Star Jewel Fashion 2026: ಶನಾಯ ಇಯರ್ ಕಫ್ ಮೇಲೆ ಜೆನ್ ಜಿ ಯುವತಿಯರ ಕಣ್ಣು
Shanaya Kapoor: ಶನಾಯ ಕಪೂರ್ ಧರಿಸಿದ್ಧ ಟ್ರೆಡಿಷನಲ್ ಲುಕ್ ನೀಡುವ ಇಯರ್ ಕಫ್ಗಳ ಮೇಲೆ ಸದ್ಯ ಜೆನ್ ಜಿ ಹುಡುಗಿಯರ ಕಣ್ಣು ಬಿದ್ದಿದೆ. ಮತ್ತೊಮ್ಮೆ ಜ್ಯುವೆಲ್ ಫ್ಯಾಷನ್ನಲ್ಲಿ ಟ್ರೆಂಡಿಯಾಗುವ ಮುನ್ಸೂಚನೆಯನ್ನು ನೀಡಿದೆ. ಈ ಕುರಿತ ಡಿಟೇಲ್ಸ್ ಇಲ್ಲಿದೆ.
ಬಾಲಿವುಡ್ ನಟಿ ಶನಾಯ ಕಪೂರ್ ಧರಿಸಿದ್ಧ ಟ್ರೆಡಿಷನಲ್ ಲುಕ್ ನೀಡುವ ಅತ್ಯಾಕರ್ಷಕ ಇಯರ್ ಕಫ್ಗಳ ಮೇಲೆ ಸದ್ಯ ಜೆನ್ ಜಿ ಹುಡುಗಿಯರ ಕಣ್ಣು ಬಿದ್ದಿದೆ.
ಶನಾಯ ಕಪೂರ್ ಇಯರ್ ಕಫ್
ಅಂಬಾನಿ ಮನೆಯ ಗಣೇಶೋತ್ಸವದಲ್ಲಿ ಪಾಲ್ಗೊಂಡಿದ್ದಾಗ ನಟಿ ಶನಾಯ ಕಂಪ್ಲೀಟ್ ಟ್ರೆಡಿಷನಲ್ ಲುಕ್ನಲ್ಲಿ ಕಾಣಿಸಿಕೊಂಡಿದ್ದರು. ಡಾರ್ಕ್ ಶೇಡ್ನ ಡಿಸೈನರ್ವೇರ್ನಲ್ಲಿ ಮಿನುಗಿದ್ದರು. ಆ ಡಿಸೈನರ್ವೇರ್ ಜತೆಗೆ ಟ್ರೆಡಿಷನಲ್ ಲುಕ್ ನೀಡುವ ಆಭರಣಗಳನ್ನು ಧರಿಸಿದ್ದರು. ಈ ಆಭರಣಗಳಲ್ಲಿ ಅವರು ಧರಿಸಿದ್ಧ ಟ್ರೆಡಿಷನಲ್ ಲುಕ್ ಹೊಂದಿದ್ದ, ಇಯರ್ ಕಫ್ ಮಾತ್ರ ಎಲ್ಲರ ಗಮನ ಸೆಳೆದಿತ್ತು.
ಫೆಸ್ಟೀವ್ ಸೀಸನ್ಗೆ ಹೇಳಿ ಮಾಡಿಸಿದ ಜ್ಯುವೆಲ್
ಈಗಾಗಲೇ ಜ್ಯುವೆಲ್ ಲಿಸ್ಟ್ನಲ್ಲಿ ತನ್ನದೇ ಆದ ಸ್ಥಾನ ಗಳಿಸಿರುವ ಇಯರ್ ಕಫ್, ಈ ಫೆಸ್ಟೀವ್ ಸೀಸನ್ನಲ್ಲಿ ಸಿನಿಮಾ ತಾರೆಯರ ಕಿವಿಯನ್ನು ಅಲಂಕರಿಸುವ ಮೂಲಕ ಮತ್ತೊಮ್ಮೆ ಕಾಣಿಸಿಕೊಂಡಿರುವುದು ಜ್ಯುವೆಲ್ ಫ್ಯಾಷನ್ನಲ್ಲಿ ಟ್ರೆಂಡಿಯಾಗುವ ಎಲ್ಲಾ ಮುನ್ಸೂಚನೆಯನ್ನು ನೀಡಿವೆ ಎಂಬುದು ಜ್ಯುವೆಲ್ ಡಿಸೈನರ್ಗಳ ಅಭಿಪ್ರಾಯ.
ಟ್ರೆಂಡಿಯಾಗಿರುವ ಇಯರ್ ಕಫ್ಗಳಿವು
ಇನ್ನು, ಶನಾಯ ಧರಿಸಿರುವ ವಿನ್ಯಾಸದ್ದು ಮಾತ್ರವಲ್ಲ, ಇದರೊಂದಿಗೆ ಆಂಟಿಕ್ ಡಿಸೈನ್ನವು, ವೆಸ್ಟೆರ್ನ್ ಡ್ರೆಸ್ಗಳಿಗೂ ಸೂಟ್ ಆಗುವಂತವು, ಟೆಂಪಲ್ ಡಿಸೈನ್ನವು, ಪರ್ಲ್, ಬೀಡ್ಸ್ ವಿನ್ಯಾಸದವು. ಕೆಂಪು ಸ್ಟೋನ್ಸ್ ಹಾಗೂ ಜಾಡಾವು ವಿನ್ಯಾಸದವು ಈ ಫೆಸ್ಟೀವ್ ಸೀಸನ್ನಲ್ಲಿ ಟ್ರೆಂಡ್ನಲ್ಲಿವೆ. ಆನ್ಲೈನ್ ಜ್ಯುವೆಲರಿ ಶಾಪ್ಗಳಲ್ಲೂ ದೊರಕುತ್ತಿವೆ ಎನ್ನುತ್ತಾರೆ ಜ್ಯುವೆಲ್ ಸ್ಟೈಲಿಸ್ಟ್ಗಳು.
ಮರು ಟ್ರೆಂಡ್ ಹುಟ್ಟುಹಾಕಲು ಶನಾಯ ಕಾರಣ
ಒಟ್ಟಾರೆ, ಶನಾಯ ಕಪೂರ್ ಧರಿಸಿದ್ಧ ಈ ಇಯರ್ ಕಫ್ ಜೆನ್ ಜಿ ಹುಡುಗಿಯರನ್ನು ಸೆಳೆಯುವುದರೊಂದಿಗೆ ಮರು ಟ್ರೆಂಡ್ ಆಗಲು ಕಾರಣವಾಗಿದೆ ಎನ್ನುತ್ತಾರೆ ಜ್ಯುವೆಲ್ ಫ್ಯಾಷನ್ ವಿಮರ್ಶಕರು.