ಪಟನಾ: ಬಿಹಾರದಲ್ಲಿ ಚುನಾವಣೆಯ (Bihar Election) ಕಾವು ದಿನದಿಂದ ದಿನಕ್ಕೆ ಏರುತ್ತಲೇ ಇದೆ. ಗುರುವಾರ ಚುನಾವಣಾ ಪೂರ್ವ ಘೋಷಣೆಯೊಂದರಲ್ಲಿ, ಆರ್‌ಜೆಡಿ ನಾಯಕ ತೇಜಸ್ವಿ ಯಾದವ್ (Tejashwi Yadav) ಅವರು ಮಹತ್ವದ ಘೋಷಣೆಯೊಂದನ್ನು ಮಾಡಿದ್ದಾರೆ. ತಮ್ಮ ಪಕ್ಷ ಅಧಿಕಾರಕ್ಕೆ ಬಂದರೆ ಬಿಹಾರದ ಪ್ರತಿಯೊಂದು ಮನೆಗೂ ಕನಿಷ್ಠ ಒಂದು ಸರ್ಕಾರಿ ಉದ್ಯೋಗ ದೊರೆಯಲಿದೆ ಎಂದು ಭರವಸೆ ನೀಡಿದ್ದಾರೆ. ತಮ್ಮ ಸರ್ಕಾರ ರಚನೆಯಾದ ತಕ್ಷಣ, 20 ತಿಂಗಳೊಳಗೆ, ಬಿಹಾರದಲ್ಲಿ ಸರ್ಕಾರಿ ಉದ್ಯೋಗವಿಲ್ಲದ ಯಾವುದೇ ಕುಟುಂಬ ಇರುವುದಿಲ್ಲ" ಎಂದು ತೇಜಸ್ವಿ ಬೆಂಬಲಿಗರನ್ನು ಉದ್ದೇಶಿಸಿ ಭರವಸೆ ನೀಡಿದರು.
ಅಧಿಕಾರ ವಹಿಸಿಕೊಂಡ ನಂತರ ತಮ್ಮ ಮೊದಲ ಕಾರ್ಯವೆಂದರೆ ಮೊದಲ ಸಂಪುಟ ಸಭೆಯಲ್ಲಿಯೇ ಪ್ರಸ್ತಾವನೆಗೆ ಸಹಿ ಹಾಕುವುದಾಗಿ ಅವರು ಹೇಳಿದರು. ಇದು ಪ್ರಮುಖ ಘೋಷಣೆಗಳ ಸರಣಿಯ ಆರಂಭ ಮಾತ್ರ ಎಂದು ಕರೆದ ತೇಜಸ್ವಿ, "ಇದು ಮೊದಲ ಘೋಷಣೆ, ಅಂತಿಮವಲ್ಲ. ಇನ್ನೂ ಹಲವು ಘೋಷಣೆಗಳು ಬರಲಿವೆ" ಎಂದು ಹೇಳಿದರು. ನಾವು ಇದನ್ನು ವೈಜ್ಞಾನಿಕವಾಗಿ ಅಧ್ಯಯನ ಮಾಡಿದ್ದೇವೆ ಮತ್ತು ನಮ್ಮ ಸಮೀಕ್ಷೆಯ ಆಧಾರದ ಮೇಲೆ ಅಂತಹ ಎಲ್ಲಾ ಕುಟುಂಬಗಳ ಡೇಟಾವನ್ನು ನಾವು ಹೊಂದಿದ್ದೇವೆ. ನಾವು ಸಾಧ್ಯವಾದಷ್ಟು ಮಾತ್ರ ಮಾಡುತ್ತಿದ್ದೇವೆ ಎಂಬುದು ನನ್ನ ಪ್ರತಿಜ್ಞೆ. ನಾವು ಯಾರಿಗೂ ಮೋಸ ಮಾಡುತ್ತಿಲ್ಲಎಂದು ತೇಜಸ್ವಿ ಮಾತನಾಡಿದರು.
