Vishweshwar Bhat Column: ಜಪಾನಿನ ಸಮೂಹ ಪ್ರಜ್ಞೆ

ಸಂಪಾದಕರ ಸದ್ಯಶೋಧನೆ

ವಿಭಿನ್ನ ಮತ್ತು ವಿಶೇಷ ಸಂಸ್ಕೃತಿ ಹೊಂದಿರುವ ದೇಶ ಜಪಾನ್. ಅಲ್ಲಿನ ಸಂಸ್ಕೃತಿಯ ಅನನ್ಯತೆಯನ್ನು ಅಮೆರಿಕ ಅಥವಾ ಭಾರತದೊಂದಿಗೆ ಹೋಲಿಸಿದರೆ ಬೇರೆಯ ರೀತಿಯ ಕಾಣಿಸುತ್ತದೆ. ಜಪಾನ್‌ಗೆ ಭೇಟಿ ನೀಡಿದವರಿಗೆ ಕೆಲವು ಆಶ್ಚರ್ಯಕಾರಿ ಸಂಸ್ಕೃತಿಯ ಆಘಾತ ಗಳು (cultural shocks) ಉಂಟಾಗುವುದರಲ್ಲಿ ಸಂದೇಹವಿಲ್ಲ.

ಅಮೆರಿಕ ಅತ್ಯಂತ ಸ್ವಚ್ಛ ದೇಶ. ಹೀಗಿರುವಾಗ ಅಮೆರಿಕನ್ನರಿಗೂ ಜಪಾನಿನ ಸ್ವಚ್ಛತೆ ಅಚ್ಚರಿಯಾಗಿ ಕಾಣುವುದಂತೆ. ಏಷ್ಯಾದ ದೇಶಗಳ ಪೈಕಿ ಜಪಾನ್ ಸಮಯಪಾಲನೆಯಲ್ಲಿ ಅತಿಯೆನಿಸುವಷ್ಟು ಕಟ್ಟುನಿಟ್ಟು. ನೀವು ಜಪಾನಿಯರನ್ನು ಊಟಕ್ಕೆ ಕರೆದರೆ ಕನಿಷ್ಠ ಹತ್ತು ನಿಮಿಷ ಮೊದಲೇ ಆಗಮಿಸಿರುತ್ತಾರೆ.

ಮನೆಯ, ಆಫೀಸಿನ ಮಾಡಬೇಕಾದ ಕೆಲಸವನ್ನು ಬೇಗನೆ ಆಗಮಿಸಿ ಮಾಡುತ್ತಾರೆ. ಅವರ ದೃಷ್ಟಿಯಲ್ಲಿ ಸಮಯಪಾಲನೆ ಅಂದರೆ ಮತ್ತೊಬ್ಬರಿಗೆ ನೀಡುವ ಗರಿಷ್ಠ ಗೌರವ. ಅಪ್ಪಿತಪ್ಪಿ ತಡವಾದರೆ, ಅವರು ತೀವ್ರ ಚಡಪಡಿಸಿ ವೇದನೆಪಡುತ್ತಾರೆ. ಆಗಬಾರದ ಅನಾಹುತ ಆದವರಂತೆ ವರ್ತಿಸುತ್ತಾರೆ.

ಇದನ್ನೂ ಓದಿ: Vishweshwar Bhat Column: ವಿಮಾನದಲ್ಲಿ ಸುರಕ್ಷತಾ ಪ್ರದರ್ಶನ

ಆಫೀಸಿನಲ್ಲಿ ಕೆಲಸ ಮುಗಿಸಿ ಹೋಗುವಾಗ ಕನಿಷ್ಠ ಐದು ನಿಮಿಷವಾದರೂ ತಡವಾಗಿ ನಿರ್ಗಮಿಸುತ್ತಾರೆ. ಸಮಯಪಾಲನೆ ಜಪಾನೀಯರ ರಕ್ತಗುಣ. ತಡವಾಗಿ ಆಗಮಿಸಿದಾಗ ಅವರು ಕುಂಟುನೆಪ ಹೇಳುವುದಿಲ್ಲ. ತಮ್ಮಿಂದ ಪರಮ ಅಪರಾಧವಾಗಿದೆ ಎಂದು ಧಾರಾಳ ವಾಗಿ ಕ್ಷಮೆಯಾಚಿಸುತ್ತಾರೆ. ಜಪಾನಿಯರು ಸಮಯದ ಕಾಳಜಿಗೆ ತುಂಬಾ ಮಹತ್ವ ನೀಡು ತ್ತಾರೆ.

