ಬೆಂಗಳೂರಿನ ಎಂಬಸಿ ಟೆಕ್‌ವಿಲೇಜ್‌ನಲ್ಲಿ ಹಿಲ್ಟನ್ ಗಾರ್ಡನ್ ಇನ್ ಉದ್ಘಾಟನೆ ಘೋಷಣೆ

ಬೆಂಗಳೂರು: ರಿಯಲ್ ಎಸ್ಟೇಟ್ ಇನ್ವೆಸ್ಟ್‌ಮೆಂಟ್ ಟ್ರಸ್ಟ್ ಹಾಗೂ ವಿಸ್ತೀರ್ಣದ ಆಧಾರದ ಮೇಲೆ ಏಷ್ಯಾದ ಅತಿದೊಡ್ಡ REIT ಆಗಿರುವ Embassy Office Parks REIT (NSE: EMBASSY / BSE: 542602) ('ಎಂಬಸಿ ರೀಟ್') ಮತ್ತು ಜಾಗತಿಕ ಆತಿಥ್ಯ ಸಂಸ್ಥೆಯಾದ Hilton (NYSE: HLT) ಇಂದು ಬೆಂಗಳೂರಿನ ಔಟರ್ ರಿಂಗ್ ರೋಡ್‌ನಲ್ಲಿರುವ ಪ್ರಮುಖ ಸಮಗ್ರ ವ್ಯವಹಾರ ಉದ್ಯಾನವಾದ Embassy TechVillageನಲ್ಲಿ 211 ಕೊಠಡಿಗಳ Hilton Garden Inn ಹೋಟೆಲ್ ಉದ್ಘಾಟನೆಯನ್ನು ಘೋಷಿಸಿವೆ.

ಈ ಉದ್ಘಾಟನೆಯೊಂದಿಗೆ, ಎಂಬಸಿ ರೀಟ್ ಜೊತೆಗೆ ಹಿಲ್ಟನ್‌ನ ನಾಲ್ಕನೇ ಹೋಟೆಲ್ ಕಾರ್ಯಾ ಚರಣೆಗೆ ಚಾಲನೆ ದೊರೆತಿದ್ದು, ಭವಿಷ್ಯದಲ್ಲಿ ಇದೇ ಆವರಣದಲ್ಲಿ ನಿರ್ಮಾಣವಾಗಲಿರುವ 529 ಕೊಠಡಿಗಳ ಡ್ಯುಯಲ್-ಬ್ರಾಂಡೆಡ್ ಹಿಲ್ಟನ್ ಅಭಿವೃದ್ಧಿಯ ಮೊದಲ ಹಂತ ಇದಾಗಿದೆ. ಈ ಯೋಜನೆಯ ಮುಂದಿನ ಹಂತದಲ್ಲಿ ಪೂರ್ಣ ಪ್ರಮಾಣದ Hilton Hotels & Resorts ಹೋಟೆಲ್ ಕೂಡ ಈ ವರ್ಷದೊಳಗೆ ಆರಂಭವಾಗಲಿದೆ.

ಬೆಂಗಳೂರು ನಗರದ ಪ್ರಮುಖ ಕಾರ್ಪೊರೇಟ್ ವಲಯವಾದ ಔಟರ್ ರಿಂಗ್ ರೋಡ್ ಕಾರಿಡಾರ್‌ನ ಹೃದಯ ಭಾಗದಲ್ಲಿರುವ ಈ ಹೋಟೆಲ್, ಉನ್ನತ ಗುಣಮಟ್ಟದ ಮತ್ತು ಕೈಗೆಟುಕುವ ವಸತಿ ಸೌಲಭ್ಯಗಳೊಂದಿಗೆ ಹಿಲ್ಟನ್ ಗಾರ್ಡನ್ ಇನ್‌ನ ಅತಿಥಿ-ಕೇಂದ್ರಿತ ಆತಿಥ್ಯ ಸೇವೆಯನ್ನು ಒದಗಿಸುತ್ತದೆ. ಪ್ರಮುಖ ವ್ಯವಹಾರ ಕೇಂದ್ರಗಳಿಗೆ ಸುಲಭ ಸಂಪರ್ಕ ಹಾಗೂ ಶೀಘ್ರದಲ್ಲೇ ಆರಂಭ ವಾಗಲಿರುವ ಕಾಡುಬೀಸನಹಳ್ಳಿ ಮೆಟ್ರೋ ನಿಲ್ದಾಣಕ್ಕೆ ನೇರ ಸಂಪರ್ಕವೂ ಇದರ ವಿಶೇಷತೆ ಯಾಗಿದೆ.