ಈ ಘೋಷಣೆ ಮಾಡಿದ ಕೂಡಲೇ, ತೇಜಸ್ವಿ ಯಾದವ್ ಅವರು "ಆರ್ಥಿಕ ನ್ಯಾಯದ ಅಡಿಯಲ್ಲಿ, ನಾವು ಇಂದು ಐತಿಹಾಸಿಕ ಮತ್ತು ಪರಿವರ್ತನಾಶೀಲ ಘೋಷಣೆಯನ್ನು ಮಾಡಿದ್ದೇವೆ. ಸರ್ಕಾರಿ ಉದ್ಯೋಗವಿಲ್ಲದ ಬಿಹಾರದ ಪ್ರತಿಯೊಂದು ಕುಟುಂಬಕ್ಕೂ ಹೊಸ ಕಾಯ್ದೆಯ ಮೂಲಕ ಕಡ್ಡಾಯವಾಗಿ ಉದ್ಯೋಗ ಒದಗಿಸಲಾಗುವುದು" ಎಂದು X ನಲ್ಲಿ ಪೋಸ್ಟ್ ಮಾಡಿದ್ದಾರೆ. 2020 ರ ಚುನಾವಣಾ ಪ್ರಚಾರದಲ್ಲಿ 10 ಲಕ್ಷ ಉದ್ಯೋಗಗಳನ್ನು ಸೃಷ್ಟಿಸುವ ಭರವಸೆಯನ್ನು ಅವರು ನೆನಪಿಸಿಕೊಂಡರು ಮತ್ತು ಪ್ರಸ್ತುತ ಸರ್ಕಾರವು "20 ವರ್ಷಗಳ ಕಾಲ ಉದ್ಯೋಗಗಳನ್ನು ನೀಡುವ ಬಗ್ಗೆಯೂ ಯೋಚಿಸಲಿಲ್ಲ" ಆದರೆ "ತಮ್ಮ ಒತ್ತಡದ ಮೇರೆಗೆ ಬಿಹಾರದಲ್ಲಿ ಉದ್ಯೋಗಗಳನ್ನು ನೀಡಲಾಯಿತು ಎಂದು ಹೇಳಿದರು.
ಈ ಸುದ್ದಿಯನ್ನೂ ಓದಿ: Tejashwi Yadav: ರಾಜಕೀಯ ಜಂಟಾಟದ ನಡುವೆ ರಸ್ತೆ ಮಧ್ಯೆ ಸ್ಟೆಪ್‌ ಹಾಕಿದ ತೇಜಸ್ವಿ ಯಾದವ್; ರಾಜಕೀಯದ ಹೃತಿಕ್‌ ರೋಷನ್‌ ಎಂದ ಫ್ಯಾನ್ಸ್‌
ಎನ್‌ಡಿಎ ಸರ್ಕಾರ 20 ವರ್ಷಗಳಲ್ಲಿ ಯುವಕರಿಗೆ ಉದ್ಯೋಗ ನೀಡಲು ಸಾಧ್ಯವಾಗಲಿಲ್ಲ. ನಾವು ಅಧಿಕಾರಕ್ಕೆ ಬಂದ 20 ದಿನಗಳಲ್ಲಿ ಕಾಯ್ದೆಯನ್ನು ತರುತ್ತೇವೆ ಮತ್ತು 20 ತಿಂಗಳಲ್ಲಿ ಅನುಷ್ಠಾನವನ್ನು ಖಚಿತಪಡಿಸಿಕೊಳ್ಳುತ್ತೇವೆ. ಕಳೆದ ವಿಧಾನಸಭಾ ಚುನಾವಣೆಯಲ್ಲಿಯೂ ನಾನು ಸರ್ಕಾರಿ ಉದ್ಯೋಗಗಳ ಭರವಸೆ ನೀಡಿದ್ದೆ. ನಾನು ಅಧಿಕಾರದಲ್ಲಿದ್ದ ಅಲ್ಪಾವಧಿಯಲ್ಲಿ ಐದು ಲಕ್ಷ ಉದ್ಯೋಗಗಳನ್ನು ಒದಗಿಸಲಾಗಿತ್ತು. ನನಗೆ ಐದು ವರ್ಷಗಳ ಅವಧಿ ಸಿಕ್ಕಿದ್ದರೆ ಏನಾಗಬಹುದಿತ್ತು ಎಂದು ನೀವು ಊಹಿಸಬಹುದು ಎಂದರು.