Navaratri Fashion 2025: ನವರಾತ್ರಿಯಲ್ಲಿ ನೀಲಿ ಬಣ್ಣದ ಜಾದೂ
Navaratri Fashion 2025: ನವರಾತ್ರಿಯಲ್ಲಿ ನೀಲಿ ಬಣ್ಣದ ಸೀರೆ ಹಾಗೂ ಡಿಸೈನರ್‌ವೇರ್ ಧರಿಸುವ ಮಾನಿನಿಯರು ಹೇಗೆಲ್ಲಾ ಬ್ಯೂಟಿಫುಲ್ ಆಗಿ ಕಾಣಿಸಿಕೊಳ್ಳಬಹುದು? ಎಂಬುದರ ಬಗ್ಗೆ ಸ್ಟೈಲಿಸ್ಟ್‌ಗಳು ಒಂದಿಷ್ಟು ಸಿಂಪಲ್ ಐಡಿಯಾ ನೀಡಿದ್ದಾರೆ. ಈ ಕುರಿತ ವರದಿ ಇಲ್ಲಿದೆ.
ನವರಾತ್ರಿಯಲ್ಲಿ ನೀಲಿ ಬಣ್ಣದ ಉಡುಗೆ ಹಾಗೂ ಸೀರೆ ಧರಿಸುವವರು ಒಂದಿಷ್ಟು ವಿಷಯಗಳನ್ನು ಹಾಗೂ ಸ್ಟೈಲಿಂಗ್ ಟಿಪ್ಸ್ ಗಮನದಲ್ಲಿಟ್ಟುಕೊಳ್ಳಬೇಕು ಎನ್ನುತ್ತಾರೆ ಸ್ಟೈಲಿಸ್ಟ್ಸ್. ಹೌದು, ಅವರ ಪ್ರಕಾರ, ನೀಲಿ ಬಣ್ಣದಲ್ಲೂ ಸಾಕಷ್ಟು ಶೇಡ್‌ಗಳಿವೆ. ಅವುಗಳಲ್ಲಿ ರಾಯಲ್ ಬ್ಲ್ಯೂ, ತಿಳಿ ನೀಲಿ, ಆಕಾಶ ನೀಲಿ, ಶೈನಿ ನೀಲಿ, ಬ್ಲೀಚ್ ಬ್ಲ್ಯೂ ಹೀಗೆ ಊಹೆಗೂ ಮೀರಿದ ನೀಲಿ ವರ್ಣಗಳು ನವರಾತ್ರಿಯ ಕಲರ್ ಟ್ರೆಂಡ್‌ನಲ್ಲಿವೆ. ಲೆಕ್ಕವಿಲ್ಲದಷ್ಟು ಡಿಸೈನರ್‌ವೇರ್‌ನಲ್ಲಿ ಇವು ಮೇಳೈಸಿವೆ.
ನೀಲಿ ಬಣ್ಣದ ಸೀರೆಯಲ್ಲಿ ಆಕರ್ಷಕ ಲುಕ್ ನಿಮ್ಮದಾಗಿಸಿಕೊಳ್ಳಿ
ಮಾನೋಕ್ರೋಮ್ ಇಲ್ಲವೇ ಸೆಮಿ ಪ್ರಿಂಟೆಡ್‌ನ ನೀಲಿ ರೇಷ್ಮೆ ಸೀರೆಗಳು ಗ್ರ್ಯಾಂಡ್ ಲುಕ್ ನೀಡುತ್ತವೆ. ಇನ್ನು ಜಾರ್ಜೆಟ್, ಕ್ರೇಪ್‌ನ ಸಾದಾ ಸೀರೆಗಳು, ಬಾರ್ಡರ್ ಹಾಗೂ ಪಲ್ಲು ಡಿಸೈನ್ ಹೊಂದಿರುವಂತವು ಬಣ್ಣದ ಟ್ರೆಂಡ್‌ಗೆ ಸಾಥ್ ನೀಡುತ್ತವೆ.
