eBay ಬೆಂಗಳೂರು ಟೆಕ್ ಇನೊವೇಷನ್ ಹಬ್‌ಗೆ ನೇತೃತ್ವ ವಹಿಸಲು ಮೃಣಾಲ್ ಚಟರ್ಜಿ ನೇಮಕ

ಬೆಂಗಳೂರು: ಜಾಗತಿಕ ವಾಣಿಜ್ಯದ ನಾಯಕ ಸಂಸ್ಥೆಯಾದ eBay Inc. (NASDAQ: EBAY), ವಿಶ್ವದಾದ್ಯಂತ ಲಕ್ಷಾಂತರ ಖರೀದಿದಾರರು ಮತ್ತು ಮಾರಾಟಗಾರರನ್ನು ಸಂಪರ್ಕಿಸುವ ಸಂಸ್ಥೆ, ಮೃಣಾಲ್ ಚಟರ್ಜಿ ಅವರನ್ನು ಉಪಾಧ್ಯಕ್ಷ (ಎಂಜಿನಿಯರಿಂಗ್) ಹಾಗೂ ಜನರಲ್ ಮ್ಯಾನೇಜರ್, eBay ಬೆಂಗಳೂರು ಹುದ್ದೆಗೆ ನೇಮಕ ಮಾಡಿರುವುದಾಗಿ ಇಂದು ಘೋಷಿಸಿದೆ. ಸೈಟ್ ಕಾರ್ಯಾ ಚರಣೆಗಳನ್ನು ನಿರ್ವಹಿಸುವುದು ಹಾಗೂ eBay ಬೆಂಗಳೂರು ಘಟಕದ ವೃದ್ಧಿಗೆ ಮೃಣಾಲ್ ತಮ್ಮ ನಾಯಕತ್ವ ಮತ್ತು ತಾಂತ್ರಿಕ ಅನುಭವವನ್ನು ಬಳಕೆ ಮಾಡಲಿದ್ದಾರೆ.

ಇಂದಿನ ಈ ನಾಯಕತ್ವ ಘೋಷಣೆ eBay ಬೆಂಗಳೂರಿನ ಮುಂದಿನ ಹಂತವನ್ನು ಸೂಚಿಸುತ್ತದೆ. ತಂತ್ರಜ್ಞಾನ ಹಬ್‌ನ ದೃಷ್ಟಿಯನ್ನು ಮುಂದುವರಿಸುತ್ತಾ, ಜಾಗತಿಕ ಗ್ರಾಹಕರಿಗೆ ಅನುಗುಣ ವಾಗಿರುವ, ವಿಸ್ತಾರಗೊಳ್ಳುವ ಹಾಗೂ ವಿಶಿಷ್ಟ ಅನುಭವಗಳನ್ನು ಸೃಷ್ಟಿಸಲು ನವೀನತೆಯನ್ನು ವೇಗಗೊಳಿಸುವುದೇ ಇದರ ಉದ್ದೇಶ. eBay ಬೆಂಗಳೂರು ಕಾರ್ಯಾಚರಣೆಗಳು AI ಆಧಾರಿತ ನವೀನತೆಯನ್ನು ವಿಸ್ತರಿಸುವತ್ತ ಗಮನಹರಿಸಿದ್ದು, ವೈಯಕ್ತೀಕರಣ, ನಂಬಿಕೆ ಮತ್ತು ಒಟ್ಟಾರೆ ಗ್ರಾಹಕ ಅನುಭವವನ್ನು ಜಾಗತಿಕವಾಗಿ ಉತ್ತೇಜಿಸುವ AI-ಸಚಾಲಿತ ವಾಣಿಜ್ಯ ಪರಿಹಾರಗಳನ್ನು ಅಭಿವೃದ್ಧಿಪಡಿಸುತ್ತಿವೆ.

