ವಾಷಿಂಗ್ಟನ್‌: ನ್ಯೂಯಾರ್ಕ್‌ನ ಕೇಂದ್ರ ಮ್ಯಾನ್‌ಹ್ಯಾಟನ್‌ನಲ್ಲಿ ಸೋಮವಾರ ನಡೆದ ಗುಂಡಿನ ದಾಳಿಯಲ್ಲಿ ನ್ಯೂಯಾರ್ಕ್ ಪೊಲೀಸ್ (Mass Firing) ಇಲಾಖೆಯ ಅಧಿಕಾರಿ ಸೇರಿದಂತೆ ಕನಿಷ್ಠ ಐವರು ಮೃತಪಟ್ಟಿದ್ದಾರೆ. ಲಾಸ್ ವೇಗಾಸ್‌ನ 27 ವರ್ಷದ ಶೇನ್ ಟಮುರಾ ಈ ಕೃತ್ಯ ನಡೆಸಿದ ವ್ಯಕ್ತಿ ಎಂದು ತಿಳಿದು ಬಂದಿದೆ. ಘಟನೆಯಲ್ಲಿ ಈತ ಸ್ವಯಂ-ಗುಂಡೇಟಿನಿಂದ ಸಾವನ್ನಪ್ಪಿದ್ದಾನೆ. ರೈಫಲ್ ಹಿಡಿದುಕೊಂಡು, ಟಮುರಾ, ಬ್ಲಾಕ್‌ಸ್ಟೋನ್, ಕೆಪಿಎಂಜಿ, ಡಾಯ್ಚ ಬ್ಯಾಂಕ್ ಮತ್ತು ಎನ್‌ಎಫ್‌ಎಲ್ (ನ್ಯಾಷನಲ್ ಫುಟ್‌ಬಾಲ್ ಲೀಗ್) ಪ್ರಧಾನ ಕಚೇರಿಯಂತಹ ಉನ್ನತ ಕಂಪನಿಗಳ ನೆಲೆಯಾಗಿರುವ 44 ಅಂತಸ್ತಿನ ಕಟ್ಟಡಕ್ಕೆ ಸಂಜೆ 6:30 ರ ಸುಮಾರಿಗೆ ನುಗ್ಗಿ ಗುಂಡು ಹಾರಿಸಲು ಪ್ರಾರಂಭಿಸಿದ್ದ.
345 ಪಾರ್ಕ್ ಅವೆನ್ಯೂದಲ್ಲಿರುವ ಕಟ್ಟಡದ ಹೊರಗಿನ ಕಣ್ಗಾವಲು ದೃಶ್ಯಾವಳಿಗಳಲ್ಲಿ ಬಂದೂಕುಧಾರಿ ಸನ್ ಗ್ಲಾಸ್ ಧರಿಸಿ ರೈಫಲ್ ಹಿಡಿದು ಕಟ್ಟಡದ ಕಡೆಗೆ ಹೋಗುತ್ತಿರುವುದು ಕಂಡು ಹಾಕುತ್ತಿರುವುದು ಕಂಡುಬಂದಿದೆ. ಐರ್ಲೆಂಡ್‌ನ ಕಾನ್ಸುಲೇಟ್ ಜನರಲ್ ಕಚೇರಿಯನ್ನು ಸಹ ಒಳಗೊಂಡಿರುವ ಈ ಕಟ್ಟಡವು ನ್ಯೂಯಾರ್ಕ್‌ನ ಅತ್ಯಂತ ಹಳೆಯ ಮತ್ತು ದೊಡ್ಡ ರಿಯಲ್ ಎಸ್ಟೇಟ್ ಸಂಸ್ಥೆಗಳಲ್ಲಿ ಒಂದಾದ ರುಡಿನ್ ಮ್ಯಾನೇಜ್‌ಮೆಂಟ್‌ನ ಒಡೆತನದಲ್ಲಿದೆ.
