart attack) ಎಂದು ಹೇಳಲಾಗಿದೆ. ಆದರೆ ಸಾವಿನ ನಿಖರ ಕಾರಣ ಅಧಿಕೃತವಾಗಿ ಖಚಿತವಾಗಿಲ್ಲ. ಕೇವಲ 2 ತಿಂಗಳ ಹಿಂದೆ ಅವರ ಮದುವೆ ನಡೆದಿತ್ತು. 6 ವರ್ಷಗಳ ಕಾಲ ಪ್ರೀತಿಸಿ ಅವರು ವೈವಾಹಿಕ ಜೀವನಕ್ಕೆ ಕಾಲಿಟ್ಟಿದ್ದರು. ಅವರಿಗೆ 28 ವರ್ಷ ವಯಸ್ಸಾಗಿತ್ತು.

ಈ ಸುದ್ದಿ ಬಂದ ನಂತರ, ಕಾಪಿ ಸ್ಕ್ವಾಡ್ ಇತ್ತೀಚೆಗೆ ಸ್ಟ್ರೀಮಿಂಗ್ ಆರಂಭವಾದ ಜಿಯೋಹಾಟ್‌ಸ್ಟಾರ್ ತನ್ನ ಅಧಿಕೃತ ಇನ್‌ಸ್ಟಾಗ್ರಾಮ್ ಹ್ಯಾಂಡಲ್ ಮೂಲಕ ನಿರ್ದೇಶಕರಿಗೆ ಗೌರವ ಸಲ್ಲಿಸಿದೆ. ಬೆಲ್ರಾಜ್ ಇತ್ತೀಚೆಗೆ ತಮ್ಮ ವೈಯಕ್ತಿಕ ಜೀವನದಲ್ಲಿ ಹೊಸ ಅಧ್ಯಾಯವನ್ನು ಪ್ರಾರಂಭಿಸಿದ್ದರು. ಅವರು ಸೆಪ್ಟೆಂಬರ್ 11, 2026 ರಂದು ಅತಿರಾ ಬಿಂದು ಸಬು ಅವರನ್ನು ಮದುವೆಯಾದರು. ಆರು ವರ್ಷಗಳ ಸಂಬಂಧದ ನಂತರ. ನಿರ್ದೇಶಕರು ತಮ್ಮ ಮದುವೆಯ ದಿನದ ಫೋಟೋಗಳನ್ನು ಸೋಶಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು.

ಇದನ್ನೂ ಓದಿ: Bigg Boss kannada 13: 'Tall Dark Handsome' ಹುಡುಗ ಸೋನಿಕಾಗೆ ಬೇಕಂತೆ! ಸುದೀಪ್‌ ಕೊಟ್ಟ ಸಲಹೆ ಏನು?

Some goodbyes come far too soon. Rest in peace, Belraj Kalarickal. #JioHotstar https://t.co/zTSqUl1YcN
— JioHotstar Malayalam (@JioHotstarMal) October 17, 2026

ಬೆಲ್‌ರಾಜ್ ಕಳರಿಕಲ್ ಅವರು ‘ಒಟ್ಟಮುರಿ ವೆಲಿಚಂ’, ‘ಕೇರಳ ಕ್ರೈಮ್ ಫೈಲ್ಸ್’ ಮುಂತಾದ ಪ್ರಾಜೆಕ್ಟ್ಗಳಿಂದ ಹೆಸರುವಾಸಿಯಾದ ‘ಫಸ್ಟ್ ಪ್ರಿಂಟ್ ಸ್ಟುಡಿಯೋಸ್’ ನಿರ್ಮಾಣ ಸಂಸ್ಥೆಯ ಸಂಸ್ಥಾಪಕ ಸದಸ್ಯರಲ್ಲಿ ಒಬ್ಬರಾಗಿದ್ದರು. ಮೊದಲ ಪ್ರಾಜೆಕ್ಟ್ ಯಶಸ್ವಿಯಾಗಿ ಪ್ರದರ್ಶನ ಕಾಣುತ್ತಿರುವಾಗಲೇ ಸಂಭವಿಸಿದ ಈ ಯುವ ನಿರ್ದೇಶಕನ ಹಠಾತ್ ಸಾವು ಮಲಯಾಳಂ ಚಿತ್ರರಂಗಕ್ಕೆ ದೊಡ್ಡ ಆಘಾತವನ್ನುಂಟು ಮಾಡಿದೆ.

