ದೇವನಹಳ್ಳಿ : ಲಾಂಗ್ ಡ್ರೈವ್ ಹೊರಟು ಸಿಕ್ಕಿ ಸಿಕ್ಕ ಅಂಗಡಿ ದೋಚುತ್ತಿದ್ದ ಗ್ಯಾಂಗ್ ಪೊಲೀಸರ ಕೈಗೆ ಸಿಕ್ಕಿಬಿದ್ದಿದೆ. ಶೋಕಿಗಾಗಿ ಕಳ್ಳತನ ಮಾಡ್ತಿದ್ದ ಲೇಡಿ ಗ್ಯಾಂಗ್ ಅನ್ನು ಅರೆಸ್ಟ್ ಮಾಡಲಾಗಿದೆ.
ದೇವನಹಳ್ಳಿ ಪೊಲೀಸರು ಖತರ್ನಾಕ್ ಕಳ್ಳಿಯರನ್ನು ರಾಷ್ಟ್ರೀಯ ಹೆದ್ದಾರಿ 7ರ ಅಮಾನಿಕೆರೆ ಬಳಿ ಬಂಧಿಸಿದ್ದಾರೆ.
ತೆಲಂಗಾಣದ ಪ್ರಕಾಶಂ ಜಿಲ್ಲೆಯ ಸುಮಲತಾ, ಅಂಕಮ್ಮ, ರಮ್ಯಾ, ಇಸ್ಮಾಯಿಲ್ ಬಂಧಿತರು. ಬಂಧಿತರಲ್ಲಿ ಸುಮಲತಾ ಮತ್ತು ರಮ್ಯಾ ಇಬ್ಬರೂ ಆಪ್ತ ಸ್ನೇಹಿತೆಯ ರಾಗಿದ್ದು, ಶೋಕಿಗಾಗಿ ಹೊಸ ಕಾರು ಖರೀದಿಸಿ ಕಳವು ಮಾಡುತ್ತಿದ್ದರು.
ಹೈದರಾಬಾದ್ನಿಂದ ಬೆಂಗಳೂರಿಗೆ ಲಾಂಗ್ ಡ್ರೈವ್ ಬಂದಿದ್ದ ಟೀಂ, ಬೆಳಗಿನ ಜಾವ ಹೆದ್ದಾರಿ ಪಕ್ಕದ ಅಂಗಡಿಯಲ್ಲಿ ಕಳ್ಳತನ ಮಾಡಿದ್ದಾರೆ. ವ್ಯಾಗನಾರ್ ಕಾರು, ಕಳ್ಳತನಕ್ಕೆ ಬಳಸುತ್ತಿದ್ದ ರಾಡ್ಗಳನ್ನು ವಶಕ್ಕೆ ಪಡೆಯಲಾಗಿದ್ದು, ದೇವನಹಳ್ಳಿ ಪಟ್ಟಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
