ಬೆಂಗಳೂರು: ಭಾರತದ ಪ್ರಮುಖ ಕೈಮಗ್ಗ ರಗ್‌ಗಳು ಮತ್ತು ಕಾರ್ಪೆಟ್‌ಗಳ ಬ್ರ್ಯಾಂಡ್ ಜೈಪುರ ರಗ್ಸ್, 2026ರ ವಾರ್ಷಿಕ ಮಾರಾಟ ಮೇಳವನ್ನು ಘೋಷಿಸಿದೆ. ಈ ಮೇಳದಲ್ಲಿ ವಿವಿಧ ವಿನ್ಯಾಸ, ಕರಕುಶಲತೆ ಮತ್ತು ಬೆಲೆ ಶ್ರೇಣಿಗಳ ಸುಮಾರು 10,000 ರಗ್‌ಗಳು ಲಭ್ಯವಿದ್ದು, ಗ್ರಾಹಕರು ಶೇ. 60ರ ವರೆಗೆ ರಿಯಾಯಿತಿ ಪಡೆಯಬಹುದು.
ಈ ವರ್ಷದ ಮೇಳವು ವಿಶೇಷವಾಗಿ ಸಾಮಾಜಿಕ ಉದ್ದೇಶವನ್ನು ಹೊಂದಿದೆ. ಪ್ರತಿ ರಗ್ ಮಾರಾಟ ದಿಂದ ದೊರೆಯುವ ಒಂದು ಭಾಗವನ್ನು ಗ್ರಾಮೀಣ ಭಾರತದ ಬಾಲಕಿಯರಿಗಾಗಿ ಸೈಕಲ್ ನಿಧಿಗೆ ಕೊಡುಗೆಯಾಗಿ ನೀಡಲಾಗುತ್ತದೆ. ಶಾಲೆಗೆ ತಲುಪಲು ಪ್ರತಿದಿನ ದೂರದವರೆಗೆ ಪ್ರಯಾಣಿಸುವ ಬಾಲಕಿಯರಿಗೆ ಸೈಕಲ್‌ಗಳನ್ನು ಒದಗಿಸುವ ಮೂಲಕ ಅವರ ಶಿಕ್ಷಣಕ್ಕೆ ನೆರವಾಗುವುದು ಈ ಉಪಕ್ರಮದ ಉದ್ದೇಶವಾಗಿದೆ.
ಜೈಪುರ ರಗ್ಸ್‌ನ ವ್ಯವಸ್ಥಾಪಕ ನಿರ್ದೇಶಕ ಯೋಗೇಶ್ ಚೌಧರಿ ಮಾತನಾಡಿ, “ಸರಳವಾದ ಸಂಗತಿ ಗಳೂ ಅರ್ಥಪೂರ್ಣ ಬದಲಾವಣೆಯನ್ನು ತರಬಲ್ಲವು. ಗ್ರಾಮೀಣ ಪ್ರದೇಶಗಳಲ್ಲಿ ಸೈಕಲ್‌ನಂತಹ ಮೂಲಭೂತ ಸೌಲಭ್ಯವೂ ಬಾಲಕಿಯರ ಶಿಕ್ಷಣಕ್ಕೆ ದೊಡ್ಡ ಬೆಂಬಲವಾಗಬಹುದು. ಒಬ್ಬ ಬಾಲಕಿ ಯ ಶಿಕ್ಷಣದ ಹಾದಿಯಲ್ಲಿರುವ ಅಡೆತಡೆಗಳನ್ನು ಕಡಿಮೆ ಮಾಡಲು ನಮ್ಮಿಂದ ಸಾಧ್ಯವಾದರೆ, ರಗ್ ಖರೀದಿಯು ಇನ್ನಷ್ಟು ದೊಡ್ಡ ಉದ್ದೇಶದ ಭಾಗವಾಗುತ್ತದೆ. ನಾವು ನಂಬಿರುವುದು ಜನರ ಜೀವನ ಕ್ಕೂ ಮೌಲ್ಯ ಸೃಷ್ಟಿಸುವ ಜವಾಬ್ದಾರಿಯುತ ವಾಣಿಜ್ಯವನ್ನು,” ಎಂದರು.
