ಬೆಂಗಳೂರು: ಸೇವಾ-ಆಧಾರಿತ ಸಿಸ್ಟಮ್ಸ್ ಇಂಟಿಗ್ರೇಷನ್ ಕ್ಷೇತ್ರದಲ್ಲಿ ಜಾಗತಿಕ ಮುಂಚೂಣಿಯಲ್ಲಿ ರುವ ಕನ್ವರ್ಜಿಂಟ್, ಇಂದು ಬೆಂಗಳೂರಿನ ಸರ್ಕಾರಿ ಶಾಲೆ ಸಕಲವರ ತನ್ನ ವಿಶೇಷ ಸ್ಟೆಪ್ ಅಪ್ ಫಾರ್ ಸ್ಕೂಲ್ಸ್ ಕಾರ್ಯಕ್ರಮ ಜಾರಿಗೊಳಿಸುವ ಮೂಲಕ ಸಮುದಾಯ ಸಬಲೀಕರಣದತ್ತ ತನ್ನ ಬದ್ಧತೆಯನ್ನು ಮತ್ತೊಮ್ಮೆ ದೃಢಪಡಿಸಿದೆ.
ಕಂಪನಿಯ 25ನೇ ವಾರ್ಷಿಕ ಕನ್ವರ್ಜಿಂಟ್ ಸಾಮಾಜಿಕ ಜವಾಬ್ದಾರಿ ದಿನದ ಅಂಗವಾಗಿ, ಭಾರತಾ ದ್ಯಂತದ 400ಕ್ಕೂ ಹೆಚ್ಚು ಸಹೋದ್ಯೋಗಿಗಳು ಶಾಲೆಯ ಮೂಲಸೌಕರ್ಯ ಮತ್ತು ಸುರಕ್ಷತಾ ಅಗತ್ಯಗಳಿಗೆ ಬೆಂಬಲ ನೀಡಲು ತಮ್ಮ ಸಮಯ ಮತ್ತು ಪರಿಣತಿಯನ್ನು ಸ್ವಯಂಸೇವಕರಾಗಿ ಸಮರ್ಪಿಸಿದರು. ಸಮಗ್ರ ಸೌಲಭ್ಯಗಳ ಉನ್ನತೀಕರಣವನ್ನು ಒದಗಿಸುವ ಉದ್ದೇಶದಿಂದ ರೂಪಿಸ ಲಾದ ಬೆಂಗಳೂರು ಯೋಜನೆಯು ತಕ್ಷಣದ ಮೂಲಸೌಕರ್ಯ ಅಗತ್ಯಗಳು ಹಾಗೂ ದೀರ್ಘಕಾಲೀನ ಸುರಕ್ಷತಾ ಅವಶ್ಯಕತೆಗಳೆರಡನ್ನೂ ಪೂರೈಸುವಂತೆ ವಿನ್ಯಾಸಗೊಳಿಸಲಾಗಿತ್ತು.
ಶಾಲಾ ಆವರಣದ ಸುರಕ್ಷತೆಯನ್ನು ಬಲಪಡಿಸಲು, ತಂಡವು ವೀಡಿಯೊ ಸರ್ವೆಲೆನ್ಸ್ ವ್ಯವಸ್ಥೆ ಯನ್ನು ಪೂರೈಸಿ ಅಳವಡಿಸಿತು ಹಾಗೂ ಶಾಲೆಯ ಮುಖ್ಯ ಪ್ರವೇಶ ದ್ವಾರವನ್ನು ಉನ್ನತೀಕರಿಸಿತು. ಸಂಭಾವ್ಯ ಅಪಾಯಗಳನ್ನು ಕಡಿಮೆ ಮಾಡಲು ಶಾಲೆಯ ವಿದ್ಯುತ್ ವ್ಯವಸ್ಥೆಯನ್ನು ನವೀಕರಿಸುವ ಮೂಲಕ ಸ್ವಯಂಸೇವಕರು ಪ್ರಮುಖ ಸೌಲಭ್ಯ ಸುಧಾರಣೆಗಳನ್ನೂ ಕೈಗೊಂಡರು. ಇದರ ಜೊತೆಗೆ, ಗೋಡೆಗಳಿಗೆ ಬಣ್ಣ ಹಚ್ಚುವುದು ಮತ್ತು ಶಾಲಾ ಆವರಣವನ್ನು ಸಂಪೂರ್ಣವಾಗಿ ಸ್ವಚ್ಛಗೊಳಿಸು ವುದನ್ನು ಒಳಗೊಂಡ ದೊಡ್ಡ ಮಟ್ಟದ ಕ್ಯಾಂಪಸ್ ಪುನಶ್ಚೇತನ ಕಾರ್ಯವನ್ನು ತಂಡವು ಕೈಗೊಂಡಿತು. ಈ ಪ್ರಯತ್ನಗಳಿಂದ ವಿದ್ಯಾರ್ಥಿ ಮತ್ತು ಸಿಬ್ಬಂದಿಗಾಗಿ ಹೆಚ್ಚು ಸುರಕ್ಷಿತ, ಆತ್ಮೀಯ ಹಾಗೂ ಕಾರ್ಯಕ್ಷಮ ಕಲಿಕಾ ವಾತಾವರಣವನ್ನು ನಿರ್ಮಿಸಲಾಗಿದೆ.
