Star Saree Fashion 2025: ಲಕ್ಷ್ಮಿ ಕೃಷ್ಣರ ಜೀನ್ಸ್ ಸೀರೆ ಉಟ್ಟ ನಟಿ ಅರ್ಚನಾ ಜೋಯಿಸ್‌
Actress Archana Jois: ಸೆಲೆಬ್ರೆಟಿ ಡಿಸೈನರ್‌ ಲಕ್ಷ್ಮಿ ಕೃಷ್ಣ ಅವರು ಡಿಸೈನ್‌ ಮಾಡಿರುವ ಜೀನ್ಸ್ ಸೀರೆಯನ್ನು ಕೆಜಿಎಫ್‌ ಅಮ್ಮ ಎಂದೇ ಖ್ಯಾತಿ ಗಳಿಸಿರುವ ನಟಿ ಅರ್ಚನಾ ಜೋಯಿಸ್‌ ಉಟ್ಟಿದ್ದು, ಇಂಡೋ-ವೆಸ್ಟರ್ನ್‌ ಲುಕ್‌ನಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ಕುರಿತಂತೆ ಖುದ್ದು ಡಿಸೈನರ್‌ ವಿವರಿಸಿದ್ದಾರೆ.
ಕೆಜಿಎಫ್‌ನಲ್ಲಿ ಯಶ್‌ಗೆ ಅಮ್ಮನಾಗಿ ಕಾಣಿಸಿಕೊಂಡಿದ್ದ ಅರ್ಚನಾ ಜೋಯಿಸ್‌ ಇದೀಗ ಇಂಡೋ-ವೆಸ್ಟರ್ನ್‌ ಲುಕ್‌ ನೀಡುವ ಜೀನ್ಸ್ ಸೀರೆಯಲ್ಲಿ ಡಿಫರೆಂಟಾಗಿ ಕಾಣಿಸಿಕೊಂಡಿದ್ದಾರೆ.
ಡಿಸೈನರ್‌ ಲಕ್ಷ್ಮಿಕೃಷ್ಣ ಡಿಸೈನ್‌ನ ಜೀನ್ಸ್ ಸೀರೆ
ಹೌದು, ಸೆಲೆಬ್ರೆಟಿ ಡಿಸೈನರ್‌ ಲಕ್ಷ್ಮಿ ಕೃಷ್ಣ ಅವರು ಡಿಸೈನ್‌ ಮಾಡಿರುವ ಈ ಜೀನ್ಸ್ ಸೀರೆ, ಸದ್ಯ ನಟಿ ಅರ್ಚನಾ ಜೋಯಿಸ್‌ ಅವರಿಗೆ ಡಿಫರೆಂಟ್‌ ಲುಕ್‌ ನೀಡಿದೆ.
ಕಸ್ಟಮೈಸ್ಡ್ ಜೀನ್ಸ್ ಸೀರೆ
ಅಂದಹಾಗೆ, ಅರ್ಚನಾ ಜೋಯಿಸ್‌ ಉಟ್ಟಿರುವ ಈ ಸೀರೆ ಕಂಪ್ಲೀಟ್‌ ರಿಯಲ್‌ ಜೀನ್ಸ್‌ನಲ್ಲಿ ರೆಡಿ ಮಾಡಲಾಗಿದೆ. ಪ್ರಿಂಟೆಡ್‌ ಜೀನ್ಸ್‌ನ ಈ ಸೀರೆಗೆ ಡೆನಿಮ್‌ ಕಾರ್ಸೆಟ್‌ ಹಾಗೂ ಅದರ ಫಂಕಿ ಕ್ಲಿಪಾನ್ಸ್ ಬಳಸಲಾಗಿದೆ. ಇನ್ನು, ನೆಕ್ಲೇಸ್‌ ಜಾಗದಲ್ಲಿ ಧರಿಸಿರುವ ಕಾಲರ್‌ ನೆಕ್‌ಪೀಸ್‌ ಫಂಕಿ ಲುಕ್‌ ಕಲ್ಪಿಸಿದೆ. ತುಟಿಗೆ ಹಚ್ಚಿರುವ ವೈಬ್ರೆಂಟ್‌ ಪಾಪಪ್‌ ಲಿಪ್‌ ಶೇಡ್‌ ಇಡೀ ಲುಕ್ಕನ್ನು ಎದ್ದು ಕಾಣುವಂತೆ ಮಾಡಿದೆ. ಹನ್‌ ಹೇರ್‌ಸ್ಟೈಲ್‌ ಹಾಗೂ ಮೇಕೋವರ್‌ ಅರ್ಚನಾ ಅವರ ಕಂಪ್ಲೀಟ್‌ ಇಮೇಜನ್ನು ಭಿನ್ನವಾಗಿಸಿದೆ ಎನ್ನುತ್ತಾರೆ ಡಿಸೈನರ್‌ ಲಕ್ಷ್ಮಿ ಕೃಷ್ಣ.
ಕೆಜಿಎಫ್‌ ಅಮ್ಮ ಅರ್ಚನಾ ಜೋಯಿಸ್‌ಗೆ ನ್ಯೂ ಲುಕ್‌
ಅಷ್ಟು ಮಾತ್ರವಲ್ಲ, ಇದುವರೆಗೂ ಅರ್ಚನಾ ಅವರಿಗಿದ್ದ ಇಮೇಜ್‌ ಕೂಡ ಬದಲಿಸಿದೆ. ಸೂಪರ್‌ ಮಾಡೆಲ್‌ ಲುಕ್‌ ನೀಡಿದೆ. ಇದು ಉತ್ತಮ ಬೆಳವಣಿಗೆ ಎನ್ನುತ್ತಾರೆ ಫ್ಯಾಷನ್ ವಿಮರ್ಶಕರು.
ಸೆಲೆಬ್ರೆಟಿ ಡಿಸೈನರ್‌ ಲಕ್ಷ್ಮಿ ಕೃಷ್ಣ ಅವರು ಡಿಸೈನ್‌ ಮಾಡಿರುವ ಜೀನ್ಸ್ ಸೀರೆಯಲ್ಲಿ ನಟಿ ಅರ್ಚನಾ ಜೋಯಿಸ್‌ ಡಿಫರೆಂಟಾಗಿ ಕಾಣಿಸಿಕೊಂಡಿದ್ದಾರೆ.