ಬೆಂಗಳೂರು: ಮಹಿಳಾ ಐಪಿಎಲ್ ಖ್ಯಾತಿಯ ಮಹಿಳಾ ಪ್ರೀಮಿಯರ್ ಲೀಗ್ (ಡಬ್ಲ್ಯುಪಿಎಲ್) 3ನೇ ಆವೃತ್ತಿಯ ಮಿನಿ ಹರಾಜು(WPL Auction 2025) ಪ್ರಕ್ರಿಯೆ ನಾಳೆ(ಡಿ.15)ಬೆಂಗಳೂರಿನಲ್ಲಿ ನಡೆಯಲಿದೆ. 5 ಫ್ರಾಂಚೈಸಿಗಳು ಈ ಬಾರಿ 15 ಕೋಟಿ ರೂ. ಬಜೆಟ್ ಮಿತಿಯೊಂದಿಗೆ ಹರಾಜಿನಲ್ಲಿ ಪಾಲ್ಗೊಳ್ಳಲಿವೆ. ಹರಾಜು ಪ್ರಕ್ರಿಯೆ ಕುರಿತ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಒಟ್ಟು ಆಟಗಾರ್ತಿಯರು
ಮಿನಿ ಹರಾಜಿನಲ್ಲಿ ಒಟ್ಟು 120 ಆಟಗಾರ್ತಿಯರು ಅದೃಷ್ಟ ಪರೀಕ್ಷೆಗೆ ಇಳಿಯಲಿದ್ದಾರೆ. 91 ಭಾರತೀಯರು ಮತ್ತು ಉಳಿದವರು ಸಾಗರೋತ್ತರ ದೇಶದವರು. ಭಾರತೀಯ ಆಟಗಾರ್ತಿಯರ ಪೈಕಿ 9, ಸಾಗರೋತ್ತರ ವಿಭಾಗದಲ್ಲಿ 8 ಅನ್‌ಕ್ಯಾಪ್ಡ್ ಆಟಗಾರ್ತಿಯರಿದ್ದಾರೆ.
ತಂಡಗಳ ಬಳಿ ಉಳಿದಿರುವ ಹಣ
ಗುಜರಾತ್ ಜೈಂಟ್ಸ್: 4.4 ಕೋಟಿ
ಯುಪಿ ವಾರಿಯರ್ಸ್‌: 3.9 ಕೋಟಿ
ರಾಯಲ್ ಚಾಲೆಂಜರ್ಸ್ ಬೆಂಗಳೂರು: 3.25 ಕೋಟಿ
ಮುಂಬೈ ಇಂಡಿಯನ್ಸ್: 2.65 ಕೋಟಿ
ಡೆಲ್ಲಿ ಕ್ಯಾಪಿಟಲ್ಸ್: 2.5 ಕೋಟಿ
ಇದನ್ನೂ ಓದಿ IND vs AUS: ರೋಹಿತ್‌ ಶರ್ಮಾರ ಬೌಲಿಂಗ್‌ ಆಯ್ಕೆಯ ಬಗ್ಗೆ ಅಚ್ಚರಿ ವ್ಯಕ್ತಪಡಿಸಿದ ಮ್ಯಾಥ್ಯೂ ಹೇಡನ್‌!
ಲೈವ್ ಸ್ಟ್ರೀಮಿಂಗ್: ಜಿಯೋ ಸಿನಿಮಾ
ನೇರ ಪ್ರಸಾರ: ಸ್ಪೋರ್ಟ್ಸ್‌ 18-1((SD & HD)
ಆರಂಭ: ಮಧ್ಯಾಹ್ನ 3 ಗಂಟೆ
ಮಾರ್ಕ್ಯೂ ಆಟಗಾರ್ತಿಯರು
ಮಿನಿ ಹರಾಜಿನಲ್ಲಿರುವ ಮಾರ್ಕ್ಯೂ ಆಟಗಾರ್ತಿಯರೆಂದರೆ, ತೇಜಲ್ ಹಸಾಬ್ನಿಸ್, ಸ್ನೇಹ್ ರಾಣಾ, ಡೇಂಡ್ರಾ ಡಾಟಿನ್ (ವೆಸ್ಟ್ ಇಂಡೀಸ್), ಹೀದರ್ ನೈಟ್ (ಇಂಗ್ಲೆಂಡ್), ಓರ್ಲಾ ಪ್ರೆಂಡರ್‌ಗಾಸ್ಟ್ (ಐರ್ಲೆಂಡ್), ಲಾರೆನ್ ಬೆಲ್ (ಇಂಗ್ಲೆಂಡ್), ಕಿಮ್ ಗಾರ್ತ್ (ಆಸ್ಟ್ರೇಲಿಯಾ), ಮತ್ತು ಡೇನಿಯಲ್ ಗಿಬ್ಸನ್ (ಇಂಗ್ಲೆಂಡ್). ಈ ಆಟಗಾರ್ತಿಯರು ಹರಾಜಿನಲ್ಲಿ ದುಬಾರಿ ಮೊತ್ತವನ್ನು ಜೇಬಿಗಿಳಿಸುವ ಸಾಧ್ಯತೆ ಇದೆ.