BREAKING: At least 6 people have been shot in Midtown Manhattan, including an NYPD officer. The suspect reportedly used an AR-15-style rifle.
— Eyal Yakoby (@EYakoby) July 29, 2025
If Zohran Mamdani gets his way and abolishes the police, who exactly is supposed to stop the next shooter?
pic.twitter.com/mMXIEPwq9Z
ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಕಟವಾದ ದೃಶ್ಯಗಳಲ್ಲಿ, ಬಂದೂಕುಧಾರಿ ಗಲಭೆ ನಡೆಸುತ್ತಿದ್ದಂತೆ ಕಟ್ಟಡದ ಒಳಗಿನ ಜನರು ಸೋಫಾ ಮತ್ತು ಕುರ್ಚಿಗಳನ್ನು ಬಳಸಿ ಬಾಗಿಲುಗಳನ್ನು ತಡೆದು ರಕ್ಷಣೆ ಪಡೆಯುತ್ತಿರುವುದನ್ನು ತೋರಿಸಲಾಗಿದೆ. ಮತ್ತೊಂದು ದೃಶ್ಯದಲ್ಲಿ ಜನರು ತಲೆಯ ಮೇಲೆ ಕೈಗಳನ್ನು ಇಟ್ಟುಕೊಂಡು ಕಟ್ಟಡದಿಂದ ಸ್ಥಳಾಂತರಿಸುತ್ತಿರುವ ಸಾಲುಗಳನ್ನು ತೋರಿಸಲಾಗಿದೆ. ನ್ಯೂಯಾರ್ಕ್ ಅಗ್ನಿಶಾಮಕ ಇಲಾಖೆಗೆ ಸಂಜೆ 6.30 ರ ಸುಮಾರಿಗೆ ಗುಂಡಿನ ದಾಳಿಯ ಬಗ್ಗೆ ಮೊದಲು ಮಾಹಿತಿ ನೀಡಲಾಯಿತು, ನಂತರ ತುರ್ತು ಸಿಬ್ಬಂದಿಯನ್ನು ಪಾರ್ಕ್ ಅವೆನ್ಯೂ ಕಚೇರಿ ಕಟ್ಟಡಕ್ಕೆ ರವಾನಿಸಲಾಯಿತು.
ಈ ಸುದ್ದಿಯನ್ನೂ ಓದಿ: Robbery Case: ಪವರ್‌ ಗ್ರಿಡ್‌ ಸಿಬ್ಬಂದಿಯ ಹಣೆಗೆ ಬಂದೂಕು ಇಟ್ಟು 25ದರೋಡೆಕೋರರಿಂದ ರಾಬರಿ!
ನ್ಯೂಯಾರ್ಕ್ ಮೇಯರ್ ಸ್ಥಾನಕ್ಕೆ ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿಯಾಗಿರುವ ಜೊಹ್ರಾನ್ ಮಮ್ದಾನಿ, "ಭಯಾನಕ ಗುಂಡಿನ ದಾಳಿ"ಯಲ್ಲಿ ಸಂಭವಿಸಿದ ಜೀವಹಾನಿಗೆ ಸಂತಾಪ ಸೂಚಿಸಿದ್ದಾರೆ. ಮಿಡ್‌ಟೌನ್‌ನಲ್ಲಿ ನಡೆದ ಭೀಕರ ಗುಂಡಿನ ದಾಳಿಯ ಬಗ್ಗೆ ತಿಳಿದು ನನಗೆ ತುಂಬಾ ನೋವಾಗಿದೆ, ಮತ್ತು ಸಂತ್ರಸ್ತರ ಕುಟುಂಬಕ್ಕೆ ನೋವನ್ನು ಭರಿಸುವ ಶಕ್ತಿ ನೀಡಲು ಪ್ರಾರ್ಥಿಸುತ್ತೇನೆ ಎಂದು ಹೇಳಿದ್ದಾರೆ.