ಬೆಂಗಳೂರು: ರಿಯಲ್ ಎಸ್ಟೇಟ್ ಫ್ರಾಂಚೈಸಿ ಸೆಂಚುರಿ 21, ಭಾರತಕ್ಕೆ ಪ್ರವೇಶಿಸಲು ಸಜ್ಜಾಗಿದೆ. ಸುಮಾರು 15,000 ಕಚೇರಿಗಳು ಮತ್ತು 4,00,000ಕ್ಕೂ ಅಧಿಕ ರಿಯಲ್ ಎಸ್ಟೇಟ್ ವೃತ್ತಿಪರರನ್ನು ಒಳಗೊಂಡ ತನ್ನ ಜಾಗತಿಕ ಜಾಲವನ್ನು ವಿಶ್ವದ ಅತಿದೊಡ್ಡ ಮತ್ತು ವೇಗವಾಗಿ ಬೆಳೆಯುತ್ತಿರುವ ಆಸ್ತಿ ಮಾರುಕಟ್ಟೆಗಳಲ್ಲಿ ಒಂದಾದ ಭಾರತಕ್ಕೆ ವಿಸ್ತರಿಸುತ್ತಿದೆ. ದೇಶದಲ್ಲಿ ತನ್ನ ಅಸ್ತಿತ್ವ ಸ್ಥಾಪಿಸುವ ಸಂದರ್ಭದಲ್ಲಿ ಕಂಪನಿಯು ಕ್ರಿಕೆಟ್ ದಿಗ್ಗಜ, ಭಾರತ ತಂಡದ ಮಾಜಿ ಮುಖ್ಯ ಕೋಚ್ ಹಾಗೂ ಖ್ಯಾತ ಪ್ರಸಾರಕ ರವಿ ಶಾಸ್ತ್ರಿ(Ravi Shastri) ಅವರನ್ನು ಬ್ರ್ಯಾಂಡ್ ಅಂಬಾಸಿಡರ್ ಆಗಿ ನೇಮಿಸಿದೆ.
ಭಾರತದ ರಿಯಲ್ ಎಸ್ಟೇಟ್ ಕ್ಷೇತ್ರವು ಗಮನಾರ್ಹ ಬೆಳವಣಿಗೆಯನ್ನು ಕಾಣುತ್ತಿರುವ ಸಂದರ್ಭ ದಲ್ಲಿ ಸೆಂಚುರಿ 21 ಭಾರತಕ್ಕೆ ಪ್ರವೇಶಿಸುತ್ತಿದೆ. ದೇಶದ ರಿಯಲ್ ಎಸ್ಟೇಟ್ ಮಾರುಕಟ್ಟೆಯು 2047ರ ವೇಳೆಗೆ 5.8 ಟ್ರಿಲಿಯನ್ ಅಮೆರಿಕನ್ ಡಾಲರ್ ಮೌಲ್ಯ ತಲುಪುವ ನಿರೀಕ್ಷೆಯಿದ್ದು, ದೇಶದ ಜಿಡಿಪಿಗೆ ಈ ಕ್ಷೇತ್ರದ ಕೊಡುಗೆ ಪ್ರಸ್ತುತ ಶೇ. 7.3ರಿಂದ ಶೇ. 15.5ಕ್ಕೆ ಏರಿಕೆಯಾಗುವ ಸಾಧ್ಯತೆಯಿದೆ.
