Onam Fashion 2025: ಫೆಸ್ಟೀವ್ ಸೀಸನ್ ಟ್ರೆಂಡ್‌ಗೆ ಸೇರಿದ ಓಣಂ ಡಿಸೈನರ್‌ವೇರ್ಸ್
Onam Fashion 2025: ಓಣಂ ಸಂಭ್ರಮಕ್ಕೆ ಸೀರೆ ಉಡಲು ಕಷ್ಟ ಎನ್ನುವ ಮಾನಿನಿಯರಿಗೆಂದೇ ಮಾರುಕಟ್ಟೆಯಲ್ಲಿ ನಾನಾ ಬಗೆಯ ರೆಡಿಮೇಡ್ ಡಿಸೈನರ್‌ವೇರ್‌ಗಳು ಮಾರುಕಟ್ಟೆಗೆ ಬಂದಿವೆ. ಯಾವ್ಯಾವ ಬಗೆಯವು ಟ್ರೆಂಡ್‌ನಲ್ಲಿವೆ? ಎಂಬುದರ ಬಗ್ಗೆ ಡಿಸೈನರ್ಸ್ ಸಿಂಪಲ್ಲಾಗಿ ವಿವರಿಸಿದ್ದಾರೆ.
ಓಣಂ ಫೆಸ್ಟಿವ್ ಸೀಸನ್‌ನಲ್ಲಿ ನಾನಾ ಶೈಲಿಯ ಡಿಸೈನರ್‌ವೇರ್‌ಗಳು ಲಗ್ಗೆ ಇಟ್ಟಿವೆ. ಮಾನಿನಿಯರನ್ನು ಸಿಂಗರಿಸುತ್ತಿವೆ.
ರೆಡಿಮೇಡ್ ಓಣಂ ಎಥ್ನಿಕ್‌ವೇರ್ಸ್
ಹಬ್ಬದಂದು ಸೀರೆ ಬೇಡ! ಉಡಲು ಸಮಯವಿಲ್ಲ ಎನ್ನುವ ಮಾನಿನಿಯರಿಗೆಂದೇ ನಾನಾ ಬಗೆಯ ಓಣಂ ಡಿಸೈನರ್‌ವೇರ್‌ಗಳೆಂದೇ ಹೆಸರು ಪಡೆದ ಔಟ್‌ಫಿಟ್‌ಗಳು ಮಾರುಕಟ್ಟೆಗೆ ಆಗಮಿಸಿವೆ. ಸಮಯದ ಅಭಾವವಿರುವವರು ಯಾರೂ ಬೇಕಾದರೂ ಓಣಂ ಲುಕ್ ಪಡೆಯಬಹುದಾದಂತಹ ಈ ಉಡುಪುಗಳು ಸದ್ಯ ಟ್ರೆಂಡ್ ಲಿಸ್ಟ್‌ಗೆ ಸೇರಿವೆ. ಅತಿ ಸುಲಭವಾಗಿ ಹಬ್ಬದ ಲುಕ್ ನೀಡುವಂತಹ ಈ ಡಿಸೈನರ್‌ವೇರ್‌ಗಳು ಸದ್ಯ ಹುಡುಗಿಯರ ಮನ ಗೆದ್ದಿವೆ ಎನ್ನುತ್ತಾರೆ ಕೇರಳ ಮೂಲದ ಡಿಸೈನರ್‌ಗಳಾದ ರಮಣ್ ಹಾಗೂ ಜೆನ್.
ಫೆಸ್ಟೀವ್ ಲುಕ್ ನೀಡುವ ಓಣಂ ಡ್ರೆಸ್
ಹಿಂದಿನ ಕಾಲದಂತೆ ಹಬ್ಬದ ಸೀಸನ್‌ನಲ್ಲಿ ಓಣಂ ಸೀರೆಯೇ ಉಡಬೇಕೆಂಬ ಡ್ರೆಸ್‌ಕೋಡ್ ಈ ಹಬ್ಬದಲ್ಲಿಲ್ಲ. ಬದಲಿಗೆ ಓಣಂನ ಫೆಸ್ಟಿವ್ ಲುಕ್‌ನಲ್ಲಿ ಕಾಣಿಸಿಕೊಂಡರೇ ಸಾಕು! ಈ ಜನರೇಷನ್‌ನ ಹುಡುಗಿಯರು ಹಾಗೂ ಮಕ್ಕಳು ಈ ಹಬ್ಬಕ್ಕೆ ಮ್ಯಾಚ್ ಆಗುವಂತಹ ಡಿಸೈನರ್‌ವೇರ್ ಧರಿಸಿದರೇ ಸಾಕು! ಎಂಬ ಮನೋಭಾವ ಮನೆಯ ಹಿರಿಯರಲ್ಲಿ ಮೂಡಿರುವುದು, ಈ ಉಡುಗೆಗಳು ಹೆಚ್ಚು ಬೇಡಿಕೆ ಸೃಷ್ಠಿಸಿಕೊಳ್ಳಲು ಕಾರಣವಾಗಿದೆ ಎನ್ನುತ್ತಾರೆ ಸ್ಟೈಲಿಸ್ಟ್‌ಗಳು.
ಟ್ರೆಂಡ್‌ನಲ್ಲಿರುವ ಓಣಂ ಉಡುಪುಗಳು
ಈ ಸೀಸನ್‌ನಲ್ಲಿ ಉದ್ದನೆಯ ಎಥ್ನಿಕ್ ಗೌನ್, ಬಾರ್ಡರ್ ಗೌನ್, ಓಣಂ ಡ್ರೆಸ್‌ಗಳಲ್ಲಿ ಲಾಂಗ್ ಲಂಗ, ಹಾಫ್ ವೈಟ್, ಕ್ರೀಮ್ ಬಣ್ಣದ ಗೋಲ್ಡನ್ ಬಾರ್ಡರ್‌ನ ಲಂಗ-ದಾವಣಿ, ಲೆಹೆಂಗಾ ಶೈಲಿಯ ಉಡುಗೆ, ತ್ರೀ ಪೀಸ್ ಓಣಂ ಔಟ್‌ಫಿಟ್ಸ್, ಅನಾರ್ಕಲಿ ಶೈಲಿಯ ಲಾಂಗ್ ಬಾರ್ಡರ್ ಲಂಗ, ಗೋಲ್ಡನ್ ಹಾಗೂ ಸಿಲ್ವರ್ ಝರಿಯ ಉದ್ದ-ಲಂಗ ಸೇರಿದಂತೆ ನಾನಾ ಬಗೆಯವು ಈ ಫೆಸ್ಟಿವ್ ಸೀಸನ್‌ನಲ್ಲಿ ಲಗ್ಗೆ ಇಟ್ಟಿವೆ.
ಹೆಣ್ಣು ಮಕ್ಕಳಿಗೂ ಓಣಂ ಡ್ರೆಸ್
ಯುವತಿಯರನ್ನು ಮಾತ್ರವಲ್ಲ, ಚಿಕ್ಕ ಹೆಣ್ಣು ಮಕ್ಕಳನ್ನು ಕೂಡ ಈ ಓಣಂ ಡ್ರೆಸ್‌ಗಳು ಸವಾರಿ ಮಾಡತೊಡಗಿವೆ. ಎಲ್ಲರಿಗೂ ಪ್ರಿಯವಾಗಿವೆ ಎನ್ನುತ್ತಾರೆ ಡಿಸೈನರ್ ರಾಧಿಕಾ ವಾರಿಯರ್.