Wednesday, 1st February 2023

ಅತಿ ಚಿಕ್ಕ ಸ್ಪೆಕ್ಟ್ರೋಮೀಟರ್‌

ಟೆಕ್ ಸೈನ್ಸ್

ಎಲ್‌.ಪಿ.ಕುಲಕರ್ಣಿ

ಒರೆಗಾನ್ ಸ್ಟೇಟ್ ಯೂನಿವರ್ಸಿಟಿ (ಓಎಸ್ ಯು) ನ ವಸ್ತು ಸಂಶೋಧಕರ ತಂಡವು ಬೆಳಕನ್ನು ಪ್ರಮಾಣೀಕರಿಸಲು ಉತ್ತಮ ವಾದ ಸಾಧನವನ್ನು ವಿನ್ಯಾಸಗೊಳಿಸಿದೆ. ಇದು ಆಪ್ಟಿಕಲ್ ಸ್ಪೆಕ್ಟ್ರೋಮೆಟ್ರಿ ಎಂಬ ಕ್ಷೇತ್ರಕ್ಕೆ ಕೊಡುಗೆ ನೀಡುತ್ತದೆ. ಈ ಸಾಧನವು ಪರಿಸರದ ಮೇಲ್ವಿಚಾರಣೆಯಿಂದ ಹಿಡಿದು ಸ್ಮಾರ್ಟ್ ಫೋನ್ ಕ್ಯಾಮೆರಾಗಳವರೆಗೆ ಹಲವಾರು ವಿಷಯಗಳನ್ನು ಸುಧಾರಿಸುತ್ತದೆ ಎನ್ನುತ್ತಿದೆ ಸಂಶೋಧಕರ ತಂಡ.

ಏನಿದು ಸ್ಪೆಕ್ಟೋಮೀಟರ್? ಬೆಳಕಿನ ಗುಣಲಕ್ಷಣಗಳ ವಿಶ್ಲೇಷಣೆಯ ಮೂಲಕ ವಸ್ತುಗಳ ಬಗ್ಗೆ ಮಾಹಿತಿಯನ್ನು ನಿರ್ಧರಿಸಲು ಬಳಸುವ ಸಾಮಾನ್ಯ ಸಾಧನವೇ ಈ ಸ್ಪೆಕ್ಟ್ರೋ ಮೀಟರ್. ಇದನ್ನು ಪ್ರಮುಖವಾಗಿ, ಖಗೋಳಶಾಸ್ತ್ರ ಹಾಗೂ ರಾಸಾಯನಶಾಸ್ತ್ರ ಗಳಲ್ಲಿ ಬಳಸಲಾಗುತ್ತದೆ. ಫಿನ್‌ಲ್ಯಾಂಡ್‌ನ ಆಲ್ಟೊ ವಿಶ್ವವಿದ್ಯಾಲಯದಿಂದ ಮಾರ್ಗ ದರ್ಶಿಸಲ್ಪಟ್ಟ ಈ ತಂಡವು ಹೊಸ, ಅಲ್ಟ್ರಾ-ಸ್ಮಾಲ್ ಸ್ಪೆಕ್ಟ್ರೋಮೀಟರ್ ಅನ್ನು ನಿರ್ಮಿಸಿದೆ.

ಅದನ್ನು, ಮೈಕ್ರೋಚಿಪ್ನಲ್ಲಿ ಇರಿಸಬಹುದು ಮತ್ತು ಕೃತಕ ಬುದ್ಧಿಮತ್ತೆ (ಎ ಐ) ಬಳಸಿ ಕಾರ್ಯನಿರ್ವಹಿಸಬಹುದು. ಅಧ್ಯಯನವು ಎರಡು ಆಯಾಮದ (೨ಡಿ) ಸೆಮಿ ಕಂಡಕ್ಟರ್‌ಗಳು ಎಂಬ ತುಲನಾತ್ಮಕವಾಗಿ ಹೊಸ ವರ್ಗದ ತೆಳುವಾದ ವಸ್ತುಗಳನ್ನು ಬಳಸಿ ಕೊಂಡಿದೆ. ಮತ್ತು ಫಲಿತಾಂಶವು ಸ್ಪೆಕ್ಟ್ರೋಮೀಟರ್‌ಗೆ ಭದ್ರತಾ ಸಂವೇದಕಗಳು, ಗುಣಮಟ್ಟದ ತಪಾಸಣೆ ವೇದಿಕೆಗಳನ್ನು ಒಳಗೊಂಡಂತೆ ತಂತ್ರಜ್ಞಾನಗಳ ಶ್ರೇಣಿಯೊಂದಿಗೆ ಬಾಹ್ಯಾಕಾಶ ದೂರದರ್ಶಕಗಳು ಮತ್ತು ಬಯೋಮೆಡಿಕಲ್ ವಿಶ್ಲೇಷಕಗಳನ್ನು ಸುಲಭವಾಗಿ ಸಂಯೋಜಿಸಬಹುದು.

