ನವದೆಹಲಿ: ಇಂದಿನಿಂದ ಹಲವಾರು ನಿರ್ಣಾಯಕ ಆರ್ಥಿಕ ಬದಲಾವಣೆಗಳು ಜಾರಿಗೆ ಬರಲಿವೆ. ಈ ಹೊಸ ನಿಯಮಗಳು ನಿಮ್ಮ ನಿಮ್ಮ ದೈನಂದಿನ ವಹಿವಾಟುಗಳು, ಪ್ರಯಾಣ ಮತ್ತು ಕಾರ್ಡ್ ಪ್ರಯೋಜನಗಳ ಮೇಲೆ ನೇರ ಪರಿಣಾಮ ಬೀರಬಹುದು. UPI ವಹಿವಾಟುಗಳಿಗೆ ಪರಿಷ್ಕೃತ ನಿಯಮಗಳು, ಖಾಸಗಿ ವಾಹನಗಳಿಗೆ ಹೊಸ FASTag, ವಾರ್ಷಿಕ ಪಾಸ್ ಮತ್ತು ಆಯ್ದ SBI ಕ್ರೆಡಿಟ್ ಕಾರ್ಡ್‌ಗಳಲ್ಲಿ ಉಚಿತ ವಿಮಾ ರಕ್ಷಣೆಯನ್ನು ಹಿಂತೆಗೆದುಕೊಳ್ಳುವುದು ಈ ತಿಂಗಳು ಜಾರಿಗೆ ಬರಲಿರುವ ಕೆಲವು ಬದಲಾವಣೆಗಳು.
FASTag ವಾರ್ಷಿಕ ಪಾಸ್
ಆಗಸ್ಟ್ 15, 2025 ರಿಂದ, ಖಾಸಗಿ ವಾಹನ ಮಾಲೀಕರು ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯ ಪರಿಚಯಿಸಿದ ಹೊಸ FASTag ವಾರ್ಷಿಕ ಪಾಸ್ ಅನ್ನು ಆಯ್ಕೆ ಮಾಡಲು ಅವಕಾಶ ಕಲ್ಪಿಸಲಾಗಿದೆ. ಈ ಪಾಸ್ 200 ಟೋಲ್ ವಹಿವಾಟುಗಳನ್ನು ಅನುಮತಿಸುತ್ತದೆ ಅಥವಾ ಒಂದು ವರ್ಷದವರೆಗೆ ಮಾನ್ಯವಾಗಿರುತ್ತದೆ. ಈ ಹೊಸ ನಿಯಮವು ಟೋಲ್ ಪಾವತಿಗಳನ್ನು ಸರಳೀಕರಿಸುವ ಮತ್ತು ಆಗಾಗ್ಗೆ ಹೆದ್ದಾರಿ ಬಳಕೆದಾರರಿಗೆ ಹೆಚ್ಚು ವೆಚ್ಚ-ಪರಿಣಾಮಕಾರಿ ಆಯ್ಕೆಗಳನ್ನು ನೀಡುವ ಗುರಿಯನ್ನು ಹೊಂದಿದೆ. ಹಾಗಂದ ವಾರ್ಷಿಕ ಪಾಸ್ ಕಡ್ಡಾಯವಲ್ಲ. ಪ್ರಸ್ತುತ ಇರುವ FASTag ವ್ಯವಸ್ಥೆ ಹೀಗೆಯೇ ಮುಂದುವರಿಸುತ್ತದೆ.
SBI ಕ್ರೆಡಿಟ್ ಕಾರ್ಡ್ ಬದಲಾವಣೆಗಳು
ಆಗಸ್ಟ್ 11, 2025 ರಿಂದ, SBI ಕಾರ್ಡ್ ತನ್ನ ಹಲವಾರು ಸಹ-ಬ್ರಾಂಡೆಡ್ ಕ್ರೆಡಿಟ್ ಕಾರ್ಡ್‌ಗಳಲ್ಲಿ ಉಚಿತ ವಾಯು ಅಪಘಾತ ವಿಮಾ ಪ್ರಯೋಜನವನ್ನು ನಿಲ್ಲಿಸುತ್ತದೆ. ಈ ಕ್ರಮವು ಆಯ್ದ ಪ್ಲಾಟಿನಂ ಕಾರ್ಡ್‌ಗಳ ಜೊತೆಗೆ ELITE ಮತ್ತು PRIME ನಂತಹ ಪ್ರೀಮಿಯಂ ಕಾರ್ಡ್ ಹೊಂದಿರುವವರ ಮೇಲೆ ಪರಿಣಾಮ ಬೀರುತ್ತದೆ. 1 ಕೋಟಿ ಮತ್ತು 50 ಲಕ್ಷ ರೂ.ಗಳ ಮೌಲ್ಯದ ವಿಮಾ ಸೌಲಭ್ಯವನ್ನು ವಿಥ್‌ಡ್ರಾ ಹೊಂದಿದೆ.
