ಬೆಂಗಳೂರು: 64ನೇ ಸುಬ್ರೋಟೋ ಕಪ್ ಸಬ್-ಜೂನಿಯರ್ ಹುಡುಗರ ವಿಭಾಗದ ಎರಡನೇ ದಿನ ಸಿಐಎಸ್‌ಸಿಇ ಹಾಗೂ ಪಶ್ಚಿಮ ಬಂಗಾಳ ತಂಡಗಳು ಏಕಪಕ್ಷೀಯ ಜಯ ಸಾಧಿಸಿದವು. ಮಿನರ್ವಾ ಪಬ್ಲಿಕ್ ಸ್ಕೂಲ್, ಸಿಐಎಸ್‌ಸಿಇ (CISCE) vs ತಾಶಿ ನಮ್ಗ್ಯಾಲ್ ಅಕಾಡೆಮಿ, ಐಪಿಎಸ್‌ಸಿ ದಿನದ ಮೊದಲ ಪಂದ್ಯದಲ್ಲಿ ಮಿನರ್ವಾ ಪಬ್ಲಿಕ್ ಸ್ಕೂಲ್ (CISCE) ಬಲಿಷ್ಠ ಆಟ ತೋರಿಸಿ, ತಾಶಿ ನಮ್ಗ್ಯಾಲ್ ಅಕಾಡೆಮಿ (IPSC) ತಂಡವನ್ನು 16-0 ಅಂತರದಿಂದ ಸೋಲಿಸಿತು. ಮಮೇಶ್ ಏಳು ಗೋಲುಗಳನ್ನು (1, 11, 16, 21, 24, 28, 39) ಬಾರಿಸಿ ಮುನ್ನಡೆ ಪಡೆದರೆ, ಮಹೇಶ್ (13, 14, 17, 20), ಆಕಾಶ್ (31, 50+1), ವಿಶ್ವರಾಜ್ (19) ಮತ್ತು ಬಿಕ್ಸನ್ (27’) ಪೈಪೋಟಿ ನೀಡಿದರು.
ಶ್ರೀ ಲೀಲಾನಂದ ಸೆಕೆಂಡರಿ ಸ್ಕೂಲ್ (ಜಾರ್ಖಂಡ್) ಹಾಗೂ ಇಂದಿರಾ ಮಾಡರ್ನ್ ಹೈ ಸ್ಕೂಲ್ (ಹರಿಯಾಣ) ನಡುವೆ ನಡೆದ ಪಂದ್ಯ 2-2 ಡ್ರಾನಲ್ಲಿ ಅಂತ್ಯವಾಯಿತು. ಜಾರ್ಖಂಡ್ ಪರ ಆಶಿಷ್ (11, 49) ಎರಡು ಗೋಲು ಗಳಿಸಿದರೆ, ಹರಿಯಾಣ ಪರ ಸುಖವಿಂದರ್ (35) ಹಾಗೂ ಆದಿತ್ಯ (45) ಗೋಲು ದಾಖಲಿಸಿದರು.
Asia Cup 2025: ಸಂಜು ಸ್ಯಾಮ್ಸನ್‌ಗೆ ಬ್ಯಾಟಿಂಗ್‌ ಕ್ರಮಾಂಕ ಸೂಚಿಸಿದ ಮೊಹಮ್ಮದ್‌ ಕೈಫ್‌!
ಮಧ್ಯಪ್ರದೇಶದ ರಿವರ್ ಸೈಡ್ ನ್ಯಾಚುರಲ್ ಸ್ಕೂಲ್, ಹಿಮಾಚಲ ಪ್ರದೇಶದ ಮಾದರ್ಸ್ ಪ್ರೈಡ್ ಪಬ್ಲಿಕ್ ಸ್ಕೂಲ್ ವಿರುದ್ಧ 1-2 ಅಂತರದಲ್ಲಿ ಸೋಲು ಅನುಭವಿಸಿತು. ಲೋಕೇಶ್ (32) ಮಧ್ಯಪ್ರದೇಶ ಪರ ಗೋಲು ಗಳಿಸಿದರೂ, ಸುಖಪ್ರೀತ್ (1’, 25+1’) ಅವರ ಡಬಲ್ ಗೋಲು ಹಿಮಾಚಲ ತಂಡಕ್ಕೆ ಜಯ ತಂದು ಕೊಟ್ಟಿತು.
ಪಶ್ಚಿಮ ಬಂಗಾಳದ ಮಾನಿಕಪಾರ ವಿವೇಕಾನಂದ ವಿದ್ಯಾಪೀಠ, ಜೆಎನ್‌ವಿ ಪಾಕುರ್-1 (NVS) ತಂಡವನ್ನು 14-0 ಅಂತರದಿಂದ ಸೋಲಿಸಿತು. ರಾಮಚಂದ್ರ (39), ಸಂಜೀವ ಮಂದೀ (6, 17, 22), ಅಭಿಜಿತ್ ಮಂದೀ (37’), ಸೌಮನ್ ಚಾಲಕ್ (20), ಸನು ಮಹತಾ (5), ಬುಧು ಮುರ್ಮು (2, 12), ಫಗುನ್ ಮುರ್ಮು (11, 27, 35, 50) ಹಾಗೂ ಮಹಾದೇವ ಮುರ್ಮು (31’) ಗೋಲು ಬಾರಿಸಿ ಪಶ್ಚಿಮ ಬಂಗಾಳಕ್ಕೆ ಭರ್ಜರಿ ಜಯ ತಂದುಕೊಟ್ಟರು.