ಸ್ತನ ಕ್ಯಾನ್ಸರ್‌ ಬಗ್ಗೆ ಭಯ ಬೇಡ, ಜಾಗೃತಿ ಇರಲಿ

ಅಭಿಪ್ರಾಯ

ಡಾ.ಸಂದೀಪ್ ನಾಯಕ್

ಮಹಿಳೆಯರಲ್ಲಿ ಅತಿ ಹೆಚ್ಚು ಕಾಡುವ ಭಯವೆಂದರೆ ಸ್ತನಕ್ಯಾನ್ಸರ್. ವಿಶ್ವದಲ್ಲಿ ಶೇ. 25 ರಷ್ಟು ಮಹಿಳೆಯರು ಸ್ತನ ಕ್ಯಾನ್ಸರ್‌ಗೆ ತುತ್ತಾಗುತ್ತಿzರೆ. ಆಘಾತಕಾರಿ ವಿಷಯವೆಂದರೆ ಪ್ರತಿ ವರ್ಷ ಸ್ತನ ಕ್ಯಾನ್ಸರ್ಗೆ ಒಳಗಾಗುತ್ತಿರುವ ಮಹಿಳೆಯರ ಪ್ರಮಾಣ ಏರಿಕೆಯಾಗುತ್ತಲೇ ಇದೆ.

ಆರಂಭದ ಹಂತದಲ್ಲಿಯೇ ಈ ಕ್ಯಾನ್ಸರ್‌ನನ್ನು ಪತ್ತೆ ಹಚ್ಚುವುದರಿಂದ ಮುಂದಾಗುವ ಅಪಾಯವನ್ನು ತಪ್ಪಿಸ ಬಹುದು. ಆದರೆ, ಈ ಕ್ಯಾನ್ಸರ್ ಕೊನೆಯ ಹಂತಕ್ಕೆ ತಲುಪಿದರೆ ಚಿಕಿತ್ಸೆ ಅಸಾಧ್ಯದ ಮಾತು. ಸ್ತನದ ಜೀವಕೋಶ ದಲ್ಲಿ ಬೆಳೆಯುವ ಕ್ಯಾನ್ಸರ್ ಅನ್ನು ಸ್ತನ ಕ್ಯಾನ್ಸರ್ ಎಂದು ಗುರುತಿಸಲಾಗುತ್ತದೆ.  ಅಕ್ಟೋಬರ್ ಮಾಸವನ್ನು ಸ್ತನ ಕ್ಯಾನ್ಸರ್ ಮಾಸವೆಂದೇ ವಿಶ್ವಾದ್ಯಂತ ಆಚರಣೆ ಮಾಡಲಾಗುತ್ತಿದೆ.

ಸ್ತನ ಕ್ಯಾನ್ಸರ್ ಪ್ರಾರಂಭದ ಪತ್ತೆ : ಸ್ತನ ಕ್ಯಾನ್ಸರ್ ಅನ್ನು 4 ಹಂತವಾಗಿ ವಿಂಗಡಿಸಲಾಗಿದೆ.

ಹಂತ1: ಸ್ತನ ಕ್ಯಾನ್ಸರ್ ಗಡ್ಡೆಯಾಗಿ ಬೆಳೆಯುತ್ತದೆ. ಪ್ರಾರಂಭದಲ್ಲಿ ಯಾವುದೇ ಮೊಡವೆ ರೀತಿ ಕಂಡು ಬರುವು ದಿಲ್ಲ. ಒಂದು ಎಳೆಯಾಗಿ ಕ್ಯಾನ್ಸರ್ ಒಳಗಡೆ ಬೆಳೆಯುತ್ತಾ ಹೋಗುತ್ತದೆ. ನಂತರದಲ್ಲಿ ಅದು ಗಡ್ಡೆಯಾಗಿ ಮಾರ್ಪಡಲಿದೆ.

