ಮುಂಬಯಿ: ವಿಶ್ವದ ಶ್ರೀಮಂತ ಟಿ20 ಕ್ರಿಕೆಟ್ ಟೂರ್ನಿ ಎನಿಸಿದ ಇಂಡಿಯನ್ ಪ್ರೀಮಿಯರ್ ಲೀಗ್ನ (IPL) ಬ್ರ್ಯಾಂಡ್ ಮೌಲ್ಯ ಭಾರೀ ಕುಸಿತ(IPL's valuation drop) ಕಂಡಿದೆ. ಮಾಧ್ಯಮ ಹಕ್ಕುಗಳ ಬಲವರ್ಧನೆ ಮತ್ತು ಆನ್‌ಲೈನ್‌ ಗೇಮಿಂಗ್ ಜಾಹೀರಾತುಗಳ ನಿಷೇಧ ಕುಸಿತಕ್ಕೆ ಕಾರಣ ಎಂದು ತಿಳಿದುಬಂದಿದೆ. 2024 ರಲ್ಲಿ ₹ 82,700 ಕೋಟಿಗೆ ಹೋಲಿಸಿದರೆ 2025 ರಲ್ಲಿ ಐಪಿಎಲ್ ಮೌಲ್ಯವು ಶೇಕಡಾ 8 ರಷ್ಟು ಕುಸಿದಿದೆ. ಸದ್ಯ ₹76,100 ಕೋಟಿಗೆ ತಲುಪಿದೆ.
ಸಲಹಾ ಸಂಸ್ಥೆ ಡಿ & ಪಿ ಅಡ್ವೈಸರಿ ವರದಿಯ ಪ್ರಕಾರ, ಐಪಿಎಲ್‌ನ ಮೌಲ್ಯಮಾಪನವು 2025 ರಲ್ಲಿ ₹ 76,100 ಕೋಟಿ (ಸರಿಸುಮಾರು US $ 8.7 ಬಿಲಿಯನ್) ಕ್ಕೆ ಇಳಿದಿದೆ. 2023 ರಲ್ಲಿ ₹ 92,500 ಕೋಟಿ ಇತ್ತು. 2024ರ ವೇಳೆಗೆ 82,700 ಕೋಟಿಗೆ ಇಳಿದಿತ್ತು. ಮುಂದಿನ ವರ್ಷ ಮತ್ತಷ್ಟು ಇಳಿಕೆ ಕಾಣುವ ಸಾಧ್ಯತೆ ಇದೆ ಎಂದು ಡಿ & ಪಿ ಅಡ್ವೈಸರಿ ತನ್ನ ವರದಿಯಲ್ಲಿ ತಿಳಿಸಿದೆ.
ಆದಾಗ್ಯೂ, ಐಪಿಎಲ್‌ನ ವೀಕ್ಷಕರ ಸಂಖ್ಯೆ ಬಲಿಷ್ಠವಾಗಿವೆ. ಮತ್ತು ಆಟೋಮೊಬೈಲ್, ಬ್ಯಾಂಕಿಂಗ್, ಹಣಕಾಸು ಮತ್ತು ವಿಮಾ ಸೇವೆಗಳು (ಬಿಎಫ್‌ಎಸ್‌ಐ), ಆರೋಗ್ಯ ರಕ್ಷಣೆ ಮತ್ತು ಗ್ರಾಹಕ ತಂತ್ರಜ್ಞಾನ ಬ್ರ್ಯಾಂಡ್‌ಗಳಂತಹ ಹೆಚ್ಚು ಸ್ಥಿರವಾದ ವಿಭಾಗಗಳನ್ನು ಫ್ರಾಂಚೈಸಿಗಳು ತಮ್ಮ ಪ್ರಾಯೋಜಕರಾಗಿ ಹೊಂದಿವೆ ಎಂದು ವರದಿ ಹೇಳಿದೆ.
ಐಪಿಎಲ್‌ನ ಸ್ಟ್ರೀಮಿಂಗ್ ಮತ್ತು ಪ್ರಸಾರ ಹಕ್ಕುಗಳನ್ನು ಹೊಂದಿದ್ದ ಜಿಯೋಸ್ಟಾರ್, ಲೀಗ್ನ 18 ನೇ ಸೀಸನ್ ಭಾರತದಲ್ಲಿ ಇದುವರೆಗೆ ಹೆಚ್ಚು ಹಣ ಗಳಿಸಿದ ಕ್ರೀಡಾಕೂಟಗಳಲ್ಲಿ ಒಂದಾಗಿದೆ ಎಂದು ಹೇಳಿದೆ. ಈ ವರ್ಷ ಐಪಿಎಲ್‌ನಲ್ಲಿ ತನ್ನ ಜಾಹೀರಾತು ಆದಾಯದ ಮೂಲಕ ಜಿಯೋಸ್ಟಾರ್ ಸುಮಾರು ₹4,500 ಕೋಟಿ ಗಳಿಸಿದೆ ಎಂದು ಹೇಳಲಾಗಿದೆ.
ಇದನ್ನೂ ಓದಿ IPL 2026 Auction: ಡಿಸೆಂಬರ್ 15ರಂದು ಐಪಿಎಲ್ ಮಿನಿ ಹರಾಜು ಸಾಧ್ಯತೆ
"ಐಪಿಎಲ್‌ನ ವಾಣಿಜ್ಯ ಇತಿಹಾಸದಲ್ಲಿ ಮೊದಲ ನಿರಂತರ ಕುಸಿತವನ್ನು ಸೃಷ್ಟಿಸಿದೆ. ಕೇವಲ ಎರಡು ವರ್ಷಗಳಲ್ಲಿ ವ್ಯವಸ್ಥೆಯ ಮೌಲ್ಯಮಾಪನವನ್ನು ಸುಮಾರು ₹16,400 ಕೋಟಿ ಅಥವಾ $2.4 ಬಿಲಿಯನ್‌ಗಳಷ್ಟು ಕಡಿಮೆ ಮಾಡಿದೆ" ಎಂದು ವರದಿ ಹೇಳಿದೆ. ಆರ್‌ಎಂಜಿ ವಿಭಾಗವು ಲೀಗ್, ಫ್ರಾಂಚೈಸಿ ಮತ್ತು ಪ್ರಸಾರಕ ವ್ಯವಹಾರಗಳಲ್ಲಿ ವಾರ್ಷಿಕವಾಗಿ ₹1,500 ರಿಂದ ₹2,000 ಕೋಟಿ ಕೊಡುಗೆ ನೀಡುತ್ತಿತ್ತು ಎಂದು ಹೇಳಿದೆ.