ಸಿರವಾರ: ಮಳೆ ಬೆಳೆ, ವರ್ಷದ ಕಾಲ ವರ್ತಮಾನ ಹೇಳುವ ಮೂಲಕ ಐತಿಹಾಸಿಕ ಪ್ರಾಮುಖ್ಯತೆ ಪಡೆದಿರುವ ರಾಯಚೂರು ಜಿಲ್ಲೆ ಸಿರವಾರ ತಾಲೂಕಿನ ಹಳ್ಳಿ ಹೊಸೂರು ಗ್ರಾಮದ ಘನ ಗುರು ಬೀರ ಲಿಂಗೇಶ್ವರ ಜಾತ್ರೆ ಶನಿವಾರ ಅದ್ದೂರಿಯಾಗಿ ಜರುಗಿತು.
ಬೆಳಗ್ಗೆ 7.30 ರ ಸುಮಾರಿಗೆ ಬೀರಪ್ಪ ಪೂಜಾರಿ ಹೇಳಿಕೆ ನುಡಿದರು. ” ಮುಂಗಾರಿಗೆ ಒಕ್ಕಲು ಮಗ ದಿಕ್ಕು ನೋಡ್ಯಾ ನ ಹಿಂಗಾರಿಗೆ ನಂಬಿದವನಿಗೆ ಕೈ ಮುಚ್ಚಿ ಕೊಟ್ಟಾನು ತಂಗಿ ಬಾಗಿಲಿಗೆ ಬಂದು ನಿಂತಾಳ” ಎಂದು ನುಡಿದರು. ಸಂಜೆ ಪಲ್ಲಕ್ಕಿ ಉತ್ಸವ ಜರುಗಿತು.
ಹಲವು ಭಾಗದಿಂದ ಸಹಸ್ರಾರು ಭಕ್ತರು ಆಗಮಿಸಿ ದರ್ಶನ ಪಡೆದರು. ಭಕ್ತರಿಗೆ ಊಟದ ವ್ಯವಸ್ಥೆ ಮಾಡಲಾಗಿತ್ತು.
