ನ್ಯೂಯಾರ್ಕ್‌: ಟೈಮ್ ಮ್ಯಾಗಜೀನ್ 2025 ರ (TIME magazine’s 2025) ವಿಶ್ವದ ಅತ್ಯಂತ ಪ್ರಭಾವಶಾಲಿ ವ್ಯಕ್ತಿಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಅದರಲ್ಲಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ನೊಬೆಲ್ ಶಾಂತಿ ಪ್ರಶಸ್ತಿ ಪುರಸ್ಕೃತ ಮುಹಮ್ಮದ್ ಯೂನಸ್ ಸೇರಿದಂತೆ ಹಲವರ ಹೆಸರು ಸೇರಿದೆ. ಏಪ್ರಿಲ್ 17 ರಂದು ಬಿಡುಗಡೆಯಾದ ವಾರ್ಷಿಕ ಪಟ್ಟಿಯು ರಾಜಕೀಯ, ವಿಜ್ಞಾನ, ಕಲೆ ಮತ್ತು ಕ್ರಿಯಾಶೀಲತೆ ಸೇರಿದಂತೆ ಹಲವು ಕ್ಷೇತ್ರದಲ್ಲಿ ಸಾಧನೆಗೈದವರ ಹೆಸರನ್ನು ಸೇರಿಸಲಾಗಿದೆ. ಆದರೆ ಈ ಬಾರಿಯ ಪ್ರಭಾವಶಾಲಿ ವ್ಯಕ್ತಿಗಳ ಪಟ್ಟಿಯಲ್ಲಿ ಯಾವೊಬ್ಬ ಭಾರತೀಯರ ಹೆಸರನ್ನು ಉಲ್ಲೇಖಿಸಲಾಗಿಲ್ಲ. ಆದಾಗ್ಯೂ, ಈ ಪಟ್ಟಿಯಲ್ಲಿ ವರ್ಟೆಕ್ಸ್ ಫಾರ್ಮಾಸ್ಯುಟಿಕಲ್ಸ್‌ನ ಅಮೆರಿಕದ ಸಿಇಒ ಭಾರತೀಯ ಮೂಲದ ರೇಷ್ಮಾ ಕೆವಲ್ರಾಮಣಿ ಅವರನ್ನು ಪ್ರತಿಷ್ಠಿತ 'ನಾಯಕರು' ವಿಭಾಗದಲ್ಲಿ ಸೇರಿಸಲಾಗಿದೆ.
11 ನೇ ವಯಸ್ಸಿನಲ್ಲಿ ಭಾರತದಿಂದ ಅಮೆರಿಕಕ್ಕೆ ವಲಸೆ ಬಂದ ಕೆವಲ್ರಾಮಣಿ, ಅಮೆರಿಕದ ಸಾರ್ವಜನಿಕವಾಗಿ ವ್ಯಾಪಾರ ಮಾಡುವ ಪ್ರಮುಖ ಬಯೋಟೆಕ್ ಸಂಸ್ಥೆಯನ್ನು ಮುನ್ನಡೆಸಿದ ಮೊದಲ ಮಹಿಳೆ ಎಂದು ಗುರುತಿಸಲ್ಪಟ್ಟಿದ್ದಾರೆ. ಅವರ ನಾಯಕತ್ವದಲ್ಲಿ, ಜೀನೋಮಿಕ್ ವೈದ್ಯಕೀಯದಲ್ಲಿ ಸಿಕಲ್ ಸೆಲ್ ಅನೀಮಿಯಾಗೆ ಚಿಕಿತ್ಸೆ ನೀಡುವ CRISPR-ಆಧಾರಿತ ಜೀನ್-ಎಡಿಟಿಂಗ್ ಚಿಕಿತ್ಸೆಗೆ ವರ್ಟೆಕ್ಸ್ ಮೊದಲ ಬಾರಿಗೆ FDA ಅನುಮೋದನೆಯನ್ನು ಪಡೆದುಕೊಂಡಿದೆ. ಟೈಮ್ 100 ಪಟ್ಟಿಯನ್ನು ಆರು ವಿಭಾಗಗಳಾಗಿ ವಿಂಗಡಿಸಲಾಗಿದೆ: ನಾಯಕರು, ಕಲಾವಿದರು, ಐಕಾನ್‌ಗಳು, ನಾವೀನ್ಯಕಾರರು ಮತ್ತು ಪ್ರವರ್ತಕರು.