ಹೃದಯಾಘಾತದಿಂದ ಬೆಲ್ರಾಜ್ ಮೃತಪಟ್ಟಿದ್ದಾರೆ ಅನ್ನೋ ಮಾತುಗಳು ಕೇಳಿಬರುತ್ತಿದೆ. ಆದರೆ ಯಾವುದೇ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಮರಣೋತ್ತರ ಪರೀಕ್ಷೆ ಮುಗಿಸಿ ಮೃತದೇಹವನ್ನು ಕುಟುಂಬಸ್ಥರಿಗೆ ಹಸ್ತಾಂತರಿಸಿದ್ದಾರೆ.

]]>

ಕೋಲ್ಕತ್ತಾ ಕಾಲ್ತುಳಿತ ಪ್ರಕರಣ; ಸಾವಿನ ಸಂಖ್ಯೆ 19ಕ್ಕೆ ಏರಿಕೆ, 7 ಮಂದಿ ಬಂಧನ

Sun, 18 Oct 2026 04:56:10 +0000

ಕೋಲ್ಕತಾ, ಅ.18: ದುರ್ಗಾ ಪೂಜಾ ಆಚರಣೆಗಳ ವೇಳೆ ಸಂಭವಿಸಿದ ನೂಕುನುಗ್ಗಲಿನಲ್ಲಿ 19 ಮಂದಿ ಮೃತಪಟ್ಟ ಘಟನೆಗೆ ಸಂಬಂಧಿಸಿದಂತೆ, 'ಚೋರ್ ಬಗಾನ್ ಸರ್ವಜನಿಕ ದುರ್ಗೋತ್ಸವ ಸಮಿತಿ'ಯ ಪದಾಧಿಕಾರಿಗಳು ಸೇರಿದಂತೆ ಏಳು ಮಂದಿಯನ್ನು ಬಂಧಿಸಲಾಗಿದೆ. ಈ ನೂಕುನುಗ್ಗಲಿನಲ್ಲಿ ಮೃತಪಟ್ಟವರ ಸಂಖ್ಯೆ 19ಕ್ಕೆ ಏರಿದ್ದು, 25 ಮಂದಿ ಗಾಯಗೊಂಡಿದ್ದಾರೆ. ಗಾಯಗೊಂಡವರ ಪೈಕಿ ಒಬ್ಬರ ಸ್ಥಿತಿ ಗಂಭೀರವಾಗಿದೆ.

ಬಂಧಿತರಾದ ಏಳು ಮಂದಿಯಲ್ಲಿ, ಕಾರ್ಯಕ್ರಮ ನಡೆಯುವ ಸ್ಥಳದಲ್ಲಿನ ಆಯೋಜನಾ ಸಮಿತಿ, ನಿರ್ಮಾಣ ಕಾರ್ಯ, ಜನಸಂದಣಿ ನಿಯಂತ್ರಣ ಮತ್ತು ಭದ್ರತಾ ವ್ಯವಸ್ಥೆಗಳಿಗೆ ಸಂಬಂಧಿಸಿದ ವ್ಯಕ್ತಿಗಳು ಸೇರಿದ್ದಾರೆ. ಬಂಧಿತರಲ್ಲಿ ಸಂಘಟನಾ ಸಮಿತಿಯ ಕಾರ್ಯದರ್ಶಿ ರಾಜಾ (48) ಎಂದು ಕರೆಯಲ್ಪಡುವ ರಾಜ್ ಕುಮಾರ್ ಸೇವ್ಡಾ ಮತ್ತು ಅದರ ಉಪಾಧ್ಯಕ್ಷ ಸಂತಾನು ದುಬೆ (55) ಸೇರಿದ್ದಾರೆ.

