ಬೆಂಗಳೂರು: ರಚಿನ್ ರವೀಂದ್ರ ಶತಕ ಮತ್ತು ಕೇನ್ ವಿಲಿಯಮ್ಸನ್ ಅವರ ಬೃಹತ್ ಅರ್ಧಶತಕದ ನೆರವಿನಿಂದ ಕಿವೀಸ್ ತಂಡ ಪಾಕಿಸ್ತಾನದ ವಿರುದ್ಧ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ 402 ರನ್ಗಳ ಬೃಹತ್ ಮೊತ್ತ ನೀಡಿದೆ.
ಪ್ರತಿಯಾಗಿ ಬ್ಯಾಟಿಂಗ್ ಮಾಡಿದ ಪಾಕಿಸ್ತಾನ ತಂಡವು ಒಂದು ವಿಕೆಟ್ ನಷ್ಟಕ್ಕೆ 160 ರನ್ ಗಳಿಸಿದೆ. ಈ ಹೊತ್ತಿನಲ್ಲಿ ಮಳೆ ಸುರಿದ ಕಾರಣ, ಪಂದ್ಯ ಸ್ಥಗಿತ ಗೊಂಡಿತ್ತು. ಪಾಕಿಸ್ತಾನ್ ಆರಂಭಿಕ ಜಮಾನ್ ಶತಕ ಬಾರಿಸಿದ್ದು, ಅವರಿಗೆ ನಾಯಕ ಬಾಬರ್‌ ಜತೆ ನೀಡುತ್ತಿದ್ದಾರೆ.
ಇದಕ್ಕೂ ಮೊದಲು ಟಾಸ್ ಗೆದ್ದು ಬೌಲಿಂಗ್ ಆಯ್ಕೆ ಮಾಡಿಕೊಂಡ ಪಾಕಿಸ್ತಾನಕ್ಕೆ ಕಿವೀಸ್ ಬ್ಯಾಟರ್ಗಳ ಮೇಲೆ ನಿಯಂತ್ರಣ ಸಾಧಿಸಲು ಸಾಧ್ಯವಾಗ ಲಿಲ್ಲ. ನಿಗದಿತ ಓವರ್ ಅಂತ್ಯಕ್ಕೆ ನ್ಯೂಜಿಲೆಂಡ್ 6 ವಿಕೆಟ್ ನಷ್ಟಕ್ಕೆ 401 ರನ್ ಗಳಿಸಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಇಳಿದ ಕಿವೀಸ್ಗೆ 68ರನ್ಗಳ ಮೊದಲ ವಿಕೆಟ್ ಜೊತೆಯಾಟದಿಂದ ಬಲ ಬಂದಿತು. ವಿಲಿಯಮ್ಸನ್ ತಂಡಕ್ಕೆ ಮರಳಿದ್ದರಿಂದ ಯಂಗ್ ಅವರನ್ನು ತಂಡದಿಂದ ಹೊರಗಿಟ್ಟು, ರಚಿನ್ ರವೀಂದ್ರ ಮತ್ತು ಡೆವೊನ್ ಕಾನ್ವೆ ಆರಂಭಿಕರಾಗಿ ಮೈದಾನಕ್ಕಿಳಿದಿದ್ದರು. 35 ರನ್ ಮಾಡಿ ಉತ್ತಮ ಆರಂಭ ನೀಡಿದ್ದ ಡೆವೊನ್ ಕಾನ್ವೆ ಹಸನ್ ಅಲಿ ಬೌಲ್ನಲ್ಲಿ ವಿಕೆಟ್ ಒಪ್ಪಿಸಿದರು. ಈ ವಿಕೆಟ್ನಿಂದ 68 ರನ್ಗಳ ಮೊದಲ ವಿಕೆಟ್ ಜೊತೆಯಾಟ ಬ್ರೇಕ್ ಆಯಿತು.
ಕೇನ್ ಜೊತೆಗೆ ಎರಡನೇ ವಿಕೆಟ್ಗೆ ಪಾಲುದಾರಿಕೆ ಹಂಚಿಕೊಂಡ ರಚಿನ್ ರವೀಂದ್ರ ನಡೆಯುತ್ತಿರುವ ವಿಶ್ವಕಪ್ನಲ್ಲಿ ಮೂರನೇ ಶತಕ ದಾಖಲಿಸಿದರು. ಇನ್ನಿಂಗ್ಸ್ನಲ್ಲಿ ರಚಿನ್ 94 ಬಾಲ್ ಆಡಿ 15 ಬೌಂಡರಿ, 1 ಸಿಕ್ಸ್ನಿಂದ 108 ರನ್ಗಳನ್ನು ಬಾರಿಸಿ ಔಟ್ ಆದರು.
ನಂತರ ಬಂದ ಡೇರಿಲ್ ಮಿಚೆಲ್ (29), ಮಾರ್ಕ್ ಚಾಪ್ಮನ್ (39) ಮತ್ತು ಗ್ಲೆನ್ ಫಿಲಿಪ್ಸ್(41) ದೊಡ್ಡ ಇನ್ನಿಂಗ್ಸ್ ಆಡದಿದ್ದರೂ ಅಂತಿಮ 15 ಓವರ್ಗಳಲ್ಲಿ ಬಿರುಸಿನ ಬ್ಯಾಟಿಂಗ್ ಮಾಡಿದರು. ಅಂತಿಮ ಓವರ್ಗಳಲ್ಲಿ ಮಿಚೆಲ್ ಸ್ಯಾಂಟ್ನರ್ (26) ಮತ್ತು ಟಾಮ್ ಲ್ಯಾಥಮ್ (2) ಅಜೇಯ ಆಟದಿಂದ ಕಿವೀಸ್ 400ರ ಗಡಿ ದಾಟಿತು.
