ಮುಂಬೈ: ವಡಾಲಾ ಪ್ರದೇಶದಲ್ಲಿ ಸೋಮವಾರ ಬೆಳಿಗ್ಗೆ ತಾಂತ್ರಿಕ (Mumbai Monorail) ದೋಷದಿಂದಾಗಿ ಸುಮಾರು ಎರಡು ಗಂಟೆಗಳ ಕಾಲ ಮೋನೋರೈಲು ಸೇವೆ ಸ್ಥಗಿತಗೊಂಡಿತ್ತು. ಅದರಲ್ಲಿದ್ದ 17 ಪ್ರಯಾಣಿಕರನ್ನು ರಕ್ಷಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ವಡಾಲಾದ ಆಂಟೋಪ್ ಹಿಲ್ ಬಸ್ ಡಿಪೋ ಮತ್ತು ಜಿಟಿಬಿಎನ್ ಮಾನೋರೈಲ್ ನಿಲ್ದಾಣದ ನಡುವೆ ಈ ಘಟನೆ ನಡೆದಿದೆ. ವಡಾಲಾದಲ್ಲಿ ಮೋನೋರೈಲಿನಲ್ಲಿ ತಾಂತ್ರಿಕ ದೋಷ ಸಂಭವಿಸಿದ ನಂತರ 17 ಪ್ರಯಾಣಿಕರನ್ನು ಸ್ಥಳಾಂತರಿಸಲಾಯಿತು. ಬೆಳಿಗ್ಗೆ 7:45 ಕ್ಕೆ ಪ್ರಯಾಣಿಕರನ್ನು ಸ್ಥಳಾಂತರಿಸಲಾಯಿತು" ಎಂದು ಎಂಎಂಆರ್‌ಡಿಎ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
ಅಗ್ನಿಶಾಮಕ ಇಲಾಖೆಯ ಅಧಿಕಾರಿಗಳ ಪ್ರಕಾರ, ಮುಕುಂದರಾವ್ ಅಂಬೇಡ್ಕರ್ ರಸ್ತೆ ಜಂಕ್ಷನ್‌ನಲ್ಲಿ ಮೋನೋರೈಲಿನಲ್ಲಿ ತಾಂತ್ರಿಕ ದೋಷ ಕಂಡುಬಂದಿದೆ. ಮಾಹಿತಿ ಪಡೆದ ನಂತರ, ಅಗ್ನಿಶಾಮಕ ಇಲಾಖೆಯ ತಂಡವನ್ನು ವಿಶೇಷ ವಾಹನದೊಂದಿಗೆ ಸ್ಥಳಕ್ಕೆ ರವಾನಿಸಲಾಯಿತು. ಇಂದು ಬೆಳಿಗ್ಗೆ 7 ಗಂಟೆ ಸುಮಾರಿಗೆ, ಮುಕುಂದರಾವ್ ಅಂಬೇಡ್ಕರ್ ರಸ್ತೆ ಜಂಕ್ಷನ್‌ನಲ್ಲಿ ಮೋನೋರೈಲ್‌ನಲ್ಲಿ ತಾಂತ್ರಿಕ ದೋಷ ಕಂಡುಬಂದಿದೆ. ಮೋನೋರೈಲ್ ಗಾಡ್ಗೆ ಮಹಾರಾಜ್ ನಿಲ್ದಾಣದಿಂದ ಚೆಂಬೂರ್‌ಗೆ ಹೋಗುತ್ತಿತ್ತು. ಮೋನೋರೈಲ್ ತಾಂತ್ರಿಕ ತಂಡವು ಮುಂಬೈ ಅಗ್ನಿಶಾಮಕ ದಳಕ್ಕೆ ಕರೆ ಮಾಡಿತು. ನಮ್ಮ ವಿಶೇಷ ವಾಹನವನ್ನು ಸ್ಥಳಕ್ಕೆ ಧಾವಿಸಲಾಯಿತು. ತಂಡ ತಲುಪುವ ಹೊತ್ತಿಗೆ, ಮೋನೋರೈಲ್‌ನ ತಾಂತ್ರಿಕ ತಂಡವು ರೈಲಿನಲ್ಲಿದ್ದ 17 ಜನರನ್ನು ಸುರಕ್ಷಿತವಾಗಿ ಸ್ಥಳಾಂತರಿಸಿತು" ಎಂದು ಸಹಾಯಕ ವಿಭಾಗೀಯ ಅಗ್ನಿಶಾಮಕ ಅಧಿಕಾರಿ ವಿ.ಎನ್. ಸಾಂಘ್ಲೆ ಹೇಳಿದರು.
ಆಗಸ್ಟ್ 19 ರಂದು ಇದೇ ರೀತಿಯ ಘಟನೆಯಲ್ಲಿ, ಮುಂಬೈನ ಮೈಸೂರು ಕಾಲೋನಿ ನಿಲ್ದಾಣದ ಬಳಿ ವಿದ್ಯುತ್ ಸರಬರಾಜು ವೈಫಲ್ಯದಿಂದಾಗಿ ಮೋನೋರೈಲ್ ರೈಲು ಕೆಟ್ಟು ನಿಂತಿತ್ತು. ಬೃಹನ್ಮುಂಬೈ ಮುನ್ಸಿಪಲ್ ಕಾರ್ಪೊರೇಷನ್ (BMC) ನ ಮುಂಬೈ ಅಗ್ನಿಶಾಮಕ ದಳವು 500 ಕ್ಕೂ ಹೆಚ್ಚು ಪ್ರಯಾಣಿಕರನ್ನು ರಕ್ಷಿಸಿತ್ತು. ಅಗ್ನಿಶಾಮಕ ದಳದವರು ಪ್ರಯಾಣಿಕರನ್ನು ರಕ್ಷಿಸಲು ಸ್ನಾರ್ಕೆಲ್ ವಾಹನಗಳನ್ನು ಬಳಸಿದರೆ, ಹತ್ತಿರದ ರೈಲು ನಿಲ್ದಾಣಗಳಿಗೆ ಸಾಗಿಸಲು ಬೆಸ್ಟ್ ಬಸ್‌ಗಳನ್ನು ನಿಯೋಜಿಸಲಾಯಿತು. ರಕ್ಷಣಾ ಕಾರ್ಯಾಚರಣೆ ಪೂರ್ಣಗೊಳ್ಳಲು ಮೂರುವರೆ ಗಂಟೆಗಳಿಗಿಂತ ಹೆಚ್ಚು ಸಮಯ ತೆಗೆದುಕೊಂಡಿತ್ತು.
ಈ ಸುದ್ದಿಯನ್ನೂ ಓದಿ: SpiceJet Flight: ತಪ್ಪಿದ ಭಾರಿ ದುರಂತ; ಮುಂಬೈಯಲ್ಲಿ ತುರ್ತು ಭೂ ಸ್ಪರ್ಶ ಮಾಡಿದ ಸ್ಪೈಸ್‌ಜೆಟ್ ವಿಮಾನ
ಪದೇ ಪದೇ ನಡೆಯುತ್ತಿರುವ ಈ ಸಮಸ್ಯೆಯನ್ನು ಪರಿಹರಿಸುವಂತೆ ವಾರ್ಡ್ ಕೌನ್ಸಿಲರ್ ರಾಜೇಶ್ ಭೋಜನೆ ಮಹಾರಾಷ್ಟ್ರ ಸರ್ಕಾರವನ್ನು ಒತ್ತಾಯಿಸಿದ್ದಾರೆ.