ಬಂಧಿತರಲ್ಲಿ 'ಜಾಯ್' ಎಂದೂ ಕರೆಯಲ್ಪಡುವ 48 ವರ್ಷದ ಬಿಪ್ಲಬ್ ಮುಖರ್ಜಿ, ಆ ಸ್ಥಳದಲ್ಲಿ ಜಾಹೀರಾತಿಗಾಗಿ ಬಿದಿರಿನ ರಚನೆಯನ್ನು ನಿರ್ಮಿಸುವ ಕೆಲಸದಲ್ಲಿ ತೊಡಗಿಸಿಕೊಂಡಿದ್ದರು. ಇತರ ಇಬ್ಬರು ಆರೋಪಿಗಳಾದ 53 ವರ್ಷದ ಕೌಶಿಕ್ ಸಹಾ ಮತ್ತು 51 ವರ್ಷದ ಪಿಂಟು ಡೇ ಅವರು, ಜನಸಂದಣಿಯನ್ನು ನಿರ್ವಹಿಸುವ ಹಾಗೂ ವಿಐಪಿ (VIP) ಪಾಸ್‌ಗಳನ್ನು ಪರಿಶೀಲಿಸುವ ಜವಾಬ್ದಾರಿಯನ್ನು ಹೊಂದಿದ್ದರು ಎಂದು ಆರೋಪಿಸಲಾಗಿದೆ. 30 ವರ್ಷದ ಸುಮನ್ ಚಕ್ರವರ್ತಿ ಮತ್ತು 29 ವರ್ಷದ ರಾಜೇಶ್ ಪಾಲ್ ಅವರನ್ನು ಭದ್ರತಾ ಉಸ್ತುವಾರಿಗಳೆಂದು ಗುರುತಿಸಲಾಗಿದೆ.

ಮಧ್ಯಪ್ರದೇಶದ ದೇವಸ್ಥಾನದ ಬಳಿ ಭಕ್ತರ ಮೇಲೆ ಟ್ರಕ್ ಹರಿದು 13 ಮಂದಿ ಸಾವು

ಪಶ್ಚಿಮ ಬಂಗಾಳದ ಮುಖ್ಯಮಂತ್ರಿ ಸುವೇಂದು ಅಧಿಕಾರಿ ಅವರು ಭಾನುವಾರದಂದು ಮಾತನಾಡಿ, ಸಂತ್ರಸ್ತ ಕುಟುಂಬಗಳಿಗೆ ಬೆಂಬಲ ನೀಡಲು ಮತ್ತು ಗಾಯಗೊಂಡವರಿಗೆ ವೈದ್ಯಕೀಯ ಚಿಕಿತ್ಸೆ ಒದಗಿಸಲು ರಾಜ್ಯ ಸರ್ಕಾರವು ಸಾಧ್ಯವಿರುವ ಎಲ್ಲ ಕ್ರಮಗಳನ್ನು ಕೈಗೊಳ್ಳುತ್ತಿದೆ ಎಂದು ಹೇಳಿದರು.

ಮೃತಪಟ್ಟ ಪ್ರತಿಯೊಬ್ಬ ವ್ಯಕ್ತಿಯ ಕುಟುಂಬಕ್ಕೆ 25 ಲಕ್ಷ ರೂಪಾಯಿ ಪರಿಹಾರ ಹಾಗೂ ಸರ್ಕಾರಿ ಉದ್ಯೋಗವನ್ನು ಸರ್ಕಾರ ಘೋಷಿಸಿದೆ. ಕಾಲ್ತುಳಿತದಲ್ಲಿ ಗಾಯಗೊಂಡವರಿಗೆ ತಲಾ 5 ಲಕ್ಷ ರೂಪಾಯಿ ನೀಡಲಾಗುವುದು ಮತ್ತು ಅವರ ಸಂಪೂರ್ಣ ವೈದ್ಯಕೀಯ ವೆಚ್ಚವನ್ನು ರಾಜ್ಯ ಸರ್ಕಾರವೇ ಭರಿಸಲಿದೆ.