ರಿಟೇನ್‌ ಬಳಿಕ ತಂಡದಲ್ಲಿರುವ ಆಟಗಾರ್ತಿಯರು
ರಾಯಲ್ ಚಾಲೆಂಜರ್ಸ್ ಬೆಂಗಳೂರು: ಸ್ಮೃತಿ ಮಂಧಾನ, ಸಬ್ಬಿನೇನಿ ಮೇಘನಾ, ಎಲಿಸ್ ಪೆರಿ, ರಿಚಾ ಘೋಷ್, ಜಾರ್ಜಿಯಾ ವಾರೆಹಮ್, ಶ್ರೇಯಾಂಕಾ ಪಾಟೀಲ್, ಆಶಾ ಸೋಭಾನಾ, ರೇಣುಕಾ ಸಿಂಗ್, ಸೋಫಿ ಡಿವೈನ್, ಏಕ್ತಾ ಬಿಶ್ತ್, ಕೇಟ್ ಕ್ರಾಸ್, ಕನಿಕಾ ಅಹುಜಾ ಮತ್ತು ಡ್ಯಾನಿ ವ್ಯಾಟ್.
ಮುಂಬೈ ಇಂಡಿಯನ್ಸ್: ಹರ್ಮನ್‌ಪ್ರೀತ್ ಕೌರ್, ಹೀಲಿ ಮ್ಯಾಥ್ಯೂಸ್, ಅಮೆಲಿಯಾ ಕೆರ್, ಕ್ಲೋಯ್ ಟ್ರಯಾನ್, ಜಿಂತಿಮಣಿ ಕಲಿತಾ, ನ್ಯಾಟ್ ಸೀವರ್-ಬ್ರಂಟ್, ಪೂಜಾ ವಸ್ತ್ರಾಕರ್, ಸೈಕಾ ಇಶಾಕ್, ಯಾಸ್ತಿಕಾ ಭಾಟಿಯಾ, ಶಬ್ನಿಮ್ ಇಸ್ಮಾಯಿಲ್, ಸಂಜೀವನ್ ಸಜಾನಾ, ಅಮನ್‌ದೀಪ್ ಕೌರ್, ಕೀರ್ತನಾ ಬಾಲಕೃಷ್ಣನ್, ಅಮನ್ಜೋತ್ ಕೌರ್.
ಡೆಲ್ಲಿ ಕ್ಯಾಪಿಟಲ್ಸ್: ಜೆಮಿಮಾ ರಾಡ್ರಿಗಸ್, ಮೆಗ್ ಲ್ಯಾನಿಂಗ್, ಶಫಾಲಿ ವರ್ಮಾ, ಆಲಿಸ್ ಕ್ಯಾಪ್ಸಿ, ಅನ್ನಾಬೆಲ್ ಸದರ್ಲ್ಯಾಂಡ್, ಅರುಂದತಿ ರೆಡ್ಡಿ, ಜೆಸ್ ಜೊನಾಸೆನ್, ಮರಿಜಾನ್ನೆ ಕಪ್, ಸ್ನೇಹಾ ದೀಪ್ತಿ, ಮಿನ್ನು ಮಣಿ, ರಾಧಾ ಯಾದವ್, ಶಿಖಾ ಪಾಂಡೆ, ತನಿಯಾ ಭಾಟಿಯಾ, ಟಿಟಾಸ್ ಸಧು.
ಯುಪಿ ವಾರಿಯರ್ಸ್‌: ಅಲಿಸ್ಸಾ ಹೀಲಿ, ಕಿರಣ್ ನವಗಿರೆ, ಶ್ವೇತಾ ಸೆಹ್ರಾವತ್, ದೀಪ್ತಿ ಶರ್ಮಾ, ಚಾಮರಿ ಅಥಾಪತ್ತು, ಗ್ರೇಸ್ ಹ್ಯಾರಿಸ್, ಸೋಫಿ ಎಕ್ಲೆಸ್ಟೋನ್, ತಹ್ಲಿಯಾ ಮೆಗ್ರಾತ್, ರಾಜೇಶ್ವರಿ ಗಾಯಕ್ವಾಡ್, ಸೈಮಾ ಠಾಕೋರ್, ಅಂಜಲಿ ಸರ್ವಾಣಿ, ಗೌಹರ್ ಸುಲ್ತಾನಾ, ಪೂನಂ ಖೇಮ್ನಾರ್, ಉಮಾ ಚೆಟ್ರಿ, ವೃಂದಾ ದಿನೇಶ್.
ಗುಜರಾತ್ ಜೈಂಟ್ಸ್: ಬೆತ್ ಮೂನಿ, ಆಶ್ಲೀಗ್ ಗಾರ್ಡ್ನರ್, ಲಾರಾ ವೊಲ್ವಾರ್ಡ್, ದಯಾಲನ್ ಹೇಮಲತಾ, ತನುಜಾ ಕನ್ವರ್, ಶಬ್ನಮ್ ಶಕಿಲ್, ಫೋಬೆ ಲಿಚ್‌ಫೀಲ್ಡ್, ಪ್ರಿಯಾ ಮಿಶ್ರಾ, ತ್ರಿಶಾ ಪೂಜಿತಾ, ಮನ್ನತ್ ಕಶ್ಯಪ್, ಮೇಘನಾ ಸಿಂಗ್.