ಹಂತ2: ಗಡ್ಡೆ ಸುಮಾರು 2 ಸೆ. ಮೀಟರ್‌ಗೆ ದೊಡ್ಡದಾಗಿ ಬೆಳೆಯಲು ಪ್ರಾರಂಭಿಸುತ್ತದೆ. ನಂತರ ಹತ್ತಿರದ ದುಗ್ಧರಸ ಗ್ರಂಥಿಗಳ ಮೇಲೆ ಪರಿಣಾಮ ಬೀರುತ್ತಾ ಹೋಗುತ್ತದೆ. ಕೆಲವು ಸಮಯದಲ್ಲಿ ಗೆಡ್ಡೆ ಬೆಳೆಯದೇ ಹಾಗೆಯೇ ಉಳಿದು ಕೊಳ್ಳುವ ಸಾಧ್ಯತೆಯೂ ಇದೆ

ಹಂತ 3: ನಂತರ ಹಂತ ಹಂತವಾಗಿ ಗಡ್ಡೆಯ ಗಾತ್ರದಲ್ಲಿ ಬದಲಾವಣೆಯಾಗಬಹುದು. 5 ಸೆ. ಮೀ.ಗೂ ಹೆಚ್ಚು ದೊಡ್ಡದಾಗಿ ಬೆಳೆಯಬಹುದು. ಆಕ್ಸಿಲರಿ ಗ್ರಂಥಿಗಳ ಮೇಲೆ ಹರಡುತ್ತ ಪರಿಣಾಮ ಬೀರುತ್ತದೆ.

ಹಂತ 4: ಸ್ತನ ಕ್ಯಾನ್ಸರ್ ಹರಡುತ್ತಾ ಹೋದಂತೆ ಯಕೃತ್, ಶ್ವಾಸಕೋಶ ಅಥವಾ ಮೆದುಳಿನ ಮೇಲೆ ಪರಿಣಾಮ ಬೀಳುತ್ತದೆ. ಮೂಳೆಗಳಿಗೂ ಹಾನಿ ಯಾಗುವ ಸಾಧ್ಯತೆಯಿದೆ. ಮಹಿಳೆಯರು ಆರಂಭದ ಸ್ತನ ಕ್ಯಾನ್ಸರ್ ಬಗ್ಗೆ ಪತ್ತೆಹಚ್ಚಬೇಕಾದರೆ ಮ್ಯಾಮೊಗ್ರಫಿ ಪರೀಕ್ಷೆಗೆ ಒಳಪಡುವುದು ಉತ್ತಮ. ಆ ಮೂಲಕ ಸ್ತನ ಕ್ಯಾನ್ಸರ್ ಇದೆಯಾ ಎಂದು ಪತ್ತೆ ಹಚ್ಚಬಹುದಾಗಿದೆ.

ಪ್ರಾರಂಭದ ಪತ್ತೆ ಹಚ್ಚಿ: ಮಹಿಳೆಯರು ತಮ್ಮ ಸ್ತನದ ಬಗ್ಗೆ ಆಗಾಗ್ಗೆ ಗಮನ ಹರಿಸುವುದು ಒಳ್ಳೆಯದು. ಅದರಲ್ಲು 45 ಮೇಲ್ಪಟ್ಟ ಮಹಿಳೆಯರು 6 ತಿಂಗಳಿಗೊಮ್ಮೆ ಸ್ತನಕ್ಯಾನ್ಸರ್ ಪರೀಕ್ಷೆ ಮಾಡಿಸಿಕೊಳ್ಳಿ. ಒಂದು ವೇಳೆ ನಿಮ್ಮ ಸ್ತನದಲ್ಲಿ ಮೊಡವೆಯ ರೀತಿ ಇದ್ದರೆ, ಅದನ್ನು ನಿರ್ಲಕ್ಷಿಸಬೇಡಿ. ಕೂಡಲೇ ವೈಧ್ಯರನ್ನು ಭೇಟಿ ಮಾಡಿ ತಪಾಸಣೆಗೆ ಒಳಗಾಗಿ. ಪ್ರಾರಂಭದಲ್ಲಿಯೇ ಈ ಕ್ಯಾನ್ಸರ್‌ನನ್ನು ಪತ್ತೆ ಹಚ್ಚುವುದರಿಂದ ಚಿಕಿತ್ಸೆ ಮೂಲಕ ಗುಣಪಡಿಸಬಹುದು.