ಈ ಘಟನೆಯ ಕುರಿತು ವಿಸ್ತೃತ ವರದಿಯನ್ನು ಸಲ್ಲಿಸುವಂತೆ ಪ್ರಧಾನಿ ನರೇಂದ್ರ ಮೋದಿ ಅವರು ರಾಜ್ಯದ ಮುಖ್ಯ ಕಾರ್ಯದರ್ಶಿಗೆ ನಿರ್ದೇಶನ ನೀಡಿದ್ದಾರೆ ಎಂದು ಅಧಿಕಾರಿ ತಿಳಿಸಿದರು.

ಮುಖ್ಯಮಂತ್ರಿಯವರ ಪ್ರಕಾರ, ಪ್ರಧಾನಿಯವರು ಸಂತ್ರಸ್ತ ಕುಟುಂಬಗಳಿಗೆ ಪರಿಹಾರ ಮತ್ತು ನೆರವನ್ನು ಘೋಷಿಸಿದ್ದಾರೆ. ಈ ವಿಷಯದಲ್ಲಿ ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಒಟ್ಟಾಗಿ ಕೆಲಸ ಮಾಡುತ್ತಿವೆ.

]]>

Vishwavani News - Latest Kannada News

R T Vittalmurthy Column: ಕುಮಾರಣ್ಣನ ಅರ್ಜೆಂಟ್‌ ವಾರ್‌ ಮೀಟಿಂಗ್

Vishweshwar Bhat Column: ಟೈಮ್‌ ಮ್ಯಾಗಜಿನ್‌ ಮುಖಪುಟ

ದಿನ ಭವಿಷ್ಯ,ಅಕ್ಟೋಬರ್ 19, 2026: ಇಂದು ಯಾವುದೇ ಮುಖ್ಯ ವ್ಯವಹಾರಗಳು ಬೇಡ

Sadguru Shri Madhusudhan Sai: ರಾಮನಾಮ ಸ್ಮರಣೆಯಿಂದ ದುರ್ಗುಣಗಳ ನಿವಾರಣೆ: ಸದ್ಗುರು ಶ್ರೀ ಮಧುಸೂದನ ಸಾಯಿ

Mysore Dasara: ಮೈಸೂರು ದಸರಾ ಜಂಬೂಸವಾರಿಯಲ್ಲಿ ಗೌರಿಬಿದನೂರು ಕಲಾವಿದರ ಅರೆವಾದ್ಯ ಪ್ರದರ್ಶನ

ಪಕ್ಷದ್ರೋಹ ಮಾಡದೆ, ನಿಷ್ಠಾವಂತ ಕಾರ್ಯಕರ್ತ ಶಶಿ ಹುಲಿಕುಂಟೆಮಠ ಗೆಲುವಿಗೆ ಶ್ರಮಿಸೋಣ

ಲಾರೆನ್ಸ್‌ ಬಿಷ್ಣೋಯ್‌ ಗ್ಯಾಂಗ್‌ನದ್ದು ಎನ್ನಲಾದ ಆಡಿಯೋ ಮೆಸೇಜ್‌:

ಆಡಿಯೋ ಸಂದೇಶದಲ್ಲಿ ಏನಿದೆ?

ಬೈಕ್‌ನಲ್ಲಿ ಬಂದ ಮೂವರಿಂದ ಕೃತ್ಯ

ನಟ ಟೈಗರ್‌ ಶ್ರಾಫ್‌ ಮೇಲೆ ದಾಳಿ:

ಸಲ್ಮಾನ್‌ ಖಾನ್‌ ಮೇಲೆ ಯಾಕಿಷ್ಟು ದ್ವೇಷ?