ರೈಲುಗಳು ಹೆಚ್ಚಾಗಿ ಸೆಕುಂಡುಗಳಲ್ಲಷ್ಟೇ ತಡವಾಗಬಹುದು. ಪ್ರಯಾಣಿಕರು ಸರಿಯಾದ ಸಮಯಕ್ಕಿಂತ ಮೊದಲೇ ಆಗಮಿಸುವುದು ಸಂಪ್ರದಾಯ. ಆದರೆ ನೀವು ಗಡಿಬಿಡಿ ಯಲ್ಲಿದ್ದರೆ ಅಥವಾ ತಡವಾಗಿ ಆಗಮಿಸಿದರೆ ಅದನ್ನು ಹೀನಾಯವಾಗಿ ನೋಡಬಹುದು. ಜಪಾನ್‌ನಲ್ಲಿ ಜನರು ಅತ್ಯಂತ ಆದರದಿಂದ ಮಾತನಾಡುವುದನ್ನು ಗಮನಿಸಬಹುದು.

ಜಗಳ, ವಾಗ್ವಾದವನ್ನು ಕೇಳುವುದು ಅಪರೂಪ. ಅರಿಗಾತೋ (ಧನ್ಯವಾದಗಳು), ಸುಮಿ ಮಾಸೆನ್ (ಕ್ಷಮಿಸಿ) ಅಂಥ ಪದಗಳನ್ನು ಪದೇ ಪದೆ ಬಳಕೆ ಮಾಡುವುದನ್ನು ಗಮನಿಸ ಬಹುದು. ಶೀರ್ಷ ವಂದನೆ (ಬೋವಿಂಗ್) ಇಲ್ಲಿ ಸಾಮಾನ್ಯ. ಎಲ್ಲರೂ ಬಾಗಿ ನಮಸ್ಕರಿಸುವು ದನ್ನು ಕಾಣಬಹುದು.

ಭಾರತದಲ್ಲಿ ಅಥವಾ ಪಾಶ್ಚಿಮಾತ್ಯ ದೇಶಗಳಲ್ಲಿ ಹಸ್ತಲಾಘವ ಸಾಮಾನ್ಯ. ಆದರೆ ಜಪಾನಿ ನಲ್ಲಿ ದೇಹವನ್ನು ಎರಡೆರಡು ಸಲ ಬಗ್ಗಿಸಿ ಗೌರವ ಸೂಚಿಸುತ್ತಾರೆ. ವಯಸ್ಸಾದವರೂ ಕಿರಿಯರಿಗೆ ಬಾಗಿ ನಮಸ್ಕಾರಿಸುತ್ತಾರೆ. ಜಪಾನಿಯರ ಶಿಸ್ತು ಅವರ ಜೀವನ ಶೈಲಿಯ ಅವಿಭಾಜ್ಯ ಅಂಗ. ಸಮೂಹ ಪ್ರಜ್ಞೆ (group mentality) ಯನ್ನು ಅಲ್ಲಿ ಒಂದು ಆದರ್ಶ ವಾಗಿ ಪರಿಗಣಿಸುತ್ತಾರೆ.

ಜನರು ತಮ್ಮ ವೈಯಕ್ತಿಕ ಹಿತವನ್ನೂ ಸಮೂಹದ ಪ್ರಾಧಾನ್ಯಕ್ಕಾಗಿ ತ್ಯಜಿಸುತ್ತಾರೆ. ಒಬ್ಬರಿಗೆ ಆಗದ್ದು ಇಡೀ ಸಮೂಹಕ್ಕೂ ಆಗುವುದಿಲ್ಲ. ಹಾಗೆ ಇಡೀ ಸಮೂಹಕ್ಕೆ ಆಗದಿರುವುದು ಒಬ್ಬನಿಗೂ ಆಗುವುದಿಲ್ಲ. ಜಪಾನಿನಲ್ಲಿ ಎಲ್ಲೂ ‘ಈ ಜಾಗದಲ್ಲಿ ಸ್ವಚ್ಛತೆ ಕಾಪಾಡಿ’ ಎಂಬ ಬೋರ್ಡ್ ನೋಡಲು ಸಾಧ್ಯವಿಲ್ಲ. ಸ್ವಚ್ಛತೆಯನ್ನು ಆ ಜಾಗದಂದೇ ಅಲ್ಲ, ಎಡೆಯೂ ಕಾಪಾಡಬೇಕು ಎಂದು ಅವರು ಭಾವಿಸಿzರೆ. ಹೀಗಾಗಿ ಎಡೆ ಕಸದಬುಟ್ಟಿಗಳನ್ನು ಇಟ್ಟಿಲ್ಲ.