“eBayಯ ಜಾಗತಿಕ ತಂತ್ರಜ್ಞಾನ ಮತ್ತು ಪ್ರತಿಭಾ ತಂತ್ರದಲ್ಲಿ ಭಾರತ ಅತ್ಯಂತ ಪ್ರಮುಖ ಪಾತ್ರ ವಹಿಸುತ್ತಿದೆ,” ಎಂದು eBayನ ಎಸ್‌ವಿಪಿ ಹಾಗೂ ಮುಖ್ಯ ತಂತ್ರಜ್ಞಾನ ಅಧಿಕಾರಿ ಮಾಜೆನ್ ರವಾಷ್ದೆ ಹೇಳಿದ್ದಾರೆ. “ಮೃಣಾಲ್ ಅವರನ್ನು eBayಗೆ ಸ್ವಾಗತಿಸುವುದಕ್ಕೆ ನಾವು ಎದುರುನೋಡುತ್ತಿದ್ದೇವೆ. ತಂತ್ರಜ್ಞಾನ ಸಂಸ್ಥೆಗಳನ್ನು ವಿಸ್ತರಿಸುವಲ್ಲಿ ಮತ್ತು ಗ್ರಾಹಕಪ್ರಥಮ ತಂಡಗಳನ್ನು ನಿರ್ಮಿಸುವಲ್ಲಿ ಅವರ ಆಳವಾದ ಪರಿಣತಿ ಮತ್ತು ಸಾಬೀತಾದ ಸಾಧನೆ, ನಮ್ಮ ಬೆಂಗಳೂರು ತಂತ್ರಜ್ಞಾನ ನವೀನತಾ ಹಬ್‌ಗೆ ಅವರು ಸೂಕ್ತ ನಾಯಕರು ಎಂಬುದನ್ನು ತೋರಿಸುತ್ತದೆ.”

ಇದನ್ನೂ ಓದಿ: Bangalore News: ಕನ್ನಡ ರಾಜ್ಯೋತ್ಸವದ ಪ್ರಯುಕ್ತ ಒಂದು ಕಿ.ಮೀ ಉದ್ದ ಕನ್ನಡ ಧ್ವಜದ ಮೆರವಣಿಗೆ

ಮೃಣಾಲ್ ಚಟರ್ಜಿ ಜಾಗತಿಕ ತಂತ್ರಜ್ಞಾನ ಸಂಸ್ಥೆಗಳು ಹಾಗೂ ಸ್ಟಾರ್ಟ್‌ಅಪ್‌ಗಳಲ್ಲಿ 30 ವರ್ಷ ಕ್ಕಿಂತ ಹೆಚ್ಚು ಅನುಭವ ಹೊಂದಿದ ಅನುಭವಿ ತಂತ್ರಜ್ಞಾನ ಕಾರ್ಯನಿರ್ವಾಹಕರಾಗಿದ್ದಾರೆ. eBayಗೆ ಸೇರುವ ಮೊದಲು, ಅವರು ರಿಪ್ಲಿಂಗ್ ಸಂಸ್ಥೆಯಲ್ಲಿ ಎಂಜಿನಿಯರಿಂಗ್‌ನ ಹಿರಿಯ ಉಪಾಧ್ಯಕ್ಷ ಹಾಗೂ ಭಾರತ ಸೈಟ್ ಲೀಡ್ ಆಗಿ ಕಾರ್ಯನಿರ್ವಹಿಸಿದ್ದರು. ಅಲ್ಲಿ ಅವರು ಎಂಜಿನಿಯರಿಂಗ್, ಉತ್ಪನ್ನ, ವಿನ್ಯಾಸ ಮತ್ತು ಗ್ರಾಹಕ ಅನುಭವ ವಿಭಾಗಗಳಲ್ಲಿನ 1,400ಕ್ಕೂ ಹೆಚ್ಚು ತಜ್ಞರ ಬಹು-ಕಾರ್ಯಾತ್ಮಕ ತಂಡವನ್ನು ಮುನ್ನಡೆಸಿದರು. ವಾಲ್ಮಾರ್ಟ್, ಅಮೆಜಾನ್ ಮತ್ತು ಓರೆಕಲ್ ಸೇರಿದಂತೆ ಪ್ರಮುಖ ಸಂಸ್ಥೆಗಳಲ್ಲಿ ಅವರು ಹಿರಿಯ ನಾಯಕತ್ವ ಹುದ್ದೆಗಳನ್ನೂ ವಹಿಸಿದ್ದರು.