K M Suresh: ಬಿಜೆಪಿ–ಜೆಡಿಎಸ್ ಮುಖಂಡರ ಸಭೆ; ಪದವೀಧರ ಮತದಾರರನ್ನು ಸಂಪರ್ಕಿಸಿ ಬೆಂಬಲ ಕ್ರೋಡೀಕರಿಸಲು ಕರೆ

ಬಾಗಲಕೋಟೆಯಲ್ಲಿ ದಾಂಡಿಯಾ ಸಂಭ್ರಮದ ವೇಳೆ ಗಲಾಟೆ; ಚಾಕುವಿನಿಂದ ಇರಿದು ಯುವಕನ ಕೊಲೆ

ZIMW vs INDW: ಜಿಂಬಾಬ್ವೆ ವಿರುದ್ಧ ಟೀಮ್‌ ಇಂಡಿಯಾ ವನಿತೆಯರಿಗೆ ಭರ್ಜರಿ ಜಯ; ಸರಣಿ ಗೆದ್ದ ಸ್ಮೃತಿ ಮಂಧನಾ ಪಡೆ

ಜಿಂಬಾಬ್ವೆ ವಿರುದ್ಧ ಜಯ ಗಳಿಸಿದ ಭಾರತ ತಂಡ:

ಶಫಾಲಿ ವರ್ಮ, ಸ್ಮೃತಿ ಮಂಧಾನ ಸ್ಫೋಟಕ ಬ್ಯಾಟಿಂಗ್

ಸಂಕ್ಷಿಪ್ತ ಸ್ಕೋರ್‌

Bigg Boss Kannada 13: ಬಿಗ್ ಬಾಸ್ ಮನೆಯಿಂದ ಕಾವ್ಯ ಔಟ್‌!

ಉಸ್ತುವಾರಿ ಫೇಲ್‌

Tumkur Dasara: ತುಮಕೂರು ದಸರಾ ಕುಸ್ತಿ ಪಂದ್ಯಾವಳಿ: ಪ್ರಥಮ ಸ್ಥಾನ ಪಡೆದ ದೇಶದ ಗರಡಿಮನೆಯ ಕುಸ್ತಿಪಟು ಸಂತೋಷ್

Chikkaballapur News: ನೂರಾರು ಸುಮಂಗಲಿಯರಿಂದ ಲಲಿತಾ ಸಹಸ್ರನಾಮ ಪಠಣ; ನಾಡಿನ ಒಳಿತಿಗಾಗಿ ಪ್ರಾರ್ಥನೆ

J K Krishna Reddy: ಎನ್‌ಡಿಎ ಅಭ್ಯರ್ಥಿ ಕೆ.ಎಂ. ಸುರೇಶ್ ಪರ ಜೆ.ಕೆ. ಕೃಷ್ಣಾರೆಡ್ಡಿ ಪ್ರಚಾರ

ಮಲಬಾರ್ ಪಿಟ್ ವೈಪರ್ ಕಚ್ಚಿದ್ದು, 24 ಗಂಟೆ ನಿಗಾದಲ್ಲಿ ಚಿಕಿತ್ಸೆ; ಚಾರಣಿಗರು ಎಚ್ಚರಿಕೆ ವಹಿಸಲು ಅರಣ್ಯ ಇಲಾಖೆ ಸೂಚನೆ

ವೇಗವಾಗಿ ಬಂದ ಕಾರ್‌ ಹರಿದು ರಸ್ತೆ ಬದಿ ಕೆಲಸ ಮಾಡುತ್ತಿದ್ದ 8 ಕಾರ್ಮಿಕರ ದುರ್ಮರಣ; ತಡವಾಗಿ ಸ್ಥಳಕ್ಕೆ ತಲುಪಿದ ಆಂಬ್ಯುಲೆನ್ಸ್‌

ಪಂಜಾಬ್‌ನಲ್ಲಿ ಭೀಕರ ರಸ್ತೆ ಪಾಘಾತ:

ಸಮಯಕ್ಕೆ ಸರಿಯಾಗಿ ತಲುಪದ ಆಂಬ್ಯುಲೆನ್ಸ್‌

ಪೊಲೀಸರ ಕಣ್ಣೆದುರೇ ಚಾಲಕ ಪರಾರಿ

Tiger Shroff: ಬಾಲಿವುಡ್​​ ನಟ ಟೈಗರ್ ಶ್ರಾಫ್ ಮೇಲೆ ಗುಂಡಿನ ದಾಳಿ

ಶಿವ-ವಿಷ್ಣುವಿನ ಹೆಸರಿನಲ್ಲಿ ಜಗಳ ಸಲ್ಲ, ತಲೆ ಪ್ರತಿಷ್ಠೆ ಮಾಡಿದರೆ ಪತನ ಖಂಡಿತ: ರಾಘವೇಶ್ವರ ಶ್ರೀ

ಶತಚಂಡಿಕಾ ಮಹಾಯಾಗ:

Dr K Sudhakar: ಸಾಮಾನ್ಯ ಕಾರ್ಯಕರ್ತರಿಗೆ ಅವಕಾಶ ನೀಡುವ ಪಕ್ಷ ಬಿಜೆಪಿ: ಡಾ.ಕೆ.ಸುಧಾಕರ್

ಕಣ್ಣ ಮುಂದೆಯೇ ಚಿಲ್ಲರೆ ಇದ್ರೂ ಕ್ಯಾಶ್ ಪಡೆಯಲು ನಿರಾಕರಿಸಿದ ಬೆಂಗಳೂರಿನ ಹೊಟೇಲ್‌ ಸಿಬ್ಬಂದಿ

ಮೈಸೂರು ದಸರಾ ಎಷ್ಟೊಂದು ಸುಂದರ: ಅರಮನೆಯ ಬೆಳಕಿನಲ್ಲಿ ಅರಳುವ ಕರ್ನಾಟಕದ ಹೆಮ್ಮೆ

ಮೈಸೂರು ದಸರಾ-ಕರ್ನಾಟಕದ ಐಡೆಂಟಿಟಿ!

ಸಾಟಿಯಿಲ್ಲದ ಅಂಬಾರಿಯ ಗಾಂಭೀರ್ಯ!

ಹೊಸ ಆಕರ್ಷಣೆಗಳ ಸೇರ್ಪಡೆ

ಆಹಾರ ಮೇಳ

ಫಲಪುಷ್ಪ ಪ್ರದರ್ಶನ

ಕಲೆ ಮತ್ತು ರಂಗಭೂಮಿ

ಹೊಟೇಲ್ ಮತ್ತು ರೆಸಾರ್ಟ್‌ಗಳಿಗೆ ಡಿಮ್ಯಾಂಡ್

ಪ್ರವಾಸಿಗರಿಗಾಗಿ ವೆಬ್‌ಸೈಟ್

ಕರಾವಳಿಯ ಕಂಬಳ ಮೈಸೂರಿನಲ್ಲಿ!

ಮೈಸೂರ ಆಗಸದಲ್ಲಿ ಸಾಹಸದ ಚಿತ್ತಾರ!

ನಗರದ ಆಚೆಗೂ ಸಂಭ್ರಮ

ಈ ಬಾರಿಯ ಆಕರ್ಷಣೆ

ದಯವಿಟ್ಟು ಗಮನಿಸಿ

Arkeshwara Temple: ಕೆ.ಆರ್.ನಗರದ ಪುರಾತನ ಹಿಂದೂ ದೇಗುಲದ ಮೇಲೆ ಶಿಲುಬೆ, ಮಸೀದಿ ಚಿತ್ರ; ಇಬ್ಬರ ವಿರುದ್ಧ ಎಫ್‌ಐಆರ್‌

ಪ್ರಚೋದನಾಕಾರಿ ಕೆಲಸ ಮಾಡಿದವರನ್ನು ಬಂಧಿಸಬೇಕು: ವಿಜಯೇಂದ್ರ ಆಗ್ರಹ

ಅಮೆರಿಕ, ಜರ್ಮನಿಯತ್ತ ಜಿಯೋ ಚಿತ್ತ; 1.5 ಶತಕೋಟಿ ಗ್ರಾಹಕರನ್ನು ಹೊಂದುವ ಗುರಿ

Bigg Boss Kannada 13: ಕಿರೀಟ ತೊಟ್ಟು ಕಿಚ್ಚ ಸುದೀಪ್‌ ಎದುರು ʻದೊಡ್ಡವರೆಲ್ಲ ಜಾಣರಲ್ಲʼ ಎಂದ ಕುಮಾರಿ