ಸ್ತನಕ್ಯಾನ್ಸರ್‌ಗೆ ಕಾರಣವೇನು? : ಸ್ತನ ಕ್ಯಾನ್ಸರ್‌ಗೆ ನಿಖರ ಕಾರಣವಿಲ್ಲ. ಆದರೆ ಅನಾರೋಗ್ಯಕರ ಜೀವನ ಶೈಲಿ ಹೊಂದಿದ್ದರೆ, ಮಧ್ಯಪಾನ ಸೇವನೆ, ಬೊಜ್ಜು, ಒಬೆಸೀಟಿ, ವ್ಯಾಯಮ ಮಾಡದೇ ಇರುವುದು ಸೇರಿದಂತೆ ಇತರೆ ಅಂಶಗಳು ಕ್ಯಾನ್ಸರ್‌ಗೆ ಕಾರಣವಾಗಬಹುದು ಎನ್ನಲಾಗಿದೆ.

ಪುರುಷರಲ್ಲೂ ಸ್ತನ ಕ್ಯಾನ್ಸರ್!: ಸ್ತನ ಕ್ಯಾನ್ಸರ್ ಕೇವಲ ಮಹಿಳೆಯರಿಗೆ ಮಾತ್ರ ಬರಬಹುದು ಎಂಬ ನಿಮ್ಮಊಹೆ ತಪ್ಪು.ಪುರುಷರಲ್ಲೂ ಈ ಕ್ಯಾನ್ಸರ್ ಕಾಣಿಸಿಕೊಂಡಿರುವ ಉದಾಹರಣೆಗಳಿವೆ. ಪುರುಷರಲ್ಲಿ ಸ್ತನ ಕ್ಯಾನ್ಸರ್ ಬರಲು ಪ್ರಮುಖ ಕಾರಣ ಅನುವಂಶಿಯವಾಗಿರುತ್ತದೆ. ಕುಟುಂಬದಲ್ಲಿ ಈಗಾಗಲೇ ಈ  ಕ್ಯಾನ್ಸರ್ಗೆ ಒಳಗಾಗಿದ್ದರೆ ಬರಬಹುದು. ಅದೂ ಅತ್ಯಂತ ವಿರಳ ಎನ್ನಲಾಗಿದೆ. ೧೦೦ ಸ್ತನಕ್ಯಾನ್ಸರ್‌ನ ಪೈಕಿ ಒಬ್ಬ ಪುರುಷ ಇರಲಿದ್ದಾನೆ ಎನ್ನಲಾಗಿದೆ.

ಭಯ ಬೇಡ, ಜಾಗೃತಿ ಇರಲಿ: ಇತ್ತೀಚಿನ ದಿನಗಳಲ್ಲಿ ಸ್ತನಕ್ಯಾನ್ಸರ್ ಬಗ್ಗೆ ಹೆಚ್ಚು ಜಾಗೃತಿ ಉಂಟಾಗಿದೆ.  ಮೊದಲೆ ಮಹಿಳೆಯರು ಸ್ತನ ಕ್ಯಾನ್ಸರ್ ಎರಡು ಅಥವಾ ಮೂರನೇ ಹಂತ ತಲುಪಿದ ಮೇಲೆ ಚಿಕಿತ್ಸೆಗೆ ಬರುತ್ತಿದ್ದರು. ಆದರೀಗ, ಪ್ರಾರಂಭದಲ್ಲಿಯೇ ಸ್ತನ ಕ್ಯಾನ್ಸರ್ ಪರೀಕ್ಷೆಗೆ ಒಳಗಾಗುತ್ತಿದ್ದಾರೆ. ಆದರೆ,
ಗ್ರಾಮೀಣ ಭಾಗದ ಮಹಿಳೆಯರಿಗೆ ಈ ಬಗ್ಗೆ ಜಾಗೃತಿ ಅಗತ್ಯ. ಕೆಲವರು ಎದೆ ಮೇಲಿನ ಮೊಡವೆಯನ್ನು ನಿರ್ಲಕ್ಷಿಸಿ ಈ ಕ್ಯಾನ್ಸರ್‌ಗೆ ತುತ್ತಾಗುತ್ತಿದ್ದಾರೆ. ಹೀಗಾಗಿ ಗ್ರಾಮೀಣ ಭಾಗದಲ್ಲಿ ಕ್ಯಾಂಪ್ ನಡೆಸುವ ಮೂಲಕ ಜಾಗೃತಿ ಮೂಡಿಸಬಹುದು.