“ಜನರನ್ನು ಸಂಪರ್ಕಿಸಿ ಸಮುದಾಯಗಳನ್ನು ನಿರ್ಮಿಸುವ ಮೂಲಕ ಎಲ್ಲರಿಗೂ ಆರ್ಥಿಕ ಅವಕಾಶ ಗಳನ್ನು ಸೃಷ್ಟಿಸುವ eBayಯ ಉದ್ದೇಶ ನನ್ನನ್ನು ಅತ್ಯಂತ ಆಳವಾಗಿ ಸ್ಪರ್ಶಿಸುತ್ತದೆ,” ಎಂದು eBay ಬೆಂಗಳೂರು ಉಪಾಧ್ಯಕ್ಷ (ಎಂಜಿನಿಯರಿಂಗ್) ಹಾಗೂ ಜನರಲ್ ಮ್ಯಾನೇಜರ್ ಮೃಣಾಲ್ ಚಟರ್ಜಿ ಹೇಳಿದರು.

“ಭಾರತದ ಪ್ರತಿಭೆ ಮತ್ತು ತಂತ್ರಜ್ಞಾನ ಪರಿಸರವು ಜಾಗತಿಕ ನವೀನತೆಯ ಮುಂದಿನ ಯುಗವನ್ನು ರೂಪಿಸುವ ಅಪಾರ ಶಕ್ತಿಯನ್ನು ಹೊಂದಿದೆ. ವಿಶ್ವದಾದ್ಯಂತ ಕೋಟ್ಯಂತರ ಗ್ರಾಹಕರಿಗೆ ಶಕ್ತಿ ನೀಡುವ ತಂತ್ರಜ್ಞಾನವನ್ನು ನಾವು ನಿರ್ಮಿಸುವಾಗ eBayಯ ವಿಶಿಷ್ಟ ತಂಡಗಳನ್ನು ಮುನ್ನಡೆ ಸುವುದಕ್ಕೆ ನಾನು ಉತ್ಸುಕನಾಗಿದ್ದೇನೆ.”

eBay ಗ್ರಾಹಕರಿಗೆ AI-ಪ್ರಥಮ ಅನುಭವಗಳನ್ನು ನೀಡಲು ಬದ್ಧವಾಗಿದೆ. 30 ವರ್ಷಗಳಿಗಿಂತ ಹೆಚ್ಚು ಅನುಭವ ಮತ್ತು ಜಾಗತಿಕ ವ್ಯಾಪ್ತಿಯನ್ನು—134 ಮಿಲಿಯನ್‌ಗಿಂತ ಹೆಚ್ಚು ಸಕ್ರಿಯ ಖರೀದಿದಾರರು ಮತ್ತು ವಿಶ್ವದಾದ್ಯಂತ 2.4 ಬಿಲಿಯನ್‌ಗಿಂತ ಹೆಚ್ಚು ಲಿಸ್ಟಿಂಗ್‌ಗಳೊಂದಿಗೆ—ಬಳಸಿ, ಗ್ರಾಹಕರಿಗೆ ಲಾಭ ಕಲ್ಪಿಸುವುದರ ಜೊತೆಗೆ ಇ-ಕಾಮರ್ಸ್ ಉದ್ಯಮದಲ್ಲಿ ಮುನ್ನಡೆ ವಹಿಸಿದೆ.

ಇದುವರೆಗೆ 10 ಮಿಲಿಯನ್‌ಗಿಂತ ಹೆಚ್ಚು ವಿಶಿಷ್ಟ ಮಾರಾಟಗಾರರು eBayಯ ಜನರೇಟಿವ್ AI ವೈಶಿಷ್ಟ್ಯಗಳನ್ನು ಬಳಸಿಕೊಂಡು 300 ಮಿಲಿಯನ್‌ಗಿಂತ ಹೆಚ್ಚು ಹೊಸ ಲಿಸ್ಟಿಂಗ್‌ಗಳನ್ನು ರಚಿಸಿದ್ದು, eBayನಲ್ಲಿ ಹಲವು ಬಿಲಿಯನ್ ಡಾಲರ್ ಮೌಲ್ಯದ ಒಟ್ಟು ವ್ಯವಹಾರ ಮೊತ್ತವನ್ನು (GMV) ನಿರ್ಮಿಸಿದ್ದಾರೆ.

