ದುಲೀಪ್ ಟ್ರೋಫಿ; ವೇಳಾಪಟ್ಟಿ, ತಂಡಗಳು, ಟೂರ್ನಿ ಸ್ವರೂಪದ ಮಾಹಿತಿ ಇಲ್ಲಿದೆ

ನವದೆಹಲಿ: ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ತನ್ನ ಹೊಸ ದೇಶೀಯ ಋತುವನ್ನು ಆಗಸ್ಟ್ 28 ರಿಂದ ಆರಂಭವಾಗಲಿರುವ ದುಲೀಪ್ ಟ್ರೋಫಿಯೊಂದಿಗೆ(Duleep Trophy 2025-26) ಆರಂಭಿಸಲು ಸಜ್ಜಾಗಿದ್ದು, ಟೂರ್ನಿಯು ಮತ್ತೆ ಅಂತರ ವಲಯ ತಂಡಗಳ ಮಾದರಿಯಲ್ಲಿ ನಡೆಯಲಿದೆ. ಇದರೊಂದಿಗೆ ತನ್ನ ಹಳೆಯ ಸಾಂಪ್ರದಾಯಿಕ ಮಾದರಿಗೆ ಮರಳಲಿದೆ. 6 ವಲಯ ತಂಡಗಳು ಆಡಲಿವೆ.

ಕಳೆದ ವರ್ಷ(2024) ದುಲೀಪ್ ಟ್ರೋಫಿಯನ್ನು ಚಾಲೆಂಜರ್ ಟ್ರೋಫಿ ಮಾದರಿಯಲ್ಲಿ ನಡೆಸಲಾಗಿತ್ತು. ಆ ವರ್ಷದ ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿಯಲ್ಲಿ ಉತ್ತಮ ಪ್ರದರ್ಶನ ನೀಡಿದ ಆಟಗಾರರನ್ನು ಆಯ್ಕೆ ಮಾಡಿ ಎ, ಬಿ, ಸಿ ಮತ್ತು ಡಿ ತಂಡಗಳನ್ನಾಗಿ ರಚಿಸಲಾಗಿತ್ತು. ಈ ವರ್ಷ ಮತ್ತೆ ಹಳೆಯ ಮಾದರಿಗೆ ಮರಳಿದ್ದು ಉತ್ತರ, ದಕ್ಷಿಣ, ಪೂರ್ವ, ಪಶ್ಚಿಮ, ಕೇಂದ್ರ ಮತ್ತು ಈಶಾನ್ಯ ವಲಯ ತಂಡಗಳು ಆಡಲಿವೆ. 1961–62 ರಿಂದ 2014–15ರವರೆಗಿನ ಅವಧಿಯಲ್ಲಿ ದುಲೀಪ್ ಟ್ರೋಫಿ ಟೂರ್ನಿಯು ಅಂತರ ವಲಯ ಟೂರ್ನಿ ಮಾದರಿಯಲ್ಲಿ ನಡೆದಿತ್ತು. ಎಲ್ಲ ರಾಜ್ಯದವರಿಗೂ ಪ್ರಾತಿನಿಧ್ಯ ಸಿಗಬೇಕು ಎಂಬ ಉದ್ದೇಶದಿಂದ ವಲಯವಾರು ತಂಡಗಳ ಮಾದರಿಗೆ ಮರಳಲು ಬಿಸಿಸಿಐ ನಿರ್ಧರಿಸಿದೆ.

ಟೂರ್ನಿ ಮಾದರಿ

ಈ ಬಾರಿ ನಾಕೌಟ್‌ಗಳ ಮಾದರಿಯಲ್ಲಿ ಪಂದ್ಯಗಳು ನಡೆಯಲಿವೆ. ಪುನರಾಗಮನವನ್ನು ಸೂಚಿಸುತ್ತದೆ. ಹಿಂದಿನ ವಲಯ ಆವೃತ್ತಿಯ (2023) ಫೈನಲಿಸ್ಟ್‌ಗಳಾದ ದಕ್ಷಿಣ ವಲಯ ಮತ್ತು ಪಶ್ಚಿಮ ವಲಯ ನೇರವಾಗಿ ಸೆಮಿಫೈನಲ್‌ಗಳನ್ನು ಆಡುತ್ತವೆ. ಇತರ ನಾಲ್ಕು ತಂಡಗಳಾದ ಸೆಂಟ್ರಲ್, ಈಸ್ಟ್, ನಾರ್ತ್ ಮತ್ತು ನಾರ್ತ್‌ಈಸ್ಟ್ ಕ್ವಾರ್ಟರ್ ಫೈನಲ್ ಸುತ್ತಿನಲ್ಲಿ ಆಡುತ್ತವೆ. ಪಂದ್ಯಾವಳಿಯ ವೇಳಾಪಟ್ಟಿ, ತಂಡಗಳ ಆಟಗಾರ ಮಾಹಿತಿ ಇಲ್ಲಿದೆ. ಈಶಾನ್ಯ ವಲಯ ಇನ್ನಷ್ಟೇ ತನ್ನ ತಂಡವನ್ನು ಪ್ರಕಟಿಸಬೇಕಿದೆ.

