ನವದೆಹಲಿ: ಮುಂಬರುವ 2025ರ ಏಷ್ಯಾ ಕಪ್‌ ಟೂರ್ನಿಗೆ (Asia Cup 2025) ಭಾರತ ತಂಡವನ್ನು ಸ್ಪಿನ್‌ ದಿಗ್ಗಜ ಹರ್ಭಜನ್ ಸಿಂಗ್ (Harbhajan Singh) ಆಯ್ಕೆ ಮಾಡಿದ್ದಾರೆ. ಅವರು ಶ್ರೇಯಸ್ ಅಯ್ಯರ್, ಶುಭಮನ್ ಗಿಲ್ ಹಾಗೂ ರಿಯಾನ್ ಪರಾಗ್ ಅವರನ್ನು ಆರಿಸಿದ್ದಾರೆ. ಸೆಪ್ಟಂಬರ್‌ 10 ರಂದು ಯುನೈಟೆಟ್‌ ಅರಬ್‌ ಎಮಿರೇಟ್ಸ್‌ನಲ್ಲಿ ಏಷ್ಯಾ ಕಪ್‌ ಟೂರ್ನಿ ಆರಂಭವಾಗಲಿದೆ. ವಿಕೆಟ್‌ ಕೀಪರ್ ಆಗಿ ಕೆಎಲ್ ರಾಹುಲ್ (KL Rahul) ಅವರನ್ನು ಆಯ್ಕೆ ಮಾಡಿದರೆ ತಂಡಕ್ಕೆ ಒಳ್ಳೆಯದು ಎಂದು ಅವರು ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ. ಕೆಎಲ್ ರಾಹುಲ್ ಅಥವಾ ರಿಷಭ್ ಪಂತ್ ಅವರಲ್ಲಿ ಒಬ್ಬರನ್ನು ಪರಿಗಣಿಸಬೇಕೆಂದು ಹೇಳಿದ್ದಾರೆ.
"ಯಶಸ್ವಿ ಜೈಸ್ವಾಲ್, ಅಭಿಷೇಕ್ ಶರ್ಮಾ, ಶುಭಮನ್ ಗಿಲ್, ಸೂರ್ಯಕುಮಾರ್ ಯಾದವ್ (ನಾಯಕ), ಹಾರ್ದಿಕ್ ಪಾಂಡ್ಯ, ಶ್ರೇಯಸ್ ಅಯ್ಯರ್, ವಾಷಿಂಗ್ಟನ್ ಸುಂದರ್, ರಿಯಾನ್ ಪರಾಗ್, ಕುಲ್‌ದೀಪ್ ಯಾದವ್, ಅಕ್ಷರ್ ಪಟೇಲ್, ಮೊಹಮ್ಮದ್ ಸಿರಾಜ್, ಜಸ್‌ಪ್ರೀತ್ ಬುಮ್ರಾ, ಅರ್ಷದೀಪ್ ಸಿಂಗ್. ಕೆಎಲ್ ರಾಹುಲ್ ನಾನು ಆಯ್ಕೆ ಮಾಡಿಕೊಳ್ಳದ ಹೆಸರು. ಅವರು ತುಂಬಾ ಒಳ್ಳೆಯ ಆಯ್ಕೆಯೂ ಆಗಿರಬಹುದು ಏಕೆಂದರೆ ನಾನು ಬೇರೆ ಯಾವುದೇ ಕೀಪರ್ ಅನ್ನು ಹಾಕುತ್ತಿಲ್ಲ. ಕೆಎಲ್ ಮತ್ತೊಂದು ಆಯ್ಕೆಯಾಗಿರಬಹುದು. ಅವರಲ್ಲಿ ಒಬ್ಬರು ಅಥವಾ ರಿಷಭ್ ಪಂತ್ ಇರಬೇಕು," ಎಂದು ಹೇಳಿದ್ದಾರೆ.
ಬಾಂಗ್ಲಾದೇಶ ವಿರುದ್ಧದ ಟಿ20ಐ ಸರಣಿಗೆ ರಾಹುಲ್ ಅವರನ್ನು ಮತ್ತೆ ತಂಡಕ್ಕೆ ಸೇರಿಸಿಕೊಳ್ಳುವ ಬಗ್ಗೆ ಮೇ ತಿಂಗಳಲ್ಲಿ ವರದಿಗಳು ಬಂದಿದ್ದವು. ಕಾಲ್ಬೆರಳಿನ ಮುರಿತದಿಂದ ಪಂತ್ ಚೇತರಿಸಿಕೊಳ್ಳುತ್ತಿರುವುದರಿಂದ, ಏಷ್ಯಾ ಕಪ್‌ ಟೂರ್ನಿಗೆ ಅವರ ಲಭ್ಯತೆ ಇನ್ನೂ ಪ್ರಶ್ನಾರ್ಥಕ ಚಿಹ್ನೆಯಾಗಿಯೇ ಉಳಿದಿದೆ.
Asia Cup ಟೂರ್ನಿಯಲ್ಲಿ ಶ್ರೇಯಸ್ ಅಯ್ಯರ್‌ಗೆ ಅವಕಾಶ ನೀಡಲು ಪ್ರಮುಖ 3 ಕಾರಣಗಳು!