ಈ ವರ್ಷ 'ನಾಯಕರು' ವಿಭಾಗದಲ್ಲಿ ಸೇರಿಸಲಾದ ಹೆಸರುಗಳು:
ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಯುನೈಟೆಡ್ ಕಿಂಗ್‌ಡಂನ ಪ್ರಧಾನ ಮಂತ್ರಿ ಕೀರ್ ಸ್ಟಾರ್ಮರ್, ಮೆಕ್ಸಿಕೋದ ಮುಂಬರುವ ಅಧ್ಯಕ್ಷೀಯ ಚುನಾವಣೆಯಲ್ಲಿ ಮುಂಚೂಣಿಯಲ್ಲಿರುವ ಮತ್ತು ಸಂಭಾವ್ಯವಾಗಿ ಅದರ ಮೊದಲ ಮಹಿಳಾ ನಾಯಕಿ ಕ್ಲೌಡಿಯಾ ಶೀನ್‌ಬಾಮ್ ಹಾಗೂ ಬಾಂಗ್ಲಾದೇಶದ ನೊಬೆಲ್ ಪ್ರಶಸ್ತಿ ವಿಜೇತ ಮುಹಮ್ಮದ್ ಯೂನಸ್, ಅಮೆರಿಕದ ಉಪಾಧ್ಯಕ್ಷ ಜೆಡಿ ವ್ಯಾನ್ಸ್‌ ಸೇರಿದಂತೆ ಹಲವರಿದ್ದಾರೆ. ವಿವಿಧ ವಿಭಾಗಗಳಲ್ಲಿ ಕಾಣಿಸಿಕೊಂಡಿರುವ ಇತರ ಪ್ರಸಿದ್ಧ ವ್ಯಕ್ತಿಗಳಲ್ಲಿ ಸೆರೆನಾ ವಿಲಿಯಮ್ಸ್, ಸ್ನೂಪ್ ಡಾಗ್, ಎಲೋನ್ ಮಸ್ಕ್, ಗ್ರೇಟಾ ಗೆರ್ವಿಗ್, ಎಡ್ ಶೀರನ್ ಮತ್ತು ರಷ್ಯಾದ ವಿರೋಧ ಪಕ್ಷದ ನಾಯಕ ಅಲೆಕ್ಸಿ ನವಲ್ನಿ ಅವರ ಯೂಲಿಯಾ ನವಲ್ನಾಯಾ ಸೇರಿದ್ದಾರೆ. ಈಗ 21 ನೇ ವರ್ಷಕ್ಕೆ ಕಾಲಿಡುತ್ತಿರುವ ಟೈಮ್ ಪಟ್ಟಿಯು, ವಿವಿಧ ಕ್ಷೇತ್ರಗಳಲ್ಲಿ ಜಾಗತಿಕ ಪ್ರಭಾವ ಮತ್ತು ಶಕ್ತಿಶಾಲಿ ವ್ಯಕ್ತಿಗಳ ಹೆಸರನ್ನು ಹೆಸರಿಸಲಾಗುತ್ತದೆ.
ಈ ಸುದ್ದಿಯನ್ನೂ ಓದಿ: Polluted City: ವಿಶ್ವದ ಅತ್ಯಂತ ಕಲುಷಿತ ನಗರಗಳ ಪಟ್ಟಿಯಲ್ಲಿ 13 ಸಿಟಿಗಳು ಭಾರತದಲ್ಲೇ ಇವೆ!
ಪಟ್ಟಿಯಲ್ಲಿಲ್ಲ ಭಾರತೀಯ ಹೆಸರು
ಈ ವರ್ಷದ ವಿಶ್ವದ ಅತ್ಯಂತ ಪ್ರಭಾವಶಾಲಿ ವ್ಯಕ್ತಿಗಳ ಪಟ್ಟಿಯಲ್ಲಿ ಯಾವೊಬ್ಬ ಭಾರತೀಯರು ಸ್ಥಾನವನ್ನು ಪಡೆದುಕೊಂಡಿಲ್ಲ. 2024 ರ ಟೈಮ್ 100 ರಲ್ಲಿ ಬಾಲಿವುಡ್ ನಟಿ ಆಲಿಯಾ ಭಟ್ ಮತ್ತು ಒಲಿಂಪಿಯನ್ ಕುಸ್ತಿಪಟು ಸಾಕ್ಷಿ ಮಲಿಕ್ ಸೇರಿದಂತೆ ಹಲವರು ಸ್ಥಾನ ಪಡೆದುಕೊಂಡಿದ್ದರು. ಟೈಮ್ ಮ್ಯಾಗಜೀನ್ ಎಐ 2024 ರ ಅತ್ಯಂತ ಪ್ರಭಾವಶಾಲಿ ವ್ಯಕ್ತಿಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಈ ಪಟ್ಟಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಸಂಪುಟದ ಸಚಿವರೂ ಸ್ಥಾನ ಪಡೆದು ಕೊಂಡಿದ್ದರು.