Singer Zubeen Garg: ಸ್ಕೂಬಾ ಡೈವಿಂಗ್‌ ಮಾಡುತ್ತಿರುವಾಗಲೇ ಬಾಲಿವುಡ್‌ನ ಖ್ಯಾತ ಗಾಯಕ ಸಾವು

ಕೌಲಾಲಂಪುರ: ಬಾಲಿವುಡ್‌ನ ಖ್ಯಾತ ಗಾಯಕ ಜುಬೀನ್ ಗಾರ್ಗ್ (Singer Zubeen Garg) ಸಿಂಗಾಪುರದಲ್ಲಿ ನಡೆದ ನಿಧನರಾಗಿದ್ದಾರೆ. 52 ವರ್ಷದವರಾದ ಇವರು ಈಶಾನ್ಯ ಭಾರತ ಉತ್ಸವಕ್ಕಾಗಿ ಸಿಂಗಾಪುರಕ್ಕೆ ತೆರಳಿದ್ದರು. ಈ ವೇಳೆ ಜುಬೀನ್ ಗಾರ್ಗ್ ಸ್ಕೂಬಾ ಡೈವಿಂಗ್‌ಗೆಂದು ತೆರಳಿದ್ದರು, ಆಗ ಅಪಘಾತ ಸಂಭವಿಸಿದೆ. ಅಸ್ಸಾಂ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಅಶೋಕ್ ಸಿಂಘಾಲ್ ಜುಬೀನ್ ಗಾರ್ಗ್ ಸಾವನ್ನು ದೃಢಪಡಿಸಿದರು. ಮ್ಮ ಪ್ರೀತಿಯ ಜುಬೀನ್ ಗಾರ್ಗ್ ಅವರ ಅಕಾಲಿಕ ನಿಧನದಿಂದ ತೀವ್ರ ದುಃಖವಾಗಿದೆ. ಅಸ್ಸಾಂ ಕೇವಲ ಒಂದು ಧ್ವನಿಯನ್ನು ಮಾತ್ರವಲ್ಲ, ಹೃದಯ ಬಡಿತವನ್ನೂ ಕಳೆದುಕೊಂಡಿದೆ" ಎಂದು ಸಿಂಘಾಲ್ ಬರೆದಿದ್ದಾರೆ.

ಗಾರ್ಗ್ ಅಸ್ಸಾಂನ ಅತ್ಯಂತ ಪ್ರಭಾವಶಾಲಿ ಸಂಗೀತ ಕಲಾವಿದರಾಗಿದ್ದರು, ಅವರು ತಮ್ಮ ಧ್ವನಿಯಿಂದ ಬಾಲಿವುಡ್‌ನಲ್ಲಿಯೂ ಹೆಸರನ್ನುಗಳಿಸಿದ್ದರು. ಭಾರತದ ಹೈಕಮಿಷನ್ ಆಯೋಜಿಸಿದ್ದ ಈಶಾನ್ಯ ಭಾರತ ಉತ್ಸವಕ್ಕಾಗಿ ಸಾಂಸ್ಕೃತಿಕ ಬ್ರಾಂಡ್ ರಾಯಭಾರಿಯಾಗಿ ಗಾರ್ಗ್‌ ತೆರಳಿದ್ದರು. ಸ್ಕೂಬಾ ಡೈವಿಂಗ್‌ಗೆ ಹೋಗಿದ್ದಾಗ ಅವರಿಗೆ ಉಸಿರಾಟದ ಸಮಸ್ಯೆಗಳು ಕಾಣಿಸಿಕೊಂಡಿವೆ. ಅವರೊಂದಿಗೆ ಇದ್ದ ಅಸ್ಸಾಂ ಅಸೋಸಿಯೇಷನ್ ​​ಸಿಂಗಾಪುರದ ಜನರು ಅವರನ್ನು ಆಸ್ಪತ್ರೆಗೆ ಸಾಗಿಸಿದರು, ಅಲ್ಲಿ ಅವರನ್ನು ಐಸಿಯುಗೆ ದಾಖಲಿಸಲಾಯಿತು. ಅವರು ಅಲ್ಲಿಯೇ ನಿಧನರಾದರು" ಎಂದು ಉತ್ಸವದ ಪ್ರಚಾರ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಅಸ್ಸಾಂ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ಅವರು ತಮ್ಮ ನಿಧನಕ್ಕೆ ಶೋಕ ವ್ಯಕ್ತಪಡಿಸಿದ್ದಾರೆ. "ಇಂದು ಅಸ್ಸಾಂ ತನ್ನ ನೆಚ್ಚಿನ ಪುತ್ರರಲ್ಲಿ ಒಬ್ಬನನ್ನು ಕಳೆದುಕೊಂಡಿತು. ಜುಬೀನ್ ಅಸ್ಸಾಂಗೆ ಏನನ್ನು ಬಯಸಿದ್ದರು ಎಂಬುದನ್ನು ವಿವರಿಸಲು ನನಗೆ ಪದಗಳೇ ಸಾಲುತ್ತಿಲ್ಲ. ಅವರು ತುಂಬಾ ಬೇಗನೆ ಹೊರಟು ಹೋಗಿದ್ದಾರೆ, ಇದು ಹೋಗಲು ಸೂಕ್ತ ವಯಸ್ಸಲ್ಲ" ಎಂದು ಅವರು ಬರೆದಿದ್ದಾರೆ.

ಈ ಸುದ್ದಿಯನ್ನೂ ಓದಿ: Robin Kaye: ಅಮೆರಿಕನ್‌ ಐಡಲ್ ರಿಯಾಲಿಟ್‌ ಶೋ ಖ್ಯಾತಿಯ ರಾಬಿನ್ ಕೇಯ್ ದಂಪತಿ ನಿಗೂಢ ಸಾವು-ಕೊಲೆ ಶಂಕೆ!

ನಮ್ಮ ಸಾಂಸ್ಕೃತಿಕ ಐಕಾನ್ ಜುಬೀನ್ ಗಾರ್ಗ್ ಅವರ ಅಕಾಲಿಕ ನಿಧನದಿಂದ ತೀವ್ರ ಆಘಾತ ಮತ್ತು ದುಃಖವಾಗಿದೆ. ಅವರ ಧ್ವನಿ, ಸಂಗೀತ ಮತ್ತು ಅದಮ್ಯ ಚೈತನ್ಯ ಅಸ್ಸಾಂ ಮತ್ತು ಅದರಾಚೆಗಿನ ಪೀಳಿಗೆಗೆ ಸ್ಫೂರ್ತಿ ನೀಡಿತು" ಎಂದು ಮಾಜಿ ರಾಜ್ಯಸಭಾ ಸಂಸದ ರಿಪುನ್ ಬೋರಾ ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.