ಇದನ್ನೂ ಓದಿ: Dr Vijay Darda Column: ಬಿಡಿಸಲಾಗದ ದ್ವಿಪಕ್ಷೀಯ ಸಂಬಂಧದ ಗಂಟುಗಳು

Embassy REITನ ಪ್ರಮುಖ ಸಮಗ್ರ ವ್ಯವಹಾರ ಉದ್ಯಾನಗಳಲ್ಲಿ ಒಂದಾದ Embassy TechVillage, ತಂತ್ರಜ್ಞಾನ, ಹಣಕಾಸು ಸೇವೆಗಳು, ಕನ್ಸಲ್ಟಿಂಗ್ ಹಾಗೂ ಗ್ಲೋಬಲ್ ಕ್ಯಾಪೆಬಿಲಿಟಿ ಸೆಂಟರ್‌ಗಳ ಪ್ರಮುಖ ಬಹುರಾಷ್ಟ್ರೀಯ ಸಂಸ್ಥೆಗಳಿಗೆ ನೆಲೆಯಾಗಿದೆ. 1 ಲಕ್ಷಕ್ಕೂ ಹೆಚ್ಚು ಬಳಕೆದಾರರಿಗೆ ಸೇವೆ ನೀಡುತ್ತಿರುವ ಈ ಕ್ಯಾಂಪಸ್, ಅತ್ಯಾಧುನಿಕ ಕಚೇರಿ ಸ್ಥಳಗಳು, ಉತ್ತಮ ಸಂಪರ್ಕ ವ್ಯವಸ್ಥೆ, ಚಿಲ್ಲರೆ ವ್ಯಾಪಾರ, ಆಹಾರ ಮತ್ತು ಪಾನೀಯ, ಮನರಂಜನೆ ಹಾಗೂ ಆತಿಥ್ಯ ಸೇವೆಗಳನ್ನು ಒಂದೇ ಪರಿಸರದಲ್ಲಿ ಒದಗಿಸುತ್ತದೆ. Hilton Garden Inn ಆರಂಭದಿಂದ ಈ ಸಮಗ್ರ ಪರಿಸರ ಮತ್ತಷ್ಟು ಬಲಗೊಂಡಿದ್ದು, ಉದ್ಯೋಗಿಗಳು, ಕಚೇರಿ ಬಳಕೆದಾರರು, ವ್ಯವಹಾರ ಪ್ರವಾಸಿಗರು ಹಾಗೂ ಭೇಟಿ ನೀಡುವವರಿಗೆ ಹೆಚ್ಚಿನ ಅನುಕೂಲ ಒದಗಿಸಲಿದೆ.

ಈ ಬೆಳವಣಿಗೆಯು ಈಗಾಗಲೇ Embassy Manyataಯಲ್ಲಿ ಇರುವ 619 ಕೊಠಡಿಗಳ ಡ್ಯುಯಲ್-ಬ್ರಾಂಡೆಡ್ ಹಿಲ್ಟನ್ ಹೋಟೆಲ್ ಹಾಗೂ Embassy GolfLinksನಲ್ಲಿರುವ 247 ಕೊಠಡಿಗಳ ಹಿಲ್ಟನ್ ಹೋಟೆಲ್‌ಗಳ ಯಶಸ್ಸಿನ ಮುಂದುವರಿಕೆಯಾಗಿದೆ.

"ಕೇವಲ ಕಚೇರಿ ಸ್ಥಳಗಳನ್ನು ನಿರ್ಮಿಸುವುದಕ್ಕಿಂತ ಹೆಚ್ಚಿನ ಮೌಲ್ಯವನ್ನು ಸೃಷ್ಟಿಸುವ ಸಮಗ್ರ ತಾಣಗಳನ್ನು ಅಭಿವೃದ್ಧಿಪಡಿಸುವುದು ಎಂಬಸಿಯ ದೃಷ್ಟಿಕೋನವಾಗಿದೆ. Embassy TechVillage ಈ ದೃಷ್ಟಿಗೆ ಅತ್ಯುತ್ತಮ ಉದಾಹರಣೆಯಾಗಿದ್ದು, ವಿಶ್ವದರ್ಜೆಯ ಕಾರ್ಯಸ್ಥಳಗಳು, ಮೂಲ ಸೌಕರ್ಯ, ಆತಿಥ್ಯ ಹಾಗೂ ಅತ್ಯುತ್ತಮ ಅನುಭವಗಳನ್ನು ಬೆಂಗಳೂರಿನ ಪ್ರಮುಖ ವ್ಯವಹಾರ ಕಾರಿಡಾರ್‌ನಲ್ಲಿ ಒಂದೇ ಸ್ಥಳದಲ್ಲಿ ಒದಗಿಸುತ್ತದೆ. ಹಿಲ್ಟನ್ ಜೊತೆಗಿನ ನಮ್ಮ ಪಾಲುದಾರಿಕೆಯಲ್ಲಿ Embassy TechVillageನಲ್ಲಿ Hilton Garden Inn ಆರಂಭವಾಗಿರುವುದು ನಮ್ಮ ಪೋರ್ಟ್‌ ಫೋಲಿಯೊದಲ್ಲಿನ ಆತಿಥ್ಯ ಹಾಗೂ ಜೀವನಶೈಲಿ ಮೂಲಸೌಕರ್ಯವನ್ನು ಇನ್ನಷ್ಟು ಬಲಪಡಿಸು ತ್ತದೆ ಎಂದು ಎಂಬಸಿ ಗ್ರೂಪ್ ಅಧ್ಯಕ್ಷ ಜಿತು ವಿರ್ವಾನಿ ಹೇಳಿದರು.