ಈ ಸ್ಥಳೀಯ ಕಾರ್ಯಕ್ರಮದ ಕುರಿತು ಮಾತನಾಡಿದ ಜಿಜೇಶ್ ಕೆ, ಜನರಲ್ ಮ್ಯಾನೇಜರ್, ಸೌತ್ ಇಂಡಿಯಾ ಕನ್ವರ್ಜಿಂಟ್, ಬೆಂಗಳೂರು, ಅವರು ಮಾತನಾಡಿ, “ನಾವು ನಮ್ಮ 25ನೇ ವಾರ್ಷಿಕ ಸಾಮಾಜಿಕ ಜವಾಬ್ದಾರಿ ದಿನವನ್ನು ಆಚರಿಸುತ್ತಿರುವ ಈ ಸಂದರ್ಭದಲ್ಲಿ, ನಮ್ಮ ಸೇವೆಯ ಮೇಲಿನ ಜಾಗತಿಕ ಬದ್ಧತೆಯನ್ನು ನೇರವಾಗಿ ಬೆಂಗಳೂರಿನ ಸ್ಥಳೀಯ ಸಮುದಾಯಕ್ಕೆ ತಲುಪಿಸುತ್ತಿರುವುದಕ್ಕೆ ನಮಗೆ ಹೆಮ್ಮೆ ಇದೆ. ಸರ್ಕಾರಿ ಶಾಲೆ ಸಕಲವರದೊಂದಿಗೆ ಕೈಜೋಡಿಸುವುದರಿಂದ ವಿದ್ಯಾರ್ಥಿಗಳು ಮತ್ತು ಸಿಬ್ಬಂದಿಗೆ ಪ್ರತಿದಿನ ಪ್ರಯೋಜನವಾಗುವ ಅರ್ಥಪೂರ್ಣ ಹಾಗೂ ಪ್ರಾಯೋಗಿಕ ಸುಧಾರಣೆಗಳನ್ನು ಒದಗಿಸಲು ನಮಗೆ ಸಾಧ್ಯವಾಗಿದೆ.
ಆಧುನಿಕ ಸುರಕ್ಷತಾ ವ್ಯವಸ್ಥೆಗಳನ್ನು ಅಳವಡಿಸುವುದು ಮತ್ತು ವಿದ್ಯುತ್ ವ್ಯವಸ್ಥೆಯ ಸುಧಾರಣೆ ಯಿಂದ ಹಿಡಿದು ಶಾಲಾ ಆವರಣದ ಪುನರುಜ್ಜೀವನದವರೆಗೆ ಅಗತ್ಯ ಮೂಲಸೌಕರ್ಯ ಉನ್ನತೀ ಕರಣ ಕಾರ್ಯಗಳನ್ನು ಕೈಗೊಳ್ಳುವ ಮೂಲಕ, ಕಲಿಕೆ ಉತ್ತಮವಾಗಿ ಬೆಳೆಯಲು ಅನುಕೂಲ ವಾಗುವ ಹೆಚ್ಚು ಸುರಕ್ಷಿತ ಮತ್ತು ಬೆಂಬಲಾತ್ಮಕ ವಾತಾವರಣವನ್ನು ನಿರ್ಮಿಸಲು ನಾವು ಸಹಾಯ ಮಾಡುತ್ತಿದ್ದೇವೆ. ಈ ಪ್ರಯತ್ನಗಳಿಂದ ಸಕಾರಾತ್ಮಕ ಪರಿಣಾಮವನ್ನು ನೋಡುವುದು ನಮ್ಮ ಸಂಪೂರ್ಣ ತಂಡಕ್ಕೆ ಹೆಮ್ಮೆ ಹಾಗೂ ಪ್ರೇರಣೆಯಾಗಿದೆ.”
ಈ ಮೂಲಸೌಕರ್ಯ ಮತ್ತು ಸಂಪನ್ಮೂಲ ಉನ್ನತೀಕರಣಗಳಿಂದ ದೊರೆತ ತಕ್ಷಣದ ಮತ್ತು ಸ್ಪಷ್ಟ ಪ್ರಯೋಜನಗಳನ್ನು ಸ್ಥಳೀಯ ಶಾಲಾ ಸಮುದಾಯವು ಗುರುತಿಸಿ ಮೆಚ್ಚುಗೆ ವ್ಯಕ್ತಪಡಿಸಿದೆ.