ಶುಭಮನ್ ಗಿಲ್‌ಗೆ ಭಜ್ಜಿ ಬೆಂಬಲ
2025ರ ಏಷ್ಯಾಕಪ್‌ ಟೂರ್ನಿಗೆ ಭಾರತದ ತಂಡದಲ್ಲಿ ಟೆಸ್ಟ್ ನಾಯಕ ಶುಭಮನ್ ಗಿಲ್ ಸೇರ್ಪಡೆ ಬಗ್ಗೆ ಚರ್ಚೆಯಾಗಲಿದೆ. 25ನೇ ವಯಸ್ಸಿನ ಅವರನ್ನು ಹರ್ಭಜನ್ ಸಿಂಗ್ ಈ ಟೂರ್ನಿಗೆ ಸೇರಿಸಿಕೊಳ್ಳುವ ಪ್ರಸ್ತಾಪವನ್ನು ಬೆಂಬಲಿಸಿದ್ದಾರೆ. ಈ ಪಂದ್ಯದಲ್ಲಿ ಪ್ರಾಬಲ್ಯ ಸಾಧಿಸುವ ಹಕ್ಕು ತಮ್ಮಲ್ಲಿದೆ ಎಂದು ತಿಳಿಸಿದ್ದಾರೆ.
"ಟಿ20 ಸ್ವರೂಪ ಕೇವಲ ಚೆಂಡನ್ನು ಹೊಡೆಯುವುದಲ್ಲ, ಶುಭಮನ್ ಗಿಲ್ ಹೊಡೆಯಲು ನಿರ್ಧರಿಸಿದರೆ, ಅವರು ಬೇರೆಯವರಿಗಿಂತ ಕಡಿಮೆಯಿಲ್ಲ ಎಂಬುದನ್ನು ನೀವು ಅರ್ಥಮಾಡಿಕೊಳ್ಳಬೇಕು. ಅವರು ಎಂತಹ ಬ್ಯಾಟ್ಸ್‌ಮನ್ ಆಗಿದ್ದರೂ, ಅವರ ಆಟ ಉತ್ತಮವಾಗಿದೆ. ಅವರಿಗೆ ಬಲವಾದ ಮೂಲಭೂತ ಅಂಶಗಳು ಇವೆ ಮತ್ತು ಮೈದಾನದಾದ್ಯಂತ ಸ್ಕೋರ್ ಮಾಡಬಹುದು, ಯಾವುದೇ ಸ್ವರೂಪದ್ದಾಗಿರಲಿ. ನೀವು ಐಪಿಎಲ್ ಅನ್ನು ನೋಡಿದರೆ, ಅವರು ಪ್ರತಿ ಋತುವಿನಲ್ಲಿ ರನ್ ಗಳಿಸಿದ್ದಾರೆ ಹಾಗೂ ಆರೆಂಜ್ ಕ್ಯಾಪ್ ಧರಿಸಿದದಾರೆ. ಅವರು 120 ಸ್ಟ್ರೈಕ್ ರೇಟ್‌ನಲ್ಲಿ ಬ್ಯಾಟಿಂಗ್ ನಡೆಸುತ್ತಾರೆ ಎಂದಲ್ಲ; ಅವರು 160, 150 ಸ್ಟ್ರೈಕ್ ರೇಟ್‌ನಲ್ಲಿ ಬ್ಯಾಟ್‌ ಮಾಡುತ್ತಾರೆ," ಎಂದು ಹರ್ಭಜನ್ ಸಿಂಗ್ ಹೇಳಿದ್ದಾರೆ.
Asia Cup 2025: ಭಾರತ ತಂಡದ ರೇಸ್‌ನಿಂದ ಇಬ್ಬರು ಸ್ಟಾರ್‌ ಆಟಗಾರರು ಔಟ್‌!
"ಅವರು ಈ ಸ್ವರೂಪದಲ್ಲಿ ಚೆನ್ನಾಗಿ ಆಡಬಲ್ಲರು ಮತ್ತು ಪ್ರಾಬಲ್ಯ ಸಾಧಿಸಬಲ್ಲರು ಎಂದು ನಾನು ಭಾವಿಸುತ್ತೇನೆ. ನಾವು ಬೌಂಡರಿ ಮತ್ತು ಸಿಕ್ಸರ್‌ಗಳನ್ನು ನೋಡುತ್ತಿದ್ದೆವು, ಆದರೆ 20 ಓವರ್‌ಗಳಲ್ಲಿ ಕೇವಲ ಬೌಂಡರಿ ಮತ್ತು ಸಿಕ್ಸರ್‌ಗಳನ್ನು ಬಾರಿಸುವ ಅಗತ್ಯವಿಲ್ಲ. ದೊಡ್ಡ ಇನಿಂಗ್ಸ್ ಆಡಬಲ್ಲ ಯಾರಾದರೂ ನಮಗೆ ಬೇಕು," ಎಂದು ಭಾರತದ ಮಾಜಿ ಆಫ್-ಸ್ಪಿನ್ನರ್ ತಿಳಿಸಿದ್ದಾರೆ.