ಈ ಸುದ್ದಿಯನ್ನೂ ಓದಿ: New UPI Rules: ಗಮನಿಸಿ; ಇಂದಿನಿಂದ ಹೊಸ ನಿಯಮ: UPI ವಹಿವಾಟಿನಲ್ಲಿ 7 ಬದಲಾವಣೆ
UPI ಬದಲಾವಣೆಗಳು
ಯುಪಿಐಗೆ ಸಂಬಂಧಿಸಿ ಶುಕ್ರವಾರ ಏಳು ಹೊಸ ನಿಯಮಗಳು ಜಾರಿಗೆ ಬರಲಿವೆ. ಈ ಬದಲಾವಣೆ ಯುಪಿಐ ಬಳಕೆದಾರರು ವಿವಿಧ ಸೇವೆಯನ್ನು ಹೇಗೆ ಬಳಸುತ್ತಾರೆ ಎಂಬುದನ್ನು ಅವಲಂಬಿಸಿದೆ. ಈ ಹೊಸ ನಿಯಮಗಳು ಬ್ಯಾಲೆನ್ಸ್ ಚೆಕ್, ಬ್ಯಾಂಕ್ ಖಾತೆ ಲಿಂಕ್‌ ಪರಿಶೀಲನೆ, ವಹಿವಾಟು ಸ್ಥಿತಿ ಸೇರಿದಂತೆ ಹಲವು ಪ್ರಮುಖ ವಿಷಯಗಳಿಗೆ ಸಂಬಂಧಿಸಿದೆ. ಪೇಟಿಎಂ, ಫೋನ್ ಪೇ, ಗೂಗಲ್ ಪೇ, ಭೀಮ್ ಬಳಕೆದಾರರ ಮೇಲೆ ಇದು ಪರಿಣಾಮ ಬೀರುವ ಸಾಧ್ಯತೆ ಇದೆ.
ಪಂಜಾಬ್ ನ್ಯಾಷನಲ್ ಬ್ಯಾಂಕಿನ KYC ಅಪ್ಡೇಟ್‌
ದೇಶದ ಎರಡನೇ ಅತಿದೊಡ್ಡ ಸರ್ಕಾರಿ ಸ್ವಾಮ್ಯದ ಸಾಲದಾತ ಪಂಜಾಬ್ ನ್ಯಾಷನಲ್ ಬ್ಯಾಂಕ್ (PNB), ತನ್ನ ಗ್ರಾಹಕರು ತಮ್ಮ ಬ್ಯಾಂಕ್ ಖಾತೆಗಳ ಸುಗಮ ಕಾರ್ಯನಿರ್ವಹಣೆಯನ್ನು ಖಚಿತಪಡಿಸಿಕೊಳ್ಳಲು ಆಗಸ್ಟ್ 8ಕ್ಕೂ ಮುನ್ನ ಮೊದಲು ತಮ್ಮ ಬ್ಯಾಂಕ್ ಖಾತೆಗಳಲ್ಲಿ KYC ಮಾಹಿತಿಯನ್ನು ನವೀಕರಿಸಲು ಕೇಳಿಕೊಂಡಿದೆ. PNBಯ ಪತ್ರಿಕಾ ಪ್ರಕಟಣೆಯ ಪ್ರಕಾರ, ಈ KYC ನವೀಕರಣವು ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಮಾರ್ಗಸೂಚಿಗಳಿಗೆ ಅನುಗುಣವಾಗಿದೆ. ತಮ್ಮ KYC ಅನ್ನು ನವೀಕರಿಸಲು ಆಗಸ್ಟ್ 8 ಕೊನೆಯ ದಿನಾಂಕ.