ವೇಳಾಪಟ್ಟಿ

ಕ್ವಾರ್ಟರ್‌ಫೈನಲ್ 1: ಆಗಸ್ಟ್ 28-31, 2025: ಉತ್ತರ ವಲಯ vs ಪೂರ್ವ ವಲಯ

ಕ್ವಾರ್ಟರ್‌ಫೈನಲ್ 2: ಆಗಸ್ಟ್ 28-31, 2025: ಮಧ್ಯ ವಲಯ vs ಈಶಾನ್ಯ ವಲಯ

ಸೆಮಿಫೈನಲ್ 1: ಸೆಪ್ಟೆಂಬರ್ 4-7, 2025: ದಕ್ಷಿಣ ವಲಯ vs ವಿಜೇತ ಕ್ವಾ.ಫೈನಲ್‌ 1

ಸೆಮಿಫೈನಲ್ 2: ಸೆಪ್ಟೆಂಬರ್ 4-7, 2025: ಉತ್ತರ ವಲಯ vs ವಿಜೇತ ಕ್ವಾ.ಫೈನಲ್‌ 2

ಅಂತಿಮ: ಸೆಪ್ಟೆಂಬರ್ 11-15, 2025: ವಿಜೇತ ಸೆಮಿ 1 vs ವಿಜೇತ ಸೆಮಿ 2

ಉತ್ತರ ವಲಯ

ಶುಭಮನ್ ಗಿಲ್‌ (ನಾಯಕ), ಅಂಕಿತ್‌ ಕುಮಾರ್‌, ಶುಭಂ ಖಜುರಿಯಾ, ಆಯುಷ್‌ ಬಡೋನಿ, ಯಶ್‌ ಧುಲ್‌, ಅಂಕಿತ್ ಖಾಲ್ಸಿ, ನಿಶಾಂತ್ ಸಿಂಧು, ಸಾಹಿಲ್‌ ಲೋತ್ರಾ, ಮಯಂಕ್ ಡಾಗರ್‌, ಯುಧವೀರ್ ಸಿಂಗ್‌ ಚರಕ್‌, ಅರ್ಷದೀಪ್‌ ಸಿಂಗ್‌, ಹರ್ಷಿತ್‌ ರಾಣಾ, ಅನ್ಷುಲ್‌ ಕಾಂಭೋಜ್‌, ಅಖಿಬ್‌ ನಬಿ, ಕನ್ಹೈಯಾ ವಾಧ್ವಾನ್‌ (ವಿಕೆಟ್‌ ಕೀಪರ್‌).

ಪಶ್ಚಿಮ ವಲಯ

ಶಾರ್ದೂಲ್ ಠಾಕೂರ್ (ನಾಯಕ), ಯಶಸ್ವಿ ಜೈಸ್ವಾಲ್, ಶ್ರೇಯಸ್ ಅಯ್ಯರ್, ಶಮ್ಸ್‌ ಮುಲಾನಿ, ತನುಷ್ ಕೋಟ್ಯಾನ್, ತುಷಾರ್ ದೇಶಪಾಂಡೆ, ರ್ಯ ದೇಸಾಯಿ, ಜಯಮೀತ್ ಪಟೇಲ್, ಮನನ್ ಹಿಂಗರಜಿಯಾ, ಅರ್ಜನ್ ನಾಗವಾಸ್ವಾಲಾ, ಹಾರ್ವಿಕ್ ದೇಸಾಯಿ , ಧರ್ಮದರ್ಶಿನ್ ಜಡೇಜ (ವಿಕೆಟ್‌ಕೀಪರ್), ಋತುರಾಜ್ ಗಾಯಕವಾಡ , ಸೌರಭ್ ನವಲೆ.
ಮೀಸಲು ಆಟಗಾರರು: ಮಹೇಶ್ ಪಿತೀಯಾ, ಶಿವಾಲಿಕ್ ಶರ್ಮಾ, ಮುಕೇಶ್ ಚೌಧರಿ, ಸಿದ್ಧಾರ್ಥ್ ದೇಸಾಯಿ, ಚಿಂತನ್ ಗಜ, ಊರ್ವಿಲ್ ಪಟೇಲ್, ಮುಷೀರ್ ಖಾನ್.