ಲವರ್‌ಗೆ ಕಳುಹಿಸಿದ್ದ ಖಾಸಗಿ ಫೋಟೊಗಳು ಅಶ್ಲೀಲ ತಾಣದಲ್ಲಿ ಸೋರಿಕೆ; ಬೆಚ್ಚಿಬಿದ್ದ ಬೆಂಗಳೂರಿನ ಯುವತಿ!

"ಕಣ್ಣಿನ ಕೆಳಗೆ ಡಾರ್ಕ್ ಸರ್ಕಲ್ ಬಂದಿದೆ": ಕಾರ್ಪೊರೇಟ್ ಕಂಪನಿ ನಿಯಮಗಳ ಬಗ್ಗೆ ಜೆನ್ ಝೀ ಉದ್ಯೋಗಿ ಬೇಸರ!

ವೈರಲ್‌ ಪೋಸ್ಟ್‌ ಇಲ್ಲಿದೆ:

Ration Card e-KYC: ಪಡಿತರ ಚೀಟಿದಾರರಿಗೆ ಗುಡ್‌ ನ್ಯೂಸ್‌; ರೇಷನ್‌ ಕಾರ್ಡ್‌ ಇ-ಕೆವೈಸಿ ಗಡುವು ನ.10ರವರೆಗೆ ವಿಸ್ತರಣೆ

ಇ-ಕೆವೈಸಿ ಮಾಡಲು ‘ಅನ್ನ ಸೇವೆ’ ಆ್ಯಪ್

ಬಾಲಿಯಲ್ಲಿ ಇಂಧನ ಕೊರತೆಯಿಂದ ಸಂಚಾರ ದಟ್ಟಣೆ: ಅವ್ಯವಸ್ಥೆ ಬಿಚ್ಚಿಟ್ಟ ಭಾರತೀಯ ಉದ್ಯಮಿ

ಚೆನ್ನೈಯಲ್ಲಿ ಭಾರಿ ಮಳೆ: ರಸ್ತೆಗಳು ಜಲಾವೃತ, ಜನಜೀವನ ಅಸ್ತವ್ಯಸ್ತ

Sudeep Marriage Anniversary: ಕಿಚ್ಚ ಸುದೀಪ್ ಮದುವೆ ವಾರ್ಷಿಕೋತ್ಸವ; ವಿಶೇಷ ಚಿತ್ರಗಳು ವೈರಲ್‌

ರಣಜಿ ಟ್ರೋಫಿ; ಕರ್ನಾಟಕ ತಂಡಕ್ಕೆ ಮನ್ವಂತ್ ಕುಮಾರ್ ಆಸರೆ

ಆಪತ್ಭಾಂದವ ಮನ್ವಂತ್

ಜೀವನದಲ್ಲಿ ಟೆನ್ಷನ್ ಇದ್ದದ್ದೇ ಎಂದು ಮಗುವಿಗೂ ತಿಳಿದಿದೆ! ಈಜಿಪ್ಟ್‌ನ ನವಜಾತ ಶಿಶುವಿನ ರಿಲ್ಯಾಕ್ಸ್‌ಡ್ ಭಂಗಿ ವೈರಲ್

ವಿಡಿಯೊ ನೋಡಿ:

ಬೆಂಗಳೂರು ಸಿಲಿಂಡರ್ ಸ್ಫೋಟ ಪ್ರಕರಣ: ಗಂಭೀರವಾಗಿ ಗಾಯಗೊಂಡಿದ್ದ ಮತ್ತೊಂದು ಮಗು ಸಾವು; ಮೃತರ ಸಂಖ್ಯೆ 3ಕ್ಕೆ ಏರಿಕೆ

ಚಿಕ್ಕಬಳ್ಳಾಪುರದಲ್ಲಿ 3 ವರ್ಷದ ಮಗು ಅನುಮಾನಾಸ್ಪದ ಸಾವು!

