Wednesday, 25th November 2020

ಕೋವಿಡ್ ತಡೆಯಲು ಸ್ಪ್ರೇ?

ಜಗತ್ತನ್ನು ಕಾಡುತ್ತಿರುವ ಕೋವಿಡ್-19 ವಿರುದ್ಧ ರಕ್ಷಣೆ ಪಡೆಯಲು ಲಸಿಕೆ ಹೊರಬರಲು ಇನ್ನಷ್ಟು ಕಾಲ ಬೇಕಾಗಬಹುದು. ಈ ನಡುವೆ ಬೇರೆ ಬೇರೆ ಉಪಾಯಗಳ ಮೂಲಕ ಸೋಂಕು ದೂರವಿಡಲು ಪ್ರಯತ್ನ ನಡೆದಿದೆ.

ಈಚೆಗೆ ಕೊಲಂಬಿಯಾ ವಿಶ್ವವಿದ್ಯಾಲಯದವರು ಸ್ಪ್ರೇ ಒಂದನ್ನು ಕಂಡು ಹಿಡಿದಿದ್ದು, ಅದರಿಂದ ಸೋಂಕನ್ನು ತಡೆಯಲು ಸಾಧ್ಯ ಎಂಬ ನಂಬಿಕೆ ಬರುತ್ತಿದೆ. ಈ ಸ್ಪ್ರೇಯನ್ನು ಮೂಗಿನ ಒಳಭಾಗಕ್ಕೆ ಮಾಡುವ ವಿಧಾನವನ್ನು ಪ್ರಯೋಗಗಳಲ್ಲಿ ಅನು ಸರಿಸಿದ್ದು, ಅದು ಸಾಕಷ್ಟು ಯಶಸ್ಸು ಕಂಡಿದೆ. ಇದು ಕೆಲಸ ಮಾಡುವ ರೀತಿ ಸರಳ. ದೇಹದ ಜೀವಕೋಶಗಳನ್ನು ಆಕ್ರಮಣ ಮಾಡುವ ಕರೋನಾ ವೈರಸ್‌ಗೆ ದೇಹದ ಪ್ರೊಟೀನ್ ಅಗತ್ಯ. ಅಂತಹ ಪ್ರೊಟೀನ್ ಜತೆ ಸೇರುವ ಈ ಸ್ಪ್ರೇ, ಅದರ ಸ್ವರೂಪವನ್ನು ಬದಲಿಸುತ್ತದೆ. ಅದರಿಂದಾಗಿ, ಕರೋನಾನ ವೈರಸ್ ನೆಲೆಯನ್ನು ಕಂಡುಕೊಳ್ಳಲು ಅವಕಾಶ ದೊರೆಯುವುದಿಲ್ಲ.

ಇಂತಹ ಪರಿಣಾಮ ಕಾರಿ ಸ್ಪ್ರೇ ಉಪಯೋಗ ಜನಸಾಮಾನ್ಯರಿಗೆ ದೊರೆಯಲು ಇನ್ನೂ ಕಾಲಾವಕಾಶ ಬೇಕಾಗಬಹುದು. ಈಗ ಇನ್ನೂ 3ಡಿ ಮಾದರಿಗಳ ಮೇಲೆ ಮತ್ತು ಪ್ರಯೋಗಾಲಯದಲ್ಲಿ ಇದನ್ನು ಪರಿಶೀಲಿಸಲಾಗಿದ್ದು, ಮನುಷ್ಯರ ಮೇಲೆ ಇನ್ನಷ್ಟೇ ಪ್ರಯೋಗಿಸಬೇಕಾಗಿದೆ. ಇದು ಯಶಸ್ವಿ ಎನಿಸಿದರೆ, ಜಗತ್ತಿನ ಜನಸಾಮಾನ್ಯರಿಗೆ ಒಂದು ತ್ವರಿತ ಮತ್ತು ಪರಿಣಾಮಕಾರಿ ಚಿಕಿತ್ಸೆಯ ರೂಪದಲ್ಲಿ ಲಭ್ಯವಾಗಬಹುದು. ಲಸಿಕೆ ಅಭಿವೃದ್ಧಿಗೊಂಡ ನಂತರವೂ, ಅದನ್ನು ಜನರಿಗೆ ತಲುಪಿಸಲು ಸಾಕಷ್ಟು ತೊಡಕು ಗಳಿವೆ.

ಕೆಲವು ಜನರು ಅಂತಹ ಲಸಿಕೆಯನ್ನು ಪಡೆಯಲು ಸಾಧ್ಯವಾಗದೇ ಹೋಗಬಹುದು. ಆಗ, ಈ ಸ್ಪ್ರೇಯನ್ನು ಬಳಸಿ, ತಮ್ಮನ್ನು ತಾವು ಕರೋನಾ ವೈರಸ್ ವಿರುದ್ಧ ರಕ್ಷಿಸಿಕೊಳ್ಳುವ ಅವಕಾಶ ದೊರೆಯಲಿದೆ. ಸ್ಪ್ರೇ ನೀಡುವ ಇನ್ನೊಂದು ಲಾಭವೆಂದರೆ, ಕರೋನಾ ವೈರಸ್ ಹರಡುವ ವೇಗವನ್ನು ಸಹ ಇದರಿಂದ ತಡೆಯಬಹುದು ಮತ್ತು ಬಳಸಲು ಸುಲಭ.

Leave a Reply

Your email address will not be published. Required fields are marked *