ಸರ್ಕಾರಿ ಶಾಲೆ ಸಕಲವರ ಪ್ರಾಂಶುಪಾಲರಾದ ಮಂಜುನಾಥ್ ಮಾತನಾಡಿ, “ಕನ್ವರ್ಜಿಂಟ್ನೊಂದಿಗೆ ಕೈಜೋಡಿಸಿರುವುದರಿಂದ ನಮ್ಮ ದೈನಂದಿನ ಕಾರ್ಯಾಚರಣೆಗಳ ಮೇಲೆ ನೇರ ಪರಿಣಾಮ ಬೀರುವ ಪ್ರಮುಖ ಮೂಲಸೌಕರ್ಯ ಅಗತ್ಯಗಳನ್ನು ಪರಿಹರಿಸಲು ನಮಗೆ ಸಾಧ್ಯವಾಗಿದೆ. ಆಧುನಿಕ ವೀಡಿಯೊ ಸರ್ವೆಲೆನ್ಸ್ ವ್ಯವಸ್ಥೆಯ ಅಳವಡಿಕೆ ಮತ್ತು ನಮ್ಮ ಮುಖ್ಯ ಪ್ರವೇಶ ದ್ವಾರದ ರಚನಾತ್ಮಕ ಉನ್ನತೀಕರಣಗಳು ವಿದ್ಯಾರ್ಥಿಗಳು ಮತ್ತು ಸಿಬ್ಬಂದಿಯ ಸುರಕ್ಷತೆಯನ್ನು ಮತ್ತಷ್ಟು ಬಲಪಡಿಸಿವೆ. ಇದಲ್ಲದೆ, ಉನ್ನತೀಕರಿಸಲಾದ ವಿದ್ಯುತ್ ಮೂಲ ಸೌಕರ್ಯ, ಹೊಸ ಬಣ್ಣದ ಕೆಲಸ ಹಾಗೂ ಸಮಗ್ರ ಶಾಲಾ ಆವರಣ ಸ್ವಚ್ಛತಾ ಕಾರ್ಯಗಳಿಂದ ನಮ್ಮ ಸೌಲಭ್ಯಗಳಲ್ಲಿ ಗಮನಾರ್ಹ ಸುಧಾರಣೆ ಕಂಡು ಬಂದಿದ್ದು, ವಿದ್ಯಾರ್ಥಿಗಳಿಗೆ ಕಲಿಯಲು ಹೆಚ್ಚು ಸುರಕ್ಷಿತ ಮತ್ತು ವಿಶ್ವಾಸಾರ್ಹ ವಾತಾ ವರಣವನ್ನು ಒದಗಿಸಿವೆ.”
ಈ ಸ್ಥಳೀಯ ಕಾರ್ಯಕ್ರಮವು ಜಾಗತಿಕ ಸಾಮಾಜಿಕ ಜವಾಬ್ದಾರಿ ಧ್ಯೇಯದ ಒಂದು ಭಾಗವಾಗಿದೆ. ಈ ವರ್ಷ, ಭಾರತಾದ್ಯಂತ ಕನ್ವರ್ಜಿಂಟ್ ತಂಡಗಳು ಸ್ಥಳೀಯ ಶಾಲೆಗಳು ಮತ್ತು ಸಮುದಾಯ ಸಂಸ್ಥೆಗಳಿಗೆ ಬೆಂಬಲ ನೀಡಲು 3,400 ಗಂಟೆಗಳ ಕಾಲ ಸ್ವಯಂಸೇವೆಯನ್ನು ಸಮರ್ಪಿಸುತ್ತಿದ್ದು, ವಿಶ್ವದಾದ್ಯಂತದ ಸಾವಿರಾರು ಸಹೋದ್ಯೋಗಿಗಳು ಈ ಕಾರ್ಯದಲ್ಲಿ ಭಾಗವಹಿಸುತ್ತಿವೆ. ಈ ಪ್ರಯತ್ನವು ಕಳೆದ ವರ್ಷದ ಅತ್ಯಂತ ಯಶಸ್ವಿ ಸಾಧನೆಯ ಮೇಲೆ ನಿರ್ಮಾಣಗೊಂಡಿವೆ. ಕಳೆದ ವರ್ಷ 37 ದೇಶಗಳಲ್ಲಿನ ಸುಮಾರು 11,000 ಕನ್ವರ್ಜಿಂಟ್ ಸಹೋದ್ಯೋಗಿಗಳು ಸುಮಾರು 60,000 ಗಂಟೆಗಳ ಕಾಲ ಸ್ವಯಂಸೇವೆ ಕೊಡುಗೆಯನ್ನು ನೀಡಿ, ವಿಶ್ವದಾದ್ಯಂತ 174 ಕ್ಕೂ ಹೆಚ್ಚು ಸಮುದಾಯ ಸಂಸ್ಥೆಗಳು ಮತ್ತು 35 ಶಾಲೆಗಳಿಗೆ ಬೆಂಬಲ ಒದಗಿಸಿದ್ದರು.