ವಾಷಿಂಗ್ಟನ್: ಇಸ್ರೇಲ್ ರಕ್ಷಣಾ ಪಡೆಗಳ (ಐಡಿಎಫ್) ನೆಟ್ಜಾ ಯೆಹೂದಾ ಬೆಟಾಲಿಯನ್ ಅನ್ನು ಅಮೆರಿಕ ನಿಷೇಧಿಸಿದೆ. ಮಾಧ್ಯಮಗಳಲ್ಲಿ ಈ ಸುದ್ದಿ ಬಂದ ಕೂಡಲೇ ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಕೋಪಗೊಂಡು, ಅಮೆರಿಕದ ಈ ನಿರ್ಧಾರವನ್ನು ಅವರು ಖಂಡಿಸಿದರು.
ಅಮೆರಿಕದ ಈ ನಿರ್ಧಾರವು ಅಸಂಬದ್ಧ., ಅದು ಅದನ್ನು ಮಾಡಬಾರದಿತ್ತು ಎಂದು ನೆತನ್ಯಾಹು ಹೇಳಿದರು.
ನಾನು ಮುನ್ನಡೆಸುತ್ತಿರುವ ಸರ್ಕಾರದಲ್ಲಿ, ನಾನು ಈ ನಡೆಗಳ ವಿರುದ್ಧ ಸಾಧ್ಯವಿರುವ ಎಲ್ಲ ರೀತಿಯಲ್ಲಿ ಕಾರ್ಯನಿರ್ವಹಿಸುತ್ತೇನೆ.
ಪಶ್ಚಿಮ ದಂಡೆಯಲ್ಲಿ ಫೆಲೆಸ್ತೀನ್ ವಿರುದ್ಧ ಮಾನವ ಹಕ್ಕುಗಳ ಉಲ್ಲಂಘನೆಯ ಆರೋಪದ ಮೇಲೆ ಈ ನಿಷೇಧ ಹೇರಲಾಗಿದೆ. ಬೈಡನ್ ಆಡಳಿತವು ಈ ಬೆಟಾಲಿಯನ್ ಅನ್ನು ಕಪ್ಪುಪಟ್ಟಿಗೆ ಸೇರಿಸುವ ಬಗ್ಗೆ ನಿರ್ಧಾರ ತೆಗೆದುಕೊಳ್ಳಬಹುದು ಎಂದು ವರದಿಯಾಗಿದೆ. ಇದು ಸಂಭವಿಸಿದಲ್ಲಿ, ನೆಟ್ಜಾ ಯೆಹೂದಾದ ಸೈನಿಕರು ಅಮೆರಿಕದ ಸೈನಿಕರೊಂದಿಗೆ ತರಬೇತಿ ಪಡೆಯಲು ಸಾಧ್ಯವಾಗುವುದಿಲ್ಲ. ಅಮೆರಿಕದ ಧನಸಹಾಯವನ್ನೂ ನಿಲ್ಲಿಸಲಾಗು ವುದು. ಅಮೆರಿಕದ ಶಸ್ತ್ರಾಸ್ತ್ರಗಳನ್ನು ಸಹ ನಿಷೇಧಿಸಲಾಗುವುದು.
ಅಮೆರಿಕದಿಂದ ಇದನ್ನು ನಿರೀಕ್ಷಿಸಿರಲಿಲ್ಲ, ಅದೂ ನಮ್ಮ ಸೈನಿಕರು ಭಯೋತ್ಪಾದಕ ರಾಕ್ಷಸರ ವಿರುದ್ಧ ಹೋರಾಡುತ್ತಿರುವಾಗ ಅಂತಹ ಪರಿಸ್ಥಿತಿಯಲ್ಲಿ ನಿಷೇಧವನ್ನು ವಿಧಿಸಲಾಗುತ್ತಿದೆ ಎಂದು ಹೇಳಿದರು.
