ನವದೆಹಲಿ: ಆಸ್ಟ್ರೇಲಿಯಾ ಮತ್ತು ದಕ್ಷಿಣ ಆಫ್ರಿಕಾ (AUS vs SA) ನಡುವಣ 3 ಪಂದ್ಯಗಳ ಟಿ20 ಸರಣಿಯ ಅಂತಿಮ ಮತ್ತು ನಿರ್ಣಾಯಕ ಪಂದ್ಯ ಆಗಸ್ಟ್ 16 ರಂದು ನಡೆದಿತ್ತು. ಎರಡನೇ ಟಿ20ಐ ಪಂದ್ಯದಲ್ಲಿ ಬಿರುಗಾಳಿ ಶತಕ ಸಿಡಿಸಿದ ಡೆವಾಲ್ಡ್ ಬ್ರೆವಿಸ್ (Dewald Brewis), ಈ ಪಂದ್ಯದಲ್ಲೂ ತಮ್ಮ ವಿಧ್ವಂಸಕ ಬ್ಯಾಟಿಂಗ್ ಮೂಲಕ ಪ್ರೇಕ್ಷಕರನ್ನು ರಂಜಿಸಿದರು. ಬ್ರೆವಿಸ್ ಆಸ್ಟ್ರೇಲಿಯಾದ ಬೌಲರ್‌ಗಳಿಗೆ ಬೆವರಿಳಿಸಿದರು. ತಮ್ಮ ಸ್ಪೋಟಕ ಇನಿಂಗ್ಸ್‌ನಲ್ಲಿ ಆರೋನ್ ಹಾರ್ಡಿ (Aaron Hardie) ಅವರ ಓವರ್‌ನಲ್ಲಿ ಬ್ರೆವಿಸ್ 26 ರನ್ ಸಿಡಿಸಿದರು. ಒಂದು ರನ್ ವೈಡ್ ರೂಪದಲ್ಲಿ ಸಿಕ್ಕಿತ್ತು. ಒಟ್ಟಾರೆ ಹಾರ್ಡಿ ಅವರ ಏಕೈಕ ಓವರ್‌ನಲ್ಲಿ ದಕ್ಷಿಣ ಆಫ್ರಿಕಾ ತಂಡದ ಖಾತೆಗೆ 27 ರನ್ ಸೇರ್ಪಡೆಯಾಯಿತು. ಈ ಓವರ್‌ನಲ್ಲಿ ಬ್ರೆವಿಸ್ ನೋ-ಲುಕ್ ಸಿಕ್ಸರ್‌ಗಳ ಮೂಲಕ ಹ್ಯಾಟ್ರಿಕ್ ಬಾರಿಸಿದ್ದು ಎಲ್ಲರ ಗಮನವನ್ನು ಸೆಳೆಯಿತು.
ದಕ್ಷಿಣ ಆಫ್ರಿಕಾದ ಇನಿಂಗ್ಸ್‌ನ 10 ನೇ ಓವರ್ ಬೌಲ್ ಮಾಡಲು ಆರೋನ್ ಹಾರ್ಡಿ ಬಂದರು. ಬ್ರೆವಿಸ್ ತಮ್ಮ ಓವರ್‌ನ ಮೂರನೇ, ನಾಲ್ಕನೇ ಮತ್ತು ಐದನೇ ಎಸೆತಗಳಲ್ಲಿ ನೋ-ಲುಕ್ ಸಿಕ್ಸರ್‌ಗಳನ್ನು ಬಾರಿಸಿದರು. ಅವರು ಪುಲ್ ಶಾಟ್ ಮೂಲಕ ಮೊದಲ ಸಿಕ್ಸ್ ಹೊಡೆದರು. ಅವರು ಲಾಂಗ್ ಆನ್ ಮತ್ತು ಮೂರನೇ ಓವರ್ ಲಾಂಗ್ ಆಫ್‌ನಲ್ಲಿ ಎರಡನೇ ಸಿಕ್ಸ್ ಹೊಡೆದರು. ಇದಾದ ನಂತರ ಮುಂದಿನ ಚೆಂಡು ವೈಡ್ ಆಗಿತ್ತು.