ಇದನ್ನೂ ಓದಿ: N Cheluvarayaswamy Column: ಎಸ್‌ʼಐಆರ್‌ ನೆಪದಲ್ಲಿ ಪ್ರಜಾತಂತ್ರಕ್ಕೆ ಉರುಳು
ಈ ಮೇಳದಲ್ಲಿ ಕೈಯಿಂದ ಗಂಟು ಹಾಕಿದ ಕಾರ್ಪೆಟ್‌ಗಳು, ಕೈಯಿಂದ ಟಫ್ಟಿಂಗ್ ಮಾಡಿದ ರಗ್‌ಗಳು, ಫ್ಲಾಟ್-ವೀವ್ ರಗ್‌ಗಳು ಮತ್ತು ಧುರ್ರಿಗಳು ಸೇರಿದಂತೆ ವೈವಿಧ್ಯಮಯ ಉತ್ಪನ್ನಗಳು ಲಭ್ಯವಿರ ಲಿವೆ. ಕಲಾವಿದರ ಸೃಜನಶೀಲತೆಯನ್ನು ಪ್ರತಿಬಿಂಬಿಸುವ ಮಂಚಹಾ (Manchaha) ಸಂಗ್ರಹದ ಜೊತೆಗೆ ಬ್ರಹ್ಮಾಂಡ್ (Brahmand), ಜಾನ್ವರ್ (Jaanwar), ಕವಿ (Kavi) ಮತ್ತು ಕನ್‌ಕಾಕ್ಷನ್ (Concoction) ಮುಂತಾದ ವಿನ್ಯಾಸ ಸಂಗ್ರಹಗಳೂ ಗ್ರಾಹಕರ ಗಮನ ಸೆಳೆಯಲಿವೆ.
ವಿಭಿನ್ನ ಬಣ್ಣಗಳು, ವಿನ್ಯಾಸಗಳು, ವಸ್ತುಗಳು ಮತ್ತು ಸಾಂಪ್ರದಾಯಿಕ ಕರಕುಶಲ ತಂತ್ರಗಳ ಮೂಲಕ ರೂಪುಗೊಂಡ ಈ ಸಂಗ್ರಹವು ಮನೆಗಳ ಸೌಂದರ್ಯವನ್ನು ಹೆಚ್ಚಿಸಲು ಗ್ರಾಹಕರಿಗೆ ಹಲವು ಆಯ್ಕೆಗಳನ್ನು ಒದಗಿಸುತ್ತದೆ. ಮೊದಲ ಬಾರಿಗೆ ರಗ್ ಖರೀದಿಸುವವರಿಂದ ಹಿಡಿದು ವಿನ್ಯಾಸದಲ್ಲಿ ಆಸಕ್ತಿ ಹೊಂದಿರುವ ಗ್ರಾಹಕರವರೆಗೆ ಎಲ್ಲರಿಗೂ ಈ ಮೇಳವು ಹೊಸ ವಿನ್ಯಾಸ ಗಳನ್ನು ಅನ್ವೇಷಿಸಲು ಅವಕಾಶ ಕಲ್ಪಿಸುತ್ತದೆ.
ಗ್ರಾಮೀಣ ಕುಶಲಕರ್ಮಿಗಳೊಂದಿಗೆ ದೀರ್ಘಕಾಲದ ಸಂಬಂಧ ಹೊಂದಿರುವ ಜೈಪುರ ರಗ್ಸ್, ಕರಕುಶಲತೆ ಮತ್ತು ಜೀವನೋಪಾಯದ ಜೊತೆಗೆ ಸಾಮಾಜಿಕ ಅವಕಾಶಗಳ ಸೃಷ್ಟಿಗೂ ಮಹತ್ವ ನೀಡುತ್ತಿದೆ. ಒಂದು ರಗ್ ಮನೆಯ ಸೌಂದರ್ಯವನ್ನು ಬದಲಾಯಿಸಬಲ್ಲದಾದರೆ, ಒಂದು ಸೈಕಲ್ ಬಾಲಕಿಯೊಬ್ಬಳ ಶಿಕ್ಷಣದ ಹಾದಿಯನ್ನು ಸುಗಮಗೊಳಿಸಬಲ್ಲದು ಎಂಬ ಆಶಯದೊಂದಿಗೆ ಈ ವರ್ಷದ ಮೇಳವು ವಿನ್ಯಾಸ ಮತ್ತು ಸಾಮಾಜಿಕ ಹೊಣೆಗಾರಿಕೆಯನ್ನು ಒಂದೇ ವೇದಿಕೆಯಲ್ಲಿ ಒಗ್ಗೂಡಿಸುತ್ತದೆ.