ರಾಯಲ್ ಇಮೇಜ್‌ಗಾಗಿ ರಾಯಲ್ ಬ್ಲ್ಯೂ
ನೀಲಿಯಲ್ಲಿ ಹಲವಾರು ವರ್ಣಗಳಿದ್ದರೂ ಅತಿ ಹೆಚ್ಚಾಗಿ ಬೇಡಿಕೆ ಇರುವುದು ರಾಯಲ್ ಬ್ಲ್ಯೂ ಬಣ್ಣಕ್ಕೆ, ಈ ವರ್ಣದ ಸೀರೆಯಾದರೂ ಸರಿಯೇ ಕಮೀಝ್, ಲಂಗ-ದಾವಣಿ ಅಥವಾ ಇನ್ಯಾವುದೇ ಇಂಡೋ-ವೆಸ್ಟರ್ನ್ ಉಡುಪಾದರೂ ಓಕೆ. ಧರಿಸಿದಾಗ ರಾಯಲ್ ಇಮೇಜ್ ನೀಡುತ್ತದೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.
ನೀಲಿ ಎಥ್ನಿಕ್‌ವೇರ್ ಮೇಕಪ್ ಹೀಗಿರಲಿ
ನೀಲಿ ವರ್ಣದ ಉಡುಪುಗಳನ್ನು ಧರಿಸಿದಾಗ ಮೇಕಪ್‌ನಲ್ಲಿ ಒಂದಿಷ್ಟು ಪ್ರಯೋಗ ಮಾಡಬಹುದು. ಕಣ್ಣುಗಳಿಗೆ ಬ್ಲ್ಯೂ ಶೇಡ್ ನೀಡಿ ಐ ಮೇಕಪ್ ಮಾಡಬಹುದು. ಇನ್ನು ಬ್ಲ್ಯೂ ಐ ಲೈನರ್ ಜತೆಗೆ ಶಿಮ್ಮರಿಂಗ್ ಶೇಡ್ಸ್ ಕೂಡ ಮಾಡಬಹುದು. ಇದು ಇಡೀ ಮೇಕಪ್‌ನ ಹೈಲೈಟಾಗುತ್ತದೆ. ಹಣೆಗೆ ನೀಲಿ ಬಿಂದಿ, ಕಿವಿಗೆ ಹಾಗೂ ಕತ್ತಿಗೆ ಮ್ಯಾಚಿಂಗ್ ಜ್ಯುವೆಲರಿ ಧರಿಸಿ. ಕೈತುಂಬಾ ನೀಲಿ ಬಳೆ ಸೆಟ್ ಹಾಕಿಕೊಳ್ಳಿ. ಕಂಪ್ಲೀಟ್ ಎಥ್ನಿಕ್ ಲುಕ್ ನಿಮ್ಮದಾಗುತ್ತದೆ ಎನ್ನುತ್ತಾರೆ ಮೇಕಪ್ ತಜ್ಞರು.
ಆಕರ್ಷಕ ಹೇರ್‌ಸ್ಟೈಲ್ ಮಾಡಿ
ಇನ್ನುಈ ವರ್ಣದ ಉಡುಪಿಗೆ ಮಲ್ಲಿಗೆ ಹೂವಿನ ಹೇರ್ ಬನ್ ಸ್ಟೈಲ್ ಚೆನ್ನಾಗಿ ಕಾಣುತ್ತದೆ. ಇಲ್ಲವೇ ಗೋಲ್ಡನ್ ಎಥ್ನಿಕ್ ಕ್ಲಿಪ್‌ಗಳು ಸೂಟ್ ಆಗುತ್ತವೆ.
ನೀಲಿ ವರ್ಣ ಧರಿಸುವವರ ಚಾಯ್ಸ್ ಹೀಗಿರಲಿ
- ರಾಯಲ್ ಬ್ಲ್ಯೂ ಬಣ್ಣ ಹೈಟೆಕ್ ಲುಕ್ ನೀಡುತ್ತದೆ.
- ಇಂಡೋ-ವೆಸ್ಟರ್ನ್ ಲುಕ್‌ಗಾದಲ್ಲಿ ಡೇನಿಮ್ನಲ್ಲೂ ಸೆಮಿ ಎಥ್ನಿಕ್ ಉಡುಪುಗಳು ಇದೀಗ ದೊರೆಯುತ್ತಿವೆ.
- ಸೀರೆಯಲ್ಲಾದರೆ ಉತ್ತಮ ಶೇಡ್‌ನ ನೀಲಿ ಬಣ್ಣವನ್ನೇ ಆಯ್ಕೆ ಮಾಡಿ.
- ಸ್ಟೇಟ್‌ಮೆಂಟ್ ಆಕ್ಸೆಸರೀಸ್ ಮ್ಯಾಚ್ ಮಾಡಿ. ಅಂದವಾಗಿ ಕಾಣಿಸಿಕೊಳ್ಳಿ.