ಒಟ್ಟಾವಾ: ಕೆನಡಾದಲ್ಲಿ ಖಲಿಸ್ತಾನಿ ಭಯೋತ್ಪಾದಕರಿಗೆ (Khalistan Terrorist) ಸಂಬಂಧಿಸಿದ ಭಯೋತ್ಪಾದಕ ಸಂಘಟನೆಗಳಿಗೆ ಹಣಕಾಸು ನೆರವು ದೊರೆಯುತ್ತಿರುವ ಕುರಿತು ಕೆನಡಾ ಸರ್ಕಾರ ಇದೇ ಮೊದಲ ಬಾರಿಗೆ ಬಾಯ್ಬಿಟ್ಟಿದೆ. ಕೆನಡಾದಲ್ಲಿ ಹಣ ವರ್ಗಾವಣೆ ಮತ್ತು ಭಯೋತ್ಪಾದಕ ಹಣಕಾಸು ಅಪಾಯಗಳ 2025 ರ ಮೌಲ್ಯಮಾಪನ ಎಂಬ ಶೀರ್ಷಿಕೆಯ ವರದಿಯು , ಬಬ್ಬರ್ ಖಾಲ್ಸಾ ಇಂಟರ್ನ್ಯಾಷನಲ್ ಮತ್ತು ಇಂಟರ್ನ್ಯಾಷನಲ್ ಸಿಖ್ ಯೂತ್ ಫೆಡರೇಶನ್ ಎಂಬ ಎರಡು ಗುಂಪುಗಳನ್ನು ಕೆನಡಾದಿಂದ ನಿಧಿಗಳನ್ನು ಪಡೆಯುತ್ತಿವೆ ಎಂದು ತಿಳಿಸಿದೆ.
ಇದು ಕೆನಡಾದಲ್ಲಿ ಹಣ ವರ್ಗಾವಣೆ ಮತ್ತು ಭಯೋತ್ಪಾದಕ ಹಣಕಾಸು ಅಪಾಯಗಳ ಕುರಿತು ಅದರ ಹಣಕಾಸು ಇಲಾಖೆಯಿಂದ ನಡೆಸಲಾಗುವ ಮೌಲ್ಯಮಾಪನದ ಭಾಗವಾಗಿದೆ. ಖಲಿಸ್ತಾನಿ ಗುಂಪುಗಳು "ಕೆನಡಾ ಸೇರಿದಂತೆ ಹಲವಾರು ದೇಶಗಳಲ್ಲಿ ಹಣವನ್ನು ಸಂಗ್ರಹಿಸುತ್ತಿವೆ ಎಂದು ಶಂಕಿಸಲಾಗಿದೆ" ಎಂದು ಅದು ಹೇಳಿದೆ. ರಾಜಕೀಯ ಪ್ರೇರಿತ ಹಿಂಸಾತ್ಮಕ ಉಗ್ರವಾದ (PMVE) ವರ್ಗದ ಅಡಿಯಲ್ಲಿ ಕೆನಡಾ ಮತ್ತು ಹಮಾಸ್ ಮತ್ತು ಹೆಜ್ಬೊಲ್ಲಾದಂತಹ ಇತರ ಪಟ್ಟಿ ಮಾಡಲಾದ ಭಯೋತ್ಪಾದಕ ಗುಂಪುಗಳ ನಡುವಿನ ಹಣಕಾಸಿನ ಸಂಪರ್ಕವನ್ನು ಈ ವರದಿಯು ಸೂಚಿಸಿದೆ. ಕೆನಡಾ ಇದೇ ಮೊದಲ ಬಾರಿಗೆ ಈ ಗುಂಪುಗಳು ಕೆನಡಾದ ನೆಲದಿಂದ ಕಾರ್ಯನಿರ್ವಹಿಸುತ್ತಿವೆ ಮತ್ತು ಹಣಕಾಸಿನ ನೆರವು ಪಡೆಯುತ್ತಿವೆ ಎಂದು ಒಪ್ಪಿಕೊಂಡಿದೆ.
ಪಂಜಾಬ್‌ನಲ್ಲಿ ಸ್ವತಂತ್ರ ರಾಜ್ಯವನ್ನು ಸ್ಥಾಪಿಸಲು ಹಿಂಸಾತ್ಮಕ ವಿಧಾನಗಳನ್ನು ಬೆಂಬಲಿಸುವ ಖಲಿಸ್ತಾನಿ ಉಗ್ರಗಾಮಿ ಗುಂಪುಗಳು ಕೆನಡಾ ಸೇರಿದಂತೆ ಹಲವಾರು ದೇಶಗಳಲ್ಲಿ ಹಣವನ್ನು ಸಂಗ್ರಹಿಸುತ್ತಿವೆ ಎಂದು ಶಂಕಿಸಲಾಗಿದೆ. ಹಣಕಾಸು ನೆರವು ಅಲ್ಲದೆ ಉಗ್ರಗಾಮಿ ಗುಂಪುಗಳು ಮಾದಕವಸ್ತು ಕಳ್ಳಸಾಗಣೆ ಮತ್ತು ವಾಹನ ಕಳ್ಳತನಕ್ಕೆ ದತ್ತಿ ನಿಧಿಗಳನ್ನು ಬಂಡವಾಳ ಮಾಡಿಕೊಳ್ಳುತ್ತಿವೆ ಎಂದು ವರದಿ ಹೇಳಿದ್ದು, ಕೆನಡಾ ಭಯೋತ್ಪಾದಕ ಹಣಕಾಸು ಕೇಂದ್ರವಾಗಿ ಉಳಿದಿದೆ ಎಂದು ವರದಿ ತಿಳಿಸಿದೆ. ಖಲಿಸ್ತಾನಿ ಭಯೋತ್ಪಾದಕರು ಲಾಭರಹಿತ ವಲಯದ ದುರುಪಯೋಗ ಮತ್ತು ವಲಸಿಗರಿಂದ ದೇಣಿಗೆ ಪಡೆಯುತ್ತಿರುವುದನ್ನು ಸಹ ವರದಿ ಸೂಚಿಸಿದೆ.
ಈ ಸುದ್ದಿಯನ್ನೂ ಓದಿ: Viral Video: ಕೆನಡಾದಲ್ಲಿ ಕಸ ಎಸೆದ ಭಾರತೀಯ ದಂಪತಿ; ಉಗಿದು ಉಪ್ಪಿನ ಕಾಯಿ ಹಾಕಿದ ಸ್ಥಳೀಯರು!
ಈ ಭಯೋತ್ಪಾದಕ ಗುಂಪುಗಳು "ತಮ್ಮ ಕಾರ್ಯಾಚರಣೆಗಳನ್ನು ಉಳಿಸಿಕೊಳ್ಳಲು ವೈವಿಧ್ಯಮಯ ಹಣಕಾಸು ವಿಧಾನಗಳನ್ನು ಬಳಸುತ್ತವೆ, ಇದರಲ್ಲಿ MSB ಮತ್ತು ಬ್ಯಾಂಕಿಂಗ್ ವಲಯಗಳ ದುರುಪಯೋಗ; ಕ್ರಿಪ್ಟೋಕರೆನ್ಸಿಗಳ ಬಳಕೆ; ರಾಜ್ಯ ಹಣಕಾಸು; ದತ್ತಿ ಮತ್ತು NPO ವಲಯದ ದುರುಪಯೋಗ; ಮತ್ತು ಅಪರಾಧ ಚಟುವಟಿಕೆ ಸೇರಿವೆ" ಎಂದು ವರದಿ ಹೇಳಿದೆ.