ಬೆಂಗಳೂರು: ಭಾರತದ ನವೀನ ಎಲೆಕ್ಟ್ರಿಕ್ ಮೊಬಿಲಿಟಿ ಕ್ಷೇತ್ರದ ಮುಂಚೂಣಿ ಕಂಪನಿ ಮ್ಯಾಟರ್ (MATTER) ಇಂದು ಬೆಂಗಳೂರಿನ ಅತ್ತಿಬೆಲೆಯಲ್ಲಿ ತನ್ನ ಹೊಸ ಎಕ್ಸ್‌ಪೀರಿಯನ್ಸ್ ಹಬ್ ಅನ್ನು ಭವ್ಯವಾಗಿ ಉದ್ಘಾಟಿಸಿದೆ. ಈ ಹೊಸ ಹಬ್ ಉದ್ಘಾಟನೆಯೊಂದಿಗೆ ಮ್ಯಾಟರ್ ತನ್ನ ವೇಗವಾಗಿ ವಿಸ್ತರಿಸುತ್ತಿರುವ ಚಿಲ್ಲರೆ (ರೀಟೇಲ್) ಜಾಲದಲ್ಲಿ ಮತ್ತೊಂದು ಮಹತ್ವದ ಹಂತವನ್ನು ಮುಟ್ಟಿದೆ. ಶುದ್ಧ, ಸಂಪರ್ಕಿತ ಮತ್ತು ಶಾಶ್ವತ ಮೊಬಿಲಿಟಿಯತ್ತ ಭಾರತದ ಪ್ರಯಾಣವನ್ನು ಮುನ್ನಡೆಸುವ ದೃಷ್ಟಿಯಿಂದ ಇದು ದೊಡ್ಡ ಹೆಜ್ಜೆ.
ಅತ್ತಿಬೆಲೆ, ಆನೆಕಲ್, ಬೆಂಗಳೂರಿನಲ್ಲಿರುವ ಈ ಮ್ಯಾಟರ್ ಎಕ್ಸ್‌ಪೀರಿಯನ್ಸ್ ಹಬ್ ಭವಿಷ್ಯದ ಎಲೆಕ್ಟ್ರಿಕ್ ವಾಹನ ತಂತ್ರಜ್ಞಾನಗಳನ್ನು ಅನುಭವಿಸಲು ವಿನ್ಯಾಸಗೊಳಿಸಲಾದ ಅತ್ಯಾಧುನಿಕ ಕೇಂದ್ರವಾಗಿದೆ. ಇಲ್ಲಿ ಭೇಟಿ ನೀಡುವವರು ಎರಾ (AERA) – ಭಾರತದ ಮೊದಲ ಗಿಯರ್ ಹೊಂದಿದ ಎಲೆಕ್ಟ್ರಿಕ್ ಮೋಟಾರ್ಬೈಕ್ ಅನ್ನು ನೇರವಾಗಿ ಅನುಭವಿಸಬಹುದು.
ಈ ಕಾರ್ಯಕ್ರಮದಲ್ಲಿ ಮ್ಯಾಟರ್‌ನ ಹಿರಿಯ ನಿರ್ವಹಣಾ ತಂಡ, ಡೀಲರ್ ಪಾಲುದಾರರು ಮತ್ತು ಬೆಂಗಳೂರಿನ ವಿವಿಧ ಭಾಗಗಳಿಂದ ಬಂದ ಎವಿ (EV) ಆಸಕ್ತರು ಪಾಲ್ಗೊಂಡು, ಕರ್ನಾಟಕದ ಎಲೆಕ್ಟ್ರಿಕ್ ಮೊಬಿಲಿಟಿ ಕ್ಷೇತ್ರದ ಬೆಳವಣಿಗೆಗೆ ಹೊಸ ಬಣ್ಣ ತುಂಬಿದರು.
ಇದನ್ನೂ ಓದಿ: Bangalore News: ಹಬ್ಬಗಳ ಸಂದರ್ಭದ ಸೊನಾಟಾ ಸಂಗ್ರಹ ತಂದಿದೆ ಹೊಳಪು, ಸೂಕ್ತ ವಿನ್ಯಾಸ
ಮ್ಯಾಟರ್ ಸಂಸ್ಥೆಯ ಸಂಸ್ಥಾಪಕ ಮತ್ತು ಗ್ರೂಪ್ ಸಿಡಿಒ ಶ್ರೀ ಸರನ್ ಬಾಬು ಅವರು ಉದ್ಘಾಟನಾ ಕಾರ್ಯಕ್ರಮದಲ್ಲಿ ಮಾತನಾಡುತ್ತಾ ಹೇಳಿದರು:“ಅತ್ತಿಬೆಲೆ ಬೆಂಗಳೂರಿನ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಪ್ರದೇಶಗಳಲ್ಲಿ ಒಂದು. ನಗರ ಪ್ರಯಾಣಿಕರು ಹಾಗೂ ದೂರ ಪ್ರಯಾಣಿಕರಿಗೂ ಇದು ಸೂಕ್ತವಾದ ಸ್ಥಳ. ನಮ್ಮ ಹೊಸ ಎಕ್ಸ್‌ಪೀರಿಯನ್ಸ್ ಹಬ್ ಮೂಲಕ ಜನರಿಗೆ ಮ್ಯಾಟರ್‌ನ ವಿಶ್ವದರ್ಜೆಯ ಎವಿ ನವೀನತೆಗಳನ್ನು ಅನುಭವಿಸುವ ಅವಕಾಶ ನೀಡುತ್ತಿದ್ದೇವೆ. ‘ಎರಾ’ ಕೇವಲ ಪ್ರಯಾಣಕ್ಕಾಗಿ ಅಲ್ಲ – ಇದು ಭಾರತದಲ್ಲಿ ಚಾಲಕರಿಗೆ ಹೊಸ ತಂತ್ರಜ್ಞಾನ, ಕಾರ್ಯಕ್ಷಮತೆ ಮತ್ತು ಶಾಶ್ವತತೆಯ ಅನುಭವ ನೀಡುವ ಕ್ರಾಂತಿಕಾರಿ ಹೆಜ್ಜೆ.”
