ಪಟನಾ: ಬಿಹಾರದಲ್ಲಿ ಎರಡೂ ಹಂತದ ಚುನಾವಣೆ (Bihar Election Result 2025) ಮುಕ್ತಾಯಗೊಂಡಿದ್ದು, ನಾಳೆ ಫಲಿತಾಂಶ ಪ್ರಕಟಗೊಳ್ಳಲಿದೆ. ಎರಡೂ ಮೈತ್ರಿ ಬಣಗಳಿಗೆ ಪ್ರತಿಷ್ಠೆಯ ಕಣವಾಗಿದ್ದು, ನಿತೀಶ್ ಕುಮಾರ್ (Nitish Kumar) ನೇತೃತ್ವದ ಎನ್‌ಡಿಎ ಅಧಿಕಾರ ಹಿಡಿಯಬಹುದು ಎಂದು ಸಮೀಕ್ಷೆಗಳು ಹೇಳುತ್ತಿವೆ. ಮತ್ತೊಂದೆಡೆ ಆರ್‌ಜೆಡಿ ನೇತೃತ್ವದ ಬಣ ಹೊಸ ಇತಿಹಾಸ ಬರಿಯಲು ಪ್ರಯತ್ನ ನಡೆಸಿದೆ. ಬಿಜೆಪಿ, ಜೆಡಿ(ಯು) ಮತ್ತು ಎಲ್‌ಜೆಪಿ (ರಾಮ್ ವಿಲಾಸ್) ಒಳಗೊಂಡ ಎನ್‌ಡಿಎ ಮತ್ತೊಂದು ಅವಧಿಗೆ ಅಧಿಕಾರದ ಮೇಲೆ ಕಣ್ಣಿಟ್ಟಿದ್ದರೆ, ಆರ್‌ಜೆಡಿ, ಕಾಂಗ್ರೆಸ್ ಮತ್ತು ಎಡಪಕ್ಷಗಳನ್ನು ಪ್ರಮುಖ ಘಟಕಗಳಾಗಿ ಹೊಂದಿರುವ ವಿರೋಧ ಪಕ್ಷವಾದ ಇಂಡಿಯಾ ಬಣವು ಮುಂದಿನ ಸರ್ಕಾರವನ್ನು ರಚಿಸುವ ಆಶಯವನ್ನು ಹೊಂದಿದೆ.
ನಿತೀಶ್ vs ತೇಜಸ್ವಿ
ಎನ್‌ಡಿಎ ಅಧಿಕೃತವಾಗಿ ತನ್ನ ಮುಖ್ಯಮಂತ್ರಿ ಹುದ್ದೆಗೆ ಯಾರ ಹೆಸರನ್ನೂ ಸೂಚಿಸಿಲ್ಲ. ಆದರೆ, ಕೇಂದ್ರ ಗೃಹ ಸಚಿವ ಅಮಿತ್ ಶಾ ನಂತರ "ಬಿಹಾರದಲ್ಲಿ ಮುಖ್ಯಮಂತ್ರಿ ಹುದ್ದೆಗೆ ಯಾವುದೇ ಹುದ್ದೆ ಖಾಲಿ ಇಲ್ಲ" ಎಂದು ಪ್ರತಿಪಾದಿಸುವ ಮೂಲಕ ಈ ಸಸ್ಪೆನ್ಸ್‌ಗೆ ಅಂತ್ಯ ಹಾಡಿದ್ದರು. ಅಧಿಕಾರಕ್ಕೆ ಬಂದರೆ ನೀತೀಶ್‌ ಸಿಎಂ ಆಗುವುದು ಬಹುತೇಕ ಖಚಿತ. ಇನ್ನು ಮಹಾಘಟಬಂದನ್‌ ತೇಜಸ್ವಿ ಯಾದವ್ ಅವರನ್ನು ಮುಖ್ಯಮಂತ್ರಿ ಅಭ್ಯರ್ಥಿಯಾಗಿ ಮತ್ತು ವಿಐಪಿ ಮುಖ್ಯಸ್ಥ ಮುಖೇಶ್ ಸೈನಿ ಅವರನ್ನು ಉಪಮುಖ್ಯಮಂತ್ರಿ ಅಭ್ಯರ್ಥಿಯಾಗಿ ಘೋಷಿಸಿದೆ. ಬಿಹಾರದ ಯುವಜನರಲ್ಲಿ ತೇಜಸ್ವಿ ಯಾದವ್ ಗಣನೀಯ ಜನಪ್ರಿಯತೆಯನ್ನು ಹೊಂದಿದ್ದಾರೆ ಎಂದು ನಿರ್ಗಮನ ಸಮೀಕ್ಷೆಗಳು ಸೂಚಿಸಿವೆ, ಆದರೆ ನಿತೀಶ್ ಕುಮಾರ್ ಮಹಿಳಾ ಮತದಾರರಲ್ಲಿ ಬಲವಾದ ನೆಲೆಯನ್ನು ಉಳಿಸಿಕೊಂಡಿದ್ದಾರೆ.