ಇದನ್ನೂ ಓದಿ: MLA B N Ravikumar: ಸ್ವಾತಂತ್ರ್ಯ ಹೋರಾಟಗಾರರ ತ್ಯಾಗ ಸ್ಮರಿಸಿ ದೇಶ ಕಟ್ಟೋಣ: ಶಾಸಕ ಬಿ.ಎನ್.ರವಿಕುಮಾರ್
ಭಾರತದ ಕಾರ್ಯಾಚರಣೆಯು ಸ್ಥಳೀಯ ಖರೀದಿದಾರರು ಮತ್ತು ಹೂಡಿಕೆದಾರರನ್ನು ಸೆಂಚುರಿ 21ರ ಅಂತರರಾಷ್ಟ್ರೀಯ ಜಾಲದೊಂದಿಗೆ ಸಂಪರ್ಕಿಸಲಿದೆ. ಈ ಜಾಲವು ಪ್ರಸ್ತುತ 82 ದೇಶಗಳು ಮತ್ತು ಪ್ರದೇಶಗಳಲ್ಲಿ ವ್ಯಾಪಿಸಿದೆ. ಗ್ರಾಹಕರು ಭಾರತದಲ್ಲಿರುವ ರಿಯಲ್ ಎಸ್ಟೇಟ್ ವೃತ್ತಿಪರ ರೊಂದಿಗೆ ಕೆಲಸ ಮಾಡುವುದರ ಜೊತೆಗೆ, ವಿಶ್ವದಾದ್ಯಂತ ಸೆಂಚುರಿ 21 ಕಾರ್ಯನಿರ್ವಹಿಸುವ ಮಾರುಕಟ್ಟೆಗಳಲ್ಲಿನ ಅಂತರರಾಷ್ಟ್ರೀಯ ಪರಿಣತಿ ಮತ್ತು ಆಸ್ತಿ ಹೂಡಿಕೆ ಅವಕಾಶಗಳನ್ನೂ ಪಡೆಯಲು ಸಾಧ್ಯವಾಗಲಿದೆ. ಈ ಮೂಲಕ ಸೆಂಚುರಿ 21ರ ಅಂತರರಾಷ್ಟ್ರೀಯ ಗ್ರಾಹಕರಿಗೂ ಭಾರತದ ಆಸ್ತಿ ಮಾರುಕಟ್ಟೆಯನ್ನು ಪ್ರವೇಶಿಸಲು ಹೊಸ ಅವಕಾಶ ದೊರೆಯಲಿದೆ.
ಸೆಂಚುರಿ 21ರ ಅಂತರರಾಷ್ಟ್ರೀಯ ಕಾರ್ಯಾಚರಣಾ ಮಾದರಿಗೆ ಅದರ ಸ್ವಂತ ConnectR ಎಂಬ ಕೃತಕ ಬುದ್ಧಿಮತ್ತೆ ಆಧಾರಿತ CRM ಮತ್ತು ಮಾರಾಟ ವಹಿವಾಟು ವೇದಿಕೆ ಬೆಂಬಲ ನೀಡುತ್ತದೆ. ಈ ತಂತ್ರಜ್ಞಾನವು ವಿವಿಧ ಮಾರುಕಟ್ಟೆಗಳಲ್ಲಿರುವ ಸೆಂಚುರಿ 21 ಕಚೇರಿಗಳು ಮತ್ತು ಏಜೆಂಟ್ಗಳನ್ನು ನೈಜ ಸಮಯದಲ್ಲಿ ಸಂಪರ್ಕಿಸುತ್ತದೆ. ಇದರ ಮೂಲಕ ಅವರು ಸಂಪೂರ್ಣ ಜಾಲದಾದ್ಯಂತ ಆಸ್ತಿ ಲಭ್ಯತೆ ಮಾಹಿತಿಯನ್ನು ಪಡೆಯಲು ಹಾಗೂ ವಹಿವಾಟುಗಳನ್ನು ನಿರ್ವಹಿಸಲು ಸಾಧ್ಯವಾಗುತ್ತದೆ.
