ಭೋಪಾಲ್‌: ವ್ಯಕ್ತಿಯೊಬ್ಬ ತಾನು ಯುಕೆ ಮೂಲದ ಉನ್ನತ ಹೃದಯ ತಜ್ಞರಂತೆ ನಟಿಸಿ ಐವರು ರೋಗಿಗಳನ್ನು ಕೊಂದಿರುವ ಘಟನೆ (Fake Doctor) ಮಧ್ಯಪ್ರದೇಶದಲ್ಲಿ ನಡೆದಿದೆ. ನಕಲಿ ವೈದ್ಯನನ್ನು ನರೇಂದ್ರ ವಿಕ್ರಮಾದಿತ್ಯ ಯಾದವ್ ಎಂಬಾತ ಐವರು ರೋಗಿಗಳಿಗೆ ಶಸ್ತ್ರಚಿಕಿತ್ಸೆ ಮಾಡಿದ್ದ. ಶಸ್ತ್ರಚಿಕಿತ್ಸೆ ಮಾಡಿದ ದಿನವೇ ಐವರೂ ಮೃತಪಟ್ಟಿದ್ದಾರೆ. ನರೇಂದ್ರ ಜಾನ್ ಕ್ಯಾಮ್ ಎಂಬ ಹೆಸರಿನಿಂದ ಕರೆಯಲ್ಪಡುತ್ತಿದ್ದ ಯಾದವ್ ಮೇಲೆ ರೋಗಿಗಳು ದೂರು ನೀಡಿದ ಬಳಿಕ ಪೊಲೀಸರು ಬಂಧಿಸಿದ್ದಾರೆ. ಜನವರಿ 2 ರಿಂದ ಫೆಬ್ರವರಿ 11 ರ ನಡುವೆ ದಾಮೋಹ್ ಜಿಲ್ಲೆಯ ಮಿಷನ್ ಆಸ್ಪತ್ರೆಯಲ್ಲಿ 12 ಶಸ್ತ್ರಚಿಕಿತ್ಸೆಗಳನ್ನು ಈತ ನಡೆಸಿದ್ದ ಎಂದು ತಿಳಿದು ಬಂದಿದೆ.
ಐದು ರೋಗಿಗಳು ಚಿಕಿತ್ಸೆ ಪಡೆದ ದಿನವೇ ಸಾವನ್ನಪ್ಪಿದರು, ಇಬ್ಬರು ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ಮತ್ತು ಮೂವರು ಸ್ವಲ್ಪ ಸಮಯದ ನಂತರ ಸಾವನ್ನಪ್ಪಿದರು ಎಂದು ಅಧಿಕೃತ ದಾಖಲೆಗಳನ್ನು ನೀಡಲಾಗಿತ್ತು. ರಹೀಸಾ ಬೇಗಂ (63) - ಜನವರಿ 15 ರಂದು ಚಿಕಿತ್ಸೆ ನೀಡಲಾಯಿತು, ಇಸ್ರೇಲ್ ಖಾನ್ (75) — ಜನವರಿ 17 ರಂದು ಚಿಕಿತ್ಸೆ ಪಡೆದರು, ಬುದ್ಧ ಅಹಿರ್ವಾರ್ (67) - ಜನವರಿ 25 ರಂದು ಚಿಕಿತ್ಸೆ ನೀಡಲಾಯಿತು, ಮಂಗಲ್ ಸಿಂಗ್ ರಜಪೂತ್ (65) — ಫೆಬ್ರವರಿ 2 ರಂದು ಚಿಕಿತ್ಸೆ ಪಡೆದರು. ಸತ್ಯೇಂದ್ರ ಸಿಂಗ್ ರಾಥೋಡ್ (51) — ಫೆಬ್ರವರಿ 11 ರಂದು ಚಿಕಿತ್ಸೆ ಪಡೆದಿದ್ದರು. ಅವೆರೆಲ್ಲರೂ ಚಿಕಿತ್ಸೆ ಪಡೆದ ಬಳಿಕ ಮೃತ ಪಟ್ಟಿದ್ದರು.
ಈ ಸುದ್ದಿಯನ್ನೂ ಓದಿ: Fake Aadhaar card: ಆಧಾರ್ ಅಸಲಿಯೋ, ನಕಲಿಯೋ ಪತ್ತೆ ಹಚ್ಚುವುದು ಹೇಗೆ?
ಯಾದವ್ ಅವರ ನೇಮಕಾತಿಯ ಬಗ್ಗೆ "ನಿಯಂತ್ರಕ ನಿಬಂಧನೆಗಳ ಪ್ರಕಾರ" ಆಸ್ಪತ್ರೆಯು ಸಂಬಂಧಪಟ್ಟ ಸರ್ಕಾರಿ ಅಧಿಕಾರಿಗಳಿಗೆ ತಿಳಿಸಿಲ್ಲ ಮತ್ತು ಅವರು ಆಸ್ಪತ್ರೆಯಲ್ಲಿದ್ದಾಗ ಯಾವುದೇ ತಪಾಸಣೆ ನಡೆದಿಲ್ಲ ಎಂದು ಉಪಮುಖ್ಯಮಂತ್ರಿ ರಾಜೇಂದ್ರ ಶುಕ್ಲಾ ವಿಧಾನಸಭೆಗೆ ತಿಳಿಸಿದ್ದಾರೆ. "14/06/2022 ರಿಂದ 04/12/2024 ರವರೆಗೆ, ಮುಖ್ಯ ವೈದ್ಯಕೀಯ ಮತ್ತು ಆರೋಗ್ಯ ಅಧಿಕಾರಿ ದಾಮೋಹ್ ಅವರ ಆದೇಶದ ಮೇರೆಗೆ ತಪಾಸಣಾ ತಂಡವು ಮಿಷನ್ ಆಸ್ಪತ್ರೆ, ದಾಮೋಹ್ ಅನ್ನು ನಿಯತಕಾಲಿಕವಾಗಿ ಪರಿಶೀಲಿಸುತ್ತಿತ್ತು. ಈ ಅವಧಿಯಲ್ಲಿ, ಡಾ. ನರೇಂದ್ರ ವಿಕ್ರಮಾದಿತ್ಯ ಯಾದವ್, ಅಲಿಯಾಸ್ ನರೇಂದ್ರ ಜಾನ್ ಕ್ಯಾಮ್, ದಾಮೋಹ್‌ನ ಮಿಷನ್ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿರಲಿಲ್ಲ" ಎಂದು ಶುಕ್ಲಾ ತಿಳಿಸಿದ್ದಾರೆ.