ನಿರ್ಗಮನ ಸಮೀಕ್ಷೆ ಹೇಳಿದ್ದೇನು?
ಬಹುತೇಕ 100 % ಸಮೀಕ್ಷೆಗಳು NDA ಗೆ ಅನುಕೂಲಕರ ಗೆಲುವು ಸಿಗುತ್ತದೆ ಎಂದು ಭವಿಷ್ಯ ನುಡಿದಿವೆ , ಮಹಾಘಟಬಂಧನ್ ಎರಡನೇ ಸ್ಥಾನದಲ್ಲಿದೆ. ಬಹುಮತವು NDA ಗೆ 130–160 ಸ್ಥಾನಗಳು ಮತ್ತು ವಿರೋಧ ಮೈತ್ರಿಕೂಟಕ್ಕೆ 70–105 ಸ್ಥಾನಗಳ ನಡುವೆ ಭವಿಷ್ಯ ನುಡಿದಿದೆ. ಏಜೆನ್ಸಿಯ ಪ್ರಕಾರ, ಎನ್‌ಡಿಎ 121 ರಿಂದ 141 ಸ್ಥಾನಗಳನ್ನು ಗೆಲ್ಲುವ ಸಾಧ್ಯತೆ ಇದೆ, ಮಹಾಘಟಬಂಧನ್ 98 ರಿಂದ 118 ಸ್ಥಾನಗಳನ್ನು ಪಡೆಯುವ ಸಾಧ್ಯತೆ ಇದೆ. ಮಾಜಿ ರಾಜಕೀಯ ತಂತ್ರಜ್ಞ ಪ್ರಶಾಂತ್ ಕಿಶೋರ್ ಅವರ ಜನ್ ಸುರಾಜ್ ಪಕ್ಷ 0 ರಿಂದ 2 ಸ್ಥಾನಗಳನ್ನು ಪಡೆಯುವ ಸಾಧ್ಯತೆ ಇದೆ. ಆದಾಗ್ಯೂ, ವೋಟ್ ವೈಬ್ ಪ್ರಕಟಿಸಿದ ಅಭಿಪ್ರಾಯ ಸಂಗ್ರಹವು ಎನ್‌ಡಿಎ 125 ರಿಂದ 145 ಸ್ಥಾನಗಳನ್ನು ಗೆಲ್ಲುವ ನಿರೀಕ್ಷೆಯಿದೆ, ಆದರೆ ಮಹಾಘಟಬಂಧನ್ 95-115 ಕ್ಷೇತ್ರಗಳನ್ನು ಗೆಲ್ಲುವ ನಿರೀಕ್ಷೆಯಿದೆ. ಜನ್ ಸುರಾಜ್ ಪಕ್ಷಕ್ಕೆ 0-2 ಸ್ಥಾನಗಳನ್ನು ನೀಡಲಾಗಿದೆ.