ಸೆಂಚುರಿ 21 UAE ಮತ್ತು ಭಾರತದ ಗ್ರೂಪ್ ಸಿಇಒ ಪೀಟರ್ ಮ್ಯಾಥ್ಯೂಸ್ ಮಾತನಾಡಿ: “ಭಾರತವು ದೊಡ್ಡ ಪ್ರಮಾಣದ ದೇಶೀಯ ಆಸ್ತಿ ಮಾರುಕಟ್ಟೆಯ ಜೊತೆಗೆ, ಅಂತರರಾಷ್ಟ್ರೀಯ ರಿಯಲ್ ಎಸ್ಟೇಟ್ ಹೂಡಿಕೆಯತ್ತ ಹೆಚ್ಚುತ್ತಿರುವ ಆಸಕ್ತಿಯನ್ನೂ ಹೊಂದಿದೆ. ಈ ಕಾರಣದಿಂದ ಭಾರತವು ಸೆಂಚುರಿ 21ಗೆ ಸಹಜವಾಗಿಯೇ ಮುಂದಿನ ಪ್ರಮುಖ ಮಾರುಕಟ್ಟೆಯಾಗಿದೆ. ನಮ್ಮ ಮಾದರಿಯು ಗ್ರಾಹಕರು ತಮ್ಮ ಸ್ಥಳೀಯ ಮಾರುಕಟ್ಟೆಯನ್ನು ಅರ್ಥಮಾಡಿಕೊಂಡಿರುವ ವೃತ್ತಿಪರರೊಂದಿಗೆ ಕೆಲಸ ಮಾಡುವ ಅವಕಾಶವನ್ನು ಒದಗಿಸುತ್ತದೆ. ಜೊತೆಗೆ, ಅವರು ಬೇರೆಡೆ ಹೂಡಿಕೆ ಮಾಡಲು ಬಯಸಿದಾಗ ನಮ್ಮ ಅಂತರರಾಷ್ಟ್ರೀಯ ಜಾಲದ ಪರಿಣತಿಯನ್ನು ಬಳಸಿಕೊಳ್ಳಲು ಸಾಧ್ಯ ವಾಗುತ್ತದೆ.
ರವಿ ಶಾಸ್ತ್ರಿ ಅವರ ವೃತ್ತಿಜೀವನವು ಅವರನ್ನು ಭಾರತದಾದ್ಯಂತ ಮಾತ್ರವಲ್ಲದೆ ವಿಶ್ವದ ವಿವಿಧ ಭಾಗಗಳಿಗೂ ಕರೆದೊಯ್ದಿದೆ. ಆ ಅಂತರರಾಷ್ಟ್ರೀಯ ದೃಷ್ಟಿಕೋನ ಅವರಿಗೆ ಚೆನ್ನಾಗಿ ಅರ್ಥ ವಾಗುತ್ತದೆ. ಸೆಂಚುರಿ 21 ಅನ್ನು ಭಾರತೀಯ ಮಾರುಕಟ್ಟೆಗೆ ಪರಿಚಯಿಸುವ ಸಂದರ್ಭದಲ್ಲಿ ಅವರು ನಮ್ಮೊಂದಿಗೆ ಕೈಜೋಡಿಸಿರುವುದು ನಮಗೆ ಸಂತಸ ತಂದಿದೆ.”
ನಾಲ್ಕು ದಶಕಗಳ ಕ್ರಿಕೆಟ್ ವೃತ್ತಿಜೀವನದ ಮೂಲಕ ರವಿ ಶಾಸ್ತ್ರಿ ಅವರು ಭಾರತದಲ್ಲಷ್ಟೇ ಅಲ್ಲದೆ ವಿದೇಶಗಳಲ್ಲಿ ನೆಲೆಸಿರುವ ಭಾರತೀಯ ಸಮುದಾಯಗಳಲ್ಲಿಯೂ ವ್ಯಾಪಕ ಪರಿಚಿತಿಯನ್ನು ಹೊಂದಿದ್ದಾರೆ. ಅವರು ಭಾರತ ಪರವಾಗಿ 80 ಟೆಸ್ಟ್ ಪಂದ್ಯಗಳು ಮತ್ತು 150 ಏಕದಿನ ಅಂತರ ರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ.
