IPL Tickets: ಐಪಿಎಲ್ ಅಭಿಮಾನಿಗಳಿಗೆ ಶಾಕ್‌; ಟಿಕೆಟ್ ಬೆಲೆ ಹೆಚ್ಚಳ!

ನವದೆಹಲಿ: ಕೇಂದ್ರ ಸರ್ಕಾರವು ಪ್ರೀಮಿಯಂ ಕ್ರೀಡಾಕೂಟಗಳ ಮೇಲಿನ ಜಿಎಸ್‌ಟಿಯನ್ನು(GST Reforms) ಶೇಕಡಾ 28 ರಿಂದ 40 ಕ್ಕೆ ಹೆಚ್ಚಿಸಲು ನಿರ್ಧರಿಸಿದ ಕಾರಣದಿಂದ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಟಿಕೆಟ್‌ಗಳು(IPL Tickets) ಹೆಚ್ಚು ದುಬಾರಿಯಾಗಲಿವೆ. ಜಿಎಸ್‌ಟಿಯಲ್ಲಿನ ತೀವ್ರ ಏರಿಕೆಯಿಂದಾಗಿ ಐಪಿಎಲ್ ಟಿಕೆಟ್‌ಗಳು ಈಗ ಕ್ಯಾಸಿನೊಗಳು ಮತ್ತು ಐಷಾರಾಮಿ ವಸ್ತುಗಳ ಜತೆಗೆ ಅತ್ಯಧಿಕ ತೆರಿಗೆ ವ್ಯಾಪ್ತಿಯಲ್ಲಿ ಬರಲಿವೆ.

ಹಿಂದೆ, ಐಪಿಎಲ್ ಟಿಕೆಟ್‌ನ ಬೆಲೆ 1,000 ರೂ. ಆಗಿದ್ದರೆ, ಅಭಿಮಾನಿಗಳು ಜಿಎಸ್‌ಟಿಯೊಂದಿಗೆ 1,280 ರೂ. ಪಾವತಿಸಬೇಕಾಗಿತ್ತು. ಹೊಸ ತೆರಿಗೆ ಪದ್ಧತಿಯ ಪ್ರಕಾರ 1,000 ರೂ. ಟಿಕೆಟ್‌ಗೆ 1400 ರೂ. ನೀಡಬೇಕಾಗುತ್ತದೆ. ಅಂದರೆ 120 ರೂ. ಏರಿಕೆಯಾಗಿದೆ. ಜಿಎಸ್‌ಟಿ ಹೆಚ್ಚಳವು ಕ್ಯಾಸಿನೊಗಳು, ರೇಸ್ ಕ್ಲಬ್‌ಗಳು, ಕ್ಯಾಸಿನೊಗಳು ಅಥವಾ ರೇಸ್ ಕ್ಲಬ್‌ಗಳನ್ನು ಹೊಂದಿರುವ ಯಾವುದೇ ಸ್ಥಳ ಅಥವಾ ಐಪಿಎಲ್‌ನಂತಹ ಕ್ರೀಡಾಕೂಟಗಳಿಗೆ ಪ್ರವೇಶಕ್ಕೆ ಅನ್ವಯಿಸುತ್ತದೆ.

ಆದಾಗ್ಯೂ, ಅಧಿಕೃತ ಹೇಳಿಕೆಯಲ್ಲಿ ಐಪಿಎಲ್ ಬಗ್ಗೆ ನಿರ್ದಿಷ್ಟವಾಗಿ ಉಲ್ಲೇಖಿಸಿರುವುದರಿಂದ ನಿಯಮಿತ ಕ್ರಿಕೆಟ್ ಪಂದ್ಯಗಳು ಶೇಕಡಾ 18 ರಷ್ಟು ಜಿಎಸ್‌ಟಿಯನ್ನು ಆಕರ್ಷಿಸುವ ಸಾಧ್ಯತೆಯಿದೆ. ಕ್ರೀಡಾಂಗಣ ಶುಲ್ಕಗಳು ಮತ್ತು ಆನ್‌ಲೈನ್ ಬುಕಿಂಗ್ ಶುಲ್ಕಗಳನ್ನು ಪರಿಗಣಿಸಿದರೆ ಐಪಿಎಲ್ ಟಿಕೆಟ್‌ಗಳ ಬೆಲೆಗಳು ಇನ್ನಷ್ಟು ಹೆಚ್ಚಾಗುತ್ತವೆ.

ಸರ್ಕಾರವು ಐಪಿಎಲ್ ಬಗ್ಗೆ ನಿರ್ದಿಷ್ಟವಾಗಿ ಉಲ್ಲೇಖಿಸಿದ್ದರೂ, ಜಿಎಸ್‌ಟಿಯಲ್ಲಿನ ಅದೇ ಬದಲಾವಣೆ ಪ್ರೊ ಕಬಡ್ಡಿ ಲೀಗ್ (ಪಿಕೆಎಲ್) ಮತ್ತು ಇಂಡಿಯನ್ ಸೂಪರ್ ಲೀಗ್ (ಐಎಸ್‌ಎಲ್) ನಂತಹ ಸ್ಪರ್ಧೆಗಳಿಗೂ ಅನ್ವಯವಾಗುತ್ತದೆಯೇ ಎಂದು ಕಾದು ನೋಡಬೇಕಾಗಿದೆ.

ಜಿಎಸ್ಟಿ ಹೆಚ್ಚಳವು ವಿವಿಧ ಟಿಕೆಟ್ ಬೆಲೆಗಳ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ?

500 ರೂಪಾಯಿ ಟಿಕೆಟ್: 700 ರೂಪಾಯಿ (640 ರೂಪಾಯಿಗಳಿಂದ ಏರಿಕೆ)

1,000 ರೂಪಾಯಿ ಟಿಕೆಟ್: 1,400 ರೂಪಾಯಿ (1,280 ರೂಪಾಯಿಗಳಿಂದ ಏರಿಕೆ)

2,000 ರೂಪಾಯಿ ಟಿಕೆಟ್: 2,800 ರೂಪಾಯಿ (2,560 ರೂಪಾಯಿಗಳಿಂದ ಏರಿಕೆ)

ಭಾರತದ ಉತ್ಪನ್ನಗಳ ಮೇಲೆ ಅಮೆರಿಕ ದುಬಾರಿ ತೆರಿಗೆ ಹೇರಿರುವ ಹಿನ್ನೆಲೆಯಲ್ಲಿ ರಫ್ತು ವಲಯ ಸಂಕಷ್ಟಕ್ಕೀಡಾಗಿದೆ. ಹೀಗಾಗಿ ದೇಶೀಯವಾಗಿ ಉತ್ಪನ್ನಗಳಿಗೆ ಬೇಡಿಕೆ ಸೃಷ್ಟಿಸಲು ಜಿಎಸ್‌ಟಿ ಕಡಿತಗೊಳಿಸುವ ತೀರ್ಮಾನವನ್ನು ಕೈಗೊಂಡಿದ್ದು, ಇದು ಮಧ್ಯಮವರ್ಗಕ್ಕೆ ಬಂಪರ್‌ ಕೊಡುಗೆಯಾಗಿದೆ.