Viral Video: ಛೇ..ಇದೆಂಥಾ ಕ್ರೌರ್ಯ! ವಾಚ್ ಕದ್ದರೆಂದು ಹುಡುಗರನ್ನು ತಲೆಕೆಳಗಾಗಿ ನೇತು ಹಾಕಿ ಮೆಣಸಿನ ಹೊಗೆ ಹಾಕಿದ ದುರುಳರು

ಭೋಪಾಲ್‌: ಮಧ್ಯಪ್ರದೇಶ(Madhya Pradesh)ದ ಪಂಧುರ್ನ ಜಿಲ್ಲೆಯಲ್ಲಿ ಅಮಾನವೀಯ ಘಟನೆಯೊಂದು ವರದಿಯಾಗಿದೆ. ವಾಚ್ ಕದ್ದ(theft) ಆರೋಪದಡಿಯಲ್ಲಿ 14 ವರ್ಷದ ಇಬ್ಬರು ಬಾಲಕರನ್ನು(teens) ತಲೆಕೆಳಗಾಗಿಸಿ ನೇತು ಹಾಕಿ ಅವರ ಮೇಲೆ ಮೆಣಸಿನ ಹೊಗೆ ಹಾಕಿದ ಘಟನೆ ಅ.31ರಂದು ನಡೆದಿದ್ದು ಈ ಘಟನೆಯ ವಿಡಿಯೋ(Viral video) ಬಹಿರಂಗವಾದ ಬಳಿಕ ನ.03ರಂದು ಬೆಳಕಿಗೆ ಬಂದಿದೆ.

ಮೋಹ್ ಗಾಂವ್ ಪೊಲೀಸ್(police) ಠಾಣೆಯ ಉಸ್ತುವಾರಿ ರೂಪಲಾಲ್ ಉಯ್ಕೆ ಹೇಳುವ ಪ್ರಕಾರ, ಮೊಸರಿಗೆಂದು ಪಡೆದುಕೊಂಡಿದ್ದ ಹಣವನ್ನು ಹಿಂದಿರುಗಿಸಲು ಇಬ್ಬರು ಹುಡುಗರು ಸ್ಥಳೀಯ ಮನೆಯೊಂದಕ್ಕೆ ಹೋಗಿದ್ದರು. ಆ ಸಂದರ್ಭದಲ್ಲಿ ಅವರು ಅಲ್ಲಿಂದ ವಾಚೊಂದನ್ನು ತೆಗದುಕೊಂಡು ಬಂದಿದ್ದಾರೆ.

ಬಳಿಕ, ತಮ್ಮ ತಪ್ಪಿನ ಅರಿವಾಗಿ, ಅವರು ತಾವು ತಂದಿದ್ದ ವಾಚನ್ನು ಅದೇ ಜಾಗದಲ್ಲಿ ತಂದಿರಿಸಿದ್ದಾರೆ. ಇದನ್ನು ಗ್ರಾಮಸ್ಥರಾಗಿರುವ ನಿಖಿಲ್ ಕಲಂಬೆ ಮತ್ತು ಸುರೇಂದ್ರ ಭವಾಂಕರ್ ಎಂಬವರು ನೋಡಿದ್ದಾರೆ. ಅವರು ಬಳಿಕ ಆ ಇಬ್ಬರು ಹುಡುಗರನ್ನು ಬಲಾತ್ಕಾರದಿಂದ ಟ್ರ್ಯಾಕ್ಟರ್ ಗ್ಯಾರೆಜೊಂದಕ್ಕೆ ಎಳೆದೊಯ್ದು, ಕಳ್ಳತನ ಮಾಡಿರುವುದನ್ನು ವಿಚಾರಿಸಿ, ಆ ಹುಡುಗರನ್ನು ಥಳಿಸಿ ಬಳಿಕ ಅವರಿಗೆ ಮೆಣಸಿನ ಹೊಗೆಯನ್ನುಹಾಕಿದ್ದಾರೆ ಎಂಬ ಆರೋಪ ಕೇಳಿಬಂದಿದೆ.

भाजपा शासित राज्य मध्यप्रदेश के जिला छिंदवाड़ा में

घड़ी चोरी के आरोप में 14 साल के नाबालिग बच्चे को उल्टा लटकाकर डंडे से पीटा और मिर्च की धुनी दी।

पीड़ित छोड़ देने के लिए गिड़गिड़ाता रहा..