ಅತ್ತಿಬೆಲೆ ಎಕ್ಸ್‌ಪೀರಿಯನ್ಸ್ ಹಬ ಡೀಲರ್ ಪ್ರಿನ್ಸಿಪಲ್ ಶ್ರೀ ಮಹೇಶ್ ಸಿ. ಅವರು ಹೇಳಿದರು: “ಮ್ಯಾಟರ್‌ನ ಅತ್ಯಾಧುನಿಕ ಎವಿ ಅನುಭವವನ್ನು ಅತ್ತಿಬೆಲೆ ಸಮುದಾಯಕ್ಕೆ ತರುವುದು ನಮಗೆ ಸಂತೋಷ ತಂದಿದೆ. ಈ ಪ್ರದೇಶದ ಜನರು ಹೊಸ ಮೊಬಿಲಿಟಿ ಯುಗವನ್ನು ಸ್ವೀಕರಿಸಲು ಸಿದ್ಧರಾಗಿ ದ್ದಾರೆ. ‘ಎರಾ’ ಮೂಲಕ ನಾವು ಪ್ರಗತಿಪರ ಎಂಜಿನಿಯರಿಂಗ್, ಕಾರ್ಯಕ್ಷಮತೆ ಹಾಗೂ ಪರಿಸರ ಸ್ನೇಹಿ ಪ್ರಯಾಣದ ಅತ್ಯುತ್ತಮ ಸಂಯೋಜನೆಯನ್ನು ನೀಡುತ್ತಿದ್ದೇವೆ.”
ಎರಾ – ಭವಿಷ್ಯದ ಪ್ರಯಾಣಕ್ಕೆ ಗಿಯರ್ ಹಾಕಿದ ನವೀನ ಮೋಟಾರ್ಬೈಕ್
ಈ ಹಬ್‌ನ ಕೇಂದ್ರ ಆಕರ್ಷಣೆ AERA 5000+, ಇದು ವಿಶ್ವದ ಮೊದಲ ಗಿಯರ್ ಹೊಂದಿದ ಎಲೆಕ್ಟ್ರಿಕ್ ಮೋಟಾರ್ಬೈಕ್ ಆಗಿದ್ದು, ಮ್ಯಾಟರ್‌ನ ಪ್ರಮುಖ ಆವಿಷ್ಕಾರವಾಗಿದೆ. ಹೈಪರ್‌ಶಿಫ್ಟ್ (HyperShift) ಎಂಬ 4-ಸ್ಪೀಡ್ ಮಾನ್ಯುಯಲ್ ಗಿಯರ್‌ಬಾಕ್ಸ್‌ನೊಂದಿಗೆ ಇದು ವಿದ್ಯುತ್ ಶಕ್ತಿಯ ದಕ್ಷತೆ ಮತ್ತು ಗಿಯರ್ ರೈಡಿಂಗ್‌ನ ರೋಮಾಂಚವನ್ನು ಒಂದೆಡೆ ತರಲಿದೆ.
ಹಬ್‌ನಲ್ಲಿ ಭೇಟಿ ನೀಡುವವರು “ಫಿಜಿಟಲ್” (phygital) ಅನುಭವ ಪಡೆಯುತ್ತಾರೆ – ಅಂದರೆ ಡಿಜಿಟಲ್ ತಂತ್ರಜ್ಞಾನ ಮತ್ತು ನೈಜ ಉತ್ಪನ್ನದ ಅನುಭವದ ಸಮನ್ವಯ. ಇಂಟರ್ಯಾಕ್ಟಿವ್ ಡಿಸ್ಪ್ಲೇಗಳು, ಟೆಸ್ಟ್ ರೈಡ್‌ಗಳು ಮತ್ತು ಪ್ರದರ್ಶನಗಳ ಮೂಲಕ ಜನರು ಮ್ಯಾಟರ್‌ನ ಇನ್-ಹೌಸ್ ತಂತ್ರಜ್ಞಾನ ಹಾಗೂ ನಗರ ಮೊಬಿಲಿಟಿಯ ಭವಿಷ್ಯವನ್ನು ರೂಪಿಸುತ್ತಿರುವ ನವೀನತೆಗಳನ್ನು ಅರಿತುಕೊಳ್ಳಬಹುದು.