"Embassy Group ಜೊತೆಗಿನ ಹಿಲ್ಟನ್‌ನ ದಶಕದ ಪಾಲುದಾರಿಕೆಯಲ್ಲಿ Embassy TechVillageನಲ್ಲಿ Hilton Garden Inn ಆರಂಭವು ಮಹತ್ವದ ಮೈಲಿಗಲ್ಲಾಗಿದೆ. ಜಾಗತಿಕ ವ್ಯವಹಾರ ಪ್ರವಾಸ, ಕಾರ್ಪೊ ರೇಟ್ ಬೇಡಿಕೆ ಹಾಗೂ ಉತ್ತಮ ಗುಣಮಟ್ಟದ ವಾಸ್ತವ್ಯದ ಮೇಲಿನ ಹೆಚ್ಚುತ್ತಿರುವ ಆಸಕ್ತಿಯಿಂದ ಬೆಂಗಳೂರು ಭಾರತದ ಅತ್ಯಂತ ಚುರುಕಾದ ಆತಿಥ್ಯ ಮಾರುಕಟ್ಟೆಗಳಲ್ಲಿ ಒಂದಾಗಿದೆ. ಈ ಹೊಸ ಹೋಟೆಲ್, ವಿಶ್ವದರ್ಜೆಯ ಅಭಿವೃದ್ಧಿಗಳನ್ನು ಯಶಸ್ವಿಯಾಗಿ ರೂಪಿಸುವ Embassy Groupನ ನಾಯಕತ್ವವನ್ನು ಮತ್ತೊಮ್ಮೆ ಸಾಬೀತುಪಡಿಸುತ್ತದೆ ಎಂದು ಹಿಲ್ಟನ್ ಏಷ್ಯಾ ಪೆಸಿಫಿಕ್ ಅಧ್ಯಕ್ಷ ಅಲನ್ ವಾಟ್ಸ್ ಹೇಳಿದರು.

211 ಆಧುನಿಕ ಕೊಠಡಿಗಳೊಂದಿಗೆ ನಿರ್ಮಿಸಲಾದ ಈ ಹೊಸ Hilton Garden Inn, ಪರಿಣಾಮಕಾರಿ ಕಾರ್ಯಕ್ಷೇತ್ರ, ವೇಗವಾದ ಸಂಪರ್ಕ ವ್ಯವಸ್ಥೆ ಹಾಗೂ ವಿವಿಧ ಸಭಾ ಸೌಲಭ್ಯಗಳನ್ನು ಹೊಂದಿದ್ದು, ಔಟರ್ ರಿಂಗ್ ರೋಡ್ ಪ್ರದೇಶದಲ್ಲಿ ವ್ಯವಹಾರ ಪ್ರಯಾಣಿಕರಿಗೆ ಹೆಚ್ಚು ಅನುಕೂಲಕರ ಮತ್ತು ಸ್ಮಾರ್ಟ್ ವಾಸ್ತವ್ಯ ಅನುಭವವನ್ನು ಒದಗಿಸುತ್ತದೆ. ಜೊತೆಗೆ, 24 ಗಂಟೆಗಳ ಫಿಟ್ನೆಸ್ ಸೆಂಟರ್ ಮತ್ತು ತಾಪಮಾನ ನಿಯಂತ್ರಿತ ಹೊರಾಂಗಣ ಈಜುಕೊಳವೂ ಅತಿಥಿಗಳ ಅನುಕೂಲಕ್ಕಾಗಿ ಲಭ್ಯವಿದೆ.