ಜನ ಕೂತಿದ್ದರೂ ಕ್ಯಾರೇ ಎನ್ನದೆ ಸಾಕು ನಾಯಿ ಹೊತ್ತೊಯ್ದ ಚಿರತೆ: ಭಯಾನಕ ದೃಶ್ಯ ವೈರಲ್

ಚಿರತೆ ದಾಳಿಯ ವಿಡಿಯೊ ನೋಡಿ:

ಹೆಬ್ಬಾವನ್ನೇ ಹಗ್ಗದಂತೆ ಬಳಸಿ ಹುಚ್ಚಾಟ ಮೆರೆದ ಯುವಕರು; ಅಮಾನುಷ ಕೃತ್ಯ ನೋಡಿ ಬೆಚ್ಚಿಬಿದ್ದ ನೆಟ್ಟಿಗರು

ವಿಡಿಯೊ ನೋಡಿ:

ಫ್ರಾನ್ಸ್‌ನಲ್ಲಿ ಹಿಂಸಾಚಾರ: ಐಷಾರಾಮಿ ಅಂಗಡಿಗಳು ಲೂಟಿ, ಬೃಹತ್ ಕಟ್ಟಡಗಳಿಗೆ ಬೆಂಕಿ, 1,200ಕ್ಕೂ ಹೆಚ್ಚು ಜನರ ಬಂಧನ

ಫ್ರಾನ್ಸ್‌ನಲ್ಲಿ ಭುಗಿಲೆದ್ದ ಹಿಂಸಾಚಾರ:

ಗ್ರೇಟರ್‌ ನೋಯ್ಡಾದ ಸಾಮೂಹಿಕ ಹತ್ಯೆಯ ಬಗ್ಗೆ ಪೊಲೀಸರಿಂದ ಮಾಹಿತಿ:

ಸಾವಿಗೆ ನಿಜವಾದ ಕಾರಣವೇನು?

ಗ್ರೇಟರ್‌ ನೋಯ್ದಾದಲ್ಲಿ ಆತ್ಮಹತ್ಯೆ ಮಾಡಿಕೊಂಡ ಕುಟುಂಬ ಸದಸ್ಯರು:

K.B. Jayanna: ತುಮಕೂರು ವಿದ್ಯಾವಾಹಿನಿ ಸಂಸ್ಥೆ ಸಂಸ್ಥಾಪಕ ಕೆ.ಬಿ. ಜಯಣ್ಣ ನಿಧನ

ಕೇಂದ್ರ ಸಚಿವ ವಿ. ಸೋಮಣ್ಣ ಸಂತಾಪ:

Sting Operation: ಸ್ಟಿಂಗ್ ಮಾಡಿದವನಿಗೆ ನಟ್ಟು ಬೋಲ್ಟು ಸರಿ ಇದ್ದಂತೆ ಇಲ್ಲ: ಮತ್ತೆ ಗುಡುಗಿದ ಎಚ್.ಡಿ. ಕುಮಾರಸ್ವಾಮಿ

ಕೋಲ್ಕತಾ ದುರ್ಗಾ ಪೆಂಡಾಲ್‌ನಲ್ಲಿ ಕಾಲ್ತುಳಿತ ಸಂಭವಿಸಿದ್ದು ಹೇಗೆ? ದುರಂತದ ಕ್ಷಣ ವಿಡಿಯೊದಲ್ಲಿ ಸೆರೆ

ಎನ್‌ಡಿಟಿವಿ ಹಂಚಿಕೊಂಡ ವೈರಲ್‌ ವಿಡಿಯೊ ಇಲ್ಲಿದೆ:

ವಿಡಿಯೊದಲ್ಲಿ ಏನಿದೆ?

Tiger Shroff: ಬಾಲಿವುಡ್ ನಟ ಟೈಗರ್ ಶ್ರಾಫ್ ಮೇಲೆ ಗುಂಡಿನ ದಾಳಿ