1983ರ ವಿಶ್ವಕಪ್ ವಿಜೇತ ಭಾರತ ತಂಡದ ಭಾಗವಾಗಿದ್ದ ಅವರು, 1985ರ ವರ್ಲ್ಡ್ ಚಾಂಪಿಯನ್ ಶಿಪ್ ಆಫ್ ಕ್ರಿಕೆಟ್ ಗೆಲುವಿನಲ್ಲೂ ಪ್ರಮುಖ ಪಾತ್ರ ವಹಿಸಿದ್ದರು. 2017ರಿಂದ 2021ರವರೆಗೆ ಭಾರತೀಯ ರಾಷ್ಟ್ರೀಯ ಕ್ರಿಕೆಟ್ ತಂಡದ ಮುಖ್ಯ ಕೋಚ್ ಆಗಿ ಸೇವೆ ಸಲ್ಲಿಸಿದ ಅವರು, ಆಸ್ಟ್ರೇಲಿಯಾದಲ್ಲಿ ಸತತ ಟೆಸ್ಟ್ ಸರಣಿ ಗೆಲುವುಗಳನ್ನು ಸಾಧಿಸುವಲ್ಲಿ ತಂಡದೊಂದಿಗೆ ಪ್ರಮುಖ ಪಾತ್ರ ವಹಿಸಿದ್ದರು. ಪ್ರಸ್ತುತ ಅವರು ಪ್ರಮುಖ ಅಂತರರಾಷ್ಟ್ರೀಯ ಕ್ರಿಕೆಟ್ ಪ್ರಸಾರಕರಾಗಿದ್ದು, ಈ ಪಾತ್ರದ ಮೂಲಕ ಆಸ್ಟ್ರೇಲಿಯಾ, ಇಂಗ್ಲೆಂಡ್, ದಕ್ಷಿಣ ಆಫ್ರಿಕಾ ಮತ್ತು ಗಲ್ಫ್ ರಾಷ್ಟ್ರಗಳಲ್ಲಿನ ಪ್ರೇಕ್ಷಕರೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದಾರೆ.
ಬ್ರ್ಯಾಂಡ್ ಅಂಬಾಸಿಡರ್ ಆಗಿ ರವಿ ಶಾಸ್ತ್ರಿ ಅವರು ಸೆಂಚುರಿ 21ರೊಂದಿಗೆ ಕೈಜೋಡಿಸಿ, ಖರೀದಿ ದಾರರು, ಹೂಡಿಕೆದಾರರು, ಡೆವಲಪರ್ಗಳು ಹಾಗೂ ಒಟ್ಟಾರೆ ರಿಯಲ್ ಎಸ್ಟೇಟ್ ಸಮುದಾಯ ದೊಂದಿಗೆ ಸಂವಹನ ನಡೆಸಲಿದ್ದಾರೆ.
ತಮ್ಮ ನೇಮಕಾತಿಯ ಕುರಿತು ರವಿ ಶಾಸ್ತ್ರಿ ಮಾತನಾಡಿ: “ರಿಯಲ್ ಎಸ್ಟೇಟ್ ಯಾವಾಗಲೂ ನನ್ನ ಆಸಕ್ತಿಯ ಕ್ಷೇತ್ರವಾಗಿದೆ. ಸೆಂಚುರಿ 21ರ ಅಂತರರಾಷ್ಟ್ರೀಯ ವ್ಯಾಪ್ತಿ ಈ ಸಹಭಾಗಿತ್ವದತ್ತ ನನ್ನನ್ನು ಆಕರ್ಷಿಸಿದ ಪ್ರಮುಖ ಕಾರಣಗಳಲ್ಲಿ ಒಂದಾಗಿದೆ. ಭಾರತವು ಅಪಾರ ಸಾಮರ್ಥ್ಯ ಹೊಂದಿರುವ ಅತ್ಯಂತ ಉತ್ಸಾಹಭರಿತ ಮಾರುಕಟ್ಟೆಯಾಗಿದೆ. ಸೆಂಚುರಿ 21 ಭಾರತದಲ್ಲಿ ತನ್ನ ಅಸ್ತಿತ್ವವನ್ನು ಸ್ಥಾಪಿಸುವ ಸಂದರ್ಭದಲ್ಲಿ ತಂಡದೊಂದಿಗೆ ಕೆಲಸ ಮಾಡಲು ಹಾಗೂ ಭಾರತೀಯ ಗ್ರಾಹಕರನ್ನು ವಿಶ್ವದಾದ್ಯಂತದ ಹೂಡಿಕೆ ಅವಕಾಶಗಳೊಂದಿಗೆ ಸಂಪರ್ಕಿಸಲು ನಾನು ಎದುರು ನೋಡುತ್ತಿದ್ದೇನೆ.”