ಯಾಕೆಂದರೆ ಸಾರ್ವಜನಿಕ ಸ್ಥಳಗಳಲ್ಲಿ ಕಸಕ್ಕಿಂತ ಕಸದ ಬುಟ್ಟಿಗಳೇ ಅಸಹ್ಯವಾಗಿ ಕಾಣಿಸ ಬಾರದಲ್ಲ. ಇದು ಜಪಾನಿಯರ ಸ್ವಚ್ಛತಾ ಪ್ರಜ್ಞೆಯ ಪ್ರತಿಫಲ. ಜಪಾನ್ ತಾಂತ್ರಿಕವಾಗಿ ಅದೆಷ್ಟು ಅಭಿವೃದ್ಧಿ ಹೊಂದಿದೆ ಎಂಬುದನ್ನು ಅಲ್ಲಿನ ಸಾರ್ವಜನಿಕ ಶೌಚಾಲಯ ಗಳಲ್ಲಿಯೇ ನೋಡಬಹುದು. ಜಪಾನಿನಲ್ಲಿ ವ್ಯಕ್ತಿಗಳ ಖಾಸಗಿತನಕ್ಕೆ (Personal Space ) ಹೆಚ್ಚಿನ ಆದ್ಯತೆ ನೀಡಲಾಗುತ್ತದೆ.

ಸಾರ್ವಜನಿಕ ಸ್ಥಳದಲ್ಲಿ ಒಬ್ಬ ವ್ಯಕ್ತಿ ಓದಿನಲ್ಲಿ ತಲ್ಲೀನನಾಗಿದ್ದರೆ, ಅವನ ಓದು ಮತ್ತು ಶಾಂತತೆಗೆ ಯಾರೂ ಭಂಗ ತರುವುದಿಲ್ಲ. ಜಪಾನಿನಲ್ಲಿ ಅಪರಾಧ ಪ್ರಮಾಣ (Low Crime Rates) ತೀರಾ ಕಡಿಮೆ. ಅಷ್ಟೇ ಅಲ್ಲ, ಜಪಾನ್ ತುಂಬಾ ಸುರಕ್ಷಿತ ರಾಷ್ಟ್ರ. ಜನರು ತಮ್ಮ ಸಾಮಾನುಗಳನ್ನು ಸ್ಟೇಷನ್ನಲ್ಲಿ ಬಿಟ್ಟು ಬಂದರೂ ಯಾರೂ ಎತ್ತಿಕೊಂಡು ಹೋಗುವು ದಿಲ್ಲ.

ತಮ್ಮದಲ್ಲದ ವಸ್ತುಗಳನ್ನು ಯಾರೂ ಮುಟ್ಟುವುದಿಲ್ಲ. ಇದು ಅವರ ಉತ್ತಮ ನೈತಿಕ ಪ್ರeಯನ್ನು ತೋರಿಸುತ್ತದೆ. ಜಪಾನ್‌ನ ಈ ವಿಶಿಷ್ಟ ಲಕ್ಷಣಗಳು ಪ್ರವಾಸಿಗರಿಗೆ ಒಂದು ಹೊಸ, ವಿಶಿಷ್ಟ ಮತ್ತು ಹಿತವಾದ ಅನುಭವವನ್ನು ನೀಡುತ್ತದೆ. ಇನ್ನು ಕೆಲವರಿಗೆ ಇದು ಸಣ್ಣ ಶಾಕ್ ಕೂಡ ನೀಡಬಹುದು.