क्या इंसानों में इतनी क्रूरता भरी है? #दैनिकभास्कर pic.twitter.com/WjBIbGMtmN

— Nirbhay (@NirbhayJaykar1) November 4, 2024

ಈ ಘಟನೆ ನಡೆದ ಬಳಿವೂ ಹುಡುಗರು ಈ ಬಗ್ಗೆ ಮನೆಯಲ್ಲಿ ಬಾಯಿ ಬಿಟ್ಟಿರಲಿಲ್ಲ. ಆದರೆ ಯಾವಾಗ ಥಳಿತ ಆರೋಪಿಗಳಲ್ಲಿ ಒಬ್ಬನಾಗಿರುವ ಸುರೇಂದ್ರ ಭವಾಂಕರ್ ರೆಕಾರ್ಡ್ ಮಾಡಿದ್ದನೆನ್ನಲಾಗಿರುವ ಈ ಘಟನೆಯ ವಿಡಿಯೋ ಬಹಿರಂಗಗೊಂಡಿತೋ, ಇದು ಆ ಹುಡುಗರ ಹೆತ್ತವರಿಗೂ ತಲುಪಿದೆ. ಶಾಕ್ ಗೊಳಗಾದ ಹುಡುಗರ ಹೆತ್ತವರು ತಮ್ಮ ಮಕ್ಕಳನ್ನು ಕರೆದು ಘಟನೆಯ ಬಗ್ಗೆ ಕೇಳಿದಾಗ ಮಕ್ಕಳು ತಮ್ಮ ಮೇಲಾದ ದೌರ್ಜನ್ಯದ ಬಗ್ಗೆ ಬಾಯಿಬಿಟ್ಟಿದ್ದಾರೆ. ಬಳಿಕ ತಂದೆ ಮಗನನ್ನು ಪೊಲೀಸ್ ಠಾಣೆಗೆ ಕರೆದೊಯ್ದು ದೂರನ್ನು ಕೊಟ್ಟಿದ್ದಾರೆ ಎಂದು ತಿಳಿದುಬಂದಿದೆ.

ಈ ಘಟನೆಗೆ ಸಂಬಂಧಿಸಿದಂತೆ ಪೊಲೀಸರು ನಿಖಿಲ್ ಕಲಂಬೆ, ಸುರೇಂದ್ರ ಭವಾಂಕರ್ ಮತ್ತು ಇನ್ನೊಬ್ಬ ಶಂಕಿತನನ್ನು ವಶಕ್ಕೆ ಪಡೆದುಕೊಂಡಿದ್ದು ಹೆಚ್ಚಿನ ತನಿಖೆಯನ್ನು ನಡೆಸುತ್ತಿದ್ದಾರೆ. ಪೊಲೀಸರು ಭಾರತೀಯ ನ್ಯಾಯ ಸಂಹಿತೆಯ 137, 2, 140, 3, 115, 35, 127, 2 ಮತ್ತು 75ರಡಿಯಲ್ಲಿ ಪ್ರಕರಣವನ್ನು ದಾಖಲಿಸಿಕೊಂಡಿದ್ದಾರೆ.

ಒಟ್ಟಿನಲ್ಲಿ ಮುಚ್ಚಿಹೋಗುತ್ತಿದ್ದ ಈ ಅಮಾನವೀಯ ಥಳಿತ ಪ್ರಕರಣ ಇದೀಗ ವಿಡಿಯೋ ಹೊರಬಂದ ಪರಿಣಾಮ ಘಟನೆ ಬೆಳಕಿಗೆ ಬಂದು ಆರೋಪಿಗಳು ಪೊಲೀಸ್ ವಶಕ್ಕೆ ಸಿಕ್ಕುವಂತಾಗಿದೆ ಮತ್ತು ಹುಡುಗರ ಮೇಲೆ ಈ ರೀತಿಯಾಗಿ ಅಮಾನವೀಯ ವರ್ತನೆ ತೋರಿದ ಕಿಡಿಗೇಡಿಗಳ ಬಗ್ಗೆ ಸಾರ್ವಜನಿಕರಲ್ಲಿ ಮತ್ತು ನೆಟ್ಟಿಗರಲ್ಲಿ ಆಕ್ರೋಶ ಕಂಡುಬಂದಿದೆ.

ಈ ಸುದ್ದಿಯನ್ನೂ ಓದಿ: Rupali Ganguly: ನನ್ನ ತಂದೆಗೆ ಅಪಾಯಕಾರಿ ಔಷಧ ಕೊಡುತ್ತಿದ್ದಾರೆ…ಖ್ಯಾತ ನಟಿ ವಿರುದ್ಧ ಮಲಮಗಳಿಂದ ಗಂಭೀರ ಆರೋಪ; ಪೋಸ್ಟ್ ವೈರಲ್