AUS vs SA: ದಕ್ಷಿಣ ಆಫ್ರಿಕಾ ಏಕದಿನ ಸರಣಿಗೂ ಮುನ್ನ ಆಸ್ಟ್ರೇಲಿಯಾಗೆ ಆಘಾತ! ಮೂವರು ಆಟಗಾರರಿಗೆ ಗಾಯ!
ನಂತರ ಆ ಓವರ್‌ನ ಐದನೇ ಎಸೆತದಲ್ಲಿ ಬ್ರೆವಿಸ್ ಮತ್ತೊಂದು ಸಿಕ್ಸರ್ ಬಾರಿಸಿ ಕೇವಲ 22 ಎಸೆತಗಳಲ್ಲಿ ಅರ್ಧಶತಕ ಪೂರ್ಣಗೊಳಿಸಿದರು. ಆದಾಗ್ಯೂ, 26 ಎಸೆತಗಳಲ್ಲಿ 53 ರನ್ ಗಳಿಸಿದ ನಂತರ, ಡೆವಾಲ್ಡ್ ಬ್ರೆವಿಸ್ ಅವರನ್ನು ನೇಥನ್ ಎಲ್ಲಿಸ್ ಔಟ್ ಮಾಡಿದರು. ಎರಡನೇ ಟಿ20ಐನಲ್ಲಿ ಬ್ರೆವಿಸ್ ಸ್ಫೋಟಕ ಬ್ಯಾಟಿಂಗ್ ಮಾಡುವ ಮೂಲಕ 125 ರನ್ ಸಿಡಿಸಿದ್ದರು. ಆ ಮೂಲಕ ದಕ್ಷಿಣ ಆಫ್ರಿಕಾ ಪರ ಎರಡನೇ ವೇಗದ ಶತಕವನ್ನು ಪೂರ್ಣಗೊಳಿಸಿದ್ದರು.
THREE NO-LOOK SIXES IN A ROW FROM DEWALD BREVIS!@BKTtires | #PlayoftheDay | #AUSvSA pic.twitter.com/2w1BpmQR8T
— cricket.com.au (@cricketcomau) August 16, 2025
ಅಂದ ಹಾಗೆ ಈ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ನಾಯಕ ಮಿಚೆಲ್ ಮಾರ್ಷ್ ಟಾಸ್ ಗೆದ್ದು ದಕ್ಷಿಣ ಆಫ್ರಿಕಾ ತಂಡವನ್ನು ಮೊದಲ ಬ್ಯಾಟಿಂಗ್‌ಗೆ ಆಹ್ವಾನಿಸಿದ್ದರು. ಅದರಂತೆ ದಕ್ಷಿಣ ಆಫ್ರಿಕಾ ತಂಡ ನಿಗದಿತ 20 ಓವರ್‌ಗಳಲ್ಲಿ 7 ವಿಕೆಟ್‌ಗಳ ನಷ್ಟಕ್ಕೆ 172 ರನ್ ಗಳಿಸಿತು. ಡೆವಾಲ್ಡ್ ಬ್ರೆವಿಸ್ 53 ರನ್‌ಗಳ ಜೊತೆಗೆ, ರಾಸಿ ವ್ಯಾನ್ ಡೆರ್ ಡಸೆನ್ ಕೂಡ 38 ರನ್ ಗಳಿಸಿದರು. ಅವರು ಕೊನೆಯವರೆಗೂ ಅಜೇಯರಾಗಿ ಉಳಿದರು. ಟ್ರಿಸ್ಟನ್ ಸ್ಟಬ್ಸ್ 25 ರನ್‌ಗಳ ಇನಿಂಗ್ಸ್‌ ಆಡಿದರು. ಆಸ್ಟ್ರೇಲಿಯಾದ ಅತ್ಯಂತ ಯಶಸ್ವಿ ಬೌಲರ್ ನೇಥನ್ ಎಲ್ಲಿಸ್, ಅವರು 3 ವಿಕೆಟ್‌ಗಳನ್ನು ಪಡೆದರು. ಜಾಶ್ ಹೇಝಲ್‌ವುಡ್ ಮತ್ತು ಆಡಮ್ ಝಂಪಾ ಕೂಡ ತಲಾ ಎರಡೆರಡು ವಿಕೆಟ್‌ಗಳನ್ನು ಪಡೆದರು.