ಸ್ಥಳೀಯ ವಿಶ್ವವಿದ್ಯಾಲಯಗಳು, ಸ್ಟಾರ್ಟ್‌ಅಪ್‌ಗಳು ಹಾಗೂ ಸರ್ಕಾರಿ ಪಾಲುದಾರರೊಂದಿಗೆ ಸೇರಿ ಬೆಂಗಳೂರು ತಂತ್ರಜ್ಞಾನ ಪರಿಸರದೊಂದಿಗೆ ಸಹಕಾರವನ್ನು ಬೆಳೆಸುವಲ್ಲಿ eBay ನಿರಂತರ ಬದ್ಧತೆ ಯನ್ನು ಪ್ರದರ್ಶಿಸುತ್ತಿದೆ. ವೈವಿಧ್ಯತೆ, ಒಳಗೊಳ್ಳುವಿಕೆ ಮತ್ತು ಸಾಮಾಜಿಕ ಉದ್ಯಮ ಶೀಲತೆಯನ್ನು ಉತ್ತೇಜಿಸುವ ಕಾರ್ಯಕ್ರಮಗಳಲ್ಲಿ ಹೂಡಿಕೆ ಮಾಡುತ್ತಾ, ಈ ಪ್ರದೇಶದ ಚೈತನ್ಯ ಮಯ ನವೀನತಾ ವಾತಾವರಣಕ್ಕೆ ಸಂಸ್ಥೆ ತನ್ನ ಕೊಡುಗೆಯನ್ನು ನೀಡುತ್ತಿದೆ.

eBay ಬಗ್ಗೆ:

eBay Inc. (ನ್ಯಾಸ್ಡಾಕ್: EBAY) ವಿಶ್ವದಾದ್ಯಂತ ಜನರನ್ನು ಸಂಪರ್ಕಿಸಿ ಸಮುದಾಯಗಳನ್ನು ನಿರ್ಮಿಸುವ ಜಾಗತಿಕ ವಾಣಿಜ್ಯ ನಾಯಕ ಸಂಸ್ಥೆಯಾಗಿದ್ದು, ಎಲ್ಲರಿಗೂ ಆರ್ಥಿಕ ಅವಕಾಶಗಳನ್ನು ಸೃಷ್ಟಿಸುತ್ತದೆ. eBayಯ ತಂತ್ರಜ್ಞಾನವು 190ಕ್ಕೂ ಹೆಚ್ಚು ಮಾರುಕಟ್ಟೆಗಳಲ್ಲಿ ಲಕ್ಷಾಂತರ ಖರೀದಿ ದಾರರು ಮತ್ತು ಮಾರಾಟಗಾರರಿಗೆ ಶಕ್ತಿ ನೀಡುತ್ತಿದ್ದು, ಬೆಳೆಯಲು ಮತ್ತು ಯಶಸ್ವಿಯಾಗಲು ಅವಕಾಶ ಒದಗಿಸುತ್ತದೆ.

1995ರಲ್ಲಿ ಕ್ಯಾಲಿಫೋರ್ನಿಯಾದ ಸ್ಯಾನ್ ಹೊಸೇಯಲ್ಲಿ ಸ್ಥಾಪಿತವಾದ eBay, ಉತ್ತಮ ಮೌಲ್ಯ ಮತ್ತು ವಿಶಿಷ್ಟ ಆಯ್ಕೆಗಳನ್ನು ಕಂಡುಹಿಡಿಯುವ ವಿಶ್ವದ ಅತಿದೊಡ್ಡ ಹಾಗೂ ಚೈತನ್ಯಮಯ ಮಾರುಕಟ್ಟೆಗಳಲ್ಲಿ ಒಂದಾಗಿದೆ. 2024ರಲ್ಲಿ eBay ಮೂಲಕ 75 ಬಿಲಿಯನ್ ಡಾಲರ್ ಮೌಲ್ಯದ ಒಟ್ಟು ವ್ಯವಹಾರ ಮೊತ್ತ (GMV) ಸಾಧಿಸಲಾಯಿತು. ಕಂಪನಿ ಮತ್ತು ಅದರ ಜಾಗತಿಕ ಆನ್‌ಲೈನ್ ಬ್ರ್ಯಾಂಡ್ ಪೋರ್ಟ್ಫೊಲಿಯ ಕುರಿತು ಹೆಚ್ಚಿನ ಮಾಹಿತಿಗಾಗಿ www.ebayinc.com ಗೆ ಭೇಟಿ ನೀಡಿ.