ಈ ಹೋಟೆಲ್‌ನ ಆಹಾರ ಅನುಭವವೂ ವಿಶೇಷವಾಗಿದ್ದು, ಎರಡು ವಿಭಿನ್ನ ರೆಸ್ಟೋರೆಂಟ್ ಪರಿಕಲ್ಪನೆಗಳನ್ನು ಒಳಗೊಂಡಿದೆ. Desi Quotient (DQ) ಭಾರತೀಯ ಪ್ರಾದೇಶಿಕ ಆಹಾರವನ್ನು ಆಧುನಿಕ ಶೈಲಿಯಲ್ಲಿ ಪರಿಚಯಿಸುವ ಸಾಮಾಜಿಕ ಊಟದ ಅನುಭವವನ್ನು ನೀಡುತ್ತದೆ. Merigo ಎಂಬ ದಿನಪೂರ್ತಿ ಕಾರ್ಯನಿರ್ವಹಿಸುವ ರೆಸ್ಟೋರೆಂಟ್ ಜಾಗತಿಕ ಸವಿಗಳನ್ನು ಸಮಕಾಲೀನ ಶೈಲಿಯಲ್ಲಿ ಅತಿಥಿಗಳಿಗೆ ಒದಗಿಸುತ್ತದೆ.

"Hilton Garden Inn ಬ್ರಾಂಡ್ ಅನ್ನು ನಿರಂತರವಾಗಿ ಪ್ರಯಾಣಿಸುವ ವ್ಯವಹಾರ ಹಾಗೂ ವಿರಾಮ ಪ್ರವಾಸಿಗರನ್ನು ಗಮನದಲ್ಲಿಟ್ಟುಕೊಂಡು ರೂಪಿಸಲಾಗಿದೆ. ಉತ್ತಮ ಮೌಲ್ಯ, ಆಧುನಿಕ ವಿನ್ಯಾಸ, ವಿಶ್ವಾಸಾರ್ಹ ಸೇವೆ ಮತ್ತು ಗುಣಮಟ್ಟದ ಆಹಾರ ಹಾಗೂ ಪಾನೀಯ ಅನುಭವವನ್ನು ಒಂದೇ ಸ್ಥಳದಲ್ಲಿ ಒದಗಿಸುವ ಮೂಲಕ ಇದು ಬೆಂಗಳೂರಿನಂತಹ ನಿರಂತರ ಬೆಳವಣಿಗೆಯ ಮಾರುಕಟ್ಟೆಗೆ ಅತ್ಯಂತ ಸೂಕ್ತವಾಗಿದೆ" ಎಂದು ಹಿಲ್ಟನ್ ಏಷ್ಯಾ ಪೆಸಿಫಿಕ್‌ನ ಫೋಕಸ್‌ಡ್ ಸರ್ವಿಸ್ ಮತ್ತು ಆಲ್ ಸೂಟ್ಸ್ ಬ್ರಾಂಡ್‌ಗಳ ಪ್ರಾದೇಶಿಕ ಮುಖ್ಯಸ್ಥ ಆಂಡ್ರೂ ಲಿಂಗ್ ಹೇಳಿದರು:

ಈ ಹೊಸ ಹೋಟೆಲ್ ಉದ್ಘಾಟನೆಯೊಂದಿಗೆ ಬೆಂಗಳೂರಿನಲ್ಲಿ ಹಿಲ್ಟನ್‌ನ ಹೋಟೆಲ್‌ಗಳ ಸಂಖ್ಯೆ 13ಕ್ಕೆ ಏರಿಕೆಯಾಗಿದೆ. ಇದರಿಂದ ಬೆಂಗಳೂರು ಭಾರತದಲ್ಲಿ ಹಿಲ್ಟನ್‌ನ ಅತಿದೊಡ್ಡ ಹೋಟೆಲ್ ಕ್ಲಸ್ಟರ್ ಆಗಿ ಹೊರಹೊಮ್ಮಿದ್ದು, Conrad Hotels & Resorts, Hilton Hotels & Resorts, DoubleTree by Hilton ಹಾಗೂ Hilton Garden Inn ಬ್ರಾಂಡ್‌ಗಳ ಅಡಿಯಲ್ಲಿ ಗೋವಾ, ಬೆಂಗ ಳೂರು, ಪುಣೆ, ಲಖನೌ, ನವದೆಹಲಿ, ತಿರುವನಂತಪುರಂ, ಸೂರತ್, ಜಬಲ್ಪುರ್ ಹಾಗೂ ಮುಂಬೈ ಸೇರಿದಂತೆ ದೇಶದ ಹಲವು ನಗರಗಳಲ್ಲಿ ತನ್ನ ಅಸ್ತಿತ್ವವನ್ನು ಬಲಪಡಿಸಿದೆ. ಈ ಹೋಟೆಲ್, ಹಿಲ್ಟನ್‌ನ ಪ್ರಶಸ್ತಿ ವಿಜೇತ ಅತಿಥಿ ಲಾಯಲ್ಟಿ ಕಾರ್ಯಕ್ರಮವಾದ Hilton Honorsನ ಭಾಗವಾಗಿದೆ.