ದಕ್ಷಿಣ ವಲಯ

ತಿಲಕ್ ವರ್ಮಾ (ನಾಯಕ), ಮೊಹಮ್ಮದ್ ಅಜರುದ್ದೀನ್ (ಉಪ ನಾಯಕ), ತನ್ಮಯ್ ಅಗರವಾಲ್, ದೇವದತ್ತ ಪಡಿಕ್ಕಲ್, ಮೋಹಿತ್ ಕಾಳೆ,ಸಲ್ಮಾನ್ ನಿಜಾರ್, ನಾರಾಯಣ್ ಜಗದೀಶನ್, ಟಿ.ವಿಜಯ್, ಆರ್. ಸಾಯಿ ಕಿಶೋರ್, ತನಯ್ ತ್ಯಾಗರಾಜನ್, ವೈಶಾಖ ವಿಜಯ್‌ಕುಮಾರ್, ಎಂ.ಡಿ. ನಿಧೀಶ್, ರಿಕಿ ಭುಯಿ, ಬಾಸಿಲ್ ಎನ್‌.ಪಿ, ಗುರ್ಜಪ್ನೀತ್ ಸಿಂಗ್, ಸ್ನೇಹಲ್ ಕೌತಂಕರ್.
ಮೀಸಲು ಆಟಗಾರರು: ಮೋಹಿತ್ ರೆಡ್ಕರ್, ಆರ್. ಸ್ಮರನ್, ಅಂಕಿತ್ ಶರ್ಮಾ, ಎಡೆನ್ ಆಪಲ್ ಟಾಮ್, ಆ್ಯಂಡ್ರೆ ಸಿದ್ದಾರ್ಥ್, ಶೇಖ್ ರಶೀದ್.

ಪೂರ್ವ ವಲಯ

ಇಶಾನ್ ಕಿಶನ್ (ನಾಯಕ), ಅಭಿಮನ್ಯು ಈಶ್ವರನ್ (ಉಪ ನಾಯಕ), ಸಂದೀಪ್ ಪಟ್ನಾಯಕ್, ವಿರಾಟ್ ಸಿಂಗ್, ಡ್ಯಾನಿಶ್ ದಾಸ್, ಶ್ರೀದಾಮ್ ಪಾಲ್, ಶರಣದೀಪ್ ಸಿಂಗ್, ಕುಮಾರ್ ಕುಶಾಗ್ರಾ, ರಿಯಾನ್ ಪರಾಗ್, ಉತ್ಕರ್ಷ್ ಸಿಂಗ್, ಮನಿಷಿ, ಸೂರಜ್ ಸಿಂಧು ಜೈಸ್ವಾಲ್, ಮುಖೇಶ್ ಕುಮಾರ್, ಆಕಾಶ್ ದೀಪ್, ಮೊಹಮ್ಮದ್ ಶಮಿ.
ಮೀಸಲು ಆಟಗಾರರು: ಮುಖ್ತಾರ್ ಹುಸೇನ್, ಆಸಿರ್ವಾದ್ ಸ್ವೈನ್, ವೈಭವ್ ಸೂರ್ಯವಂಶಿ, ಸ್ವಸ್ತಿಕ್ ಸಮಲ್, ಸುದೀಪ್ ಕುಮಾರ್ ಘರಾಮಿ, ರಾಹುಲ್ ಸಿಂಗ್.

ಕೇಂದ್ರ ವಲಯ

ಧ್ರುವ ಜುರೇಲ್(ನಾಯಕ), ರಜತ್ ಪಾಟಿದಾರ್, ಆರ್ಯನ್ ಜುಯಲ್, ಡ್ಯಾನಿಶ್ ಮಾಲೆವಾರ್, ಸಂಜೀತ್ ದೇಸಾಯಿ, ಕುಲದೀಪ್ ಯಾದವ್, ಆದಿತ್ಯ ಠಾಕರೆ, ದೀಪಕ್ ಚಾಹರ್, ಸರನ್ಶ್ ಜೈನ್, ಆಯುಷ್ ಪಾಂಡೆ, ಶುಭಂ ಶರ್ಮಾ, ಯಶ್ ರಾಥೋಡ್, ಹರ್ಷ್ ದುಬೆ, ಮಾನವ್ ಸುತಾರ್, ಖಲೀಲ್ ಅಹ್ಮದ್.
ಮೀಸಲು ಆಟಗಾರರು: ಮಾಧವ್ ಕೌಶಿಕ್, ಯಶ್ ಠಾಕೂರ್, ಯುವರಾಜ್ ಚೌಧರಿ, ಮಹಿಪಾಲ್ ಲೊಮ್ರೋರ್, ಕುಲದೀಪ್ ಸೇನ್, ಉಪೇಂದ್ರ ಯಾದವ್.

ಇದನ್ನೂ ಓದಿ 2025-26ರ ದೇಶೀಯ ಕ್ರಿಕೆಟ್‌ ವೇಳಾಪಟ್ಟಿ ಪ್ರಕಟ