ಸಾಂಪ್ರದಾಯಿಕ ಸ್ಪೆಕ್ಟ್ರೋಮೀಟರ್‌ಗಳಿಗೆ ಬೃಹತ್ ಯಾಂತ್ರಿಕ ಮತ್ತು ಆಪ್ಟಿಕಲ್ ಭಾಗಗಳ ಅಗತ್ಯವಿರುತ್ತದೆ. ಆದರೆ, ಈ ಹೊಸ ಉಪಕರಣವನ್ನು ಮಾನವ ಕೂದಲಿನ ತುದಿಯಲ್ಲಿ ಇರಿಸಬಹುದು. ಹೊಸ ಅಧ್ಯಯನವು ಆ ಭಾಗಗಳನ್ನು ಹೊಸ ಅರೆವಾಹಕ ವಸ್ತುಗಳು ಮತ್ತು ಎ ಐ ಯೊಂದಿಗೆ ಬದಲಿಸಬಹುದು ಎಂದು ಪ್ರತಿಪಾದಿಸುತ್ತದೆ. ಇದು, ಸೆರೆಹಿಡಿಯುವ ಬೆಳಕಿನ ಬಣ್ಣಗಳಿಗೆ
ಸಂಬಂಧಿಸಿದಂತೆ ಉಪಕರಣವು ಶೇ.೧೦೦ ವಿದ್ಯುಚ್ಛಕ್ತಿಯಿಂದ ನಿಯಂತ್ರಿಸಲ್ಪಡುತ್ತದೆ. ಅಲ್ಲದೇ ಇದು, ವ್ಯಾಪಕವಾದ ಉಪಯು ಕ್ತತೆ ಮತ್ತು ಸ್ಕೇಲೆಬಿಲಿಟಿಗೆ ದೊಡ್ಡ ಸಾಮರ್ಥ್ಯವನ್ನು ನೀಡುತ್ತದೆ.

ಸ್ಮಾರ್ಟ್ ಫೋನ್ ಮತ್ತು ಡ್ರೋನ್‌ನಂತಹ ಪೋರ್ಟಬಲ್ ಸಾಧನಗಳಿಗೆ ನೇರವಾಗಿ ಅದನ್ನು ಸಂಯೋಜಿಸಬಹುದು. ಸ್ಮಾರ್ಟ್ ಫೋನ್ ಕ್ಯಾಮೆರಾಗಳ ಮುಂದಿನ ಪೀಳಿಗೆಯು ಹೈಪರ್ ಸ್ಪೆಕ್ಟ್ರಲ್ ಕ್ಯಾಮೆರಾಗಳಾಗಿರಬಹುದು. ಆ ಹೈಪರ್‌ಸ್ಪೆಕ್ಟ್ರಲ್ ಕ್ಯಾಮೆರಾ ಗಳು ಗೋಚರ ತರಂಗಾಂತರಗಳಿಂದ ಮಾಹಿತಿಯನ್ನು ರೆಕಾರ್ಡ್ ಮಾಡುವುದಲ್ಲದೇ, ಪರಿಶೀಲಿಸಿ, ಅತಿಗೆಂಪು ಚಿತ್ರಣ ಮತ್ತು ಪರೀಕ್ಷೆಗೆ ಅವಕಾಶ ಮಾಡಿಕೊಡುತ್ತವೆ.

ವೈದ್ಯಕೀಯರಂಗದಲ್ಲಿ, ಸ್ಪೆಕ್ಟ್ರೋಮೀಟರ್‌ಗಳು ಆರೋಗ್ಯಕರ ಅಂಗಾಂಶ ಮತ್ತು ಗೆಡ್ಡೆಗಳ ನಡುವಿನ ವ್ಯತ್ಯಾಸದಂತಹ ಮಾನವ
ಅಂಗಾಂಶದಲ್ಲಿನ ಸೂಕ್ಷ್ಮವ್ಯತ್ಯಾಸಗಳನ್ನು ಪತ್ತೆಹಚ್ಚುವ ಸಾಮರ್ಥ್ಯಕ್ಕಾಗಿ ಈಗಾಗಲೇ ಪರೀಕ್ಷಿಸಲ್ಪಟ್ಟಿವೆ. ಸ್ಪೆಕ್ಟ್ರೋಮೀಟರ್‌ಗಳು ನೀರು, ಗಾಳಿ ಅಥವಾ ನೆಲದಲ್ಲಿನ ಮಾಲಿನ್ಯದ ಪ್ರಕಾರವನ್ನು ಮತ್ತು ಪ್ರಮಾಣವನ್ನು ನಿಖರವಾಗಿ ಗುರುತಿಸಬಲ್ಲವು.

error: Content is protected !!